• Limted Time Offer!
  • If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Romance " Fitoor "

Status
Not open for further replies.
Siraj Patel

Siraj Patel

The name is enough
Staff member
Sr. Moderator
136,002
112,806
354
Samurai said:
Update ~ 46


Rahul Natasha ke ghar ke guest room me sir pakde baitha tha aur samne uski mom baithi lakhon lakh sawaal poonchh rahi thi par majaal hai ki wo kisi sawaal ka jawab de raha ho , uske to dil o dimag me bure vicharon ke aatankwadi hamle ho rahe the aur mukhya sawaal ye tha ki kahi Riya ne use aur Natasha ko wahan dekh to nahi liya tha , agar dekh liya hoga to kaise react karegi , kya rooth jayegi ya use safai ka mauka degi .


" ye pyaar ka case bahot hi sensitive hota hai , kaho kuchh aur samne wala kuchh aur samjh leta hai aur kabhi kabhi to chhote se kisse ka bhi afsana ban jata hai . Bhoole se bhi agar beech misunderstanding aa gayi to National issue ho jata hai . Uska naam lekar roya bhi jata hai aur use duniya jahan ke nakhare bhi dikhaye jate hain aur haan isme dono paksh barabar ke jimmedar hote hain :D "


Rahul ne darte darte Riya ko call lagaya . Ring jate hi usne chain ki saans li , abb bhi use halaat uske hi paksh me lage . Tabhi uski najar WA msgs par gayi jisme kisi unknown no. se 5 photos sent ki gayi thi . use dekh kar to Rahul uchhal pada aur uss no par call karne laga jisase photos aayi thi lekin no. switch off aa raha tha . Rahul ne lagatar kayi call lagaye . Par jab no. nahi khula to usne apna phone samne deewal par de mara aur wapas Lakme Fashion Week wale venue par bhaga .


######


Riya ne jab Rahul ki call dekhi to use wapas rona aa gaya . Aarav ko kuchh bhi samjh nahi aaya to usne Riya ko ghar chalne ke liye force karna shuru kar diya kyu ki andhera aur thand dono hi badh rahe the .


Aarav ~ Riya andhera ho raha hai chalo tumko ghar chhod doon .


Riya ~ Aarav mujhe ghar nahi jana hai :(



Aarav ~ are kab tak yahan baithi rahogi thand bhi to badh rahi hai .


Riya ~ Aarav please mujhe ghar nahi jana hai tumko der ho rahi hai to please tum jao .



Aarav ~ ye kya bakwas hai yaar , mai tumko chhod kar bhala kyu jaunga para samjho yahan andhera hone kd baad baithna unsafe hai .



Riya ~ par mujhe ghar mat le chalo :(



Aarav ~ mere ghar chalo ,



Riya ~ nahi ,



Aarav ~ are meri mom aur sis bhi hai udhar aur ek chhota sa pup bhi hai aur guess uska kya naam hai ?


Riya ~ kya ?



Aarav ~ Hitler , chalo milwata hoon.



Riya ~ phir kabhi plz



Aarav ~ ji nahi aaj , abhi :pray:


Riya taal na saki Aarav ki baat kyu ki wo dukhi bhi thi aur ghar bhi nahi jana chahti thi . Aarav ne jab car apne gharki taraf ghumai to usase pahle Reveka ko msg drop karna nahi bhoola , lekin wo ye na dekh saka ki pichhle 3 ghante se koi uske aur Riya ke peechhe lagatar hai ..



#####



Dhruva ka man to kar raha tha ki wo Natasha ko yahi chhod kar Rahul ke paas pahunch jaye lekin Rahul ko call hi nahi lag rahi thi . Bar bar wo Rahul ko call laga raha tha par Rahul ka mobile to kayi tukdon me bata hua tha to kaise lagta .Natasha ne jab Dhruva ko busy dekha to usne jhatt se kisi ko call laga kar fusfusate huye kaha ,


" mujhe nahi pata kuchh bhi wada kiya hai to nibhana bhi padega . Mujhe usase chhutaka aaj ke aaj hi chahiye kyu ki aaj ki raat meri jindgi ki sabse khas raat hai . "
Click to expand...
Super duper update bhai ekdum jhakaas mind blowing
 
  • Like
Reactions: Samurai
Status
Not open for further replies.
Top