UPDATE 14
In kuch hafto me bahot kuch ho gaya tha.
Maine bahut kuch apne baare me adhyayan kiya ki mujhe kya karna chahiye .
Bhabhi ke liye gussa to tha hi par mujhe Andaja bhi mil gaya ki mujhe ab kya karna chahiye.
Bhabhi jarur mere sath rishtaa banana chahti thi . Jo ki me ab jaan paa Raha tha.
Par sawal ab bhi tha ki , Kisase vo badla Lena chahti hai . Mere to dono mama is tarah ki chije bilkul nahi karte honge vo kyu kisi ka khun karenge . Vo to mere dadaji ke dost the .mere dadaji ne hi to unke khatir rukhmini ki shadi kaushik se karvayi thi .mene to kisika kuch nahi bigada to mujhse kya badla legi .
Kahi ye raaj mere mata pita se to nahi juda jis vajah se vo hamare parivaar se nafrat karti hai .mere man me behad ghamasan chal raha tha .
Kyu ki me kisi bhi baat ka yaha sense nahi bana paa Raha tha .f*ck all them . Mujhe koi farak nahi padta jo hoga dekha jayega . Idhar vo nandkishor aur uski biwi ,vo kya karne vale kya pata .
Nandkishor ko mere bare me pata chal gaya to jaan jaana pakka hai .
Yahi sab sochte hue me college jaane ke liye nikal Gaya.
" Tune apna student I'd card nikala"
shubham bola .
" Nahi mujhe nahi pata ye kya hai ?, Kyu tune nikala kya " maine pucha .
" Haa kuch din pahle hi , tu bhi nikal de jyada kuch nahi hai bass hamne form jaha se bhara tha vaha se card Lena hai .bahut ladko ka raha hai lene ka ,mujhe vo urgent library ki vajah se chahiye tha isi liye me nahi ruka varna tere sath hi lene vala tha "
Shubham bola .
" Haa, pata hai sab , yaar thoda ruk jata to kya hota vaise konsi padhai kar raha hai tu."
" Abe isme itna kya hai yaar , bass card mangna hai aur lena hai "
" Haa , lekin behad jaan pe aata hai "
" Jyada natak mat kar , abhi lele varna hallticket ke vakt jab ye card nahi hoga to aur bhi mushkil hogi "
"Thik hai dekhta hu "
Kuch der baad me break me office me gaya , vaha pe puchne par pata chala ki sare students I'd unhone payal deshmukh ma'am ko diye hai , yaha pe roj line lagti rahti thi har class se to isi liye hamare class ke unhi ke pass hai.
Payal deshmukh ma'am pahle din se strict ma'am thi . Unki class me koi bhi badmashi nhi karta tha .aur unka thodi-thodisi baat par students par gussa hona unki aadat thi .
Jab me unke department ke office me gaya Vaha par pahle se 10-12 log the . Bhid dekhkar samaj Gaya ki unhe sirf hamare class ke nahi to pure department ke bachho ki ID's di thi ,kyuki vo sabke signature bhi rahi thi aur upar usme Suresh aur Rocky bhi the .
Line me jab laga ,to suresh ne meri taraf ghin aane vaale najro se dekha aur Rocky ko kuch batane laga .Rocky ko college ke sab bachhe jante the politician ka beta jo tha .
un dono ne meri taraf dekha aur meri taraf dekhkar muskurakar 'hii ' kiya .me samjh raha tha ki ye kuch karne vale hai .
Usne apne piche vale ko kuch samajhane ki koshish ki . shayad vo Maan nahi Raha tha, Jab vo mana to vo dono line me sidhe khade ho gaye line itni lambi bhi nahi thi lekin unki baate ma'am ki vajah se dhire dhire ho rahi thi .
Mujhe ab kuch thik nahi lag raha tha ki ye kya kar rahe hai . Mujhe jab samaj aaya ki inka kya plan tha tab tak der ho gayi .
Adhi line ko dhakka mila aur vo sidhe ma'am ke upar aa gayi .
Ma'am dhadaam se kursi se gir gayi aur unka chasma jo vo pahne hui thi vo gir gaya.
Ladke khade hue hasne bhi Lage .
Ye sab behad jaldi hua lekin khade hue ladko me se ek ladka bola .
"Aaditya dhakka kyu Diya yaar "
Main vaise to us ladke ko jaanta tak nahi tha lekin me kuch bolta,kyuki sab log meri aur hi dekh rahe the .
To tab tak ma'am uth gayi aur gusse se mujh par chillane lagi .
Unke hath me tuta hua apna chasma lekar gusse me chilla rahi thi ki ' ye umar masti karne ki ' ,Mai kuch bolta lekin meri baat vo sunne ko tayyar bhi nahi thi .vo behad gusse me thi .
Unhone mera pura naam puchaa. Naam me nahi batane vala tha lekin suresh ne bata diya .
" To aaditya agar tumhe apne student I'd ko bhul jao , tumhe nahi milne vaali . Ab me dekhti hu .tum kis faculty ke pass jaate ho . Lekin yaad rakho ki kal se tum naa mere lecture me aaoge agar aaye bhi to bhi me tumhari absenti hi likhungi ."
" Ma'am par isme meri koi galti nahi hai "me aage kuch bol pata tab tak meri baat bich me hi kat di gayi
" arey kitne battmiz ladke ho to , sab log tumhara naam le rahe aur tum jhut bol rahe ho , ab kal se tum mere lecture me kabhi mat dikhana , agar tum aaye to me tumhe college se suspend kar dungi mujhe mere college me total discipline chahiye "
" Lekin ma'am " meri baat is baar bhi nahi suni .
" Lekin vekin kuch nahi ab jao yaha se varna mujh se bura koi nahi hoga "
Me vaha se Jane laga jate vakt mene suresh ki aur dekha vo aur Rocky has rahe the .mene gusse me unki aankho e aankhe daalkar vaha se bahar nikala . Suresh ne niche se middle finger dikhaya .
Me vaha se gusse se class me chal aaaya . Class me Shubham nahi tha , Aditi aur kavya hi thi . matlab shubham Renuka ke sath tha . Mujhe is tarah gusse me dekh Aditi mere pass aayi ,uske sath kavya bhi .
" Aaditya kya hua tum is tarah se gusse me kyu ho " kavya ne pucha .
" Kyu Naa hou mera naseeb hi bura hai "
" Aisa kya hua naseeb ko " kavya ne haste hue kaha ,lekin Aditi ne use aankhe dikhayi .
" Naseeb jaisa tha vaisa hi bachpan se badla nahi .meri galti naa hokar bhi mujhe saja milti rahti hai "
" Kyu Aisa kya hua , kisike sath jhagada hua kya? " Aditi ne pucha.
" Kuch nahi Payal ma'am ne mujhe unke lecture me aane se mana kar diya hai "
" Kyu? " Kavya ne chintit hokar pucha .
Aaditya baat batane hi vala tha lekin uske dhyan me aa gaya ki Kavya suresh ki hi bahan hai . Isiliye bolne se rah gaya .
" Kuch nahi , unhe misunderstanding Hui hai main ST Id lene Gaya lekin tabhi ladko ne masti ki aur ma'am ne pure bachho ka gussa mujhpar nikal diya "
" Tumne kuch kahna chahiye tha na?" Kavya genuinely chintit lag rahi thi Aaditya ke liye .
" Kaha , lekin kuch fayda nahi hua . Unhone baat hi nahi suni Student I'd to mili nahi lekin suspension ki dhamki bhi mil gayi "
" Suspension?" Aditi ko jaise ekdum se dhakka hi laga ho .
" Haa"
" Tum tension mat lo mere bhaiya ko kahti hu vo teacher ko mana kar tumhari ST Id Dede denge " uski baat uski sunkar me aur gussa ho gaya mera reaction dekhakar Aditi samajh gayi .me us par bhadak uthata tab tak Aditi bich me bol padi .
" Rahne do , tumhare bhaiyya ko mat pareshan Karo ham hi mil kar kuch Koshish kar te hai "
" Tumhe lagta hai ma'am hamse maan jayegi , bhaiya hamare senior hai unse ma'am thodi freely baat karti hai shayad Maan jaaye upar se Samantha didi bhi hai "
" Mujhe nahi lagta in sab ki jarurat padegi , me khud hi dekh lunga tum dono tension mat lo " maine kaha .
" Nahi ,tum bhi tension mat lo mujhe nahi lagta ki vo suspend karegi tumhe itne chote se issue par , kuch dino baad aapas shant ho jayegi , students ka nukasan nahi hone dengi itni choti si baat ke liye " Aditi boli .
Kuch vakt tak unki baate aise hi chalti rahi . Kavya par ek vakt uske Bhai ka gussa nikalne vala tha lekin vo genuinely meri madat karna chahti thi .
_______________
" Papa , aap mujhse pyar nahi karte " Ramesh apni ladli rukhmini se gussa hone kaa natak kar raha tha .
"Rukhmini main kisi se pyar kyu karunga bhala ,meri koi baat sunta hi nahi hai "
Ye baat sunkar uski chhoti si ladli ne apni kamar par hathrakh kar Gaal phugaye hue khadi ho kar kaha .
"Rukhmini , aap to kabhi mujhe rukhmini kah ke nahi bulate , me aapki 'rakhu' hu ,'rakhu' bolo varna mujhse bura kuch nahi hoga "
" Meri rakhu is tarah se mujh par chillati nahi hai , vo school jaati hai roj tumhari tarah ghar par nahi rahti "
Apni pita ki baat sunkar us nanhi rukhmini ka to jaise dil hi tut gaya , vo vaha se gusse se ghar ke andar chali gayi .
Ramesh ka apni beti ke sath gussa hona chalu hi rahta tha bina Ruthe vo uski koi baat nahi maanti thi. Ye usase apne kaam karvane ka tarika tha . Vo jaanta tha ki aaj din bhar usase gussa rahega to kal jarur school jayegi .
Vo isi soch par muskura raha tha ki use andar se kuch girne ki aavaj aayi .
Vo jhat se andar gaya dekha ki rukhmini apni per ko pakad kar ro rahi thi . Use thokar lagi hai ye Ramesh ko samjhte der nahi lagi aur vo sidhe uske pass chala gaya .aur use uthakar sidhe khat par baitha diya . Aur kuch der naa karte hue ,jaha anguthe par khun laga hua tha vaha par malam aur patti lagani chalu ki . Malam lagate vakt rukhmini chilla jarur rahi.
" Ro mat rukhmini , dard baith jayega , jyada der tak nahi rahega ''
Rukhmini Ramesh ki baat sunkar haath per marne chalu kiye .aur rone lagi .
" Jaao yaha se mujhe nahi lagana malam vagere , aap ko to mujhse pyar hai hi nahi muje itna lga phir bhi aap abhi bhi mujhe rukhmini kah ke nahi bula sakte "
" Ab jyada natak mat karo aur malam lagane do "
" Jao aap ko to mujhse pyar hi nahi hai rahne do "
" Rukhmini bola na jyada natak mat karo , agar tumhare jagah koi aur bhi hota to me use malam patti lagwata to iska matlab ye nahi hai ki main usase pyar karta hu "
" Papa aap bahot bure ho "
Ramesh muskuraya aur rukhmini ke anguthe ko malam lagaya. Rukhmini ka angutha ek kapde se bandh diya .
" Ab chupchap yahi raho jyada idhar udhar karne ki koi jarurat nahi hai "
Rukhmini ne jaanbujhkar uthne ki koshish ki par Ramesh ne gusse se aankh dikhayi .
" Rukhmini maine kaha na , aur kal agar school nahi gayi to dekh lena main kabhi tumse baat nahi karunga "
Rukhmini ne apna sar niche kar diya. Tabhi uski maa nirmala vaha aayi.
" Baapre aaj Rukhmini , lagta hai Aaj kisike papa kisise gussa hai "
Rukhmini ne apni badi badi aankhe apni maa ko dikhayi .
" Kal agar ye phir se school nahi gayi to dekh lena me kabhi bhi isase baat nahi karunga "
" Papa lekin aaj hi ke din to me nahi gayi school aap jyada hi gussa ho rahe hai , mujhe itna jyada lag gaya phir bhi dekho maa mujhe hi daant rahe hai "
" Beta ye kaise laga " nirmala ne jab rukhmini ke per ke anguthe ko bandhe hue dekha to chinta se puchne lagi .
" Tum chinta mat karo nirmala mene malam laga diya hai ,aur isko itna laad pyar se rakhne ki koi jarurat nahi hai "
" Lekin papa Aaj hi to nahi gayi"
" Baat sirf school jaane ki nahi beta jimmedari ki bhi tumhe har roj samjna chahiye ki tumhe kya karna hai , masti maje se upar bhi duniya hai "
" Maa dekho na "
" Aap bhi na ye itni choti si to hai use itni badi badi baate bata rahe ho , aur haa vo aapko vishwanath ji bula rahe the . Vaha jao me aapki ladli ko samjha dungi "
Ramesh vaha se sidha Vishwanath ke yaha gaya , vishwanath apne Ghar me andar baitha hua tha .uske kamare me gaya .
" Aao Ramesh, tumahari hi rah dekh raha tha "
" Kyu kya kaam tha malik "
" Are chodo yaar kya malik malik kahte rahte ho "
Ramesh is baat par haste hue majak karte hue bola .
" Ab aap umar se bhi bade hai aur haisiyat bhi "
" 'Aap' , maar khayega Ramesh tu , tu bhalehi mere bete ki Umar ka hai Lekin dost hai tu mera 10-15 saalo me tune jo bhi mere liye kiya hai utna to koi apna bhi nahi karta "
" Kyaa aap bhi ?"
" Sach me yaar tum shayad mujhe dost naa manta ho lekin jab apne dhoka dete hai tab hi sach me apna kon hai pata chalta hai "
" Aap hai mere dost mene kitni baar kaha hai , mujhe kuch lagta hai to me sidhe maang leta hu lekin aapka beta bhi mere umar ka hai bhalehi aap jitne mere dost hai utna naa ho lekin phir bhi ajib lagta hai "
" Haa ab ajib lagta hai , lekin mera beta jis aurat ke sath sambandh rakhta hai use mere liye jodte vakt ajib nahi lagta "
" Isme ajib kyu lagega aap mere liye ek parivar ka hissa hai , aur vo aurat Kanhaiya ki biwi thodi hai jo mujhe ajib lagega , aur upar se aapko to pata hai kanhaiya aur Narendra kitne gire hue ladke ... Maaf karna vo matlab nahi tha "
" Maafi mat mango mujhe bhi pata hai Mera damad narendra aur kanhaiya kitne gire hue hai , lekin us hisab se me jyada gira hua hu "
" Nahi aap kisi ko nuksaan to nahi pahunchate "
" Haa vo bhi hai , lekin kanhaiya bhi kaha kisi ko nuksaan pahuchata hai "
" Aap uske pita hai is liye aap se kuch baate chhup jaati hai , lekin isme bahut aage nikal chuka hai "
" Haa bass ye baat meri Bahu Rama tak naa jaaye, vo to jaan lutati hai , aur meri beti bhi narendra pe jaan lutati hai , par parivar ko todna achha nahi lagta varna kuch log apne hawas ko pyar ka naam dekar parivar tod de te hai "
Ramesh samajh Gaya ki ye kis taraf ishara hai , lekin vo aaj us baat bahas nahi karna chahta tha jo aadmi baat sunne ko tayyar hi nahi hai uske aage maatha phod kar kya kare .
" Jaane do , vaise tumne Jo jamin dekhi hai usi aadmi ne kanhaiya ko bhi jamin dikhayi hai , uske sath jaana me use paise de dunga vo tumhare jamin ki khareed dari bhi kar dega "
" Thik hai "
Kuch der me vo raste se dono vishawanath ki gaadi se nikal Gaye .
" Ramesh to yaha se chale jaao me devkala se mil kar aata hu "
Ramesh muskura diya aur Vishawanath bhi.
Ramesh raat ko apni biwi ke sath baitha hua tha .
" Ji aap aaj bahut hi jyada stict ho gaye the bechari par , kah rahi thi kal agar aapne use rakhu nahi kaha to mujhe dikha dengi."
" Haa , mujhe bhi lag raha hai strict hu par kya karu meri eklauti beti hai me use abhi nahi to jindagi bhar khush dekhna chahta hu "
" To phir aapka saara kaam ho gaya hai jamin kaa "
" Haa ho Gaya , vishwanath ji bol rahe the Kanhaiya bhi usi aadmi se shahar me jamin le raha hai to sath me jaayenge aur le lenge "
" To phir aage kya socha hai "
" Aage ka to tumhe pata hi hai , shahar me mene nokari dekhi hai , vahi par job karunga , vahi par hamari beti padhegi aur is gaao se chutkara "
" Haa ,lekin aapka gao chodne ka man hai "
" Gao me bhalehi hamari logo ke sath yaade ho lekin insaan unnati shahar me hi ho sakti hai , aur yahi to hamara sapna hai jab se ham college me the tab se "
Nirmala ab Ramesh ki chhati si lipat gayi
" haa , me bhi vahi chahti hu , hamara ek chota sa parivar ho ,bas ham tin bahar ki duniya se hame koi rok tok nahi hamari beti padhe , tum ek fix time par kaam Karo naa ki aadhi be raat ko khet me jaao din - raat vahi kaam Karo . "
" Kyu ? Tum kahna chahti ho ki main tumhe time nahi de pata "
" Haa, mujhe tum din bhar apne pass chahiye bass "
" To me yahi to karne ki koshish kar raha hu , bass kuch hai din ki baat hai phir tumhe kuch dino ki chutti le kar tumhare upar hi leta rahunga " ye kahte hue Ramesh ne apne sharir se Nirmala ko dhal diya .
"Mummy , ye papa aap par kyu lete hai " Rukhmini ke avaj aate hi jaise dono hadbadi sidhe hue .
" Kyu kya hua beta soyi nahi tum "
" Vo mujhe papa aur aapke bich Sona hai "
Ye kahte hue donoke bich me dhaane lagi .
" Papa aap apni rakhu se abhi bhi naraj ho "
" Haa Main tumhe rakhu kal school jaogi tabhi bolunga "
Agle din rukhmini apne school me chali gayi . Chalu school me use lene uske mama aa gaye vo unhe dekh kar khush ho gayi .use chhutti mili aur vo ghar aa gayi.
Ghar aate hi usne dekha ki uske Ghar ke pass behad bhid thi . Use kuch samajh nahi aa raha tha uski najar apne papa ko dhund rahi thi .Vo uske muh rakhu yah sunna chahti thi , ye naam sirf uske papa hi use bulate the .
Maa vaha ro rahi dekhakar bina samjhe hi maa ke sath gale lagkar rone lagi .
Use koi nahi bata raha tha kya hua . Usne jab apne papa ambulance se litakar laate hue dekha to vahi doudi bhagi chali gayi .
Uski samaj se ye pare tha , use lag raha tha ki uske papa usase naraj hai .vo usase baat nahi karna chahte .usne malam patti lage hue Apne pita ko dekhkar rone lagi .
Uske Ghar par maatam chaya hua tha .
Ekdin vo apni maa se lipat kar ro rahi thi . Uski maa ne use samjhate hue kaha tha ki , uske pita use Shahar me padhana chahate hai . Uske padhane ka pura kharcha Vishwanath ne liya tha .
Jaise jaise vo badi hoti gayi vo apne pita ke sath kya hua vo jaanane lagi .use ye pata chal chuka tha ki uske pita ki jaan lene ke piche vastad gang ka hath hai .Vahi vastad gang uske pita se jamin chahte the , vo unhone uski pita ki jaan le kar le li .
kanhaiya to us din Bach Gaya lekin uski jamin usne bina koi deri kiye de di . Vishwanath ko ye baat kanhaiya jab batayi ki uska dost vastad gang ke hatho mara gaya hai to vo vastad gang ko khatam karna chahta hai ye baat pure gaao me fail gayi.
Rukhmini in sab ko baato ko yaad kar rahi thi .uske andar badle ki bhavana umad uthi thi .Apne pita ko vo dikhana chahti thi ki vo unke liye kya kar sakti hai . Vo unka har sapna pura karna chahti thi . Jo vastad gang ne unse chhina tha .
Vo badla chahti thi .usne Raghu ko maarkar use laga tha ki badla pura ho gaya lekin use ek khabar mili thi jisase ki usake liye raste aasan ho gaye the .
Kaushik se shadi usne shahar aane ke liye ki thi . Lekin kaushik phir bhi uski jindagi ka ek part ban gaya tha . Bhalehi usne pyar ab tak kisise nahi kiya lekin use vo dhoka nahi dena chahti thi .par phir bhi kaushik se jyada uske liye mayne uske pitaji the jiske aage use koi bhi chij badi nahi thi . Yaha aa kar vo Raghu ke piche lag gayi raghu ko apne jaal me fasakar usne uski Jaan leli .
par ye sab karte vakt uske hath me lage kuch kagjaat jisme use pata chala ki saari jamin Jo vastad gang uske pita se li thi.
Vo vastad gang ke pass naa hokar sari jamin kanhaiya ke naam yaani kaushik ke pita ke naam thi .
Jispe Virasat ke taur par jamin kaushik ko naa Jaa kar Aaditya ko jaa rahi thi .
Uske pass ye sab kaise hai in sab ke baare me koi jaankari nahi mili . Lekin use itna to samajh aa gaya tha .ki ye sab isi parivar ne uske pita ke saath kiya hai.
Ab use ye jamin kisi bhi halat me hasil karni thi uske liye use Aaditya se bhagkar shadi bhi kyu Naa karni pade vo karne ko tayyar thi .
Use bass jo usake pita se chhina gaya hai vo use vapas chahiye tha .uske liye vo kisi bhi had tak jaane ko tayyar thi .
