غمگین
New Member
- 71
- 160
- 33
Ufffffff Uffffff uffffff phir se suspense bhai mar hi daloge aap to
Chapter 2 - The Journey
Update 26A
Mega Update
Word Count: 8003
Estimated Reading Time: 00:40:00
Aksh: Sakshi.... Ye kya kar rahi he tu?
Uski baat ka Sakshi koi jawab nahi deti, or apne haath Aksh se chudda kar fir se saman pack karne me lagg jati he. Ab Aksh ko kafi gussa ajata he, wo Sakshi ke haath se bag khich kar dur fek deta he.
Aksh: kya ho gaya he Sakshi tujhe? Kyu kar rahi he tu ye sab? Kafi waqt se dekh raha hu tujhe, akhir baat kya he Sakshi?
Wo kafi gusse me unchi awaz me Sakshi se puch raha tha, or tabb Sakshi ka bhi sayyam tut chuka tha.
Sakshi: Aksh me nahi dekh sakti tujhe kisi or ladki ke saath, mujhe jalan hoti he jab bhi tujhe Mansi ke saath dekhti hu to, kyu ke me tujhse pyaar karne lagi hu...
Sakshi bina dare Aksh ki aakho me dekhte hue kafi chillakar kehti he, uski baat Aksh bilkul nahi samajh paya. Or uske paas aage kuch bolne ka sahas bhi nahi tha. Wo bass Sakshi ko herani se dekhe ja rah tha. Sakshi bhi sacchayi bata kar lambi lambi saase le rahi thi, ab Sakshi aage akar Aksh ke haath apne haatho me tham leti he.
Sakshi: Aksh.... Me nahi janti kese, lekin me tujhse pyaar karne lagi hu, me nahi janti ke me kab humare asal rishte ki dehliz paar kar gayi.... Or apne mann hi mann ek naye rishte ko janm de bethi.... Lekin ab.... Ab yahi sacchayi he....
Sakshi ne rote hue Aksh ko sari sacchayi bata di, lekin ye sab sunkar Aksh ko bilkul bhi yakeen nahi ho raha tha, sach kahe to Sakshi ki baato se Aksh ke dil ko kafi thes pahochi thi. Uski aakho se ab aasu ane lage the, wo Sakshi se apne haath chudda kar dhire dhire piche hone laga.
Aksh: tu..... Tu..... Kya..... Keh rahi he.....
Aksh ki halat kafi kharab ho gayi thi, wo kafi mushkil se apne shabd pure kar pa raha tha.
Sakshi: ha Aksh... Ye sab sach he, please..... Please meri mushkil dur kar de.... Me itne waqt se bass dard me hi ji rahi hu, or ye dard tabhi dur hoga, jab me tujhe hasil kar lu..... Tu..... Tu Mansi ko bhul jana.... Me to tujhe Mansi se laakh gunah zyada pyaar karti hu.... Or....
Ab Sakshi apni baat puri nahi kar payi, kyu ke wo aage or kuch kehti ke Aksh ne use zordar thappad jadd diya. Zindagi me pehli baar Aksh ne Sakshi par haath uthaya tha, uske thappad se Sakshi rone lagti he, lekin us se bura haal to Aksh ka tha. Jis haath se usne Sakshi ko thappad Jada tha, Aksh ka wo haath bilkul kaanp raha tha. Aakho se aasu tezi se beh rahe the, or dil ke to mano hazar tukde ho chuke the.
Aksh: nahi...... Tu.... Tu Sakshi nahi he..... Tu wo Sakshi nahi he.....
Sakshi: Ha Aksh.... Me wahi Sakshi hu, wahi Sakshi jisne tujhe hi apna sabkuch maan liya he... or aaj se nahi, balki bahot waqt se mene......
Aksh: mene kaha na tu meri Sakshi nahi he...... Nahi he tu meri Sakshi..... nahi he....... nahi he, nahi he......
Or ye tha Aksh ka wo roop, jise shayad koi bhi nahi dekhna chahta ho, uski awaz itni unchi thi ke mano abhi uska gala fatt jayega. Sakshi to Aksh ko aise dekh kar bahot ghabra jati he. Aksh ka to mano dimagi santulan hi bigad chuka tha. Wo dhire dhire Sakshi ke nazdeek araha tha, Sakshi sehmi si piche piche ja rahi thi, or akhir me wo ja kar diwar se satt jati he. Aksh Sakshi ke bilkul nazdeek khada tha, uski aakhe gusse me laal ho chuki thi.
Aksh: dhoka diya he tune mujhe.... humesha..... Humesha tujhe khud se zyada ehmiyat di, lekin tune.... Tune uska galat fayda uthaya.....
Sakshi: Aksh, agar mujhe.... Mujhe tu nahi mila to me marr hi jaungi.... please meri baat samajh....
Wo rote hue Aksh ke samne apne haath jodkar kehti he, lekin Aksh ka gussa is se or bhi zyada badh jata he, or is baar usne Sakshi ko itne zor se thappad mara ke wo niche gir gayi.
Aksh: mang ne se to Maut bhi nahi milti.... Pyaar milna to dur ki baat he....
Bass itna bol kar Aksh kamre se bahar nikal jata he, uske jate hi Sakshi bikhar kar rone lagti he, uska Rona Aksh ke andar ke bhai ko bahot tangg kar raha tha, lekin jo kuch aaj Sakshi ne kaha tha, us wajah se Aksh ko Sakshi par bahot gussa araha tha. Wo bina Sakshi ko sune ghar ke bahar nikal jata he, or car ko full speed se chalate hue kahi nikal jata he.
•
•
•
•
•
•
•
•
•
Abdul akele ek sunsan pade ghar ki taraf ja raha tha, us ghar ko dekh kar Abdul ki aakhe num ho gayi thi, wo ghar kafi chota sa hi tha, dekh kar koi bhi bata sakta tha ke ye ghar kisi paise wale insan ka to katayi nahi he. Abdul har saal, aaj ke din hi yaha par ata tha. Darwaza kholte hi ghar me jami dhul Abdul ke upar ajati he. Abdul andar akar niche zameen par beth gaya or uski aakho ke samne uske yaha bitaye kuch lamhe samne ane lage. Jise dekh kar Abdul muskurate hue asu baha raha tha.
Flashback:
Rukhsar: Pata nahi ye Abdul kaha chala gaya? Pura Mohalla chan maar liya..... Kahi dikhayi nahi de raha he....
Rukhsar kafi gusse me apne ghar ke andar dakhil hote hue badbadaye ja rahi thi, lekin tabhi use andar ke kamre se kuch awaz ajati he, Rukhsar dhire se andar ke kamre me jhakti he to usne paya ke Abdul Rukhsar ki college bag me kuch kar raha he. Rukhsar ne bina awaz kiye Abdul par jhapta maar kar use pakad liya.
Rukhsar: kya kar raha he tu Abdul..... Or kaha tha tu? Sara Mohalla chan maar ke agayi me..... Bata kaha ghum raha he?
Abdul: Aapa...... Wo..... Me to.... Me to apne dosto ke saath tha....
Rukhsar: Abdul tujhe hazar baar kaha he na tere bigde hue dosto ka saath chhod de... Fir kyu tu meri baat nahi manta?
Wo kafi narazgi se Abdul ko chhod kar uske samne nirasha bhare swaro me puchti he.
Abdul: me aage se dhyan rakhunga.....
Wo Sharmindagi se apni gardan niche kar ke kehta he.
Rukhsar: or meri bag me kya taak jhaak kar raha tha tu?
Abdul: k.... Kuch nahi.... Me... Me ja raha hu....
Or wo kamre se bahar jane laga, lekin tabhi Rukhsar use rok deti he or apni bag check karne lagti he. Or tabb use bag me se ek Gulab ka ful mil jata he.
Rukhsar: ye ful tune rakha bag me?
Ispar Abdul bass haa me gardan hila deta he.
Rukhsar: kyu?
Abdul: wo..... Aaj... Aaj aapka janmdin he na.... To.... To bass aapke liye ful laya tha....
Wo bina Rukhsar se nazre milaye ladkhadati awaz me kehta he. Lekin is se Rukhsar ke chehre par bahot hi pyari muskurahat ajati he.
Rukhsar: to fir aise bag me kyu rakh raha tha ise tu?
Abdul: darasal.... Ab janmdin par us se insan ko tofa dete he na.... Lekin mere paas.... Mere paas aapke liye tofa kharidne paise nahi the... To me ye ful bagiche se tod kar laya tha.... Or....
Abdul ke is gesture ne Rukhsar ka dil hi pighla diya tha. Darasal is ghar me sirf Abdul or Rukhsar rehti the. Or kamayi ke naam par bass Rukhsar hi part time job karti thi, or saath saath apni padhai bhi kar rahi thi. Or Abdul bhi apna early college kar raha tha. To uske paas abhi kamane layak koi kaam nahi tha.
Rukhsar: mene tujhe kitni dafa kaha he ke tujhe paise chahiye hote he to mang liya kar mujhse.... Lekin tu manta hi nahi, or ab to tu padhai ke naam par bass awaragardi kar raha he... Padhai me dhyan diya kar na beta.....
Wo pyaar se, Abdul ke kandhe par haath rakh kar Kehti he. Lekin Abdul bass apni gardan niche kiye khada tha.
Rukhsar: ab chal khana khane ke liye beth ja... Rehan bhi ata hoga....
Ye naam sunkar Abdul ka khun khol jata he. Lekin wo apne gusse ko nahi jatata.
Abdul: nahi.... Mene khana kha liya he apne dost ke ghar.....
Rukhsar: sach keh raha he na?
Abdul: ji.....
Fir Abdul ghar se wapis bahar nikalne wala hota he ke waha ek ladka ajata he, jiska naam Rehan tha. Use dekh Abdul ki aakhe gusse se laal hone lagti he, lekin wo bina us se koi baat kiye ghar se nikal jata he.
Darasal Rehan Rukhsar ka hone wala pati tha, darasal Rehan bhi ek akela ladka tha, jo yaha par akele rehkar padhai karta tha, Rukhsar or wo ek hi College or ek hi jagah job karte the. Rehan ne kafi minnato ke baad Rukhsar ko manaya tha. Fir dono ne decide kiya ke kuch waqt baad wo log shadi kar lenge. Lekin Abdul ko humesha se Rehan par gussa ata tha, usne kabhi bhi Rehan se baat nahi ki thi, or Abdul apna Zyadatar waqt ghar se bahar hi bitata tha.
Present:
Abdul waha bethe yahi sab soche ja raha tha ke tabhi uske samne sirf khun kharaba cha jata he, or us pal ko bhulakar Abdul firse reality me ajata he. Or ab wo apne aap ko rone se rok nahi paya.
Abdul: meri ek galati.... Ek galati ne Aapa ki zindagi barbad kar di, agar me.... Me wo sab nahi karta to... To aaj me Aapa ke saath khushi khushi zindagi guzar raha hota.... Lekin..... In sab ka badla lena hi he, or ek na ek din sara hisab khatam kar dunga me.... Sara hisab....
•
•
•
•
•
•
•
•
•
Raat ke kareeb 10 bajne ko aye the, Aksh ka ro ro kar bura haal ho chuka tha. Wo ye sab maan ne ko bilkul tayar nahi tha, wo bass chahta tha ke ye sab sirf ek bura sapna ho. Lekin use bhi pata tha ke yahi hakikat he. Bairehaal.... usne to jis haath se Sakshi ko thappad mara tha, us haath ka bahot hi bura haal kar liya tha, usne apni hateli par kafi sare zakhm kar liye the, lekin use to bilkul bhi dard mehsus nahi ho raha tha, kyu ke us se zyada dard to Is waqt Aksh ke dil me tha. Kuch der baad Wo ghar pahoch gaya tha, or wo gadi park kar ke andar ajata he. Jese hi wo andar aya to ghar ka mahol kafi manhus sa lagg raha tha, koi lights nahi jal rahi thi, sirf or sirf Sakshi ke kamre se ujala araha tha, ab jo bhi ho, Aksh ko Sakshi ki fikar hone lagi, wo tezi se Sakshi ke kamre me ajata he, jaha par uska sara kamra tehes mehes ho chuka tha, or Sakshi ghutno par apne haath rakh kar chehra usme chupaye roye ja rahi thi. Or yahi nahi uske haath me kaanch lagne se kafi chot ayi thi. Uske haath ki chot dekh kar Aksh ko wo pal yaad ajata he jab Aksh ek restaurant me saaf safayi ka kaam kar raha tha, or uske haatho me chale pad chuke the, or Sakshi hi uske chalo par marham laga rahi thi (Update 00). Wo sab yaad kar ke Aksh apne aap ko rok nahi pata or bhar bhar ke asu bahane lagta he. Fir Aksh apne kamre se First Aid Kit le kar Sakshi ke paas chala gaya, Sakshi ko ab bhi ehsas nahi tha ke waha Aksh aya hua he. Wo to bass continuesly roye ja rahi thi. Aksh akar Sakshi ke samne beth jata he, or First Aid Kit se cotton nikal kar Sakshi ka khun saaf karne laga. Kisi ke sparsh ka ehsas hote hi Sakshi kafi darr kar samne dekhti he, lekin Aksh Sakshi se nazre nahi milata, or Sakshi ka haath pakad kar khun saaf karne lagta he. Sakshi ki himmat jawab de chuki thi, usme to ab itni bhi takat nahi bachi thi ke wo Aksh se kuch keh paye. Aksh Sakshi ke zakhmo par marham patti kar ke kitchen me chala jata he, or plate me khana le kar firse Sakshi ke kamre me uske samne akar beth jata he. Aksh ne jese hi niwala bana kar Sakshi ko khilana chaha, to Sakshi ne apna muh dusri taraf fer liya. Ab to Aksh me bhi Sakshi par gussa karne ki takat nahi bachi thi. Aksh nirasha se niwala fir se plate me daal deta he.
Aksh: Sakshi, me tujhe chahkar bhi nafrat nahi kar sakta..... Lekin please.... Please mujhe or zyada takleef matt de....
Sakshi: to meri takleef ka kya?
Wo apni tuti futi awaz me Aksh se puchti he.
Aksh: jo kuch tu chah rahi he, wo galat he....
Sakshi: kyu galat he? Mujhe ye galat nahi dikhayi de raha, tu hi dikha de kyu galat he?
Aksh: Sakshi.... Agar hum Step Siblings hote to me samajh pata ke attraction ho sakta he... Lekin hum sage bhai behen he.... Hum dono me ye sab kabhi nahi ho sakta.....
Sakshi: sabse pehli baat to ye ke.... Ke me tujhse saccha pyaar karti hu... Ise tu Attraction ka naam nahi de sakta.... Or jis rishte ki tu baat kar raha he, me wo rishta bahot pehle hi bhul chuki hu.....
Aksh: please Sakshi.... Me tere aage haath jodta hu, ye sab matt kar.... Please.....
Wo apne haath jodkar kafi pareshani bhari halat me kehta he. Lekin jab usne apne haath jode to jis haath me use zakhm the, waha se khun behne laga, or Sakshi ne ye dekh liya. Sakshi jaldi se Aksh ke haath palat kar dekhti he to Aksh ke hateli par kafi gehre zakhm the. Wo sab dekh kar Sakshi ka dil hi beth jata he. Fir wo khud Aksh ke haath ki marham patti karne lagti he. Aksh ne abtak ek baar bhi Sakshi se nazre nahi milayi thi. Sakshi box me se ek pain killer ki dawai nikal kar rakh deti he, or Aksh ne jo khane ki plate layi thi, use apne haath me le kar niwala Aksh ki taraf kar deti he. Aksh ne pehli baar Sakshi ki aakho me aakhe dalkar dekha, or is waqt dono ki hi aakho me asu the.
Aksh: please Sakshi, bhul ja na ye sab.... hum Fir se waise hi rahenge jese pehle the... Please....
Sakshi: mujhe maaf kar de Aksh.... Lekin ab ye nahi ho payega.... Me ab kafi aage badh chuki hu, yaha se wapis lautna mere liye marte dum takk mumkin nahi hoga.....
Uski baat sunkar Aksh us kamre se nikal jata he, or apne kamre me akar darwaza band kar rone lagta he. Wahi Sakshi bhi bass apni zindagi ke bare me soch kar rone lagti he.
Bahot Ajeeb Silasile He Mohabbat Ishk Main,
Koi Wafa Ke Liye Roya To Koi Wafa Kar Ke Roya....
Yu to beinteha Mohabbat thi Aksh ko Sakshi se,
Lekin dil me uske Duniya jahan ne,
bij tha galat or sahi ka boya.....
Kyu na kare koi Mohabbat kisi ko apne se bhi zyada,
Wo to Khuda ka behtarin tofha tha,
Bass kuch palo ki thi ye zindagi,
Usme bhi liye reet is duniya ki jee raha tha....
Bahot Ajeeb Silasile He Mohabbat Ishk Main,
Koi Wafa Ke Liye Roya To Koi Wafa Kar Ke Roya....
Aakho se to nind dono ke hi gayab thi, ek tarah Sakshi Aksh apne adhure pyaar ko kose ja rahi thi, to dusri taraf Aksh ko yakeen kar pana mushkil ho raha tha ke Sakshi ne sach me ye sab kar diya he. Wo bass soch raha tha ke kya aage wo firse Sakshi ke saath pehle jesa reh payega? Kya unka rishta khatam ho chuka tha? Mann me hazaro sawal, or aakho me na rukti asuo ki bunde. Jese tese dono bass karvate badal rahe the, Aksh ko kareeb 4 baje nind ane lagi thi, or wo usi waqt so gaya. Lekin Sakshi to jese sona bhul hi gayi thi, usne waqt dekha to subah ke 5 bajne wale the. Wo uthkar apna sara kamra thik kar deti he, or khud ka bhi haal thik kar ke kitchen me chali jati he, waha Breakfast bana kar wo apne kamre me akar sab saman pack karne me lagg gayi. Usi waqt Aksh ki bhi aakh khul chuki thi. Uska sar kafi bhari ho raha tha, lekin use Sakshi ki chinta sataye ja rahi thi. Wo jaldi se Sakshi ke kamre me chala jata he, jaha wo apna sara saman le kar bilkul tayar khadi thi. Aksh ko dekh kar Sakshi fir se apni nazre hata leti he.
Aksh: k..... Kaha ja rahi he tu?
Sakshi: Aai Baba ke paas......
Wo bina Aksh ko dekhe apna saman check karte hue kehti he. Aksh akar Sakshi ke samne khada ho jata he.
Aksh: kahi nahi ja rahi tu..... Rakh apna saman wapis....
Sakshi: mujhe yaha nahi rehna.... Ab yaha rehne me kya rakha he? Jiski wajah se ye saase chal rahi thi, aaj usne hi jaan le li.....
Aksh: Sakshi.... Please, bhul jana ye sab.... Hum fir se pehle ki tarah jiyenge... Firse Mumbai ja kar, mujhe nahi chahiye ye Paisa.... . mujhe bass mera pariwar chahiye.... Me sare business band kar dunga, Mumbai ja kar me, tu, Aai Baba.... Firse pehle ki tarah hi apni zindagi guzarenge..... Please.....
Wo rote hue Sakshi ke dono haath thamkar kehta he. Lekin Sakshi ko to jese ab kisi baat ki parwah hi nahi thi, wo bina Aksh ko dekhe apne haath Us se chudda kar firse apna saman check karne lagti he.
Sakshi: ab ye mumkin nahi he..... Shayad ab hum dono apni apni zindagi alag hi guzarni hogi.... Iske siwa or koi rasta nahi he...
Wo apni bhigi hui palko ke saath kehti he, or bag uthakar aage badh jati he, lekin Aksh use rok kar kass ke gale laga leta he.
Aksh: please Sakshi matt ja mujhe chhod kar.... Me marr jaunga tere bina.....
Aaj firse Aksh buri tarah se tut chuka tha, or use tuta dekh Sakshi ka mann kar raha tha ke uske sar se pyaar se haath ghuma kar use tasalli de, jese wo humesha se deti ayi he, lekin wo apne dil par kabu kar leti he, or Aksh ko dhakka de kar alag kar deti he.
Sakshi: or jo me itni waqt se tadap rahi hu, uska kya? Ha? Har roz marr rahi hu me andar se..... Har roz..... Or shayad tu marr jaye yahi sahi hoga, uske baad me bhi bina kisi ki chinta kiye apni jaan de kar is tadap se mukt ho sakti hu....
Aksh to pehle se hi kafi tuta hua tha, lekin Sakshi aisa ravayya dekh wo to mano jee te jee marr raha tha.
Sakshi: aaj ke baad hum kabhi nahi milenge.... agar mene kabhi bhi tujhe kisi tarah dukh pahochaya ho, to mujhe maaf karna, Breakfast bana diya he, kha lena, or dawai lena bhulna matt..... Apna or M...... Mansi ka khayal rakhna....
Or ye kehkar wo ghar se bahar jane lagti he, Aksh bhi uske piche piche use rokne lagta he, lekin Sakshi ne to mano sabkuch chhod jane ka faisla kar liya tha. Wo bina kuch kahe aage bad rahi thi. Ab dono main road par the, Sakshi ek Auto rok kar usme beth jati he, lekin Aksh ab bhi uska haath Chhodne ko tayar nahi tha.
Aksh: Sakshi..... Sakshi..... Please, please matt ja.... Me tu jesa keh rahi he, waise karne ko tayar hu, lekin please mujhe aise akela matt chhod....
Aksh Sakshi ke samne gid gidaye ja raha tha, lekin Sakshi uski baat par dhyan nahi deti, or apna haath Aksh se alag kar deti he. Auto aage badhne laga tha, lekin Aksh uske piche piche duadne laga, lekin Auto tezi se aage nikal gaya. Aksh wahi khade ho kar rone lagta he.
Aksh: Matt ja mujhe chhod kar Sakshi.... Me kya karunga tere bina? Kese jee paunga? Wapis aja Sakshi, please.... Please......
Wahi Sakshi jese hi Aksh ko piche chhod deti he, to us se bhi raha nahi gaya or wo bhi apne dil me chupaye dard ko samne la kar rone lagti he.
Sakshi (mann me): mujhe maaf karna Aksh.... Mene tujhe sirf dard hi diye he.... Or me tera pyaar zabardasti nahi pana chahti..... Lekin ab hum kabhi nahi milenge.... Kabhi nahi.....
•
•
•
•
•
•
•
•
•
Waha Mansi ne College me Sakshi ka kafi intezar kiya, use kayi baar call bhi lagaya, lekin uska call bhi nahi lagg raha tha, jab usne Aksh ko call kiya to Aksh ka bhi phone switched Off tha. Tabb Mansi sidha Aksh ke ghar nikla padti he.
Mansi jese hi waha pahochi, to usne dekha ke main door open hi tha, to wo andar ajati he, lekin andar ate hi Mansi Ghar ka haal dekh kar shock ho jati he. Kyu ke pura ghar bilkul tehes mehes ho chuka tha, har chiz tuti hui, bikhri hui thi. Mansi ko ye dekh kar Ghabrahat hone lagi, wo bhagte hue Aksh ke kamre me chali jati he, lekin waha ja kar to Mansi ki saase hi ruk gayi. Kyu ke samne Aksh zameen par bikhri hui chizo me betha tha, uska haath puri tarah se khun se lath path tha, or tabb Aksh uspar sharab daal deta he, or lighter ko apne haath par jala deta he. Uska haath is waqt aag ki lapto me tha, lekin iske bawajud Aksh ke chehre par hasi thi. Mansi ye dekh kar tezi se Aksh ke samne beth jati he, or wo paas me pada kapda uthakar Aksh ke haath se aag bujha deti he.
Mansi: Aksh..... Kya kar rahe ho tum? Ha? Ye sab..... ye sab kya?
Wo Aksh ka chehra apne haatho me thamkar use sambhalne ki koshish kar rahi thi, lekin Aksh to bass pagalo ki tarah hase ja raha tha, or uska khun itna beh chuka tha ke use chakkar ane lage, or wo wahi par behosh ho gaya. Mansi kafi ghabra gayi thi, lekin wo jaldi se Aksh ko apne sahare car me bitha kar Hospital le jati he. Hospital me Aksh ko ICU me daal diya tha, or uspar Treatment chal rahi thi.
•
•
•
•
•
•
•
•
•
Waha Sakshi Railway Station pahoch gayi, or wo agli train pakad kar Mumbai jane lagti he, use to ehsas bhi nahi tha ke waha Aksh ka kya haal he.
Sakshi (mann me): mujhe itni Ghabrahat kyu ho rahi he? Jese.... Jese Aksh ke saath kuch...... Nahi.... Aisa kuch nahi he.... Lekin mene us se wo marne wali baat nahi karni chahiye thi.... Aksh.... Please aisa kuch matt karna ke me jee te jee marr jau.....
Ab Sakshi ko kuch zyada hi Ghabrahat ho rahi thi, wo apna phone On kar leti he, phone on karte hi uske phone pe Mansi ke sekdo Calls the, Sakshi ko laga ke Mansi us se baat karne ke liye call kar rahi he. Lekin tabhi wo Mansi ka message padhti he, jisme usne likha tha ke Aksh behosh ho gaya he, or use ICU me admit kiya hua he. Ye padh kar Sakshi ke pero tale zameen hi khisak gayi. Train bass abhi abhi shuru hui thi, jis wajah se uski speed itni bhi zyada nahi thi, Sakshi uthkar darwaze ke paas ajati he, or bina kuch soche chalti train se kud jati he. Use girta dekh kuch log use uthane lagte he, lekin Sakshi ko to mano jese apni chott ki koi parwah nahi thi, wo apne pairo par khadi hokar bhagne lagti he. Kuch der me wo Hospital pahoch gayi thi, wo rote hue ICU ki taraf bhage ja rahi thi, lekin wahi ICU ke bahar Mansi bhi chinta me khadi thi. Sakshi ko waha dekh kar wo Sakshi ko rokna chahti thi, lekin Sakshi to use dhakka de kar ICU ke door ko kholne ki nakam koshish me lagi thi.
Mansi: Sakshi..... Sakshi, tum kya.....
Sakshi: mujhe Aksh ke paas jana he.... Darwaza kholo.... Mujhe Aksh ko dekhna he.... Kholo....
Wo kisi ki baat sunn ne ko tayar nahi thi wo to bass darwaze ko zoro se pite ja rahi thi, tabb waha Nurse akar use shant kara deti he, or tabhi ICU se Doctor bahar ajata he. Darwaza khulta dekh kar Sakshi ICU ke andar jane ki koshish me lagg jati he, lekin Doctor use andar jane se rok deta he.
Sakshi: Aksh.... Aksh th... Thik he na? Use... Use kuch nahi hua na.... Mujhe us se milna he... Please.....
Doctor: dekho pehle shanti se meri baat suno....
Sakshi: lekin Aksh......
Doctor: please listen to me.....
Mansi: Kya hua? Aksh thik to he na?
Doctor: ha wo thik he... Lekin khun behne se uski halat kafi kharab ho chuki he... Hume use khoon chadhana hoga, lekin O Negative Blood Group dhund na thoda mushkil hota he....
Sakshi: Aksh or mera Blood Group same he... Aap please mera blood le lijiye....
Doctor: okay.... Aap pehle us room me ja kar formalities puri kariye... Me tabtak sari tayari karta hu....
Fir Nurse Sakshi ko le kar alag room me chali jati he, jaha Sakshi ka test hota he, Sakshi bhi kafi kamzori ki halat me thi, isliye Sakshi se zyada Blood nahi liya ja sakta tha. Formalities puri kar ke Sakshi ko ICU me le jaya jata he jaha par ek bed par Aksh behosh leta hua tha. Use dekh kar Sakshi ke to hosh hi udd jate he. Fir Sakshi ko Aksh ke bagal me bed par lita kar uska khoon liya jata he, Sakshi ki nazre sirf Aksh par hi tiki hui thi. Kuch der ke baad Doctor Sakshi ko bahar jane ke liye kehta he, lekin Sakshi ka mann nahi kar raha tha waha se jane ka. Fir kisi tarah Doctor ne use samjha diya, Sakshi pehle Aksh ke paas ajati he, or uska chehra apne haatho me tham kar Aksh ke honto par kiss kar ke waha se bahar ajati he.
Ab Sakshi janti thi ke bahar akar use Mansi ka samna karna hi hoga, jab wo bahar ati he, to Mansi uthkar Sakshi ke paas ajati he.
Mansi: kya hua Sakshi? Aksh thik to he na?
Sakshi: ha.... Ha.... Use kuch der baad hosh ajayega......
Or bass itna kehkar wo aage badhne lagti he, Mansi ko kuch samajh nahi araha tha, Mansi Sakshi ka haath pakad kar use rok leti he.
Mansi: Kya hua Sakshi? Tum ab bhi gussa ho mujhse? Or Aksh ko aise chhod kar kaha ja rahi ho?
Sakshi: tumse Matlab? Me kahi bhi jau....
Wo gusse me Mansi se apna haath chuddate hue kehti he.
Mansi: Sakshi kya ho gaya he tumhe? Tumne ek baar bhi ye nahi socha ke Aksh ne ye sab kyu kiya he? Aisi kya pareshani he Aksh ko jo usne......
Sakshi: pata he mujhe usne aisa kyu kiya.... Or yahi wajah he jo me yaha se ja rahi hu.....
Wo Mansi ki baat kaat kar unchi awaz me kehti he.
Sakshi: jaan na chahti ho sach kya he? To suno.......
Fir Sakshi sari sacchayi Mansi ko batane lagti he, Mansi jese jese Sakshi ki baat sunn rahi thi, uske to hosh udte ja rahe the, use samajh hi nahi araha tha ke akhir aisa kya hua jo Sakshi itne aage pahoch gayi.
Sakshi: ab khush ho gayi tum? Ab me tum dono ki zindagi se bahot dur ja rahi hu, me kabhi tumhari life me dakhal andazi nahi karungi.... sacchayi jaan kar Aksh ko akela matt chhodna, uski isme koi Galati nahi he.... wo to me hu, jo is duniya ko bhulkar apne hi bhai se pyaar karne lagi..... Bass..... Bass mere Aksh ka khayal rakhna..... Me janti hu ke tum kabhi bhi Aksh ko meri kami mehsus nahi hone dogi.....or ha.... Ho sake to jald se jald Aai Baba se tum dono apne rishte ki baat kar lena.... tumhara har waqt Aksh ke saath hona bahot zaruri he.... jo zakhm mene use diye he, use bharne takk tum please Aksh ko akela matt chhodna.... ab Me chalti hu, or Aksh ko matt batana me yaha ayi thi.... apna or Aksh ka khayal rakhna.....
Wo apne bhari mann or bhigi palko ke saath Mansi se aakhri baar wida leti he, or Mansi ki nazro se ojhal ho jati he. Mansi ki bilkul himmat nahi thi ke wo Sakshi ko rok paye.
Mansi (mann me): kya.... Kya ye sab sach tha jo Sakshi me kaha? Lekin kese koi apne hi bhai se...... Chi..... Me to ye soch bhi nahi sakti, Sakshi ne ye galat kiya.... Aksh ki ye halat Sakshi ki wajah se hi hui he.... Wo janti thi ke Aksh us se kitna pyaar karta he, or uska ek galat faisla Aksh ko puri tarah se tod sakta he... Fir bhi?
Sakshi (mann me): Aksh... Me tere paas hi rukna chahti thi, lekin Mansi ko waha dekh kar me samajh gayi ke Mansi ke rehte tu kabhi akela feel nahi karega.... bahot buri ladki hu me..... Kitne dard diye na mene tujhe? Lekin ab or nahi, me kabhi teri zindagi me interfere nahi karungi.... Tu, Mansi, Aai Baba..... Humesha khush rehna.... Me aage se kabhi teri taklifo ki wajah nahi banaungi..... Kabhi nahi.....
Aise hi rote hue or apne hi dil se baate karte hue Sakshi Railway Station pahoch jati he. Ab agli Mumbai ki train thodi der baad chalne wali thi, wo tabb takk wahi par intezar karne lagti he, or akhri baar Surat sheher ko alwida kar, Mumbai rawana ho jati he.
Wahi Hospital me Aksh ko ICU se bahar normal room me shift kar diya tha, wo ab bhi behosh tha, Mansi uske saath uska haath thamkar bass Sakshi ke bare me hi soche ja rahi thi. Or tabhi Aksh ko hosh ane lagta he.
Mansi: Aksh..... Aksh apni aakhe kholo... Aksh...
Aksh: Sa.... Sakshi.....
Wo to hosh me ate hue bhi Sakshi ka naam dohraye ja raha tha, lekin jab uski aakhe puri tarah se khulti he, to wo pata he ke waha sirf Mansi he.
Aksh: S.... Sakshi... Sakshi kaha he? Mujhe Sakshi se.... Sakshi se milna he......
Wo Sakshi ko apni nazro ke samne na paa kar bed se utarne lagta he, lekin Mansi or Doctor milkar use sambhal lete he, Aksh out of control na jaye, isliye Doctor use nind ki dawa de kar sula deta he.
Kuch der ke baad Aksh ki nind khul chuki thi, wo ab kuch normal sa behave kar raha tha, lekin uski aakho se aasu thamne ka naam nahi le rahe the.
Mansi: Aksh please rona band karo.....
Aksh: Mansi.... S.... Sakshi, mujhe chhod kar chali gayi....
Mansi: me janti hu Aksh.... Mujhe sari sacchayi pata chal gayi he....
Uski baat sunkar Aksh heran ho gaya tha. Kyu ke usne to Mansi ko ye sab nahi bataya.
Aksh: t... Tumhe kese......
Mansi: meri Sakshi se baat hui thi, wo Mumbai wapis laut gayi.....
Aksh: tumne use roka kyu nahi Mansi......
Mansi: Aksh mene use bahot samjhane ki koshish ki, lekin wo nahi mani.... Or Aksh ye sab..... Ye sab galat he na?
Aksh: me janta hu ye sab Galat he, Lekin Sakshi ke bina meri zindagi kuch bhi nahi he Mansi.... Kuch bhi nahi.....
Mansi: Aksh just think about your Parents..... agar unhe ye pata chala to wo jee te jee marr jayenge.... Or kya tum Sakshi ke liye apne Parents ko dhoka de sakte ho?
Apne parents ka dhyan ate hi Aksh ki bolti band ho jati he, akhir wo kese unhe dhoka de sakta he, jisne use janm diya he. Or is baat ka dard Aksh ke dil me or bhi zyada badh jata he.
Aksh: Lekin..... Lekin Sakshi......
Mansi: wo nahi manegi Aksh..... mene use kafi samjhaya.... Or tum uski chinta matt karo, usne parents ki kasam kha kar kaha he ke wo bass ye sab bhula kar zindagi me aage badhna chahti he....
Aksh: agar wo... Wo ye sab bhulkar aage badhna chahti he to... To wo mere saath hi reh sakti he na.....
Mansi: mene bhi us se yahi kaha.... Lekin usne kaha ke wo har waqt tumhare samne rehkar ye sab nahi bhula payegi....
Aksh: Mansi please meri us se baat karao..... Please.... Mujhe bass ek baar uski awaz sunn ni he.....
Wo rote hue hi Mansi ke samne gid gida raha tha, lekin use kaha pata tha ke Mansi to sabkuch jhut bol rahi he.
Mansi: Aksh... Sakshi na to Tumse baat karegi, or na hi tumhare samne ayegi..... Lekin usne promise kiya he ke jis din wo ye sab bhulakar apni pehle ki zindagi me wapis ayegi, to wo fir se tumhare saath ho rahegi.....
Aksh: nahi Mansi.... Me nahi manta, jabtak me Sakshi ke muh se nahi sunn leta.... Me nahi manta kuch.....
Ab Mansi ko laga ke wo fass jayegi, fir wo Aksh ko Sakshi se baat karana thik samajhti he.
Mansi: thik he... Me abhi use call karti hu....
Or ye kehkar wo room ke bahar ajati he, or Sakshi ko call kar deti he. Waha Sakshi bass asu bahate Train ki khidki ko sar laga kar Aksh ki yado me gum thi. Lekin tabhi phone ki ringtone use asliyat ki duniya me le ati he. Usne dekha ke Call Mansi ka he.
Sakshi (mann me): Mansi...... Ab kyu call kar rahi ho tum? Chali gayi na me dur tumhari zindagi se? Nahi..... Kahi aisa to nahi Aksh..... Nahi.... Aisa kuch nahi hua hoga....
Or Aksh ka khayal ate hi Sakshi jaldi se call pick kar leti he.
Sakshi: hello......
Mansi: Sakshi, Aksh ko hosh agaya he....
Aksh ke bare me acchi khabar sunkar Sakshi ka dil khushi se jhum utha tha, lekin wo apni khushi andar hi bada deti he.
Sakshi: Thik.... Thik he..... Uska khayal rakhna.....
Mansi: ek minute..... Baat nahi karogi us se?
Ab Sakshi ka to mann kar raha tha Aksh ki awaz sunn ne ke liye. Lekin usne ab apne aap ko kafi mazbut kar rakha tha.
Sakshi: n..... Nahi.... Mujhe nahi... Nahi karni us se baat.....
Mansi: please Sakshi..... Bass Aksh ko ek baar ye bol do ke tum jab in baato ko bhula dogi, tabb fir se tum Aksh ke saath pehle jese khushi khushi rehne lagogi.....
Sakshi: Mansi mera Pyaar marte dum takk khatam nahi hoga... Bhulna to dur ki baat he....
Mansi: lekin Aksh ki tasalli ke liye to keh sakti ho na? Uski halat kharab he Sakshi, please Sakshi...... Mera to khayal karo.... Agar Aksh ko kuch ho gaya to me......
Ab Aksh hi to Sakshi ki duniya he, or Sakshi kese apni Duniya ko bikharta dekh sakti thi. Isliye wo Mansi ki baat maan jati he. Fir Mansi phone le kar Aksh ke paas chali jati he. Aksh ko jese hi pata chala ke phone par Sakshi he to wo Mansi se phone chinn leta he.
Aksh: Sakshi..... Sakshi..... Tu.... Tu kaha he? Tu please.... Please wapis aja, me teri har baat maan ne ke liye tayar hu.... Tu jesa kahegi waisa hi hoga... Lekin please mujhe aise adhura chhod kar matt ja....
Aksh ko aise gid gidata or rota sunkar Sakshi ke dil me to jese khanjar ke waar ho rahe the. Wo kafi mushkil se apne rone ki awaz daba rahi thi.
Sakshi: A.... Aksh.... Me.... Mene kaha na ke mujhe zabardasti tujhe hasil nahi karna..... Aise to tu bass zinda rehne ke liye mujhe khurak bana dega.... Lekin roti ki asli ehmiyat sirf bhuk se tadapta insan hi jaan sakta he... Waise hi, pyaar bhi ki ehmiyat bhi wahi jaan sakta he, jisne Dil se pyaar kiya ho.... Or me.... Me tujhse wada karti hu ke me ek din tujhe zarur milungi.... Fir hum waise hi apni zindagi guzarenge jese pehle guzarte the... Lekin ye sab tere saath rehkar mumkin nahi hoga.... Isliye mujhe tujhse alag hona hi padega.... Or ab apne saath kuch galat matt karna, kyu ke Mansi ki zindagi bhi tujhse judi hui he.... Or ek din fir se mere saath pehle ki tarah jina chahta he na? To fir bass tu apni zindagi khushi se jee...
Aksh: kesi zindagi Sakshi? Ha? Kesi zindagi? Meri khushi ka sirf ek hi zariya he... Or wo he tu.... Or tu hi nahi hogi to konsi zindagi jiyu me? Kis baat par khushi manau me? Bata?
Aksh ki baat sunkar Sakshi ka dil kar raha tha ke wo fir se Aksh ke paas hi chali jaye. Lekin ab waqt haath se nikal gaya tha. Sakshi ne apne mann me hi kuch faisle kar liye the. Ab Sakshi se or saha nahi gaya, or usne bina Aksh ko jawab diye phone rakh diya, or apna mann halka karne ke liye sisak kar rone lagi.
Dusri taraf Aksh bhi Sakshi ka koi jawab na pane se rona shuru kar deta he.
Mansi: Aksh please rona band karo.... Tum kyu aise behave kar rahe ho?
Wo pareshani me Aksh ko sambhalte hue kehti he.
Aksh: mene kya bigada tha kisi ka? Jo mere saath itna bura ho raha he..... Kyu Sakshi mujhe samajhne ko tayar nahi he? Me to uske liye sabkuch karne ko tayar hu na? To fir kyu.....
Mansi: Aksh Sakshi ki soch galat he.... Wo jo soch rahi he wo kabhi possible nahi ho sakta..... Kya usne ek baar bhi apne pyaar ke upar badhkar tumhare Parents ka khayal kiya? Nahi na..... Or ab usne kaha he na ke wo ye sab bhulana chahti he to fir tum kyu.....
Aksh: Mansi Help me..... Please Help me..... Me marr jaunga Sakshi ke bina please help me..... Please.....
Wo Mansi ki baat bich me kaat kar use kas ke gale lagaye rote hue kehta he. Mansi ko bhi Aksh ki halat par bahot taras araha tha, lekin wo in sab ka Zimmedar Sakshi ko tehra rahi thi, kyu ke uski nazro me to Sakshi ne galat kiya he.
Mansi: Aksh me hu na.... Or mera dil kehta he ke dekhna Sakshi ko sab samajh ajayega ke wo galat kar rahi he, fir wo khud sabkuch bhula kar tumhare paas ajayegi.....
Aksh: or.... Or wo nahi ayi to? To me kya karunga?
Mansi: kya wo kabhi tumse dur reh payi he?
Uski baat ka Aksh bass sar na me hila kar jawab deta he.
Mansi: to fir ab kese wo tumse dur reh payegi? Lekin please use in sab se bahar ane ke liye waqt do Aksh.... Itni purani baat ko bhulne me thoda waqt to lagega na? Tum hi batao, kya me kuch galat keh rahi hu?
Wo Aksh ka chehra apne haatho me thamkar kehti he. Ab Aksh ko bhi uski baat sahi lagg rahi thi. Ab Aksh bhi kuch soch me padd gaya tha. Mansi use kafi der takk samjha rahi thi, or akhir kar wo safal rahi, Aksh ne ab apna rona band kar diya tha, lekin uska dil to ab bhi sirf Sakshi ko pukar raha tha.
Waha Sakshi ki aakhe dhire dhire khul rahi thi, train ki khidki se bahar use asman kala nazar araha tha, kyu ke use kafi waqt ho gaya tha soye hue. Wo apne aap ko sambhal kar time dekhti he to wo bass kuch der baad Mumbai pahochane wali thi.
Mumbai Me enter karte hi Sakshi apna bag le kar Train ke darwaze par khadi ho gayi, or fir waha se utar kar apne ghar jane ke liye Auto pakad leti he.
Waha ghar pe Radha or Santosh apne baramde me bethe hue the, lekin tabhi unki nazar samne se ati Sakshi par padd jati he. Sakshi ko aise suddenly yaha dekh kar wo dono thoda pareshan ho gaye. Sakshi ne bhi ghar ke bahar ate hi dono ko dekh liya, or wo dono ko dekh kar jhut muth ka muskurane lagti he.
Radha: Sakshi..... Tu aise bina bataye... Or tu akeli ayi he, Aksh kaha he? Or me din bhar se Aksh ko call laga rahi hu uska phone band he, tu phone utha nahi rahi thi.... Kya hua? Sab thik he na?
Wo Sakshi ko kandho se pakad kar chintit swar me puch rahi thi. Apni ma ka pyaar or chinta dekh kar Sakshi ko thoda sukoon mil jata he, tabb wo Radha ko kass kar gale laga leti he.
Sakshi: kuch nahi hua Aai..... Sab thik he... Or Aksh apne kaam me busy tha, to uska phone band hoga.....
Santosh: wo sab thik he.... Lekin Sakshi tu akele yaha.....
Sakshi: Ho Baba.... mujhe aapse zaruri baat karni he...
Santosh: kya baat he Sakshi?
Sakshi: are aap chinta matt kijiye..... Pareshani wali koi baat nahi he.... In fact ye baat to Khushi ki he...
Radha: to fir bata na beta kya he?
Sakshi: pehle ghar ke andar to chalo na Aai.....
Fir wo tino ghar me ajate he, Sakshi kuch der pehle bethkar soch rahi thi ke wo kese Santosh or Radha se baat kare.
Santosh: ab bata kya hua....
Sakshi: Baba.... Wo humare college me ek company ayi thi.... Jo ke undergraduate Students ko apni company me job dene ke liye ayi thi.... Or usme me bhi select ho gayi hu... Or Baba wo company wahi he jisme me humesha se jana chahti thi.... or wo Company ka Headquarter New Mumbai me he... Isliye me wapis Mumbai agayi....
Santosh: Job..... Matlab tujhe aage Job karni he?
Sakshi: Ha Baba.... Mene Computer Science isliye hi li thi ke me ek acche level par kaam kar saku... Or wo pal agaya Baba.....
Uski baat par Santosh or Radha kuch khas khush nahi lagg rahe the.
Santosh: lekin roz New Mumbai ana jana......
Sakshi: Baba actually Company ki taraf se mujhe wahi par Flat milega... Jo ke mere Workplace se bass kuch minutes hi duri par he....
Radha: Matlab tujhe waha akele rehna hoga?
Sakshi: akele Matlab? Aai us Building me company ke kafi sare Employee honge... To akele kese hua?
Santosh: Sakshi mujhe ye thik nahi lagg raha.....
Sakshi: Baba Please aisa matt kahiye.... Mera sapna tha ke me us company me job karu, or usi ke liye mene apni puri lagan se padhai ki thi.....
Radha: lekin tu firse humse alag rahegi.....
Sakshi: Aai pehli baat to agar ye job na hoti to me Surat me hi rehti.... To baat ek hi he na... Or ye job New Mumbai me he, to me kabhi bhi aapse milne asakti hu na.... or mene Aksh se bhi baat ki thi... Uske kehne par hi me yaha agayi.....
Santosh: Sakshi bura matt maan na.... Lekin ab Aksh itna accha kama raha he ke hum me se kisi ko koi kaam karne ki zarurat nahi he... To fir....
Sakshi: Baba fir meri bhi zimmedari banti he na ke me uska haath batau.... Mujhe pata he ke me Aksh ke mukable kafi kam kama paungi.... Lekin mujhe accha lagega.....
Radha: beta Baat kam zayada kamane ki nahi he... Or sach kahu to mujhe to khushi hui he.... Ke tu jo chahti thi waisa hi hua..... Lekin beta.....
Sakshi: Aai me samajh sakti hu ke tumhe meri chinta ho rahi he.... Lekin ab me badi ho gayi hu.... Professional life or personal life me bakhubi apni zimmedariya nibha sakti hu......
Sakshi ki aisi mature baate sunkar Santosh or Radha samajh gaye the ke Sakshi apna bhala bura samajh sakti he. Or use kisi baat se rokna Matlab uske attitude ko thes pahochana tha. Lekin fir bhi Santosh or Radha ko uski chinta honi hi thi.
Santosh: beta humne kabhi tujhe kisi baat ke liye mana nahi kiya... Kyu ke hum jante he ke tu jo faisla legi wo apne pariwar ko madhy nazar me rakh kar hi legi.... Lekin beta Maa Baap ko to chinta hoti hi he na?
Sakshi: Baba aap chinta kyu kar rahe ho? Ab to me aap se zyada dur thodi na rahungi.... Ab to me jab chahu aap se milne aya karungi.....
Wo Santosh ke haath Thamkar kehti he, fir Santosh Radha ki taraf sawaliya nazro se dekhne lagta he. Radha bhi aakho aakho me Haa keh deti he.
Santosh: thik he beta.... Jesa tujhe thik lage....
Sakshi: Thanks Baba.....
Santosh: waise kab se joining he....
Sakshi: Baba meri joining to 2 din baad he... Lekin mujhe kal raat hi nikalna padega.....
Santosh: or Aksh..... Kya Aksh bhi yahi ajayega?
Sakshi: na.... Nahi Baba, uska to sara Business Surat me hi he, to wo kese yaha asakta he...
Santosh: thik he beta..... Ab jao tum aram karo, khane ke waqt ajana....
Sakshi: okay Baba.....
Fir Sakshi apne kamre me chali jati he. Waha ja kar Sakshi apni fake smile ko utar fekti he. Kyu wo to apne Maa Baap ko bhi jhut me shamil kar rahi thi.
Waha Surat me Aksh ab bhi Hospital me tha, use kuch der me Discharge dene wale the. Waha Mansi ke Parents bhi aye the. Mansi ne unhe bataya ke Sakshi or Aksh ke bich kuch kaha suni ho gayi thi, or wo kaha suni kafi aage badh gayi. Or Aksh us tension me Sharab pikar agaya tha, or usi chakkar me usne apna ye haal kar diya. Kuch der baad sab Aksh ko le kar ghar chale aye the. Kuch der bethne ke baad Kiran or Aman apne ghar chale jate he, Mansi wahi Aksh ke saath ruk gayi thi. Aksh ko Mansi ne kafi mashakkat kar ke khana khila diya, or badme dawai bhi de di.
Raat ke kareeb 12 baje hue the, sheher chahe Surat ho, ya Mumbai. Dono taraf mahol ek jesa tha. Sakshi or Aksh dono ki aakho se nind koso dur thi, sirf paas thi to wo ek dusre ki yaad. Or un yaado ke saath the akho se behte Aasu. Na to Sakshi kuch samajh pa rahi thi, or na hi Aksh kuch samajh pa raha tha. Usne ghar ate hi Radha or Santosh se baat kar li thi, Radha or Santosh se use Sakshi ki sari baate pata chali, lekin usne aisa hi pretend kiya jese Sakshi ne use ye sab pehle hi bataya tha. Aksh ne Sakshi se bhi baat karna chahi, lekin Sakshi me kisi tarah us se baat karna taal diya, wahi Mansi ne bhi Aksh ko Sakshi se baat karne se rok diya tha.
Ab inki zindagi kya rang dikhati he, ek taraf Sakshi bhi sahi thi, wo Aksh ka pyaar zarur chahti thi, Lekin kisi tarah ki zabardasti kar ke nahi. Wahi Aksh ko to kisi bhi haal me Sakshi ki zarurat thi, wo Sakshi ke liye sahi galat har wo chiz karne le liye tayar tha. Lekin Mansi ne use kafi sahi galat ki paribhasha suna di thi. Ab Mansi ye sab kyu kar rahi thi? Kyu usne Aksh se jhut kaha, kya wo sachme Aksh or Sakshi ko pehle ki tarah hi dekhna chahti thi? Ab ye to ane wala waqt bata dega.
Dosto is Update ka 2nd part Sunday ko post ho jayega, jo ke Chapter 2 ka Last Update hoga. Uske baad hum Chapter 3 "Qaatil" ki Shuruwat karenge. To bass bane rehna.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
Bohat hi zabardast update words hi nhi aapki tareef ko mind blowing
