Thriller Humbug The Great

[syed arshad]

Magar....Koobdha Bhi Koi Maamuli Aadmi Nahi Maalum Hota....Black-Zero Ne Kaha....
Aur
Safdar Ki Kahani Dohrayi....!


Haa....Ho Sakhta Hai....Kayi Chakkar Maalum Hote Hai....Kayi Mulk Ke Jasoos....Gehri Nazar Rakhni Padhegi....Ab Yeh Tum Ne Kisi Aise Aadmi Ka Bhi Tazkara Kiya Hai Jiss Se Koobdha Bhi Khauff Hai....Use Bhi Dekhna Padhega....!


Use Bhi Asaani Se Pehchaana Jaa Sakhega....Badi Ajeeb Shakl Hogi Janab....Paishaani Se Naak Tak Chehra Do Hisso Mein Taqseem (Divide) Hai....!


Yaqeen Nahi Aata Hai....Imran Kuch Sonchta Hua Badhbadhaya....Khair....Dekha Jayega....Haa To....Is Chakkar Mein Aa Gaye The Qibla Waalid Sahab....
Magar
Chunke Unhe Mujh Par Aitemaad (Bharosa) Nahi Hai....Isliye Sar Par Chont Khani Padhi....
Aur
Majnu Bhi Banna Padha....Khair....Haa To....Wo Ladki Ek Raat Qatl Kar Di Gayi....Maartha Naam Tha....
Lekin
Uske Qatl Mein Bhi Koobdhe Ya Uske Aadmiyon Ka Haath Nahi Ho Sakhta....Wo Raqabat Ki Bina Par Qatl Hui Thi....5 Aadmiyon Par Shak Hai Mujhe....Unme Se Ek Yaqeeni Taur Par Uska Qaatil Hai....Khair....Yeh Police Case Hai....Acha....Ab Suno....!


Imran Ne Ek Lambi Saans Li....
Aur
Kuch Sonchne Laga....!


Black-Zero Ne Kaha....
Lekin
Aap Ka Maainah (Nirikshan) To Kayi Specialists Kiya Tha....
Aur
Meri Maalumaat Ke Mutabeeq Unka Ek Jut Faisla Tha Ke Aap Yaadaasht Kho Baithe Hai....!


Tarqeeb Number-5....Imran Ne Baayin (Left) Aankh Dabayi....Bas Maaineh Se Pahle Ek Chutki Chadha Leta Tha....Meri Apni Dariyaft (Khoj) Hai....Ek Paudhe Ke Pattiyon Par Paye Jane Wala Bhoore Rang Ka Safoof (Powder) Jo Taqreeban Do Ghante Ke Liye Aarzi (Temporary) Taur Zehni Aur Asaabi Ikhtelaal (Nervous-Disorders) Mein Mubtela Kar Deta Hai....!


Kamaal Hai Janab....Ab Sar Ke Zakhm Ka Kya Haal Hai....?


Thik Hi Hai....Imran Ne Thandi Saans Li....Bohath Kaam Karna Padhega....Kahani Bohath Lambi Maalum Hoti Hai....Koobdha Mere Liye Ek Mustaqeel (Permanent) Uljhan Bana Hua Hai....Acha....Bhai....Ab Chala....!

 

[syed arshad]

Yeh Kahani Ghar Mein Har Ko Maalum Ho Chuki Thi....Amma Bee Jaise Sanjheeda Aurat Bhi Besaqta Hans Padhi Thi....
Aur
Suraiya Ka To Bura Haal Tha....Is Tarah Pach-O-Taab Kha Rahi Thi....Jaise Imran Ki Botiyan Hi Noch Daalegi....!


Uska Kamra Ab Bhi Locked Tha....Rahman Sahab Pahle To Yahi Samjhe The Ke Kisi Ne Khol Diya Hoga....
Lekin
Fir....? Baherhaal....Kamra Kholne Se Pahle Unhe Begum Sahiba Ko Mutmayeen (Santusht) Karna Padha Tha....!


Kamra Khola Gaya....
Aur
Rahman Sahab Baukhla Kar Piche Hat Aye....!


Imran Saamne Hi Padha Bekhabar So Raha Tha....!


Jitni Der Mein Kisi Ko Kuch Kahne-Sunne Ka Hosh Aata....Suraiya Jhapat Kar Thande Paani Ki Baalti Utha Layi....
Fir
Isse Pahle Ke Use Koi Rok Sakhta....Wo Soye Hue Imran Par Khaali Bhi Ho Gayi....!


Holy Father....Imran Dahaadta Hua Utha Baitha....Ab Urdu Mein....Arey Baapre....Haaye....Wo Uchal Kar Khada Ho Gaya....
Aur
Aankhein Phaadh-Phaadh Kar Chaaron Taraf Dekhne Laga....
Fir
Bola....Main Kahan Hu....Arey....Amma Bee....Aadaab....
Aur
Daddy....Aadaab....Aadaab....Suraiya....Teen Baar....Aadaab....Main Yahan Kaise....?


Yaadaasht Wapas Aa Gayi Hai Na....? Suraiya Ne Bura Sa Muh Bana Kar Pucha


BBB....BBiiill....Bilkul....Imran Sardi Se Kaanpta Hua Bola....Sardiyon Mein Thanda Paani Pahle Mizaaj Puchta Hai....
Aur
Fir....Yaadaasht Bhi Wapas Le Aata Hai....Alhamdulillah....!


Suar....Kahin Ka....Rahman Sahab Ahista Se Badhbadhaye....
Aur
Dusri Taraf Chale Gaye....!

 

[syed arshad]

Dusri Shaam Imran Ne Rahman Sahab Ko Danish Manzil Se Ring Kiya....Is Case Ke Alag-Alag Paheluon Par Der Tak Guftgu Hoti Rahi....
Fir
Rahman Sahab Ne Kaha....Aakhir Koobdhe Ko Kyun Roka Jaye....Un Logon Ne Us Bechaare Par Bhi To Zulm Kiya Tha....!


Jee Nahi....Imran Ne Jawaab Diya....Mahez Ek Drama Tha....Jo Aap Ke Liye Stage Kiya Gaya Tha....Koobdha Khaasi Ehmiyath (Importance) Rakhta Hai....Un Logon Ne Khaidi Ko Le Bhaagne Ki Scheme To Banayi Thi....
Aur
Unhe Yaqeen Tha Ke Wo Isme Kaamyaab Bhi Ho Jayenge....
Lekin
Khaidi Ke Mutaleekh (Sambhandit) Chandh Kaagzaat Ka Masla Fir Bhi Baaqi Rehta....Kaagzaat Aap Hi Ki Tahveel (Hirasath) Mein The....Wo Aap Ko Koobdhe Ke Makaan Mein Isi Liye Le Gaye The Ke Kaagzaat Haasil Kar Sakhe....
Lekin
Yaqeen Nahi Tha Ke Aap Asaani Se Shikast Tasleem (Sweekar) Kar Lenge....
Lehaaza
Yeh Programme Banaya Tha Ke Nakaami Ki Surat Mein Aap Ko Koobdhe Ke Saath Khaid Karenge....
Aur
Koobdha Aap Ka Humdard Ban Kar Kaagzaat Ka Suraagh Paane Ki Koshish Karega....Wo Intehai Makkaar Aadmi Hai....!


Lekin....Koobdhe Ne Khattai Zubaan Bandh Kar Li Hai....!


Mushkil Hi Se Qaabu Mein Ayega....Imran Ne Kaha


Magar....Tum Us Makaan Tak Kaise Pahunche The....?


Aap Ki Gaadi Ki Diki Mein Chup Kar....!


Kamre Se Kaise Nikle The....?


Wo....Oohh....Woo....Oohh....Imran Mouth-Piece Mein Haklaya....Haaain....Yeh Kya Ho Raha Hai....Mujhe....Ssshh....Ssshhaa....Shayad....Main Fir Sab Kuch Bhoolta Jaa Raha Hu....Salaam Alaikum....Usne Silsila Cut Kar Diya....!

The End​

 

[syed arshad]

Inshallah Kal Se Humbug The Great Ka Dusra Hissa Start Ho Jayega....Be-Awaaz Saiyyaarah

 

[Gmlove]

Bohat hi zabardast..


Bohat hi zabardast entry mari imran ne..
Black zero ki uljhan bhi rafa hoi..

Rehman sahab bohat barey azaab se bach gaye...

Ab dekhtey hain next part me kia ho ga..

Thanks arshad bhai for sharing wonderful story

 

[Reyaan mallick]

Bahut khoob arshad bhai..... Regular update dekh kr acha lag raha hai.... Sukriya

 

[TAKSHAK]

Badhiya rha part 1.... dekhte h next part me kya game chalta h

 

[Bittu]

Ultimate bro, Ultimate.

 

[KhanSahil]

Bahut khoob Arshad bhai itni jaldi end bhi ho gaya kuch din nahi aa paya tha forum pe aaj dekha to pata chala ki story end waaaah bhai waah

 

[KhanSahil]

Next part kab se start hoga