Update 1
"Nahii pata mujhe kyu itna ishq he tumse,
Jo na mile tu to saase na chali jaye is jism se........"
Raat ke karib 2 baje hue the, Aarav apni dairy me itne shabd likh hi paya tha ki us se raha nahi gaya or wo apni akho se jhar jhar Aasu bahane laga. Or pata nahi kabtak rone ke baad uski aakh lag gayi.
Subah ke 5:30 baje hue the apne room me Arshu Alarm ki awaaz se jaag gayi thi or aakhe kholte hi sabse pehla nazara tha wo dekh wo muskarayi, kyu ki samne ki diwar par Arshu or Aarav ki tasveer thi. Wo uth kar washroom gayi or fresh hui, wo fresh hokar niche arahi thi to usne dekha Aarav ke room ka door band hi he, use laga shayad wo niche chala gaya hoga, to wo niche chali jati he waha dekha to uski mummy kitchen me thi wo foran waha gayi aur apni ma ko gale lagaya
Suman: are meri pari, Good morning.
Wo Arshu ke gaal khinch kar kehti he.
Arshu: Good morning meri pyaari maa
Arshu ne apni mummy ke gaal par kiss karte hue kaha
Lekin Arshu ki nazre to uske liye is duniya ke sabse pyare chehre ko dhund rahi thi.
Arshu: mummy, meri jaan kaha he? abtak so rahe he kya?
Usne Aarav ko abtak niche na dekh kar puch liya. Kyu ke Aarav jaldi se uth kar workout ke baad niche coffee pita he.
Suman: ha beta use jagane gayi thi lekin raat der se soya tha to uska sar dard kar raha he to kuch der or sone do use.
Jese hi Arshu ne ye baat suna uske dil me ek chuban si hui
Arshu(gusse me): pata nahi der raat jaag ke kya karna hota he unhe, jante he ke unhe humesha se hi sar dard karta he fir bhi jaldi sote nahi.
Uska para kafi chadd chuka tha, wo kafi gusse me kehti he.
Suman: beta subah subah kyu gussa kar rahi ho...... ye dekho aa gaya mera beta.
Usne Aarav ko niche ate hua dekh kar kaha.
Arshu jese hi piche mudi uska sara gussa 1 second me hawa ho gaya or usne aage ja kar Aarav ko kas ke gale laga liya
Arshu: Good morning bhai.
Or ye tha Aarav jiska sar dard ke mare fat raha tha, wo Arshu ki pyaari awaaz sunke or uski baho me puri duniya ki rahat mehsus karne laga. Usne bhi Arshu ko apni baho me kas liya.
Aarav: Good morning meri jaan.
Usne Arshu ke mathe par pyar se kiss karte hue kaha.
Sandeep: Are bhai sara pyaar dono me hi he ya hume bhi shamil karoge?
Wo ready hokar jab aye to dono ko dekh kar muskurate hue kaha.
Arshu,Arav: Good morning Papa
Dono apne papa ke gale lagte hue kaha
Sandeep: Good morning beta, waise tumhe pata he logo ke paas kehne ke liye to ek jaan hoti he lekin mere paas 3 jane he.
Arshu: haaaa..... 3?
Usne hairani se Pucha.
Sandeep: haa 3.. tum dono, or wo kitchen me ek jaan he, ho gaye na 3.
Wo aakh marte hue kehta he Ispar Sab hasne lage
Suman: aap sabka ho gaya ho to aa jaye ab Breakfast karne k liye.
Sablog breakfast karne lage Arshu Aarav ke side bethi hui thi.
Breakfast karte waqt Aarav chupke se Arshu ko dekh raha tha. Uski masumiyat, uski khubsurti ko apne dil me kaid kar raha tha, or ye kaam Aarav ka roz ka kaam tha.
Breakfast karne k baad Sandeep ko aaj important kaam tha isliye wo sabko bye kehkar nikal gaye
Is waqt karib 7 baj gaye the.
Arshu or Aarav dono alag alag college me the lekin dono ka waqt almoast same tha to Aarav use drop bhi krta tha or use pick bhi karta tha.
Kuch der baad wo dono Suman ko bye bolker car se college k liye nikal gaye.
Car drive karte waqt Aarav baar baar mirror se Arshu ko dekh raha tha.
Aarav: Arshu tum.....
Arshu: Arshu tum aaj bahut khoobsurat dikh rahi ho.
Arshu ne Aarav ke bolne se phle hi uski taraf dekh kar kaha
Arshu: bhai ye aap na roz kehte ho
Aarav ne muskurate hue ek haat se uske baal jo uske chehre par aa rahe the use hataya. Or uske gaal ko pyaar se sehlane laga.
Aarav: ab jo he wo to kahunga hi na.
Ispar Arshu use muh bana kar chidane lagti he. Aarav to bas uski har harkat ko apne dil me kaid karta jata.
Kuch der baad wo dono Arshu ke College pahoch gaye Arshu ne use bye kiya or college k gate k andar chali gayi Aarav use jaate hue dekh raha tha, tabhi Arshu ruki or usne piche mud ke dekha to usne apne dono haath kamar par rakhte hue Aarav ko jane ka ishara kiya, Aarav muskarate hue waha se nikal gaya.
Arshu: buddhu.....
Or arshu bhi muskurate hue andar chali gayi apni class attend karne.
Yaha jese he Aarav college pahocha usne apni car parking me lagayi or andar ate hi use Rashid mil gya or wo us se gale mila.
(Rashid Aarav ka best friend he, Rashid ek middle class family se he, ek accha ladka jo padhai me hoshiyaar he, Aarav ke liye jaan de bhi sakta he or kisi ki jaan le bhi sakta he)
Aarav: Good morning mere bhai
Rashid: Good morning yaar
Dono milne ke baad canteen gaye or coffee pine lage
Rashid: le bhai Aarav, bhabi aa gayi.
Rashid ne piche se ati hui ladki ko dekhte hue kaha
Aarav ne jab piche mud ke dekha, to uska mood kharab ho gaya
Aarav: yaar ye ab mera mood kharab karne hi ayi he.
Usne apne mathe par haath rakhte hue kaha.
Ladki: Hi Rashid kese ho..
Wo dono ke paas khadi ho kar kehti he.
Rashid: me thik hu sonal..
Rashid ne fiki smile dete hue kaha
Sonal (ye Aarav ke college me hi padhti he 3 saalo se wo Aarav ko patane me lagi he but Aarav use ghaas nhi deta)
Sonal: Hi Aarav, how are you?
Sonal sath me padi chair par beth te hue kehti he
Aarav: me thik hu.
Usne bas rukha sa jawab dete hue kaha.
Sonal: Aarav tumne mujhe bahot bhaga liya piche abto maan jao na...
Lekin wo aage kuch kehti ke Aarav bich me bol pada.
Aarav: dekho sonal me apna mood kharab nahi karvana chahta.... mene tumhe hazar baar kaha he ki me tumse pyaar nahi karta to kyu tum mere piche padi hui ho.
(Second line bolte waqt Aarav thoda gussa ho gaya)
Rashid ne jese hi dekha ki situation bigad rahi he to usne Aarav ko yaha se le jane hi thik samjha.
Rashid: Aarav chal bhai class ka time ho gaya he, warna late ho jayenge.
Or wo.Aarav ko le kar class chala gaya.
Or yaha Sonal uski baat se Jal bhun gayi thi or usne gusse me apne aap se kaha
Sonal: Aarav pyaar to me tumse phle karti thi lekin kayi baar tumne meri bezzati kari he sabke samne, uska badla lene ke liye me kuch bhi kar sakti hu.
Dopeher me Aarav ne dekha time 1pm ho gaye he wo Rashid se bye bolker nikal gaya Arshu ke college
2pm ho chuke the dono ka college sirf 20min ki duri par tha, Yaha Arshu kafi der se Aarav ka wait kar rahi thi usne jab Aarav ko call kiya to uska mobile switch off tha, kayi baar try krne k baad Arshu ka Dil ab ghabrane laga, Uska chehra rona sa ho gaya tha, lekin tabhi use Aarav ata dikhayi diya. Aarav ne car roki but Arshu bahar khade bas dekhe jaa rahi thi, to Aarav bahar aya use dekhte hi Arshu us se lipat kar rone lagi..
Aarav use rota dekh bahot ghabra gaya.
Aarav: kya hua Arshu, tu...tum ro kyu rahi ho?
Wo Arshu ke sar pw haath ferte hue puchta he.
Arshu: aapki wajah se...
Usne sisakte hue kaha
Aarav: m....meri wajah se? mene kya kiya?
Arshu: me kabse aapka wait kar rahi hu, jab aapko call kiya to mobile switch off tha, pata he mujhe kitni ghabrahat ho rahi thi, at least ek message to kar dete ki late hoga...
Uski baat par Aarav muskurate hue uske chehre se asu pochta he.
Aarav: itna bhi pyaar mat karo mujhse Arshu....
Arshu: aap late kyu hue or phone switch off kyu he wo bataye pehle....
Aarav pehle use car me bitha deta he or use ek dibba deta he
Arshu ke chehre pr jo khubsurti rone se chali gyi thi wo us dibbe ko dekh kr firse aa jati he,
Arshu: Wow bhai Basundi
Aarav: isi wajah se late ho gaya, meri jaan ke liye special Basundi jo lani thi. Or phone pata nahi suddenly band ho gaya.
Arshu: thank you bhai.
Aarav: yaar tum bhi na thoda sa late ho gaya to itni pareshan ho gayi, or aise roya mat karo tumhe rota dekh mujhe dard hota he.
Usne Arshu ke chehre par haath ferte hue kaha.
Arshu: Okay bhai
Aisi he bate karte karte wo ghar aa jate he,
Ghar ane ke baad dono fresh hokar lunch ke liye niche ate he
Suman or wo saath me lunch karte he, kuch der tino tv dekhte living room me beth jate he, kuch der baad Suman apne Room me chali jati he.
Aaj Aarav ki nind puri na hone ki wajah se wo sofe pr bethe bethe hi so jata he, Arshu ki nazar jese hi uspar padti he to use Aarav par bahot pyaar ata he, wo use uthana sahi nahi samjhti.
Arshu use dhire se pakad kr uska sar apni godd me rakh deti he. Kuch der baad Aarav nind se jag jata he or khudko Arshu ki godd me pata he. Tab Wo uth kar beth jata he.
Aarav: Are sorry wo kal raat der se soya tha, nind puri nahi hui, to ab lag gyi nind.
Arshu: waise bhai aap sote waqt kitne pyaare lagte ho.
Aarav: zyada notanki na kar, shopping jana he?
Uski baat sunkar Arshu bahot kush hoti he or use gale laga leti he
Darasal jab bhi Arshu ko shopping jana hota he to wo Aarav ko pyaara bol deti he.
Arshu: thank you bhai, i love you so much..
Aarav: chal ab pehle mere liye coffe bana do, me fresh hokar ata hu.
Arshu: abhi layi.
Or wo kitchen me chali jati he
Kuch der baad dono apni mummy ko batakar shopping ke liye nikal jate he.
Wo phle Arshu ke liye kapde kharid te he,
Arshu zyadatar jeans, top, salwar kamiz phna karti thi, western dress bas kabhi kabar pehenti thi but jab bhi western dress pehenti thi to kisi model se kam nahi lagti.
Uske baad usne Aarav ke liye bhi kapde kharide,
Shopping karte karte dono ko 7:30 bj gaye, dono ghar chal diye ghar pe Sandeep bhi aa chuka tha, sabne mil kar dinner kiya or sab log kuch der baate karne ke baad sone chale gaye...
Aarav apne room me aya hi tha ke uske piche piche Arshu bhi chali ayi, or wo akar Aarav ke side me bed pr let gayi, or Aarav ko ektak niharne lagi.
Aarav: aise kyu dekh rahi ho?
Wo Arshu ko apni taraf ghurta dekh us se puch leta he.
Arshu: bas dekh rahi thi mere bhai kitne acche he.....
Usne itna kaha hi tha ke wo Aarav ke upar jhapat padi.
Dono humesha se aise hi masti karte the.
Aarav ne uske Nazuk sharir ko apne se kas kar pakad liya
Arshu: ahhh bhai chhodo na mujhe, Dard hota he.
Aarav: nahi chhodta karlo jo karna he.
Arshu: accha ye baat he....
Or usne Aarav ke gaal ko kaat liya Aarav ki ek karah nikli.
Aarav: ahhhh.. pagal ho gayi ho kya?
Wo apne gaal ko sehlate hue kehta he.
Arshu: Aap hi ne kaha jo karna he karlo...
Arshu haste hue kehti he.
Aarav: yaar Arshu tum kafi moti ho gayi ho, apna wait kam kar lo..
Arshu: haaaaa... Me or moti..
Wo ye kehte hue Aarav ka collar pakad kar use dhakke lagane lagi.
Aarav jor jor se hasne laga, to Arshu us se alag hui aur gusse me room se bahar jane lagi. Lekin tabhi Aarav ne uska haat pakad liya.
"Aise kafa na ho mujhse,
Tumhare bina ye duniya kuch bhi nahi.
Ye muskurahat hi to he jo rakhti he zinda mujhe,
Aise khafa mat hona, ye saase saath na chhod de kahi"
Aarav ne use apni taraf karte hue ye kaha.
Ispar Arshu muskurayi
Arshu: bhai itna pyaar kyu karte ho mujhse?
Aarav: har kisi ko apni zindagi pyari hoti he, or meri to zindagi hi tum ho to kese na karu itni khubsurat zindagi se pyaar....
Uski baat se Arshu ko bahot accha laga, usne Aarav ko hug kiya kuch der dono baate karte rahe or fir Arshu apne room me chali gayi, Aarav bhi nind ki aagosh me chala gaya.
Aur is tarah inka ye pyaar bhara din guzar gaya.
Guys aaj ke update me sirf itna hi, updates regularly aya karenge, if koi galti hui he to maaf karna. Or comment jarur kro kesa laga update, koi suggestion he to de dena bhai.
nice update
Update 2
Arshu: bhai itna pyaar kyu karte ho mujhse?
Aarav: har kisi ko apni zindagi pyari hoti he, or meri to zindagi hi tu he to kese na karu itni khubsurat zindagi se pyaar..
Arshu ko bahot accha laga, usne use hug kiya kuch der dono baate karte rahe or fir Arshu apne room me chali gayi, Aarav bhi nind ki aagosh me chala gaya.
Aur is tarah inka ye pyaar bhara din guzar gaya.
____________________________________________
Ab Aagey:
Waqt tha Subah 5am Alarm ki awaaz se Aarav ki aankh khuli,
Wo Bed k paas table par rakhi Arshu or uski tasveer utha kar niharne laga, fir wo uthkar fresh hone chala gaya, fresh hone ke baad wo Arshu ke room me gaya us waqt Arshu so rahi thi lekin sote hue bhi uske chehre par muskan thi, Aarav uski khubsurti uski masumiyat ko apne dil me utarne laga wo ja kar bed par beth gaya. Or Arshu ke bikhre baal jo uske chehre par the use hatate hue wo use jagane laga
Aarav: Arshu.....Arshu uth jao na subah ho gayi hai...
Arshu: ha thodi der sone do na bhai please..
Usne karvat lete hue kaha
Aarav: are 5:30 am ho raha he, chalo utho
Usne Arshu ke gaal sehlate hue kaha
Arshu ki neend khul chuki thi, apne bhai ko samne dekh wo badi si smile deti he
Arshu: Good Morning bhai
Aarav: Good morning sweetheart.
Or Wo uthkar Aarav ke gale lag gayi, Aarav ko uski baho me jitna sukoon milta utna duniya ke kisi kone me nahi tha. Fir wo uthkar washroom chali gayi, Aarav ghar me bane gym me workout karne laga,
7am ko sab milke breakfast karne lage Aarav apna roz ka kaam karne laga, wo Arshu ki khubsurti ko apne dil me samane laga. Dono apne parents ko bye bolker college k liye nikal gaye.
Aarav ne Arshu ko college chhoda or apne college k liye nikal gaya, Raste me use Rashid ka call ata he
Aarav: ha bhai bas raste me hi hu.....
Rashid: Aar...Aarav
Uski awaaz kafi ladkhada rahi thi
Aarav: kya hua bhai teri awaaz aisi kyu aa rahi he??
Rashid: Na.... Nahi kuch nahi
Or usne call cut kar diya
Aarav ko chinta hone lagi ki kya baat he wo use call back karta raha lekin usne call pick nahi kiya,. Aarav thoda pareshan ho gaya usne tezi se car ko college ki taraf dodayi,
Lekin college me pahuchte hi use pata chala ki Rashid college nahi aya he, Aarav foran uske ghar ki taraf chal diya
Aur waha dekha to ghar band tha Aarav ne aas paas ke logo se pucha
Aarav: Aunty ye rashid or uski family kahi bahar gaye hue he kya?
Aurat: are beta uske papa ko heart attack aya tha to wo sab hospital gaye hue he.
Ye baat sunte hi Aarav ka dil beth gaya, usne rashid ke papa ko jis hospital me le gaye he waha ki details li or nikal gaya.
_____________________________________________
Tabtak hum dekhte he ki Rashid ke ghar kya hua tha
Location: Rashid's House
Subah ke karib 6:30 baje rashid ke papa uth kar jab hall me aye to unhe suddenly stroke aa gaya, Rashid or uski mummy ne unhe hospital le gaye, or waha kuch der baad dr. Bahar aye or rashid ne rote hue unse pucha
Rashid: dr. Mere papa thik to hena
Dr: aap please mere cabin me aa jaye
Rashid or uski maa ghabra jate he or dr. K cabin me beth jate he
Dr: dekhiye unki halat bahot critical he, jald se jald treatment nahi karvaya to unki jaan ko khatra ho sakta he.
R. Mummy: Aap please unka treatment kariye
Dr: dekhiye iske liye 7-8lakh tak ka karcha aa sakta he,
Treatment 2-3 days ki hogi aap aaj ke aaj 3-4lakh deposit karwa dijiye, zyada der karenge to unki jaan ko khatra badh sakta he.
Ye sunte hi dono maa bete ke hosh udd jate he, wo log middle class family se the or ek saath 7-8 lakh kaha se late wo bahar aye bahar akar uski mummy rone lag gayi,
Rashid: mummy please aap roye mat, me hu na sab kuch thik hoga.
R. Mummy: kese hoga sab thik, hum kaha se 7-8 lakh la sakte he beta..
Rashid: aap yaha bethiye me kuch karta hu.
Or wo waha se thoda dur akar phone nikalta he or Aarav ko call karta he lekin wo use kuch bata nahi pata
______________________________________________
PRESENT:
Aarav hospital pohochta he or reception pr details leta he
Or wo us taraf chal deta he
Aarav dekhta he ki Rashid or uski mummy wahi chair par bethe ro rahe the, Aarav unke paas jata he or rashid k kandhe par haat rkhta he rashid jese he use dekhta he to use raha nahi jata or wo uske gale lag kar rone lagta he jo kafi der se apne andar dabaye rakha tha.
Aarav: bhai chup kar, kya hua Kuch update mili?
Rashid kuch nahi kehta
Aarav: kya hua Bolna?
Fir wo Aarav ko sab kuch bata deta he
Aarav jeb se phone nikalta he or apne family Dr. Mrs. Sharma ko call kr k sab bata deta he
Mrs. Sharma: Aarav tum ek kaam karo waha se unko discharge karva kar humare hospital le aao me abhi ambulance bhej deti hu.
Aarav: Okay Aunty, and thank you so much.
Aarav jaldi se unhe waha se discharge karvata he waha ambulance bhi aa jati he. Wo unhe Mrs. Sharma k hospital me shift kara deta he jaha kuch paperwork karne ke baad unka treatment shuru ho jata he. Rashid ki mummy haat jodte hue us se kehti he.
R. Mummy: Shukriya Aarav, tumhara....
Wo aage kuch bolti us se phle Aarav unke haat pakad leta he
Aarav: Maa, aap bhi na bete ke samne koi haat jodta he kya..
Aarav or Rashid bht acche dost he to Aarav rashid ki mummy ko Maa kehkar hi bulata he.
Wo Aarav ko gale laga kar rone lagti he Aarav unhe chup karata he or waha khade Rashid ke paas aa jata he.
Aarav: kyu bhai itni hi dosti he apni jo mujhe ye baat batani zaruri nahi samjhi...
Rashid: Aarav wo... Wo m....
Wo itna bolta he to Aarav use gale lagakar chup karata he.
Dopehar tak wo sab wahi bethe rehte he Aarav Rashid or uski mummy ko zabardasti khana khilata he. Tabhi uska phone ring hota he wo dekhta he ki call Arshu ki thi
Aarav: ha Arshu bolo..
Arshu: kaha ho bhai aap?
Aarav: me wo hospital me hu, Ra...
Uski baat puri hoti ke Arshu boch me bol padti he
Arshu: hospital, kyu kya hua, bhai aap thik hona, konse hospital me ho mujhe bataye.....
Uski tez chalti train ko Aarav apni baat se rok leta he.
Aarav: are o bullet train puri baat ko suna karo, wo Rashid ke papa ko hospital le kar aya hu.
Or wo use puri baat bata deta he.
Arshu: ohhh...... bhai aap wahi rehna, or unka dhyan rakhna.
Aarav: okay, tum thik se chali jana or mujhe call karna ghar jane ke baad.
Arshu: okay bhai, bye
Aarav: bye.
Dopehar ke baad Mrs. Sharma bahar ati he.
Mrs. Sharma: dekhiye ab ghabrane ki koi baat nahi he, unhe kuch dino me treatment hone ke baad discharge de denge.
R. Mummy: apka bht bht shukriya
Aarav: ha aunty Thank you so much.
Mrs. Sharma: are aap log ab bas kijiye.
Aise hi shaam ka waqt ho jata he Rashid or uski mummy Aarav ko ghar janeke liye kehte he. Aarav bhi kuch der baad nikal jata he.
Use ghar ate 8 baj gaye the, Arshu ne college se ate hi mummy papa ko bata diya tha.
Papa: beta kesi tabyat he unki ab?
Aarav: ha papa ab bilkul thik he, kuch din treatment hogi fir discharge de denge
Papa: Okay beta! Me Mrs. Sharma se baat kar lunga payment k bare me
Mummy: ha unhe koi takleef nahi honi chahiye.
Aarav: Okay
Fir Aarav apne room me fresh hone chala gaya
Wo washroom se bahar aya to dekha Arshu Bed par Khane ki plate le kar bethi hui thi, Aarav bed par akar beth gaya.
Arshu: bhai chalo apko me khana khila du.
Aarav: tumne kha liya?
Wo Arshu ke sar pe haath ferte hue puchta he.
Arshu: nahi...... mujhe pata he apne hospital me kuch nahi khaya hoga.
Aarav: Are pagli tum aise mat kiya karo...
Wo Arshu ke sar me halke se marte hue kehta he.
Arshu: wo sab chhodiye, mu kholo
Arshu ne ek niwala uski taraf badhate hue kaha
Aarav ne bhi uske haat se khana kha liya fir dono ek dusre ko khana khilane lage. Khana hone k baad dono unke backyard me tehelne lagte he, Arshu ne Aarav ki baho ko pakda hua tha, jo bhi unhe dekhta wo unhe pyara sa couple hi samajhte.
Pichle kuch saalo me Aarav ka pyaar Arshu ke liye bahot aage badh chuka tha use pata hi nahi chala kab wo use ek ladki ke roop me pyaar karne laga. Aise hi kuch din nikalte gaye Aarav ka pyaar Arshu ke liye had se zyada badh raha tha, wo jab bhi Arshu k saath hota to mano use duniya ki koi padi hi nahi ho, jab us se dur hota to bas bechain sa rehta, college me bhi wo bas Arshu ke khayalo me khoya rehta, Sonal ne kayi baar use baat krni chahi par Aarav ko Arshu ke siwaye koi dikhai de to wo uski baate sune na. Use samjh hi nahi aa rah tha ki wo kya kare.
Ek raat uski aakho se neend koso dur thi, wo bas bar bar karvate badal raha tha, bahar tez barish ho rahi thi, Aarav utha or apne villa ke rooftop par chala gaya or barish me khada ho gaya. Or upar asman ki taraf muh kar ke khada ho gaya
Aarav:
"Ye kesa ishq he tumse
jo na bata sakte hai,
na to chupa sakte hai,
Zindagi bhi ajeeb khel
khelti hai, Muhabbat bhi unse hui
ek paak rishta hai jinse.
chahta hu Teri akho me akhe dal kar
apne Ishq ka izhaar karu,
Banke baarish ki bunde
Ye zindagi tere naam karu,
Lekin kya kare janab,
bandhe he hum ek aise rishte me,
Jo na bata sakte hai,
na to chupa sakte hai"
______________________________________________
Subah Alarm ki awaaz se Arshu ki Aakh khul jati he,
Wo fresh hokar niche jane ke liye hoti he ki use Aarav ke room ka door open dikhta he, to wo sochti he us se mil le,
Lekin wo jab andar jati he to Aarav waha nahi hota, wo awaaz lagati he kahi wo bathroom me to na ho.. lekin wo waha bhi nahi hota, Arshu niche aakar dekhti he but wo waha bhi nahi tha.
Suman: sab cars garage me hi hai wo bahar bhi nahi gaya hoga, kaha gaya ye ladka subah subah..
Ab Arshu use dhundte hue upar rooftop par jati he, or wo nazara dekh uski to mano dhadkan hi tham gayi....
Arshu: bhai.........
Dosto Aaj ke liye bas itna hi, ab aage dekhna ke kya hota he,
Jo bhi hoga next update mepata chal jayega. Stay tuned
badhiya update
Update 3
Arshu use dhundte hue upar rooftop par jati he, or wo nazara dekh uski to mano dhadkam hi tham gayi....
Arshu: bhai.........
_____________________________________________
Ab Aagey:
Arshu ki chik itni zor se ayi ke niche se uske mummy papa bhi upar aa gaye, darasal Arshu jese hi upar pohochi usne dekha ki Aarav niche zameen par gira hua he puri tarah se bheega hua, wo dod kar uske paas gayi or Aarav ko uthane ki koshish kar rahi thi, tabhi uske mummy papa bhi upar aa gaye apne bete ko aise dekh kar wo log bhi ghabra gaye..
Arshu: Bhai... Bhai utho na, please apni aakhe kholo na bhai...
Fir Sandeep ne use apne hato me uthaya or niche aa gaye,
Use car me betha kar tezi se hospital chale gaye, piche Aarav ke saath Arshu bethi hui bas ro ahi thi, use jagane ki nakaam koshish kar rahi thi. Aage Uske papa drive kar rahe the or mummy saath bethi ro rahi thi.
Wo hospital pohoch gaye.
Kuch der baad Mrs. Sharma bahar aati he.
Arshu: Aunty bhai thik he na? Wo...wo hosh me aa gaye he ya nahi? Unhe kuch nhi hua na...?
Arshu rote hue unse puchti he
Mrs. Sharma: Beta don't worry wo ab thik he.
Ye sunte hi sabke chehre par khushi aa jati he
Mummy: mujhe mere bete se milna he...
Mrs. Sharma: Bhabi aap abhi nahi mil sakte Aarav abhi thoda kamzori ki halat me he. Saline lag di he kuch der baad aap mil lena.
Papa: lekin use kya hua wo behosh kyu hua?
Mrs. Sharma: shayad wo puri raat bheeg raha tha barish me,
Bukhar bhi he, kisi baat ka stress ho sakta he tabhi behosh ho gaya he Aarav.
Sab bas yahi soch rahe the ki kya stress he use,
Kuch der baad sabko andar jane ki permission mil gayi, Aarav abhi bhi thodi kamzori ki halat me tha, Arshu bhagte hue ayi or uske gale lag kar rone lagi, uska rona Aarav ke dil ko cheer raha tha.
Arshu: kya kar rahe the aap ratme Akele, kis baat ka stress he aapko bhai, mujhse sab kuch share karte ho na to mujhe batana chahiye na, koi problem he to me help karungi aapki.
Wo rote hue bole jaa rahi thi.
Aarav(man me): agar tumse share karta to tum apne aap ko nahi sambhal pati jaan, or tumhe takleef dene se accha meri jaan na chali jaye? Tum kuch nahi kar sakti Arshu.... Kuch bhi nahi..
Ye sochte waqt Aarav ki akho se bhi asu aa gaye.
Sandey: Arshu beta chup karo, use araam karne do.
Suman: tum thik ho na beta?
Wo Aarav ke sar pe haath ferte hue puchti he.
Aarav: ha mummy me thik hu, aap roye mat.
Uske papa uske paas akar beth gaye,
Suman: khud rulate ho or kehte ho ro mat, apne bacche ki aisi halat dekh konsi maa chup reh sakti he...
Sandeep: Suman bas bhi karo ab, beta me tumhare liye kuch khane ka intezam karta hu.
Aarav: papa mujhe kuch bhi khane ka bilkul man nahi kar rah he.
Papa: are beta....
Uske bich me Arshu bol padti he
Arshu(gusse me): me dekhti hu kese nahi kuch khate, ab to maar maar kar khilaungi aapko..
Wo Aarav ko mukka dikhate hue kehti he
Is par waha bethe teeno has padte he.
Fir Arshu use zabardasti kuch fruits or juice pila deti he,
Kuch der baad Aarav so jata he tab Arshu ka mobile ring hota he wo dekhti he ki call Rashid ka tha.
Arshu: hello bhayya.
Rashid: hello Arshu, Aarav aaj college kyu nahi aya?
Arshu: actually hum bhai ko le kar hospital me aaye he.
Or wo use puri baat bata deti he.
Rashid: omg ye na din ba din pagal hota chala jaa raha he, me thodi der me aa jaunga waha.
Arshu: Okay bhaiya.
Or wo call cut kar deta he.
Thodi der baad Aarav uth jata he is waqt uske mummy papa Mrs. Sharma ke cabin me the, or is waqt room me sirf Arshu or Aarav the. Arshu ne dekha Aarav uth gaya he to wo uska haath apne haato me thaam leti he.
Arshu: Ab thik ho na bhai aap?
Aarav ke liye to Arshu ka touch hi sabse badi dawai he.
Aarav: ha me bilkul thik hu sweetheart...
Wo muskurate hue kehta he.
Arshu: To ab batao kya baat thi jo aapne aisi halat bana li he?
Aarav(man): nahi bata sakta Sweetheart, nahi bata sakta, me nahi chahta tumhe meri behen hone par ghin aye. Me sabkuch sehen kar sakta hu lekin tumhari nafrat kabhi sehen nahi kar paunga. Mat pucho kyu.
Use gehri soch me dekh Arshu samajh jati he ke koi badi baat he.
Arshu: bhai kaha kho gaye, batao na kya baat he?
Aarav: Arshu waqt ane par me bata dunga, please ye mat puchna wo waqt kab ayega.
Arshu bhi use space dena sahi samjhti he.
Arshu: Okay bhai. Jab aapka dil kare bata dena.
Kuch der baad waha Rashid bhi aa jata he wo use milta he.
Thodi der baad Mrs. Sharma Aarav ko discharge kar deti he
Or wo sab ghar chale jate he.
Ghar aane ke baad se Arshu ne Aarav ko ek pal ke liye bhi apne se alag nahi kiya. Raat ko dinner ke baad wo log saath me kuch der beth te he fir Arshu use lekar room me aa jati he.
Arshu: aap let jaye me abhi change kar ke wapis aati hu.
Aarav: wapis aati hu? Tumhe sona nahi he kya?
Arshu: ha to aapke saath hi so rahi hu me.
Aarav ko ekdum se jhatka lagta he, halaki apni behen k saath to koi bhi so sakta he lekin Aarav ki feeling Arshu ke iye ek behen se kayi aage badh gayi thi.
Aarav: are tum kyu tension le rahi ho, me kahi nahi jaunga raat me. Bas?
Arshu: Aapko koi problem he mere yaha sone se?
Arshu ne apna muh fulate hue narazgi se kaha, jis waqt wo bahot pyaari lag rahi thi. Aarav to bas us par fida ho gaya or use ektak dekhne laga.
Arshu: aise kya dekh rahe ho, koi problem he to me jati hu, Good Night.
Aur wo waha se jane lagti he.
Aarav: are naraz kyu hoti ho, mujhe bhala kya problem hogi tumhare yaha sone se.
Wo Arshu ka haath pakdte hue kehta he
Fir Arshu apne room me change karke Aarav ke room me aa jati he dono ka room bagal me hi tha.
Arshu ne is waqt shorts or half sleev T-shirt pehna tha
Wo akar Aarav k bagal me let jati he. Kuch der dono bate karte he fir Arshu so jati he, lekin Aarav ki akho se neend aaj koso dur thi. Wo bas Arshu ko dekh raha tha.
Aarav(man me): kyu sweetheart? Kyu me tumhe chahne laga hu? Kyu me tumhare liye pagal hota jaa raha hu? Mujhe nahi pata ye sahi he ya galat, hum jis society me rehte he waha is pyaar ko paap mana jata he, Lekin me ab sahi, galat paap, punya in sab se bahot aage badh chuka hu, tumhe pata he mene socha tha jis ladki se mujhe pyaar hoga me usi waqt us se apne pyaar ka izhaar kar dunga, lekin wo ladki tum nikli, Arshu.....Arshu mujhe darr he kahi sacchai jaan ne ke baad tum mujhse nafrat na karne lag jao, or isi wajah se itne salo se ye baat mene apne dil me hi rakhi he, agar me tumse apne dil ki baat kehta hu to bhi tum mujhse dur ho jaogi, or agar nahi karta to mere samne tumhe koi or apna bana le jayega. Me nahi dekh paunga sweetheart tumhe kisi or ke saath, me kya karu. Har pal bas teumhara hi khayal ata he. Jab tum saath nahi hoti to ghutan si hoti he, saas lene me bhi takleef hoti mujhe, please sweetheart meri help kar do. Mujhse bahot pyaar karti ho na tum? to sacchai jan ne ke baad mujhse nafrat to nahi na karogi? Apne bhai ko maaf to kar dogi na tum? Arshu Mujhe mera Ishq nahi mila to me mar hi jaunga. Me har ek pal til til mar rah hu. Andar hi andar jal raha hu, Please, please meri help kro sweetheart, mujhe apni jaan manti ho na, tumhari jaan bahot takleef me he Arshu.... Bahot takleef me.... I Love You Arshu.... I Love You So Much.
Ye sab sochte waqt Aarav ke akho se jhar jhar asu behne lagte he. Kuch der aasu bahane ke baad wo khudko sambhal leta he. Itne asu bahane ke baad use nind aa rahi thi, usne sone se phle Arshu ko dekha jo bht pyaari lag rahi thi wo apna chehra aage Arshu ke mathe ki taraf badha ta he uska matha chumne ke liye. Is waqt uski saase bht tez ho gayi thi wo dhire dhire uske mathe ke karib aya, Arshu ko uski saase mehsus ho gayi or usne apni akhe kholi, or Arshu ne paya ke Aarav uske mathe ke paas aakar ruk gaya uski aakhe band thi, Arshu ne jab dekh to usne apna sar upar uthakr apna matha uske hoto par laga diya, Arshu ke aisa karne se, Aarav jhat se sidha uthkar beth gaya uski halat kharab thi, Arshu bhi uthkar beth jati he.
Arshu: Kya hua bhai?
Aarav: ku....kuch nahi wo....me.. mujhe bht der se nind nahi aa rahi thi abhi nind ayi to...
Usne kisi tarah khudko sambhalte hue kaha.
Arshu: to?
Aarav: to... Kuch nahi, tum so jao. Good night
Or ye kehkar wo ane upar chadar odh kar so jata he. Arshu ke liye ye forehead kiss to roz ki baat thi
Lekin Aarav thoda ghabra gaya tha.
Khair dono apni zindagi me aage ane wale Hadso, khushiyo, dukho se anjaan neend ke aagosh me chale gaye.
______________________________________________
Aaj ke update me sirf itna hi, ab aage dekhna he ki inki zindagi me kya kya mod ane wale hai. Jan ne ke liye stay tuned
| Position | Benifits |
|---|---|
| Winner | 1500 Rupees +  Award + 30 days sticky Thread (Stories) |
| 1st Runner-Up | 500 Rupees +  Award + 2500 Likes + 15 day Sticky thread (Stories) |
| 2nd Runner-UP | 5000 Likes + 7 Days Sticky Thread (Stories) + 2 Months Prime Membership |
| Best Supporting Reader |  Award + 1000 Likes+ 2 Months Prime Membership |
| Members reporting CnP Stories with Valid Proof | 200 Likes for each report |
Ishq hai tumse part 2 kb aayega bro aapne dec 27 2020 me post kiya hai ki jald hi start hoga ab to 2023 aa gya
