Romi
New Member
- 96
- 334
- 53
Fantastic updateChapter 2 - The Journey
Update 24
Mega Update
Word Count: 5415
Estimated Reading Time: 00:27:00
Aaj Sunday ka din tha, Subah ke 8 baje Mansi Mansi apni mithi nind se bahar ajati he. Or wo sabse pehle apna mobile le kar Aksh ko call kar deti he. Waha Aksh kabka jaag chuka tha, Mansi ka call dekh kar wo bhi khush ho jata he.
Aksh: Good Morning Mansi.....
Mansi: Good Morning......
Aksh: kya baat he? Itni subah subah call?
Mansi: hmm..... Wo to bass mera mann kiya ke ek baar tumhari awaz sunn lu....
Aksh: accha? To kesi lagi awaz?
Mansi: bahot hi bekar.....
Aksh: kya?
Mansi: or nahi to? Mene to socha ke Aksh mujhse pyaar se baate karega... Lekin tum to sirf meri baat ka jawab de rahe ho....
Aksh: ohhh.... Chalo to ye narazgi wala silsila shuru ho hi gaya.....
Mansi: ha.... Me hu naraz tumse....
Aksh: to fir batao kese dur karu tumhari narazgi?
Mansi: hmm.... Waise to meri narazgi yu dur nahi hoti, lekin ek chance deti hu tumhe....
Aksh: badi meherbani ji aapki.... Batao kya karu tumhare liye...
Mansi: aaj tum mujhe Date par le chaloge....
Aksh: I'm Sorry Mansi... Lekin me to kisi or ke saath ja raha hu pure din ki Date par.....
Mansi: what...... Kon he wo?
Aksh ki baat sunkar wo kafi gussa ho jati he.
Aksh: Sakshi...... Me aaj Sakshi ke saath ja raha hu, socha use Mumbai le kar jau...
Mansi: ohh... Lekin aise suddenly... Koi problem ho gayi kya?
Aksh: nahi aisi baat nahi he... Wo to bass Sakshi ko bhi time dena important he na....
Mansi: okay... Lekin ye galat baat he...
Aksh: kya galat he?
Mansi: nayi nayi Girlfriend bani he tumhari, use ghumane ke bajaye tum khud gayab hone lage....
Aksh: Mansi ek baat kahu, bura to nahi manogi?
Mansi: nahi me kyu bura maan ne lagi, kaho na....
Aksh: Mansi is duniya me mere liye Sakshi se badhkar or koi bhi nahi he.... Sach kahu to tum bhi nahi..... Lekin iska Matlab ye nahi ke me tumse kam pyaar karta hu, lekin mere liye First Priority humesha Sakshi hi rahegi, kyu ke meri success me sabse ehem kirdar Sakshi ka hi he... Bass itna samajh lo ke Sakshi mere sharir me basa Dil he, or tum us dil ki dhadkan.....
Aksh ki kahi baate sunkar Mansi ka chehra to kisi gulab ki tarah khil uth ta he. Wo aage kuch bol hi nahi pati.
Aksh: hello.... Mansi kya tumhe bura laga jo kuch mene kaha?
Mansi: bilkul bhi nahi.... Infact me apne aap ko bahot hi khushnaseeb samajh rahi hu jo me tumse pyaar kar rahi hu, or Aksh.... Thanks, mujhe apne dil me ek jagah dene ke liye....
Aksh: Thanks To Understand Me.... Or i promise kal ka pura din me tumhare saath spend karunga....
Mansi: okay.....
Aksh: Bye....
Fir Aksh call cut kar ke kitchen me ja kar Breakfast banane lagta he. Kuch der baad Aksh Breakfast le kar Sakshi ke kamre me chala jata he, Sakshi is waqt so rahi thi, or uske chehre par udasi saaf saaf dikhayi de rahi thi. Aksh ja kar Sakshi ko uthane lagta he.
Aksh: Sakshi.... Oye uth ja na jaldi, kabtak soyegi?
Wo Sakshi ke chehre par bikhre balo ko hata kar Sakshi ke gaal sehlate hue kehta he. Aksh ki awaz se Sakshi ki nind turan tut jati he, or jese hi use apne samne Aksh ka hasta chehra dikhayi diya, to uske chehra bhi hasi se khil jata he, jo dekh kar Aksh ko bhi accha lagta he, lekin agle hi pal Sakshi ko yaad agaya ke ab Aksh kisi or ka ho chuka he, or ye baat sochkar uski hasi firse udasi me tabdil ho gayi. Or wo bed par uthkar beth gayi.
Aksh: kya hua Sakshi? Teri tabiyat kharab he kya? Itni der soyi hui thi tu?
Wo pyaar se Sakshi ke sar pe haath ferte hue puchta he. Sakshi to Aksh ko samajh nahi pa rahi thi, ek pal Sakshi ko Aksh ka yahi swabhav accha lagta, to agle hi pal use Aksh ke kisi or se pyaar karne par gussa ajata.
Aksh: kya hua Sakshi? Tabiyat thik he na teri?
Sakshi: ha.... Ha me bilkul thik hu....
Aksh: chal ab Breakfast kar le.... Hume aaj Mumbai jana he...
Sakshi: Mumbai..... Kyu?
Aksh: bass aise hi....
Sakshi: thik he....
Fir Aksh use Breakfast kara deta he, Aksh purr waqt Sakshi se baat kiye ja raha tha, lekin Sakshi ki nigahe sirf Aksh ke chehre ko taak rahi thi. Jese kal ki baat se Sakshi ka pyaar Aksh ke liye tutne ke bajaye, or bhi zyada mazbut ho gaya ho. Or is baat ko khud Sakshi bhi nahi samajh pa rahi thi.
Aksh: chal ab jaldi se ready ho ja, fir nikalte he hum...
Or ye kehkar Aksh Sakshi ke kamre se bahar jane lagta he. Lekin tabhi Sakshi use awaz de kar rok leti he.
Sakshi: Aksh....
Uski awaz sunkar Aksh ruk kar piche mud jata he.
Aksh: ha.....
Fir Sakshi bed se uthkar Aksh ke nazdeek ane lagti he, or fir kass kar Aksh ko hug kar leti he.
Sakshi: I'm Sorry Aksh.....
Aksh: Sorry? Or wo kis liye?
Sakshi: mene kal tujhse pata nahi kesi kesi betuki baate kar li, I'm Sorry Aksh....
Aksh: oye Bavlat.... Ye kya choti choti baato ko le kar beth gayi tu?
Wo Sakshi ke sar pe haath ferte hue kehta he.
Sakshi: nahi Aksh... I'm sorry, lekin mujhe bass yahi darr he ke kahi tu.....
Aksh: Sakshi me teri kasam kha kar kehta hu, apni aakhri saas takk me kabhi bhi tujhe akela nahi mehsus hone dunga.... Ye mera wada he tujhse....
Wo Sakshi ki baat bich me kaat te hue kehta he. Ispar Sakshi bass halka sa muskura deti he. Fir Aksh uske kamre me ajata he, or Sakshi Mumbai jane ke liye tayar hone lagti he. Kuch der baad dono gadi me beth kar Airport nikal jate he.
Sakshi (mann me): me janti hu Aksh, tu apne wade par humesha kayam rahega, lekin jab Sacchayi samne ayegi, tabb tu apni baat se mukar gaya to? Tabb to me jee te jee marr jaungi.... Lekin ab aage kya? Me jitna is bare me soch rahi hu, utni frustration ho rahi he mujhe..... Kya me 2 din Mumbai me hi reh lu? Shayad Aai Baba ke saath rehkar Aksh ne diya dukh kam ho jaye... ha ye thik rahega....
Kuch der baad dono Airport pahoch gaye the, Sakshi Aksh ke samne kuch hadd tak normal behave karne ki koshish kar rahi thi, or usne Gadi se utarte hi Aksh ka haath kass kar pakad liya or aage badhne lagi. Aksh ko bhi relief mil jata he ke Sakshi ab bhi uske saath pehle ki tarah hi pesh arahi he. Lekin wo Sakshi ke dil me is waqt kitna dard tha, ye nahi dekh pa raha tha.
Khair dono Flight me beth kar Mumbai ke liye rawana ho jata he, flight me beth te hi Sakshi apna sar Aksh ke kandhe par rakh deti he, jaha Aksh ise Normal samajh raha tha, wahi Sakshi ne to is liye aisa kiya kyu ke wo Aksh ko apna chehra nahi dikhana chahti thi, kyu ke har kuch der baad Sakshi ko Mansi or Aksh ke bare me khayal ate, or tabb Sakshi ka chehra bilkul udas ho jata.
Waha badalo ke bich me se Aksh or Sakshi Mumbai ja rahe the, lekin yaha Mansi apne kamre me Aksh ke hi sapno me khoyi hui thi, use to ab bechaini si ho rahi thi. Tabb wo uthkar apne kamre me yaha se waha chakkar kaat ne lagti he, or is waqt wo apne or Aksh ke ane wale kal ke sapno ko boon rahi thi, or ye sab sochte hue uske chehre par sharm saaf saaf nazar arahi thi. Or tabhi waha Kiran ajati he, usne 3-4 baar Mansi ko pukara tha, lekin Mansi to apni hi duniya me mashruf thi. Kiran ne paya ke Mansi to pagalo ki tarah apne aap se badbadaye ja rahi thi, tabb wo Mansi ke samne khade ho jati he, or Mansi tabb hosh me ajati he, jab wo samne khadi Kiran se takrati he.
Mansi: m..... Mom.... G.... Good... Good Morning....
Wo apne aap ko sambhalte hue Kiran se kehti he.
Kiran: What Good Morning? Kis se baate kare ja rahi thi tum?
Mansi: me? Nahi to....
Kiran: kya nahi to? Mene tumhe itni awaz lagayi, lekin tum to sunn ne ko tayar nahi thi, or jabb upar ayi to dekha tum to akele hi yaha se waha chakkar lagaye badbadaye ja rahi ho....
Mansi: no... No Mom.... Wo to me bass... Aise hi....
Kiran: Sach sach batao Mansi.... Kya baat he? Kya chupa rahi ho mujhse?
Mansi: nahi Mom me kyu kuch chupane lagi aapse?
Wo Kiran se apni nazre chura kar, piche mudte hue kehti he. Ab Kiran samajh gayi ke koi na koi baat zarur he jo Mansi us se chupa rahi he.
Kiran: thik he.... Matt batao, ab to tum badi ho gayi ho na... ab Apni Maa se thodi na baate share karogi, ab to sabkuch apni Friends ke saath share karogi.... ab to mujhe ummid lagana hi chhod dena chahiye ke tum mujhse apni baate share kiya karogi.... Koi baat nahi, bacche bade ho kar aise hi Maa Baap ko kam ehmiyat dene lagte he... Me to ja rahi hu, bahot thes pahochayi he Mansi tumne aaj....
Wo kafi nirasha bhare swaro me kehti he, or kamre se bahar jane lagti he, lekin Kiran ki ye chaal kaam agayi, kyu ke Mansi jhatt se Kiran ka haath pakad kar rok leti he.
Mansi: Are ye kaha ki baat kaha le gayi Mom aap bhi? Thik he me batati hu....
Uski baat sunkar Kiran mann hi mann hass padti he.
Kiran: to jaldi se batao kya baat he?
Mansi: lekin pehle aap promise karo ke aap mujhe is baat par baar baar pareshan nahi karogi....
Kiran: ha baba nahi karungi, tum pehle baat to batao....
Mansi: wo.... Mom.... Actually me.....
Ab Mansi ko sach batane me bahot sharm arahi thi, or uska chehra sharm ke mare pura laal ho chuka tha, Mansi ko is tarah sharmate dekh Kiran samajh gayi ke daal me zarur kuch kala he.
Kiran: Mansi tum aise Sharma kyu rahi ho? Ek minute...... Kahi tumhe kisi se pyaar to nahi ho gaya?
Wo aakhe chhodi karti hue Mansi se puchti he, ab uski baat par Mansi or bhi zyada sharma jati he, or sharm se apna chehra niche kar leti he.
Kiran: My God..... How it's Possible? Tum thik to hona Mansi? Jo ladki humesha is pyaar ko, uun bechare couples ko taane marti firti thi, aaj wahi ladki is me shamil ho gayi?
Ab Mansi se or bardasht nahi ho raha tha, wo jhatt se bed pe ulti let kar apna chehra takiye me chupa leti he.
Kiran: are ab chehra kyu chupane lagi tum? Pehle bata to do wo ladka kon he?
Wo bed par bethkar Mansi ko uthate hue kehti he.
Mansi: wo..... A..... Aksh he.....
Kiran: kya? Aksh..... bapre Mansi, tum to chupi rustam nikli, humesha pyaar ka mazak udati firti thi na? Ab kese ye chamatkar ho gaya?
Mansi: Mom ab bass karo.... Aapne kaha tha ke aap mujhe aise pareshan nahi karogi....
Wo roti si Shakal bana kar kehti he.
Kiran: accha ro matt.... Warna Aksh ko bura lagega ki uski Girlfriend ki Mom na use rulaya....
Mansi: Mom now enough.....
Kiran: okay Sorry.... Waise accha hua, ab me or tumhare Dad befikar hp gaye..... Waise bhi, Aksh is Good Boy.... Btw apne Dad ko bhi bata dena ye baat.....
Mansi: no..... Me nahi bataungi Dad ko....
Kiran: kyu?
Mansi: wo fir mera mazak udana shuru kar denge.... Me to ja rahi isi waqt bahar, aap khud bata dena unhe....
Kiran: are are ruko.... Sabse pehli baat to tumhare Dad subah hi 2 din ke liye bahar gaye he, or dusri baat, ke is bare me Aman ko tum khud hi bataogi....
Mansi: Mom ye kya baat hui?
Kiran: yahi baat he.... Tum khud apne muh se bataogi.... Or ab jaldi se niche ajao... Apne sapno me matt khoyi rehna....
Wo Mansi ke room se bahar jate hue kehti he. Fir Mansi bhi bass muskurate hue uthkar fresh ho jati he.
Waha plane Mumbai me land kar chuka tha, Sakshi is waqt Aksh ke kandhe par sar rakh kar so rahi thi.
Aksh: oye Sakshi... Uthja..
Sakshi: ahh.... Sone de na shanti se....
Wo Aksh ko or zor se kaste hue kehti he.
Aksh: are pagal, ye Plane humare Baba ne nahi kharida... Uthja jaldi....
Fir Sakshi bemann se uth jati he. Kuch der baad dono apne ghar pahoch gaye the, aaj Sunday hone se Santosh bhi ghar par hi paper padh raha tha, utne me ghar ki door bell bajti he.
Santosh: Radha.... Dekho darwaze pe koi he....
Wo Kitchen me kaam kar rahi Radha se kehta he.
Radha: thoda kaam bhi kar liya karo.....
Wo haath me belan liye Kitchen se bahar ate hue Santosh ke samne khade hoke uska paper hata kar gusse me kehti he.
Santosh: a.... Accha... Tum, tum jao kitchen me... Me dekh leta hu...
Wo Radha ke haath me belan dekh kar darte hue kehta he.
Radha: rehne do.... Dekh rahi hu me....
Fir Radha ja kar darwaza kholti he or samne Sakshi or Aksh khada dekh kar uski khushi ka koi thikana nahi rehta. Or wo jaldi se dono ko gale laga leti he.
Radha: Aksh, Sakshi.... Tum dono.... Are pehle bata to dete ane wale ho....
Aksh: andar to ane de nahi rahi ho Aai tum.....
Radha: are ha me bhi na, ajao andar...... Aaho paha Aksh ani Sakshi aali aahe (dekhiye Aksh or Sakshi aye he)
Santosh bhi dono ko dekh kar kafi khush ho jata he, fir sab akar ek saath beth jate he.
Santosh: aise achanak kese ana hua? Sab thik he na?
Aksh: Ho Baba.... Wo to bass aap dono se milne agaye...
Radha: chalo accha kiya.... Ab aye ho to kuch din yahi ruk jana....
Aksh: nahi Aai.... Hum to aaj raat ko hi wapis chale jayenge.... Mera kaam is waqt apne ehem charan par he... Mera waha hona bahot zaruri he... To filhal yaha nahi reh paunga....
Sakshi: Aai.... Me 2 din ke liye yahi ruk rahi hu...
Uski baat sunkar Aksh ko accha nahi lagta.
Aksh: or tera College?
Sakshi: to... 2 din chutti le lungi... Usme konsi badi baat ho jayegi....
Radha: sahi kaha.... Sakshi, ek hafte takk ruk jana yaha...
Sakshi: nahi Aai.... Wo exams bhi ane wale he, to itne waqt takk nahi ruk paunga, bass 2 din baad fir se jana hoga....
Radha: accha? chalo Thik he....
Santosh: ab aye ho to chalo kahi ghum kar ate he...
Aksh: okay, aap tayar ho jayiye.... Me bass Karim Chacha se milkar Ata hu....
Santosh: thik he....
Fir Aksh apni bike le kar Karim ke paas chala jata he. Waha Karim apne kaam me laga hua tha, or piche se Aksh apni bike laga kar andar ajata he.
Aksh: kitna kaam karoge chacha? Thoda aram bhi kar liya karo.....
Uski awaz sunkar Karim piche mudkar dekhta he, or Aksh ko waha dekh kar use kafi khushi hoti he.
Karim: are Aksh..... Tu kab aya?
Wo Aksh ko gale se laga kar puchta he.
Aksh: bass abhi abhi aya hu chacha... Aap kese he?
Karim: upar wale ka shukar.... Haath pair bilkul sahi salamat he.... Tu bata, tera kaam kesa chal raha he?
Aksh: bahot hi badhiya....
Karim: wo to chalega hi na.... Upar wale ka haath he tere sar pe... Or is wajah se tera yaha ka business bhi bass badhta hi ja raha he....
Aksh: chacha yaha ka business mere akele ka nahi he... Uska sara credit sirf or sirf aap ko hi jata he...
Karim: are kya tu.... To kabtak he tu yaha?
Aksh: bass aaj raat nikal jaunga.... Mera waha hona bhi bahot zaruri he...
Karim: chal koi baat nahi....
Aksh: ek minute.... Aapke liye kuch laya tha me.... Ye lijiye....
Wo apni jeb se ek box nikal kar Karim ko dete hue kehta he.
Karim: ye kya he Aksh?
Aksh: khol kar dekh lijiye.....
Fir Karim us box ko khol deta he, or us box me ek Gold plated Watch thi.
Karim: abe, ye kya?
Aksh: pasand ayi?
Karim: beta ye bahot hi mehengi lagg rahi he...
Aksh: yaar aap uski chinta matt karo...
Karim: lekin....
Aksh: chacha jab aapne mujhe wo bike di thi, kya tabb mene mana kiya? Ab aap bhi mana matt kijiye, or ye rakh lijiye....
Karim: sach me.... Bada ho gaya Aksh tu....
Wo ek badi si muskurahat ke saath Aksh ke sar pe haath ferte hue kehta he.
Aksh: or ye lijiye.... Isme Chachi ke liye locket he...
Karim: ab ye....
Aksh: please rakh lijiye na.... Lekin iske badle mujhe kuch chahiye....
Karim: kya?
Aksh: chachi ke haath ki biryani.... Raat ko Surat jane se pehle Biryani kha kar hi jana chahta hu....
Karim: are zarur.....
Fir dono Karim ke ghar chale jate he or wo kuch der takk yaha ke business ke bare me bhi bate karte he, yaha par business zyada badh gaya tha, jis se Karim par kafi load tha, lekin Karim apne pure mann se kaam karta tha, jab Aksh ko ye baat Karim ki patni se pata chali ke kaam ke chakkar me Karim kafi thak jata, der der takk kaam par laga rehta to Aksh yaha kuch logo ko appoint kar deta he, jis se sabkuch thik se chal paye. Kuch der baad Aksh ko ghar se phone ajata he, or wo sab milkar bahar chale jate he.
Sakshi pura waqt Radha or Santosh ke hi saath thi, kyu ke tabhi uske dil ko thoda sukoon milta. Warna to Aksh ko dekh kar wo bass udas ho jati.
Khair, sham ko sab ghar pe agaye the, Sakshi or Aksh is waqt apne ghar ki chatt par bethe hue the.
Aksh: accha Sakshi, 2 din baad me ajaunga tujhe lene ke liye....
Sakshi: Aksh humare paas paisa he iska Matlab ye nahi ke use bass udana hi chahiye.... Kyu bewajah ka kharcha karna chahta he tu? Me ajaungi akele....
Aksh: Lekin....
Sakshi: mene kaha na me ajaungi.... Tu bass apne kaam par dhyan de....
Aksh: thik he....
Aksh Sakshi se kuch kehna chahta tha, lekin tabhi use Mansi ka call ajata he, wo jaldi se call pick kar ke Sakshi se alag ho kar baat karne lagta he, Sakshi samajh gayi ke Aksh is waqt Mansi se hi baat kar raha he, tabb Sakshi uthkar niche chali gayi, or Radha ko bata kar ke wo Neha se milne ja rahi he ghar se bahar chali gayi. Kareeb 6 baje Aksh Karim ke ghar chala jata he, uski flight 8 baje thi, isliye wo Karim ke ghar se khana kha kar apne ghar chala jata he sabse milne. Lekin waha Sakshi abtak ghar nahi ayi thi, to Aksh use call kar deta he.
Sakshi: Ha Aksh bol na...
Aksh: kya bolna? Kaha he tu?
Sakshi: wo me.... Ah... Me apne dosto se milne ayi thi....
Aksh: Sakshi mujhe abhi nikalna he, or tu yaha honi chahiye thi....
Sakshi: tu.... Tune batana chahiye tha na teri flight kitne baje he...
Aksh: ab chhod wo sab, jaldi se ghar aja.... Me Tujhse mile bagair nahi jane wala....
Sakshi: ye kya keh raha he Aksh tu? Ab me to apne friends ke saath kafi dur agayi hu, mujhe ane me kitna waqt lagg jayega, fir teri flight bhi miss ho jayegi....
Aksh: koi baat nahi.... Tu aja...
Sakshi: ab Maaf kar dena Aksh.... Mujhe agar pata hota ke tujhe is waqt jana he to me ghar pe hi ruk jati na....
Aksh: Sakshi ye sachme galat baat he...
Sakshi: Sorry Aksh.... Waise bhi me.. me 2 din baad ajaungi na....
Uski baat sunkar Aksh ka mood bilkul ukhad gaya tha, usne bina kuch kahe call disconnect kar diya.
Aksh: Aai, Baba.... Me nikal raha hu....
Radha: thik he beta Aram se jana....
Aksh: ho Aai....
Santosh: kya hua Aksh? Tu udas kyu lagg raha he?
Aksh: nahi wo to bass, me rukna chahta tha... Lekin kaam ki wajah se nahi ruk pa raha hu to....
Radha: chal ab koi baat nahi, agli bar pure hafte ka intezam kar ke hi ana...
Aksh: thik he..... Chalta hu.....
Fir Aksh bemann se Airport chala jata he, or Flight me beth kar rawana ho jata he Surat ke liye.
Lekin waha Sakshi ka kuch or hi haal tha. Darasal Sakshi is waqt pahadi ilake me akeli bethi hui thi, jese hi Aksh ne gusse me call kaat diya to Sakshi rona shuru kar deti he.
Sakshi: me kya karu Aksh? Me nahi jatana chahti ke mujhe tere or Mansi ke rishte se kitni takleef ho rahi he.... Kese batau mera dil kitna dukhta he ye sab soch kar.... kese......
Kafi der takk Sakshi waha akele beth kar roti rehti he, or kisi tarah apne aap ko sambhal leti he. Use ghar pahochte pahochte kareeb 9 baj gaye the. Wo ghar ja kar khana khaye bina hi sone ki koshish me lagg jati he, lekin kya kare? Jab dil tut ta he to nind pata nahi kaha gum si jati he. Kuch yahi haal is waqt Sakshi ka tha. Wo bass karvate hi badal rahi thi.
Waha Aksh 9:30 ke kareeb apne ghar pahoch gaya tha, usne jate hi Mansi ko call kar diya. Waha Mansi ne Aksh ke liye kuch socha tha.
Mansi: chalo, Aksh ko surprise deti hu....
Wo apne mann me sochte hue muskurane lagti he, or ja kar kapde change kar leti he.
Mansi change kar ke Kiran ke paas ajati he.
Mansi: Mom.... Me.... Me Diksha ke paas ja rahi hu....
Kiran: itni raat ko?
Mansi: h..... Ha.... Wo.... Wo hum sab friends aaj raat... Uske ghar hi rukne wali he....
Uski baat sunkar Kiran ko yakeen ho gaya ke Mansi jhut bol rahi he. Tabb wo Mansi ki thodi firki lene ka sochti he.
Kiran: thik he.... Chali jao....
Mansi: thanks Mom.....
Fir wo Kiran ke kamre se Khushi khushi bahar jane lagti he, lekin tabhi Kiran use rok deti he.
Kiran: Are Mansi, yaha ana jara.....
Mansi: ha Mom....
Kiran: Aksh or Sakshi Mumbai gaye hue he na? To wapis kab ane wale he?
Mansi: Mom..... Wo to.... Wo to 2 din wahi rehne wale he...
Kiran: accha? Ek minute.....
Or ye kehte hue wo apna phone nikal kar Aksh ko call kar deti he. Or speaker loud kar deti he.
Aksh: Hello....
Mobile me Aksh ki awaz sun kar Mansi ki saas hi atak gayi thi.
Kiran: ha Aksh.... Tum Mumbai se kab arahe ho?
Aksh: Aunty.... Me to bass kuch der pehle hi agaya...
Kiran: accha? Mansi to keh rahi thi tum 2 din wahi rehne wale ho....
Aksh: actually Sakshi 2 din ke liye wahi ruk gayi he... Me apne kaam ki wajah se wapis agaya....
Mansi(mann me): Aksh..... babuchak, tum me dimag hi nahi he.... Budbak...
Kiran: chalo thik he beta.... Waise jaldi ghar ajao Dinner ke liye...
Aksh: Aunty mene Dinner kar liya he.... Thanks...
Kiran: Okay beta....
Fir Kiran call kaat deti he, or uthkar Mansi ke nazdeek ajati he.
Kiran: Diksha se puchu call kar ke?
Ab Mansi puri tarah se Sharminda mehsus karne lag jati he, jo Kiran bhi dekh leti he. Lekin Kiran bass Mansi ko pareshan kar rahi thi, na ke use Sharminda kar rahi thi.
Kiran: are Mansi tumhe kya ho gaya? Me to bass tumhe pareshan kar rahi thi... Bata deti ke Aksh se milne ja rahi ho, me thodi na rokti tumhe.... I Know My Mansi very well..... She is very Mature.....
Wo Mansi ke sar pe haath ferte hue kehti he. Lekin ab bhi Mansi ke andar Hesitation thi.
Kiran: Mansi.... Go..... Or ha kal ana, to Aksh ko saath le kar ana...... Jao ab....
Wo Mansi ka chehra upar karte hue kehti he. Fir Mansi kass kar Kiran ko Hug lar leti he.
Mansi: Love You Mom.....
Kiran: Love You Too Beta.....
Fir Mansi gadi le kar nikal jati he Aksh ke ghar. Kuch der me wo Aksh ke ghar pahoch gayi thi, Aksh ne jab Darwaza khola to Samne Mansi ko dekh kar heran ho gaya, lekin Mansi ne gusse me Aksh ka gala pakad kar daba diya.
Mansi: Babuchak..... Ek number ke Babuchak ho Aksh tum..... Sahi kehti he Sakshi..... Pagal.....
Aksh: are mene kya kiya wo to batao....
Mansi: kya kiya? Mujhe kitna Sharminda karwaya pata bhi he tumhe?
Aksh: accha.... Pehle... Pehle shanti se puri baat to batao mujhe Manu.....
Uske muh se apne liye ek naya naam sunkar Mansi ka sara gussa kahi kho sa jata he. Or uski pakad bhi is wajah se dhili pad gayi. Aksh ne pehle use ghar ke andar kiya, or Darwaza band kar ke use sofe par bitha diya.
Aksh: ab batao... Kya kiya mene?
Mansi: pagal.... Tumhe pata he, mene socha ke me aaj tumhare saath hi rahungi, or mene Mom se jhut kaha ke me Diksha ke ghar ja rahi hu, Mom ne tumhe call kiya to tum to sabkuch batate hi chale gaye.... Pagal...
Aksh: ohh.... I'm Really Sorry Mansi.... Lekin mujhe batana chahiye tha na....
Mansi: me to tumhe surprise dena chahti thi....
Wo masum sa chehra bana kar Aksh se kehti he.
Aksh: mujhe bahot pasand aya tumhara Surprise....
Wo Mansi ka chehra apne haatho me thamkar kehta he, or pyaar se uske mathe par chum leta he. Fir kuch der takk dono pyaar bhari baate karte hue beth jate he, or kareeb 11 baje wo uthkar Aksh ke bedroom me chale jate he.
Aksh: mere saath hi sona pasand karogi ya alag?
Mansi: hmm.... Ab to humesha ke liye ek ho hi gaye he na hum.... To fir alag alag sone me kya rakha he...
Wo apni bahe Aksh ke kandhe par dalte hue kehti he.
Aksh: thik he... To Sakshi ke kamre me ja kar uske kapde pehen lo....
Mansi: thik he...
Fir Mansi Sakshi ke Closet se uski ek crop T-shirt or shorts pehen kar Aksh ke kamre me wapis ajati he.
Dono is waqt bed par lete hue apas me bate kiye ja rahe the, lekin ab dono ke chehre ek dusre ke kafi nazdeek the. Dono hi ek dusre ki garm chalti saaso ko mehsus kar pa rahe the. Tabb Mansi apne ek haath Aksh ke chehre par rakh deti he. Mansi ke haath bhi jese koyle ki aag me jal rahe the, Aksh apna ek haath Mansi ki kamar par rakh deta he. Aksh ka sparsh hote hue Mansi ek lambi si saas bhar kar apni aakhe band kar leti he. Aksh dhire dhire Mansi ke honto ki taraf badhe ja raha tha, or fir dono ke hont ek dusre se mil jate he, kuch der takk bass ek dusre ke honto ko chumte rehne ke baad Mansi Kiss tod kar Aksh ke upar let jati he, or firse Aksh ko kiss karne lagti he, lekin is baar is kiss me kuch zyada hi takat thi. Dono ab kafi zor zor se haaf rahe the. Mansi ne apni ungliyo se Aksh ka T-shirt pakad kar upar kar diya, or use nikal kar niche fek diya. Aksh ke badan ki garmi me Mansi ka moum jesa sharir pighalne laga tha. Or wahi haal Aksh ka bhi tha, wo bhi ab Mansi ka T-shirt pakad kar use nikal fekta he, is waqt Mansi ka makhmali badan Aksh ki aakho ke samne tha. Aksh Mansi ko gardan ke piche se pakad kar use fir se kiss karne lagta he, or fir use apne niche la kar Mansi ke neck par humla kar deta he, jese hi Aksh ke hont Mansi ke gale ko chhute he, to Mansi ke liye ye waqt jese tham sa jata he. Use to ab kisi baat ka hosh nahi tha. Aksh ab Mansi ke pure badan ko chum raha tha, or Mansi ko bilkul saha nahi ja raha tha, bass kuch hi palo me uska sharir akadne laga or wo zor zor se haanfte hue apna sharir dhila chhod deti he. Aksh bhi Mansi ko Normal feel hone takk ruk jata he. Or bass Mansi ke upar let jata he.
Mansi: kya hua Aksh?
Aksh: kuch nahi.... Mansi me bass tumse jaan na chahta hu ke tum sachme in sab ke liye tayar ho?
Wo Mansi ka chehra apne haatho me thamkar puchta he.
Mansi: Aksh, i trust you more than anything.... Tumhe jo thik lagega, I'm agree with your decision....
Aksh: Mansi tumne Aunty ko to bata diya... Lekin uncle ko ye baat nahi pata he na?
Mansi: Dad 2 din baad ayenge, tabb me unhe bata dungi....
Aksh: Mansi i think abhi ye sab karna jaldbazi hogi... Because mene bhi abtak Aai Baba se tumhari baat nahi ki he.... If you don't mind agar hum filhal ke liye is se aage na badhe to?
Uski baat sunkar Mansi ke chehre par muskurahat cha jati he, kyu ke wo samajh gayi thi ke Aksh bahot sensible he. Or is baat se Mansi ke dil me Aksh ke liye pyaar or bhi zyada badh gaya.
Mansi: I Agree With You.... But ek chiz me nahi rok sakti.....
Aksh: what?
Mansi: This.....
Or ye kehkar wo Aksh ko zor dar kiss karne lagti he, Aksh bhi bass Mansi ka saath de raha tha.
Raat ke 12 baj chuke the, Waha Sakshi sone ki koshish karte karte thak chuki thi, isliye wo chatt par ja kar beth jati he. Use bahot mann kar raha tha Aksh se baat karne ka, tabb wo Aksh ko call kar hi deti he. Waha jese hi Aksh ka phone baja, Mansi ne Aksh ke phone lene se pehle hi call dekhe bina kaat diya, or phone ko table par rakh diya. Lekin us se ek galati ho gayi, usne galati se call pick kar liya tha. Sakshi ko bass waha Mansi ki Moaning ki awaz arahi thi, or wo itni bhi bewakuf nahi he, ke is se wo samajh na paye ke waha kya ho raha he. Ye sab sunkar Sakshi ki duniya to jese kisi tinke ki tarah bikharne lagg gayi thi. Or uski aakho se tezi se aasu ane lage, Sakshi gusse me apna phone zameen par patak kar tod deti he. Or wahi beth kar rona shuru kar deti he.
Sakshi (mann me): kyu ho raha he ye sab mere saath hi? Kya gunah kar diya mene Aksh se pyaar kar ke? Kyu itni buri saza mil rahi he mujhe mere pyaar ki? Mansi.... Tumne hi china he mere Aksh ko mujhse.... Me kabhi maaf nahi kar sakti tumhe... Kabhi nahi..... Ek hi to baar manga tha bhagwaan se kuch.... Wo bhi chinn liya mujhse.... Wo bhi chinn liya....
Yaha Sakshi raat ke 3 baje takk chatt par hi roti rehti he, pure waqt Sakshi ki aakho se aasu thamne ka naam nahi le rahe the. Or akhir kaar raat ke 3 baje uski himmat jawab de jati he, or wo bass jese tese zindagi kaatne ke bare me sochne lagti he.
Wahi dusri taraf aaj Aksh ki baho me Sakshi ki jagah Mansi ne le li thi, wo to Aksh ki baho me itna sukoon mehsus kar rahi thi ke use kabhi is tarah ka sukoon milne hi nahi wala. Wahi Aksh bhi is naye rishte se khush tha, uski zindagi me bhi Mansi khushiyo ki bahar le kar ayi thi.
Ek taraf khushiya to dusri taraf sirf or sirf dard, kya Aksh sach me Sakshi ka dard nahi dekh pa raha tha? Ya fir Mansi ke pyaar me use Sakshi ka dukh bhi kam lagne laga tha? Wahi Sakshi ne to jese haar maan li thi, par use Mansi ka samna to karna hi tha, kya wo apni jalan Mansi se chupa payegi? Kya Mansi jo Sakshi ko apni best friend manti he, wo Sakshi ka dard samajh payegi? Ab jo bhi hoga, ane wale Updates me pata chal hi jayega.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
..
..
