Jabard
BHai maza agaya ab main part par bbiaaaoExtra Update 6
(I want to hear it all from you)
[Recap Special]
Flora's House
Spain ~ 08:47 AM
“Really? You were in that infinite prison for a hundred and thirteen years?”
Vanshika khadi huwi Aarav aur khud ke liye coffee bana rahi thi. Vanshika ke paas he Aarav khidki ke paas rakhe couch par baitha huwa tha. Aarav se Infinite prison ke baare mein sun kar Vanshika ek pal ke liye bilkul khamosh ho gayi.
Uske liye wo 12 saal bilkul bhi aasan nahi the par Aarav ke liye wo 113 saal the. Vanshika ki aankhon mein dikhayi de raha tha ke wo Aarav ke dard ko mehsoos kar sakti thi.
Aarav: Yup.
Aarav ne kisi bhi tarha ki hichkichahat ke Vanshika ke prashn ka uttar de diya. Vanshika ko bhi ab dikhayi de raha tha ke uske saamne baitha Aarav ab purana Aarav nahi tha.
Vanshika (Slight Smile): So, How was it? 113 saal monsters ke beech rehne ke baad human world mein logon ke beech dobara waapis aana kaisa tha?
Aarav: Main tumhe sab dikha sakta hu! I can share my memories... If you want!?
Aarav uski ability Mnemosyne's Gaze ki baat kar raha tha aur Vanshika usko ek baar experience kar chuki thi. Aarav usko apni memories ek pal mein dikha sakta tha.
Lekin Aarav ki offer par Vanshika ne kuch bhi nahi kaha aur coffee bana kar dono cup utha kar Aarav ke paas aa kar khadi ho gayi. Ek cup Aarav ko pakdate huwe Vanshika khud uski tangon ke beech couch par baith gayi aur apni peeth ko Aarav ki chhati ke saath laga liya.
Vanshika (Sip): Hmm ~ Nope! I want to hear it all from you.
Vanshika ne kehte huwe apna sar Aarav ke kandhe par rakh diya. Ek pal ke liye Aarav uski shararaton ko daikh kar muskurata raha aur phir Aarav usko khud uski Infinite prison ke baad ki dastan sunane ke liye taiyar ho gaya.
Aarav (Sip): Actually, I didn’t come straight back to Earth! Infinite prison se main seedhe Level up tower mein aaya tha aur welcome ki baat karu to mere waapis aate he association se Hannah, Mia aur Becky mujhe arres- Nahi, Mujhe hunt karne ke liye aayi thi kyu ke association ko lag raha tha ke main bhi kisi tarha ka monster he tha.
[System Feature (Holographic Training) Activated]
Update 41~ *Pitter-Patter*Aarav: Hamara Savagat karne ke liye log yahan aa chuke hai! Lekin un ke haatho ke weapons se lagta nahi hai ke wo yahan sirf savagat karne aye hai.
Aarav ki baat sun ker Spirit bhi chaukanni ho gayi, Aarav khara ho gaya aur Pahar se upar ane ke raaste ki taraf chala gaya, Aarav ke saamne he kuch Knight Armor pehne logo ka group uss ki taraf aa raha tha, Group ke saamne ek lady chalte huwe aa rahi thi Aarav samajh gaya ke wo he Group ko lead ker rahi hai.
Aarav: Check!
[System Feature! Level Insight Ability Activated]
[Player Name: Becky Mitchell
Level: ???
Rank: ???]
Aarav aage barhne he wala tha ke Aarav ki taraf ek bara pathar aya, Aarav ne apni Sword nikali aur usse beech se kaat dia, Aarav ne saamne daikha to wahan ek aur Larki bhi khari huwi thi.
Aarav: Check!
[Player Name: Hannah William
Level: ???
Rank: ???]
Aarav ke peeche ek aur Larki apna haath Sword per rakhe huwe opportunity ka intezar ker rahi thi.
*Check*
[Player Name: Mia Murphy
Level: 71
Rank: E]
Update 41 ~ Spirit(Sigh): Tum sach me bohat ajeeb ho! Tumhare shabd aur Emotions kabhi nahi milte, Lekin tum ye sab karna chahte ho to ker lo, Lekin mujhe ek naya naam dena mat bhool jana, Master bane ho to zimedari bhi lo.Aarav: Chamakne wala Mac-
Spirit (Furious): Main koi machar nahi hu!!! Koi dhang ka naam socho.
*Tshhhhh*
Un ke baat karte huwe he kamre ka Darwaza khula aur ek Aurat andar aa gayi, Aarav khare ho ker usse daikhne laga, 30 ke kareeb wo ek sundar aurat thi.
*Check*
[Player Name: Caroline Garcia
Level: ???
Rank: ???]
Caroline andar aa ker Aarav ke saamne table ke dusri taraf Chair per baith gayi, Uss ki nazre uss ke haath me pakri File per thi, Kuch pal wahan khamooshi chayi rahi kuch samay ke baad Caroline ne he khamoshi ko tora aur baat shuru ki.
Caroline: Aarav Arya! Mera naam Caroline Garcia hai, Special Agent in charge, Abhi Director yahan nahi hai to tumhara Case main daikhu gi.
Caroline(Reading): Hmm! Aarav tumhara kehna hai ke 2013 ko kisi gate ke andar kheenche gye the, tum ne wahan monster's ko hunt kia aur aj 10 Saal baad wapis aye ho? Am i right?
Aarav: Yup! Agar tum 10 saal keh rahi ho to abhi hum 2023 mein ho gye? Aisa hai to tum sahi ho.
Aarav ne batate huwe holographic training se kuch drishya bhi Vanshika ko dikhane shuru kar diye.
Vanshika: Hannah?
Aarav (Nod): Yes, Hannah Barbie ki kid sister bhi hai! Caroline association head Michael ki secretary hai aur Mia Michael ki beti hai aur abhi temporary meri guild ki member bhi hai aur Becky association ki ek senior officer hai.
Vanshika: Mujhe laga he tha ke main ne Hannah ko kanhi daikha tha... Aage?
Aarav: Eventually I convinced them I was a player too! They ran tests, checked everything, and finally gave me a Player ID. Uske baad main ne Akansha ko aur uski tower mein phansi party ko rescue karne mein help ki aur main Akansha se dobara mil gaya.
Update 44 ~ “Aarav Sir”
Hall ke andar se Anna aur Zoe baahir ayi, Aarav ko saamne he daikh ker wo uss ke paas aa gayi, Dono abhi bhi thori sehmi huwi thi.
Zoe: Hum ap ko thanks kehna chahte the aur Sorry bhi! Hamari wajha se ap ko ye sab karna per gaya.
Zoe ne halka bow karte huwe kaha, Lekin Anna abhi bhi sehmi huwi kuch keh nahi rahi thi, Zoe ne usse push kia to wo aage ho gayi aur kaanpti awaaz me bolna shuru huwi.
Anna: T-Thank You and Sorry!
Anna itna keh ker chup ho gayi, Usse daikh ker Aarav ke chehre per muskurahat aa gayi, Aarav aage huwa aur Anna ko apne paas karte huwe usse apni bahon me bhar lia.
Anna aur Zoe dono chaunk gayi aise Achanak se Aarav ne Anna ko gale se kyu laga lia, Lekin un dono se zyada Shock Tinkerbell huwi thi.
Anna pehle to ghabra ker kuch nahi ker saki, Lekin kuch pal waise rehne ke baad uss ke haath khud he Aarav ke gird lipat gye, Aarav se mil raha wo sakoon Anna ko wanhi rehne ke liye majboor ker rahoa tha.
Aarav: Kaisi ho? Darling!
[Check]
[Player Name: Akansha
Level: 37
Rank: F]
Aarav: That’s also where I met Tarun and Malia...! Lekin real Malia tower mein ek Kitsune ko hunt karne ke liye aayi thi. Things went bad. I had to kill her aur Kitsune ko bachane ke liye main ne Kitsune ki soul ko Malia ki body mein transfer kar diya.
Update 42 ~ *Rustle* *Rustle*Chalte huwe Aarav ko ek indian larka dikhayi dia, Wo ek bag me samaan rakh raha tha, Wo saath khara tha to Aarav samajh gaya ke ye bhi Party member he hai.
Aarav: Check!
[Player Name: Tarun Sharma
Level: 12
Rank: (F)]
Aarav uss ke paas chala gaya, Tarun apne bag me Potions, Food aur Weapons rakh raha tha, Wo ek bara Bag tha aur uss me bohat kuch bhara huwa tha.
Aarav: Ye sab tum uthane wale ho kia?
Tarun(Scared): Shitttt....*Gasping* Sorry, Tum ne Achanak bola to main chaunk gaya!
Tarun apni saanse sambhalne laga, Uss ne bilkul Expect nahi kia tha ke koi uss se baat karne aye ga to wo apne kaam me laga huwa tha.
Spirit: [Itna lamba samay Insanon ke beech na rehne se ye he ho ga! Abhi pehle insanon ke saath rehna seekho]
Spirit ne Aarav ko baat sunane ka mauka haath se nahi jaane dia, Wo ye sab aise keh rahi thi jaise wo khud per bohat proud ho.
Aarav ne usse kuch bhi nahi kaha aur Tarun per dhayan dene laga, Tarun bhi apne haath me pakra samaan neeche rakhne laga.
Tarun(Smile): I'm Tarun Sharma!
Tarun ne apna haath aage badhate huwe kaha, Uss ke chehre per ek energetic aur excitement se bharpur muskurahat thi, Aarav ne bhi uss se haath mila lia.
Aarav: Aarav Arya! Aj ke mission me main bhi join ker raha hu, Waise tum ne bataya nahi ke ye itna sab tum utha ker le jaane wale ho kia?
Tarun: Ye sab mera nahi hai! Lekin, Yup, Ye sab main le jaane wala hu, Party ka ultimate supporter, Mera kaam sabhi ke Weapons aur samaan ko carry karna hai.
“Yahan kia baate karne aye ho tum?”
Aarav aur Tarun baat ker he rahe the ke ek Larki un ke paas aa gayi, Uss ke chehre per dono ko baate karte daikh chirh saaf dikh rahi thi.
*Check*
[Player Name: Malia Hale
Level: ???
Rank: ???]
Malia(Rudely): Ek F rank hote huwe bhi tumhe ek important mission ke liye saath le ja rahe hai! Tumhe nahi lagta ke tumhe tayari per dhayan dena chahiye? Tumhari bewakoofi ya laparwahi se hume kuch bhi huwa to tumhare liye acha nahi ho ga.
Malia ate he Tarun per barasne lagi, Aarav ko samajh aa gayi ke ye un superiority complex wale logo me se ek hai, Malia ne apna ek bag Tarun ko pakra dia.
Malia(Warning): Baate karne me samay barbad mat karo! Ye bag sambhal ker rakho, Agar kuch bhi rakhna bhoole to mujh se bura koi nahi ho ga.
Malia usse warning de ker Aarav ko ghoorte huwe wahan se chali gayi, Tarun bina kuch bole Malia ka samaan bhi apne bag me rakhne laga.
Tarun: Tum miss Malia ki baato ko serious mat lena! Wo sirf sabhi ko safely mission pura karwana chahti hai, Ye to waise bhi mera kaam hai.
Aarav: Hmm, Tumhe koi pareshani nahi hai to mujhe kyu ho gi?
Malia(Whimpering): P-Plea.....Please Mujhe mat maaro *hiccup* Kia bigara hai....Kia bigara hai main ne tumhara? *Sob* Please mujhe jaane do, Aarav!Malia ne dard aur dar se kanpati awaaz me Aarav se apni jaan ki bheek maangte huwe kaha, Uss ke saamne Aarav hava me baitha huwa tha.
Aarav Malia per dhayan nahi de raha tha, Uss ka dhayan uss ke saath ghayal Kitsune per tha, Aarav ne wahan logo ko maar to dia tha lekin Kitsune abhi bhi uth nahi raha tha.
Tinkerbell: [Tum ne sab kuch to uss larke ko dikha dia hai! Ab usse baahir nazar rakhne ke liye kiu bheja hai?]
Tinkerbell ne Aarav ke kandhe per baithe huwe uss se pucha, Aarav ne Tarun ko Barrier ke baahir bhej dia tha, Tarun bina kuch kahe uss ki baat maan ker baahir chala gaya tha.
Aarav(Yawn): Usse abhi sab kuch nahi dikha sakta hu! Usse sirf utna dikhaya hai ke wo kisi ke saamne muh bhi khole to mujhe dikkat na ho, Bura larka nahi hai wo aur main aise he kisi ko maarna nahi chahta hu.
Aarav angrayi lete huwe hava se neeche aa gaya, Malia ki saanse bhaari ho gayi, Lekin Aarav uss ki taraf nahi gaya wo Kitsune ke paas chala gaya aur uss ke paas baith gaya.
Kitsune ki halat kharab thi lekin itni bhi nahi ke wo uth na sake, Aarav ne apna haath Kitsune ke sar per rakh dia.
[Unique Ability (Soul Binding) Activated]
Aarav: [Mujhe sun sakti ho kia tum?]
Aarav ne Kitsune ki soul khud se Bind ker ke Telepathy ki madad se uss se baat karni chahi, Kitsune bhi pehli baar apne mann me aise kisi insaan ki awaaz sun ker chaunk gayi.
Kitsune: [*Nod*]
Tinkerbell(Shocked): [Tum Beast se baat bhi ker sakte ho kia?]
Aarav: [Haan! Lekin sirf un se jo baat karna chahte ho, Aise he to Prison me Monster se guardian ki khabar mili thi]
Tinkerbell ko ab samajh me aa rahi thi ke Aarav konse communication ke kabil monster's mile the.
Aarav: [Ab seedhi baat per ata hu! Tum abhi bhi lar sakti ho lekin tum larna nahi chahti h, Kiu ke tum yahan nahi rehna chahti ho?]
Aarav ne ek baar dobara Kitsune ko heraan ker dia, Kitsune ke Chehre per udaasi chaa gayi aur uss ki nazre apne saamne bandhe Baby Kitsune per tik gayi.
Kitsune: Sirf yahan he nahi, Mujh me kanhi rehne ki chahat bhi nahi bachi hai! Varshon se meri prajati hamari tails ki wajha se shikaar banti ayi hai, Meri duniya ke log bhi hamari tails ke liye hamara shikaar karte the, Sirf ek main he meri prajati me se bach gayi thi, Uss duniya se jab mujhe nikala gaya to mujhe laga ke yahan main insanon ke saath mil ker reh saku gi, Lekin har Duniya me insanon ke andar lalach waisi he hoti hai, Ek baar meri shaktiyon ka pata chalne per har din mujhe un se he bach ker rehna parta hai jinhen bachane ki zimedari main ne li thi, Lekin ab aur nahi chup sakti hu main.
Aarav Kitsune ke andar daikh sakta tha, Usse wo dard dikh raha tha jo uss kitsune ne aj tak bardasht kia tha, Kitsune kisi ko hurt bhi nahi karna chahte the.
Lekin un ki apni Duniya ke logo ne he unhen apni lalach ke liye maarna shuru ker dia tha, Kitsune ye soch ker yahan ayi thi ke wo yahan nayi zindagi ki shuruvat ker sake gi, Lekin logo li lalach ne yahan bhi Kitsune ko ek shikar bana dia tha.
Har din apne bache ko bachate huwe Kitsune idhar se udhar he bhaagti rehti thi, Un ki shakti ban'nne wali tail he un ke liye Curse ban gayi thi, Uss ki kahani sun ker Aarav uss ke paas se uth ker Malia ke paas chala gaya.
Malia(Hiccup): Please.....Mujhe ek baar me khatam ker do! Main aur tumhari maar bardasht nahi ker sakti hu.
Tinkerbell: [Ye wali per tumhari Alpha Presence ne gehra Asar kia hai! Tumhare Aura me rehne se ye larki ko marna pasand hai]
[Inventory]
Aarav ne inventory me se healing potion nikala aur Malia ka sar uthate huwe usse pilane laga, Dar aur ashcharya ke saath Malia ne potion pee lia.
[Unique Ability (Soul Binding) Activated]
Malia ke ghav bharne shuru huwe he the ke Aarav ne Malia ki Soul ko bhi Bind ker dia, Malia bhi confuse ho gayi ke Aarav kia chahta hai? Ek bareek thread Malia se nikalte huwe Kitsune se ja ker connect ho raha tha.
Wanhi Aarav se thread nikalte huwe un donon se connect ho raha tha, Un teeno ki Soul Bind ho chuki thi.
Aarav: [Miss Kitsune! Tumhare paas ab 2 raaste hai, Pehla ke tumhari baat maante huwe main tumhe aur tumhare baby kitsune ko abhi yahan maar ker khatam ker sakta hu]
Kitsune ye sun ker he tham ker reh gayi, Marne ka intezar karne aur Marne ke liye haan kehne me bohat antar tha, Ab jab Aarav ne ye option saamne rakha to Kitsune ko uss raaste ka bojh mehsoos huwa.
Kitsune(Gulp): [Aur dusra Option?]
Aarav: [Dusra Option ye hai ke tum mujh per vishwas karo! Main tumhe aur tumhare bache ko yahan se nikal ker insanon ke saath rehne ka chance du ga, Lekin kaise uss per tum koi sawal nahi karo gi, Badle me tumhe hamesha ke liye meri gulam ban ker rehna ho ga]
Kitsune ke saamne Master Servant Contract aa gaya, Aarav bilkul dead serious tha, Kitsune samajh sakti thi ke agar uss ne pehla option lia to Aarav usse maarne ke liye hichkichane bhi nahi wala, Lekin kia Aarav sach me dusra Option sach ker sakta tha.
Kitsune ko ek lambe samay ke baad dobara umeed ki kiran dikhayi di thi, Lekin kia wo umeed sachi thi? Kitsune ye he daikhne ke liye Aarav ko samajhne ki koshis ker rahi thi, Lekin usse Aarav se kuch bhi dikhayi nahi de raha tha.
Kitsune: [Shayad wo insaan sach keh raha tha! Tum insaan bohat ajeeb hote ho, Har ek dusre se bilkul alag lekin ek jaisa he, Lekin tum un sab se alag ho, Sabhi achayi ka dhong rachate huwe andar se danav hote hai, Lekin tum khud ko danav keh bhi rahe ho to tum per vishwas karne ko mann karta hai]
Kitsune ne Aarav ko samajhne se haar maan li, Uss ka bacha usse he umeed bhari nazron se daikh raha tha, Kitsune ne Contract accept ker lia.
Kitsune: [Daikhte hai ke tum hamay kya naya dikhane wale ho, Insaa- Nahi.....Master]
Kitsune Aarav ki servant ban chuki thi, Aarav ne bhi samay barbad nahi kia aur apne kaam per lag gaya.
[Unique Ability (Spiritus Domination) Activated]
Tinkerbell: [Ye kia hai? *Blush* M-Master]
Kitsune ko Aarav ko aise pukarte daikh Tinkerbell bhi khud ko rok na saki, Lekin Aarav abhi uss per dhayan nahi de sakta tha.
Aarav: [Ye ek Unique Ability hai! Ye Ability kisi ko dusre ke sharir ler vash ya usse apna banane me madad karta hai, Main Kitsune ko uss ki body se nikal ker Malia ki body me bhejne wala hu, Lekin usse pehle Malia ki Spirit ko Soul battle me harana ho ga]
Aarav ki baat sun ker Tinkerbell aur Kitsune dono he chaunk gye, Lekin ye he ek raasta tha, Agar Kitsune ko sach me khud ko azad karna tha to usse apni body peeche chorni parne wali thi, Lekin Kitsune uss ke liye bhi tayar thi.
Ye Alpha ki Ability thi, Ye Ability Aarav se larne ke baad Alpha ne Use ki thi, Lekin uss battle me Aarav jeet gaya tha, Avinash ki Soul Binding ki madad se Aarav ye Ability dusro per bhi Use ker sakta tha.
Aise he Kitsune aur Malia ke beech Soul Battle shuru ho gaya, Ab aage ka kaam Kitsune ke upar tha, Kuch samay un ke beech Battle chala lekin ye Aarav aur Alpha ke battle ki tarha lamba nahi gaya, Akhir me Kitsune ki jeet ho gayi.
Vanshika: Poor Kitsune! Wo to sirf khud ke liye aur apne bache ke liye ek shaant jeevan chahati thi... Lekin manushya unke jeevan ko bhi narakh banane ki koshish kar rahe the.
Vanshika ko Kitsune ko daikh kar khud ka bhi dard yaad aa raha tha. Vanshika bhi Kitsune ki tarha he ek shaant aur uski buri yadon se dur jeevan ke liye spain aayi thi.
Aarav: Akansha, Tarun, Malia aur Peter k-
Vanshika: Peter?
Aarav: Main ne Peter ka nahi bataya?
Vanshika: Nahi.
Aarav: Oh, Okay. Peter bhi ek player hai par player se bhi achha wo spy hai! Peter ke paas insect ko tame karne ki ability hai. Shuruaat mein to main sirf Peter ko information ke liye pay karta tha par ab Peter sirf mere liye he kaam karta hai aur baaki sab ke saath wo bhi meri guild ka part hai. Lekin usko sab ke beech rehna pasand nahi hai.
Update 45 ~Level Up Tower Island
Island Restaurant ~ 9:43 AM
Jahan Aarav table per baitha Akanksha aur Zoe ke saath khaana kha raha tha, Wanhi un se kuch table dur he Malia baithi huwi thi.
Malia ke saamne ek larka baitha huwa tha, Larke ne khud ko cover kia huwa tha, Ye larka Player's me sab se best informer tha, Kuch bhi information chahiye ho iss ke paas se hamesha kuch na kuch mil he jaati thi.
Larka: Miss Malia? Ap ne aj mujhe khud se bula liya?
Malia: Information he kuch aisi khaas chahiye thi, Peter! Lekin tumhe sach me sab kuch pata hai na?
Kitsune ne kal raat he Malia ke pure style ko ache se seekhne ki koshish ki thi, Perfect to nahi lekin wo okay kaam ker rahi thi, Aarav ki taraf se uss ka ye pehla kaam tha.
Peter: Sayani Family? Hmm, Let me remember, Ummm, Kuch information to hai mere paas, Lekin kia keemat utni achi hai ke ye khabar de saku main?
-----
Update 51 ~
*Ring-Ring*
Aarav ke desk ke upar rakhe Phone per call ane lagi, Aarav ne Screen per daikha to uss per Peter ka naam flash ho raha tha, Uss ka naam daikhte he Aarav ne phone utha liya.
Aarav(On Call): Hello!
Peter: Aarav Sir! Kaise ho ap?
Aarav: Badhiya hu! Lekin abhi mujhe call karne ka reason batao gye kya?
Peter(Chuckle): Kya Sir? Kitne din baad baat ho rahi hai, Thoda to pyaar se baat karo na!!!
Aarav: Huh!!!
Peter: Bata raha hu! Sorry, Ap abhi kahan ho?
Uss ki baat sun ker Aarav desk per daikhne laga, Desk ke upar ek makhi baithi huwi thi-
Aarav: Jab tum mujhe daikh rahe ho to puchne ki kya zaroorat hai? Ab seedhe batao ke kya baat hai?
Peter(Shocked): Ap ko pata tha? Lekin kab se?
Peter ki ability thi Vision Share karne ki, Ability se wo kisi ki bhi nazron se daikh sakta tha, Lekin kisi insaan ke saath vision share karna uss ke liye possible nahi tha.
Aise janwaro aur keede makodon ke saath vision share ker ke wo bina wahan huwe sab per nazar banaye rakh sakta tha, Aarav ne tower se nikalte he uss makhi ko mehsoos ker lia tha.
Ye uss ki ability ki ek weakness thi. Vision share karte samay tamed creature ke saath Mana bhi share hota tha. Lekin small insect type tamed creatures ke saath bohat kam Mana share hota tha to Peter unko he Use karta tha spy work ke liye.
Lekin Aarav ki Senses se utna Mana bhi nahi bachta tha, Kanhi bhi Privacy me jaate huwe Aarav uss makhi se peecha chudwa kar jata tha.
Peter(Sigh) Sorry! Ab aur kuch shararat nahi karu ga, Ap ne mujhe ap ki nayi family per nazar banane ke liye kaha tha na? Aj mujhe ap ki behan ki kuch khaas khabar mili hai.
Vanshika: Hmm.
Aarav: Peter se mujhe Vansh ke baare mein pata lag gaya. Lekin usko baahir nikalne ke liye mujhe ek powerful background chahiye tha... Aur uske liye main Singh parivar ka ek sadasya ban gaya.
Pratap Singh (Head of the Family)****
Amar Singh - 59 (Pratap's Elder Son)
Radhika Singh- 53 (Amar's Wife)
Kunal Singh- 34 (Amar's Son)
****
Vikram Singh - 56 (Pratap's Second son)
Meera Singh - 52 (Vikram's Wife)
Veer Singh - 23 (Vikram's Son) (Dead)
Aarav Singh - 31 (Vikram's Second Son)
Tanushree Singh - 22 (Vikram's Daughter)
****
Karunesh Singh - 43 (Pratap's Third Son) (Dead)
Priya Singh - 48 (Karunesh's Wife)
Ishika Singh - 29 (Karunesh's Daughter)
****
Ananya Singh - 51 (Pratap's Daughter)
Rohit Verma - 53 (Ananya's Husband)
Riya Verma - 24 (Ananya's Daughter)
----
Update 46 ~
“Ap keh rahi ho ke main ap ka beta ban ker Parivar ka hissa ban jau?”
Aarav ne ek baar dobara Meera ki baat doharate huwe usse bataya ke wo kya keh rahi hai, Lekin Meera ko ache se andaza tha ke wo kya keh rahi hai, Uss ki baat sun ker Vikram aur Pratap bhi heraani me doobe huwe the.
Vikram(Whisper): Ye tum kya keh rahi ho? Hum aise he kisi ko bhi apna beta bana ker sab ke saamne le aye? Agar sab ko vishwas karwa bhi de ke ye hamara beta hai, Lekin kya hum sach me iss larke per bharosa ker bhi sakte hai kya?
Vikram ka reaction bilkul sahi tha, Usse ye samajh nahi aa rahi thi ke Meera ne aisa sujhav saamne rakha bhi kyu hai, Lekin Pratap kuch bhi nahi keh raha tha aur khamooshi se sun raha tha.
Meera: Please, Ek baar mujh per vishwas ker ke sochiye na! Hum aise he to isse kuch nahi de sakte hai na? Lekin agar ye hamara beta ban jaye ga to hume Aarav ko kuch dene me dikkat bhi nahi ho gi.
Vikram ko kuch samajh nahi aa rahi thi, Wo sirf apni patni ko samajhne ki koshish ker raha tha, Meera ke Chehre per bhi nervousness dikh rahi thi.
Vikram: Asli wajha ye nahi hai! Baat kuch aur hai, Lekin tum mujhe batana nahi chah rahi ho?
Vikram ne apni Patni ko aise bechain pehle kabhi nahi daikha tha, Uss ki patni hamesha uss ke saath chalne walo me se thi, Lekin pehli baar wo aise kisi baat per Bechain ho ker Vikram ko mana rahi thi.
Pratap: Vikram! Meera beti ne aj tak kuch bhi bura nahi socha hai, Agar usse lag raha hai ke ye ek acha nirnay hai to hume uss ka saath de ker baat ko samajhne ki koshish karni chahiye.
Vikram: Lekin Papa Ji? Ye koi chhota nirnay nahi hai na? Hum kisi anjan ko apna beta kaise bana sakte hai? Hume to pata bhi nahi hai ke usse chahiye kya hum se?
Vikram awaaz dheeme rakhte huwe baat ker raha tha, Lekin Aarav ko sab kuch sunayi de raha tha, Aarav bhi kuch soch me dooba huwa tha.
Tinkerbell: [Ye ho kya raha hai? Hum to yahan sirf paise lene aye the na? Mujhe ye Aurat sanki lagti hai, Paise lo aur nikalne ki karte hai]
Tinkerbell ne Aarav se kaha lekin Aarav uss ki baat per dhayan nahi de raha tha, Aarav ko sach me uss sujhav per sochte daikh Tinkerbell bhi heraan ho gayi.
Tinkerbell: [Don't tell me! Tum sach me serious ho iss baare me?]
Aarav: [Ye Aurat kisi chal per ho sakti hai! Lekin ye kehna galat nahi ho ga ke ye hamare liye ek acha sujhav hai, Tumhe pata hai ke ye duniya ke liye asli power kya hoti hai?]
Tinkerbell: [Hmm, Paisa?]
Aarav: [Sahi, Lekin sirf Paisa kafi nahi hai! Tumhare paas bohat paisa ho sakta hai, Lekin sirf uss Paise ko power nahi keh sakte]
Tinkerbell: [Phir aur kya hai Power?]
Aarav: [Naam! Ek Powerful Naam ke liye Paisa zaroori hai, Lekin uss naam ko Powerful banane ke liye Samay aur Bal dono lagte hai, Lekin agar wo naam mujhe aise mil sakta hai to mere khel me hum ek saath bohat aage barh sakte hai]
Aarav ke chehre per ek Muskurahat ane lagi thi, Jaise wo khud ko apne maksad ke aur bhi kareeb daikh raha tha, Tinkerbell ko kuch samajh to nahi aa rahi thi, Lekin usse ye Vishwas tha ke Aarav sab kuch soch ker he ye nirnay le raha tha.
Vanshika: Ye Tanu hai?
Update 46 ~ “Koshish bhi mat karna andar kadam rakhne ki!!!”Aarav ne peeche daikha to sidhiyon ke paas Tanu khari gusse se usse ghoor rahi thi, Aarav wanhi darwaze ke beech me ruk gaya, Tanu tez kadmo ke saath Aarav ke paas aa gayi.
Tanu ki Aankhe rone se laal ho gayi thi, Uss ke gaalo per abhi bhi ansoo ke sukhe nishan the-
Tanu(Furious): Ye kamra Veer bhayia ka hai! Tum na to un ke kamre me aur na he hamare parivar me aa sakte ho, Main tumhe kabhi Veer bhayia ki jagha nahi lene du gi.
Tanu ne Aarav ko pakarte huwe usse baahir khichne lagi, Lekin uss ke jaisi nazuk larki ke khichne se Aarav apni jagha se hil bhi nahi raha tha, Ye baat usse aur bhi chidh-chidha rahi thi.
Tanu: Niklo hamare ghar se! Tum kabhi Veer bhayia ki kisi bhi cheez ko nahi chune wale, Nikal jao ab, Ughhhh!!!
Tanu apni puri takat laga rahi thi, Lekin Aarav ko kuch farak bhi nahi per raha tha, Wo waise he bina hile sirf khara huwa tha.
“Tanu?”
Sidhiyon se upar ati Ishika ne jab Tanu ko daikha to wo chaunk gayi, Bhaagte huwe wo un ke paas aa gayi aur Tanu ko Aarav se alag ker diya, Tanu Ishika ki seene me muh de ker rone lagi.
Tanu(Sobbing): Ishika Di! Ap iss insaan se kaho na ke bhayia ke kamre se nikal jaye, Mujhe nahi chahiye koi aur bhai, Veer bhayia ki jagha kisi aur ko nahi leni chahiye na?
Ishika(Consoling): Tanu, Bari Maa ne abhi tumhe samjhaya hai na? Ye sab Dada Ji ka decision hai aur Veer bhayia ki bhi ye khawahish thi.
Tanu: Mujhe nahi vishwas Maa ki baat ke upar! Ye insaan sab ko pagal bana raha hai, Hum kisi lawyer se baat karte hai na? Ap to jaanti ho gi na kisi ko?
----
Update 91 ~
Aarav: Veer aur main twins nahi hai! Aur na he hamare beech kisi bhi tarha ka khoon ka rishta hai.
Aarav ki baat sun Tanu aur Ishika dono ko he chup lag gayi, Dono he usko hairani se daikh rahi thi, Unhe to jaise uski baat per vishwas he nahi ho raha tha, Lekin Kunal ke uske saath dene se unko ye jhoot bhi nahi lag rahi thi.
Ek bomb ki tarha ye khabar unke sar per phat gayi thi, Aisa nahi tha ke unhe shak nahi huwa tha, Lekin ek samay ke baad unhe apna shak sahi saabit hone ka he dar tha aur aj wo ho gaya tha.
Tanu: Y-Y-YE A.....Ap kya keh rahe ho? Aisa kaise ho sakta hai? Veer bhayia ne khud he unki voice recording me ap ko unka m bhai kaha tha...Ye kaise ho sakta hai?
Tanu ka shareer ab buri tarha se kaanpna shuru ho gaya tha, Kunal ne uske kandhe ko sehlane shuru ker diya, Tanu Kunal ki taraf daikhne lagi jaise puchna chah rahi ho ke ye sab jhoot ha hai na?
Dusri taraf Ishika ka haath bhi Nandini ne pakad liya, Lekin Ishika ne khud ko Tanu se achi tarha sambhala huwa tha.
Aarav(Sigh): Kyu ke Veer mujhe uska bhai he kehta tha! I have something inside me that belongs to his real twin...Ye he kaaran hai ke Veer mujhe uska bhai kehta tha.
Nandini: Like what exactly? Ap organs ya bone marrow ki tarha ka kuch keh rahe ho kya?
Aarav: Kuch aisa he hai! Lekin sach ye he hai ke main Veer ka bhai nahi hu aur sach kahu to yanha main rishte banane aya bhi nahi tha, Yanha main khud ke ek swarth ke kaaran aya tha aur ab sab kuch khatam ho gaya hai.
Aarav uski baat keh ker chup ker ke baith gaya, Uske baar pure kamre me khamoshi chha gayi, Tanu uska sar pakad ker baithi huwi thi, Sab uske he kuch na kuch kehne ka intezar ker rahe the.
Tinkerbell: [Lagta hai ke ab yanha se bhi nikalne ka samay aa gaya hai! Lekin ye ladki achi lagne lagi thi, Bura to lag raha hai...Lekin kya he ker sakte hai, Ek tarha se hum ne usko dhoka he to diya hai]
Aarav: *Sigh*
Aarav uth ker khada ho gaya, Uska udhar kaam khatam ho gaya tha, Uske paas ab rukne ka koi bhi kaaran nahi tha, Pratap ki bimari bhi cure ho gayi thi to uski taraf se bhi deal complete ho gayi thi.
Tanu: Lekin....Agar A-Ap ka swarth pura ho gaya tha aur sab kuch khatam ho gaya tha to ap ye sab batane waapis kyu aye?
Aarav ke kadam ruk gye, Lekin uske paas kehne ke liye kuch bhi nahi tha, Ye Aarav ko bhi nahi pata tha ke wo kis umeed ke sab kuch batane aya tha?
Aarav ne sab he reactions ko expect kiya tha, Lekin Aarav khud konse reaction ko daikhna chahata tha? Ye Aarav ko bhi nahi pata tha, Tanu khadi ho gayi aur Aarav ke paas aa gayi
Tanu Aarav ki aankhon me aankhe daal ker daikh rahi thi, Lekin uski khud ki aankhe he aansuon se bhari huwi thi.
Tanu: Kya ap ke andar abhi bhi Veer bhayia ke twin ka wo kuch hai?
Aarav: *Nod*
Aarav ne uski taraf daikhte huwe haan me sar hila diya, Usko bhi kuch nahi pata tha ke Tanu kya kehna chahati hai, Lekin uske dil ki dhadkane bhi tez ho gayi thi.
Tanu ne Aarav ki taraf daikhte huwe uska haath pakad liya, Aarav usko hairani se daikhne laga, Tanu ne ek rakhi ko Aarav ki kalai per baandh diya.
Uski kalai per Urvi aur Suhani ki Rakhi ke saath he Tanu ki Rakhi bhi thi, Aarav ne ghadi ki taraf daikha to Rakshabandhan khatam hone me samay tha.
Tanu: Ap ke andar agar kuch na bhi hota to koi baat nahi thi! Lekin ap mere bhai ho aur ye ek sachai hai, Agar abhi bhi ye baat samajh nahi ayi hai to issi rakhi se abhi ke abhi ap ka gala bhi ghont sakti hu, Samjhe kya?
Aarav ek pal ke liye Tanu ko daikhta he reh gaya aur agle he lamhe uske chehre per bhi muskurahat aa gayi, Unko daikh baaki sab bhi hansne lage.
Tanu: Hansna baad me hai! Ye batao ke ap samjhe ya nahi samjhe?
Tanu abhi bhi pareshan thi, Aarav ne usko kuch bhi bataya nahi tha, Usko ab bhi dar lag raha tha ke Aarav chala jaye ga.
Aarav(Smile): Yes...!
Tanu(Scared): Kya samjhe?
Aarav(Smile): Ye samjha ke we might not share a blood bond! But we can still forge a bond that’s even stronger than any blood ties.
Aarav ne kehte huwe ek chocolate Tanu ke muh me thuns di, Tanu khadi usko aankhe phaade daikhti he reh gayi, Aarav aur baaki sab usko aise hairan khadi daikh ker hansne lage.
Lekin Tanu ne kisi per thoda bhi dhayan nahi diya aur Aarav se lipat gayi, Aarav ne bhi usko banhon me bhar liya aur uski peeth thapthapane laga.
Aarav: Happy Rakshabandhan...!
Aarav (Nod): Yes!
Vanshika: She's Cute... Urvi ki absence mein bhi tumhare paas Tanu ki shakal mein ek aur Urvi thi? *Smile*
Aarav: Nahi... Tanu ya koi bhi kabhi Urvi ki jagah nahi le sakta... Lekin Tanu ko kisi aur ki jagah lene ki zaroorat bhi nahi hai. Uske liye meri jagah mein uski khud ki ek special place hai *Smile*
Aarav ne Tanu ke hologram ki taraf daikhte huwe kaha aur uske chehre par muskurahat aa gayi.
Aarav (Continue): After that, I created the Eterna Power Generator and launched it through Singh Enterprises! Project ki funding ke bahane main ne Sonia ke kareeb ho gaya. I didn’t really ask her to join me. I made her join me.
Update 53 ~ Aarav: Miss Sonia? Mujhe laga nahi tha ke itni jaldi ap ko dobara daikh saku ga!Sonia: Aisa kya? Lekin jab saamne wala ap ke jaisa dilchasp insaan ho to milne ka mann karta rehta hai.
Aarav muskurate huwe apni chair per baith gaya, Sonia uss ke saamne baith gayi.
Aarav: Kya le gi ap?
Sonia: Actually mujhe ek aur meeting attend karni hai! Agar hum seedhe business per aa sakte to mujhe zyada khushi hoti.
Aarav: Sure! kahiye ap ko kya kehna hai?
Sonia: Mr.Aarav, Yahan aj mere ane ka maksad Blue Moon project se related hai! Main Blue Moon project ko sponsor karne me interested hu.
Aarav: Hmm! Meri secretary ne ap ko sabhi conditions bata di ho gi?
Aarav ki baat sun ker Sonia ne apne bag me se ek Envelope baahir nikal liya, Envelope daikhte huwe uss ne Aarav ki taraf khisaka diya.
Sonia: Ye meri conditions hai! Ek baar padh len.
Aarav ne envelope se contract nikal ker usse padhne laga, Sonia ki company project me bohat zada Shares maang rahi thi, Aarav ne usse waapis table per rakh diya.
Aarav: Nope! Ye demands acceptable nahi hai.
Sonia: Mr Aarav, Shayad ap situation ko samajh nahi rahe! Ap ki company ki reputation Sachin Malhotra ki wajha se bohat kharab huwi huwi hai, Ap jo shares offer ker rahe ho uss per sponsor milna bohat mushkil hai, Shayad koi aye bhi nahi.
Aarav: To main puch sakta hu kya? Miss Sonia, Phir ap yahan kya ker rahi hai?
Aarav chair per relax hote huwe kaha, Sonia ko aise javab ki he umeed thi, Sonia ke aage bade bade log dab gaye the, Lekin Aarav uss ki aankhon me Aankhen daal ker baat ker raha tha.
Aarav: Wo log yahan nahi aye gye kyu ke wo ye project deserve nahi karte! Lekin hum dono ek he tarha se soch rahe hai, Un sabhi logo ka vision sirf Eternapower tak seemit hai, Lekin tum yahan aage ka soch ker ayi ho, Lekin tumhe Blue Moon ka future dikh raha hai!
Aarav ne beech me ap se tum kehna shuru ker diya, Sonia usse dhayan se observe karte huwe uss ki sabhi baate sun rahi thi, Lekin wo andar he andar Aarav se impress hoti ja rahi thi.
Sonia(Smile): Bilkul jaisa mujhe laga tha! Tumhari target shuru se main thi? Baaki sab sirf promotion ke liye wahan the!
Aarav uss ki baat sun ker muskura diya, Blue Moon project ko Sponsor karne ki power sirf kuch logo ke paas thi, Un me se ek Sonia thi.
Aarav ne drawer khola aur ek naya Envelope nikal ker table per rakh diya.
Aarav: Ye ek nayi offer hai! Conditions abhi bhi Wohi hai, Lekin ab ye contract sirf Eternapower ke kiye nahi pure Blue Moon project ke liye hai, Mujhe 10 bewakoof sponsor se tumhare jaisa ek Strong partner saath rakhna acha lage ga.
Aarav ki offer sun ker Sonia muskuaye bina nahi reh sakti thi, Aarav kitne risky decisions le raha tha ye dono ko pata tha ke ye bewakoofi hai, Lekin Aarav ki offer dikhane ka andaz he usse alag bana raha tha, Sonia khud ko rok nahi sakti thi.
Sonia(Smile): Tumhare saath kaam ker ke acha lage ga! Main sach me daikhna chahti hu ke tum mujhe kya kuch naya dikhane wale ho, Mr. Aarav Singh!!!
Aarav: Tum bilkul bhi disappoint nahi ho gi! Bohat kuch naya daikhne ko mile ga
----
