Sauravb
Victory 💯
- 8,104
- 14,284
- 174
Super update..mujhe lagta he ye triangular love story hoga..
THE APOLOGY
PLACE: (ICST) [MUMBAI]
DATE: JULY 4/2018
INSIDE THE CLASSROOM:
“Sir Ye Question frame karwa kar kyon lagwaya hua hain yahaan?”
So, abhi chal rahi hai wahi class jiske baare mein ARUSHI ne ISHIKA se kaha tha. Aur aaj ki class lag rahi hai Mathematics Lab mein. Aur wahaan par ek frame karwaaye huye question ko dekh kar puchha tha ye sawaal ek first year ke ladke ne PROF. NIKHIL se.
PROF. NIKHIL – Ab special cheezon ko special tareeke se hi rakha jaata hai. This is also a special Question so isiliye ye framed hai.
STUD. – But sir kya special hai isme?
PROF. NIKHIL – Well, ismein special ye hai ki ICST ki history mein sirf do hi log isse solve kar paayein hain.
Ye sunkar first year ke sabhi students hairaan ho gaye. Wahin 2nd year waale to ye jaante hi the so kaahe hairaan honge.
STUD. – And who are those two persons Sir?
PROF. NIKHIL – ICST ke DIRECTOR SIR aur Main and agar chaho to aap sab bhi isse try kar sakte hain and believe me agar aap mein se koyi isse solve kar leta hai then I must say that student is a genius.
Ye aakhiri line sunkar sabhi 2nd year ke students ke chehre ghoom gaye ek taraf aur wahaan baitha tha ADITYA. Ye dekh kar PROF. saahab ke chehre par bhi halki si smile aa gayi. Wahin 1st year ke students chehron par sawaal liye ye sab dekh rahe the, especially ISHIKA.
ADITYA ne ek baar sar oopar karke sabhi Students aur PROF. sir ki taraf dekha aur fir dobara se sar neeche karke apne Notepad mein kuchh likhne laga. Kuchh paanch minute baad wo sar neeche kiye huye hi bola √(7.691) π.
Ye sunkar sabhi students aankhon mein sawaal liye PROF. ki taraf dekhne lage. Jinke chehre par ek bahut hi bright smile thi aur unhone sirf itna hi kaha – Absolutely Correct.
Ye sunkar sabhi sabhi ke dimag jaam ho gaye. 2nd year waalon ne to fir bhi hajam kar liya par bechare freshies to sunn ho gaye the. But ek chehre par hairaangi , shock aur sawaalon ke alawa bhi ek cheez thi, aur wo tha guilt. Ji haan ye ISHIKA hi thi. Asal mein ye kal se hi ADITYA se maafi maangna chahti thi par isse mauka hi nahi mila tha. Aur isi kaaran se ye bhaav dikh rah tha iske chehre par.
(Agar aap ye soch rahen hain ki ADITYA & Classmates to pehle bhi lab mein aaye honge aur unhone bhi ye question dekha hoga to fir ADITYA ne iska jawaab bhi pehle hi de diya hoga.
Ji nahi esa nahi hai. Actually, jab ye pehle yahaan aate the tab sab students ek doosre ke liye barabar the. Ab school performances achhi hone ka zyada impact nahi padta new college life mein aur isiliye ADITYA ko bhi ek baakiyon ke jaisa hi student maana tha sabne. So kisi ko bhi umeed nahi thi ki wo ye question solve kar dega. But this time first year ke examinations mein uske performance ne ye saaf kar diya tha ki wo baakiyon jaisa nahi hai. That’s why iss baar ye sab hua.)
To, aise hi kuchh der baad inki classes khatam huyi, ISHIKA canteen ki taraf hi jaa rahi thi ke tabhi usse parking area ke paas ADITYA khada dikhayi diya. Yahi samay usse sahi laga apni baat rakhne ke liye.
Wo tezz kadmon se chalti huyi ADITYA ke paas pahunchi joki uski taraf peeth karke khada tha. Par ab uss bechari ko samajh hi nahi aa raha tha ke wo kya bole. Usne himmat jutate huye ek dabi si awaaz mein bola,
ISHIKA – I’m Sorry…
ADITYA ( palatne ke baad ) – Huhh.. Sorry, for what?
ISHIKA – Wo uss raat.. I slapped you.. mera koyi galat intention nahi tha… I thought ke tum uss ladki ko pareshaan kar rahe the.. you know na ke wo kitni dari huyi lag rahi thi… Isiliye I .. I just..
Apni baat kehte huye ISHIKA bahut hi nervous aur ghabrayi si lag rahi thi par pata nahi kyun ADITYA ko badi hi cute lag rahi thi.. ADITYA koshish to kar raha tha par wo ISHIKA par se apni nazren hata hi nahi paa raha tha. Ek khinchav sa mehsoos ho raha tha ADITYA ko uske prati joki usse majboor kar raha tha ISHIKA ko dekhte rehne ke liye.
Idhar ISHIKA apni daleel pesh karne ke baad nazren jhukaaye khadi thi par ADITYA ki taraf se koyi pratikriya naa milne par usne ADITYA ki taraf dekha to paaya ki wo usse hi apalak ghoore jaa raha hai. Uski iss harkat par swatah hi ISHIKA ke maathe par gusse ki lakeerein dikhne lagi aur ADITYA ne bhi ye baat notice kar li. Isiliye maamla Sambhalte huye usne kaha…
ADITYA – Koyi baat nahi.. I can understand.. Tumhaari galti nahi thi.
Uski iss baat ko sunkar ISHIKA filhaal ki ghatna bhoolkar khush ho gayi aur apne aap hi uske chehre par ek halki si muskaan aa gayi. Aur idhar ADITYA ko to filhaal wo duniya ki sabse pyaari ladki lag rahi thi.
Usne ADITYA ko ek baar fir sorry kaha aur wahaan se nikal gayi. Idhar ADITYA jadhwat sa khada ussike baare mein soche jaa raha tha aur aakhir mein wo apna sar jhatak kar chehre par ek smile liye apni bike uthakar wahaan se apne ghar ki taraf nikal gaya.
PLACE : SANJEEV VILLA (INDORE)
“Kaash tum waapis aa jaate. Kaash maine wo galtiyan naa ki hoti. Jab tum mere paas the tab kabhi bhi main tumhe pyaar nahi de paayi. Hamesha tumse nafrat ki. Wo bhi bina kisi wajah ke. Aur ab jab tum mujhse door chale gaye ho tab mujhe Tumhaari kitni yaad aa rahi hai. Pata nahi kahaan hoge tum.”
Ye bol the ek ladki ke jo apne haath mein ek bache ki tasveer liye aansoon baha rahi thi. Paschataap aur dukh ke bhaav uske chehre par saaf dekhe jaa sakte the. Tabhi uss kamre mein enter karte hain ek aadmi aur ek aurat. Wo uss ladki ke haath mein tasveer ko dekh lete hain aur apne pichhle karmo ko yaad karke apne aap hi unki aankhen sharm aur pachhtaave se jhuk jaati hain aur unmein nami bhi ubhar aati hai…
Tabhi uss ladki ki nazar un dono par padi,
LADKI – Mom.. Dad aap dono yahaan?
AURAT (aankhen ponchte huye) – Haan wo tumhaare liye ek khush khabri hai…
LADKI – Wo kya Mom??
AADMI – Gudiya ye letter aaya hai. Tera admission ho gaya hai uss College mein.
Ye sunkar khushi ke maare wo ladki uchhal padi aur apne Maa – Baap ke gale lag gayi.
LADKI – I’m very happy Mom. Ab mere saare sapne poore ho jaayenge. Mom wo letter dikhaana to.
Uss aurat us ladki ko ek kaagaz pakda diya…
LADKI – 2 hafte baad semester shuru hoga. Aur maine net par padha tha ke ussi dauran wahaan ek Inter College Fest bhi hai. Mom main packing shuru kar deti hoon.
AURAT – Arre itni utaawali mat ho abhi 2 hafte hain. Aaram se kar lena.
LADKI – Nahi Mom. Main jaldi hi jaana chahti hoon. Wahaan College shuru hone se pehle thoda Mumbai Darshan bhi to karoongi naa.
Idhar uski baat sunkar un dono ke chehron par muskaan aa gayi.
AADMI – Accha Gudiya maine TANISHA se baat kar li hai. Tum uske saath hi reh sakti ho aur wo to bahut khush hai ke tum wahaan jaa rahi ho.
LADKI – TANISHA DI is the best. Aur mujhe to wo kabhi bhi mana nahi karti. Achha Dad main naa thodi shopping karke aati hoon.
Aur itna bolkar wo uchhalte koodte baahar ki taraf jaane lagi… Tabhi,
AADMI – Ek minute AKSHU beta sun to… Dhyaan se jaana aur thoda dheere chalaana gaadi…..
“Ok Dad.. Don’t Worry”…
Chalte huye hi usne ye jawaab diya aur wahin rakhe table par se car ki keys uthakar baahar chali gayi…
Idhar wo dono uss ladki ke bachpane par muskura rahe the ke tabhi unki nazar uss tasveer par padi jo wo ladki wahin bed par chhod gayi thi… uss tasveer ko dekh kar unki aankhon mein ek baar fir paani utar aaya aur wo aurat wahaan se daudti huyi apne kamre mein chali gayi. Idhar wo aadmi oopar ki taraf glaani ke bhaav ke saath dekhne laga jaise bhagwaan se apni puraani galtiyon ki maafi maang raha ho.
PLACE : UNIDENTIFIED LOCATION (MUMBAI)
Ek band padi factory lag rahi hai ye jagah… agar baahar ka jaayza liya jaaye to chaaron taraf nirjan jagah hai… Khaali plots bhare pade hain aas paas…
Factory ke andar ek kursi par baitha hai ek raubdaar sa aadmi, badi dadhi, lambe baal, maathe par puraani chot ka nishaan, aur kaale rang ka paridhaan pehne wo aadmi nischit hi khaufnaak lag raha hai.
Ussike paas khade hain chaar naujawaan ladke… College going lag rahen hain shakal se to… Aur unke chehre ko dekh kar saaf pata chal raha hai ke do teen din pehle ragad ragad ke dhulayi huyi hai in sabki… filhaal chaaron ke chehro par gusse ki lakeerein saaf dekhi jaa sakti hain…
Ye log abhi kuchh bolne hi waale the ke tabhi ek 6 feet height ka hatta katta aadmi chalte huye aaya aur kursi par baithe aadmi ko salaam karne ke baad in chaaron ko ek sarsari nigaah se dekha. Fir kursi par baithe aadmi ko dekh kar bola…
AADMI – TEJA BHAI pata lag gaya hai uss lounde ka jisne in chaaron ko maara tha.
[ INTRO: RANTEJ SINGH urf TEJA BHAI – Mumbai ka sabse bada gunda. Bole to Dada hai ye yahaan ka. Basically drugs ka dhandha hai iska jiska base hai Colleges aur Universities. Matlab ke wahaan padhne waale kuchh ladke iske liye kaam karte hain aur fir apne saath padhne waale bachon ko drugs ki lat lagwa dete hain…
Ye chaaron ladke isike liye kaam karte hain. Aur kuchh din pehle inki thukaayi huyi thi. Isiliye ye rote huye iske paas aaye aur badle ki bheekh maangne lage. Aur apne gang ke bandon ko ek jut rakhne ke liye ye hamesha hi unki aesi chhoti moti ghatnao mein mada kar hi deta hai.]
TEJA – Kaun hai wo.
AADMI – Bhai uska naam ADITYA hai.. Kisi college mein padhta hai. Aage peechhe koyi nahi hai uske. Idhar Andheri mein hi akela rehta hai. Par wo Malhotra hai naa uske ladke ka dost hai ye.
TEJA – Hmm… Dekh ke thokna padega isko. Kyonki agar Malhotra beech mein aaya to dikkat ho sakti hai. Theek hai aaj hi Akela dekhkar gira do saale ko.
AADMI – Ji bhai.
EVENING TIME –
PLACE: M.G. ROAD
IN THE BUS:
Iss waqt ADITYA kahin se aa raha hai aur filhaal uska rukh apne ghar ke taraf hai. Tabhi ek stop par bus ruki aur kuchh 10 – 12 log usnein sawaar ho gaye. Chaar ladke to wahi the jinki thukaai huyi thi aur baaki sab TEJA ke aadmi the. Un chaaron mein se ek ne ADITYA ki taraf ishaara kiya to baaki sab bhi bhukhe bhediyon ki tarah usse ghoorne lage.
ADITYA un logon ko pehchaan gaya tha aur aage kya hone waala tha iska andaaza bhi usne laga hi liya tha. Isiliye sabse pehle to usne tezz aawaz mein Conductor se bus rukwaane ko kaha. Aur usne bhi aesa hi kiya.
ADITYA un sabko ghoorta hua bus se utar gaya aur uske peechhe hi wo sab gunde log bhi utar gaye.
Dono partiyan ek doosre ko ghoorne mein lagi thi. Tabhi unmein se do log ADITYA ki taraf badhe. Pehle waale ne jaise hi ADITYA par haath uthaana chaha usne jhuk kar uske pet mein ek karara punch jad diya. Aur doosre waale ki baazu pakad kar marod di aur uska sar wahin paas hi lage pole par de maara.
Itne mein hi baaki log satark ho gaye par ab ADITYA nahi rukne waala tha. Usne bhaagkar ek aadmi ke sar par round kick jad di aur doosre ke punch ko jhuk kar dodge karte huye uski baazu pakadkar ek jhatka sa de diya. Fal swaroop uska kandha dislocate ho chuka tha.
Agle hi pal usne do aadmiyon ki gardan pakad kar unke sar ek doosre ke saath baja diye… Impact itna zyada tha ke dono ke hi dimaag bhanna gaye aur bina koyi deri kiye ADITYA ne dono ko pakad kar bus mein de maara.
Ab baaki bache aadmi jinmein wo chaaron ladke bhi khade the khaufzada ho chuke the aur un chaaron ki to pant hi geeli ho gayi thi. Par ADITYA yahin nahi ruka usne paas hi padi ek rod uthaayi aur barsana shuru kar diya un sab par.
Bas kuchh hi der mein wo sabhi ke sabhi Zameen par pade dhool ka lutf utha rahe the… ADITYA wahaan se jaane hi waala tha ke tabhi wahaan police ki patrolling jeep pahunch gayi…
Usmein se utre officers ne ADITYA ke haath mein rod aur un sabko neeche gira dekh kar situation ka galat ganit laga diya… Aur unmein se shayad jo senior tha wo ADITYA ko dekh kar bola,
YOU’RE UNDER ARREST...
