Is Tarah 15 Minute Guzar Gaye....
Lekin
Imran Ki Waapsi Na Hui....!
Captain Shameem Sonch Raha Tha Ke....
Agar
Jazeere Mein Daakhil Hone Koi Raasta Imran Ko Mil Gaya Hota To Fauri Taur Par Uski Waapsi Hoti....Tanha Daakhil Hone Ka Khatra Mol Na Leta....
To Fir
Kya Use Koi Haadsa Pesh Aya Hai....Aisi Surat Mein Use Kya Karna Hoga....!
Achanak Usne Mattu Ke Aadmiyon Se Kaha....Apne Jazeere Ki Taraf Wapas Chalo....!
Aur Sahab....Wo....!
Unhe Yaqeenan Koi Haadsa Pesh Aya Hai....Main Jazeere Se Coast-Guards Se Raabta Khayam Kar Ke Helicopter Talab Karunga....!
Mattu Ke Aadmiyon Ne Ajeeb Nazron Se Ek-Dusre Ki Taraf Dekha....
Aur
Rooq Tabdil Kar Ke Chappu Chalane Lage....Machli Ka Jaal Khinch Kar Samet Liya Gaya Tha....!
______________________________________________________________________________
Imran Kuch Der Tak Paani Sataah Hi Par Tairta Raha....
Fir
Ghota Lagaya....Zer-E-Aab (Underwater) Roshni Wali Torch Usne Dono Haathon Se Thaam Rakhi Thi....
Aur
Pairon Se Back Strokes Lagata Hua Aage Badh Hi Raha Tha Ke Achanak Aisa Mehsoos Hua Jaisa Dono Pairon Mein Phanda Padh Gaya Ho....Dono Panje Ek-Dusre Se Jakadh Kar Rahe Gaye....Yaqeenan Wo Phanda Hi Tha....
Kyun Ke
Ab Us Rassi Ko Khincha Jane Laga Tha....!
Imran Damm Saadhe Khinchta Chala Gaya....Sonch Bhi Nahi Sakhta Tha Ke Achanak Is Qism Ke Kisi Surat-E-Haal Ka Saamna Hoga....!
Fir Use Apni Torch Ki Roshni Mein Do Frogman Nazar Aye....Jin Ke Haathon Mein Zer-E-Aab Chalaye Jane Wali Bandooqein Dikhi....Bure Phanse....Imran Ne Soncha....
Lekin
Ab Ho Hi Kya Sakhta Tha....!
Thodi Der Baad Uska Jism Kisi Thons Qism Ki Cheez Se Takraya....
Aur
Khinche Jane Ka Amal Bhi Ruk Gaya....Saath Hi Aisa Mehsoos Hua Jaise Tez Qism Ki Roshni Mein Naha Gaya Ho....Torch Uske Haathon Se Choot Kar Dur Phisalti Chali Gayi....Jiss Ka Matlab Yeh Tha Ke Wo Ab Thons Zameen Par Padha Hua Hai....!
Uthne Ki Koshish Ki To Mehsoos Hua Ke Pairon Mein Ab Bhi Phanda Padha Hua Hai....Kisi Na Kisi Tarah Baith Kar Wo Phanda Nikaalne Laga....Tez Qism Ki Roshni Aankhon Mein Chaka-Chaund Paida Kar Rahi Thi....Thodi Si Jad-O-Jahad Ke Baad Usne Pairon Se Phanda Nikaal Liya....
Aur
Ghutnon Ke Bal Baith Kar Gehri-Gehri Saansein Lene Laga....!
Wo Ab Kisi Chath Ke Niche Tha....
Achanak
Do Afraad Fir Dikhayi Diye....Jinke Haathon Mein Machine-Guns Thi....Unhone Imran Ko Uthne Ka Ishaara Kiya....!
Main Koi Badi Machli Nahi Hu....Imran Ghurraya....Mujh Se Aadmiyon Ka Sa Bartav Karo....!
Ek Ne Machine-Gun Se Saamne Wale Darwaaze Ki Taraf Ishaara Kiya....!
Imran Ne Shaano Ko Jumbish Di....
Aur
Darwaaze Ki Taraf Chal Padha....!
Yeh Ek Lambi Surang Sabeet Hui....Uske Piche Wala Musalaah Aadmi Torch Roshan Kiye Hue Raasta Dikha Raha Tha....!
Ek Jagaah Use 30-40 Seedhiyan Bhi Tai Karni Padhi....
Aur
Fir....Wo Achanak Khule Aasmaan Ke Niche Aa Gaya....Sar Par Suraj Chamak Raha Tha....
Aur
Patthreeli Zameen Tapp Rahi Thi....!
Imran Ne Mudh Kar Dekha....Un Dono Musalaah Aadmiyon Ka Kahin Pata Na Tha....Jo Use Yahan Tak Laye The....!
Imran Ne Seedhiyon Ko Bhi Talaash Karne Ki Koshish Ki....Jin Ke Zariye Yahan Tak Pahuncha Tha....
Lekin
Unka Nishaan Bhi Kahin Na Mila....!