Update 185
(Pichhale update me mene galti se Beena ki saas Nirmaladevi ko Narmadadevi likh diya tha)
Krupali ki saas thodi tej swabhav vali thi, yaha ho raha drama wo dekh chuki thi, wo ye bhi janti thi ki ye sab vidhi kis liye ki ja rahi thi, uski bahu bhi abhi tak koi khuskhabari suna nahi payi thi, aur isi wajah se wo log bhi is anusthan me samil hone aaye the, ab tak wo kayi upay ajma chuke the, mantra tantra aur doctor, sabkuchh to wo try kar chuke the, is baat ko lekar kayi bar wo apani bahu ko suna bhi chuki thi. Wo(Daminidevi) uska pati(Raghvendrasinh) aur uska beta (Vashisth) bhi bhojan jaha tha us aur chal diye. Sari vyavstha suyojit tarike se ki gayi thi, waha table kurshi bhi lage hue the, par wo waha bethe nahi, bas ek jagah par khade rahe, waise bhi wo ladkewale the to ijaat lena to jaise unka haq tha.
Daminidevi : Mene kitani baar kaha tha par meri baat koi sunta hi kaha hai, aaj dekh liya na, uski bahen bhi maa ban rahi hai, me na kehti thi ki isme hi khot hai, par tum logo ko meri baat sunayi kaha deti hai.
Raghvendrasinh : Ab yaha bhi maat suru ho jana, dekh nahi rahi, wo log bhi chintit hai tabhi to itna sab kar rahe hai.
Daminidevi : Aap to boliye hi maat, aapko to bas muje chup karana hota hai, aap khud dekh lo, ye sab kyu ho raha hai? Kyu ki dikkat in logo me me hi hai, inki wajah se hi hamara vans aage nahi badh pa raha hai, baat sirf Krupali ki nahi hai, uska sara khandan vaisa hi hai, aapko to bas paise hi dikhe the, shadi karne se pehle kitna kuchh dekhna padta hai, vaise bhi uski bahen bhag gayi thi, aise ghar ki ladki ko lana hi nahi chahiye tha. (Vashisth chup hi raha, kyu ki wo janta tha ki uaki maa se bahes karke koi fayeda nahi, aur ab to usko bhi baat sahi hi lag rahi thi)(Wahi dusari aur)
Kamnadevi : Beti (Krupali ko)Tumhare gharwale khane ki aur gaye hai, jara unka dhyan rakh.
Krupali : (Uski sakal rone jaisi ho gayi thi)Muje nahi jana.
Kamnadevi : Aisa kyu keh rahi hai, ja dekh unhe, kahi kuchh chahiye hoga to.
Krupali : Tum kuchh nahi janti maa, waise bhi meri saas hamesa mujko sunati rehti hai aur ab to aur sunayegi, Swarnadidi maa ban rahi hai, aur me...(Bolte bolte unski ankho me aasu bhar aaye)
Kamnadevi : Are babaji ne kaha na ki ab sab thik ho jayega, tu kyu chinta karti hai, chal me bhi tere sath chalti hu, wo ladkewale hai, khayal rakhna hamara kartavya hai. (Krupali ne aasu pochhe aur dono us aur chal padi, wo log abhi bhi waha khade the)Are aap log khade kyu hai, bethiye na. (Usne muskura kar kaha, Krupali ki saas ne bhi nakali muskurahat se jawab diya)
Daminidevi : Hum bas beth hi rahe the.
Kamnadevi : (Ek waiter ko bulaya)Yaha sab achchhe se serve karna, ye hamare khas mehman hai. (Wo ha keh ke chala gaya)Aap log bethiye (Wo sab ek ek kurshi par bethne lage, apni beti ko)Tum bhi beth jao beti, aur dhyan rakhna ki inhe kisi kism ki taklif na ho)
Krupali : Ji mummy. (Wo bhi beth gayi, waiter aake khana parosne lage)
Kamnadevi : Aap log itminan se khana khayiye, me dusare mehmano ko dekhti hu. (Fir Daminidevi ne juthi muskan se hami bhari, wo chali gayi).
Daminidevi : Ab to pata chal gaya na tumhe ki dikkat tumhari aur se hi hai. (Krupali kya bolti, bas najare jhukaye bethi rahi)
Vashisth : Maa, abhi ye sab bate karna jaruri hai kya, jo bate karni hai wo ghar ja kar karenge na.
Daminidevi : Ghar ja kar kyu, agar dikkat inlogo me hai to hum kyu dare, bade log honge to apane ghar me, hum kya kum hai kya? Dekho bahu, me saaf saaf keh deti hu, agar 6 mahino me koi khus khabari na mili to fir tum apana dekh lena. (Krupali ki ankhe num hone lagi, ek do bunde tapak bhi padi).
Vashisth : Maaaa...
Daminidevi : Tu to chup hi reh, me jo keh rahi hu tere bhale ke liye hi keh rahi hu, ye aasu dekh ke me pighalne wali nahi hu.
Raghvendrasinh :Achchha thik hai, ab shant bhi raho. (Wo fir kuchh bhi nahi boli, Krupali bhi najare jukaye bethi rahi, na khana khaya na kisi ne usko khane ke liye kaha bhi)
Wahi kuchh duri par ek table par Vaiswi aur uske gharwale bhi khane ke liye bethe hue the, Swarna unka dhyan rakh rahi thi, par Vaiswi ki najar baar baar Shiv ki aur hi ja rahi thi, wo aur Juhi ek jagah khade hue the, bhale hi Shiv ne mask pehna hua tha par wo usko pehchan gayi thi, par apane gharwalo ki wajah se wo waha nahi ja pa rahi thi, wo Shiv se milna chahti thi.
Beena ke gharwale bhi waha aaye hue the, wo bhi khane bethe hue the aur Beena wahi thi. Uski maa( Harshadevi) ke chehre par khusi saaf chhalak rahi thi.
Harshadevi : Tune bataya bhi nahi, humse kya chhupana tha?
Beena : (Sharmate hue) Aisi baat nahi hai maa, muje bhi abhi abhi pata chala hai (Juth).
Harshadevi : Pagal hai kya tu, aisi baate pata nahi chalti kya?
Beena : (Apane papa ki wajah se wo sharma rahi thi)Aisi baat nahi hai maa, wo kabhi kabhi din jyada ho jate the to mene socha tha ki waisa hi hoga, itne saalo me to kabhi aisa hua nahi tha.
Harshadevi : Doctor ke pass gayi thi ki nahi?
Beena : Ha ma, mene checkup karwaliya hai, sab thik hai.
Harshadevi : Chalo, uparwale ka sukar hai, me to hamesa chintit rehti thi, aaj kal waise bhi aise case badhte ja rahe hai, bhale mene kuchh kaha nahi par ander hi ander daar laga rehta tha.
Beena : (Usko bahot sharm aa rahi thi)Aap kao, me dusare mehmano ko dekhti hu. (Wo sharmati aur muskurati waha se nikal gayi, wo ja rahi thi ki usko uski saas mil gayi)
Nirmaladevi : Kaha bhagi ja rahi hai, thoda aaram se chal. (Beena ruk gayi, Nirmaladevi ne muskurate hue kaha)Tu ghar chal, tuje to me dekhti hu. (Beena bhi muskura rahi thi)Itni badi baat thi aur tune muje bhi batana thik nahi samja. (Juthi narajgi se wo boli)
Beena : Aisi baat nahi hai maaji, muje bhi thode din pehle hi pata chala hai, me batanewali hi thi. (Usne shir jhuka ke jawab diya)
Nirmaladevi : Chal koi nahi, abhi sab mehmano ka khayal rakh, hum aaram se baat karenge, waise bhi tune jo khuskhabari di hai uske samne to teri har galti maaf hai. (Usne gaal sehlate hue apani bahu ko kaha, aur uske shir par hath rakhte hue)Sada sukhi raho, aur dudho nahavo puto falo. (Unke chehre par khusi mano chhalak rahi thi, do ankhe unko hi dekh rahi thi, wo ankhe thi Padma ki, ki tabhi uske kandhe par ek hath aaya)
Kamnadevi : Kya dekh rahi hai? (Padma ne palat kar dekha to uski saas thi, usne turant najare jhuka li,)
Padma : kuchh nahi maaji.
Kamnadevi : Tu kyu dil chhota karti hai, tere nashib me bhi ye khusi jarur aayegi. (Apani saas se ye baat sun kar usne jo aasu rok rakkhe the wo chhlak aaye) Are pagali roti kyu hai, sab thik ho jayega, ja abhi sabka khayal rakh, hamari ek hi to bahu hai.
Padma : Ji maaji (Kehte hue usne apane aasu pochhe aur ek aur badh gayi)
Chandrabhan apani patni ko liye Sukhdevji ke paas aaya.
Chandrabhan : Aap khade kyu hai, khana kha lijiye.
Sukhdev : Nahi, hume ijajat dijiye, hum nikalte hai.
Nirmaladevi : Aise kaise jane de bhai sahab, waise bhi aap is aur ka rasta to jaise bhul hi gaye hai, aaj humne isse bhi kitne saalo baad dekha hai. Tum to hame janti bhi naho hogi kyu beti?
Prakruti : Hum jante hai aapko, papa ne sabki tasvir hame dikhayi hai.
Nirmaladevi : Kitna mitha bolti hai ye, kahi meri hi najar na lag jaye, aur khubsurat to aisi hai jaise apsara dharti par aa gayi ho. (Ye sab sun kar jaha sabke chehre khil jane chahiye the wahi, sab ke chehre par udasi thi) Nirmaladevi, ek baat kahu bhaisahab, bura maat maaniyega.
Sukhdev : Kahiye na, me kyu bura manuga.
Nirmaladevi : Pichhali baato ko bura sapna samaj kar bhula dijiye aur aage ki sochiye, aisi pyari bachchhi ka ye haal mujse bardast nahi ho payega, aaj ke jamane me kon in baato ko itni jyada tavajju deta hai, wo sab koi maine nahi rakhta hai, aap iss ful si beti ka sochiye aur wo sab bhul jaiye.
Sukhdev : Me bhi yahi chahta hu bhabhi, par bhagya ko koi badal saka hai, aur kundali jo kehti hai wo ho kar rehta hai, ek baar me ye galti kar chuka hu, ab dobara karne ki himmat nahi hai.
Nirmaladevi : Aap hi samjayi ye bhabhi (Aiswaryadevi), aisi baato kya kya matlab hai is jamane me.
Aiswaryadevi : (Dukhi maan se)Ek baat puchhu aapko, agar aap ye sab nahi manti to fir aaj ka ye din hi na hota, aaj apne jo bhi anusthan rakwaya, ye pooja rakhwayi, wo kyu rakhwayi fir?
Nirmaladevi : Ab kya kahu isme, dubte ko tinke ka sahara samaj lijiye. Wo jo manhusiyat kahe ya kisi ka paap kahe, jiska prabhav tha is ghar par, par aap hi dekhiye, aaj hamare ghar me bhi khusiya lauti hai, to is se aap yahi samaj sakte hai ki jiski wajah se ye sab tha usne hume maaf kiya hai, tabhi to aaj hum ye din dekh rahe hai.
Sukhdevi : Shayad aap sahi keh rahi hai ki usne sayad aapko maaf kar diya hai par me nahi kar paunga, aaj bhi me isiliye aaya tha ki dekh saku ki itna sab karne ke baad bhi wo insan kaisa hai, kya aapko lagta hai ki usko apane kiye par koi pachhtava hai, usne hum sab ko wo ghav diya hai jo kabhi nahi bhar sakta, waise bhi ab in sabka koi matlab nahi reh jata, aap hume ijajat dijiye, hume jana hoga.
Chandarabhan : Khana kha kar to jaiye.
Sukhdev : Is ghar ka khana to kya, pani bhi mere liye haram hai. Muje aapse koi sikayat nahi hai, par kahi na kahi aap sab bhi uska hissa ho, (Hath jod kar)hume ijajat dijiye.
Nirmaladevi : Bas ek minute rukiye bhai sahab. (Wo waha se turant gayi aur Swarna, Beena aur Mamta ko lekar aayi, aur sath me ek thali me mithayi bhi le kar aayi) Dekhiye bhai sahab, aaj is ghar me khusiya aayi hai, aur me dil se prathna karti hu aur ashirwad deti hu ki is bachchi ka bhagya bhi usko wo sabhi khusi de jiski ye haqdar hai, aap bhale hi kuchh na khaye, aur me aapko keh bhi nahi sakti, par is bachchi par to mera adhikar hai, aap chaho ya naho chaho par aap is baat ko juthla bhi nahi sakte, me ise aise bina kuchh khaye nahi jane de sakti, meri itni to baat aap maan hi sakte hai na? (Beena, Swarna aur Mamta, tino ek dusare ko dekh rahi thi, waise bhi wo inhe janti nahi thi aur na hi kuchh pata tha unhe, par waha mamla bahot jyada gambhir dikh raha tha, to wo tino chup hi rahi)Ye do meri betiya hai, Mamta aur Swarna aur ye meri bahu Beena hai, jaisa ki aapne aaj suna ye ummid se hai to ye baat sabit ho gayi ki inko to maafi mil gayi hai, mere hath se na sahi par inke hath se to bitiya ka muh karwa hi sakti hu. (Sukhdev aur Aiswaryadevi ne ek dusare ko dekha, waha khadi Prakruti ko to kuchh bhi samaj me nahi aa raha tha, waha Beena, Mamta aur Swarna bhi is khubsurat ladki ko dekh rahe the, wo bhi use nahi pehchante the)
Sukhdev : Thik hai bhabhi, jaisa aapko thik lage, me janta hu ki aap ke dil me koi mail nahi hai aur aap iska achchha hi chahti ho.
Nirmaladevi : Swarna, beti iska muh mitha karwao. (Unhone Prakruti ki aur issara kiya)
Swarna : Ji, chachi. (Wo aage badhi aur ek tukada le kar Prakruti ko khilane lagi, dono ek dusare ko jante nahi the, to ek dusare ko dekh rahe the)
Nirmaladevi : Aap jante hi hai, ye Udesinhbhai sahab ki ladki hai, aap unse hi khafa hai par fir bhi mene isike hatho se muh mitha karwaya hai.
Sukhdev : Mene kaha na bhabhi, muje koi etraj nahi hai, jaisa apko thik lage. (Swarna ke shir par hath rakh kar)Sukhi raho beti. Tumhare baap ke karmo ki saja me tumhe nahi de sakta. (apane ek body gaurd ko issara kia to wo baag le kar aage aaya, bag khol kar usme se ek 500 le noto ki gaddi nikal kar Swarna ke hath me di, itne sare paise dekh kar Swarna ne chaunk kar apani chachi ko dekha). Unhe kya dekh rahi ho, agar ye unka haq hai to ye mera haq hai, kyu bhabhi. (Nirmaladevi bas muskurayi, Mamta bhi aage aayi aur Prakruti to mithayi khilayi, Sukhdev ne unhe bhi waisi hi gaddi di. Fir bari aayi Beena ki, usne bhi Prakruti ko mithayi khilayi, aur jab Sukhdev use bhi ashirwad de rahe the)
Beena : Me aapko kya kahu pata nahi, isliye uncle hi keh rahi hu, agar koi bhul ho to maaf karna.
Sukhdev : Tum is ghar ki bahu ho to meri beti hi hui. (Unhone muskura kar kaha)
Beena : Me aapko janti hu, (apani baat ko sahi karte hue)Matlab ki mene suna hai. (Wo hichkicha rahi thi, kya baat kare kaise baat kare samaj nahi aa raha tha)
Sukhdev : (Wo uski hichkichahat ko mehsus kar pa raha tha)Kya baat hai beti, jo kehna hai kaho.
Beena : Nahi, aisi koi baat nahi hai. (Wo kya kahe kuchh samaj nahi aa raha tha)
Sukhdev : (Muskurate hue)Thik hai, (Fir apani jeb se purse nikal kar usme se ek visiting card aur paise ki gaddi dete hue)Ye mera card hai.
Beena : Ji uncle, thank you.
Sukhdev : (Nirmaladevi ki aur dekh kar)Ab to ijajat hai na? (Unhone muskurate hue hath jod kar kaha)
Nirmaladevi : (Muskurate hue, Prakruti ki aur dekh kar)Beti, ab sab sahi ho raha hai, tu fikar maat kar tera bhi bhagya badlega, muje yakin hai ki khusiya ab dastak de rahi hai.( aur Nirmaladevi ne to usko gale se laga liya aur dher sare aashirwad diye)
Sukhdevi : (Prakruti ki dekh kar)Beta, sabke ashirwad le lo. (Prakruti ne sabke pair chhue, Beena, Swarna aur Mamta hichkicha rahe the, par unhone ashirwad diya, wo log chale gaye, par Nirmaladevi naam ankho se dekhti rahi)
Mamta : Kon the maa ye?
Nirmaladevi : Bahot lambi kahani hai beti, baad me baat karenge, abhi sab mehmano ka khayal rakkho.
Mamta : Par ma itne paise?
Nirmaladevi : Tumhari di hui khuskhabari ke badale tumhe ashirwad ke taur par diye gaye hai, ab chalo, dusare mehmano ka bhi khayal rakhna hai, aur wo ladka kaha hai?
Beena : Shiv ki baat kar rahe ho aap?
Nirmaladevi : Ha wohi, uska muh tumne band karwadiya hai wo khayega kaise? Uska khayal rakkho.
Chandrabhan : Kiski baat kar rahe ho tum log?
Nirmaladevi : Kisi ki nahi, aap chaliye. (Wo unhe khinch kar le jane lagi)
Chandrabhan : Kisi ladke ki baat kar rahi thi aur ab mujse keh rahi ho kisi ki nahi.
Nirmaladevi : Abhi chaliye, baad me batati hu.
Vaswi bahana bana kar hi apane gharwalo se chhup kar Shiv ke paas pahuch gayi.
Vaiswi : Hi (Shiv ko dekh kar muskurate hue, fir Juhi ko dekh kar)Hi didi.
Shiv : Tum yaha?
Vaiswi : Ye meri bhabhi ka ghar hai to me to houngi hi, sawal to muje puchhna chahiye ki tum yaha?
Juhi : Ye hamare sath aaya hai.
Vaiswi : Tumne mask kyu pehan rakkha hai?
Shiv : Taki tumhari najar na pade na. (Majak me)
Vaiswi : Very, funny. Tumne mask pehna ho ya muh dhak kar rakkha ho, me kya nahi pehchanungi? (Muskura ke wo boli)(Juhi ne halki narajgi se muje dekha to me thoda ghabra gaya aur Vaiswi ko dekhne laga, usne apani baat sahi ki)Mera matlab hai itna lamba to mene aaj tak koi dekha hi nahi, kamse kam apani pehchan me to nahi hi dekha fir kaise na pehchanti. Aap log yaha kyu khade ho, khana nahi khana kya?
Juhi : Nahi, abhi baad me khate hai.
Vaiswi : Yaha aanewale ho bataya bhi nahi muje. (Usne mithe gusse se danta)
Shiv : Muje bhi nahi pata tha (Mene bhi darte hue kaha, ye dar uske dantne ka tha ya Juhi ke pas hone ka muje samaj nahi aa raha tha)
Vaiswi : Wapas kab aanewale ho?
Shiv : Shayad kal. (Mene Juhi ki aur dekh kar kaha, jaise puchh raha hou).
Vaiswi : Achchha thik hai, me chalti hu. (Kehte hue wo muskura kar chali gayi, aur jate jate palat kar bhi muje dekha aur muskurayi, mene darte darte Juhi ko dekha to wo muje ghur hi rahi thi, tabhi Beenamadam waha aa gayi, mene rahat ki saas li)
Beena : (Muskurate hue)Bhukh to nahi lagi na?
Shiv : Lagi hai, par khau kaise? (Mene mask ki aur issara kar ke kaha)
Beena : (Aas pass dekh kar)Waise khana hai to kha lo, ab jyada dikkat nahi hai, jyadatar log kha kar ja chuke hai.
Shiv : Me to majak kar raha tha, aap sab kab khanewale ho?
Beena : (Muskura kar )Bas thodi der me.
Shiv : Thik hai, to fir sab sath me hi khayenge. (Beena muskurate hue chali gayi, Juhi ki aur dekh kar)Tumhara muh to khula hi hai na, tum kuchh kha lo. (Juhi aur mere bich kab se yahi bate chal rahi thi ki akhir mujko mask kyu pehnaya gaya hai, par na koi jawab mere pass tha aur na Juhi ko kuchh samaj aa raha tha, par jis tarha se mujko mask pehne rakhne ke liye bola tha muje pehanke rakhna hi pada, waise mujko thodi thodi baat pata thi aur kab se me yahi sab dekh raha tha, par waise bhi me kisi ko janta nahi tha to muje kuchh samaj nahi aa raha tha, me kisi bhi tarha se is family me fit nahi beth raha tha, me bato aur milwaye gaye logo ko mila kar sab samajne ki koshis kar raha tha par kuchh samaj me nahi aa raha tha, aur waise bhi me yaha jyada logo se mila bhi nahi tha. Par itni baat to wo samaj raha tha ki baat gambhir thi, warna aise hi Beena madam mujko muh dhakne ko nahi kehti, par abhi waqt nahi tha puchhne ka to mene abhi chup rehna hi sahi samja. Par muje lag raha tha ki Beena madam ko koi galat fehmi hi hui hai)
Krupali ke pariwar ke log bhi ja chuke the, aur Padma ke gharwale bhi ja chuke the, aur waise bhi un dono ka maan nahi lag raha tha. Jab Padmane ek kone me bethi Krupali ko dekha to wo uske pass chali gayi.
Padma : (Muskurahat lane ka prayas karte hue)Aap yaha akeli kyu bethi hai, kuchh khaya aapne?
Krupali : (Muskurahat lane ka prayas karte hue)Nahi bhabhi, kuchh maan nahi kar raha.
Padma : (Uske pass bethte hue)Me samaj sakti hu. (Uske chehre par udasi thi)
Krupali : Aisa kyu hua bhabhi?
Padma : (Wo uski baat ko samaj rahi thi)Ab isme me kya keh sakti hu, jaisa tumhara hal hai waisa hi mera bhi hai.
Krupali : Humse kaha galti reh gayi bhabhi, me to ek achchhi beti bani achchhi bahu bhi bani aur ek achchhi patni bhi bani, fir mera nashib aisa kyu?
Padma : (Uske hath par hath rakhte hue)Sab kismat ka khel hai, par ek baat kahu agar bura na mano to.
Krupali : Kahiye na bhabhi, ab bura man ne ko reh hi kya gaya hai.
Padma : (Thoda najdik aate hue)Muje lag raha hai ki koi na koi baat jarur hai jo sabse chhupayi ja rahi hai.
Krupali : (Gaur se dekhte hue)Aisa kya hai, aur apko aisa kyu lag raha hai?
Padma : Aap to thi nahi yaha, par ek bar babaji ghar par aaye the, unhone ek alag room me Mamtadidi aur Beenadidi se baat ki thi.
Krupali : (Gaur se dekhte hue)Kya baat ki thi?
Padma : Wo to pata nahi, par unka is tarha alag ja kar baat karna muje ajeeb laga.
Krupali : Kya ajeeb laga?
Padma : Ye anusthan kis liye rakkha gaya? kyu ki hamare ghar me bachche nahi ho rahe the, hai na? (Krupali ne ha kaha) to us waqt to unki bhi aisi koi baat nahi thi aur na me maa ban rahi thi, to agar us bare me hi baat karni thi to bato me muje bhi samil karna chahiye tha, par babaji ne sirf undono se hi baat ki.
Krupali : Aisa kyu?
Padma : Muje kya pata? Par baat kuchh to hai.
Krupali : Aisi kya baat ho sakti hai?
Padma : Tum dekh rahi ho na ki aaj bhi Beenadidi, Mamtadidi aur Swarnadidi ko hi bheja gaya, na tumhe kaha na muje, kyu? (Krupali shanka se dekh rahi thi)Aur ek baat, ye tino ab aapas me kitna ghulmil gayi hai, aur jab bhi mauka milta hai kuchh na kuchh ghusar pusar karti rehti hai, jaise hi koi najdik aata hai baate band ho jati hai.
Krupali : Ha, sahi kaha aapne, mene bhi mehsus kiya hai.
Padma : Hai na, koi to baat jarur hai jo sabse chhupayi ja rahi hai.
Krupali : Aisi kya baat ho sakti hai?
Padma : Mene jan ne ki koshis ki thi par koi fayeda nahi hua, aap aur Swarnadidi to sagi behne hai, aap unse puchhogi to wo jarur batayegi. (Usne gaur se krupali ko dekha, wo soch me pad gayi thi)
Krupali : Thik hai bhabhi.
Padma : Par fir aap bhi unke dal me samil maat ho jana, jo kuchh bhi ho muje jarur batana (Usne jaise request ki)
Krupali : Aisa kyu keh rahi ho aap?
Padma : Muje aisa lag raha hai jaise sabne mujse kinara kar liya hai, ab meri kya galti hai isme ki meri shadi unse hui hai, hame koi puchhta hai kya, muje to yaha aake sab pata chala, ab me isme kya karshakti hu ki wo aur apke papa...(Bolte bolte wo ruk gayi)
Krupali : (wo sab samaj rahi thi, wo apane papa aur apane bhai ko janti thi)Aap fikar maat karo bhabhi, chache kuchh bhi ho, me aapke sath hi hu, aur me jarur pata karne ki koshis karungi ki akhir baat kya hai, waise bhi ye meri bhi jindagi se juda hua hai. (Tabhi waha Mansibua bhi aa gayi)
Mansibua : Yaha beth kar dono kya bate kar rahi ho? (Usne bhi juthi muskan ke sath kaha)
Krupali : Kuchh nahi bua, aiyena. (Usne bhi muskurane ka prayas karte hue kaha)
Manishabua : Kya bate ho rahi thi nanand aur bbhabhi me?
Padma : Kuchh nahi buaji, hum to aise hi bate kar rahe the.
Mansibua : Me sab samaj rahi hu, me koi bachchi nahi hu, na batana ho to maat batao. (Usne apane chehre par narajgi lane ka prayas karte hue kaha)
Padma : Aisi koi bhi baat nahi hai buaji, hum sach me aaise hi baat kar rahe the. (Usne safayi dene ka prayas kia)
Mansibua : Koi baat nahi, ek baat kahu, muje to ye sab ek dhong lag raha hai.
Krupali : Kis bareme baat kar rahi ho aap?
Mansibua : Are yahi sab, ek aur to ye kaha gaya ki ye sab bachho ke liye kia ja raha hai aur pata chal raha hai ki bachhe to pehle se hi aa chuke hai, sab dhong hi to hai. (Dono kuchh nahi boli)Mene kuchh juth kaha kya? Mana wo tumhari bahene hai aur bhabhi bhi par unhone ye baat sabse chhupa ke rakkhi thi, mana ki bhabhi ko Swarna ke bareme pata tha, par waha Nirmalabhbhi ko to apani beti aur bahu kisi ke bare me nahi pata tha, aisa kaise chal raha hai sab. (Dono chup hi rahi, kya bolti dono)Tum dono kya chup bethi ho, kuchh samaj bhi aa raha hai ki nahi.
Padma : Isme hum kya kahe buaji.
Mansibua : Gadhi ho gadhi dono, yaha koi na koi khichadi to pak hi rahi hai, bethi raho dono. (Kehte hue wo khadi hui aur waha se chali gayi, Krupali aur Padma dono ek duare ka muh takti rahi, tabhi Kamnadevi aayi)
Kamnadevi : Tum dono yaha kya bethi ho, khana nahi hai kya? Sab khane beth rahe hai. (Dono khadi ho gayi)Chalo ab mera muh kya tak rahi ho. (Wo unke pichhe pichhe chalne lagi, ek taraf Chandrabhan, Jignesh aur kuchh aur mard bethe hue the, aur dusari aur Nirmaladevi aur kuchh aurte bethi hui thi)
Padma : Swarnadidi aur sab kaha hai?
Kamnadevi : Wo sab ander bethe hai.
Padma : Kyu?
Kamnadevi : Ab muje kya pata.
Padma : Khane hi bethe hai na wo?
Kamnadevi : Ha.
Padma : Hum bhi wahi bethenge.
Kamnadevi : Thik hai, par kha lena (Pyar se apani bahu aur beti ko kehte hue)Aur dil chhota maat karo, tumhara bhi din aayega. (Dono ne muskurane ki koshis ki)Jao.
Padma : Chaliye didi. (Usne Krupali ka hath pakada aur ander ki aur chalne lagi)Dekha didi, yaha sabke sath bethne ki bajaye wo aalag ander bethi hai, kuchh to baat jarur hai.
Kamnadevi bhi aayi)Kaisi ho beti, bahot badi ho gayi ho, agar Sukhdevbhai ke sath na hoti to pehchan bhi na pati (us ladki ne unke bhi pair chhue, unhone bhi ashirwad diya)Jiti raho beti, sada khus raho. Aao, hamare sath betho. (Kehte hue wo unhe le jane lagi)
