MEGA UPDATE
Update 74: CLASH
[A NEW GIRL AT KRITI HOME]
Recap: Pichhle update mein humne padha tha ki Arjun 10th ke baad apni family se dur chala gaya tha padhne ke liye jahan Arjun ki dosti Srinidhi name ki ek ladki se huyi thi jo fighting me bahut achhi thi aur Arjun ko help karti thi aisa Arjun ko feel hota tha lekin Arjun ne Srinidhi ko exam ke time se hi dubara kabhi nahi dekha tha.
Now next>>>
Next day at college canteen sabhi friends baithe huye the Arjun sabhi ke liye coffee lene ja raha tha aur udhar se Anupama coffee 
lekar aa rahi thi aur jaise hi Arjun side hone ke liye left muda udhar se Anupama right mud gayi aur sara ka sara coffee Arjun ke upar daal di.
*Ahhhhh*
Arjun ki jalan ke mare muh se karah nikal gayi jise puri canteen ke students ne suna.
Arjun aur Anupama ke jitne bhi friends the aur baki sare students jo canteen me baithe the sabhi ne ye nazara dekha.
Arjun ke sabhi friends Rohan, Amit, Rashi, Nivetha aur Krithi bhi dono ke pass pahuch gaye.
Anupama ne Arjun se kaha.
Anupama: Sorry 
mujhe laga tum right turn loge lekin tumne left turn le liya maine hi galat guess kar liya aur ye hadsa ho gaya your bad luck(tumhari kismat hi kharab hai).
Arjun jo jalan se karah raha tha bola.
Arjun: Ji koi baat nahi meri hi galti thi mujhe right turn lena chahiye tha.
Rashi: Ye tum kya bo rahe ho Arjun sabhi left turn hi lete hain phir tum right turn kyon lete isne jaan bujh kar tumpar hot 
coffee dala hai aaj main ise nahi chhodne wali hoon usdin tumne mujhe rok liya tha par aaj tum bich me na aana.
Jaise hi Rashi ne Anupama ko thappad marne ke liye aage badhi ki Arjun ne bich me hi Rashi ko rok liya.
Arjun: Nahi Rashi inki koi galti nahi hai mujhe right turn hi lena chahiye tha aur tum isse dur hi raho please tumhe meri kasam hai.
Rohan: Had hai yaar tumhe ise kuchh kahne ki bajaye tum ise hi sahi bol rahe ho aur jo tumhara support kar rahi hai use hi tum side kar rahe ho.
Amit: Ha Arjun ye dono Rohan aur Rashi bilkul sahi kah rahe hain tumne left turn bilkul sahi liya tha tumhari jagah koi bhi hota to left 
turn hi leta.
Arjun: Ab jane bhi dijiye bhaiya meri Krithi didi ki badi bahan hai isliye meri bhi didi hi hai phir kyon bekar ke pange lena galti meri hi thi.
Anupama: Oh Hello mister main bhale hi tumhari Krithi didi ki bahan hoon par tum mere koi nahi ho samajhe aur ye panga na lekar koi tum mujh par ehsaan nahi kar rahe ho ek din tumse galti huyi thi aaj mujhse ho gayi okay samjhe mister bhul sabhi se ho jati hai.
Arjun: Ji main samajh gaya aap jaiye yahan se aapki koi galti nahi hai in sab me.
Anupama apne chehre par ek kutil muskan liye huye chali gayi aur uske pichhe pichhe Krithi bhi chali gayi aur jab dono bahne akele aakar ek jagah baith gaye to Krithi ne Anupama se kaha.
Krithi: Ye aapne jaan bujh kar kiya na didi ye jante huye bhi ki Arjun mera bhai hai.
Anupama: Bhai hai wo tumhara samjhi mera bhai nahi hai mere liye wo mera shikar hai jisne mujhse panga liya hai aur meri hi bahan ko mujhse dur kar diya hai jo mere hi khilaf jati hai hamesha aur us chuje ka support karti hai har dam usi ke sath rahti hai.
Krithi: Ye aap kya kah rahi ho didi main Arjun ke sath sirf canteen par hi to hoti hoon aur baki samay to main aapke sath hi hoti hoon aur aapko itna sa bhi achha nahi lagta ki main Arjun ke sath rahun.
Anupama: Maine tumhe pahle hi kaha tha Krithi main tumhe Arjun ke sath rahne se nahi rokungi lekin maine tumse ye bhi kaha tha ki tum mere aur Arjun ke bich me nahi aana aur yaad hai tumne hi mujhse promise kiya tha ki tum mere aur Arjun ke bich nahi aaogi.
Krithi: Par aap mere hi bhai ko nuksaan pahucha rahi ho didi.
Anupama: Yadi tumhe peeda ho rahi hai to thik hai phir tum Arjun se dur ho jao main Arjun ko kuchh nahi karungi bolo deal 
manjur hai.
Krithi: Nahi hargij nahi kabhi bhi nahi aapko jo bhi karna hai kar lo Arjun ke sath lekin main Arjun se to ab is janam me bilkul bhi dur nahi rahungi.
Anupama: Phir tumhare liye behtar yahi hoga ki tum mere aur us chuje se dur hi raho wo mera shikar hai samajh gayi ab jao apne chuje ke pass.
Krithi apni bahan se aur kuchh bhi nahi bol payi aur wapas Arjun ke pass aakar boli.
Krithi: Sorry bhai meri wajah se hi ye sab ho raha hai yadi tum mere bhai na hote to sayad ab tak didi ka gussa tumpar se khatam ho gaya hota.
Arjun: Koi baat nahi didi main apni badi bahan ka diya hua har dard haste haste sah lunga aap chinta na karo ek din hum dono jarur dost ban jayenge.
Krithi: Tum itne achhe kyon ho bhai kisi ke liye bhi thoda sa bura khayal bhi nahi hai tumhare mann mein.
Krithi ne Arjun ko apni bahon mein pure canteen mein sabke samne gale laga liya.
Rashi: Oye durr hato sabhi dekh rahe hain tum dono ko aur sath hi tumhari badi bahan bhi dekh rahi hai.
Krithi: Dekhne do mujhe koi antar nahi padta hai maine apne bhai ko gale lagaya hai isse dusre ko kya problem aur achha hai didi ko bhi dekhne do thoda unhe bhi jalne do jis ladke ko usne dard diya hai ab uski hi chhoti bahan apne bhai ka dard durr kar rahi hai apne pyar se.
Arjun ne Krithi ki bahon se alag hote huye kaha.
Arjun: Sach mein didi mera dard gayab ho gaya aapke pyar ne mujh par malham ka kaam kiya hai.
Rashi: Chal jhute kahin ke ghar jakar medicine kha lena aur malham bhi laga lena okay 
samjhe mister.
Arjun: Arey nahi Rashi uski koi jarurat nahi padegi kyonki mujhe training ke dauran aisi peeda bahut baar huyi hai.
Rashi: Phir bhi medicine 
le lena okay.
Arjun: Okay my hottie friend.
Rohan: Par jo bhi ho yaar Anupama didi mein daring bahut hai jo tumse sidhe sidhe panga le leti hai, ye itihas mein pahli baar ho raha hoga ki ek MLA ki beti ek state ke CM ke bete par bhari pad rahi hai aur to aur sidhe sidhe Kajal mam aur Kriti mam se bhi pange le rahi hai aur dusri taraf ek bahan tumhe ghav de rahi hai to dusri bahan tumhe malum bhi laga rahi hai sach mein kya kismat payi hai tune yaar kash meri bhi kismat tumhari jaisi hoti.
Sabhi apne apne class chale gaye aur koi baat nahi huyi inke bich.
[Anupama CLASS 4th Semester]
Kriti mam class ke andar aayi.
Kriti: Anupama stand up.
Anupama ko samajh to aa gaya tha ki Kriti mam mujhe kyon uthne ke liye bol rahi hai phir bhi Anupama ne khada hote huye kaha.
Anupama: Yes mam kahiye kya baat hai?
Kriti: Aaj tumne jo bhi kiya achha nahi kiya Anupama ye tumne jaan bujh kar Arjun ko peeda dene ke liye kiya hai na!
Anupama: Nahi mam maine jaan bhuj kar kuchh bhi nahi kiya hai bas ek chhoti si misunderstanding ho gayi thi hamare bich mein aur sara coffee us par chala gaya.
Kriti: Nahi tumne jaan bujh kar Arjun par hot 
coffe dala hai Arjun se badla lene ke liye.
Anupama: Agar aapko aisa lag raha hai to phir yahi sahi waise main jaan sakti hoon aap Arjun ka wakalat kyon kar rahi hain, jab Arjun ne mujh par coffee dala tha tab to aapne mera side nahi liya tha phir aaj aap us chuje ka support kyon kar rahi hain boliye hai koi jawab aapke pass??
Kriti ko kuchh bhi samajh nahi aaya Anupama ke is question ka kya jawab diya jaye phir bhi Kriti ne sahas jutate huye kaha.
Kriti: Hello students main aap sabhi se kuchh kahna chahti hoon kya kisi se pyar karna gunah hai??
All students: No mam pyar karna koi gunah nahi hai balki pyar 
ke bina ye duniya hi samapt ho jayega.
Kriti: Ek aur sawal kya apne se age mein kam age ke ladke se pyar karna gunah hai??
All students: No mam pyar age dekh kar nahi kiya jata hai pyar to wo beautiful 
chij hai jo kabhi bhi kisi se bhi ho sakta hai ispar kisi ka bhi jor nahi chalta hai.
Kriti: Bilkul sahi jawab aur aisa hi mere sath hua hai mujhe apne hi student Arjun se pyar ho gaya hai aur Arjun ka college samapt hone ke baad hum dono shadi karne wale hain.
All students shocked rah gaye Kriti ke is jawab ko sunkar (All students get shocked to know about love of Arjun and Kriti).
All students: Bahut achha mam aap dono ki jodi lajawab hai bilkul Laila Majnu aur Heer Ranjha ki jodi jaisi hai god aap dono ki prem ko safal banaye.
Kriti: Thanks 
to all students meri emotions ko samajhne ke liye aur mere love ko support karne ke liye.
Kriti ne aage Anupama se kaha.
Kriti: Ha to madam ab aapko aapka jawab mil gaya ki Arjun kaun hai mera, yahi tum sunna chahti thi na mere muh se lo ab maine khud hi accept kar liya ab tum mujhe bataogi ki tumne Arjun par jaan bujh kar hot coffee kyon dala?
Anupama: Ye aap kya kah rahi hain mam us chuje ne sabke samne khud hi accept kiya hai ki galti us chuje ki hi thi.
Kriti: Arjun ne bhale hi tumhe kuchh nahi kaha iska ye matlab bilkul bhi nahi hai ki tumhe koi bhi kuchh nahi kahega agli baar Arjun se jaan bujh kar koi bhi panga lene se pahle 
baar soch lena ki main bhi yahin hoon Arjun ke liye.
Anupama: Phir aap bhi us chuje se bol dena ki ab se wah mere raste mein na aaye, kyonki jab jab wah chuja mere raste mein aayega tab tab aisa hi koi scene hoga aur ek baat hai chahe aap Arjun ko support karo ya Kajal mam, mujhe koi antar nahi padta hai, Arjun mera shikar hai aur main us chuje ko nahi chhodne wali hoon, main us chuje ko chhod bhi deti par nahi us chuje ne meri hi bahan ko apni bahan bana liya aur mujhse meri hi Krithi ko durr kar diya, isliye mam aapke liye bhi yahi achha rahega ki mere aur us chuje ke bich mein jo bhi aaya wo bhi us chuje ke jaisa mera shikar hoga, phir chahe wo koi bhi kyon na ho chahe wo Kajal mam ho ya aap main kisi se nahi darne wali hoon.
Aur Anupama apni seat par wapas baith gayi bina kisi baat ki chinta kiye bina ki abhi abhi usne kya bol diya sabke samne Kriti mam se.
Wahin puri class ne aaj Kriti aur Anupama ki daring dekhi jahan Kriti ne apne pyar ko sabke samne accept kar liya wahin dusri aur Anupama ne sidhe sidhe Kajal aur Kriti dono ko challenge kar diya pura class in dono ki daring se kaphi shocked 
mein the.
Period end hone ke baad sabhi students sirf Anupama ki baat kar rahe the yaar kya gajab ki ladki hai ye, jo kisi se nahi darti hai sidhe sidhe isne Kajal mam aur Kriti mam dono se hi ek sath panga le liya, sach mein yaar gajab ki daring hai yaar is ladki mein.
Two boys to ye bhi bol rahe the sach mein yaar daring ho to Anupama jaisi jo sabhi ki band baja de, bhale hi Anupama galat hai par sach mein himmat kamaal ki hai bas apni galti ko sudhar le phir iske jaisi koi ladki nahi hogi yaar is pure college mein, kash mujhe bhi apni girlfriend iski jaisi hi daring wali milti jisme sirf apni galti ko accept karne ki quality hoti to kasam se maja hi aa jata apun ka life ek dam jhinga lala ho jata par sala apun ki girlfriend mein thodi si bhi daring nahi hai sala apun ki kismat hi kharab hai.
Dusra ladka: Ha yaar meri bhi girlfriend beautiful to bahut hai par sala darti bahut hai koi ladka uspar galat comment kar deta hai to bhi kuchh nahi bolti hai aur mujhe bhi shant kar deti hai.
Pahla ladka: Ha yaar yahi to galat baat hai ladki ko bolni chahiye galat ke khilaaf aur mujhe pura vishwas hai ki Anupama ke sath koi bhi ladka panga karega to Anupama us ladke ko chhodegi nahi.
Dusra ladka: Ha yaar lekin kabhi kabhi girlfriend ke jayada daring hone se hamari bhi watt laga kar rakhti hai.
Pahla ladka: Tumne bilkul sahi kaha bhai chalo hum dono ki kismat hi khoti hai sala girlfriend to mila par sala thodi si daring nahi apni apni bandi mein.
Dusra ladka: Chalo koi baat nahi bhai agle janam mein humlog bhi sala daring girlfriend batayenge is janam mein to hum kisi aur ke ho chuke hain.
[KRITI MAM CABIN]
Kajal, Sriya aur Kriti teeno hi baithe the aur yahan par bhi Arjun aur Anupama ka hi topic chal raha tha.
Kriti: Kajal mam Anupama ne aaj ek baar phir se apni had par ki hai aur Arjun ne ek baar phir se Anupama ko maaf kar diya hai.
Kajal: Ha mujhe bhi pata chal gaya hai Kriti aur jahan tak main Arjun ko janti hoon to hume Arjun aur Anupama ke bich mein nahi aani chahiye, Arjun khud samajhdar hai use kya karna hai aur kya nahi karna hai Arjun ko kisi ko batane ki jarurat nahi hai, yadi halat jayada kharab huye to Arjun khud hi Anupama jaisi ladkiyon se ek sath nipat lega. Arjun ne Anupama ko maaf kar diya aur khud ki galti maan liya hai iska ye katai matlab nahi hai ki Arjun us chuhiya se nahi nipat sakta hai aur tumhare liye bhi yahi achha rahega ki tum Arjun aur Anupama ke raste mein na aao.
Kriti: Ji main koshish karungi ki main un dono ke raste mein na aaun lekin jab jab Anupama apni had par kar Arjun ko hurt karne ki koshish karegi Anupama ko mera samna karna hi padega.
Sriya jo ab tak dono ki baten sun rahi thi bich mein kud padi.
Sriya: Wow wow kya baat hai Kriti jo kisi se aaj tak thik se apna aankh bhi nahi mila pati thi aur dekho aaj kaise apni pyar ke liye sherni ban gayi hai aur pure class ke samne apne love ko accept kar liya hats off to you Kriti tumhari daring ko.
Kriti: Shukriya Sriya jab jab koi mere pyar ko aise insult aur peeda dene ki koshish karega use mujhse ulajhana hi padega phir chahe wo koi bhi kyon na ho.
Sriya: Tumhe kya ho gaya hai Kriti jab se tumhe Arjun ka pyar mila hai tum alag hi Kriti najar aa rahi ho mujhe aur ye Kriti mujhe pahle se kahin jayada pasand aa rahi hai.
Kajal: Thik hai Kriti main tumhe bhi nahi rok sakti hoon ki tum kya karogi aur kya nahi ye tumhara decision hai ki tum kya karogi, ha agar tumhe kabhi mujhse koi help ki jarurat padi to beshak mang lena main hamesha hi tumhari help ke liye ready rahungi.
Kajal ne apni baat ko aage badhate huye kaha main isliye bhi bich mein nahi aa sakti hoon Kriti kyonki Arjun ne Krithi ko apni bahan bana liya hai isliye ek tarah se Anupama bhi Arjun ki badi didi hai aur yadi aise mein Arjun ne Anupama ko maaf kar diya hai to mera bich mein aane ka koi matlab hi nahi hai kyonki main apne king 
ke decision ke against nahi ja sakti hoon.
Kriti: Kajal mam aap bhale hi Arjun ke decision ke against na jaye lekin jab jab aise halat kabhi bhi future mein banange main bich mein jarur aaungi.
Sriya: Ab main aap dono se kya hi kahun main, aap dono hi apni apni jagah bilkul sahi hain koi bhi galat nahi hai dono ke decision mein Arjun ke liye beshumar pyar jhalakta hai jo koi bhi easily bata sakta hai.
Kajal: Tumne bilkul sahi kaha Sriya hum dono ka hi Arjun ke liye support karne ka style bhale hi alag alag hai lekin hum dono hi Arjun ka hi support kar rahe hain.
Kajal: Okay tum dono baten karo main ja rahi hoon mera lecture lene ka time ho gaya hai.
Aur Kajal ke cabin se nikalte hi Kriti ne apne hathon ko jor se table par patakte huye kaha, sali us Anupama ki bachhi khud ko samajhti kya hai jo har dam mere pyar se lafda karti rahti hai kisi din mere palle pad gayi na chhodungi nahi main us kamini ko.
Sriya: Hey hey hey calm down Kriti aaj kya ho gaya hai tumhe hamesha shant rahne wali aaj aise kaise raudra roop dharan kar rahi hai, baby shant ho jao tumpar ye gussa suit nahi karta hai aisa gussa sach kahun to Anupama par hi suit karta hai kya daring hai yaar ladki mein jo tumse aur Kajal mam se ek sath pange le liya main to sach mein fan ho gayi hoon Anupama ki daring ki aur ek maje ki baat bataun pura college Anupama ki daring ki charcha kar rahi hai bhale hi Anupama ne galat kiya ho.
Kriti: Kamini tu meri bestfriend hokar us Anupama ki gun ga rahi hai chuhiya jaisi to hai aur baar baar mere Arjun mere pyar se bhid jati hai.
Sriya: Ab tum mujhe bhi gali de rahi hai Kriti, ho kya gaya hai tumhe aaj jo itni violent ho rahi hai, yadi Arjun ne Anupama ko maaf kar diya hai to kuchh soch kar hi kiya hoga chill babe Arjun ko khud hi nipatane do in sabse.
Kriti: Ha sara dosh to Arjun ka hi wo kuchh bolta hi nahi us chuhiya se aur main kuchh kahun to mujhe hi shant kara dega itna sidha hona bhi thik nahi hai.
Sriya: Arjun aur sidha hai 
jaise Arjun to gaay ke jaisa sidha hai isliye itno ko nipta dala aur abhi bhi tum aur Nivetha line me ho.
Kriti: Tumhe bada yaad rahta hai Arjun kya karta hai kya nahi, tum bhi lag jao number mein tumhe bhi nipta dalega kamini kahin ki, mujhe to lagta hai tum bhi nipatane ke chakkar mein ho Arjun se.
Sriya: Ab meri aisi kismat kahan hai Kriti aaj tak Arjun ne to mujhse baat tak nahi kiya hai kabhi class ke bahar aur tum kahti ho mera number lag jaye aur phir Arjun ke liye sirf main mam hi hoon phir kaise.
Kriti: Ab tum meri bestfriend ho to bana lo Arjun ko jija akhir use ek sali ka pyar bhi mil jayega kamini kahin ki.
Sriya: Nahi kamini yadi maine Arjun ko apna jija bana liya aur mere jaal mein Arjun phans gaya to tumhara kya hoga isliye sirf mere liye student hi thik hai Arjun.
Kriti: Chal koi baat nahi phir mujhe mat kahna maine tumhe try karne ke liye permission nahi diya waise mera ye proposal tumhare liye lifetime ke liye hai, yadi kabhi mann hua to bana lena Arjun ko apna jija main tumhe mana nahi karungi kabhi bhi, tum bhi kya yaad karogi kya dost mili hai tumhe jo tumhe apne hi pyar ka pyar de rahi hai.
Sriya: Chal ab bahut ho gayi baten ab college khatam hone wala hai.
[CCD After college]
College end ho chuka tha Amit aur Nivetha dono college ke bahar CCD par ek private cabin mein baithe coffee enjoy kar rahe the aur aapas mein baat kar rahe the.
Amit: Nivetha baby hum dono ne Arjun ko chun kar koi bhi galti nahi ki na aaj tak kitne hi din ho gaye jab hum dono ne Arjun ko chuna aur Arjun ne tumhe ek baar bhi kuchh nahi kaha us bare me, kitni sahanshakti hai Arjun ke andar, yadi Arjun ki jagah par koi aur hota to ab tak tumhe pane ki koshish karta. Arjun tumhare har test mein pass ho gaya hai baby aur ab tumhara birthday 
bhi jaldi hi aane wala hai khud ko taiyar kar lo Arjun ko apne aap ko dene ke liye.
Nivetha: Tumne bilkul thik kaha Amit, Arjun mere har test mein pass hua hai aur har baar Arjun ne khud ko sabit kiya hai aur aaj ek baar phir se Arjun ne apni sahan shilta ka parichay dete huye kitni aasani se Anupama ko maaf kar diya, yadi uske jagah par koi aur hota to kaphi pange ho jane the aaj phir se.
Nivetha ne apni baat ko aage badhate huye kaha.
Nivetha: Aur main bilkul ready hoon apni virginity Arjun ko dene ke liye.
[College Hostel, Krithi Room TIME: 3 PM]
Krithi aaj jo bhi college mein hua tha usko lekar pareshan thi, Anupama kahin bahar gayi huyi thi aur jab Krithi ko kuchh bhi samajh nahi aaya to apni maa Nayanthara ko call laga diya. Nayanthara ne call jaldi hi receive kar liya.
Nayanthara: Hello beta bolo kya baat hai?
Krithi ne apni maa se aaj college mein jo bhi ghatna huyi thi Arjun aur Anupama ke bich sab detail mein apni maa ko bata diya aur aage kaha.
Krithi: Maa ab aap hi mujhe bataiye main kya karun mujhe kuchh bhi samajh nahi aa raha hai main kiski side lu ek taraf mera bhai hai to dusri taraf meri hi bahan hai, maa aap hi meri is uljhan ko dur kar sakti hain.
Nayanthara ne Krithi ki puri baat ko dhayan se suna aur aage jawab dete huye kaha.
Nayanthara: Krithi beta mera manna hi ki tum Arjun aur Anupama ke bich mein na hi pado to achha rahega jitna tum dono ke mamle mein hastkshep(interfere) karogi utna hi aur mamla bigadta chala jayega, isliye tumhare liye behtar yahi hoga ki tum side hi raho aur neutral hokar ek darshak ki bhumika nibhao.
Krithi: Ji mom main ab se dhayan rakhungi aur kabhi bhi un dono ke mamle mein nahi aaungi.
Nayanthara: Aur koi uljhan hai tumhe Krithi beta.
Krithi: Nahi mom aur koi problem nahi hai.
Nayanthara: Aur tumhari training kaisi chal rahi hai?
Krithi: Ji mom main hostel mein hi practice karti hoon aur meri training achhi chal rahi hai, thik hai mom mujhe syllabus complete karni hai baad mein baat karti hoon bye.
Nayanthara: Bye Krithi beta aur ha dhayan rakhna apna.
[CALL DISCONNECTED]
Wahin call disconnect hone ke baad Nayanthara soch rahi thi ye kismat bhi kya ajib game khel rahi hai, mere dono apne hi aapas mein lad rahe hain, kya hoga jab dono ko apne khud ke rishte ke bare mein pata chalega tab kya dono ek dusre ko maaf kar payenge.
Wahin Nayanthara phir se ek gahri soch mein chali gayi aakhir dono ko apne rishte ke bare mein kaise pata chalega jab itne varshon se pata nahi chala hai to.
Raat me jab Nayanthara ke husband apne kaam se ghar laute to Nayanthara ne apne husband Jogendra ko aaj college mein jo bhi hua sari ghatna ko detail mein bata diya aur Nayanthara ne apne pati se kaha.
Nayanthara: Ye jo harkat Anupama kar rahi hai na main usse pareshan ho gayi hoon, meri to koi bhi baat sunti hi nahi hai sirf aapki hi baat ko manti hai, isliye ab aap hi use samjha dijiye ki wah Arjun se dur hi rahe wahi sabhi ke liye achha hoga.
Jogendra: Dekho main Anupama ko samjha dunga ki ab se wo Arjun ke sath aisi waisi harkat na kare aur jahan tak mera khayal hai sari galti us Arjun ki hi hogi isliye Anupama ne jo bhi kiya bilkul sahi kiya hai aur Jogendra apne room ki aur chal pada aur yahan Nayanthara apne husband ko kosti rahi ki kaisa baap hai jo apni beti ki galti ko najarandaz kar raha hai in dono baap beti ko kya pata ki Arjun hamara apna khun hai.
Wahin Jogendra apne room mein sochne laga ab main tumhe kya bataun Nayanthara, Arjun aur Anupama ka is tarah ladna hi sahi hai aur umeed karo ki in dono ki kabhi bhi aapas mein dosti hi na ho jaise Krithi aur Arjun ka ho gaya hai, yadi aisa hua to phir pata nahi kya kya hoga hamare sath, tumhe kya lagta hai mujhe Arjun ke bare mein kuchh bhi pata nahi hai ki Arjun kaun hai arey mujhe Arjun ke pal pal ki khabar rahti hai.
[Anupama Friend Room]
Wahin Anupama apni friend ke room mein baithi thi aur apni friend se baat kar rahi thi aur topic yahan bhi Anupama aur Arjun ka hi tha aaj jaise sabhi jagah Arjun aur Anupama hi hot topic bane huye the.
FOA(Friend of Anupama): Tumne jaan bujh kar Arjun par hot coffee dala tha na, dekho mujhe sach sach batana mujhse koi juth nahi samjhi tum.
Anupama: Us chuje ka name bhi mat le usne mera dimag kharab kar rakha hai sala khud to darpok hai aur meri bahan ko fighting ki training de raha hai aur ha maine us chuje par jaan bujh kar hi hot coffee dala tha ek baar us chuje ne mere upar dala tha ek baar maine daal diya hisab barabar jaise ko taisa ise kahte hain tit for tat.
FOA: Yaar kya pata use sach much fighting aati ho aur ab kya tum usse panga nahi logi ab tumhara hisab yadi barabar ho gaya hai to.
Anupama: Maine aisa kab kaha hai tumhe, abhi to main us chuje ko aur dard dungi mera hisab abhi sirf coffee wala clear hua hai lekin us chuje ne meri bahan ko lifetime ke liye apni bahan banaya hai na to main us chuje ko lifetime aise hi koi na koi dard deti hi rahungi aur jo bhi mere bich mein aaya na mere aur us chuje ke bich mein wo bhi kaam se jayega.
FOA: Yaar kuchh to khayal kar Kriti mam usse pyar karti hai atleast Kriti mam ke liye to Arjun ko jane do.
Anupama: Dekh ab tum us chuje ka naam mat le, aise hi us chuje ne mere dimag ki dahi kar rakhi hai, sala jab se ek cricket 
tournament mein achha kya khel liya sare students to students sabhi teachers bhi us chuje ka mala japte rahte hain, sala dance competition hota to main bhi apni college ko jita deti nahi magar inhe to cricket match karani hai aur raha Kriti mam ka sawal to maine Kriti mam se nahi kaha tha us chuje se pyar karne ke liye, ab yadi mere shikar se Kriti mam ne pyar kiya hai to dard to Kriti mam ko bhi sahna hi padega.
FOA: Yaar kyon gussa ho rahi hai Ramya mam ne kaha tha na ab aise bahut kuchh hone wale hain sabhi ready rahe, phir dekhna kisi din tumhe bhi apni pratibha dikhane ka chance milega aur jab hoga na kasam se tu hi jitegi, dekhna phir kaise sab tumhari jay jaikar karte hain aur yaar tumhari bahan ko bhi to dard hota hai us chuje ke sath tum kuchh karti ho to.
Anupama: Main bhi us pal ka wait kar rahi hoon yaar jab us chuje ko pata chalega main us chuje se behtar hoon aur mujhe bhi isi baat ki thodi si problem hoti hai ki mere aur us chuje ke bich mein meri bahan ko bhi dard sahna padta hai par koi na main baat kar lungi apni bahan se ki mere aur us chuje ke mamle mein koi dakhal na de.
FOA: Thik hai yaar chal koi baat nahi jaisi tumhari marji waisa hi karo main sada tumhare sath hoon chahe tum achha karo ya bura.
Anupama: Oh Hello kya matlab hai tumhara main hamesha hi achha hi karti hoon okay sirf unlog ke sath bura karti hoon jo mera shikar hote hain aur jo mujhse pange lete hain, sala apun ka baap is city ka MLA hai to kuchh to power to dikhani banti hai na apni.
Anupama itna kah kar apne friend ke room se bahar chali gayi.
Wahin Anupama ki dost apne mann mein sochne lagi kya ladki se meri dosti huyi jo kisi se nahi darti hai aur aaj sidhe sidhe to Kajal mam aur Kriti mam ko challenge kar diya is ladki ne.
***
Kajal aur Arjun dono wapas college se ghar laut aaye the.
[TIME 2: 30 PM, KAJAL HOME]
Sabhi ek sath baith kar bhojan kar rahe the.
Bhojan karne ke baad Arjun ke kamre mein Rashmika aur Arjun baat kar rahe the.
Rashmika: Ha to ab batao Arjun tumne subah mujhse kya kaha tha ki aaj tumhara din achha jayega kyonki aaj tumne running mein almost meri barabari kar li thi aur hua kya tumhare sath uska bilkul ulta(opposite), college mein Anupama ne tumhare upar hot coffee daal di mujhe to tumhari kismat par hasi aa rahi hai jo bade se bade fighter ke samne na darne wala Arjun ek normal si ladki se darr jata hai.
Arjun: Wakai mera din achha hi gaya hai mausi kam se kam is ladai ke bahane hi sahi meri baat to ho gayi na didi se.
Rashmika: Bahut sahi ja rahe ho beta har chij mein positive hi nikal lo lekin kab tak tum us Anupama ka diya dard sahte rahoge.
Arjun: Ab ye to mujhe pata nahi hai mausi kab tak mujhe uski narajgi sahni padegi main to yahi chahta hoon ki jo bhi ho hamare bich ki ye duri jald hi khatam ho jaye.
Rashmika: Pray 
karo sayad tumhari ye wish jaldi hi puri ho jayegi.
Arjun: Okay mausi meri computer 
mein thodi help kar do.
Rashmika: Wow kya baat hai aaj ek genius mujhse help mang raha hai.
Arjun: Genius to aap ho mausi main to abhi kuchh bhi nahi hoon aapke samne abhi mujhe bahut kuchh sikhna hai aapse.
Rashmika: Jarur Arjun main tumhari help nahi karungi to kaun karega waise tumhari premika ka bhi computer science hai to tum Kriti se hi kyon nahi puchh lete ho.
Arjun: Ab main aapko kya bataun mausi waise aapki baat to bilkul sahi hai Kriti mam bhi computer mein master hain aur aapko pata hai Krithi didi ka bhi favourite subject computer hi hai.
Rashmika: Ha sahi kaha tumne Arjun, sirf Kajal didi ko Chemistry mein jayada interest hai aur tumhe Physics mein tum dono hi hum sabse alag ho.
Kajal ne Arjun ke room mein enter karte huye kaha.
Kajal: Kya baten ho rahi hain tum dono mein?
Arjun: Kuchh nahi my queen hum dono bas aise hi normally padhai ki baten kar rahe the.
Kajal: Chalo badhiya hai kya main jaan sakti hoon ki tumne Anupama ko maaf kyon kar diya jabki usne to tumhe badle mein thappad masr kar apna hisab barabar kar diya tha.
Arjun: Ab jane bhi dijiye na my queen unka gussa jitna mere liye badhega utna hi jayada baad mein mujhe pyar bhi to milega isliye main khush hoon mujhe koi bhi dikkat nahi hai.
Rashmika: Wah kya soch hai tumhari tum itni dur ki planning kar ke baithe ho aur yahan sabhi sirf aaj ki ghatna ke bare mein soch rahe hain.
Arjun: Ab kaun kya soch raha hai main kaise jaan sakta hoon waise ab ye topic bahut hua aap bas meri computer mein help kar dijiye mujhe.
Rashmika: Okay jaisa tum kaho mere cute boy.
Rashmika ne Arjun ko computer ke bahut sare functions ke bare mein bataya aur Kajal nikal gayi apni room mein jahan par Dhruv, Shreya aur Nadhiya teeno the aur dono hi Dhruv ki help kar rahe the homework complete karne mein.
***
[TIME: 9 PM KRITI HOME]
Kriti ke ghar ke bahar aakar ek car 
ruki jisme se ek bahut hi hot ladki bahar nikali.
Girl: Kitne paise huye taxi ke chacha ji.
Driver: Ji 850 rupees bitiya.
Girl ne 500 rupees ke two notes driver ko dete huye kaha baki ke paise tip samajh kar rakh lo uncle ji aap mujhe bahut hi imandar aur bhale vyakti lage jisne mujh jaisi hot ladki ko akele itni raat mein safely pahucha diya.
Driver: Ji shukriya madam par main aapse extra paisa nahi le sakta hoon apun ek khudar vyakti hai.
Girl: Aur aapko kya laga uncle maine aapko paise aise hi de diye bilkul bhi nahi aap mujhe itni andheri raat mein yahan tak bina ek baar bhi meri taraf dekhe bina yahan tak le aaye, yadi aapke jagah koi aur driver hota to mujhe ghurta rahta lekin aapne ek baar bhi mirror se mujhe nahi dekha isliye ye baki ke paise aapki imandari ke liye ab mana mat kijiyega mujhe beti samajhkar rakh lijiye.
Driver ladki ke extra paise lekar apni honthon par muskan 
liye chala gaya aur idhar girl ne Kriti ka doorbell bajaya.
Kriti ne door 
kholkar bahar khadi ladki ko dekha aur surprise ho gayi.
Ladki: Aap aise kyon shocked ho gayi jaise ki main koi alien 
hoon aur aap mujhse pahli baar mil rahi ho.
Kriti: Nahi pahli baar nahi mil rahi hoon lekin aise achanak koi suchna diye huye hi aa gayi, isliye thoda surprise ho gayi, okay get inside, andar aakar baat karte hain.
Ladki ne andar aakar Kriti se kaha isi reaction ko to main dekhna chahti thi aap sabke chehre par, isliye maine mummy papa se bol diya tha kisi ko bhi mere yahan aane ki koi bhi information na diya jaye aur asli shock to maine abhi aapko diya hi nahi hai, tab aapka face dekhne layak hoga jab main aapko asli jhatka dungi kasam se wo pal dekhne layak hoga aap sabka reaction.
Kriti: Kyon suspense badha rahi hai ab bol bhi de asli baat kya hai jo tum mujhse kahna chahti ho.
***
[Maine apna kaam kar diya ab aap logo ki bari apna pyar is story ko dene ki aur mujhe support karte rahne ki apna like aur comment deke jane ki]
This update comprises 5.7 k words biggest update till now.
Hadds off to you it itne jaldi 2 updates great or ek me
itne din se chutku update likhne Tak ka time nahi aa pa raha
even padhne Tak nahi aa pa rahi
koi na ab se waps koois rahagi ...
and many questions in mind ....khani me phale se bhi twist chal rahe h per ab piche 2 updates me bhot sare ho chuke h so wait h unke khatam hone ka or khani aage badhne ka
Update 92
