Fantasy HERO NO. ZERO

[THE ZERO]

Update 30 posted

 

[THE ZERO]

Nice update

Thanks for comment bro

 

[THE ZERO]

Nice update

Thanks bro

 

[THE ZERO]

Mast update bhai

Thanks bro

 

[THE ZERO]

Superb update
Agle update ka besabri se intezar hai

Thanks for comment bro

 

[THE ZERO]

Super update Bhai

Thanks for comment bro

 

[THE ZERO]

Bro shandar lajwab updated bro

Thanks for comment

 

[THE ZERO]

Bahut hi sunder story

Thanks for comment bro

 

[THE ZERO]

Bahot behtareen zabardast shaandar update
Aakhir kaar kadi mehnat ka fal mil gaya Rohan ko
Lekin udher Rohan ki family per khatra manra raha h dekhte kia hamla hone se pehle Rohan waha pahoch payega
Dekhte h aage kia hota h

Thanks for comment bro aise hi sath bane rahe aur apna bahumulya comment dete rahe

 

[Zaigham Bhatti]

Waiting for next update

 

[THE ZERO]

Update 17 (Megha Update)​

Recap

Apne abhi tak padha ki Rohan ghumte huye chakra ka raj jan jata hai darasal wo chakra nhi balki us chakra ke aage ek kavach laga huya tha aur wahi kavach ghum raha tha.
Fir Rohan us kavach ke tod ko dhundta hai jo panch chitra me se koi ek tha aur us chitra ke niche ek hint chhoda huya tha jo tha.
TUMHE USE DHUNDHNA HAI JO HAWAO KA SHROT HAI AUR WAHI HAWAO KI JIVAN BHI HAI
Bahut sochne ke bad Rohan ko samajh me aata hai un chitra me se dharti ka chitra hi us kavach ka tod hai.
Fir Rohan us kavach ko tod deta hai jisse use ek kavach ka taknik bhi hasil huya jiska name tha Rudra kavach.
Fir Rohan us chakra ke pass jakar bahut hi muskil ke sath us chakra ko hasil kar leta hai.
Idhar rounak ke pita Ranjit mehra ko bhi pata chal jata hai ki uske putra rounak ko shreya me mara hai jisse rounak koma me chal gaya hai to ghuse me rayjada pariwar par hamla karne ke liye taiyar ho jata hai.
Idhar birendra ko bhi pata chal jata hai ki Ranjit mehra uske pariwar par hamla karne aa raha hai to wo bhi un logo se ladne ke liye puri taiyari kar leta hai.
Idhar pure Kanchan pur me sabhi ko pata chal jata hai ki mehra pariwar rayjada pariwar par hamla karne wala hai yaha tak ki sharma pariwar ko bhi malum ho jata hai ki rayjada aur mehra me ladayi hone wala hai.

Ab aage

Surya jab breslet ban kar mere hatho me aaya to mai use apne ek hath me pahan leta hu agar ab use koi dekhta to bas use ek breslet hi samajhta.

Mai- Tum breslet me badal gaye to ab mai tumse bat kaise kar paunga.

Surya- (Mere man me) ab mai tumse tumhare man me hi bat karunga agar tumko mujhse bat karna hoga to bas apne man me bol dena mai sun lunga.

Mai- Oh achha aisa hai to fir thik hai kisi ko pata bhi nhi chalega ki mai kisi se bat kar raha hu.
Achha Surya Bhai ab hamlog yaha se bahar kaise nikalenge.

Surya- Waise hi jaise tum yaha aaye the.

Mai- Mai to uper se aaya tha lekin upar se bahar kaise jayenge itna uper koi kaise jaa sakta hai.

Surya- Are yar sab nhi Jaa sakte lekin tum Jaa sakte ho.

Mai- wo kaise.

Surya- Aye yar itna jaldi bhul gaye ki tum jab se vayu chakra hasil kiya hai tab se tum hawao ko kabu kar ke ud sakte ho.

Mai- Nhi bhai mai bhula nhi hu lekin itna uper ud kar jana bahut muskil hai.

Surya- Koi muskil nhi hai tum asani se uper Jaa sakte ho prayas to kar ke dekho.

Surya ke bat man kar mai hawao ko kabu kar ke udne laga aur dhire dhire udte huye us khayi numa ghati se bahar nikal gaya mujhe us ghati se nikalne me karib 10 minut lag gaya jiske karan mere sharir ki sari urja khatam ho gaya.

Fir mai wahi bait kar apne absorption power ko bahar nikala aur spritual shaktiyon ko apne andar sokhne laga thodi tak spritual shakti ko sokhane ke bad mere sharir ki urja wapas aa gaya to mai waha se apne ghar ke taraf nikal gaya.

Mai waha se jangal ke raste ghar jaa raha tha ki tabhi achanak mujhe kisi janwar me dahad sunayi di.

Mai jaise hi wo dahad suna to mai chauk gaya kyuki wo dahad thik mere pichhe se aa raha tha.

Mai satarkta se pichhe mud kar dekha to dekha ki ek janwar mere pichhe khada hai jo dekhne me kisi lion ki tarah lag raha tha lekin sirf uska dhad hi lion ki tarah tha baki pichhe ke hisa jo ki uski puchh thi wo kisi bichhu ki tarah tha.



Wo dikhne bilkul aisa tha usko dekhte hi meri halat kharab ho gayi kyuki ye rank 2 ka beast tha jiska name Bichhua tha.

Bichhua ek agni mul ke beast hote hai jo apne sikar par apne muh se aag fek kar hamla karte hai aur unke puchh jo ki ek bichhu ka hota hai wo bahut jahrila hota hai wo itna jahrila hota hai ki agar uska dank kisi ko lag gaya to uska bach pana mushkil hota hai.

Bichua beast ek rank 2 ka janwar hote huye bhi kisi srijankar rank me advance level ke yodha ko aram se takar de sakta tha.

Mai jab Bichhua ko dekha to darte huye apne man me hi surya se bola.

Mai- Surya Bhai ye to Bichhua janwar hai is janwar ka aatank is jangal me bahut jyada hai is liye koi bhi jangal ke is chhor me nhi aata.
Ab ham to buri tarah se fas gaye hai ab tum hi batao yaha se kaise bhaga jaye.

Surya- Yaha se bhagna kyu hai ye to tumhare liye aur bhi achha mauka hai kyuki abhi tak tum sirf practice hi karte aa rahe ho tumhe Vastwik yudh ka koi anubhav nhi hai.
Yahi sahi samay hai vastvik yudha ka anubhav lene ka.
Ek bat hamesa yad rakhna jabtak tum jivan aur mrityu ke akhari padav tak yudh ka anubhav nhi loge tab tak tum ek sacha yodha nhi banoge.
Aise bhi kaha gaya hai ki agar dhatu ko aag me tapa kar achhe se nhi pitoge to wo kabhi bhi ek talwar ka akar nhi lega.
Tum darna band karo aur mukabla karo tum agar apne sare shakti ka istemal karoge to ye Bichhua tumhare aage kabhi nhi tik payega.

Surya ke bat sun kar mere andar josh bhar gaya aur mai Bichhua se ladne ke liye taiyar ho gaya.

Idhar Bichhua bhi mere uper hamla karne ke liye taiyar tha wo dhire dhire mere taraf badh raha tha.

Mai dhyan se bichhua ke har harkat dekh raha tha kyuki savdhani hati aur durghatna ghati isliye mai pahle se hi savdhan tha.

Abhi wo dhire dhire mere taraf badh hi Raha tha ki achanak wo mere uper chhalang laga diya jaise hi wo mere taraf chhalang lagaya mai pahle se hi savdhan tha is liye mai turant hi apne jagah se side ho gaya aur ek punch uske jabde par mar diya.

Lekin ye kya usko to mere punch se koi farak hi nhi pada lekin punch lagne usko kuchh ho ya na ho lekin usko gusa jarur aa gaya tha.

Wo guse me mere tarah apne puchh se hamla kiya ye dekh kar mai uske dank se bachne ki kosish karne laga mai kisi tarah uske dank se to bach gaya lekin uska puchh aa kar mujhse takra gaya jiske karan mai udte huye pichhe ja gira jiske karan mujhe chhoti moti chote aayi fir mai apne aap ko sambhalne laga.

Mai abhi khud ko sambhalta usse pahle hi wo fir apne dank se mere upar hamla kar diya ye hamla itna achanak huya tha ki mujhe dhyan hi nhi Raha.

Achanak huye is hamle mai puri tarah se hadbada gaya mere dhyan is waqt Bichhua par nhi tha isi ka fayda utha wo mujhpe hamla karne ke liye taiyar huya aur hamla kar diya.

Bichhua ka dank mujhe lagne hi wala tha ki tabhi mai apne samne Rudra kavach ko prakat kar leta hu jiske karan bichua ka war aakar mere kavach se takraya aur uska war Khali gaya.

Apne war ko Khali jata dekh Bichhua guse se pagal ho gaya aur apne muh se mere uper aag ke gole se hamla karne laga lekin uska sara aag ka gola aa kar mere kavach se takra kar nast ho ja raha tha.

Ab mujhe bhi bichhua par gusa aa raha tha is liye maine ek vayu ka gola banaya aur bichhua par chhod diya lekin bichhua apne aag ke gole se mere war ko asani se rok diya.

Mujhe usse ladte huye karib aadha ghanta ho gaya tha ab mai thakne laga tha isliye mai is ladayi ko jaldi khatam karne ke ke liye maine vayu ke aneko teer aur talwar banaya aur Bichhua par usse war kar diya.

Mere war se bachane ke liye bichhua ne bahut prayas kiya usne mere hamle par apne aag ke gole se war kar ke nast karna chaha lekin wo mere sare teer aur talwaro ko nast nhi kar paya jiska parinam yah huya ki kuchh teer aur talwar jakar usse takra gaya jiske karan wo ghayal ho gaya.

Bichhua apne aap ko ghayal dekh kar waha se bhagne ki kosish karne laga.

Mai- Tumhe mujhpe hamla nhi karna chahiye tha aur jab tum hamla kar hi diye ho to ab mai tumhe itna asani se yaha se bhagne nhi dunga.

Itna bol kar maine apne dono hatho ko uper uthaya aur hawa ka ek bahut bada bavander taiyar kar diya fir us bavandar ko Bichhua ke taraf bhej diya.

Wo bavandar tez gati se ghumte huye bichhua ke pass gaya aur fir use apne andar khich liya aur usko apne sath us bavandar me ghumane laga.

Us bavandar ko mai khud control kar raha tha is liye mai us bavandar ke pass asani se ja sakta tha fir mai us bavandar ke pass gaya aur dhyan se bichhua ko dekhne laga jab bhi Bichhua ke parchai mujhe dikhti mai apne bajra hammer punch se us par war kar deta.

Dono taraf se apne uper war hote dekh kar bhi bichhua khud ko bacha nhi paya aur kuchh der bad mara gaya uske marte hi maine us bavandar ko sant kiya aur us beast Bichhua ke pass jakar uske body ko chir kar usme se beast Cristal nikal liya aur use apne storage ring me dal diya.

Rank 2 ke agni mull beast Cristal ka market me bahut kimat thi kyuki iske bahut fayde hai jaise ki isko dava banane ke use me laya jata hai aur agar koi agni mul shakti wala yodha is Cristal ke shakti ko sokh leta hai to use bahut fayda milta hai.

Iske bad waha se apne ghar ki or nikal diya.

Idhar dusre taraf sahar ke andar Rayjada pariwar me mahal ke samne bahut sare adami jama the jo mehra pariwar ke adami the wo log Rayjada pariwar par hamla karne ke liye puri taiyari se yaha aaye the.

Ranjit mehra- Are wo birendra kaha chhupa baitha bahar nikal aur hamara samna kar ya fir apne us beti ko mere pass bhej jisne mere bete Raunak mehra ko koma me bheja hai nhi to aaj abisiya se rayjada pariwar ka namo nishan mita diya jayega.

Idhar Rayjada pariwar ke mahal ke andar Birendra ko Ranjit ka lalkar sunayi deta hai jise sun kar wo guse se apne elder ko bolta hai.

Birendra- Elder sara taiyari ho gaya hai na.

Elder- Ha leader sare yodha taiyar hai.

Birendra- To thik hai aaj ham in Mehra pariwar walo ko dikha dete hai ki Rayjada pariwar bhi kisi se kam nhi hai.
Aap logo me se 5 elder mahal ke gate ki suraksha karenge aur ye nishchit karenge ki koi bhi shatru mahal me pravesh na kare.
Aur 2 elder kuchh yodhao ke sath mahal ke uper se agni teer se hamla karenge.
Aur baki log mere sath chalenge.

Sare log- Jee leader aisa hi hoga.

Shreya- Baba mujhe bhi apke sath is ladayi me samil hona hai.

Birendra- (Thode shakth lahje me) Nhi aap bahar nhi jayengi apko mahal ke andar hi apne sare aurato aur bacho ko suraksha dena hai.

Shreya- Lekin baba..

Birendra- maine bol diya na ki aap bahar nhi jayengi.
Apko dhyan rakhna hoga ki agar kisi tarah dushman hamare mahal ke andar pravesh karte hai to aap unse hamare bacho aur aurato ki suraksha karenge.

Shreya- (Mayus hokar) Thik hai baba.

Iske bad sare log mahal se bahar aa gaye aur apne apne gut me bat gaye jab Ranjit ne dekha ki akhir kar birendra apne mahal se bahar aa gaya hai to wo muskurate huye bola.

Ranjit- dekho birendra tum chup chap us ladki ko hamare hawale kar do jisne mere bete ko mara hai nhi to aaj kasam hai apne purvajo ki aaj koi bhi Rayjada jinda nhi bachega.

Ranjit ke bat sun kar birendra ko bahut gusa aaya lekin wo apne guse ko bardasht karte huye bola.

Birendra- Tumhara beta jis kabil tha use wahi mila are aise bete ko hone ya na hone se kya farak padna hai jo apne khandan ki ijat mitti me mila raha ho.
Tumhe to meri beti ko inam dena chahiye kyuki jo tumhe karna chahiye tha wo meri beti shreya ne kar di.
Agar mera beta aisa hota jo aurato ka ijjat nhi karta to mai kabka use mar diya hota.

Ranjit- (guse me) Bus bahut huya bahut bakwas sun liya maine ab akhari bar puchh raha hu tum us ladki ko mere hawale karoge ya nhi.

Birendra- Ye to sambhav nhi hai ki mai apne beti ko tumhe soup du Tum sukra manav ki waha meri beti thi agar uske jagah mai hota to tumhare bete ko jan se mar deta.
Tumhare bete ne rayjada pariwar ke ladki par hath dalne ki kosish ki hai.

Ranjit- ( Haste huye) Are to isme kya hai abhi mera beta jawan hai usse thodi si bhul ho gayi to iska matlab ye nhi hai ki tumhari beti usko mar mar ke koma me bhej de.
Aaj mai pure rayjada pariwar ko mar kar tumhari beti ko apne bete ka dasi banaunga.

Birendra- Bus bahut huya ab agar tum aur ek shabd bhi bole to yaha se laut kar koi bhi wapas nhi Jaa paoge.

Ranjit- achha to fir thik hai dekhte hai kon jata hai aur marta hai ha ha hahhh
(Apne sathiyo se) Hamla karo mar dalo in sare logo ko aur inke mahal me Gus kar inke bache aur aurato ko bhi mar dalo bus us ladki ko chhod dena kyuki usko mai apne bete ki dasi banaunga hahahah.

Fir Mehra pariwar ke sare elder aur yodha rayjada pariwar par hamla kar dete hai dono taraf se bhayank yudh chhid jata hai.

Idhar rayjada pariwar ke yodha jo ki mahal ke uper the wo uper se agni teero se dushmano par hamla kar dete hai dekhte hi dekhte charo taraf lash hi lash aur khun hi khun faila huya tha.

Is ladayi me abhi rayjada pariwar mehra pariwar par bhari pad raha tha.

Idhar birendra aur Ranjit aapas me bhide huye the dono ek dusre par aneko taknik se hamla kar diye the lekin dono me se koi bhi abhi ghayal nhi huya tha kyuki dono hi samrat rank ke low level par the.

Ranjit birendra par agni se war karta to birendra use apne bijli se rok leta aur birendra Ranjit par bijli se war karta to Ranjit use nast kar deta tha.

Aise hi ladayi kuchh ghanto tak chalta raha lekin dono me se koi har nhi man Raha tha.

Ranjit ne ye dekha ki wo birendra ko hara nhi paa raha hai to usne apne storage ring se ek dava nikal kar kha liya.

Ye dava kuchh der ke liye yodha ke shakti ko doguna kar deta tha lekin iska nuksan bhi tha jab yodha ke uper se ye goli ka asar kam hota to uska level bhi gir jata.

Lekin Ranjit is yudh ko jitne ke liye kuchh bhi kar sakta tha usne dava khane ke bad apne badhte huye shakti ko mahsus kiya aur haste huye birendra se bola.

Ranjit- Ha ha ha ha mai tumhe kamjor samajh kar galat kiya lekin ab nhi ab tumhe pata chalega ki Ranjit mehra ka bat na manne ka kya parinam hota hai ab sambhalo mera agla war.

Itna bola kar Ranjit apne dono hatho ko aage karta hai aur apne hatho se ek bada sa aag ka gola banata hai aur use birendra par chhod deta hai.

Idhar birendra ne jab dekha ki Ranjit ka shakti us dava ko khane se aur badh gaya hai to wo thoda tensan me aa jata hai.

Lekin fir khud ko sambhalte huye usne apne storage ring se ek talwar nikalta hai jo ek rank 3 ka hathiyar tha.

Ranjit us talwar ko dekh kar chauk jata hai aur apne man me sochta hai wo to uske pass ek rank 3 ke hathiyar bhi hai achha hai ise marne ke bad mai wo hathiyar apne pass rakh lunga.

Idhar wo aag ka gola aage badhte huye birendra ke pass pahuchne hi wala tha ki tabhi birendra apne kavach ko jagrit karta hai aur fir apne talwar me bijli ke urja bharte huye us aag ke gole par war kar deta hai.

Jaise hi us talwar ke war us aag ke gole par padta hai wo aag ka gola wahi nast ho jata hai.

Birendra- aaj tum kitne bhi dava kha lo aur apne shakti ko badha lo lekin aaj tumhara har nischit hai.
Ab tum mere akhari war ka samna kar ke dikhao agar tum is war se bach gaye to mai samajh lunga ki tum mujhse jyada Takatwar ho.

Ranjit- (Apne ahankar me haste huye) Ha ha ha ha h tum ye bhi kosish kar ke dekh lo kyuki aaj to tum marne hi wale ho.

Idhar rayjada pariwar ke sare yodha chun chun kar mehra pariwar ke yodha ko mar rahe the jisme mehra pariwar ke yodha bahut had tak kam ho gaye the aisa nhi hai ki sirf mehra pariwar ke yodha hi mare gaye the rayjada pariwar ke bhi kuchh yodha mare gaye the lekin wo log bahut kam mare the jyadatar sirf ghayal huye the.

Mehra pariwar ke yodha aur elder bahut prayas kiya ki wo kisi tarah se rayjada pariwar ke mahal ka gate tode de lekin waha par jo 5 elder maujud the wo log unko aisa karne nhi diye.

Idhar birendra ek akhari war Ranjit par karne ke liye taiyar ho gaya tha.

Usne apne sharir ki sari spritual urja ko apne talwar me bharne laga aur fir apne talwar ko asman me utha kar jor se chilaya.

Bijli ka tandav...

Uper asaman me bhayankar bijli kadkane lagi charo taraf andhera chane laga.

Fir asaman me jo bijli tandav kar rahi thi wo aapas me Milne lagi aur ek bhayankar bijli ke snake me badne lage.

Ranjit ne ye dekha to uska halat hi kharab ho gaya wo us bhayankar bijli ko dekh thar thar kapne laga.

Fir wo apne charo taraf dekha to usne dekha ki uske adhiktar sathi mare gaye ya fir ghayal ho gaye hai.

Ab use kudh ka bhi bachane ka koi bharosa nhi tha kyuki wo bijli ke snake dhire dhire uske taraf badhne laga tha.

Usne dekha ki ab uske pass aur koi dusra chara nhi bacha ab wo kisi bhi waqt mara jaa sakta hai to usne jor se chilaya.
.... Chhote leader ab to hamari madad karo nhi to mai mara jaunga...

Tabhi ek awaj gunjati huyi sabhi ko sunayi di..

Awaj- HAHAHAH Ranjit mehra tum to bahut kamjor nikale tumse ek samrat rank ke low leval ka adami bhi nhi sambhala gaya..

Fir na Jane kaha se ek Roshani aakar us bijli ke snake se takra gaya aur wo bijli ka snake wahi nast ho kar gayab ho gaya.

Birendra ne jab dekha ki uska itna shaktisali war nast ho gaya to wo ascharya ho gaya fir thoda guse swar me bola.

Birendra- Aap kon hai aur is tarah hamare bich aane ka kya tatparya hai.

Awaj- Mai hu bhediya dal se shamsher itna parichay kafi hai ya aur batau.

Fir sabke samne ek byakti aaya jo ek balisth bhujaon wala yodha tha.

jab sabne suna ki ye bhediya dal ke shamsher hai to sab chauk gaye kyuki shamsher bhediya dal ka chhota leader tha aur wo samrat rank ke advance level par tha.

Usko yaha mehra pariwar ke taraf se aane ka matlab tha ki aab Rayjada pariwar ka har nischit tha.

Birendra- Aap bhediya dal se hai lekin mujhe jaha tak pata hai hamari to apse koi dusmani nhi hai fir is tarah se aap hamare bich kyu aaye hai.

Shamsher- Kyuki mehra dal ke leader ne mujhse wada kiya hai ki agar mai rayjada pariwar ke ladayi me unka sath du to wo mujhe Rayjada pariwar ke harne ke bad Rayjada pariwar ki sari sampati aur Rayjada pariwar ke hise ki sari spritual stone ke khadhan hamara hoga.
Ab mujhe itna lalach milega to mujhe to uski sahayta karne aana hi hoga na.

Birendra shamsher ki bat sun kar guse me aa jata hai aur bolta hai.

Birendra- mujhe tumse ye umid nhi thi Ranjit ki tum hamlog ke apas ke ladayi me kisi dusre ko bhi samil kar loge.
Thu hai tum jaise insan par jo tumne ye bhi nhi socha ki tum agar aisa karte ho to tumhari kitni badnami hogi.

Ranjit- Hame jang jitne se matlab hona chahiye ye nhi ki ham jang jitte kaise hai aur agar ham jit gaye to fir kiski itni himat ki wo mehra pariwar ke khilaf kuchh bole.

Shamsher- Bas ab bahut ho gayi bate ab tum chup chap ye batao ki bina lade apna sara sampati aur spritual stone ke khadhan aur ha us ladki ko bhi jisne inke bete ko koma me pahuchaya hai dete ho ya nhi.

Birendra- Mai mar jaunga lekin mai kabhi bhi tumhe apne beti tak nhi pahuchne dunga.

Shamsher- Thik yadi tum marna hi chahte ho to aisa hi sahi.

Iske bad shamsher ne apne hath se ek bhayankar roshani birendra ke taraf chhoda wo roshani tibra gati se birendra ke taraf badhne laga.

Birendra ne jab ye dekha ki shamsher ne uspe hamla kar diya hai to wo savdhan ho gaya aur apne sharir ke charo taraf ek majbut kavach prakat kar liya.

Aur sath me apne sharir ki sari shaktiyo ko apne talwar me dalte huye jor se bola.

...Thunder bolt...

Thunder bolt rayjada pariwar ke sabse shaktishali taknik tha

Birendra ke talwar se ek bhayankar bijali nikali jo dekhne me kisi khambhe ke akar ka tha wo bijli jakar sidha us roshani se takra gaya.

Lekin wo roshani bahut shaktishali tha wo roshani us bijli ko nast karte huye birendra ke taraf badh gaya.

Halaki roshani bijli se takrate thodi kamjor aur dhima ho gayi thi.

Fir wo roshani jakar sidha birendra ke kavach se takara gaya aur us roshani ko takrate hi kavach me darare aane lagi aur dekhte hi dekhte wo kavach tukdo me badal gaya.

Lekin wo roshani bhi sath me kamjor hokar nast ho gaya apne itne shaktisali war ko aise nast hite dekh kar shamsher chauk gaya aur bola.

Shamsher- Manna padega tum shaktishali to ho lekin kab tak tum aise hi bachte rahoge mere agle war se tumhara marna tay hai.

Itna bol kar shamsher ne apna kanjar nikala jo ek rank 3 ka hathiyar tha aur sath me tilismi bhi tha use apne hatho me pakad kar usme apne shaktiyo ko bhara aur us khanjar ko birendra ke taraf kar diya.

Jaise hi usne us kanjar ko birendra ke taraf kiya to us kanjar se ek kali roshani nikali aur us khanjar ka hi rup le liya aur tibra gati se birendra ke taraf badh gaya.

Idhar birendra pichhle war me hi apne sari shaktiyo ko laga diya tha is liye ab uspe pass itni shakti nhi bachi thi ki wo us war ko rok sake.

Usne apni ankhe band kar li usne soch liya tha ki ab uska bachna muskil hai wo is war se mara jayega.

Idhar rayjada pariwar ke sare elder bhi ghabra Gaye kyuki wo war kabhi bhi birendra ko lag sakta tha agar wo war birendra ko lagta to uska bachna muskil tha.

Idhar Ranjit kushi se uchhal raha tha kyuki wo ye jan gaya tha ki ab birendra nhi Bach payega aur rayjada pariwar ne sabse jyada shaktishali birendra hi tha birendra ko marte hi asani se rayjada pariwar par kabu paa sakta tha.

Idhar wo kali roshani wala khanjar birendra ko lagne hi wala tha ki achanak ek hava ka gola jo nile rang se chamak raha tha wo akar sidha us khanjar se takra gaya aur fir dono roshani ek bisphot ke sath waha se gayab ho gaya.

Apne war ko kisi aur agyat roshani dwara roke jane par shamsher baukhala gaya aur guse me bola.

Shamsher- Kiski itni himat ki wo mere war kon hai samne aao.

Ranjit- Ye rayjada aur mehra pariwar ke bich ka ladayi hai kripya aap jo bhi isme dakhalandazi na kare.

Awaj- Ha ha ha ha ha. kya bola tumne ye rayjada aur mehra pariwar ka mamla hai to fir ye shamshera yaha kya kar raha hai.
Aur ha ye bahar wala ho kar ke mehra aur rayjada pariwar ke ladayi me mehra pariwar ka sath de sakta hai to mai to isi rayjada pariwar ka ek member hu.