Update 273
Badi maa ek kursi par bethi aur kuchh logone mere aur Vaiswi ke liye bhi waha kurshi laga di sarpach hamare samne beth gaye aur kuchh log unke pichhe khade rahe.
Sarpanch : Takriban sab taiyariya ho gayi hai, daroga se bhi baat kar li hai, waise bhi aapne unhe bata diya tha to koi dikkat thi nahi, baki sab gaav ke log hai jo mil kar sab sambhal lenge. Kuchh saher se vyapari aaye hai jinhone apane apane stall laga diye hai aur jhulewalo ne bhi apane apane jhule lagane suru kar diye hai.
Kamnadevi : Achchhi baat hai. Hamare gaav ke log to koi gadbad karne se rahe, par kuchh dusare gaav ke log janbuj kar mahol bigadne ki koshis karte hai, to is baar hame intejam pukhta rakhna chahiye, pichhli baar jo hua tha us tarha nahi hona chahiye.
Sarpanch : Pichhlibar jo gadbad hui thi uske liye bhi xxxgav ke log hi jimmedar the, hamare kuchh logone dekha bhi tha par wo apani baat se mukar gaye, warna aisa kuchh nahi hota.
Shiv : Kya hua tha badi maa?
Kamnadevi : xxxgav ke sath hamare sambandh thik nahi hai, wo aaye din hamare kaam me roda adane ki koshis karte hai, pichhali baar bhi unhone bina wajah jagda kar liya aur bhagdad mach gayi thi, par unhone sara ilzam yahi ke gaav walo par dal diya aur khud ko nirdosh bataya. Waise is baat humne daroga se keh diya hai ki jarurat pade to pass ke ilako se bhi police mangwa le taki fir aisa na ho.
Shiv : Hume kuchh jagaho par close circuit television bhi laga lena chahiye, taki koi jan buj kar kare to pakada jaye.
Sarpanch : Kya laga lena chahiye?
Shiv : CCTV.
Sarpanch : Ye kya hota hai? Koi TV chahiye to mere ghar par hai.
Badi maa: Wo camero ki baat kar raha hai, waise sujav to achchha hai, par usko kaise lagayenge.
Shiv : Sahero me ab to ye sab aam dukano par bhi mil jata hai, aur jab kaam khatam ho jaye to wo system aap ghar par bhi lagva sakti hai, us se ghar par bhi watch ki ja sakegi.
Badi maa: Ghar par lagane ki jarurat nahi hai, waise bhi ye hamara gaav hai, hame yaha kis se khatara ho sakta hai, tum aisa karo ki koi kiraye par system le lo, wahi sab operate bhi kar lega.
Shiv : Thik hai badi maa.
Sarpanch : Hume bhi to samjaiye, chote malik kis bare me baat kar rahe hai? (Unhone badi maa se puchha par mene jawab diya)
Shiv : Me samjata hu. Yaha jagah jagah camera lag jayenge, upar khambho par, aur sab record hota rahega, jaise video me hota hai waise. Agar kisi ne koi gadbad ki to wo usi me dikh jayega.
Sarpanch : Ye achchha sujav hai, aise me kisi ne gadbad ki to wo dikh jayega jis se wo mukar nahi payega. (Aise hi kuchh der tak dusari bato ko le kar charcha hoti rahi)
Shiv : Me ek bar jagah dekh leta hu, kitne camera chahiye aur kaha kaha lag sakte hai wo me dekh leta hu taki usko order dene me saralta ho.
Badi maa : Vidhyadhar, kisi ko iske sath bhejo aur usko kaho ki isko jagah dikhaye.
Sarpanch : Abhi bhejta hu, (Asspass dekhte hue)Dharam.
Dharam : Ji sarpanchji.
Sarpanch : Manohar kaha hai?
Dharam : Wo waha jcb ka kaam dekh raha hai.
Sarpanch : Tum aur Manohar dono mil kar chhotemalik ko sari jagah dikha do aur jaha jaha jo jo honewala hai wo sab bata do.
Dharam : Ji Sarpanchji. (Me khada hua aur uske sath chala gaya, wo muje thodi dur jaha jcb se khudayi ho rahi thi waha le gaya usne ek ladke ko aawaj de kar bulaya.
Manohar : (Meri aur dekh kar) ha Dharam, bol.
Dharam : Ye chhote malik hai inhe mele ki jagah aur kaha kya kya honewala hai wo sab dikhana hai.
Manohar : To tu dikha de na, meri kya jarurat hai?
Dharam : Sarpanch ne hum dono se kaha hai.
Manohar : Chal thik hai. Aiye chhote malik.
Shiv : Muje chote malik mat kaho, me koi tumhara malik nahi hu, mera naam Shiv hai, tum muje Shiv keh kar bula sakte ho. (Dono ke chehre par muskan aa gayi)
Manohar : Ji, par sirf Shiv nahi Shivbhai kahenge, bhale hi aap umar me humse chhote hai par hai to malik hi.
Shiv : Thik hai, jaisa apko thik lage.
Manohar : Aiye, kya dekhna hai aapko?
Shiv : Muje dekhna hai ki log yaha mele me kya karte hai, aur kaha kaha jate hai, kis tarha se raste banaye gaye hai.
Manohar : Wo kyu?
Dharam : Wo yaha camera lagana chahte hai, CCTV camera, taki najar rakkhi ja sake.
Manohar : Are wah, ye to achchha sujav hai.
Shiv : Tum dono ki bato se lag raha hai ki dono padhelikhe ho.
Dharam : Sahi kaha, ab to gaav bhi tarakki kar rahe hai. Aiye. (Fir wo muje sab jagah ghumate rahe aur mene unke bhi sujav liye, hum tino ne mil kar wo spot dekh liye jaha camera lagaye ja sakte the, uska center kaha hona chahiye ye sab bhi humne decide kar liya. Jab sab baat khatam ho gayi to me badi maa ke pass laut aaya unho ne ghadi dekhte hue waha se jane ki baat ki)
Sarpanch : Aise kaise badi malkin, ghar chaliye, kuchh chai nasta kar ke jaiye.
Kamnadevi : Aaj nahi, ghar par kuchh mehman aanewale hai, fir kabhi.
Sarpanch : Aise kaise malkin, naye sal me aapke kadam hamare ghar par na aaye ye kaise chalega, bas thodi der, apka jyada samay nahi bigadunga.
Kamnadevi : Thik hai, bas thodi der.
Sarpanch : Apki bahot bahot meharbani. Me ghar par phone kar deta hu, wo sab taiyar hi rakhenge. (Hum apani car ki aur badhe wo call karne laga, uske bad wo apani bike se gaav ki aur jane laga aur hum unke pichhe pichhe, thodi der me unke ghar pahuch gaye, wo jaldi se ghar me chala gaya aur ander aawaj de di, hum sab bhi ander gaye to Sarpanch ki bivi bhi hamare swagat ke liye darwaje par aa chuki thi, sab ko naye sal ki badhayi dete hue sab ka swagat kiya, hum ander beth gaye. Unki bivi turant ander gayi aur wo aur unki beti dono mil kar nasta aur sharbat le kar waha aaye, nasta rakhne ke baad unki ladki ne badi maa ke pair chhu kar ashirwad liya. Manusi Shiv ko dekh kar bahot khus ho gayi thi, par sath me kisi ladki ko dekh kar wo confuse ho rahi thi, waise bhi Vaiswi itni khubsurat thi ki jise dekh kar jalan hona swabhavik tha, usne hichkichate hue Vaiswi ki aur hath badhaya aur naye sal ki badhayi di, Vaiswi ne bhi muskura ke kaha, fir bari Shiv ki thi to usne Shiv ki aur bhi hath badhaya aur naye sal ki badhayi di.
Sarpanch : (Dant te hue hue)Hath kya mila rahi hai, pranam kar, chote malik hai wo. (Badi maa ki aur dekh kar)Maaf karna malkin, aaj kal ke bachche samajte nahi hai.
Badi maa : Bachchi ko aise kyu dant rahe ho, wo padhti hai, aur aaj kal ye sab samanya hai, Shiv (Unhone issara kar ke Shiv ko hath milane ko kaha, apane papa ki dant ki wajah se Manusi rone jaisi ho gayi thi aur apana hath wapas khinch liya tha, par badi maa ke kehne se jab mene hath badhaya to apane papa ki aur dekhne lagi)Usko kya dekh rahi hai, wo to gaav me raha hai isiliye aisi bate karta hai, tumlogo ki pidhi jaise ek dusare ko badhayi deti hai waise hi tum de sakti ho) (Manusi ne hichkichate hue meri aur hath badhaya to mene uska hath pakad kar usko naye sal ki badhayi di, wo meri aur aise dekh rahi thi jo ajeeb tha par uske chehre par khusi bhi thi, fir wo apani maa ke pass ja ke khadi ho gayi to uski maa ne uske shir par hath fera)
Sarpanch : (Vaiswi ki aur dekh kar)Ye kon hai, inhe pehchana nahi.
Kamnadevi : Ye Swarna ki nanand hai.
Sarpanch : Oh achchha, tabhi me sochu ki pehle kabhi dekha nahi. (Ye sun kar Manusi ne rahat ki saas li, hamne sarbat khatam kar liya tha)
Badi maa : To ham chalte hai.
Sarpanch : Apane nasta to kiya hi nahi, sab ghar par banaya hai.
Badi maa : Tumne agrah kiya to hum aa gaye aur sharbat bhi piya, ab ghar ja ke khana bhi khana hai. (Wo khadi ho gayi aur apane purse se 500 ka note nikal kar Manusi ko diya, wo hichkichane lagi) Rakh le, tere baba kuchh nahi kahenge. (Manusi ne darte hue apane papa ko dekha to unhone bhi haa me issara kiya to usne le liya, fir hum waha se nikal gaye, Manusi sidhe apane kamare me bhagi aur bistar par beth gayi aur apane hath ko dekhne lagi jis se abhi usne Shiv ke sath hath milaya tha, wo muskura rahi thi)
Hum log ghar pahuch gaye. Waha kuchh log the aur joro se bate ho rahi thi aur hasi majak chal raha tha.
Kamnadevi : (Ander jate hue unhone jo bethe the unhe dekha)Mansi tum?
Mansibua : Bhabhi (Kehte hue wo uthi aur aa kar Kamnadevi ke pair chhune lagi)Naye sal ki badhayi ho bhabhi. (Unki do beti bhi unke sath thi, wo bhi aayi aur unke pair chune lagi, pehle badi beti)
Kamnadevi : Jiti raho Anjalibeti. (Kehte hue unhone usko apane gale laga liya)
Anjali : Happy new year mami.
Kamnadevi : Kitni badi ho gayi ho tum. (wo alag hui to dusari beti ne bhi pair chhue) Meri gudiya to aur bhi badi ho gayi.
Anjali : Badi nahi moti ho gayi hai.
Vaidehi : Mamiiiiii, dekho na ye muje aise hi chidati rehti hai.
Kamnadevi : Anjaliiiiii, apani bahen ko koi aise tang karta hai. Aur meri gudiya bilkul moti nahi hai, wo jyada healthy hai. (Usko gale lagate hue, tabhi Anjali ki najar Shiv aur Vaiswi par padi)
Anjali : Ye kon hai mami?
Kamnadevi : Ye bhai hai tumhara, Shivans.
Mansibua : Kon Shivans? (Ascharya se) Kahi aap us Shivans ki to baat nahi kar rahi?
Kamnadevi : Ha wahi hai ye.
Mansibua : Ye kaise ho sakta hai.
Anjali : Kon hai ye mumma?
Mansibua : (Anjali ki baat ko ignor karte hue)Aap keh rahi hai ki ye Yogendrabhai ka ladka Shivans hai? (Usko abhi bhi bharosa nahi ho raha tha)
Kamnadevi : Ha ye wahi hai, aur mujse kya puchh rahi hai tu khud dekh, kya tuje nahi lagta? (Mansi usko gaur se dekhne lagi)
Mansibua : (Apane ankho dekhe par bhi usko yakin nahi ho raha tha aur ye sab Padma bade gaur se dekh rahi thi)Par ye kaise hua bhabhi, ye to....
Kamnadevi : Jinda hai aur sahi salamat hai, tere samne hai. Shivu ye teri bua hai Mansi bua. (Me aage badha aur pair chhue.
Mansibua : Jite raho. (Wo abhi bhi muje gaur se dekh rahi thi)
Anjali : (apana dimag lagate hue)Mumma iski bua hui matlab ye mama ka ladka, par mama ka to ek hi ladka hai Pruthvibhai.
Kamnadevi : Ye tere dusare mama yani Yogendramama ka ladka hai.
Anjali : Dusare mama, kon dusare mama, me to kabhi nahi mili unse.
Mansibua : Bhaiya ne bhi nahi bataya, ye kab hua kya bhai ko pata hai?
Kamnadevi : Kya pagalo jaisi baat kar rahi hai, wahi to isko dhundh kar laye hai.
Mansibua : Bhaiya laye hai? (Usko abhi bhi yakin nahi ho raha tha kyu ki usne jo suna tha is se kahi bhi ye bate mel nahi kha rahi thi)
Anjali : Aur ye ladki? Kya ye bhi mama ki ladki hai?
Kamnadevi : Nahi pagal, ye Swarna ki nanand hai, Vaiswi. Mela ghumne aayi hai.
Anjali : Oh! (wo Vaiswi ke pass gayi)Hi, I’m Anjali, Happy new year.
Vaiswi : Happy new year. (Vaidehi bhi aayi usne bhi wish kiya)
Anjali : (Shiv ki aur dekh kar)Ye mujse bada hai ki chhota? Nahi is liye puchh rahi hu taki pata chale ki pair chhune hai ki chhuane hai. (Wo muskurate hue boli)
Kamnadevi : Chhota hai.
Anjali : Are wah! (Wo khus hote hue boli) Ek baar to muje laga tha ki bada hai par chalo achhi baat hai, (Meri aur dekh kar)Ai, kya naam bataya aapne mami.. ha. Shivaaaans, chalo mere pair chuo.
Mansibua : Ye kya harkat hai?
Anjali : Mene kya galat kaha, kya chhoto ko bade ke pair chhu kar naye sal ka ashirwad nahi lena chahiye? Mene sahi kaha na mami?
Kamnadevi : (Muskurate hue)Bilkul sahi kaha.
Anjali : Tum kya khade khade dekh rahe ho, mujse unche ho iska matlab ye nahi ki tum bade ho gaye, me hi badi hu, chalo chuo mere pair. (Mene badi maa ki aur dekha to unhone ha me issara kiya to me jhuka aur pair chhue)
Anjali : Jite raho. (wo badi khus dikh rahi thi)
Kamnadevi : Ab pair chuaye hai to paise bhi de.
Anjali : Paise?
Kamnadevi : Aur nahi to kya, badi hai to paise dene honge na. (wo muskurate hue boli)
Anjali : Mene aapke bhi pair chhue na, jab aap muje paise dogi to me isko usme se de dungi. (Wo nakhare se boli to sab hasne lage)
Shiv : Badi maa, (Vaidehi ki aur dekh kar)Inke bhi pair chhune hai muje?
Vaidehi : Nahi nahi, mere pair chhune ki jarurat nahi hai.
Anjali : Aise kaise jarurat nahi hai, ye decide hoga tab jab pata chalega ki tum badi ho ki chhoti ho. Batao mami ye badi hai ki chhoti.
Kamnadevi : Waise to badi hai par kuchh mahine hi, kyu Mansi?
Mansi : Ha, ye char panch mahine ki hongi jab bhabhi ko Shivans hua tha.
Anjali : Kuchh mahine hi kyu na ho, badi badi hoti hai, ai tum khade kya ho pair chhuo. (Usne jaise muje order diya)
Vaidehi : Muje nahi chhuane. (Apana hath badhate hue)Me aise hi wish kar lungi.
Anjali : Ye nahi ho sakta (wo is dhang se bol rahi thi ki sab has rahe the)isko pair chhune padenge matlab chune padenge. Sahi kaha na mami.
Kamnadevi : Ye tum log jano, me to beth rahi hu. (Keh kar wo sofe par beth gayi)
Anjali : Tum abhi tak khade ho, chalo pair chhuo. (Me pair chhune ke liye jhuka to Vaidehi dur ho gayi)
Vaidehi :Muje nahi chhuane.
Anjali : Kanjus kahi ki, me paise de dungi, tu pair chua.
Vaidehi : Mene kaha na ki muje pair nahi chuane. (Tabhi aawaj aai)
Mamta : Kya ho raha hia ye sab?
Anjali : Didiiiiii. (Kehte hue wo unki aur lapki)Happy new year didi.
Mamta : Happy new year, kab ayi?
Anjali : Thodi der hui.
Vaidehi : Happy new year didi.
Manta : Happy new year Vaidu.
Mansibua : Happy new year Mamta. (Pair chhune ke liye jhukne lagi to rok diya unhone)Aisi halat me jhukte nahi hai. (Keh kar gale laga liya)
Mamta : Happy new year. Kaisi hai aap?
Mansibua : Dekh le. (Udhar Shiv Juhi aur Vaiswi ne apas me hand shak kar ke ek dusare ko wish kiya, ye Mansi ne dekha)Ye kon hai?
Mamta : Ye Juhi hai, meri nanand. Aap nahi janti?
Mansibua : Pata nahi, yaad nahi aa raha.
Mamta : Ha ye kabhi aayi nahi na aur Shadi me shayad dekha ho aapne par mili na ho.
Mansibua : Ye sab jante hai ek dusare ko?
Mamta : Ha, ye sab ek hi saher me rehte hai tu dost hai sab. Yu kahe to iski wajah se hi ye hame mila. (Juhi ko dikhate hue)Aur Shiv aur Vaiswi Beenabhabhi ki school me padhte hai.
Mansibua : Intresting. (Mamta thodi thaki lagi to)Tum betho, khadi kyu ho. (aise hi sab idhar udhar ki baate aur masti chalti rahi)Beena nahi aayi?
Mamta : Nahi unke bhai aanewale hai to wo nahi aayi. Taayi, Pruthvi nahi dikh raha?
Krupali : Wo aa rahe hai.
Vaiswi ko saheliya mil gayi thi, wo charo apas me bate kar rahi thi, Thodi der baad Pruthvi bhi aa gaya aur Udesinh bhi aa gaye. Fir wahi milne ka daur chala, uske baad khane ki bari aayi to hum khane ke liye beth gaye. Khane ke waqt Swarna, Mamta aur Krupali ne bari bari Pruthvi ko tilak lagaya aur aarti utari, Udesinhji ko Mansibua ne, fir Pruthvi ne ek naukar ko aawaj de kar kuchh mangvaya, wo apane sath gift laya tha, wahi usne sabko diye. Udesinh ne bhi Mansibua ko gift diya. Fir wo tino muje tilak lagane aayi, Krupali hichkicha rahi thi par sabke samne wo kuchh bol nahi sakti thi, unhone muje bhi tilak kiya aur aarti utari, par mere pass unke liye gift nahi the.
Anjali : Tum kya de rahe ho? Dekha na pruthvibhai ne sabko kya diya. (Me thoda udas ho gaya, muje dhyan hi nahi raha ki muje bhi kuchh le jana chahiye)
Badi maa : iski aur se gift me de dungi.
Swarna : Muje koi gift nahi chahiye, isne pehle hi muje gift de diya hai.
Mamta : Muje bhi de diya hai. (Krupali ko pata nahi tha ki wo log kis gift ki baat kar rahe hai, par uske liye to uski kokh me jo gift tha wahi bahot tha)
Krupali : Muje bhi nahi chahiye, muje bhi gift mil gaya hai.
Anjali : Par hame bhi pata chale ki konsa gift mila hai. Batao didi kya gift diya hai. (Krupali sarminda ho gayi, wo kya jawab deti)
Mamta : Ye wapas aa gaya wahi hamare liye sab se bada gift hai, iske aane se jivan ki kami puri ho gayi, har chehre par muskan aa gayi, is se bada gift kya ho sakta hai.
Swarna : Sahi kaha.
Krupali : Me bhi to wahi keh rahi thi. (Kruapli ne rahat ki saas li, wo samaj rahi thi ki wo aisa bol kar fas gayi hai, wo apani kokh ki baat kar rahi thi to kaise batati, par usko nahi pata tha ki Swarna aur Mamta bhi usi gift ki baat kar rahi hai)
Badi maa : Agar tumhe bhi gift chahiye to tum bhi apane bhaio ko tilak lagao aur aarti utaro.
Anjali : Par hum to aapke ghar me aaye hai, aur bhai to behn ke ghar jata hai na.
Badi maa : Ye ghar bhi tum behno ka hai, jitna ghar beto ka hota hai utna hi ghar betio ka bhi hota hai, to fir ye ghar bhi tumhara hua ki nahi.
Anjali : Thik hai Mami. Aaja Vaidehi.
Vaidehi : Me karungi par muje koi gift nahi chahiye.
Badi maa : Kyu nahi chahiye?
Anjali : wo aisi hi hai, pata nahi, har chiz isko nahi chahiye.
Mansibua : Wo achchi ladki hai, teri tarha nahi jo sab se mangti rehti hai.
Anjali : Me kaha sabse mangti rehti hu, aur apano se mangne me burayi kya hai, Kyu mami?
Badi maa : Sahi kaha, ab buk-buk band kar aur tika laga, pet me chuhe daud rahe hai. (Sab has pade, unhone bhi dono ko tika lagaya aur aarti ki, Pruthvi bhai ne unhe bhi gift diya, uske baad hasi mazak ke sath sab ne khana khaya.
Khana khane ke baad sab bate karne beth gaye, hall me sab bethe the aur TV chalu tha, tino pragnant lady apani apani paristhitiya ek dusare ko bata rahi thi, Vaidehi aur Vaiswi ki ek dusare se achchhi pat rahi thi to dono bate kar rahi thi, Anjali tv dekh rahi thi, Juhi mere sath bethi thi, wo hamare sports ki bate kar rahi thi, ab kya karna hai, kab kya honewala hai un sab ke bare me bata rahi thi, Sab apane me mast the tab Mansi apane bhai ke pass gayi,
Mansi : Ye sab kya hai bhaiya?
Udesinh : (Anjan bante hue)Kis bare me baat kar rahi hai?
Mansi : Shivans ke bare me puchh rahi hu, ye kaha se mila aapko.
Udesinh : Tu abhi apana muh band rakh, baad me batata hu.
Mansi : Kya ye sach me shivans hai?
Udesinh : Mene kaha na tu apane kaam se kaam rakh, tuje jo mil raha hai wo milta rahega, tuje kya matlab hai ki ye wo hai ki nahi.
Mansi : Aap kehna kya chahte hai? Apne mujse kuchh vade kiye the, yaad hai ki bhul gaye?
Udesinh : Muje sab pata hai, tuje yaad dilane ki jarurat nahi hai.
Mansi : Par agar Shivans wapas aa gaya hai to fir wo sab kaise hoga?
Udesinh : Tuje fikar karne ki jarurat nahi hai, wo mera kaam karne ke liye hi aaya hai.
Mansi : Aap kehna kya chahte hai, ye aapka kaam karne aaya hai matlab kya hai aapka, kya ye Shivans nahi hai?
Udesinh : Abhi tu yahi maan ke chal ki wo Shivans hi hai.
Mansi : Matlab ki wo nahi hai.
Udesinh : Mene kaha na ki abhi is baat par charcha karne ka time nahi hai, abhi jaisa chal raha hai chalne de, is bat ki charcha abhi agar kisi ne sun li to problem hogi, baad me baat karte hai. (wo thoda dant piss kar bola to Mansi chup ho gayi par usko kuchh samaj me nahi aa raha tha, uske baad sab apane apane me lage rahe, Udesinh aur Pruthvi to bahar chale gaye the, jab udesinh sham ko laute aur bahar bagiche me bethe hue the tab Kamnadevi ne Udesinh se baat ki)
Kamnadevi : Shivu apane maa baap se milna chahta hai.
Udesinh : Ye usne kaha? (sochte hue wo bola)
Kamnadevi : Ha. (Udesinh ko yakin nahi hua ki usneaisa kaha, usko samaj nahi aaya ki wo kyu milna chahta hai, uske mutabit to wo uske maa baap nahi hai, uska dimat soch raha tha)Kya hua? kya soch rahe hai?
Udesinh : Me us se baat karta hu.
Kamnadevi :Isme baat kya karni hai, waise bhi usko milna hi chahiye, wo itne saal baad aaya hai agar wo milna chahta hai to harz hi kya hai.
Udesinh : Mene kaha na ki me baat karta hu. Jao usko bhejo. (Kamnadevi jhunjhlate hue ander gayi aur Shiv ko kaha)
Kamnadevi : Shivu, ja tere badepapa bula rahe hai.
Shiv : Kya hua?
Kamnadevi : Mene Yogendrabhaisabah se milne ki baat unse ki, wo tujse baat karna chahte hai.
Shiv : (Muje pata tha ki ye hoga hi aur me uske liye taiyar tha)Thik hai, me baat karta hu. (Me bahar gaya)Ji sir. (Abhi waha aur koi tha nahi to mene sir hi kaha)
Udesinh : Tumhe kyu milna hai unse? Tum wo nahi ho jo sab samaj rahe hai, yaad hai na tumhe?
Shiv : Ha yaad hai, par aap hi muje wo sabit karna chahte hai jo me nahi hu, hai na? (Udesinh usko gaur se dekhne laga) aur agar me wo hu jo aap sab ko bata rahe hai aur agar me apane maa baap se na milu to log kya kahenge ki ye kaisa beta hai jo itne salo baad aaya aur fir bhi apane maa baap se milna nahi chahta ya mila nahi. Aapko jo karna hia uske liye aapko sabit to karna padega na ki me wahi hu, agar me ye nahi kehta to badi maa kya sochti ki ye kaisa ladka hai jisko apane maa baap ki khabar lene ki bhi nahi padi hai, aur badi maa kya, koi bhi samajdar insan turant ye samaj jayega ki ye wo nahi ho sakta. Aur aap jinhe dikhana chahte hai wo kaise yakin karenge? aur wo kaise wo sab denge jo aapko chahiye.
Udesinh : (Sochte hue)Hmmmm. (Kuchh pal baad) Baat to teri sahi hai, Thik hai me dekhta hu. Tu kuchh janta nahi hai, baat itni bhi sidhi nahi hai jitna tu soch raha hai, par thik hai, me baat karta hu.
Shiv : Ji, to me jau?
Udesinh : thik hai. (Me wapas ander gaya, badi maa mere pass ayi)
Badi maa: Kya kaha unhone? (Utsukta se kaha)
Shiv : Unhone kaha ki kisi se baat karte hai.
Badi maa:Tu fikar maat kar, agar wo baat nahi karenge to me karti hu. (Keh kar wo bahar chali gayi, Udesinh abhi bhi gehri soch me hi tha)Baat ki?
Udesinh : Kis se?
Badi maa : Sukhdevji se aur kis se.
Udesinh : Nahi, kal karta hu. (Usne talne ke irade se kaha)
Badi maa : Kal nahi abhi kijiye, aur aapse nahi hoti hai to me karti hu, ek beta apane maa bap se milna chahta hai to wo kyu mana karenge.
Udesinh : Tu samajti nahi hai kuchh, Me apane tarike se baat karta hu.
Badi maa : Isme tarika kya, me hi baat karti hu. (Kehte hue unhone apane phone se call laga di, Udesinh rokna chahta tha par fir wo shant ho gaya, samne se call pick hone par)Hello.
Sukhdev : Naye sal ki badhayi ho aapko bhabhi.
Kamnadev : Apko bhi bhaisahab.
Sukhdev : Sorry me call nahi kar paya.
Kamnadevi : Koi baat nahi, ho jata hai kabhi kabhi, call to muje bhi kar lena chahiye tha.
Sukhdev : Aap badi hai, aap kyu call karti, mujse hi chuk hui hai.
Kamnadevi : Wo sab chhodiye, muje ek baat karni thi is liye mene phone kiya hai.
Sukhdev : Ji kahiye, kya seva kar sakta hu aapki.
Kamnadevi : Hame Yogendrabhai sahab aur Chandrika se milna hai.
Sukhdev : To aiye na, aapko kisne roka hai.
Kamnadevi : Mere sath Shivansh bhi aa raha hai. (Samne khamosi chha gayi) Hello.
Sukhdev : Ji sun raha hu. (Khud ko sambhalte hue wo bola)
Kamnadevi : Apne jawab nahi diya.
Sukhdev : Muje bhala kya apatti ho sakti hai,(Kuchh pal ruk kar) par kya apko yakin hai ki wo Shivans hi hai?
Kamnadevi : Apke bhaisahab khud usko dhundh kar laye hai, unhone sab janch padtal karli hai, me bhi itne dino se uske sath hu, wo Shivans hi hai.
Sukhdev : (Maan me)Yahi to problem hai aur shaq ka karan bhi ki Udesinh usko dhundh kar laya hai, aur kis binah par wo usko Shivans keh raha hai wo bhi pata nahi hai)
Kamnadevi : (Samne khamosi chha ne se)Kya hua? Hello?
Sukhdev : Sun raha hu bhabhi, waise to ye khusi ki hi baat hai par itne salo baad achanak, na koi khabar na kuchh, is liye bas soch raha tha.
Kamnadevi : Aap khud mil lo apko yakin ho jayega.
Sukhdev : Jab aapko yakin hai to me aur kya keh sakta hu, par kya Udesinhji jante hai?
Kamnadevi : Kya matlab hai aapka? Mene kaha na ki wo hi laye hai.
Sukhdev : Mera matlab wo nahi tha, apne abhi muje call kiya hai aur aap usko le kar mere pass aana chahti hai, kya ye baat wo jante hai? (Udesinh ne us se milvane ke liye inkar kiya tha wo baat usko yaad thi is liye wo puchh raha tha)
Kamnadevi : Wo mere samne hi bethe hue hai, baat karni hai?
Sukhdev : Aap nuke samne hi baat kar rahi hai to thik hai, kahiye kab milna chahte hai aap.
Kamnadevi : Kal hi.
Sukhdevv : (Sochte hue)Thik hai, aiye, me intejal kar raaha hu. (Unhone phone rakh diya aur kisi gehri soch me dub gaye)
Aishwarya : Kiska phone tha?
Sukhdev : Kamnabhabhi ka.
Aishwarya : Kuchh khas kaha kya unhone jo aap itna soch rahe hai?
Sukhdev : Wo Shivans ko le kar aa rahi hai, Yogendra aur Chandrika bhabhi se milne.
Aishwarya : Kya sach me (Wo khus hote hue boli)
Sukhdev : Abhi itna khus hone ki jarurat nahi hai, muje isme koi chal lagti hai.
Aishwarya : Bhabhi aisa kyu karegi?
Sukhdev : Me bhabhi ki baat nahi kar raha, Udesinh ki baat kar raha hu, mene pata lagwane ki koshis ki thi, usneis baat ko itna gupt rakkha hai ki kuchh pata nahi chala aur ab achanak wo usko hi bhej rahe hai yahi baat maan me shaq paida karti hai.
Aishwarya : Aapne kaha ki badi bhabhi ne phone kiya tha, agar unhe lagta hai to fir aap kyu itna soch rahe hai, wo to waisi nahi hai.
Sukhdev : Ha janta hu, par Udesinh koi kachchha khiladi nahi hai, us ladke ko wohi kahi se dhundh kar laye hai, aise achanak wo kaha se mil gaya? Ya koi khel khel rahe hai wo?
Aiswarya : Wo jo bhi ho, jab wo khud yaha aa raha hai to milne se hi pata chalega na.
Sukhdev : Me bhi wahi soch raha hu.
Aishwarya : Me Prakruti ko bata deti hu.
Sukhdev : Abhi usko in sab se dur hi rakkho. Pehle me milta hu uske baad dekhte hai.
Aishwarya : Me bhi chalungi, mana maat kijiyega. (Uske chehre par jo utsah tha wo dekh kar Sukhdev ne ha keh diya)
Aishwarya : (Hath jod kar upar dekhte hue)He uparwale, ye wahi ho, me janti thi aap itne nirday nahi ho sakte, aapne meri sun li, please please, ye wahi ho. (Sukhdev usko dekh raha tha, dil to uska bhi yahi chahta tha ki wo Shivans ho, par saq dil se ja nahi raha tha)
Raat ke khane ke liye Beenamadam aur unke gharwale bhi aaye, ghar me bahot chahel pahel ho gayi thi, chhoti maa to mere sath hi beth gayi thi, sab bahot sari baate kar rahe the, khusi ka mahol tha, uske baad sab bahar garden me bethe, than ka mausam tha to aag bhi jalayi thi, sabke group ban gaye the aur sab apane apane hisab se bethe hue the, mene Beenamadam ko issara kiya aur alag aane ko kaha, wo shawl lapete hue thi, thodi der baad hum dono thodi duri par khade the.
Beena : Ha kaho.
Shiv : Kal me Yogendraji aur Chandrikaji se milne ja raha hu.
Beena : Wo tumhare maa-baap hai.
Shiv : Apko sach me lagta hai?
Beena : Agar yakin nahi hota to na kehti, waise kaise ja rahe ho? Me sath chalu?
Shiv : Nahi, aap is halat me jyada mat ghumiye. (Mene unke pet ko dekhte hue kaha, unke chehre par bhi sharm chha gayi) Me badi maa ke sath ja raha hu.
Beena : Agar Sukhdevji ke ghar jao to unse apane bachpan ki tasvir dikhane ke liye kehna, tumhe yakin ho jayega.
Shiv : Thik hai, muje bhi ye jan ne ki utsukta hai ki me sach me wahi hu ki nahi.
Beena : Tumhe ab tak yakin nahi hai ki tum wo ho?
Shiv :Aisi baat nahi hai, muje bhi lag raha hai, par lag raha hai aur hu, in dono baat me bahot bada anter hai. Apko bhi lag raha hai, par kya aap yakin ke sath keh sakti hai? aur sirf tasviro se pata nahi chalta, humne dekha tha ki Shivans ki bachpan ki tasvir aur meri tasvir me bahot anter tha.
Beena : Jab tum yaha the tab golu the aur jab waha pahuche to patale ho chuke the, par dhyan se dekhne par saaf pata chal raha tha.
Shiv : Par abhi bhi ye anuman hi hai, koi sabut nahi.
Beena : Tum kya samajte ho, Sukhdevji itni aasani se maan jayenge? wo bhi tumhe parkhenge, jab wo yakin karenge tab to tumhe yakin hoga na.
Shiv : Dekhta hu.
Swarna : (Waha aate hue)Kya bate ho rahi hai dono me? (Wo muskurate hue boli)
Beena : Ye kal apane maa-baap se milne ja raha hai. (Wo gambhirta se boli)
Swarna : Kab? Kaise? (Swarna ko bhi yakin nahi ho raha tha, halaki usne khud ye karne ka socha tha par mauka nahi mil paya tha)(Mene unhe sab bataya ki kaise tay hua aur me aur badi maa ja rahe hai) Ye to bahot achchhi khabar sunayi tumne. Me bhi yahi soch rahi thi par mauka nahi mila, ye achchha hua ki maa hi tumhare sath aa rahi hai, is se bahot sari baate aasani se hal ho jayegi, Sukhdevuncle maa ko mana nahi kar sakte . (Unsab ko dekh kar Mamta bhi waha aa gayi, unhe bhi humne bataya, Jab padma apana kaam nipta kar bahar aayi to uski najar in charo par padi, ek aur ladkiya bethi hui thi aur sath me Krupali bhi thi, dusari aur bade bethe hue the, ab wo khud ko akela mehsus kar rahi thi, ek Krupali thi jo uski hamdukhiya thi par ab wo bhi nahi rahi, ab wo akeli thi, wo akele ja ke ek kurshi par bethi aur un charo ko dekh rahi thi, wo un sab ka bonding samajna chahti thi)
Mansibua : Kya dekh rahi ho? (Usko akela betha dekh wo waha aayi)
Padma : K kuchh nahi, bas aise hi.
Mansibua : Aise akele kyu beth gayi?
Padma : Kaha bethti, waha aap sab bade the aur yaha bachchhe.
Mansibua : Krupali bhi bethi hai waha, waise ab tu akeli hi baki hai, samaj rahi hai na? (Padma ne shir jhuka liya) Me tuje dukhi karne ke liye nahi keh rahi, par tuje bhi gambhirta se sochna chahiye is bare me.
Padma : Apko kya lagta hai, me nahi soch rahi is baare me.
Mansibua : To fir problem kya hai, pehle to sab yahi maan ke chal rahe the ki Chandrikabhabhi ki wajah se ye sab ho raha hai, par ye sab to maa ban rahi hai, iska matlab wo baat juthi thi.
Padma : Wo sab muje nahi pata.
Mansibua : To pata kar, akhir kaise ye chamatkar hua? Kaise ye sab maa ban rahi hai wo bhi itne salo baad achanak, ye sab kaise hua hai ye to pata lagana chahiye na tuje.
Padma : Muje pata hai buaji, Swarnadidi ke waha ek doctor hai, unki dawaiyo se hi ye chamatkar hua hai, Beenabhabhi bhi wahi rehti hai, Mamtadidi ka kuchh pata nahi hai par mene Krupali ko kaha tha to usne puchha tha, Swarnadidi ne us doctor ka pata diya tha, mene aur Krupali ne bhi wo dawai suru ki thi, Krupali bhi pregnant ho gayi par.... (wo aur dukhi ho gayi) Dawai to me bhi kha rahi hu, aur me kya kar sakti hu. (Usko apane bhagya par rona aa raha tha, upar se Pruthvi ke sath bigadte riste bhi usko dukhi kar rahe the)
Mansibua : Sab thik ho jayega, inko ye khusi mili hai to tuje bhi milegi (Jaha wo charo baat kar rahe the us aur dekh kar)Ye Shivans ka kya chakkar hai?
Padma : Kya matlab hai aapka?
Mansibua : Matlab ye mila kaise? Kuchh janti ho iske bare me?
Padma : Pitaji hi usko laye hai. (Padma wo baat batana nahi chahti thi jo uske pati ne batayi thi, ab usko bhi us baat par yakin kaam hota dikh raha tha)
Mansibua : Par wo unhe kaise mila?
Padma : Aap unse hi kyu nahi puchh leti? (Wo Udesinh ki baat kar rahi thi)
Mansibua : Wo to puchhungi hi, me to bas tumse puchh rahi thi, (Fir un charo ko dekhte hue) Waise Shivans mera bhi bhatija hua, par aise achanak us se itna lagav nahi mehsus ho raha muje, ye charo to aapas me jaise baat kar rahe hai lagta nahi ki abhi abhi mile hai.
Padma : Wo ek dusare ko pehle se jante hai.
Mansibua : (Mansi ko thoda ascharya hua)Wo kaise?
Padma : Shivans, Beenabhabhi ki school me padhta hai, Juhi ki wajah se Mamtadidi bhi pehle se janti hai, Swarnadidi ki nanad aur wo sath me padhte hai to Swarnadidi bhi janti hai.
Mansibua : Achchha aisi baat hai (Sochte hue)Par fir bhi baat kuchh jam nahi rahi hai, mana ki wo ek dusare ko jante hai par wo sambandh itna gehra ho aisa to nahi lagta, dekho na, jiski wajah se wo ek dusare ko jante hai wo dono ladkiya to alag bethi hui hai aur ye charo aalag hai.
Padma : Aap kehna kya chahti hai?
Mansibua : Me kuchh bhi kehna nahi chahti, bas samajne ki koshis kar rahi hu. Unhe dekh kar aisa nahi lag raha ki koi aupcharik baate ho rahi hai, sab kisi gambhir baat par charcha kar rahe hai aisa lag raha hai, aisi kya baat ho sakti hai? Ye ladka dikhne me to Yogendrabhai jaise hi dikh raha hai to badebhai ne aisa kyu kaha.
Padma : Kya kaha?
Mansibua : Nahi, waise to kuchh nahi kaha, par unki bate meri samaj me nahi aayi.
Padma : Kya samajna chahti ho aap?
Mansibua : Yahi ki ye Shivans hai ki nahi aur agar hai to mila kaise?
Padma : Maaji, pitaji aur sab keh rahe hai to apko kyu yakin nahi ho raha, kya aap kuchh janti hai is bare me?
Mansibua : Are nahi, me to bas aise hi puchh rahi thi.
Padma : Muje bhi kuchh khas pata nahi hai, aapko unsab se hi baat karni chahiye. (Un charo ki aur issara kar ke wo boli)
Mansibua : Muje kya jarurat hai, jo hoga wo samne aa hi jayega. (Tabhi Krupalibhi waha aayi)
Krupali : Kya bate ho rahi hai?
Mansibua : Are kuchh nahi bas aise hi (Mansi juthi hasi haste hue boli), aa beth, teri hi baat kar rahe the, kaise tabiyat hai teri? (Jutha pyar dikhate hue wo boli)
Krupali : (Sharmate hue) Achchhi hai.
Mansibua : me jan kar bahot khus hu ki tera bhi number lag gaya. Apani bhabhi ko bhi kuchh tip de, wo hi bechari baki reh gayi hai.
Krupali : (Wo thoda ghabra gayi par khud ko sambhalte hue)Isme tip kya deni hai, mene unhe bhi bataya tha, wo bhi whai dawai kha rahi hai jo mene khayi, kyu hai na bhabhi? (Wo log bhi aise hi idhar udhar ki bate karne lage)
Raat ko sab apane apane tarike se hi soye, Beenamadam aur sab wapas chale gaye the, Swarnadidi aur Krupalididi sath me soye, Vaiswi aur Juhi sath me soye, Mansibua alag kamare me soyi aur Anjali aur Vaidehi bhi alag kamare me soyi. Ghar itna bada tha ki sone ke liye to koi dikkat honi nahi thi. Me bhi akela so raha tha. Kal ke liye soch raha tha. Badi maa thodi der ke liye aayi thi, fir wo chali gayi. Raat aise hi shanti se nikal rahi thi. Sirf Padma ashant thi, Pruthvi ke sath uski bahesh hogayi thi, Pruthvi so gaya tha aur wo ro rahi thi.
Muje neend nahi aa rahi thi, me kamare se bahar nikala, sab shant hi tha, me bahar jane ki soch raha tha par darwaja band tha to me upar ki aur gaya, behot bada terrace tha. Me aise hi tahal raha tha ki muje chham chham ki aawaj sunayi di, awaj halki thi to muje laga ki koi bhram hai, upar andhera tha to kuchh spast dikh nahi raha tha.
️
