Update 286
Muje maa ki hospital se phone aaya tha,
Shiv : Kya hua doctor sahab?
Doctor : Yaha ek problem ho gayi hai, jab se wo jagi hai bas ek hi rat lagaye hue hai ki unhe apane bete se milne jana hai, wo bahot gussa bhi kar rahi hai, sab ko dant rahi hai, muje dar hai ki kahi khud ko nuksan na pahucha le. Dawai bhi nahi de sakte jyada.
Shiv : Me aata hu waha.
Doctor : Ha jaldi aa jao. (Me turant taiyar hua aur niche aa gaya, Kruapliji muje samne hi mili, muje aise dekh kar wo boli)
Krupali : Is waqt taiyar ho kar kaha ja rahe ho? (Tabhi Vashisthji bhi wahi aa gaye)
Shiv : Muje kaam hai me thodi der me aata hu.
Krupali : Par ja kaha rahe ho? (Krupali thodi frustate ho kar boli, me sochne laga ki kya jawab du)
Vashisth : Jane do na, koi kaam hoga, kya har waqt sab se sawal hi puchhti rehti ho.
Krupali : Mene aapse kuchh kaha? (Wo thodi gusse se boli)
Shiv : (Unhe jagadte dekh)Me bas thodi der me aa jaunga, dost se milne jana hai. (Krupali kuchh bolna chahti thi par fir khud ko rok liya)
Krupali : Thik hai, jaldi aa jana. (Me turant waha se nikal gaya, riksha li aur hospital pahuch gaya, me jab ward ke pass pahucha to doctor aur nurse aapas me baate kar rahe the, doctor ne jaise hi muje dekha to wo meri aur mud kar bola)
Doctor : Achchha hua tum aa gaye, wo kisi ki baat nahi sun rahi hai, bas ek hi rut lagaye hue hai ki jana hai.
Shiv : Thik hai, me baat karta hu. (Muje bhi nahi pata tha ki kya baat karunga, par baat to karni hi thi, doctor mere sath nahi aaye, me akela hi room me pahucha to wo ek nurse ke sath bahes kar rahi thi)
Chandrika : Me kitni baar kahu ki muje apane bete se milna hai, me tum logo ko chhodungi nahi, aane do Yogendra ko.
Nurse : Thik hai madam, aapko jo karna hai kar lena par abhi shant ho jaiye, aapki tabiyat bigad jayegi.
Chandrika : Muje kuchh nahi hua hai. (Me unke pass pahucha, meri aur dekh kar)Kaha hai mera beta? (Me kuchh nahi bola)
Chandrika : Tum sab mere sath juth bol rahe ho, muje abhi ke abhi jana hai.
Shiv : Aapko kahi jane ki jarurat nahi hai, aapka beta yahi aa raha hai. (wo muje dekhne lagi, mene nurse ko dekha aur bahar jane ko kaha to wo bhi chali gayi)
Chandrika : Kab aa raha hai wo?
Shiv : Pehle aap shant ho jaiye, bethiye, (Mene pani bharte hue glass badhaya)Lijiye pani pijiye.
Chandrika : Muje nahi pina (wo gusse me thi)
Shiv : Pehle pani pijiye, me aapko sab batata hu. (me shant hi tha, unhone meri aur dekha fir wo bhi shant ho gayi aur pani pi liya)
Chandrika : Ab batao, kab aa raha hai wo?
Shiv : Me batata hu, pehle ye bataiye ye konsa saal chal raha hai?
Chandrika : Ye kya bakwas sawal hai?
Shiv : Aap bataiye to.
Chandrika : 20xx.
Shiv : (Muje pata tha ki me kya kar raha hu, ab unse jyada chhupana mumkin nahi tha, mene pana phone nikala aur aaj ki date batayi)Ye dekhiye. (Unhone mobile ko dekha aur meri aur dekhte hue boli)
Chandrika : Ye kya hai, muje bevakuf samajte ho.
Shiv : Ye jo bhi date dikha raha hai wo aajki date hai.
Chandrika : (Wo thodi tention me aa gayi)Kya bakwas hai ye.
Shiv : Isiliye aapko nahi bata rahe the, aap shant rahiye, sab thik hai, aap jyada stress mat lijiye. Aapki tabiyat aur bigad jayegi.(Wo meri aur dekhne lagi, unke chehre par uljan saaf dikh sakti thi)
Chandrika : Kya tum sach keh rahe ho? (Mene ha me shir hilaya, Chandrika ko yakin nahi ho raha tha, agar wo baat sach thi to kayi saal bit gaye the)Ye kaise ho sakta hai? (Uske aasu nikal aaye)Itne saal ho gaye hai aur me yaha akeli hu, kya mere bete ko aur pati ko kuchh ho gaya hai?
Shiv : Kuchh nahi hua hai, muj par bharosa rakhiye. (Unhone meri aur dekha, shayad mere chehre ke bhav se unhe viswas hua, unhone apane aasu pochhe)
Chandrika : To fir wo kaha hai? Kyu mujse milne nahi aaye?
Shiv : Me sab batata hu. (Mene apane mobile me photo dikhayi)Kya aap inhe pehchanti hai?
Chandrika : (Gaur se dekhte hue)Ye badi bhabhi hai (Par unko dekh kar wo thodi shocked thi, kyu ki unki umar thodi jyada lag rahi thi)Kya sach me itne saal bit gaye hai?
Shiv : Mene kaha na me juth nahi bol raha hu.
Chanrika : (Ab usko yakin hone laga tha, mene kuchh aur tasvire dikhayi, Beena medam ke saas sasur ko bhi pehchan gayi, akhir mene Udesinh ki photo dikhayi, unke chehre par gussa saaf dikhne laga)Isine mere bete ko fenk diya tha.
Shiv : Kya aapko yakin hai?
Chandrika : Ha.
Shiv : Us din aakhir hua kya tha.
Chandrika : Waha bhagdal machi hui thi, dhakka mukki ho rahi thi, log idhar udhar bhag rahe the, isi ka fayeda utha kar unhone mere bete ko nadi me fenk diya tha.
Shiv : Par unhone kaha ki unke hath se chhut gaya tha.
Chandrika : Juth bol rahe hai wo, mene khud dekha tha.
Shiv : thik hai, shant ho jaiye.
Chandrika : Kaise shant ho jau, kaha hai mera beta. (Ab usko lagne laga tha ki uska beta shayad is duniya me nahi hai, wo fir rone lagi)
Shiv : Aap roiye maat, (mene fir mere bachpan ki photo dikhayi.)Ye to aapka beta hi hai na? (Unhone fir photo dekha aur haa me shir hilaya)Ye photo us hadse ke baad ki hai. (wo muje aise dekhne lagi jaise unhe yakin nahi ho raha ho)Gaur se dekhiye, ye photo us hadse ke karib ek saal baad ki hai. (Unhone phone apane hath me le liya aur gaur se dekhne lagi, mene photo zoom kar ke chehra dikhaya)
Chandrika : Ha, wo thoda dubala dikh raha hai aur bada bhi lag raha hai. Mera beta jinda hai (Keh kar wo fir fut fut kar rone lagi, meri ankho se bhi aasu nikal aaye)
Shiv : Aap shant ho jaiye, please roiye maat. (Muje rote dekh wo meri aur dekhne lagi)
Chandrika : Tum kon ho? Tum kyu ro rahe ho?
Shiv : Agar ye photo aapke bete ki hai to ye me hi hu. (Chandrika ko jaise jatka sa laga, wo gaur se Shiv ko dekhne lagi, abhi tak usne aisa socha nahi tha ki uska beta itna bada ho gaya hoga, is liye wo is baat ko najar andaj kar rahi thi ki wo kuchh jana pehchana lag raha hai, wo ab usko bahot gaur se dekhne lagi, uske nain naksh dekh kar usko samaj aane laga ki kyu wo itna parichit lag raha tha, wo kafi had tak Yogendra jaisa dikh raha tha)
Chandrika : Kya tum sach keh rahe ho? (Usako jaise yakin hi nahi ho raha tha)
Shiv : Ha maa,mera yakin karo. (Mene rote hue kaha)
Chandrika : (rote hue Shiv se lipat gayi)Mera beta, mera beta. (Kehte hue fut fut kar rone lagi, thodi der tak dono aise hi rote rahe, Shiv ne bhi apani maa ko apani aagosh me le liya tha, is pal ke liye na jane kab se wo taras raha tha, dono gale lag kar kafi der rote rahe tabhi doctor ander aaya, usne ye dekha, wo samaj gaya ki kya ho raha hai, jis baat ka usko yakin tha us baat ki pusti ho gayi thi, Shiv hi unka beta tha aisa dikh raha tha)
Doctor : Sorry aapko disturb kar raha hu. (Unki aawaj sun kar hum dono alag hue, mene apane aasu pochhe, unhone maa se puchha)Kya aap thik hai? (Unhone bhi apane aasu pochhe aur haa me shir hilaya)Lagta hai aap ko hakikat ka pata chal gaya hai, aap jyada tention maat lijiye, jo hona tha wo ho gaya hai, aap usko badal nahi sakti, jyada tention lene se apaki sehat bigad sakti hai, aapko sayam rakhna hoga, samaj rahi hai na meri baat? (Unhone fir haa me shir hilaya)Kya me aapki jaanch kar sakta hu? (Unhone fir haa me shir hilaya, doctor unka BP napne laga, dhadkane check ki)Sab thik hai, aap koi tention maat lijiye. Aap dono baate kijiye, me khana bhijwata hu, time se kha lijiye. (Doctor fir se chala gaya, wo muje dekhne lagi)
Shiv : Kya dekh rahi ho maa?
Chandrika : Kitna chhota tha tu aur ab kitna bada hog aya hai, mene tera sara bachpan kho diya (Kehte hue wo fir rone lagi)
Shiv : Maa roiye maat. Jo hona tha wo ho gaya.
Chandrika : Par tere papa kaha hai? (Me kya batata unhe, me najare churane laga, ye dekh chandrika ke dil me daar bhar gaya)Kya hua unhe? Kya wo.....(wo pura bol nahi payi)
Shiv : Nahi maa, wo jinda hai. (Ye sun kar Chandrika ke dil ko bahot sukun mila)
Chandrika : To fir kyu tu najare chura raha hai, sach sach batana, wo kaha hai?
Shiv : Maa aap tention maat lijiye, aapki tabiya agar fir se kaharab hui to pata nahi kya hoga, me batata hu, wo jinda hai par coma me hai. (Muje dar lag raha tha to mene unka hath pakad liya, unke aasu behne lage)Maa chinta maat karo sab thik ho jayega, doctor ne kaha hai ki wo jald hi thik ho jayenge.
Chandrika : Ye sab uski wajah se hi hua hai, me chhodungi nahi usko.
Shiv : Maa aap shant ho jaiye, unhone court me sabit kar diya hai ki unki koi galti nahi thi, ye sab bas ek hadsa tha, aise me abhi filhal hum kuchh nahi kar sakte, aap fikar maat kijiye, me koi rasta nikalunga, par aap abhi tention maat lijiye, itne saal baad to aap hosh me aayi hai, me nahi chahta ki aapko fir kuchh ho.
Chandrika : Itne saal unhone hi tuje pala hoga hai na?
Shiv : Nahi, par mene kaha na maa, aap abhi kuchh maat sochiye, aap abhi bas itna sochiye ki me aur papa dono sahi salamat hai, sab thik ho jayega.
Chandrika : Tu sach me bada ho gaya hai (Fir rone lagi)Mera Shivu, pata nahi kaise tune itne saal kate honge? Me tere sath nahi reh saki, muje maaf kar de.
Shiv : Abhi aap sab bhul jaiye maa, aur haa abhi aapko kisi ko nahi batana hai ye sab, hume ye baat abhi gupt hi rakhni hai, aapko nahi batana hai ki me aapka beta hu, samaj rahi hai na aap?
Chandrika : Par aisa kyu?
Shiv : Aap bas meri baat maniye, jo me keh raha hu wahi kariye. Aap hoshme aa gayi hai par abhi bhi aapko sachchai nahi pata hai aisa dikhana hai, jo aap samaj rahi thi wahi aapko dikhana hai, abhi aapka beta chhota hi hai yahi aap samaj rahi hai aur wahi aapko dikhana hai.
Chandrika : Thik hai, waise bhi aur me kar bhi kya sakti hu, itne saal ho gaye hai, kya kya ho gaya hai, kya badal gaya hai muje to kuchh bhi pata nahi hai. (Tabhi khana le kar ek wordgirl aayi, dono chup ho gaye)
Shiv : Chaliye me aapko khilata hu.
Chandrika : Me kha lungi.
Shiv : Me aapko khilata hu, muje achchha lagega. (Chandrika bas muskurayi, Shiv nivale bana kar unhe khilane laga)
Chandrika : Me bhi tuje khilati hu.
Shiv : Ye khana aapke liye hai, me ghar ja kar kha lunga.
Chandrika : Ghar?
Shiv : MeKrupaliji ke waha reh raha hu.
Chandrika : Kon Krupali?
Shiv : Tauji ki chhoti beti.
Chandrika : Kappu?
Shiv : Ha, unki shadi isisaher me hui hai, me unke ghar hi reh raha hu.
Chandrika : Aise kaise, tu unke waha kaise reh sakta hai, mene batayana ki...
Shiv : Mene kaha na aap jyada maat sochiye, abhi paristhitiya alag hai, aap muj par bharosa rakhiye.
Chandrika : Thik hai. (Unhone niwala banaya aur muje khilane lagi, meri ankho me pani bhar aaya, wo bhi samaj rahi thi, unki bhi ankhe bhar aayi, mene unhe khana khila diya, Khane ke baad)Muje unse milna hai.
Shiv : Me kal le chalunga. (Tabhi mere phone par Krupaliji ka phone aaya)Hello.
Krupali : Kaha ho tum?
Shiv : Kya hua?
Krupali : Kitne baje hai pata hai, kaha ho tum?
Shiv : Me bas aa raha hu.
Krupali : Thik hai, jaldi aao.
Shiv : Krupaliji ka phone tha, muje ab jana hoga, aap aaram kijiye, aur ha, jyada maat sochiye. (Unhone haa me shir hilaya, ek baar fir hum dono ek dusare ke gale mile, fir unhe sula kar me waha se nikal gaya, me bahot khus tha ki maa thik ho gayi hai, mene raste se hi Lata ko phone kiya, mene usko ye baat batayi to wo bahot khus ho gayi, mene usko bhi jyada nahi bataya kyu ki wo fikar karti,me ghar pahuch gaya tha)
Krupali : Kitni der ho gayi, kaha ghumte rehte ho tum?
Shiv : Bas aise hi gaya tha, kisi se milna tha.
Krupali : (Thodi jalan se)Prakruti se milne gaye the?
Shiv : (Muskurate hue)Are nahi, me us se milne nahi gaya tha. (Ye sun kar Krupali ko bhi thoda achcha laga)
Krupali : Thik hai, me khana nikalti hu. (wo khana nikal kar mere pass hi beth gayi)
Shiv : (Khate hue)Sab so gaye?
Krupali : So to nahi gaye hai, par apane apane kamare me hai. (Tabhi unke sasur hath me pani ki bottle liye hue bahar aaye)
Sasur : Aa gaye tum (Shiv ko dekhte hue, mene muskura ke haa me shir hilaya)
Krupali : (Khadi hote hue)Laiye me pani bhar lati hu.
Sasur : Tum usko khana khilao, Apane bhai ka dhyan rakho, me khud le lunga. (Krupali ne bhi haa me shir hilaya).
Krupali : Maa ka phone aaya tha. (Mere hath me niwala ruk gaya, Me unhe dekhne laga, me sochne laga ki unhone sab bata diya hoga ki muje ghar se nikal diya hai)Tum khana jari rakkho, tum jante ho, is se muje koi fark nahi padta. (Me kuchh nahi bola) Unhone kaha ki tumhara dhyan rakkhu. (Me ascharya se unhe dekhne laga) Muje bhi ascharya hua tha to mene unse puchh liya ki aisa kyu keh rahi ho, aapne to usko ghar se nikal diya tha. (Me dhyan se unki baat sun raha tha) Unhone kaha ki wo ek galatfehmi thi, wo tumse baat karna chahti hai par hichkicha rahi hai.
Shiv : Unhone aisa kaha?
Krupali : Sidhe sabdo me to nahi kaha par unka matlab wahi tha.
Shiv : Iska matlab aap samaj rahi hai na? (Tabhi unke sasura pani le kar apane kamare me chale gaye)
Krupali : Mene kaha na ki us se muje koi fark nahi padta, agar tum wo nahi ho to achchha hai aur ho to aur bhi achchha hai.
Shiv : Me samja nahi.
Krupali : Agar tum wahi ho to dekh rahe ho na, tumhare sath rehne se muje koi nahi rokega. (wo arthpurna dhang se muskurate hue boli)
Shiv : Achchha, aap apana fayeda dekh rahi ho.
Krupali : Kyu tum nahi chahte? (Wo thoda naraj hote hue boli, me bas muskuraya)Jo ho chuka hai wo badal nahi sakta, aur muje tum pasand ho, Waise bhi tum bachpan se bahar rahe ho, manti hu ki tum mere bhai ho, par bhai ke liye jo hona chahiye us se pehle tum aur kuchh ban chuke ho. (wo thoda sarmate hue boli, me bas muskuraya, mene khana kha liya, fir hum sath me upar gaye, wo apane kamare me chali gayi aur me apane kamare me, aaj jo kuchh bhi hua tha us se muje bahot rahat mili thi, mene hospital me phone kar ke puchh liya, maa so gayi thi, me bhi so gaya)
Virbhadra ke ghar jaise hi uska baap ghar aaya, uska bhai usko milne aaya tha.
Bhairavsinh : Tum kab aaye?
Maansinh : Thodi der hui, kaisa hai Virbhadra?
Bhairavsinh : Jinda hai. Kya hua us ladke ka?
Maansinh : Humare aadmi najar banaye hue hai, par abhi tak uska pata nahi chala, suna hai wo filhal us gaav me nahi hai.
Bhairavsinh : Jaha bhi ho, dhundh ke nikalo us kutte ko, usne hamare bete ki jo halat ki hai hum us se bhi badtar maut denge usko.
Maansinh : Hamare aadmi uski khoj me lage hue hai, par Udesinh ne bhi log badha diye hai, wo log bhi har jagah najar rakkhe hue hai, kisi bhi anjan ko dekhte hi uski puchhtachh hoti hai.
Bhairavsinh : Jo bhi ho, jaise bhi ho, muje wo ladka chahiye, hospital me pade apane bete ko dekh kar hamara khun kholta hai, hum bahuo se najare nahi mila pate, unki ankho me ek hi sawal hai, kyu abhi bhi wo jinda hai jisne hamare pati ka ye hal kiya hai, hamari najare jhuk jati hai, jald se jald uska pata lagao, duniya ke kisi bhi kone me chhipa ho dhundh ke nikalo haramjade ko.
Maansinh : Aap chinta maat kijiye, hum apani puri takat lagakar usko dhundh rahe hai.
Subah uth kar mene pane routeen ke hisab se sab kiya aur fir hospital ke liye nila gaya, mene Prakruti ko bhi keh diya ki me hospital ja raha hu, wo sidhe wahi aa jaye. Wo nasta kar rahi thi.
Aishwarya : Kis ka phone hai?
Prakruti : Nistha ka phone hai, wo mera wait kar rahi hai. (Prakruti ne juth bola, par uski maa thi wo, usko shak to hua par usne kuchh nahi kaha)
Aishwarya : Muje bajar me kuchh kaam hai, mere sath chalogi?
Prakruti : Kya kaam hai?
Aishwarya : Kyu kaam janegi tabhi aayegi mere sath?
Prakruti : Nahi maa, aisi baat nahi hai, muje bhi kaam hai. Muje hospital jana hai.
Aishwarya : Me dekh rahi hu ki bich me tune hospital jana band kar diya tha, ab roz ja rahi hai, akhir baat kya hai?
Prakruti : (wo sochne lagi ki akhir kya jawab de) Aisa kuchh bhi nahi hai, (Fir jaise baat suji ho)Apne kaha tha ki unka beta mil gaya hai to fir me kyu jati, wo hi jata na, par ab fir pata chala hai ki wo wo nahi hai to fir aur kon dekhega unhe?
Aishwarya : Teri baat samaj se pare hai, agar wo sach me wahi hota to tu kya milna band kar degi?
Prakruti : Jisko me janti nahi uske liye sab kyu karu me?
Aishwarya : Wo to abhi bhi nahi jan rahi hai to fir kyu kar rahi hai?
Prakruti : Kyu ki unka mere alava aur koi nahi hai, aap bahot sawal karti hai, muje der ho rahi hai me ja rahi hu. (Kehte hue wo waha se jaldi se nikal gayi, wo jyada sawalo ke jawab nahi dena chahti thi, wo khud bhi nahi janti thi ki wo aisa kyu kar rahi hai, kya wo Shiv ki wajah se ja rahi hai ki uncle aunty ki wajah se? is sawal ka jawab uske pass bhi nahi tha, aur na wo is bare me kuchh sochna chahti thi, wo apani mehngi car le kar hospital pahuch gayi, usko Shiv nahi dikha to wo ander chali gayi, usko pata chala ki Shiv aunty ke kamare me hi hai to wo sidhe wahi chali gayi, jab wo waha gayi to dekha ki dono kuchh bate kar rahe the, wo samaj nahi payi ki dono kya baat kar rahe hai, par darwaja band hone ki aawaj se dono uski aur dekhne lage to wo muskurane ka prayas karte hue unke pass pahuchi.
Prakruti : Are wah, ab to tumhe yaha aane ke liye meri bhi jarurat nahi hai, kyu! (Wo taunt marte hue boli)Namaste aunty.
Chandrika : Namaste beti.
Shiv : Tumhari wajah se ab doctor muje jante hai to muje nahi roka, koi problem hai?
Prakruti : Nahi koi problem nahi hai?
Chandrika :Tum kon ho beti?
Prakruti : Aap isko pehchanti hai aur muje nahi pehchanti?
Chandrika : Maaf karna beti, par sach me mene tumhe nahi pehchana. (Ye baat aur aage badhti to sara raz khul sakta tha, filhal ye thik nahi tha)
Shiv : Ye meri dost hai, me ek minute me aata hu. (Kehte hue mene prakruti ki bah pakadi aur usko waha se thoda dur le gaya)Kya kar rahi ho tum?
Prakruti : (apani bah chhudate hue)Kya kar rahi hu?
Shiv : Kya tum apani pehchan batanewali ho?
Prakruti : Kyu nahi batana chahiye? (Wo narajgi se boli)
Shiv : Abhi unhe kuchh pata nahi hai, aise me agar tum apani pehchan batati ho to bahot se sawal khade honge, aise me sab unhe batana padega, wo abhi kuchh nahi janti hai, unhe lag raha hai abhi bhi unka beta chhota bachcha hai, agar unhone tumhare bare me puchha to kya bataogi ki tum unke bachche ki bivi ho? Aise me tumhe sab batana padega aur unhe problem ho sakti hai.
Prakruti : To tum kaise unse itne achchese baat kar rahe the, ab kya juth bola hai tumne?
Shiv : Mene koi juth nahi bola hai, wo bas samajti hai ki me unhe unke bete se milvaunga, is liye wo mujse achchhe se baat kar rahi hai.
Prakruti : Thik hai, me kuchh nahi bataungi. (Hum dono fir unke pass gaye)
Chandrika : Kya baat kar rahe the tum dono?
Prakruti : Kuchh nahi aunty, (Sambhalte hue)Hum aapke bete ke sath aapko kaise milvaye yahi baat kar rahe the. (Chandrika ne Shiv ki aur dekha, Shiv ne issare se shant rehne ko kaha, Chandrika bhi samaj gayi to usne bhi sur me sur milaya)
Chandrika : To kab milva rahe ho?
Prakruti : Aap thik ho jaiye, jald hi milvayenge.
Chandrika : Thik hai, waise tumhara naam kya hai? (Shiv aur Prakruti dono ek dusare ko dekhne lage) Aise kya dekh rahe ho? Mene to bas naam hi puchha tha.
Prakruti : Mera naam Prakruti hai.
Chandrika : Sach me? (wo ascharya se boli)
Prakruti : Ha, aap kyu itna chaunk rahi hai?
Chandrika : Tumhare papa ka kya naam hai?
Shiv : (Bichme bolte hue)Aap in sab bato ko chhodiye, aap aaram kijiye.
Chandrika : Aaram hi to kar rahi hu, aur kitna aaram karu?
Shiv : Aapko jald se thik hona hai ki nahi?
Chandrika : Thik hai baba, jaisa tum kaho. (Nurse ko bol kar hum dono bahar nikal gaye)
Prakruti : Kya patti padhayi hai tumne aaunty ko? (Wo narajgi se bol rahi thi)
Shiv : Kyu kya hua?
Prakruti : Kya hua? Mujse puchh rahe ho ki kya hua? Itne saalo se me unke sath hu, wo muje nahi pehchan rahi hai aur tumse aise baat kar rahi hai jaise tum hi unke karibi ho, sach sach batao, kya juth bola hai tumne?
Shiv : Mene kay juth bola hai, mene wahi kaha hai jo tumhe pata hai, mene kaha ki me aapke bete se milvadunga. Aise kuchh din muje unke sath rehne ka mauka mil raha hai to tum kyu jal rahi ho?
Prakruti : Me jal rahi hu, me kyu jalungi? (Wo juthe gusse se boli)
Shiv : Tumhari bato se to yahi lag raha hai, agar tum nahi chahti to me unse nahi milunga, tumhe jo batana hai wo ja kar bata do. (Mene bhi juthmuth ka naraj hote hue kaha)
Prakruti : Rehne do, rehne do. Tumhari sakal hi bata rahi hai ki juth bol rahe ho.
Shiv : Sorry. (Mene muskurate hue kaha)Waise bhi baad me to tum unke hi sath rehnewali ho, thodi dim me reh lu to kya burayi hai. (Prakruti kuchh nahi boli, par jaise soch rahi thi wo, mene bhi usko kured te hue kaha) waise jis se tumhari shadi hui hai wo to mar gaya hai, muje lagta hai shayad tum bhi unke sath nahi rehnewali ho, hai na?
Prakruti : Tumhe us se kya, ye hamara mamla hai, hum mil kar tay karenge ki kya karna hai, tum kon hote ho bich me aane wale.
Shiv : Me to bas keh raha tha, ha ye bhi ho sakta hai ki tum dusari shadi kar lo, waise bhi bachpan ki shadi ko kon manta hai, hai na.
Prakruti : Tumhe kya me jo bhi karu (Thoda gussa dikhate hue)Tum apana dekho. (Me kuchh nahi bola)Chhodo ye sab. Ab batao kya soch rahe ho tum, ab kaise unko apane bete se milvaoge?
Shiv : Sochta hu kuchh.
Prakruti : Ab to tum akele hi yaha aa jate ho to soch rahi thi ki college ja aau, thoda kaam hai.
Shiv : Kab ja rahi ho?
Prakruti : Shayad kal, kyu?
Shiv : Nahi bas aise hi puchh raha tha. (Fir kuchh sochte hue)Chalo aapke uncle se milne chalte hai.
Prakruti : (wo samaj gayi ki Yogendra uncle se milne ko bol raha hai)Thik hai, chalo.
Hum papa se milne chale gaye, waha thodi der doctor se baat hui, uske baad hum papa se mile, papa waise hi the, muje kuchh suja to mene Prakruti ko thodi der waha bethne ko kaha aur me bahar nikal gaya. Me doctor se milne gaya.
Shiv : me aa jau? (Unke cabin me jane ke liye puchha mene)
Doctor : Ha aa jao (Me unke samne beth gaya)Kaho?
Shiv : Me soch raha tha ki me Yogendraji ko unki bivi se milvau, kya ye mumkin hai?
Doctor : Par mene suna hai ki wo mansik taur par thik nahi hai.
Shiv : wo ab thik hai, agar unse milvayenge to shayad inki halat me kuchh sudhar jaldi ho jaye.
Doctor : Achchhi baat hai, le aayiye, hume har wo prayas karna chahiye jis se petient jald recover ho jaye.
Shiv : Thank you sir. (wo bas muskuraye, me bhi bahar nikal aaya, me papa ke kamare me gaya to dekha Prakruti kuchh baat kar rahi thi)Kya baat kar rahi ho?
Prakruti : Tumhari kartute bata rahi thi.
Shiv : Mene kya kiya? (Papa ki aur dekh kar)Aap iski baat maat sun na, ye ek number ki juthi hai, sab juth hi bola hoga isne.
Prakruti : Sun rahe hai na uncle, mene kaha tha na ki ye ek number ka jutha hai, mene jo bhi kaha na aap waisa bilkul maat karna, jaise hi aap thik ho sab se pehle isko police me de dena, bilkul rahem maat karna, me hi pagal thi jo iski aapse vakalat kar rahi thi aur keh rahi thi ki usko maaf kar dena, par ye layak hi nahi hai.
Shiv : Oh! to tum aisa keh rahi thi?
Prakruti : Par ab nahi kahungi, ab sab tumhare juth kahungi ki kaise sab ko tum juth bol rahe ho, uncle ye aapka koi bhi nahi hai, me hi aapki apani hu, ye ek number ka jutha hai, sab se juth bolta hai.
Shiv : Aisa kyu keh rahi ho, mene kya juth bola tumse?
Prakruti : Tum khud hi socho ki kya juth bole hai, me kyu batau. (Maan me, Mujse Lata ki baat chhupayi)
Shiv : Mene kuchh bhi juth nahi bola tumse (Maan me, bas kuchh bate chhupayi hai)
Prakruti : Aapko pata hai uncle, iski wajah se pehli bar mene papa se baat chhupayi hai, ye yaha aata hai aapse milta hai ye sab mene papa ko nahi bataya, ab me ghar ja kar papa ko phone karungi aur unhe sab bata dungi, fir dekhti hu ki kaise ye yaha aata hai aapse milne.
Shiv : Aisa kuchh bhi maat karna (Mene darne ka natak karte hue kaha kyu ki muje pata tha ki wo aisa kuchh bhi nahi karegi)
Prakruti : Me to karungi hi. (wo bhi jutha natak kar rahi thi)
Shiv : (Hath jodte hue)Please aisa maat karna, kyu muj garib se ittisi khusi chhinlena chahti ho?
Prakruti : To maafi maango mujse. (Wo ruthne ka natak karte hue boli)
Shiv :Hath to jod diye hai, ab keh bhi deta hu, Maaf kardijiye deviji aur muj par aisa julam maat kijiye. (Me apane chehre par jitna ho sake utna darne ka bhav late hue bola, usne meri aur dekha fir hum dono hasne lage)
Uske baad hum dono kuchh der waha rahe aur uske baad hum apane apane ghar gaye. Mene soch liya ki sham ko stadium ke baad me maa se milunga aur unhe bhi ye bataunga ki kal hum papa se milne jayenge. Waha ke doctor se bhi pirmission leni padegi.
️
