Thriller Larazti Lakeerein (Completed)

[Baba__Bhai]

Superb ...
Excellent...
Killer....

Sahi ja rahe ho bhai ..

KEEP POSTING

 

[syed arshad]

Superb ...
Excellent...
Killer....

Sahi ja rahe ho bhai ..

KEEP POSTING

Superb ...
Excellent...
Killer....

Sahi ja rahe ho bhai ..

KEEP POSTING

Bhai

 

[syed arshad]

Imran Ne Haath Utha Kar Use Khamosh Rahne Ka Ishaara Kiya....
Aur
Singhi Se Bola....Aap Ki Tashreef Avari Ka Maqsad....?

Abhi Tak Khamoshi Se Sab Kuch Dekhta Raha Tha....
Lekin
Ab Dakhal Andaazi Karni Hi Padhi....!

Tumhara Kya Interest Hai....?

Adventure....Aur Yeh To Tum Ne Dekh Hi Liya Hai Ke Tumhari Tajveez (Prastav) Na-Kaabil-E-Qabool Thi....
Varna
Kelly Graham Ke Saath Fraud Kyun Kiya Jata....!

Acha....To Fir....?

Main Tumhe Madad Dene Ko Tayyaar Hu....
Aur
Mere Vasaayel (Resources) Se Tum Bakhoobi Waaqif Ho....!

Kiss Mulk Ke Liye Kaam Kar Rahe Ho....?

Sab Par Lanath Bhej Chuka Hu....Ab Main Khud Hi Ek Bohath Bada Mulk Hu....!

Yani Tum Apne Vasaayel Se Meri Madad Karoge....?

Yaqeenan....Tum Mujhe Kya Samajhte Ho....!

Urdu Mein Ek Lafz Hai....Jise Mein Ek Khatoon Ke Saamne Dohrana Pasand Nahi Karunga....Khwaah Urdu Se Anjaan Hi Kyun Na Ho....!

Haraamipan Chhod Kar Sanjheegi Se Meri Peshkash Par Ghaur Karo....!

Tum Mahez Adventure Ki Khateer Is Hadh Tak Nahi Jaa Sakhte....!

Kya Zaroori Hai Ke Saare Maamlaat Fauri Taur Par Zer-E-Bahes Laye Jaye....!

Main Kelly Graham Se Tanhai Mein Baat Karna Chahta Hu....Imran Ne Kaha

___________________________________________________________________________

Zaroor....Zaroor....Singhi Muskura Kar Bola

Imran Kelly Ko Apne Saath Aana Ka Ishaara Kar Ke Dusre Kamre Ki Taraf Badh Gaya....!

Kelly Ki Aankhon Mein Uljhan Ke Asaar The....!

Tum Use Kab Se Jaanti Ho....Imran Ne Usse Qashk Lahje Mein Pucha

Jaanti To Bohath Pahle Se Hu....
Lekin
Milne Ka Ittefaaq Pahli Baar Hua....!

Kiss Tarah....?

Kelly Ne Puri Rodaar Dohra Di....
Aur
Imran Pur Tashveesh (Chinta-Janak) Andaaz Mein Sunta Raha....!

Yaqeen Karo....Ab Main Un Logon Mein Wapas Nahi Jana Chahti....Kelly Bilaakhir Boli
Aur
Imran Ne Lambi Saans Le Kar Kaha....Munaseeb Yahi Tha Ke Tum Embassy Wapas Jati....
Aur
Apne Taur Par Hoshiyaar Rahti....!

Lekin Maine To Ek Taxi Mein Safar Kiya Tha....Jaan-Boojh Kar Usse Nahi Mili Thi....Tasavoor Bhi Nahi Kar Sakhti Thi Ke Aise Halaath Se Guzrungi....!

Baherhaal Yeh Mein Chautha Dard-E-Sar Hai....Khair....Dekhunga....!

Wo To Tumhare Liye Badi Apniyath Zaaher Kar Raha Tha....!

Na-Kaabil-E-Aitemaad Hai....
Aur
Wo Bhi Mujh Par Aitemaad (Bharosa) Nahi Karta....!

To Fir Ab Kya Karoge....!

Sonchna Padhega....!

Aur Main Kya Karu....!

Filhaal Itna Hi Kahunga Ke Us Par Hargiz Aitemaad Mat Kar Lena....!

Wo Kahe Raha Tha Ke Zeroland Walon Ke Mars Ki Tabaahi Ka Khwaah Wo Bhi Hai....!

Ho Sakhta Hai....
Lekin
Mahez Uski Tabaahi Ke Liye Apne Vasaayel (Resources) Barbaad Karna Singhi Ki Shakhsiyath Ke Khilaaf Hoga....Main Use Achi Tarah Jaanta Hu....!

Acha....To Main Tumhari Marzi Ke Khilaaf Kuch Bhi Nahi Karungi....!

Aur Filhaal Main Bhi Usse Mutafeeq (Sehmath) Ho Jata Hu....
Lekin
Tum Ise Sach Na Samajh Lena....!

Thik Hai....Main Puri Tarah Hoshiyaar Rahungi....!

Wo Fir Usi Kamre Mein Wapas Aye....Jahan Singhi Unke Intezar Mein Tha....!

Ab Tum Kisi Qadr Bashaash Nazar Aa Rahe Ho....Singhi Imran Ko Baghaur Dekhta Hua Bola

Kya Mujhe Bashaash Na Hona Chahiye....!

Agar Tum Mujhse Mutafeeq Ho Gaye Ho To Tumhe Bashaash Hona Hi Chahiye....!

Halaath Aise Hai Ke Mujhe Mutafeeq Hona Padhega....Imran Muskura Kar Bola

Tumhare Saath Kitne Aadmi Honge....?

Fir Tum Ne Chalaang Lagayi....Abhi Hum Is Masle Par Aur Ghaur Karenge....!

Tum Bohath Dino Se Ghaur Kar Rahe Ho....
Aur
Kayi Parties Amazon Ke Junglon Mein Daakhil Ho Gayi Hai....!

Kya Matlab....!

Main Har Waqt Bakhabar Rehta Hu Bhateeje....Dono Taaqatein Isi Nateeje Par Pahunchi Hai Ke Wo Mars Amazon Hi Ke Jungle Mein Kahin Hai....!

Aakhir Kiss Bina Par Yeh Nateeja Aghaaz Kiya Gaya Hai....!

Yeh Main Nahi....
Lekin
Kam-Az-Kam....Jumla Pura Kiye Baghair Imran Ko Ghoorne Laga

Koi Naya Khayal....Imran Muskuraya

Main Yeh Sonch Raha Hu....
Agar
Wo Khud Hi Is Nateeje Par Pahunch Gaye Hai....
To Fir
Tumhara Picha Kyun Kar Rahe Hai....Hai Koi Jawaab Tumhare Paas....!

Filhaal To Nahi Hai....
Lekin
Kya Waqai Tum Ne Koi Dusra Nazariya Khayam Kiya Hai....Wo Mujhse Bebe De Sof Ka Negative Haasil Karna Chahte Hai Jo Mere Paas Nahi Hai....!

Na Hoga....
Lekin
Tumhare Paas Koi Tajveez (Prastav) Zaroor Hai....
Varna
Tum Kayi Mulkon Ki Confrence Ke Khwaah Kyun Hote....!

Kya Tum Mujhse Bahes Karne Aye Ho....Imran Ne Pucha

Hargiz Nahi Bhateeje....Singhi Bade Pyar Se Chimkaar Kar Bola....Bohath Dino Se Tumhe Khareeb Se Nahi Dekha Tha....Isliye Chala Aya....!

 

[syed arshad]

Tum To Chachiyon Ke Narghe (Circle) Se Nikla Hi Na Karo....!

Kabhi-Kabhi Tang Aa Jata Hu....Haraamzadiyon Se....!

Aaj-Kal Kitni Haraamzadiyan Hai....!

Main Tum Se Is Masle Par Baat Karne Nahi Aya....!

Jiss Masle Par Baat Karne Aye Ho....Wahi Chedho....!

Tum Yahan Se Nikal Hi Kyun Nahi Chalte....Khwaamkha Apni Hukumat Ke Liye Dard-E-Sar Bane Hue Ho....!

Main Bhi Yahi Sonch Raha Hu....!

Switzerland Chalo....Main Tumhe Apna Mahel Dikhaunga....!

Wahan Kitni Haraamzadiyan Rakh Chhodi Hai....!

Sanjheedgi Ikhtiyaar Kar Bay....Singhi Urdu Mein Dahaada....Tere Bhale Ko Kahe Raha Hu....!

Main Sun Raha Hu....
Lekin
Switzerland Jaa Kar Kya Karunga....!

Wahan Pahunch Kar Itminaan Se Sonchenge Ke Kya Karna Chahiye....!

Pahle Mujhe Yahan Baith Kar Sonchna Chahiye Ke Tumhari Tajveez (Prastav) Manzoor Karu Ya Na Karu....!

Sirf Ek Ghanta De Sakhta Hu Sonchne Ke Liye....!

Aur Agar Main Ek Ghante Mein Na Sonch Sakha To....?

Kisi Party Se Tumhara Sauda Kar Lunga....!

Tum Aisa Nahi Kar Sakhte....Kelly Jhalla Kar Boli....Saath Hi Uska Point 25mm Ka Pistol Nikal Aya....!

Arey Nahi....Imran Hans Kar Bola....Iski Zaroorat Nahi....Chacha Bhateeje Ke Darmiyaan Kisi Teesre Ka Nahi Aana Chahiye....!

Main Waqai Tumhara Sauda Kar Lunga....
Agar
Tum Ne Meri Tajveez Par Amal Nahi Kiya....Singhi Kelly Ki Pistol Ko Nazar Andaaz Kar Ke Imran Se Bola

Ab Yahan Se Nikal Sakhe To Zaroor Sauda Kar Loge....!

Singhi Khahekhaha Laga Kar Bola....Tum Mar Chuke Ho....Isliye Mere Khilaaf Koi Kaarvayi Nahi Kar Sakhoge....!

Agar Tum Challenge Kar Rahe Ho To Yeh Bhi Dekh Lo....Imran Jaar-Qaana Andaaz Mein Kahe Kar Dono Haathon Se Apna Gala Ghontne Laga

Kelly Hairaan Rahe Gayi....Wo To Samjhi Thi Ke Imran Iske Saath Hi Singhi Par Humla Kar Baithega....
Lekin
Yeh Kya Karne Laga....!

Singhi Jahan Tha Wahin Khada Hairaan Andaaz Mein Imran Ko Dekhta Raha....!

Lekin Joseph Uth Khada Hua....
Aur
Uski Aankhein Shikaar Ke Liye Tayyaar Kisi Cheetah Ki Aankhon Ki Tarah Chamakne Lagi....!

Achanak Imran Ke Halaq Se Aisi Awaazein Aane Lagi Jaise Dam Ghoot Raha Ho....!

Kelly Baukhla Kar Uski Taraf Badhi....Pistol Usne Blouse Ke Girebaan Mein Rakh Liya Tha....!

Arey....Tum Kya Kar Rahi Ho....Piche Hat Jao....Singhi Jaldi Se Bola....Yeh Ab Udhne Laga Hai....!

Fizool Baatein Mat Karo....Kelly Ghurrayi....Chaaron Taraf Se Ghira Hua Hai....Kab Tak Dimaagh Par Asar Na Hota....!

Iske Dimaagh Par Asar Hoga....Singhi Hans Padha

Imran Dheela Hota Chala Gaya....Joseph Use Sambhaalne Ke Liye Jhapta....!

Alag Hat Jaa....Imran Dono Haath Hila Kar Ghurraya....Ab Wo Buri Tarah Khaansne Laga Tha....
Aur
Isi Tarah Khaanste-Khaanste Aisa Laga Jaise Usne Koi Cheez Ugal Di Ho....
Aur
Us Ugli Hui Cheez Ko Chutki Mein Dabaye Hue Seedha Khada Ho Gaya....!

Yeh Dekho....Imran Ne Singhi Se Kaha

Yeh Teen Inch Lambi Ek Chamakdar Steel Ki Nalki Thi....!

Kelly Hairaan Andaaz Mein Palkein Jhapkane Lagi
Aur
Singhi Ne Khankaar Kar Pucha....Yeh Kya Hai....?

Plan....Isme Bebe De Sof Ka Negative Maujood Hai....!

Yeh Kya Kar Rahe Ho....Kelly Bechain Andaaz Mein Boli

Kyun Ke Wo Nalki Imran Ne Singhi Ki Taraf Badha Di Thi....!

Kelly Ki Dakhal Andaazi Ke Bawajood Bhi Singhi Ne Nalki Imran Ke Haath Se Jhapat Li....
Aur
Bola....To Is Fun (Kala) Mein Bhi Kameel Ho Bhateeje....Mujhe Nahi Maalum Tha....!

 

[syed arshad]

Negative Ab Mere Liye Bekaar Ho Chuka Hai....Imran Ne Kaha

Kyun Bhateeje....?

Agar Yeh Sach Hai Ke Wo Us Mars Ko Amazon Ke Junglon Mein Talaash Kar Rahe Hai....!

Main Ghalath Nahi Kahe Raha....Yeh Haqeeqat Hai....!

Baherhaal Main Ise Behtar Samajhta Hu Ke Negative Tumhare Hawaale Kar Diya Jaye....!

Yeh Tum Ne Kya Kiya Imran....Kelly Ruaansi Ho Kar Boli

Main Kisi Ka Paband Nahi Hu....Jo Mera Dil Chahega Karunga....!

To Goya Main Kisi Taraf Ki Na Hui....!

Tum Apni Embassy Wapas Jaa Sakhti Ho....!

Singhi Nalki Ka Dhakkan Kholne Ki Koshish Kar Raha Tha....
Achanak
Nalki Ko Aankhon Ke Khareeb Laa Kar Dhakkan Dekhne Laga....
Aur
Fir Aankhon Ke Khareeb Hi Rakh Kar Use Kholne Ki Koshish Ki....
Lekin
Dhakkan Khulte Hi Ajeeb Si Cheekh Uske Halaq Se Nikli....
Aur
Wo Dono Haathon Se Naak Dabaye Hue Farsh Par Lot Lagane Laga....!

Yeh Kkkkk....Kya Ho Raha Hai....Kelly Baukhla Kar Boli

Mujhe Kisi Party Ke Haathon Bech Raha Hai....Imran Ne Muskura Kar Baayin Aankh Dabayi

Joseph Ki Bhaanche Khil Gayi....!

Singhi Uthne Ki Koshish Karta....
Aur
Fir Gir Jata....
Lekin
Ab Uske Halaq Se Awaazein Nahi Nikal Rahi Thi....
Fir
Dekhte Hi Dekhte Wo Bilkul Behis-O-Harkath Ho Gaya....!

Kya Faida Hua....Kelly Bura Sa Muh Bana Kar Boli

Fir Tum Kya Chahti Thi....?

Isi Se Samjhauta Kar Lete....!

Iski Kya Haisiyath Hai....!

Kam-Az-Kam Tumhe Yahan Se Bahar To Nikaal Le Jata....!

Kya Main Khud Nahi Jaa Sakhta....!

Fir Yahi Kya Kam Hai Ke Isne Tumhe Nahi Ghera Tha....
Aur
Tum To Iski Maujoodgi Hi Se Bekhabar The....!

Ghaliban Tumhari Khwaahish Thi Ke Main Isse Sahyog Kar Leta....!

Samjhaute Se Meri Yahi Muraad Thi....!

Yeh Samjhauta Hi Kiya Hai Maine....!

Tumhari Koi Baat Samajh Mein Nahi Aati....!

Imran Kuch Na Bola....!

Singhi Ab Behosh Padha Tha....!

Joseph Sawaaliyan Nazron Se Imran Ki Taraf Dekhe Jaa Raha Tha....Aakhir Imran Ne Use Ishaara Kiya Ke Wo Singhi Ko Utha Kar Dusre Kamre Mein Le Jaye....!

Joseph Ne Khamoshi Se Tameel Ki....
Aur
Kelly Ne Iman Se Pucha....Us Nalki Mein Kya Tha....?

Kuch To Tha Hi....!

Kya Waqai Isme Negative Bhi Hai....?

Wo Formula Maine Thressia Ke Liye Tayyaar Kiya Tha....
Lekin
Shikaar Singhi Ho Gaya....!

Kya Waqai Wo Nalki Tumhare Pet Mein Thi....!

Ghiza Ki Nali Mein....Kya Tumhare Liye Bhi Nikaalu Ek Aur....Imran Gardan Tatolta Hua Bola

Nahi....Mujhe Nahi Chahiye....Wo Baukhla Kar Boli

Itne Mein Joseph Wapas Aa Gaya....!

Aakhir Wo Hai Kaun Boss....? Joseph Ne Pucha

Mujhe Hairath Hai Ke Tum Singhi Ko Bhool Gaye....!

Nahi....Uchal Padha

Maine Pucha Tha Ke Ab Tum Kya Karoge....Kelly Bhanna Kar Boli

Main Saari Parties Se Pahle Wahan Pahunchne Ki Koshish Karunga....
Varna
Wo Kaarkhana Kisi Badi Taaqat Ke Haath Laga Gaya To Bhi Duniya Ke Liye Bohath Bada Khatra Ban Jayegi....!

Kelly Ke Chahre Par Aise Asaar Nazar Aye Jaise Kisi Nanhe Bachche Ki Baatein Sun Rahi Ho....!

Imran Ne Mehsoos Kar Liya....
Aur
Hans Kar Bola....Shayad Maine Apne Qad Se Unchi Baat Kahe Di Hai....!

Main Is Silsile Mein Kuch Nahi Kehna Chahti....!

Ek Baar Fir Tumhe Mashwaara Dunga Ke Apni Embassy Wapas Jao....Isi Mein Tumhari Behtari Hai....Varna....

Main Is Waqt Apne Peshe Se Shadeed Nafrath Mehsoos Kar Rahi Hu....!

Lekin Tum Apni Marzi Se Ise Chhod Nahi Sakhogi....Imran Ne Kaha....Ek Baar Fir Kahunga Ke Singhi Ke Hosh Mein Aane Se Pahle Hi Yahan Se Chali Jao....Mere Baare Mein Frozer Ko Tum Pahle Hi Ittela De Chuki Ho....Ke Ab Main Us Imaarath Mein Maujood Nahi Hu....!


Continue.............................................................................................................!

 

[Champ_AK_81]

Superb going Arshad bhai.

 

[Nkmahakal]

Superb update dear

Akhir Imran ne Singhi ko pakad hi liya
About dekhte hai kids kya hota hair

 

[Nkmahakal]

Waiting dear

 

[Nkmahakal]

Waiting dear

 

[syed arshad]

Superb going Arshad bhai.

Champ Bhai