Ko To Rok Lo {Update - 0253}
____________________________
Keerti boli “kuch nahi, bas aise hi soch rahi thi ki, yadi tum mujhse naraj ho jaoge to, mai tumhe kaise manaugi.”
Mai gaur se keerti ki baat sunte huye uske wale mobile me priya ka number save kar raha tha. Keerti ki baat puri hote hi mera uske mobile me priya ka number save karna bhi ho chuka tha. Maine keerti wala mobile bhi apne mobile ke sath rakha aur fir hanste huye keerti se kaha.
Mai bola “mai bhala bina vajah tujhse naraj kyo hone laga.”
Meri baat sunkar keerti ne thoda sanjida hote huye kaha.
Keerti boli “nahi, koi baat nahi bas aise hi puchh rahi thi. Chalo ab so jate hai. Subah tumhe apne school bhi jana hai.”
Ye kahte huye keerti ne meri god me sar rakh liya aur apni aankhen band kar li. Uski ye harkat dekh kar mere chehre par muskurahat aa gayi. Mai us se uski us baat ka matlab puchhna chahta tha.
Magar ab use apni god me sukun se sar rakh kar, aankhen band karke lete dekh kar mujhse kuch bhi kahte na bana aur mai muskurate huye uske sar par hath ferte huye uska masoom sa chehra dekhne laga.
Is samay wo hamesha ki tarah hi bahut pyari lag rahi thi. Aaj wo bahut dino bad is tarah se sukun se meri god me so rahi thi. Isliye me chah kar bhi uske siwa kuch nahi soch pa raha tha.
Meri najar me to wo duniya ki sabse sundar ladki thi aur jise mai apni jaan se bhi jyada pyar karta tha. Mai aankh band karke keerti ke sar par hath ferte huye, uske hi khayalon me kho gaya.
Yahi sab sochte sochte na jane kab meri aankh lag gayi aur mai baithe baithe hi so gaya. Subah apne mathe par honthon ka sparsh pakar meri nind khul gayi. Maine aankh khol kar dekha to, keerti mera matha chum rahi thi. Mujhe jagte huye dekh kar keerti ne muskurate huye kaha.
Keerti boli “good morning,”
Keerti ki baat sunkar maine muskurate huye kaha.
Mai bola “good morning. Tum kab uthi.”
Keerti boli “abhi abhi uthi. Magar tum mere sone ke bad bhi kyo baithe rahe. Tumhe so jana chahiye tha.”
Mai bola “meri baithe baithe hi kab nind lag gayi, mujhe pata bhi nahi chala.”
Meri baat sunkar keerti ne muskurate huye kaha.
Keerti boli “chalo achi baat hai. Mujhe laga ki, kahi meri vajah se tum so paye ho ya nahi so paye.”
Keerti ki baat sunkar maine hanste huye kaha.
Mai bola “mujhe to bahut pyari nind aayi aur subah subah meri badi pyari good morning huyi hai.”
Meri baat sunkar keerti ne mere upar gussa karte huye kaha.
Keerti boli “ab jyada natak mat karo. Tumhe is sab ke siwa kuch sujhta hi nahi hai.”
Mai bola “isme buri baat kya hai. Mai kissy karta hu tab bhi tujhe bura lagta hai. Ab tune kissy ki tab bhi tujhe bura lag raha hai.”
Keerti boli “jyada bano mat. Tumhe kissy ke alawa kuch sujhta hi nahi hai.”
Keerti ki baat sunkar maine kaha.
Mai bola “itne din bad to teri tabiyat sahi huyi aur tu mujhe itni baten suna rahi hai. Jab tujhe meri ye baat itni hi buri lagti hai to, tune kissy ki hi kyo.”
Meri baat sunkar keerti ne bade hi pyar se kaha.
Keerti boli “tum sote me bahut hi pyare lag rahe the. Isliye maine tumhare mathe par kissy ki thi.”
Ye kahte huye keerti ne bade pyar se ek shayari kahi.
Keerti boli “Jab Se Dekha Teri Aankhon Me Jhank Kar,
Koi Bhi Aaina Ab Achcha Nahi Lagta.
Teri Mohabbat Me Aise Diwane Huye Hai,
Tumhe Koi Aur Dekhe To Achcha Nahi Lagta.”
Keerti ki shayari sunkar maine muskurate huye kaha.
Mai bola “lagta hai ki, ab teri tabiyat bahut jyada hi achchi ho gayi hai. Subah subah shayari sunne ko mil rahi hai.”
Meri baat sunkar keerti ne hanste huye kaha.
Keerti boli “haan, ab mai puri tarah se thik ho gayi hu. Isliye ab tumhe kissy mil jaya karegi.”
Ye kah kar keerti khilkhilakar hasne lagi aur uski ye baat sunkar mai bhi uske sath hasne laga. Humari hansi rukne ke bad keerti ne muskurate huye kaha.
Keerti boli “abhi subah ke 5 baje hai. Tumhari nind puri nahi huyi hogi. Tum raat ko 1:30 baje ke bad soye ho, abhi tum aaram karo. Mai tumhe ek ghante bad jaga dugi.”
Keerti ki baat sunkar maine muskurate huye kaha.
Mai bola “ok.”
Meri baat sunkar keerti kamre se bahar nikal gayi. Kamre bahar nikal kar usne darwaja band kar diya. Uske jate hi mai fir se so gaya. Fir meri nind 6 baje keerti ke hi jagane par khuli. Usne mujhe jagate huye kaha.
Keerti boli “utho, 6 baj gaya hai. Tumhe school ke liye taiyar bhi hona hai.”
Keerti ki baat sunkar maine nind se jagte huye kaha.
Mai bola “haan, mai jaag gaya hu. Ami nimi uth gayi kya.”
Meri baat sunkar keerti ne kaha.
Keerti boli “wo kab ki jaag gayi hai. Dono apne kamre me school ke liye taiyar ho rahi hai.”
Keerti ki ye baat sunkar maine neha ke baare me puchha.
Mai bola “kya neha bhi jaag gayi hai.”
Keerti boli “nahi, neha abhi so hi rahi hai. Ami nimi ne use jagaya tha. Magar usne kaha ki, use kaun sa school jana hai, wo 6 baje ke bad uthegi.”
Mai bola “chalo thik hai. Uski baat bhi galat nahi hai.”
Meri baat sunkar keerti ne kaha.
Keerti boli “ab iski uski baat chhodo aur jaldi se school ke liye taiyar ho jao. Yadi aaj school nahi gaye to, vaani didi se bahut pitoge.”
Keerti ki baat sunkar, maine chaukte huye puchha.
Mai bola “wo kyo.?”
Keerti boli “tum shayad bhul gaye ho. Aaj se suabah 5 beje tumhe daudne ke liye jana tha,”
Keerti ki baat sunkar mujhe vaani didi ki baat yaad aayi aur meri halat kharab ho gayi. Maine ghabrate huye keerti se kaha.
Mai bola “tune mujhe subah 5 baje jaga to diya tha. Fir mujhe bataya kyo nahi ki, mujhe daudne ke liye jana hai. Mehul aur niranjan mera intejar kar rahe hoge. Vaani didi ko to, ab tak is baat ki khabar bhi lag gayi hogi ki, mai daudne nahi gaya hu.”
Meri baat sunkar keerti ne kaha.
Keerti boli “aisa kuch nahi hoga. Subah 5 baje mehul aur niranjan aaye the. Maine unhe yaha se bhaga diya. Kah diya ki tum kal se daudne jaoge.”
Mai bola “tune aisa kyo kiya. Jab mai jaag gaya tha to, tujhe mujhe utha dena chahiye tha. Vaani didi meri is gustakhi ko kabhi maaf nahi karegi.”
Keerti boli “tum iski fikar mat karo. Jab subah wo log aaye to, maine mausi se kah diya tha ki, raat ko tumhare sar me dard tha. Tum sar dard ki vajah se der se soye ho. Yadi mausi kahe to, mai tumhe na jagau.”
“Mausi ko bhi meri baat sahi lagi aur mausi ne kaha ki, mai mehul logon se kah du ki tum kal se daudne jaoge. Bas maine bhi mehul aur niranjan se kah diya ki, mausi kah rahi hai, punnu kal se daudne ke liye jayega.”
“Meri ye baat sunkar niranjan bola ki, koi baat nahi wo kal se punit ko apne sath le jayega. Magar punit ko kal se jarur chalna hoga. Vaani madam ka sakht aadesh hai. Warna wo is laparwahi ki saza mujhe degi.”
“Niranjan ki baat sunkar maine us se kah diya ki, punnu kal se jarur daudne jayega. Isliye wo vaani didi ke gusse se na dare. Meri baat sunkar niranjan aur mehul tumhare bina hi daudne chale gaye.”
Itna kah kar keeri chup ho gayi. Uski baat puri hone ke bad maine us se kaha.
Mai bola “tujhe aisa jhuth bolne ki kya jarurat thi. Tu mujhe jaga deti to mai unke sath daudne chala jata. Mujhe isme koi pareshani nahi thi.”
Meri baat sunkar keerti ne kaha.
Keerti boli “ye baat mujhe bhi malum hai. Magar kal tumhe sone me raat ke 1:30 baj gaye the. Isliye maine aaj tumhe aaram karne diya. Tum kal se daudne chale jana.”
Mai bola “chal thik hai. Koi baat nahi, mai kal se daudne chala jauga.”
Meri baat sunkar keerti ne hanste huye kaha.
Keerti boli “ab kal ki baat kal par chhodo. Ab bhi yadi tum nahi uthe to, school ke liye dar ho jayegi. Tum apne school jane ki taiyari karo, mai bhi apne school ke liye taiyar hone ja rahi hu.”
Ye kahte huye keerti muskurate huye apne kamre me chali gayi. Keerti ke jane ke bad mai uth kar fresh hone chala gaya. Nahane ke bad mai taiyar hone laga, tabhi keerti chay nashta lekar aa gayi. Wo bhi school jane ke liye taiyar thi. Maine taiyar hone ke bad chay nashta karte huye keerti se kaha.
Mai bola “chanda mausi, kaha hai.”
Keerti boli “wo kitchen me abhi mausi ke sath baat kar rahi hai. Mausi unhe kuch jaruri baten samjha rahi hai.”
Mai bola “un ne nashta kar liya.”
Keerti boli “abhi nahi, abhi wo mausi ke sath tumhare nashte ki taiyari kar rahi thi.”
Mai bola “chanda mausi ki abhi tabiyat puri tarah se thik nahi huyi aur wo aisi halat me kitchen me kaam kar rahi hai.”
Keerti boli “wo ab puri tarah thik hai aur abhi kitchen me kaam nahi kar rahi hai, balki mausi se Mumbai ke baare me kuch baten kar rahi hai. Tum chacho to nashta karne ke bad khud jakar dekh lena.”
Mujhe keerti ki baat sahi lagi aur mai chup chap chay nashta karne laga. Chay nashta karne ke bad maine hath dhoye aur fir apna bag uthane ko hua to, keerti ne kaha ruko, mai bhi apna bag lekar aati hu.
Yah kah kar keerti apne kamre me chali gayi. Kuch der bad keerti apna bag lekar aa gayi. Use dekh kar maine us se puchha.
Mai bola “kya, ami nimi school chali gayi.”
Keerti boli “haan, ami nimi school ja chuki hai. Ab hume bhi apne school chalna chahiye.”
Keerti ki baat sunkar maine bhi apna bag uthaya aur fir keerti ke sath nishe aa gaya. Niche aakar mai sidhe kitchen me chala gaya. Mere pichhe pichhe keerti bhi kitchen me aa gayi.
Kitchen me is samay chhoti maa, chanda mausi aur neha thi. Neha ko kitchen me dekh kar maine neha se puchha.
Mai bola “tum kitchen me kya kar rahi ho.”
Meri baat sunkar neha ne kaha.
Neha boli “mai aai aur aunty ki baten sun rahi hu.”
Neha ki baat sunkar maine chanda mausi se kaha.
Mai bola “mausi abhi aapki tabiyat puri tarah se thik nahi hai aur aap yaha is tarah se ghum rahi hai.”
Meri baat sunkar chhoti maa aur chanda mausi hasne lagi. Magar neha ne meri baat ka jabab dete huye kaha.
Neha boli “aunty, abhi aai se kah hi rahi thi ki, abhi punnu aayega aur tumhe kitchen me is tarah dekh kar gussa karega. Tumne aate hi wahi kiya.”
Neha ki baat sunkar maine kaha.
Mai bola “mai mausi par gussa nahi kar raha hu. Balki inhe aaram karne ke liye hi kah raha hu.”
Meri baat sunkar neha ne kaha.
Neha boli “aai ab puri tarah thik hai. Doctor ne hi unhe chalte firte rahne ko kaha hai. Isliye aai yaha aunty se baat kar rahi hai.”
Neha ki baat sunkar, chhoti maa ne mujhe samjhate huye kaha.
Chhoti maa boli “tu mausi ki chinta mat kar, wo ab puri tarah se thik hai. Wo yaha kitchen me sirf mujhse baat karne aayi hai. Mujhe tera nashta banate dekh kar, tere nashte ki taiyari karne lagi thi. Lekin maine unhe koi bhi kaam karne se mana kar diya. Tu ab school ja, warna tujhe school ko der ho jayegi.”
Chhoti maa ki baat sunkar, maine muskurate huye kaha.
Mai bola “ji chhoti maa, mai ab school jar aha hu.”
Meri baat sunkar keerti ne bhi chhoti maa se kaha.
Keerti boli “mausi mai bhi school ja rahi hu. Aapki scooty le ja rahi hu.”
Keerti ki baat sunkar chhoti maa ne kaha.
Chhoti maa boli “thik hai, ab tub hi jaldi school ja warna tujhe bhi school ke liye der ho jayegi.”
Keerti boli “ji mausi. Mai school ja rahi hu.”
Ye baat kahkar, keerti ne apna bag uthaya aur mujhse school ke liye nikalne ke liye kahne lagi. Keerti ki baat sunkar mai bhi apna bag utha kar keerti ke sath ghar ke bahar aa gaya.
Keerti ne chhoti maa ki scooty nikali aur fir mai apni bike nikalne laga. Mere bike nikal lene ke bad, hum dono apni apni gaadi me school jane ke liye sath sath nikal pade. Raste me keerti ne mujhse kaha.
Keerti boli “hum bahut din se kahi ghumne nahi gaye hai. Kya tumhe nahi lagta ki, hume kahi ghumne jana chahiye.”
Keerti ki baat sunkar maine kaha.
Mai bola “lagta to hai, magar tu dekh to rahi hai ki, hum kis tarah se musibaton me fase huye hai. Aaj hi hume juhi didi ki shadi ke liye nikalna hai. Aise me hum kaha kahi ghumne ja sakte hai.”
“Fir vaani didi ne bhi kahi bhi bekar me aane jane se mana kiya hai. Un ne saaf kaha hai ki, jab tak wo Mumbai se wapas nahi aa jati hai aur saari samsyayen hal nahi kar deti hai. Tab tak hume apni suraksha ka pura khayal rakhna hai. Aise me bhala hum kaha ghumne ja sakte hai.”
Meri baat sunkar keerti ne tunakte huye kaha.
Keerti boli “mujhe kuch nahi sunna hai. Mujhe ghumne jana hai, matlab ghumne jana hai.”
Keerti ko jid karte dekh kar, maine us se kaha.
Mai bola “chal thik hai, mai iska koi hal nikalta hu. Hum school se laut kar is baare me baat karege.”
Keerti boli “thik hai.”
Aise hi baat karte huye hum kuch door tak gaye aur fir keerti ke school ka mod aa gaya. Mujhe jata kar keerti apne school ke liye nikal gayi aur mai sidha apne school ke liye nikal gaya.
School me aaj ka din koi khas to nahi tha. Magar lunch ke samay par mehul aur shilpa mere pas aa gaye. Mehul ne mere pas aakar kaha.
Mehul bola “aaj mummy ne tere liye tiffin me kuch khas bheja hai.”
Mehul ki baat sunkar, maine kaha.
Mai bola “aunty ko mera kitna khayal rahta hai. Hameha mere liye tiffin me kuch na kuch khas aata rahta hai.”
Meri baat sunkar mehul ne chid-chidate huye kaha.
Mehul bola “jyada ban mat. Mummy ne tere liye ye khas tiffin is liye taiyar kiya tha, kyoki tu mere sath subah-subah daudne ja raha tha. Unhe kya pata tha ki, daudne ke liye mai akela chala jauga aur tu aaram se ghar me sota rahega.”
Ye kahte huye mehul ne meri taraf tiffin bada diya. Mai tiffin hanth me lekar tiffin sunghne laga. Ye dekhkar mehul ne hanste huye kaha.
Mehul bola “tu nahi sudhrega, tiffin khol kar bhi to dekh sakta hai ki, usme kya hai.”
Magar maine mehul ki baat ko ansuna kiya aur tiffin ko sunghte huye lambi saans lete huye kaha.
Mai bolo “aaha, isme se shuddh deshi ghee ki, khove ki aur gajar ki khushbu aa rahi hai. Shayad aunty ne gajar ka halua banakar bheja hai.”
Meri ye harkat dekhkar mehul ke sath sath shilpa bhi hasne lagi. Wo bade gaur se mujhe dekh rahi thi. Wahi mehul ne mujhse kaha.
Mehul bola “chal, ab teri nautanki khatam ho gayi ho to, hum chal kar lunch kar lete hai.”
Mehul ki baat sunkar mai mehul aur shilpa ke sath lunch karne aa gaya. Shilpa aur mehul apna apna tiffin aur aunty ka diya hua tiffin mere sath lunch karne lekar aaye the. Mai bhi apne bag se apna tiffin nikal kar le aaya.
Mehul aur shilpa ke samne baithte huye maine apna tiffin khola to, usme pulao tha. Maine apna tiffin samne rakh diya aur fir aunty ka bheja hua tiffin kholne laga. Shilpa bade gaur se mujhe tiffin kholte huye dekh rahi thi.
Maine aunty ka bheja hua tiffin khola to, usme gajar ka halua hi tha. Ye dekh kar shilpa ne hanste huye kaha.
Shilpa boli “tumne tiffin me gajar ka halua hone ka bilkul sahi anuman lagaya tha.”
Shilpa ki baat sunkar, mehul ne hanste huye kaha.
Mehul bola “iski bachpan se hi ye natak karne ki aadat hai. Mummy ka bheja hua tiffin pahle ye sungh kar pata lagayega ki, mummy ne iske liye kya bheja hai. Fir jakar ye use kholega.”
Mehul ki baat sunkar, shilpa ne hanste huye apna tiffin mere samne karte huye kaha.
Shilpa boli “jara mere tiffin ko bhi sungh kar batao ki, aaj mai tiffin me kya layi hu.”
Shilpa ki ye baat sunkar,mehul ne us se kaha.
Mehul bola “ye sirf mummy ki iske liye bheji gayi khas chijon ko sungh uski khushbu leta hai aur use sungh kar pata lagata hai ki, mummy ne iske liye kya khas chij bheji hai.”
“Tum kyo iski naak ki gajar ke haluye ki saari khushbu khatam kar dena chahti ho. Tum kaun sa apne tiffin me koi khas chij lekar aayi ho, jo ise iska pata lagane ke liye kah rahi ho.”
Mehul ki baat sunkar shilpa ne hanste huye us se kaha.
Shilpa boli “nahi, mujhe dekhna hai ki, punit mere tiffin ko sungh kar bata sakta hai ki, nahi ki, usme kya hai.”
Ye kahte huye shilpa ne apna tiffin mere hanth me pakda diya. Shilpa ko aisa karte dekh mehul ne mujhse kaha.
Mehul bola “bata de yaar ise bhi ki, iske tiffin me ye aaj kya layi hai.”
Mehul ki baat sunkar, maine muskurate huye shilpa ka tiffin sungha aur fir thandi si saans lete huye kaha.
Mai bola “isme to bahut khas chij hai. Mehul ko bahut pasand hai.”
Meri baat sunkar shilpa ne hanste huye mujhse kaha.
Shilpa boli “aise nahi, ache se sugh kar dekho aur batao usme kya kya hai.”
Shilpa ki baat sunkar mehul ne kaha.
Mehul bola “tu sahi se batata kyo nahi ki, iske tiffin me kya kya hai.”
Mehul ki baat sunkar, main ek baar fir shilpa ka tiffin sungha aur fir bura sa muh banate huye kaha.
Mai bola “isme aur koi khas chij nahi hai.”
Meri ye harkat dekh kar shilpa hasne lagi aur mehul ne mujhse puchha.
Mehul bola “bata na, iske tiffin me kya kya hai.”
Mehul ki baat sunkar maine use batate huye kaha.
Mai bola “ghee chupdi roti aur aalu ki sabji hai.”
Meri baat sunkar, mehul ne bhi bura sa muh banate huye kaha.
Mehul bola “abe ye kaun si khas chij huyi aur tujhse kisne kah diya ki ye mujhe bahut pasand hai.”
Mehul ki baat sunkar shilpa ne hanste huye kaha.
Shilpa boli “nahi, usme ek khas chij bhi hai jo tumhe bahut pasand hai.”
Mehul bola “kya.?”
Shilpa boli “punit se hi puchh lo. Shayad uska muh sahi ho jaye.”
Shilpa ki baat sunkar, mehul ne kaha.
Mehul bola “abe batata kyo nahi ki, usme kya khas chij hai.”
Mehul ki baat sunkar, maine uski baat ka jabab dete huye kaha.
Mai bola “shilpa ke tiffin me gulab jamun hai.”
Meri baat sunkar, mehul khush hote huye mere hath se shilpa ka tiffin liya aur use khol kar dekhne laga. Shilpa bhi bade gaur se apna tiffin dekh rahi thi. Mehul ne shilpa bhi bade gaur se apna tiffin dekh rahi thi.
Mehul ne shilpa ka tiffin khola to usme sach me ghee chupdi roti, aalu ki sabji aur gulab jamun tha. Ye dekh kar mehul ne tiffin shilpa ki taraf badate huye kaha.
Mehul bola “ab dekh liya tumne.? Ab to tumhe viswas ho gaya.”
Shilpa boli “nahi, abhi mujhe tumhare wale tiffin me bhi pata lagana hai ki, usme kya kya hai. Punit use bhi sungh kar batayega ki, aunty ne usme kya kya bana kar rakha hai.”
Shilpa ki baat sunkar, mehul ne fauran apna tiffin apne pichhe chhupate huye kaha.
Mehul bola “tum pagal ho kya.? Mummy ke hath ka bana hua khana chal raha hai. Tum ise nahi janti ho. Kahi usme bhi iske pasand ki koi khas chij nikal gayi to, ye use bhi chat kar jayega. Ye mummy ke hath ka bana hua chal raha hai. Ye mere sath baant kar nahi khayega.”
______________________________
