Shauryagarh ki sena jaise hi yuddh ke maidan ki ore badhi, poore aakash mein dhool ke baadal chha gaye. Sainikon ki tukdiyan anushasanbaddh tareeke se aage badh rahi thi—ghudsawar sabse aage, unke peeche paidal sainik aur rathon ki panktiyan. Hawa mein talwaron ki chamak aur dhwajon ki laharati aabha thi.
Yuvraj Mangalpratap, Vikramaditya, aur Shauryapratap apne-apne ghodon par sawar the. Unke chehre par dridh sankalp ki jhalak thi. Mangatpratap ki drishti door kshitij par tiki thi, jahan Sultan ki vishal sena apne parcham tale ekatr ho rahi thi.
Ranbhoomi ke paas pahuchne par, ek chhayamay aakriti aage badhi. Yeh koi aur nahi, balki Sultan ka senapati tha. Uske chehre par ek vichitra-si shanti thi, mano vah pehle hi kuch tay kar chuke hon.
Yuvraj Mangalpratap ne apne ghode ko rok liya. Unke ishaare par Shauryapratap aur Vikramaditya bhi thahar gaye. Senapati ne dheere-dheere apne ghode ko aage badhaya aur Yuvraj ke saamne aakar khade ho gaye.
Sultan ka senapati– "Yuvraj, ab bhi samay hai. Chahe to haar maanlo warna mere haato se tum maare jaoge.
Mangalpratap ne ek gehri saans li aur apni talwar ko paka hue kaha—
Mangalpratap (nirbhikta se)– haar to kaayar maante hai. Shauryagarh ki mitti mein janm lene wala har veer antim saans tak ladta hai. Hamari swatantrata aur swabhimaan ki keemat par hum kabhi sir nahi jhukaayenge."
Senapati ne ek thandi muskan ke saath sir hilaya.
Senapati- tum to yuddh kya hita hai jaante bhi nahi ho aur hamare sultan se ladhne aaye ho. Manana padega. Lekin tumhara ye ghamand jald hi toot jaayega. Jab sultan apni talwar se tumhara sir kaat denge.
Yuvaraj Vikramaditya shaant lekin kathor aawaz me- agar itna hi dum tumhare sultan me hai to use kaho ki wo hamare saamne aakar lade. Kaayaro ki tarah chup kyu raha hai.
Senapati ke piche khada razak pure gusse me aajata hai.
Razak- tujhe kya lagta hai tu hamare abbu ko maar paayega. Wo isliye yahapar nahi aaye kyun ki tum jaise kido ke liye hum akele kaafi hai.
Shauryapratap - agar yuddh karne ke liye aaye ho to ye dhamkiyan dena band karo aur humse ladho. Hum tumhe batayenge ki kido me aur yoddhao me kya fark hai.
Mangalpratap yuddh ki ghoshna karte hai. Razak aur senapati ab unke sainiko ke paas jaata hai.
Suraj ki pehli kiran ke saath hi ranbhoomi par dono senaen aapas mein bhidne ko tayar thi. Ek or Sultan ki vishal sena apne hajaro sainikon, haathiyon aur ghudsawaron ke saath khadi thi—har sainik ki aankhon mein vijay ki lalasa aur Shauryagarh ko mitane ki pratigya thi. Dusri or, Shauryagarh ki sena apne dhwaj tale ekjut thi. Yuvaraj Mangatpratap, Vikramaditya, aur Shauryapratap apne ashwon par sawar hokar sena ka netritva kar rahe the.
Lekin is yuddh mein yuvaraj sirf bahubal se nahi, balki buddhi se bhi jeetne aaye the. Unki yojana satik aur chaturai se rachi gayi thi. Unhone kewal rajsi sena par nirbhar na rahkar, aam janta—kisano, shilpakaron, aur anya sthaley logon—ko bhi is yuddh mein shamil kiya tha. Ye ve log the, jo apne rajya ki raksha ke liye praan tak nyochhavar karne ko tayar the.
Yojana ke anusar, yuddh ke prarambh mein Shauryagarh ki mukhya sena khuli ranbhoomi mein ladai karegi, jabki grameen aur shilpakar durgam sthalon, khet, aur khaiyon mein chhupkar shatru ko nuksan pahuchayenge.
Suraj ki kiranon ke saath hi Sultan ki sena ne yuddh ki ghoshna karte hue bhayankar akraman kiya. Unke vishal haathiyon ne aage badhkar Shauryagarh ki agrim pankti ko todne ki koshish ki, lekin Yuvaraj pahle se hi tayar the. Jaise hi haathi aage badhe, teerandazon ne ek saath apne agnibaan chhode. Kuch hi kshanon mein kai haathi dhadak uthe aur bhagdar mach gayi.
Isi beech, kheto se huti hue jamin par se ekaek halchal hui. Ye vaahi kisaan aur shilpakar the, jinhe Yuvaraj ne rananeeti ke tahat chhupa rakha tha. Unhone apne kheton mein chhupi khaiyon mein shatru sainikon ko fansana shuru kar diya. In khaiyon ko vishesh roop se is samay ke liye tayar kiya gaya tha—gahre gaddhon mein baans ki nukili chhadein chhupi thi.
Jaise hi Sultan ke sainik wahan pahunche, unhe laga ki ve surakshit kshetra mein aa gaye hain. Lekin achanak zameen dhansne lagi aur kuch sainik in khaiyon mein gir gaye. Kai sainikon ki cheekhen goonj uthi.
Dusri or, shilpakaron ne apni chaturai se akraman kiya. Unhone apne auzaron ko hathiyar bana liya tha.
Kuch shilpakaron asthayi pulon ko kaat diya, jisse unka aage badhna kathin ho gaya. Iske alawa, unhone ghode ki taapon ki awaaz ki nakli nakal tayar ki, jisse shatru bhramit ho gaye aur apne hi sainikon par hamla karne lage.
Dopahar hote-hote Shauryagarh ki sena ne yuddh par apni pakad majboot kar li thi. Shauryapratap aur Vikramaditya ke netritva mein ghudsawaron ki tukdi ne Sultan ki sena ke madhya bhag par ghaatak prahar kiya. Is aakasmik hamle se shatru sena bikhad gayi.
Isi samay, kisano ki ek toli ne Sultan ki yuddh-gadiyon par dhava bol diya. Unhone rassion ko kaatkar gadiyon ko gira diya, jisse yuddh samagri nasht ho gayi. Is hamle ne Sultan ki sena ki gati ko dheema kar diya.
Shauryagarh ki sena ne is avsar ka labh uthate hue teevr akraman kiya. Talwaren chamki, bhalon ki varsha hui, aur dekhte hi dekhte shatru ke ek-ek sainik dharashayi hone lage.
Yuvaraj ki yojana ki safalta ab spasht ho gayi thi. Shatru sainikon mein hahakar mach gaya.
Shauryagarh ki sena ne Sultan ki sena ke pankh kaat diye the. Yuddhbhumi par charon or shatru sainikon ki laashein bichne lag gayi. Suraj dhalne se pahle hi Sultan ke ek 300 se adhik sainik mare ja chuke the.
Ranbhoomi mein khade Yuvaraj Mangatpratap ne talwar uthaakar apni sena ki or dekha. Unke honthon par ek atmvishwas bhari muskan thi—yuddh abhi samaapt nahi hua tha, lekin aaj ki vijay unki chaturai aur apne logon par vishwas ka parinaam thi.
Door khade Razak ne yah sab dekha. Uski aankhon mein chinta ki lakirein aur gehri ho gayi. Ab ve samajh gaya tha ki Shauryagarh ki taakat kewal unki sena mein nahi, balki unki ekta aur chaturai mein bhi thi. Lekin razak neetiyon ne tez nahi tha. Wo puri tarah se gussa tha. Use apne sainiko ke marne se jada apni hone wali haar ka dar tha.
Yuvaraj ne apni talwar aasmaan ki or uthai aur zor se hunkar bhari—
"Shauryagarh ki Jai!"
Ranbhoomi mein yah goonj door-door tak phel gayi. Yuddh jari tha, lekin pehla charan Shauryagarh ke paksh mein jhuk chuka tha.
Surya pashchim ki or jhukne laga tha. Shouryagarh ki sena ab tak apni yuktio se Sultan ki sena ko bhaari kshati pahucha chuki thi. Bikhre hue shavon aur yuddh ki dhool mein bhi Shouryagarh ke sainikon ki aankhon mein jeet ki chamak thi.
Mangalpratap apne sainikon ka netrutva karte hue lagataar dushman ki panktiyon ko tod rahe the. Vikramaditya aur Shauryapratap ki talwaren ab bhi bijli ki tarah chamak rahi thi. Aisa prateet ho raha tha jaise vijay ab bas kuch hi doori par thi. Lekin tabhi kshitij par dhool ka ek aur ghana gubaar uthta dikhayi diya.
Vikramaditya ne door se aate hue bhaari sainy dal ko dekha aur unka chehra gambhir ho gaya.
Mangalpratap (chintit swar mein)– "Yuvaraj, ye to Razak ki sena lagti hai…!"
Vikramaditya (shaant magar teevrata se) – "Haan, aur inki sankhya kam se kam do hazar hogi. Ye hamari sabse badi pareeksha ka samay hai."
Razak apni sena ke sath bijli ki gati se aage badh rahe tha. Usne pehle hi apne sabse anubhaviyan ghudhswaron ko aage kar diya tha. Shouryagarh ki sena ab tak ke sangharsh mein thak chuki thi, aur yah naya hamla unki panktiyon ko todne ke liye kaafi tha.
Razak (garjana karte hue) – "Shouryagarh ki sena! Tumhare yuvaraj ko main apne haathon se mitane aaya hoon. Aaj ya to tum sab apne shastra daal do ya mitti mein mila diye jaoge!"
Is achanak hamle ne Shouryagarh ki sena mein halchal macha di. Vikramaditya ne sthiti ko bhamapte hue turant apni rananeeti badli.
Vikramaditya (adesh dete hue) – "Mangalpratap, hum ek yojana par kaam karenge. Is yuddh mein jeetne ke liye humein shatru ko bhramit karna hoga. Tum is rahasya ko sirf apne tak rakhna."
Mangalpratap- lekin kaisi yojana yuvraj?
yuvaraj- wahi jo humne aapko mahal me batayi thi. Yahapar sultan nahi hai lekin uska beta hai. Agar hum use maar de to ye yuddh aaj hi khatm ho sakta hai.
Mangalpratap - leki
n bua ka kya. Agar ye khabar untak pahonch gayi to.
Yuvaraj - ye yuddh hai, is samay un baato par hume dhyaan nahi dena hai. Hamara lakshya sirf vijay hai bhaai.
Mangalpratap - lekin ye yojana bahot ghatak ho sakti hai. Kahi ye yojana ulti na pad jaaye
Yuvaraj- jo hoga dekha jaayega. Hume hamari yojana par pura vishwas hai.
Mangalpratap ne sir hilaakar sweekriti di. Wah jaanta the ki Vikramaditya ka har nirnay door-drishti se bhara hota hai.
Vikramaditya (aavesh mein)– "Yeh yojana Shouryagarh ki jeet tay karegi, lekin iska ek bhaag hum sab ke liye kathin hoga…"
Jaise hi Razak ki sena ne Shouryagarh ke sainikon par hamla kiya, Vikramaditya aur Shauryapratap ne apni tukdi ko do hisson mein baant diya. Mangalpratap aur unke senapati ne durgam maarg se kuch sainikon ko lekar peeche ki or badhne ka natak kiya, jabki Vikramaditya aur Shauryapratap ne dushman ki mukhya pankti ka samna kiya.
Sandhya ki laalima mein yuddh aur bhi bhayanak ho utha. Har taraf khoon hi khoon bah raha tha. Lekin ye khoon sultan ki sena ki thi. Sultan ek taapu ke paas khada yah sab dekh raha tha.
Sultan apne aap me- tujhe lagta hai to bahot bada yoddha hai Yuvaraj, lekin Teri maut sirf aur sirf mere haath se hogi.
Razak ke netritva mein dushman ki sena ne Vikramaditya ko chaaron or se gher liya. Unki talwar thakaan ke bavjood bijli ki tarah chal rahi thi. Lekin dheere-dheere Sultan ki vishaal sena ka dabav badhne laga.
Razak abhi bahot piche tha. Wo nahi janta tha ki uski sena ne Yuvaraj ko gher liya hai.
Ek teevr jhatka laga. Vikramaditya ke ghode ki peeth se vah neeche gire. Chaaron or se dushmanon ne unhe gher liya.
Shauryapratap jo bahot bahaduri se un sab ke saath ladh rahe the wo dekhte hai ki sultan ki sena ne Yuvaraj ko gher liya hai. Wo karib 100 sainik the. Jaise shauryapratap ki nazar un sab par padi. Wo tezi se unki taraf nikal pade.
Vatavaran me ab badlav ho raha tha. Aasaman me ghane badal cha gaye. Maano surya un sab ke piche chup gaya tha.
Yuvaraj aur unke saath kuch chand hi sena thi . chahe kuch bhi ho haar nahi maan rahe the. Wo apne sainiko ke saath ek ek kar sabko maarne lage.
Sultan ka senapati bahot shatir tha. Wo apne buddhi, bal aur apne sainiko se lagbhag yuvaraj ke aaspas ke sabhi sainiko ko maar deta hai. Ab Yuvaraj wahapar akele bache the.
Shauryagadh unki taraf tezi se apne ghode ke sahayyata se badhne lage. Mangalpratap wah dekhte hai.
Mangalpratap - senapati, aap yaha sambhaliye hum yuvaraj ko bachane jaa rahe hai.
Senapati- jo aagya yuvaraj, jeet hamari hi hogi.
Achanak se vatavaran me badlaav aata hai. Jo baadal abtak ghane the wo tezi se barsane lage.
Mangalpratap ab apne pita ki or badhte hai. Yuvaraj un sainiko ke bich ab fas chuke the. Ek ek kar saare sainik yuvaraj par hamla karne lagte hai. Yuvaraj bhi kai sainiko ko maarne me safal ho jaate hai. Lekin tabhi sultan ka ek sainik yuvaraj ke piche aata hai. Aur apni talwar sidha unke pith me ghusa deta hai. Tez baarish me sultan ke sainiko ko saaf saaf dikh nahi paa raha tha. Lekin wo samajh chuke the ki unke ek sainik ne unpar hamala kiya.
Shauryapratap dekhte hi ki Yuvaraj par kisi ne hamla kiya. Shauryagadh tezi se chillate hai aur gusse me yuvaraj ki taraf aur tezi badhte hai. Lekin wo bhul gaye the ki sultan ki sena unke aaspaas thi. Unpar ek ghudsawar talwar ka vaar karne wala hi tha . Shauryapratap samajh nahi paaye ki unpar hamla ho chuka hai. Tabhi piche se mangalpratap ne apne talwar se us sainik ka sir kaat diya. Shauryapratap baal baal bach Gaye.
Mangalpratap - pitaji, kya aap thik hai.
Mangalpratap ne unke pita shauryapratap ki jaan bachayi thi.
Shauryapratap ka man ek pal ke liye apne bete par garv karne laga lekin dusri taraf unhe apne bhaanje ki chinta thi.
Shauryapratap dukhi swar me- mangalpratap, yuvaraj par hamla hua hai hume unhe bachana hoga.
Shauryapratap ne pahli baar apne bete ko naam se pukara tha.
Mangalpratap ne Yuvaraj ki taraf dekha jo bahot hi jaada dur the.
Mangalpratap - pitaji hum dekh paa rahe hai. Lekin hum waha nahi jaa sakte.
Shauryapratap - kya, ye tum kya kah rahe ho..yuvaraj ko wo maar bhi sakte hai.
Mangalpratap - sultan ki sena purv disha se tezi se akraman kar rahi hai. Agar hum yuvaraj ki taraf jaayenge to to sultan ki sena hamare sainya ko puri tarah mita degi.
Shauryapratap - par yuvaraj.
Mangalpratap - hum jaante hai yah bahot kathor nirnay hai. Lekin is rajya ko bachana hai to hume purv disha me abhi jaana hoga.
Shauryapratap yuvaraj ko aise marne nahi chodana chahte the, lekin mangalpratap ki baat satya thi. Unke paas ab koi vikalp nahi tha. Shauryapratap chupchap purv disha ki or badhe.
Udhar yuvaraj ke pith me talwar ghuste hi Yuvaraj ki talwar unke haath se chhut gayi. Unke muh se dard ki ek chikh nikli.
Lekin wo sainik ruka nahi. Usne aur hamle kiye. Sultan ke sainik dur khade yah sab dekh rahe the. Ek aam sainik yuvaraj ko aasani se maat de chuka tha. Bas kuch hi samay me yuvaraj jamin par gir pade.
Wo sainik yuvaraj ke paas jaata hai aur unki nas par haath rakhta hai. Wo baaki sainiko ki taraf dekhta hai aur tezi se hasne lagta hai.
Sainik- maar diya ise, ye hamare sultan ko maarne wala tha lekin dekho iska kya haal hua.
Saare sainik jallosh karne lage. Yuvaraj ko marna koi aasan baat nahi thi. Lekin ek aam sainik ne unhe aasani se maar diya tha.
Baaki sainik- chalo, ab iski laash hum sultan ke paas le jaate hai.
Sainik- nahi, ise pahle hamare badshah razak ko dekhni do. Jab unhe dekh kar Khushi hogi tabhi hum ise sultan ke paas lekar jaayenge.
Razak is sainiko se bahot piche tha. Bahot samay tak razak shauryagadh ki sena se ladh raha tha. Kuch ghante baad unka senapati razak ke paas gaya.
Senapati- hujur, hamari jeet hui.
Razak ascharya se- kya, kya kah rahe ho tum.
Senapti khushi se- humne vikramapur ke yuvaraj ko maar dala. Jabtak aap uski laash nahi dekhoge tabtak hum use badshah sultan ke paas lekar nahi jayenge.
Razak khushi se paagal hogaya.
Razak- to kis baat ka intezaar kar rahe ho, chalo. Uska sir hum badshah ke pairo me rakh denge. Tab unhe pata chalega ki hum aakhir chiz kya hai.
Razak, senapati aur uski sena yuvaraj ke shav ki taraf badhne lagi. Idhar mangalpratap aur shaurypratap bahaduri se ladh rahe the.
Yuvaraj ke mrutyu ki khabar yuddh ka sandeshvahak ek guptacharya ye khabar shauryagadh tak bhej deta hai.
Ek patr maharani kumodini ke paas kuch sainik lekar aate hai. Jaise hi wo us samachaar ko dekhti hai wah apne sinhasan par baith jaati hai. Unke aankho se aansu bahne lagte hai.
Udhar maa kadambari jaise yuvaraj ne kaha tha waisehi sringar kar baithi hui thi. Unki nazre sirf usi talwar par thi jo Yuvaraj ne unhe di thi. Tabhi unhe kuch logo ki aawaz aane lagti hai. Aisa lag raha tha maano log kuch unchi aawaz me bahas kar rahe the.
Maa kadambari apne kaksh se bahar jaati hai aur sabha ki taraf badhti hai jaha se unhe aawaz aa rahi thi. Wo waha jaati hai aur dekhti hai ki maharani Kumodini ro rahi thi. Wo samajh nahi paayi ki aakhir kya hua tha.
Maa kadambari- kya hua maa, aap ro kyun rahi hai. Kya kuch bura ghatit hua.
Sab log maa kadambari ki taraf dekhte hai. Ab wo samajh nahi paa rahe the ki unhe kya uttar de.
Maa kadambari- bataiye na maa. Kya hua.
Maharani kumodini - kuch nahi beta. Wo...bas...
Maa kadambari- nahi kuch to hua hai. Aap aise ro rahi hai...aap hume kyun nahi bata rahi.
Unke man me ek dar tha aur aankhe nam ho rahi thi. Wah janana chahti thi ki aakhir kya hua.
Maharani kumodini samjh nahi paa rahi thi ki aakhir is baat ko kaise unhe bataye.
Tabhi ek mantri uthata hai.
Mantri apna sir jhukaye - rani ji, hume maaf kar dijiye.
Maa kadambari ab samajh chuki thi ki ye kisi aur nahi balki yuvaraj ke baare me hi hai. Unke man me aur bhi dar badh jaata hai. Unke honth ab kaanpane lagte hai.
Maa kadambari- kya hua mantri ji, aap bata kyun nahi rahe.
Mantri duvidha me- wo rani ji,...wo...wo...yuvaraj Vikramaditya ab nahi rahe.
Jaise hi yah baat maa kadambari ne sun Li unke pairo se jamin hat gayi. Wo ek pal ke liye chupchap stabdh si hogayi. Unki sanse ab dhire dhire band si hone lagi. Agle hi pal mantri unhe kuch kah paata maa kadambari behosh hokar jamin par gir padi.
Agla bhaag jald hi.
dushman ko harane ke liye takat ke saath dimag bhi chahiye perfect example lekin dusman par bharosa karna kya ye sahi hai ? Shayad haa Shyad naaa..........
