Jaguaar
Well-Known Member
- 17,679
- 61,131
- 244
Jabardast UpdateeUpdate 21
thakur jagat singh apne kamre mein baithe deewan ji ki raah dekh rahe the. Unhone 5 minute pehle manglu ko unke nivas par bulane hetu bheja tha. unke chehre se bechaini jhalak rahi thi par chinta naam maatr ki bhi nahi thi. Wo kursi se uthe aur cigar jalakar khidki ke paas khade ho gaye aur bahar ka nazara dekhne lage.
Unhone abhi cigar ka ek lamba kas liya hi tha ki darwaze se deewan ji andar parvisht hue. Kadmon ki aahat se thakur sahab palte. Deewan ji par nazar padi to wapas apni kursi par aakar baithh gaye.
Deewan ji abhi bhi khade the. Thakur sahab ke kursi par baithte hi deewan ji unse bole - "koi chinta sarkaar?"
"nahi deewan ji. Ishwar ki kripa se jab se ravi aaya hai tab se sab kuchh theek hota raha hai. main ek achhe aur mahatvapurn vishay par aapke sath baat karna chahte hain."
Deewan ji khade khade sawaliyan nazron se thakur sahab ko dekhte rahe. Unke samajh mein kuchh bhi na aaya tha.
"aap baith jaiye." thakur sahab deewan ji ko kursi ki aur ishara karke baithne ko bole.
Deewan ji paas padi kursi ko apni aur khinchkar baith gaye. - "aage boliye sarkaar. mere laayak jo bhi seva ho aadesh dijiye."
"aadesh nahi deewan ji hum aapki rai jaan'na chahte hain." thakur sahab cigar ka anteem kash lekar use straw mein bujhate hue bole - "aapko ravi kaisa lagta hai?"
"ravi." deewan ji chaunkkar bole - "aap kis samabandh mein puchh rahe hain?"
"nikki ke sambandh mein." thakur sahab apne mann ki baat deewan ji ke saamne prakat kiye - "hamari nikki ke liye ravi kaisa rahega? hamein uske ghar sampati se koi lena dena nahi, wo doctor hai aur achhe vichaar rakhta hai. Hamare liye yahi kaafi hai."
"sarkaar, aap to mere mann ki baat taad gaye." deewan ji khushi se chahak kar bole - "mujhe to ravi usi din bha gaya tha jab main unse delhi mein mila tha. niki aur ravi ki jodi to laakhon mein ek rahegi. Bilkul der na krein. Aaj hi is samabndh mein tavi se baat kar lein."
"theek hai aaj shaam ko hi ravi aur nikki ko bithakar dono ki marji jaan lete hain." thakur sahab phir se cigar ki taraf hath badhate hue bole.
"jo aagya." deewan ji uthte hue bole.
Phir thakur sahab se izazat lekar darwaze bahar nikle. darwaze se bahar kadam rakhte hi unki nazar nikki se takrai. Wo darwaze ke bahar khadi deewan ji aur thakur sahab ki baaten sun rahi thi.
Wo kisi kaam se thakur sahab ke paas aa rahi thi jab darwaze ke bahar se apne aur ravi ke samabndh mein thakur sahab ke muh se kuchh kehte sunkar darwaze ke bahar thithak gayi thi. Phir kuchh der usi avashtha mein rahkar usne saari baatein sun lee thi. Ab jab deewan ji ne use khade dekh liye the to wo ekdam se sharma gayi aur tezi se apne kamre ki aur bhaag gayi.
Deewan ji ko ye samajhte der nahi lagi ki nikki is rishte ke liye raazi hai. Wo muskurate hue apne raaste badh gaye.
*****
Nikki seedha apne kamre mein aakar bistar par giri. Phir ek lambi saans chhodne ke baad apne papa aur deewan ji ki muh se suni baatein yaad karne lagi. wo khush thi, lekin use ye samajh mein nahi aa raha tha ki wo khush kyon hai? Jis insaan se wo apne tiraskaar ka badla lena chahti thi usi insaan ke sath apne vivaah ki baat sunkar uska mann itna prasann kyo ho raha hai? wah to ravi ko neecha dikhana chahti thi, phir aaj kyon use apne maang *mein sajane ki soch rahi hai? Shaayad ye ravi ki achhai thi jisne nikki ke mann se sara mail nikaal diya tha. Nikki ka mann ye jaan chuka tha ki ravi laakhon mein ek hai. Jo insaan uske nagn sharir ko tyaag de wo koi saadharan insaan ho hi nahi sakta. Ravi ki yahi achhai uski khushi ka kaaran tha. Wo is baat se anand mehsus kar rahi thi ki ravi jaisa shabhya purush uska pati hone wala hai.
nikki apne khyalo mein ravi ko basa kar mann hi mann muskurayi phir mann mein boli - "ab Kaho mr ravi, ab mujhse bhaag kar kahan jaoge? Ab aise bandhan mein baandhne wali hoon ki zindagi bhar mere sath rahna padega. Phir dekhna kaise badla leti hoon tumse. Bahut sataya hai tumne mujhe.....ab main sataungi tumhe"
Agle hi pal uske mann mein vichaar aaya kyon na wo abhi uske kamre mein jaakar use is rishte ki baat bataye. Use chhed use pareshaan karein.
Wo muskurati hui uthi aur apne kamre se bahar nikal gayi. Phir apne kadadm ravi ke kamre ki taraf badhati chali gayi. Kuchh hi der mein wo ravi ke kamre ke bahar khadi thi. Abhi wo darwaze par dastak dena hi chahti thi ki uski nazar darwaze ki kundi par gayi jo bahar se band thi.
darwaza band dekh nikki ke maathe par sikan ubhri. Usne apni ghadi mein samay dekha. is waqt 5 baje the. Wo kuchh der khadi sochti rahi phir seedhiyon se utarti hui hall mein aayi. usne ek naukar se ravi ke bare mein puchha to pata chala ki wo apni bike se kahin gaya hua hai.
nikki soch mein pad gayi. Kuchh dino se wah notice kar rahi thi ki ravi sham ko aksar haveli se bahar jane laga hai. Lekin wo kahan jata tha kyon jata tha is baat ko jaanne ka prayaas usne kabhi nahi ki thi. Par jaane kyun aaj uske mann mein ek anjani si shanka ghar karti ja rahi thi.
wah bechaini se hall mein tahalti hui ek hi baat sochti ja rahi thi - 'kahin ravi ka kisi ladki ke sath koi chakkar to nahi chal raha hai? Lekin use aisa karne ki jarurat hi kya hai. Agar wo sach mein aurat ki kami mehsus karta hota to wo mere paas aata. Main to uske liye har ghadi uplabdh thi. mujhe thukrakar use kahin aur bhatakne ki jarurat kya hai?
"kuchh bhi ho sakta hai nikki." uske mann ne dheere se sargoshi ki - "mizaaz aur mausam ke badalte der nahi lagti. Tu is tarah aankh munde padi rahegi to aisa na ho ki pankshi daana kahin aur chug jaaye. Tumhe sachai ka pata lagana hi hoga ki wo shaam ko kahan jaata hai? Kahin aisa na ho ki wo tere saamne saadhu ka dhong karta ho aur bahar bhanwra bankar gaon ki phoolon ka ras chusta firta ho."
is vichaar ke sath hi nikki ka chehra sakht ho utha. Wah tezi se haveli se baahar nikli. Phir apni jeep mein baith Kar jeep ko ghatiyon ki aur bhagati chali gayi.
**********
Ravi pichhle 25 minute se jharne ke nikat pattharon par baitha kanchan ka intezaar kar raha tha.
Kal wo isi jagah milne ki baat kehkar gayi thi. Par Ravi ko intezaar karte lagbhag adha ghanta beet jaane ke baad bhi wo abhi tak nahi aayi thi.
ravi ullu ki tarah girte jharne ko taktaki lagaye ghure ja raha tha. Uske maanaspatal par kabhi romeo, kabhi farhad to kabhi majnu aur ranjha ki andekhi tashveerein ghum rahi thi. Isliye nahi ki wo apni tulna un mahaan premiyon se kar raha tha, balki isliye ki aaj sahi maayne mein unke dard ka ehsaas use hua tha.
Aaj usne jaana tha ki judai kya hoti ha?, tanhai mein baithkar apne sanam ka intezaar karna kya hota hai? Aaj wo ye jaan gaya tha ki kyon pyar karne wale apne kapde faad lete hain?. Kyon paaglon ki tarah galiyon mein ghumte hain? Kyon tanhai mein baithkar pattharon par sar patakte hain?
Kyonki aaj use bhi pyar ho gaya tha. Aaj use bhi kisi ka intezaar karna pad raha tha.
usne aaj se pehle kitabon mein, filmon mein aur doston se in mahaan premiyon ke bare mein bahut kuchh dekha suna aur padha tha. Lekin kabhi unke sache pyar ki tadap ko mehsus nahi kar saka tha. Use mehsus hota bhi to kaise? Bina jale jaise jalan ka gyaan nahi hota. waise hi bina pyar kiye pyar ki tadap ka ehsaah nahi hota. Is baat par kisi shayar ne kaha hai.
"wahi mehsus karte hain khalish dard e mohabbat ki.
Jo apne se badhkar kisi ko pyar karte hain."
Aaj use bhi us dard se do chaar hona pad gaya tha. Wo pattharon par baitha kabhi apne baal noch raha tha to kabhi jhunjhlakar pichhe dekhta ja raha tha.
Is baar bhi wo jhanjhlahat se bharkar apni gardan jaise hi pichhe ghumaya uski aankhen khushi se chamak uthi. Use kanchan girti padti pattharon se bachti bachati apni aur aati dikhayi di. wo khushi se pattharon par khada ho gaya aur kanchan ko dekhne laga.
Kanchan neele rang ki salwar kameez pehni hui thi. un kapdon mein bahut sundar lag rahi thi. Dupatta gale se lipatkar pichhe jhul raha tha. tight kurti mein uske parvat shikhar apni aakar mein saaf dikhayi pad rahe the.
Kanchan haafti hui ravi ke paas aakar khadi ho gayi. Phir ravi ko dekhkar dheere se muskurayi.
"kya time ho raha hai?" ravi ne apni kalai mein bandhi ghadi kanchan ko dikhate hue pucha. - "pichhle aadhe ghante se paaglon ki tarah yahan baitha tumhara intezaar kar raha hoon. Tumhe to meri koi fiqar hi nahi hai. Kya yahi pyar hai tumhara." ravi ke shabdon mein na chahte hue bhi krodh shama gaya tha.
kanchan ravi ke muh se nikle kathor shabdon se seham gayi. Usne socha bhi nahi tha ki yahan aate hi use apne saajan se aisi jhidki sunne ko milegi. jab wo ghar se nikli thi tab dil mein hazaron umange thi, raaste bhar chehakti hui, mann mein hazar armaa sazati hui aayi thi. par yahan aate hi uske mann mein armano ke jitne bhi phool khile the wo sab ek jhatke mein murjha gaye. Wo dheeme swar mein ravi se boli -"galti ho gayi saheb. Mujhe maaf kar do. Bua ne kisi kaam se rok liya tha." ye kehte hue kanchan ki gardan sharmindagi se niche jhuk gayi.
kanchan ka utra hua chehra dekhkar ravi ko apni bhul ka ehsaah hua. Uska sara gussa ek pal mein gaayab ho gaya. uska mann ye sochkar glani se bhar gaya ki bina kaaran jaane usne kanchan ko daant peela di.
Wah dheere se kanchan ke paas aaya.
Kanchan ab bhi gardan jhukaye khadi thi.
Usne apne hath se uski thodi ko chhua aur uska chehra upar utha liya. kanchan ki aankhein geeli ho chali thi. Uske palkon ke beech moti jaise do boonde chamak uthi thi. Uski aankhon mein aansu dekhkar ravi khud se jhallaya. Dil mein aaya apni is galti par apna sar pattharon par maar de. Usse aisi naadani hui kaise? Wah uski aankhone se aansu pochhta hua bola - "mujhe maaf kar do kanchan, Main aainda tumpar kabhi gussa nahi karunga. Promise. Tum chaho to main apni is galti ke liye kaan pakadkar uthak baithak laga sakta hoon. Par plz mujhe maaf kar do aur ek baar pyar se muskura do."
Ravi ki in baaton se kanchan sach mein muskura uthi. Uske andar ki saari peed kshanbhar mein door ho gayi. Wah apni jhilmilati aankhon se ravi ka chehra taakne lagi. Phir yachnapurn lehje mein boli - "saheb, mujhe koi bhi kasht de dena, par mujhse kabhi alag mat hona. Main aapke bagair jee nahi sakungi."
"to kya main jee sakunga tumhare bagair?" ravi ye kehte hue uske maathe ko chum liya. - "aao....wahan baithte hain."
Ravi ne Apne baayin aur khade ek vishaal ped ki aur ishara kiya phir uska hath pakadkar us aur badhta chala gaya. Ped ke niche ek bada sa samtal patther bichha hua tha. Patther itna bada tha ki 3 aadmi aaram se so sakte the. Patther se do kadam aage gehri khai thi. Ravi ped ki jad se peeth tikakar baith gaya. Kanchan usse thodi aage hokar baithi aur wahan se door tak faili phoolon ki ghati ko dekhne lagi.
Waise to kanchan pehle bhi is Khubsurti ko dekh chuki thi. Par aaj uske dekhne mein antar tha. Aaj use in haseen waadiyon mein pyar ka rang ghula hua dikhayi pad raha tha. Wah jidhar bhi nazar ghumati sabhi ped, patte, paudhe, phool use haste khilkhilate nazar aa rahe the.
suraj kshitij ki aur badh raha tha. Vaatavaran mein laalima failti ja rahi thi. Saanjh ki laalima se yah ghati aur bhi sundar hoti ja rahi thi.
Kanchan sab kuchh bisarkar khoyi hui thi. Use yeh bhi hosh nahi tha ki uske pichhe baitha ravi use kab se ek tak dekhe ja raha hai.
Ravi bhi uske sundar mukhde ko dekhte hue sab kuchh bhula baitha tha. tabhi kanchan uski aur palti.
Ravi ko yun apni aur dekhte paakar uski aankhon mein sharm ubhar aaya. Wo dheere se sharmakar boli - "kya dekh rahe ho saheb?"
"wahi jo tum dekh rahi ho." ravi uske chehre par apni nigaah jamaye hue kaha.
"main to is ghati ki sundarta dekh rahi thi." kanchan muskurayi - "lekin aap to....!" usne baat adhuri chhod di aur apni nazrein niche kar lee..
"to maine galat kya bola hai. Main bhi to sundarta hi dekh raha tha."
"dhatt....!" kanchan sharmayi.
"sach kehta hoon kanchan. Tumhari jaisi sundar ladki sare sansaar mein na hogi." ravi uski sundarta mein khota hua bola.
"aap 1 no ke jhoothe hain." kanchan apni khubsurat aankhen ravi ke chehre par tikakar boli - "main janti hoon main zyada sundar nahi hoon. Main to nikki jitni bhi sundar nahi hoon. aur Shahar mein to mujhse bhi sundar - sundar ladkiyan rahti hongi. Kabhi kabhi main sochti hoon aap shahar jaakar mujhe bhul to nahi jayenge."
Yeh toh bada wala dhamaka hogyaaa bhaiii. Thakur ne Nikki jaisi character less ke liye sidhe sadhe Ravi ko chuna hai.
Aur yeh baat sunke Nikki bahot khush hai kyoki usse ab dil hi dil mein Ravi se pyaar hogya hai aur woh shaadi karne ke liye ready hai.
Idher Kanchan aur Ravi toh pyaar ke geet gaane mein busy hai jabki inke peet pichhe kitna bada kaand hogya hai.
Kyaa Ravi Thakur ko kabhi yeh bol paayega ke woh Kanchan se pyaar karta hai. Yaa phir Kanchan ka dil tootega.
Dekhte hai aage kyaa hoya hai.
