Update -35
Avi ne mobile uthake dekha tha tab kaafi misscalls the isliye usne socha baat to kar hi leta hu ..dekhu to sahi aakhir vo kya kahegi ..ye sochke avi rajni ko call mila deta hai jo apne kamre me baithi hui roti hui so gai thi. ..uski aankh ek dum se phone vibrate hone se khuli jo uske pass niche rakha hua tha
Rajni : hello ...hello ...avi ...plsss meri baat to suno ...phone nahi kaatna ..
Avi : suno ...rovo mat ..main sab sununga. Tum ek kaam karo mujhe highway k pass wali sadak per milo ...main tumhara vaha intejaar karunga
Rajni : main aa rhi hu...
Avi ab soch me pad gaya ki rajni ro rhi thi ..matlab usne kham kha uspe shaq kiya. Aur usko rula diya ..avi thoda guilt feel kr rha tha ab usko rajni se muafi mangni thi . Lekin vo baar baar bheeshma ko choomne wala scene uske samne aa rha tha ...avi usko bhula nahi paa rha tha ...avi naha kar tayyar hua aur gharwalo se batake nikal pada ki aaj vo mama k yaha jaa rha hai ...
Avi jab raste se jaa rha tha subah ka time tha to bachche school jaa rhe the. . usko bhi laga ki aage padhna chahiye ..kyuki 8th class pass ki thi ..lekin ab usko 9th me admission lena muskil ho jaata kyuki dekhne se avi nahi lagta tha ki vo chhota hai .. age to jyada hi thi uski .. phir ek dum se badh gaya ....khair avi abhi raste me paidal jaa rha tha. Usko car chalani nahi aati thi.tabhi pandit ji ke ghar se payal bahar nikli ..jiske hath me kuch kitabe thi ...aur vo jaise hi avi ko dekhi uske pass chali aai ...
""Namastey ji ..kaise h aap ", payal ne muskurate hue avi se kaha to avi jhemp gaya aur phir pyar se bola
""Main itna b bada nahi hu jo aap aisa keh rahi hai .vaise bhi maine dada ji ko is vajah se bheja tha taaki aaplog mujhe bada na samjhe. Ab aapka admission b ho gaya hai aur aap samajhdari se padhegi ye mera manna hai ..dekhna maine jo invest kiya hai vo double hoke vapis aana chahiye. ..", avi ne ye baat jab kahi tab payal samajh gai ki avi kya kehna chahta hai ...usnw bhi bade utsaah se kaha ..
""Aap chinta na kijiye main pehle apne bapu ki najro me bada banna chahti thi lekin ab mujhe aapke liye padhna hai ..main aapki najro me khud ko dekhna chahti hu ", payal ne jab ye baat kahi to avi chaunk gaya kyuki payal ne jis tarah se baat kahi thi vo kahin kho si gai thi ..avi samajh gaya tha lekin daubt me tha ..usko laga payal uske ehsaan ko pyar se chukana chahti hai. Waqt aane per avi usko samjha dega. ..
Dono ke raste alag ho gaye tab bhi payal sharmati si mudkar avi ko dekh rahi thi. ..avi ab apne raste se hoke chal pada aur ganv k bahar auto pakad kar highway per ho liya ..kuch der me vo ek raste per ruka ..ye vahi rasta tha jaha ek baar usko ritika leke gai thi ..us jungle me vo talaab aur uske pass ghas ... sath me foolo ka vaha hona us jagah ko swarg banaye hue tha ...koi bhi vaha nahi jaata tha kyuki sher bhalu ka khatra ho skta tha ..per ritika ne us jagah ko aise sajaya hua tha jaise uski khud ki property ho. Vaha per flowers b ritika ne lagaye the. .
Avi ne thoda wait kiya tab rajni bhi aa gai ..dono ne ek dusre ko dekha phir rajni kuch bolne wali thi ..ki avi ne usko chup kar diya uske hotho per ungli rakhke ...rajni najre jhukaye uske sath chal padi ...avi ne thoda khana pack karwaya aur bina kisi ki najar me aaye rajni ko leke jungle me ghus gaya .. rajni ne poocha bhi kaha le jaa rahe ho in jhadiyo me ...avi n usko bas chalne ko kaha ...jab avi ne last jhadi hatake rajni ko dekhne bola ...rajni ki aankhe badi ho gai . Kyuki aisi jagah park me bhi nahi thi. ..ye kudarat ka karishma tha ki talab ka paani sookhta nahi tha ..vaha koi aur srot nahi tha jo talab me pani aa sake lekin phir bhi vo pani saaf tha ...
""Kitni khoobsurat jagah hai ye avi ...thank you so much ..mujhe yaha laane k liye. Socha nahi tha aisi jagah hamare yaha bhi hogi ..", rajni idhar udhar jaake dekhne lagi ..aur us jagah ko mehsoos krne lagi tab avi ne vaha ek jagah baithke sath laaya khana aur chadar bichhai. Jo ritika ne vahi rakhi hui thi safe jagah ...
""Woow avi ..ye sab to jaise picnic jaisa lag raha hai ..hum dono aur ye khoobsurati ...i love you avi ", rajni pehle khus hui phir achanak uski aankho me aanshu aa gaye ..aur vo avi ko dekhne lagi ...
""Acha thik hai .. Chalo baitho ...varna ye samaan thanda ho jayega ...", Avi ne jis tarah rajni ko najarandaaj kiya usko dekh rajni thoda sehem gai ..ab usko dar lag raha tha ..vo bina kuch kiye vaha baithi bas ek jagah dekh rhi thi aur kisi soch me gum ho gai ..
"'are kaha kho gai ...dekho ..maine sab set kar diya ..ab ye tukda lo aur apne hath se khilao mujhe", avi ne rajni ko hilaate hur kaha aur ek tukda uske muh ki taraf badhaya .. rajni khus ho gai aur chupchap hath niche badhake ek tukda uthaya aur avi ki taraf badhaya jise avi ne utha liya aur khud kha gaya ...
Avi ab jor jor se hasne laga...vo rajni ki taraf ungli karke hasne laga ...Rajni muskurake avi ko dekh rhi thi ... phir usne haq jatate hue avi ne kaha ki ye apna chasma utaar do na ..ab yaha kaun hai ..na roshni itni jyada hai ..
"" Ab mujhe dard nahi hota rajni ..tum khud utaar do na ", avi ne khud hi chasma utaarne ko keh diya ki usko ab rajni hi utaare ..
Rajni ne thoda jhijhakte hue jab chasma hataya to dekha ki avi ki aankhr thodi bheegi hui hai...rajni ne uthke avi ko gale laga liya ..
""Mujhe muaf kardo rajni ..maine tumpe bewajah shaq kiya .. aakhir baat hu kitni si thi jo main tumhe galat samakhne laga ..mujhe muaf kardo rajni ", avi bhavuk ho gaya tha usne rajni ko bahon me jakad liya tha lekin rajni ko ab thaga sa mehsoos ho rha tha ki jaise uske liye avi ke dil m jagah hi na bachi ho ...vo sochne lagi ki avi kahi uska pagal to nahi bana rha ..vo usko ye to nahi jatana chah rha ki rajni kuch bhi kare ab vo uske beech nahi aayega ...rajni aisa sochke dar gai aur turant avi se door hui .. phir avi ka hath pakad kar boli
""Tum aisa kyu bol rhe ho ... tumhe dhokha dene se pehle main mar jaungi avi ...tum mujhe galat mat samjho ..bas maine usko Jyada bhaav nahi diya ..mujeh nahi laga uske baare me kisi ko batana chahiye...vo koi aisa nahi hai jo main usko family se milwau ..vo yaha kuch din ka mehman hai ..meri mulakaat usse aise hui thi ............******...........bas itna sab hua hai avi ..baaki mujhe nahi lagta iske shaq krne jaisa kuch hai ..kya meri apni life ka koi vajood nahi hai avi .main khud se ab kuch nahi kr skti ..sab tumhare hisaab se to nahi kar skti na avi main aazad khayaal ki ladki rahi hu ..mujhe samjho avi . "", rajni baad me baat batati hui thoda apne baare me sochne lagi ki kaise vo khud ko avi ki property manne lagi aur phir kaise vo bas uski hoke reh gai ...avi ka busy rehna usko bhav na dena ... uske man me ek tees si bhar uthi ..uske adhikaar to kuch rahe hi nahi ...bas yahi usko thoda ghamand sa hua aur usne baad me aisi baat bol hi di ki jisse avi ko bura lag jaaye ...
""Are ...tumne kuch nahi kiya ...vo to main hi tumhe dekh us din jyada bhadak utha. .tum excitement me uske gale lag k usko choomne lagi ...agar vaha main hota tab to tum mere hotho ka satyanash kar deti ..hai na ..rahi baat tumhare adhikaro ki ..jo dil me aaye karo..main nahi rokunga ..lekin haan ..mujhe tum nahi rokogi ...", Avi ne aage badhke uske mathe per kiss kiya ..rajni uski baat samajhne ki kosis kar rhi thi kyuki is baat me usko taana mehsoos ho rha tha ..chahe kahi gai kisi bhi tone me ho ..rajni samajh nahi paa rahi thi ...phir usne kaha
""Haa avi ..main tumse pehle ..apni life me mast thi ..phir tum aaye aur mujhe mehsoos hua ki meri jindagi me bhi koi aisa hona chahiye. Tab maine tumhe chuna ..uske baad na jaane main kaise badal gai ..jaha bhi jaati log poochte ..meri jindagi jaise pehle jaisi nahi rahi ..na meri koi dost mere sath rahi. ..ve bas mere sath jab tak thi jab hum aawara gardi krte the ..aur vo jo ladka hai bheeshma ..dost h bas mera ..aur dost k sath mujhe dekh kar tumhe bura nahi lagna chahiye ..tum mera pyar ho avi ", rajni na jaane kya kya bole jaa rhi thi .. jaise aaj uski akal kaam nahi kar rhi ho ..avi ne uski akal k parde kholne ka intejaam kar rakha tha ...
""Ohhh rajni yaar tumne meri bahut badi problem solve kar di ..thank you .. thank you ..o i love you so much ..", avi ne jaise bada khus hoke kaha aur phir mobile nikala aur call krke poocha kaha ho ..jaldi aao na ...tab udhar se kuch aawaj aai ..aur phir call cut ho gaya ...
""Main yahi soch rha tha ki tum dosti ke baare na jaane kya opinion rakhti hogi ..ab mujhe koi dar nahi hai ..dosti b kuch hoti h yaar...jaise main tumhe dekhke jealous ho gaya tha mujhe laga tum bhi aise hi ho jaogi ..raat maine yahi sab socha phir mujhe apni galti dikhai di ..tabhi maine soch liya tha ki main tumse muafi mang lunga ..", avi ne muskurate hue kaha aur rajni ko gale se laga liya ...rajni to jaise shocked thi ..vo soch rhi thi avi ko akahirkaar ho kya gaya hai ..
""Pata h rajni ..tum apne dost ke sath chahe jaise raho ..but ek condition hai .. tumhare dil me main rehna chahiye ..are life me dost bhi jaruri hai ..enjoy yaar ..pata h rajni main khud ko na jaane kaha le gaya tha phir muje laga ki mujhe bhi dost banane chahiye ..maine banaye aur tab mujhe mehsoos hua ...ki dost kitne jaruri hote hai ..us din tujhe vaha dekhke mujhe jalan hui ..kaise tum uski choom rhi thi aur kitna tight hug kar rakha tha ..kal raat maine jab vo scene dobara realise kiya tab pata chala ye sab to aam hai ..kisi ko kiss karna hug karna .. apne lover ke samne .. are socho sabko apni jindagi hai ..ye thodi hai bas gulaam ki tarah banke reh jaaye ..are dost b jaruri hai. . thanks rajni ..tum mujhe bheeshma se milana .. aur main tumhe apni ek dost se milwata hu ", avi ne jaise taane maar maar ke rajni ka dil chhalni kr diya tha ..rajni sookhi aankho se avi ko dekh rhi thi ki ye pehle to aisa na tha . Kitna badlaav aaya h avi me ..ki khud bheeshma se milna chahta hai ..aur usko kiss krne wali baat ..gaal pe kiye bhale hi ..avi kitna lightly le rha hai sab ... usko ab dar lag raha tha kyuki avi jaisa tha vaisa nahi raha ..aaj uski aawaj me thoda alag feel aa rha tha ...
Itne me vaha ek ladki aai aur usne avi ko aawaj lagai ..lekin vo bhi rajni ko dekh thithak gai ...avi ke sath ladki hai vo thoda sochne lagi ...lekin jaise hi avi ne usko dekha avi uski taraf badha aur jaake usko gale laga liya .. phir uske galo per 2 kiss kiye ...aur itna tight hug ki uski aahh nikal gai ...rajni dekh rhi thi ...jo avi kar rha tha usko dard sa uth raha tha ..avi ab ritika ko chhod kar apne sath laaya ...
""Rajni isse milo ye meri best friend hai ritika.... bahut achi ladki hai ..yaad hai ek baar raat ko fight ki thi ..jab ye mere sath thi ..lekin tab dost nahi bani thi ...per ab ye meri besty hai ..hai na ritika ", ritika ko jaise kuch samajh nahi aa rha tha. .na rajni ko lekin avi ka react dono ko ajeeb lag rha tha vo pagalo ki tarah kar rha tha ..jab usne ritika ko besty kaha tab phir se ek baar ritika ka gaal choom liya .. ritika ab sharmane lagi ...ritika kuch bol nahi rhi thi aur rajni jijhak rahi thi kyuki usko samajh aa gaya tha avi aisa kyu kr rha hai .. agar vo avi se poochegi ki ye sab kya hai tab avi usko vahi sab bolega ki dosto me ye sab common hai ...rajni najre jhukaye baithi thi ki ritika ko avi ne uthake apni gaud me baitha liya ...ritika thoda asehej mehsoos krte hue avi ki gaud se utarna chahti thi ...ab ye jyada ho rha tha kyuki rajni ne itna kuch nahi kiya tha ... isliye ab vo bol padi ..
""Avi ye sab kya hai ..tum mere samne aise kar rhe ho ..jise dost bol rhe ho ..uske sath ye sab kar rahe ho ..main maanti hu mujhse galti hui h lekin itna maine nahi kiya ...", Rajni thoda rude hoke boli ...jisse avi aur ritika dono ne dekha ..phir avi ko ek dum se najaane kya soojha usne apni usi majakiya si tone me kaha
""Kya yaar rajni ..hum friends hai ..ye sab common hai ..agar tum ab bheeshma ki gaud me hoti tab mujhe fark nahi padta to tumhe b nahi hona chahiye ...chahe to usko call krke bula lo ...", Avi ki ye baat sunte hi jaise dono ka halak sookh gaya ..kyuki koi kaise is baat ko bol skta hai ...ritika ko inke relationship ka pata tha ...ki ye dono dost h lekin aaj usko bhi dukh hua ki avi rajni ko pyar krta hai kuch misunderstanding ya rajni se galti hui hai to usne socha ab inko milaane ka waqt aa gaya hai to usne b acting me sath dene ka socha aur boli
Ritika : haan yaar ye sab common hai ..pata h meri shadi kahi bhi ho lekin main pehla bachcha avi ka rakhungi ...kyuki mujhe avi hi pasand hai lekin isse shadi nahi karungi ..ye thoda ajeeb bhi hai ..hamesha kahi na kahi uljha rehta hai mujhe waqt nahi deta ...
Avi samajh gaya tha ab ki ritika ko sab samajh aa gaya khud hi ..vo bas ab man me dukh liye bol rhi hai ..lekin jis tarah ritika ne avi se expression change krte hue bola tha vo sab sach lag raha tha ..lekin avi ne khud ko sambhala aur ritika ki haami bharke bola
..
""Ohh ritika ..yaar tum kitni achi ho...tumhe pata h na main aisa ladka nahi hu .. mujhe ye sab krne me intrest nahi hai ..lekin agar tum kehti ho to main tayyar hu ", avi ki ye baat se to rajni ka dil.hi toot gaya tha ...vo aankho me aanshu liye dono ko dekh rhi thi aur avi ye janna chahta tha ki rajni kis had tak bheeshma se judi hui hai ..usko parakhna jaruri tha ...
Ritika : per main shadi k baad kuch nahi krne dungi ..uske baad hamare raste alag ... samje
Avi : koi nahi lekin shadi tak to tum meri ho na ...
Rajni : basss....main ye sab bardast nahi kr skti ..avi aakhir maine kiya hi kya hai ..jo tum mujhe itni badi saja de rhe ho
Avi : are ..main kya kar rha hu ..maine tumhe roka thode na hai ..tum jaise chaho vaise apni life ko jiyo ..
Ritika : haa ritika ...tumhe to life enjoy karni chahiye ...karo phone ..main bhi to dekhu jo tumhe avi ke samne takkar dene laga hai aakhir kaisa dikhta hai ..
Ritika ne ab rajni ko ghav de diya tha kyuki rajni sharm se gadi jaa rhi thi aur usko thoda gussa b aa rha tha kyuki vo thi hi gusse wali lekin aaj apni galti k chalte vo thoda chup thi ...
Insaan k sath aisa aksar hota hai .. vo taqatwar hota hai lekin yadi vo acha hai tab uski galti hone per chupchap maar khayega ..yadi bura hai tab shayad uska kuch bigaad paao lekin yaha situation me rajni achi ladki thi isi vajah se gusse wali hone per bhi chup thi ..
Prr ab uska gussa uspe havi ho chuka tha kyuki ritika avi k gaalo per kiss kar rhi thi ...ritika ki aankh me halke aansu the jo avi ke kandhe per sir rakhke vo baar baar ponch leti thi ...
Rajni ne gusse me mobile nikala tab avi aur ritika dono uski taraf dekhne lage ...
Rajni kanpte hath se mobile me bheeshma ka number dial kr diya aur call jaane lagi ...avi ka dil dhakk se reh gaya ...jab udhar se bheeshma ki aawaj aai ..
""Hello aap kaha ho is waqt ..mujhe abhi k abhi milna hai ..", rajni ne thoda tej awaj me kaha ..udhar se poocha gaya lekin rajni ne saaf baat batane ko kaha to udhar se kuch aawaj aai ..tab rajni ne phir se kaha ki usko kuch baat karni hai aur use urgent milna h ..akele aake usse milo....
Ritika ab avi ki gaud se utar kar baith gai ...rajni uthi aur avi ki taraf ungli krke kuch bolne wali thi daant bheench k chali gai ..aur avi ritika vahi reh gaye ...rajni k jaate hi avi rone laga ...aur haste hue bola ...
""
Aaj dusri baar dil toota hai mera ...kismat hai ....mera luck jo hamesha sath deta hai lekin aaj kaha hai ...mera love shayad ye kismat me nahi hai ...aur life ....life mere maje le rhi hai ...lekin isko jeena hai mujhe ...jaanti ho ritika ...ye 3 L meri life me sabse bade role rakhte hai ....luck .love ..& life ....jinme aisa combination chal rha hai ki kya batau tumhe .. #luck ...jo bina bataye mera sath deta hai lekin jab main sochta hu main lucky hu tab ye dhokha deta hai .... #love ...jab sochta hu ki mera pyar kitna unique hai tabhi ye bhi chala jaata hai ...# life ...iske to kya hi kehne ...bachpan me maa chali gai ...baap ka pyar aajtak nahi mila ..jis family k liye tarasta tha usko sunta aaya ki koi nahi h phir ek dum se sab mil gaye lekin main unse door bhaag rha hu ..hai na ajeeb ", avi dard bhari aawaj me sab bol gaya ...aur ritika bhi ab aanshu ponchte hue boli ...aakhir rajni ne kya kiya jo tum uske sath aisa behaviour kar rhe the ...
Avi : chalo chalte hai ...
Avi ne saara samaan udhar thoda thoda krke chitiyan aur chidiyo k liye rakh diya aur phir baaki sab samet kar ek jagah surakshit rakh diya ...ab ritika aur avi chupchap bahar aa gaye ...ritika car se aayi thi ..jaha per pahuche tab rajni jo auto ka wait kr rhi thi unko dekh kar chhup gai ..kyuki usko dekhna tha ...avi aur ritika chupchap chal rhe the ...
Ritika se ab bardast na hua aur car ka gate khola aur baith gai ..avi bhi dusri side baith gaya tab ritika ne sab poocha ...rajni ke thele k peeche chhupi thi aur thelewala jab poocha tab usko chup rehne ka ishara ki to vo samjha ki ye inki jasoosi kar rhi hai ...
Avi ne ritika se kehna shuru kiya ki vo rajni ko kaafi pyar krta hai ... phir usne sab bataya ki vo dono k baare me kya socha ...ki kaise dono se shadi karega phir ritika k baap ka usko bhagana ..aur phir rajni ka uski life me aana ...pyar kabool karna ..aur baad me sab ...
Rajni ki aankh se aanshu nikalne lage ...vo uthkar avi ki taraf jaane lagi ki ritika ne der na krte hue ab ghar chalne k liye gaadi dauda di...
Rajni bas aawaj deti reh gai ..usne socha ki avi ko sab sach bata degi ...aur muafi mang legi ...ab vo kuch nahi kahegi ..avi ko call krne k liye usne mobile nikala hi tha ki.bheeshma ka call aate hi rajni ne usko apne ghar k pass aane ko kaha ...bheeshma b vahi aa gaya ...rajni ne usko sab bata diya aur kaha ki ab vo usse na mile .
.bheeshma ko gussa to bahut aaya lekin phir bhi usne acha bante hue kaha ki vo avi se baat krna chahta hai ..lekin rajni ne usse saf keh diya
Ki ab vo baat badhana nahi chahti ...itna keh ke car se utar gai ...bheeshma daant peeste reh gaya ...
Avi ghar aaya to ghar me kaafi chehel pehel thi ...rasoi me apni maa ko dhoondhta hua gaya to vaha pooja k alawa koi nahi tha ..jo chay bana rahi thi ...
Pooja ko dekh avi vahi se vapis chal pada ...ki pooja ko laga ab avi se baat kr leni chahiye .. usne avi se poocha ...
""Avi ..maine chay banai hai ..tum piyoge kya ", pooja ne jab avi ko kaha to uske kadam ruk gaye aur usne turant mudke pooja ki taraf dekha ...avi toota sa to pehle se tha lekin khusi k aanshu usko aankho me aa gaye per usne khud ko sambhala aur bola haan haan kyu nahi .. main hath muh dho leta hu tum le aao ...
Avi ko ghar aake bada sukoon mil rha tha ab uska dhyan bas pooja per tha ki vo chay leke bhu aa gai ..tab padma jo kapde leke bathroom ki taraf jaa rhi thi ..vo avi k pass aa gai ...
"" Ye tere chehre ko kya hua hai ...udaas sa lag rha hai ..kisine kuch kaha hai kya ? ", Padma na aate hi kaha ...avi ne ek dum socha ki meri aankhe to dhaki hui h phir bhi maa ne kaise pata kar liya ...avi ek dum se bola ..
"" Nahi maa ..main thoda thak gaya hu ..aaj mama k yaha gaya tha na ...to thoda masti jyada ho gai ..", avi ne baat badalne ki kosis ki ..to padma ne thoda usko ghoora aur phir boli.
""Chal main nahake aati hu tu kamre jaa aur aaram kar ..vahi aati hu thodi der me .. phir baithke baat karenge..", padma bhi udhar se chali gai ..aur phir avi chay khatam krke room me chala gaya..ek baar phirse vo yaad me kho gaya aur sochne laga ... tab uske dimaag ne kaha ki tere samne kaise usne bheeshma ko call kr diya .. sachchai aakhir ye hai ...usko uski life me rehne do avi ... ritika dekho kaise ro rhi thi ...per uska bhi kya hai...jab usko pata tha uska baap galat keh rha hai to uska virodh nahi kiya jab maine action liya tab vo ulta mujhe dantne lagi ...vo bhi beech safar me chhod degi avi ...tu pyar k liye bana hi nahi hai...tera to bas tera bhai hai ...are haan bhaiyya ....
Avi sochte hue lamba nikal gaya tha bhaiyya ka jikra aate hi sab bhool gaya aur mobile nikaalke rohit ko call laga di...rohit se baat karke kaafi kuch seekhne ko mila ...bhabhi ka haal poocha thoda masti kiya aur phir call kaat diya ...avi ne abhi call kaata tha aur number ko dekh rha tha ki usko dhyan aaya ye mobile mujhe rajni ne diya tha ...usko vapis kr dena chahiye ...
Avi ne mobile band kiya aur ek dabba dhoondha aur usko pack kar diya...uske uper uska adress likhke niche likha ..
""Tumhari amanat tumhe lauta raha hu ..be happy always ...",
*******
*******
""Hello haan uncle avi ka mobile band aa rha ha..maine intejaam kar diya hai ...aap avi ko leke kal aa jaiye. ..ab uski aankhe theek hai ..bas thoda saaf krna hai phir sun light se problem nahi hogi aur aankhe dark b nahi rahengi ..aap usko yaha bhej dijiyeb..",
Pankati ne shivraj k nunber per call kiya ..namastey krne k baad usne mudde ki baat ki aur phir sab acha hone ka bata diya ...shivraj ne sab avi ko bulake bataya aur usko subham k sath jaane ko kaha ...avi ne subham ko na le jaake billu ko le jaane ki baat kahi .. jisse ve bhi khus hue ki avi yaha khus hai avi ko samajh hai ki yaha ki jarurat kya hai ...
""Aji billu kya karega ..aap khud chale jaiye ..pata nahi vaha hospital me kya baat ho jaaye ..", raghubiri ne shivraj se kaha ...
""Are vo varun hai na ...uski bahu hi to hai doctor ...rohit ki bhabhi hai ...avi ko jaanti hai ..avi chala jayega ...koi baat nahi ", shivraj ne palla sa jhadte hue kaha jabki vo jaanta tha usko kya karna hai ...abhi inki baat chal hi rahi thi ki sab bahar chale gaye ...tab Raghubiri bade halke aawaj me boli
""Apne hi bachche k peeche jasoos jaise lagna achi baat h kya ji ..?", Raghubiri ne sawaal kiya aur Shivraj muskura diya jaise vo jaanta ho ki raghubiri ko pata hai ..uske pati ki soch ka ...lekin shivraj ko laga ki raghubiri ye na soche ki main avi per shaq karta hu ..to vo raghubiri ko jawab deta hai
""Are aisi baat nahi hai ..dushman yaha aa chuka hai raghubiri ...ye tumhe maine kal bataya tha na ...mujhe lagta h unko avi ke baare me pata hai ..jo humne pata kiya hai vo unko bhi pata hoga ...avi ek yoddha hai ...isko vishwa k bade namcheen aadmi ne khud siksha di hai. Lekin meri samajh me ye nahi aaya ki unhe itna natak kyu karna pada ...akele bhi to ve avi ko siksha de skte the ..lekin unhone drama racha ki ve vaha camp lagaye hue hai ...jaanti ho avi khadaan me se nikla vo tilismi heera hai jiske liye na jaane ki taqate aapas me ladai karengi ...mujhe dar us din ka hai jis din usko jayanti k aur uske bete ke bare me pata chala .haan Raghubiri usne isi vajah se shadi nahi ki thi ..aur jagannath ne usko door isliye hi rakha hua hai ... maine baldev se kaha bhi tha ki gusse me aisa mat kar ...per us din agar us bechari ki ijjat na loot ta ..to aaj shayad hum tumhare bhai ko mana lete ...baldev us time avi ki tarah hi ek janwar tha .. lekin avi apni taqat ka istemal bas raksha k liye krta hai ...baldev ne to jaise us samay kisi ko kuch nahi samjha..maine kai baar kaha h roopwati man jayegi tum bas usko ek baar le aao ..jayanti isi intejaar me hai ..ki ek baar baldev usse muafi mangle vo muaf kr degi ...per ab der ho gai hai ... raghubiri
uska beta ab rakshas ban chuka hai ..na jaane vo hamare bare me kya sochta hoga ...usko rokna shayad avi k bas me nahi hai ...per mujhe avi per poora bharosa hai aur chahe phir meri jaan kyu na chali jaaye ..main ab avi ko kuch nahi hone dunga ..
"",,
...... Shivraj shuru me bhavuk ho gaya tha lekin phir usko gussa aa gaya aur daant peesne laga ...tab Raghubiri ne uske hath ko pakad kar apne hath me liya aur phir shant krte hue boli ..
"" Bas kijiye .. aapke liye gussa karna theek nahi h is umra me ..", raghubiri jaanti thi shivraj ko kaise theek krna hai ..shivraj ne Raghubiri ki taraf dekha to vo thodi sharmai ..
"" Jawani k dino me tum jaanti ho mera gussa karna tumhe kitna bhari padta tha ..jab ghar me tum sabke chhede jaane per kamre me ghus jaaya karti thi ...", Shivraj ne kaha tab Raghubiri halki si chapat lagakr boli "dhatt. .bade besharm h is umra me bhi",
""Kal se avi thoda bujha bujha sa hai ..usse baat karke dekho kya hua hai ..maine uski aankho me khalipan dekha hai ..ye ladka apne aap me hi khus rehna jaanta hai .. bachapn se iski maa k alawa iske bhai pyar mila h usko ...aur ab rohit yaha nahi hai padma bahu parivaar me busy rehti hai ...akela ho gaya hai vo ..usko thoda behlao raghubiri ...bachcha nahi hai vo ..uske dil me jagah banana bahut kathin kaam hai ", shivraj ne Raghubiri ko chetaya ki ab usko bachche jaise na bulaye ..
""Mere liye to bachcha hi hai ji ..bhale hi maine usko paala na ho ...mujhe pata h usko pata chal gaya hai ..ajeet ne mujhe sab bata diya tha ..uski maa ke baare me ...vo apne mama k yaha bhi gaya tha ...vaha jaake usne maa ki shakal b dekhi ..bilkul vahi naak hai iski
..khair aap padhiye apna akhbar ..main chali dekhu to sahi ye sab kya kar rhi hai ", raghubiri bhi jaise jankari rakhti thi ..usko pata tha kaise parivaar ko jodke rakhna hai ...
Avi kamre me.baitha apni maa ka intezar kar rha tha tab usko dada ji ne bulaya ...jab vo vapis jaane laga tab usko apni dadi ki aawaj thodi dheemi hote sunai di aur phir usne sab sun liya ..aur ab uski maa usko kamre me na pakar chali aai thi to avi bhi apni maa ko dekhte hi bahar aa gaya aur leke kamre me aa gaya ...
"" Beta kaisa hota jaa raha hai din bhar ..na khana sahi se khata hai na mehnat karta hai ..ye bana banaya shareer phirse purane haddi jaisa ho jayega ...", Padma jhidki laga rhi thi ...dono bed per baithe the tab avi ne apni maa ke gaud me sar rakha aur let gaya ..
""Avi ...avi ...beta tu itna udaas kyu hai ..aakhir kya baat hui h beta ..mujhe nahi batayega .. apni maa ko .chal jaldi bata.", padma bade sneh se uske Sir Per hath ghuma rahi thi ..avi ko bada sukoon mil rha tha ..usne padma ko bhi apne sath liya aur baho m sone laga ..padma abhi bhi uske sir per hath fira rhi thi tab boli
""Avi ...abhi to dopeher hai aur tum aise so rhe ho jaise raat ho gai ho .", Padma ne itna hi kaha bas ..phir avi ne flow me kaha
""Raat ko neend hi to nahi aati maa ", avi ne flow me bol to diya .. lekin ab sochne laga ki ab kya jawab dega jab usse poocha jayega kyon ?
Padma : per beta raat ko na sona achi baat to nahi hai na ...
Avi : vo maa ..pata nhi kyu aadat si nahi rahi raat ko sone ki ..din me maja aata hai
Padma : bas kar apni maa se kitna jhooth bolega ..ab ye bata rajni se ladaai hui kya ?
Avi : hunh ..nahi to ...aapko kisne kaha aisa ..
Padma : ye wahi mandir wali ..phir hospital me bhi thi ..rajni ..mujhe pata h iske sath tumhara kuch chakkar hai .. achi lagi mujhe .. ladaai kis baat per hui ..
Avi : ohh mummy ..aisa kuch nahi hai ..bas meri dost hai vo ..
padma : haan haan bas kar ..apni maa ko bewakoof mat bana ..sab jaanti hu main kaise us din car me.baithe the... mandir k ander se sabse pehle main hi bahar aai thi ..tumhe dekh ander chali gai lekin jab hamla hua tab main dar gai .tum meri jaan ho avi ..main bas tumhare liye hi to jee rhi hu ..varna meri apni life ka koi mol hi nahi tha .. main to ek tooti hui dor thi jo idhar udhar uljhi suljhi ghoom rahi thi ...
Avi : maaa....meri maa..ab vo mere sath nahi h ...usko koi aur pasand aa gaya ...ab tera beta single hai
Padma : ye kya baat hui koi aur pasand aa gaya ...aise kaise pasand aa gaya usko koi ...tu usko chhod ..teri maa tere liye chand si bahu leke aayegi ...
Avi : nahi ..abhi mujhe jaldi nahi ..hato ab sone do ...chup hoke let jao aap ...
Avi nahi chahta tha ki uski maa ab baat aage kare kuch bas ...vo to usne baat sambhal ki varna sab batana padta ...
""""""""*
""""***"
""Oye yaar ye DM mujhe bahut pareshan kar rha tha ..aaj iska game baja hi daalte hai ..chal tu gaadi nikaal ", dilbaag singh nashe me aake raat ko apne 3 bande leke gaadi nikaal raod per jaa rha tha aur sabke hath me pistol thi ...seher me ghuske unhone najar rakhni shuru ki tab ek aadmi me kaha bhi ki pehle bhai ko bol dete hai ..to dilbaag singh kehta hai ki nahi ..bhai ko surprise denge ...
Idhar DM gaadi se nikal gaya tha aur raste me inhe dikh b gaya tha ..uske sath aaj aadmi b nahi the ...bas ek driver aur ek guard ...jabki 2 guard allow the ..driver b guard hi hota tha ...aaj shayad uska waqt usko gher rha tha ki uski gaadi road per chadh gai aur daudne lagi tab ek bulero peeche se full speed me aa rhi thi leherti hui ...usne gaadi ko overtake kiya aur dheere krke rukwa liya ...
Phir naa baat hui na kuch behes bas seedhe goliyan chali aur sab maare gaye ... dilbaagh singh muccho per taav deta hua apni gaadi me baith ke nikal liya apne ghar ...
Iski khabar jab bheeshma ko lagi tab usne bhi gussa kiya lekin DM uske kiye b khatra ban skta tha isliye usne b kuch na kaha ...
Ye khabar bahut dukhad thi ..jab raat ko rajni ki maa ko phone per pata chala tab vo hamesha hasti khelti aurat ek dum se cheekh maarke phone ko vahi chhod di aur rone lagi ...kamre me se bahar jab bachche aaye tab maa ko rote dekh poochne lage kya hua maa....
Ab unki maa kuch bol nahi rhi thi bas roye jaa rhi thi ..ye bada hi dukhad hadsa hua tha ..aur isne dilbaagh singh ki maut likhwa di thi ...
