Fantasy HERO NO. ZERO

[THE ZERO]

Update 28 posted

 

[THE ZERO]

Suleman hamla kar dia or lag bhag Rohan ko khatam hi ker dia tha lekin yeh kon aa gaya kale kapde me jisne Rohan ko bacha lia
Baherhal dekhte h aage kia hota h
Badhiya shaandar update

Thanks for lovely comments bro..
Ye jo kale kapde me aaya hai wo rohan ka hi koi apna hai jo salo pahle bichhad gaya tha.
Guess who it is

 

[THE ZERO]

Nice and fantastic update bhai keep posting

Thanks for comment bro..

 

[THE ZERO]

Brilliant update bhai

Thanks bhai

 

[THE ZERO]

Awesome update brother

Thanks bro..

 

[THE ZERO]

Nice update bro

Thanks bro..

 

[Sushil@10]

Update 22​

Recap
Apne abhi tak padha ki rohan kadi mehant karne ke bad aakhirkar shaktivardhak pay aur srijankar goli bana leta hai lekin in shaktivardhak pay aur srijankar goliyo ko banane me na jane kitne bar uski shaktiya khatam huyi thi jo wo apne absorption ki power se wapas paa le raha tha fir sare goliyo ko banane ke bad rohan dhyan karne lagta hai jisse uski shaktiyan srijankar rank ke advance level par pahuch jata hai.
Puri davaiya aur dhyan lagane ke usko 10 din nikal jate hai is liye wo apne ghar chala jata hai.
Idhar mehra pariwar ka elder bhi bhediya dal ke pass chala jata hai aur waha jakar wo batata hai ki kaise rayjada pariwar walo ne Shamshera ko mara hai jise sun wo gusa ho jata hai aur apne sathiyo ke sath mil kar rayjada pariwar par hamla karne ke liye nikal jata hai.
Idhar rayjada pariwar me pratiyogita ki taiyari chal raha tha sare log maidan me ekatha ho gaye the fir birendra ne sabko batata hai ki rohan hi ye pratiyogita rakhwaya hai fir wo batata hai ki kyu ye pratiyogita rakha gaya hai jise sun kar sare log khus hi jate hai.

Aab aage
Sare log baba ke bat sun kar khusi se chila rahe the aur bol rahe the young master ki jay chhote leader ki jay fir baba sabko sant karate huye bole.

Baba- Aap log sant ho jaiye kyuki ab pratiyogita suru karne ka samay ho gaya hai isliye mai is pratiyogita ka niyam bata deta hu aur ha pahla pratiyogita sunya rank ke yodhao ka hoga lekin dono ka niyam ek hi hoga.

Is pratiyogita ka niyam kuchh is tarah se hai
Is pratiyogita ke kul 2 charan honge
Pahla charan me aap logo ko spritual shakti ke dabav me daud lagana hoga.
Isme aage aane wale 20 yodhao ko agle charan ke liye chuna jayega.
Dusre charan me bache huye 20 yodhao ko ek dusre se ladayi karna hoga is ladayi me jo 10 yodha jitenge wahi bijeta honge.

Baba- sare log niyam ko samajh liye.

Sare log- Ha leader ham sab niyam ko samajh liye.

Baba- To thik hai ab pratiyogita suru karte hai lekin pratiyogita suru karne se pahle ek bat aur bata de raha hu yaha koi kisi ka jan nhi lega aur na hi ghambhir ghayal karega ye ek pratiyogita hai ise pratiyogita ki tarah hi le anyatha jo bhi in niyamo ka palan nhi karega use pariwar dwara bahut khatarnak saja di jayegi.
Ab pratiyogita ko suru karte hai.

Fir pratiyogita suru ho gaya aur ye pratiyogita lagbhag pure din chala isme se jo 10 yodha jite the un logo ko shaktivardhak pay aur srijankar goli inam ke rup me de diya gaya.

Jo jite the wo bahut kush the aur jo har gaye the wo nirash ho gaye the lekin jab baba ne unlogo ko nirash dekha to baba bole.

Baba- Aap logo ko yu nirash hone ki jarurat nhi hai aaj se thik 3 mahine bad fir se ye pratiyogita rakha jayega aur uska inam bhi yahi hoga is liye aap log kadi mehnat kare.

Itna bol kar baba aur mai Shreya ko sath liye Ghar aa gaya fir sare log ek sath khana khaya aur apne apne room me chale gaye.

Mai apne room me jakar aaram karne laga kyuki mai in 10 dino me thoda bhi aaram nhi kiya tha mai jaise hi apne bed par gaya mujhe nind aa gayi aur mai gahri nind me chala gaya.

Subah meri aankh logo ke shorgul se khula jo bahar se aa rahi thi jab maine bahar jakar dekha to waha par sare elder baba ke sath kuchh bate kar rahe the.

Mujhe waha yaha dekh kar sare log chup ho gaye ye dekh kar mujhe thoda ajib laga isliye mai baba se puchha

Mai- Baba kya bat hai kuchh huya hai.

Baba- (Kuchh sochte huye) Nhi kuchh nhi huya hai tum jao aur jakar dhyan lagao.

Mai- Nhi baba aap jhuth bol rahe hai kuchh to huya hai kyuki aise hi sare elder ek sath apke pass nhi hote.

Baba- Maine bola na ki kuchh nhi huya hai tum jao yaha se.

Mai- Dekhiye baba ab mai pahle waha rohan nhi raha agar kuchh samasya hai to bataiye ham sab mil kar us samsya ka hal dhundh lenge.

1st elder- Rohan sahi bol raha hai wo ab pahle wala kamjor rohan nhi hai hame use sab kuchh bata dena chahiye.

2nd elder- Ha leader 1st elder sahi bol rahe hai hame rohan ko sab bata dena chahiye.

Baba- Thik hai jab aap logo ka yahi man hai to bata de raha hu darasal bat aisi hai ki bhediya dal ke leader ko pata chal gaya hai ki uske bete ko hamne hi mara hai isliye wo apna sena lekar hamse yudh karne ke liye hame charo taraf se gher liya hai.
Ab hame ye samajh me nhi aa raha hai ki hamlog unse mukabala kaise karenge.

Mai- Hmm ye to gambhir mamla hai.
Waise wo log kitne yodha honge.

Baba- Wo 200 ke lagbhag me honge.

Mai- Hmm aur hamare pass kitne yodha hai.

Baba- 150 wo bhi adhiktar srijankar rank ke yodha hai.

Mai- ye to sach me bahut gambhir mamla hai lekin hame is samsya ka koi na koi tod dhundhna hi hoga.

Baba- wahi to samajh me nhi aa raha hai ki ab hame kya karna chahiye unse ladna chahiye ya fir hame jan bacha kar bhagna chahiye.

Mai- Ham log yu pith dikha kar bhagenge nhi ham unse mukabla karenge bhale hi unse ladte ladte ham mare hi kyu na jaye.

1st elder- Ha Rohan sahi bol raha hai ham agar aaj pith dikha kar bhag gaye to hamari ijat miti me mil jayegi.
Bhagne se achha hai ki ham ladte huye sahid ho jaye.

Sabhi elder ek sath- Ha ha ham pith dikha kar bhag nhi sakte ham sab ladte huye marne ke liye taiyar hai.

Baba- To thik hai ham unse yudh karenge chahe unse ladne me ham mare hi kyu na jaye aaplog ek kam kijiye aurato aur bacho ko safe jagah par pahucha dijiye iske bad ham yudh ke maidan me jayenge.

Itna bol kar baba waha se chale gaye aur fir sare log yudh ke taiyari karne lage.

Idhar suleman apne sathiyo ke sath rayjada pariwar ke mahal ko gher kar khada tha fir wo jor se chilate huye bola.

Suleman- Wo rayjada pariwar ke kayro tum sab apne bill me kab tak chhupe rahoge bahar niklo aur hamse mukabala karo.
Aur agar mukabala nhi karna chahte ho to apne aap ko hamare hawale kar do aur jisne bhi mere bete ko mara hai use hamare pass le aao ye sab karne ke bad ho sakta hai ki ham rayjada pariwar ko chhod de.

Suleman apne bat ko bol kar sant ho gaya aur apne rayjada pariwar ke jabab ka intezar karne laga lekin bahut der tak intjar karne ke bad bhi ko jabab nhi aaya to guse me bola.

Suleman- lagta hai tum log sidhe tarah se hamare bat ko nhi manoge.
(Apne sathiyo se) Hamla karo aur rayjada pariwar ke mahal ke gate ko tod do.

Sare sathi- Jo hukum leader Hamla.....

Sare log ek sath apne power ko ekattha kar ke mahal ke gate par hamla kar diya jab unka hamla gate par huya to bahut jor ka awaj aaya aur gate Tut kar tukdo me bikhar gaya.

Idhar hamlog yudh ke taiyari me lage huye hi the ki bahar se gate tutne ka awaj hame sunayi diya jise sun kar 1st elder bole.

1st elder- Lagta hai wo log hamla kar ke hamare mahal ke gate ko tod diya hai ab hame jaldi hi waha Jana hoga nhi to wo log hamare logo ko berahmi se mar denge.

Mai- Thik hai 1st elder chaliye chalte hai.

Iske bad hamlog waha se gate ke taraf chale gaye waha jane ke bad maine dekha ki hamare mahal ja gate tukdo me badal gaya hai aur bhediya dal ke yodha hamare gate se andar jane ki kosish kar rahe hai aur unko hamare sainik rokne ki kosish kar rahe hai.

Jab hamlog waha pahuche to hame dekh kar suleman apne yodhao se rukne ke liye bola aur fir hamare pass aa kar bola.

Suleman- Agar tum log thoda aur pahle aa jate to tumhara ye gate nast nhi hota ab ye batao ki tumme se wo kon tha jisne mere bete Shamshera ko mara tha.

Baba- Dekhiye hamne jan bhuj kar apke bete ko nhi mara balki hi mehra pariwar walo ke sath mil kar hame hani pahuchane aaya tha is liye hamne apne bachao me uspe hamla kiya aur wo mara gaya.

Suleman- (Guse se) Mai yaha tumhara safayi sunane nhi aaya balki mai yaha apne bete ki maut ka badla lene aaya hu tum chup chap mujhe bata do ki kisne mere bete ko mara hai nhi to aaj mai pure rayjada pariwar ko nast kar dunga.

Uske bat ko sun kar mujhe bahut gusa aaya lekin mai apne guse ko sant karte huye aage aaya aur usse bola.

Mai- Wo mai tha jisne tumhare bete ko mara tha mai use marna nhi chahta tha mai use bahut samjhaya ki wo yaha se chala jaye lekin wo mere bat na man kar mere uper hi hamla kar diya to mujhe apne bachao me use marna pada.

Suleman- (Guse se ) Kya wo tum the jisne mere bete ko mara.
(Haste huye) Mujhe murkh samjha hai kya tum jaise ek srijankar rank ka mamuli yodha mere bete ko mara hai jo ek samrat rank ka yodha tha.

Mai- Tum vishwas karo ya na karo lekin ye sach hai ki tumhara beta mere hi hatho se mara gaya hai.

Suleman- (Guse se) Achha hai jab tum khud kabul kar rahe ho to fir thik hai ab marne ke liye taiyar ho jao.

Baba- Dekhiye mai apko fir se bol raha hu ki yaha jo bhi huya tha usme hamari galati nhi thi wo to apke bete ne pahle ham par hamla kiya tha.

Suleman- (Guse se) Bas bahut sun li tum logo ki bakwas galti chahe jiski bhi ho yaha mere bete ki jan gayi hai ab is ladke ke sath pura rayjada pariwar ki lashe yaha bichhegi.

Itna bol kar wo aage aaya aur apne shaktiyo Ko ekatha karne laga jab usme apne sarir me sari shaktiyon ko ekattha kar liya to mere upar bhayankar dabav padne laga mujhe aisa lag raha tha ki koi kisi bhari vastu ko mere uper dal diya hai.
Mai suleman ke shaktiyon ko dekh kar chauk gaya kyuki suleman abhi jis tarah se shaktiyo ko apne sharir se nikal raha tha mujhe lag raha tha ki wo abhi heavan rank ke low level par to jarur hoga.

Mujhe uske shaktiyon ko dekh kar thoda dar lagne laga tha kyuki mai abhi sirf samrat rank ke medium ke yodha se lad sakta tha.

Waha sare logo ka to mujhse bhi bura hal tha jo sab rayjada pariwar ke elder yaha yudh karne aaye the wo suleman ke shakti ko dekh kar dar se kap rahe the.

Idhar suleman apne shaktiyo ko ekattha kar ke mere upar hamla kar diya maine jab dekha ki wo mujh pe hamla kar raha hai to mai ek pal ke liye ghabra gaya fir mai apne aap ko sant karte huye sabse pahle apne rudra kavach ko activate kar liya.

Mai jaise hi rudra kavach ko activate Kiya mere charo taraf ek adrisya diware khadi ho gayi mai ye janta tha ki mera rudra kavach uske hamle ko kuchh had tak hi ro sakta hai is liye maine bhi apne sare shaktiyo ko ekattha kiya aur usme thoda apne supreme shaktiyon ko bhi mila kar ek hamla taiyar kiya aur fir suleman par hamla kar diya.

Idhar suleman ka hamla tibra gati se mere taraf badhe aa raha tha aur idhar se mera hamla bhi uske taraf badhe jaa raha tha fir kuchh der bad dono ka hamla ek dusre se takra gaya lekin suleman ka hamla bahut takatwar tha wo mere hamle ko nast karte huye mere taraf badh raha tha lekin ab uske hamle ka gati thoda dhire hi gaya tha.

Suleman ka hamla dekhte hi dekhte mujhse aa kar takra gaya aur ek bahut bhayanak visfot huya mere charo taraf roshani hi roshani fail gayi jiske karan mai dikhna band ho gaya ye dekh kar rayjada pariwar ke sare yodhao ka chikh nikal gaya.

Lekin thodi der bad jab mere pass se roshani hati to sare log ascharya chakit rah gaye kyuki mai pahle jaise khada tha ab bhi waise hi khada tha mera rudra kavach ne mujhe bacha liya tha lekin suleman ke hamle me itna takat tha ki wo mere kavach ko tod diya tha aur mere kavach ko todte huye khud bhi nast ho gaya tha.

Idhar suleman bhi apne hamle ko aise khali jate dekh chauk gaya aur fir guse se bola.

Suleman- Ab mujhe vishwas ho gaya ki tu hi mere bete ko mara hoga kyuki jab tum mere itne takatwar hamle ko itni asani se jhel gaya to tu jarur takatwar hoga ab tumse ladne me maza aayega.

Itna bol kar usne fir se mujh par hamla kar diya lekin is bar mai uske hamle ko chakma dete huye hawa me upar ud gaya aur fir pal bhar me niche bhi aa gaya jisse sabke ye laga ki mai uchhal kar uske hamle se bach gaya hu mai kisi ko ye dikhana nhi chahta tha ki mai ud bhi sakta hu isliye maine ye kiya taki sabko lage ki mai uchhal kar us hamle se bacha hu.

Suleman mere upar bar bar aise hi hamla karta raha aur mai uske hamle ko hawa me ud kar chakma deta raha jisse wo pareshan aur gusa ho gaya fir wo guse me mujhse bola.

Suleman- Is tarah se uchhal kud kar ke tum apne aap ko yodha samjhte to agar tum sacha yodha ho to mujhse achhe se yudh karo nhi to tum apne pure pariwar ke sath mere pass gutne tek do sayad mai daya kar ke tum sab ko chhod du.

Mai- (Haste huye) Ha ha ha to ek sacha yodha hi hu kyuki mai tumse kamjor hote huye bhi lad raha hu lekin tum sacha yodha nhi lagte kyuki tum apne se kamjor yodha ko chunauti de rahe ho aur usse lad rahe ho.

Mera bat sun kar suleman guse se pagal ho gaya aur fir se mujhpe hamla karne laga lekin is bar uska hamla pahle se bhi khatarnak tha lekin mai bar bar uske hamle ko chakma de raha tha jab usne dekha ki mai kisi bhi tarah se uske hath nhi lagunga to wo fir se guse me bola.

Suleman- Agar tum mujhse achhe ladayi nhi kiye to mai tumhare pariwar walo par hamla karunga agar tumhe apne pariwar walo ko bachana hai to mujhse achhe se yudh karo.

Mai suleman ke bat ko sun kar ghabra gaya kyuki agar ye mere pariwar me se kisi par bhi hamla kar deta to koi bhi uske hamle se bach nhi pata fir mai apne ghabrahat ko sant karte huye ghambhir awaj me suleman se bola.

Mai- Agar tum mujhse yudh karna hi chahte ho to mai uske liye taiyar hu lekin mera ek shart hai.

Suleman- Kya shart hai tumhara

Mai- Mujhe 2 sal ka samay do taki mai khud ko tumse ladne layak taiyar kar saku kyuki tum mujhse kahi jyada takatwar ho agar mai abhi tumse ladta hu to ye ek tarfa ladayi hoga jisme tumhara palra bhari hoga is liye mujhe tumse 2 sal ka mohalat chahiye.

Suleman- (Hasate huye) Ha ha ha tumhe 2 sal ka mohalat chahiye hahaha mai tumhe aur ek pal jinda nhi dekh sakta aur tumhe 2 sal ka mohalat chahiye.
Mai tumhe aaj kisi tarah se mar ke hi rahunga chahe uske liye mujhe kuchh bhi kyu na karna pade.

Mai- Tum apne aap ko yodha aur takatwar samajhte ho jo apne se kamjor yodha par apni takat dikhate ho hahaha tum bhediya dal ke hi leader ho na tumne Aaj tak na jane kitne takatwar yodha se yudh lade ho aur unko haraye bhi ho lekin aaj apne se kamjor ek bacha se dar gaye hahahaha.
Tum dar gaye ki kahi se bacha do sal bad takatwar ho kar tumhe hara na de hahaha.
Tumhe yodha kahlane ka koi hak nhi hai kyuki tum apne se kamjor yodha se dar gaye hahaha.

Mera aisi bate sun kar suleman guse se pagal ho gaya aur guse me uske sharir se bhayanak urja nikalane lagi fir wo guse me dahadte huye bola.

Suleman- Kya bola tumne mai yodha kahlane ke layak nhi hu mai tumse dar gaya tum kya sochte ho ki mai tumhe mar nhi sakta mera ek war tumhe marne ke liye kafi hai ab sambhalo mere agle hamle ko aur kudh ko bacha sakte ho to bacha lo mere is shaitani taknik ke hamle se hahaha.

Itna bol kar wo apne sharir me energy ko ekattha karne laga aur fir apne hath ko upar asam ke taraf karte huye jor se chilaya ...maut ki Kali chhaya...

Usko bas itna bolna hi tha ki waha charo taraf hawaye chalne lagi bijliya jor jor se kadkane lagi fir dhire dhire asaman me ek akriti dikhayi dena laga jo ek bhayankar ajgar ka tha wo ajgar ka sirf ek hi aankh tha aur wo biklul kale colour ka tha wo dikhne me itna bhayanak tha ki kamjor dilwale ki use dekhte hi maut ho jaye.

Wo ajgar dhire dhire mere taraf badh raha tha aur wo jaise jaise mere taraf badh raha tha waise waise mujhe us ajgar ka dabao badhta ja raha tha us ajgar ka dabao itna badh gaya ki mera hilna bhi muskil ho gaya.

Wo ajgar mere pass pahuchne hi wala tha lekin mai hil bhi nhi pa raha tha mai waha bebas khada bas us ajgar ko apna muh fade mere pass aate dekh raha tha.

Mujhe is ladayi me pahli bar dar laga tha aur wo dar itna badh gaya ki mai wahi khade khade hi kapne laga mujhe kuchh bhi samajh me nhi aa raha tha ki mai kya karu tabhi mujhe mere man me surya ki awaj sunayi di.


Surya- Rohan tum is hamle ko sambhal nhi sakte is liye tum apne sharir ka control mujhe do taki mai is hamle ko nast kar saku.

Mai- Th th thik hai aap mere sharir par control kar sakte ho.

WO ajgar mere itna karib aa gaya tha ki wo kabhi bhi mujhe nigal sakta tha aur idhar surya bhi mere sharir par control kar ke us hamle ko nast karne ja raha tha lekin jaise hi wo us hamle ko nast karta usse pahle hi mere samne ek parchhayi aa kar ruki wo ek kale kapde pahne huye aadmi ki thi wo puri tarah se kale kapdo se dhaka huya tha.

Wo adami apne hath me talwar liya huya tha aur wo apne ek hi war se us ajgar ka sar dhad se alag kar diya ye dekh kar sab jaha the wahi tham gaye aur surya bhi mere sharir ko kabu karna bhul kar use hi dekhne laga.

Nice update and lovely story

 

[Smith_15]

Update 23

 

[Dhakad boy]

Thanks for comment..
Guess who it is

Kahi ye wo gaurd to nahi jisne rohan ko nadi ke vaha chod diya tha

 

[THE ZERO]

Update 23​

Recap

Apne abhi tak padha ki rayjada pariwar me jo pratiyogita rakha gaya tha wo safalta purvak sampan ho gaya aur jo usme vijeta huye unhe inam ke rup me shaktivardhak pay aur srijankar goli diya gaya pratiyogita khatam hone ke bad sare log chale gaye.
Rohan bhi apne room me jane ke bad rest karne laga idhar suleman bhi rayjada pariwar par hamla karne ke liye nikal gaya tha.
Dusre din subah hi rohan ke nind kuchh shorgul se khulta hai jab wo pata karta ki ye shorgul kyu ho raha hai to use pata chalta hai ki rayjada pariwar par suleman ne hamla kar diya hai.
Fir suleman aur rohan me yudh suru ho jata hai suleman ka pahla war to rohan rok leta hai lekin jab uska dusra war uspar hota hai to wo khud ko bachane ke liye apne vayu chakra ka prayog kar ke hawa me uchhal jata hai aise hi bar bar suleman rohan par war karta hai aur rohan bar bar uske war se bach ja raha tha ye dekh kar suleman uspar ek bahut hi khatarnak taknik se hamla kar deta hai tabhi us hamle se rohan ko bachane ke liye ek nakab posh adami aata hai aur suleman ke war ko rok leta hai.

Aab aage

Jaise hi wo hamla mujhse takrane wala tha tabhi ek kale kapde pahne huye ek nakab posh yodha mere samne aa gaya aur apne talwar ke ek war se hi us ajgar ko do tukdo me kat diya.

Jaise hi us nakab posh yodha ne us ajgar ko do tukdo me kata waise hi suleman ke muh se khun nikalne laga.

Idhar sare log jo waha maujud the sare ke sare ascharya chakit rah gaye aur us nakab posh yodha ko dekhne lage yaha tak ki surya aur mai bhi us yodha ko dekh kar chauk gaya tha.

Idhar jab sab sare log apne hosh me wapas aaye to us nakab posh yodha ko dekh kar aapas me bate karne lage.

...ye kon hai jisne bhediya dal ke leader ka itna takatwar hamle ko ek hi war me nast kar diya ye jarur leader suleman se jyada takatwar hoga tabhi Aisa kar paya.

... Ha ye sahi hai lekin ye hai kon aur rayjada pariwar ka madad kyu kar raha hai.

... Ye jarur koi rayjada pariwar ke jankar hi hoga lekin ye hame kyu malum nhi ki ye kon hai.

...agar rayjada pariwar me koi itna takatwar pahle se hi tha to wo abtak kaha tha.

Bas aise hi bate wo sare log aapas me kar rahe the lekin unke bato ka jabab waha Dene wala koi nhi tha kyuki rayjada pariwar ke log bhi confuse the ki akhir wo hai kon lekin sayad baba ko ye anuman ho gaya tha ki akhir wo kon hai kyuki baba unko dekh kar utna ascharya nhi huye the jitna ki baki sab the.

Idhar jab suleman ne dekha ki uske itne takatwar hamle ko koi ek hi war me nast kar diya to wo ghabra gaya lekin fir apne ghabrahat ko apne andar dabate huye thoda kathor awaj me bola.

Suleman- Kon ho tum aur tumne mere hamle ko nast kyu kiya tumhe ye malum nhi hai kya ki ham bhediya dal se hai.

Nakab posh- Tumhari itna aukat nhi ki tum mera parichay jan sako aur rahi tumhari bhediya dal ki bat to wo mere nakhun ke barabar bhi nhi hai agar mai chahu to ek hi din me pure bhediya ko nast kar sakta hu.

Suleman us nakab posh ke bat sun kar guse se aag babula ho jata hai aur fir guse me bolta hai.

Suleman- Tumhari itni himat ki tum mere bhediya dal ke bare me aisa bolo lagta hai tum mujhe jante nhi ho mai suleman hu bhediya dal ka leader jiske name sunne bhar se bhi bade bade yodhao ka khun pani ho jata hai lagta hai tumhe ye dikhana hi padega ki bhediya dal kya hai.

Itna bol kar suleman apne pure shakti ko ekattha kar ke us nakab posh adami par hamla kar deta hai.

Wo hamla tibra gati se us nakab posh adami ke taraf badhe jaa raha tha lekin wo adami apne sthan par jaise ka taise khada tha aisa lag raha tha ki suleman ka wo hamla us byakti ke liye kuchh bhi na ho aur huya bhi aisa hi jaise hi wo hamla us nakab posh byakti ke pass pahucha us byakti ne us hamle ko bas apne ek hi mukke se nast kar diya.

Jaise hi us byakti ne suleman ke hamlog ko nast kiya waise hi sare log fir se chauk gaye suleman ka to halat hi kharab ho gaya tha.

Nakabposh - Mai chahu to tumhe aur tumhare dal ko chutki me nast kar sakta hu lekin mai aisa karna nhi chahta ab tum ye ladayi band karo aur yaha se chup chap chale jao.

Suleman- Mai yaha se aise khali hath wapas nhi jaunga isne mere bete ko mara hai aaj ya to mai jinda rahunga ya fir ye ladka.

Mai- Agar aisi bat hai to aap mere 2 sal ke bad jivan aur mrityu ka ladayi lad lena kyuki abhi mai apke jitna takatwar nhi hu.

Nakabposh- Thik yadi rohan ye bol raha hai to aisa hi hoga tum ise 2 sal ka samay de do nhi to tum jante hi ho ki tumhare sath kya hoga.

Mera aur nakab posh ki bate sun kar suleman guse se apne dat ko pichne laga fir kuchh der sochne ke bad bola.

Suleman- Mai ise 2 sal ka to nhi lekin 1 sal ka samay de sakta hu agar ise 1 sal ka samay chahiye to thik hai nhi to aaj hi ye yudh samapt hoga chahe usme meri jan hi kyu na chali jaye.

Mai- (Kuchh der sochne ke bad ) Thik hai mujhe manjur hai lekin ye ek sal tak tum ya tumhare koi bhi adami mere pariwar ko hani nhi pahuchayenge.

Suleman- Thik hai mujhe manjur hai mai ya mera koi bhi 1 sal tak tumhe ya tumhare pariwar ko koi bhi hani nahi pahuchayenge lekin ek sal ke bad na tum bachoge aur na hi tumhara ye pariwar aur mujhe aisa karne se koi bhi nhi rok sakta ye nakab posh adami bhi nhi.

Nakab posh- Mai bachan deta hu ki mai ek sal bad ke ladayi me koi bhi hastchhep nhi karunga lekin agar tum ya tumhara koi adami apna wada tod kar ek sal ke andar rohan ya rayjada pariwar par hamla karta hai ya kisi bhi tarah se hani pahunchane ki kosish karta hai to mai ye sunishchit karunga ki bhediya dal ka koi bhi member jinda na bache.

Itna bol kar nakabposh adami ne apna aura release Kiya uska aura dekh kar sare log dar se kapne lage kyuki uske aura se hi pata chal raha tha ki wo Heavan rank ke advance level ke yodha hai.

Uska aura dekh kar suleman ke bhi pasine chutne lage the kyuki suleman ka level bhediya dal me sabse jyada tha lekin uska nakab posh se koi bhi mukabla nhi tha kyuki wo khud heaven rank ke low level par tha.

Fir suleman mujhe ghurte huye waha se apne adamiyo ko lekar nikal gaya jab suleman waha se chala gaya to mai aur mere pariwar ke log chain ke sans liye.

Fir mai us nakab posh adami ke taraf dekhte huye bola.

Mai- Dhanyabad varist apne sahi samay par akar mera jan bachaya mai ye apka upkar jivan bhar yad rakhunga.

Nakabposh- Sabse pahle to aap mujhe varist na bulaye mujhe mere name se bulaye aur mera name Vijay hai.
Rahi bat apke jan bachane ki to ye mera kartavya hai.

Jaise hi baba ne uska name suna wo chauk gaye aur apne chehre par pareshani wali bhav late huye bole.

Baba- Ab ladayi khatam ho gaya hai to ham log andar chal kar bate karte hai.

Mai- Thik hai chaliye aap bhi chaliye Vijay jee.

Vijay- Ha ha kyu nhi mujhe to birendra se kuchh jaruri bat bhi karna hai jo andar chal kar karne me hi achha hoga.

Fir hamlog waha se haveli me pahuch gaye jaha baba jakar apne sthan par baith gaye aur apne unke samne jakar Vijay baith gaya fir baba mujhse bole.

Baba- Rohan hame kuchh apasi bat karna hai tum jakar thoda aram kar lo aur ha jate jate apne maa ko bhi bhej dena aur sainikon ko bol kar jana ki wo kisi ko andar na aane de.

Baba ke bat sun kar mujhe kuchh ajib laga lekin mai unke bat ko mante huye waha se nikal gaya aur sainikon ko baba ke adesh ke bare me batate huye maa ko unke pass bhej diya.

(Writer ke anusar)
Jab rohini waha pahuch gayi to birendra unko baithne ke liye bola jab sare log baith gaye to birendra Vijay se bola.

Birendra- aaj apne mere paiwar aur rohan ko bacha kar mere uper ek upkar kar diya hai mai in upkaro ka badla jarur chukaunga bas aap adesh kare.

Vijay- aaplog to jante hi ho ki mai Raj pariwar ka ek angrakshak hu is liye mai young master Rohan ka bhi angrakshak huya to is karan mujhe unhe bachana hi tha aur rahi apke pariwar ki bat to aaplog jis taras se young master ka dhyan rakhe hai us hisab se pura ka pura Raj pariwar apke upkaro ke tale daba huya hai aur wahi upkar ke karan apke pariwar ko bachana mera kartavya tha.

Rohini- Raj pariwar par hamne koi upkar nhi kiya hai Rohan mera putra hai aur apne putra ka dhyan rakhna har maa bap ka kartavya hota hai.

Vijay- Ye to apka badapan hai jo aap young master ko apne putra ke tarah pyar diya hai lekin sachai jo hai wo badal nhi sakta.

Birendra- sachai chahe kuchh bhi wo lekin Rohan hamara putra tha putra hai aur sada hamara putra rahega maine kabhi Rohan aur Shreya me anter nhi kiya dono mere liye ek saman hi hai.

Vijay- Hamne aap me yahi sachayi dekh kar young master ko apko saupa tha mai janta tha ki aap dono unko maa bap ke kami kabhi nhi hone denge.

Birendra- Waise aap yaha to sirf hame bachane ke liye hi to nhi aaye honge.

Vijay- Apne sahi kaha mujhe to ye malum hi nhi tha ki bhediya dal aaplog par hamla kiya hai mai to yaha kisi aur karya se aaya tha lekin sanyog se mai usi samay yaha pahuch gaya jab suleman young master par hamla kar raha tha.

Birendra- To kripya kar ke aap yaha aane ka prayojan hame bataye.

Vijay- (Kuchh der sochte huye) Ab samay aa gaya hai ki Young Master ko sara sachayi bata diya jaye.

Jab Vijay ye bola to Rohini aur Birendra dino ghabra gaye rohini ke aankho me aansu aa gaya aur wo rote huye boli.

Rohini- Nhi aisa nhi ho sakta mai aap logo ko use kuchh sachai batane nhi dungi Rohan mera beta hai agar use sachai malum ho gaya to kahi wo mujhe chhod kar chala na jaye nhi.. nhi.. aisa nhi hona chahiye.

Vijay- Mai young master ke liye apke pyar ko janta hu mai ye bhi janta hu ki aaplog uske bina nhi rah sakte lekin young master ka bhi aone asali mata pita ke liye kuchh kartavya hai aap use uske kartavya se alag nhi rakh sakte

Birendra- lekin kya abhi batana jaruri hoga abhi wo bahut kamjor hai agar use uski sachayi pata chal gaya to kahi wo kuchh galat kadam na utha le.

Vijay- Apki bat bhi sahi hai lekin usko sachayi to batana hi padega jara sochiye ki aage chal kar kabhi use uski sachayi kisi aur se pata chala to wo aaplogo se kahi nafrat na karne lage.

Rohini- (rote huye) Lekin kya abhi hi batana jaruri hai kya use aur 1 sal nhi mil sakta wo 1 sal me khud ko aur taiyar kar lega kyuki wo janta hai ki itni shakti hone ke bad bhi wo suleman ko hara nahi sakta isliye wo apne aap ko aur takatwar jarur banayega.

Birendra- Ha rohini sahi bol rahi hai agar use abhi sab bata diya gaya to kahi wo apne raste se bhatak na jaye aur 1 sal me hone wali uski jivan mrityu ke yudh me wo har na jaye is liye mere hisab se bhi use abhi kuchh nhi batana chahiye.

Vijay- (kuchh der tak sochte huye) Ha aaplog sahi bol rahe hai use abhi kuchh bhi batana use hani pahucha sakta hai isliye jab wo suleman ko hara dega tab aaplog use sachai bata dena lekin aaplog ko use kuchh din bad Kali pahadi ke jangal me mere pass bhejna hoga uski aage ki traning wahi par hoga.

Rohini- lekin Wo jangal to bahut khatarnak hai wo us jangal me akele kaise jayega maine suna hai ki aaj tak jo bhi us jangal me gaya wo kabhi wapas nhi aaya waha bahut hi khatarnak tilasmi janwar hote hai.

Vijay- nhi aisa nhi hai ki waha jo bhi gaya wo wapas nhi aaya lekin ha ye waha par bahut hi khatarnak tilasmi janwar hote hai lekin wo jagal ke bhitri ilako me hote hai aur mai jangal ke shuruwat me hi use mil jaunga waha par maine ke kabila bana ke rakha hai jo abhi ke Maharaj bhairav singh rana ke khilaf kam karti hai.
Isliye aap bina koi sankoch ke aap young master ko waha bhej sakti hai aur waha par unka traning bhi achhe se hoga.

Birendra- Thik hai mai use Kali pahadi ke jangal me apke pass bhej dunga.

Vijay- Achha kya apne usko wo locket aur storage anguthi de diya tha.

Birendra- Nhi mai abhi tak usko ye sab nhi diya kyuki agar mai ye use deta to wo bahut sawal karta aur us samay uske sawal ka jabab dena muskil tha.

Vijay- Ha ye to hai aap ab usko wo sara saman de dijiyega aur agar wo kuchh puchhe to bas bol dijiyega ki abhi ye bate janne ka sahi samay nhi aaya hai jab sahi samay aa jayega to aap use bata denge.

Birendra- Thik hai aap jaisa chah rahe hai ham waisa hi karenge.

Iske bad wo log aapas me kuchh aur bate karte hai fir Vijay waha se nikal jata hai.

(Mere yani rohan ke shabd me)

Idhar mai apne room me aa jata hu jab room me pahuchta hu to surya mere samne prakat hota hai aur bolta hai.

Surya- Rohan tumhe aur takatwar hona hoga kyuki jaisa aaj situation tha waise me tum kabhi bhi jinda nhi bachte sukhar hai us nakab posh byakti Vijay ka jisne samay rahte tumko bacha liya.

Mai- Ha ye to hai lekin agar tum bhi mere sharir ko kabu kar lete to bhi ham bach jate.

Surya- ha ham bach to jate lekin agar mai tumhare sharir ko kabu karta to mujhe aur tumhe dono ko bahut nuksan uthana padta is liye ek bat yad rakhna ki aisa naubat kabhi na aaye ki mujhe tumhare sharir par kabu karna pade agar aisa huya to iska khamiyaja dono ko bhugatna padega.

Mai- mai agli bar se dhyan rakhunga agar mere samne koi aisa yodha aa gaya jisse mai koi mukabla na kar saka to mai waha se kisi tarah bhagne ki kosish karunga.

Surya- Ha ye thik rahega lekin ab tum kya karoge tum apne itni si shakti se kabhi bhi suleman ka mukabla nhi kar sakte tumhe jald se jald takatwar hona hoga.

Mai- Ha ye to hai lekin mai karu kya samajh me nhi aa raha hai mai traning to kadi mehnat se hi kar raha hu.

Surya- Iska ek upay hai mere pass

Mai- Kya upay hai tum batao mujhe mai koi bhi kam karne ke liye taiyar hu.

Surya- Yaha kanchanpur me rahkar tumhe jitna bhi apne level me aage badhna tha tum badh liye aab tumhe kanchan pur chhodna hoga.

Mai- Lekin mai kanchanpur chhod kar jaunga kaha aur apne maa baba aur Shreya ko kaise samjhaunga wo mujhe yaha se bahar jane Dene ke liye kabhi nhi manege.

Surya- maa baba aur Shreya ko manana tumhara Kam hai ab ye tum kaise karte ho ye tum Jano aur rahi bat kaha Jana hai wo mujhpe chhod do yaha se nikalne ke bad mai tumhe bata dunga ki kaha Jana hai.

Mai- Mai kisi tarah se maa aur baba ko mana to lunga lekin Shreya kabhi nhi manegi.

Surya- (haste huye) Hahahaha tumhare liye ye ek kadi pariksha hai tumhe kisi tarah se sabko manana hi hoga.

Itna bol kar surya haste huye gayab ho gaya aur breslet ban kar mere hath me aa gaya.

Idhar Vijay ke jane ke bad rohini aur Birendra apne kamre me aate hai aur wahi pass ke almira se ek purani sanduk nikalte hai jiske upar dhul jama huya tha aisa lag raha tha ki salo se kisi ne us sanduk ko chhua bhi nhi tha.

Rohini us sanduk ko bahar nikal kar us par jama dhul ko saf karti hai iske bad us sanduk ko kholti hai.

Us sanduk me kisi bache ke chhote chhote kapde the aur pass me hi ek aur Chhota sa sanduk tha jab rohini ne us sanduk ko khola to usme ek locket aur ek anguthi rakhi huyi thi.

Un sare samano dekhte hi rohini ke aankho me aansu aa gaye aur wo rote huye birendra se boli.

Rohini- Kitna Chhota aur pyara lagta tha jab wo hame mila tha dekhiye na dekhte hi dekhte kitna bada ho gaya aab ho pure 17 sal ka baka javan ho gaya hai.
Ham to ye bhul hi Gaye the ki wo hamara beta nhi hai wo hamare pass kisi aur ka amanat hai.
Jab ham usko sachai batayenge to kya wo hame apnayega ya fir wo hame akele chhod kar chala jayega.

Rohini ke bat sun kar birendra me aankho me bhi aansu aa gaye lekin wo apne aansu ko chhupate huye rohini se bole.

Birendra- Dhiraj rakho rohini wo hame jarur samjhega aur agar wo hame apna mane ya na mane lekin hame use uski sachai to batani hi padegi na.
Agar sachai janane ke bad wo hame apna mata pita na bhi mane to kya ham to use apna beta hi manege.
Aur mujhe aisa nhi lagta ki wo sachayi janane ke bad hame chhod dega mujhe aisa lagta hai ki wo sachai janane ke bad uska pyar hamare liye aur badh jayega.

Rohini- ha sachai janane ke bad wo bhale hi hame bhul jaye ya hame chhod de lekin wo hamesa hamara hi beta rahega.
Lekin mujhe bahut dar lag raha hai ki sachai janane ke bad kahi to Tut na jaye mujhe ye soch kar ki dil me dard ho raha hai ki sachai janane ke bad uspe kya bitegi.

Birendra- tum chinta mat karo hamara beta strong ho gaya hai wo sachai janane ke bad bhi khud ko sambhal sakta hai.
Aur tum jyada pareshan mat ho abhi use sachai batane me 1 sal aur hai tum in ek salo me use khub pyar kar lena taki wo tumhe chhod kar bhi jaye to tumhe jyada dard na ho.
chalo ab apna aansu ko saf karo aur ham chalte hai rohan ke room me uska amanat usko wapas karne agar wo tumhara aansu dekh liya to pareshan ho jayega.

Rohini- (Apne aansu ko saf kar ke) Ha chalo

Iske bad dono waha se rohan ke room ke taraf nikal jate hai.

Idhar mai apne room me sone ke taiyari hi kar raha tha ki tabhi mujhe door khat khatane ki awaj sunayi deta hai.

Mai- Kon hai.

Rohini- Beta ham hai tumhara maa aur baba kya ham andar aa sakte hai.

Mai- Maa aur baba aaplogo ko kabse mere room me aane ke liye kisi permission chahiye aap bina puchhe bhi andar aa sakte hai.

Dono andar aate huye

Birendra- Hamne socha ki tum sayad so gaye hoge ya fir dhyan kar rahe hoge is liye puchha.

Mai- (serious tone me) Baba aaj ke bad mai soya rahu ya dhyan me rahu aap log bina kisi se puchhe sidha mere room me aa sakte hai.

Rohini- Thik hai baba galti ho gayi.

Iske bad dono waha par lage sofe par baith jate hai.

Mai- Maa aur baba aap log is waqt mere room me kuchh kam tha to mujhe bula liya hota.

Rohini- Beta darsal hame tumhe kuchh Dena tha isliye ham tumhare room me aa gaye.

Mai- Aisa kya Dena tha aap logo ko jo itni rat me mere room me aaye.

Fir rohini apne hath me rakhe ek chhote se sanduk ko rohan ko dete huye boli.

Rohini- Beta mai ye sanduk tumhe Dene aayi thi isko hame kisi ne tumhe Dene ke liye bola tha.

Mai us sanduk ko lekar dhyan se dekha aur bola.

Mai- kon Dene ke liye bola hai aur kya hai isme.

Baba- Ise khol kar dekho tumhe khud pata chal jayega ki kya hai isme aur ise jo tumhe Dene ke liye bola hai wo tumhara hi koi apna hai.

Mai- Baba aplogo ke shiva aur kon hai jo mera apna hai aur wo jo koi bhi hai wo ye hame Dene ke liye kyu bola hai.

Baba- Mai tumko abhi ye to nhi bata sakta ki wo kon hai jo tumhara apna hai lekin wo jo bhi hai wo tumhara hamse bhi jyada ajij hai.

Mai- Baba aap is tarah se paheliya mat bhujaon sidha sidha bolo ki wo kon hai jo mera apna hai aur wo aaplogo se bhi jyada mere liye ajij hai ek minut kahi aap Shreya ki bat to nhi kar rahe lekin agar use kuchh Dena hi tha to wo khud deti aaplogo ko mere pass kyu bheji.

Maa- Nhi he Shreya ne nhi diya hai.

Mai- To fir bataiye wo kon jo ye sanduk mujhe Dene ke liye bola hai.

Maa- Abhi ye sahi samay nhi aaya hai jab sahi samay aayega to ham tumhe bata denge lekin tum itna jan lo ki wo tumhare liye hamse bhi jyada ajij hai.
Thik hai ab ham chalte hai ham bas yahi sanduk tumhe Dene aaye the lekin ha ek bat yad rakhna is sanduk ke andar jo bhi hai wo tum kisi aur ko mat dena aur hamesa apne pass hi rakhna.

Itna bol kar wo dono waha se chale gaye aur mujhe confusion me chhod gaye ki akhir wo kon jo mere maa baba se bhi jyada mere liye ajij hai maa baba ke jate hi surya fir se prakat ho gaya aur fir dhyan se us sanduk ko dekhne laga.

Surya- aise kya soch rahe ho ab jaldi se is sanduk ko khol kar dekho isme aisa kya hai jo tumhari ne hamesa apne pass hi rakhne ko bola hai.

Surya ke bat sun kar mai apne khyalo se bahar aaya aur us sanduk ko khol diya.

Us sanduk me ek locket aur ek anguthi thi jise dekh kar surya bola.

Surya- Are ye to ek storage anguthi hai ye to tumhara pahle wala se bhi jyada bada lag raha hai aur ye locket kya hai jara ise utha karo mujhe dikhao.

Mai surya ke bat sun kar khus ho gaya ki mujhe ek aur storage anguthi mili hai ab mai pahle Wale anguthi ko Shreya ko de sakta hu fir mai surya ko dikhane ke liye jaise hi us locket ko pakda mujhe ek jor ka jhatka laga aur mai ladkhadate huye pichhe ho gaya.

Surya- Kya huya tum is tarah se ladkhadate huye pichhe kyu ho gaye.

Mai- Mai is locket ko jaise hi chhuta Mujhe is locket se apnatva jaisa mahsus huya mujhe aisa laga jaise ki mai apne maa ke pass hu lekin aisa kaise ho sakta hai maa baba ne to bola ki ye locket unhe kisi ne diya hai to fir ye matritva ka ahsas mujhe kaise huya.

Surya- aisa kuchh bhi nhi hai bas tumhe bharam huya hoga.

Mai- Nhi ye bharam nhi tha ya ho bhi sakta hai mujhe kuchh samajh me nhi aa raha hai.

Surya- thik hai lao wo locket mujhe dikhao.

Fir mai us locket ko surya ko de diya surya us locket ko dhyan se dekhne laga thodi der dhyan se dekhne ke bad surya bola.

Surya- Mujhe jaha tak aisa lag raha hai ki ye locket adhuri hai aur isme kuchh chhupaya gaya hai.

Fir surya us locket ko mere hath me de diya mai us locket ko ulat palat kar dekha to mujhe bhi aisa laga ki ye locket adhura hai iske aur bhi tukde hone chahiye.

Mai- Ha tumne sahi bola is locket ko dekhne ke bad mujhe bhi aisa lag raha ki ye locket adhura hai aue Agar isme kuchh chhupaya gaya hai to ham use dhundhe kaise kyuki ise khola to jaa nhi sakta hai.

Surya- (Kuchh der sochne ke bad bola) ye locket tumhe diya gaya hai to jarur ye tumse juda hai tum ek kam karo uspe apne khun ke ek bund dal kar dekho kya hota hai.

Mai surya ke bat ko mante huye ek pin ko apne ek ungali me chubhaya aur ek bund khun us locket par dal diya jaise hi mera khun us locket par gira wo locket mere khun ko apne andar absorb karne laga jab wo mera sara khun apne andar absorb kar liya to usme se roshani nikalne laga dhire dhire wo roshani mere pure kamare me phail gaya fir thodi der bad wo roshani kam huya to mere samne ek adami khada tha.

 

[THE ZERO]

Update 23 posted