- 1,217
- 3,857
- 159
Fantasy Mahagatha - Sadhna, Sadhak, Shaktiya aur dragons
- Thread starterShadow_Chaser
- Start date
- 570,413
- Status
❤
- 1,217
- 3,857
- 159
- 1,217
- 3,857
- 159
Ek thursday ko aya thaTo apne bola ek update sunday ko diya matlb wo pichle week ka tha and is baar apne update ek hi diya is week so is week ka dusra update kidar h??
Agla kal ayega
Bugs bunny
bahut dekha ye pehleThank youOhkey samjh gyi aaram se de dena sunday ko
Last edited:
- 1,217
- 3,857
- 159
It's fine brother
Siya Riya Jiya Miya Piya..
Short and Pretty names..
Thanks a lot bhai ☺
ABHISHEK TRIPATHI
Well-Known Member
- 6,407
- 28,436
- 218
Excellent update•°UPDATE 71•°
Recap -
Manav : ".. Dadi kahan hai.. ? "
Rajyavardhan : "Hehe, ve Avantika ke saath kitchen me hai aur dinner ready kar rahi hai."
Weh hansa. Phir, woh serious chehre ke saath Indrasen ki or muda aur kaha,
Rajyavardhan : "Aap, mere saath study room me chalo. "
Neeche dekhte hue Indrasen ka chehra laal ho chuka tha.
Khair.. weh Rajyavardhan ke peeche peeche study room me chala gaya..,
Rajyavardhan, jo Indrasen se lamba aur sharirik roop se jyada tagda tha.
AB AAGE :-
Manav kitchen ki taraf badh gaya aur kitchen me aakar, khana banane busy Auntie aur dadi ko abhivaadan kiya.
Saanvi ne bhi Manav ki nakal karte hue apni maa aur dadi ko abhivaadan kiya.
Chunki dinner banna abhi start hi hua tha, Avantika ne Manav aur Saanvi ko, dinner ready hone tak, oopar jaakar games khelne ke liye kaha.
Is tarah, ve donon oopar gaye aur Saanvi ke bedroom me aa gaye.
Ab Saanvi ko, Manav ka uske room me ghusna.. bura nahi lagta tha. Lekin bedroom me abhi bhi Saanvi ka hi raaj chalta tha, aur jab tak Manav yahan tha to use Saanvi ke bataye rules ka paalan to karna hi tha.
Room ke andar aate hi Saanvi ne turant bata diya ki kon kya karega,
Saanvi : "Mai games khelugi, aur tumhe jo novel achi lage wo padhlo,"
Bookshelf se, Manav ne wo novel uthaya jise weh pichli baar aadha padh chuka tha. **(update 15)**
Novel uthakar usne jaanboojh kar causally Saanvi se poochha,
Manav : "Tumhara birthday kab hai?"
Saanvi : "Next month. "
Bolte hue Saanvi ne computer on kar diya aur fir bed ke paas aakar wahan rakhi apni pink slippers pehen li.
Manav : "Abhi tumhare chacha West Ocean ka kuch bol rahe the.. kya hai ye West Ocean? "
Manav mysterious Dragon Tribe ke baare me bahut kam jaanta tha. Kabhi-kabhi to use lagta ki ye.. so called dragons, aam logon ki tarah hi hai.
To wahin.. kabhi-kabhi in logon ke har movements aur.. har shabd kisi rahasya ki tarah hote the.
Saanvi : “West Ocean, humari East Ocean ki tarah ek Dragon Clan (vansh) hai, lekin unke control areas dusri jagahon par hai. Unka mortal world ka business bakwas hai aur wo log bahut stupid aur ghamandi hai ugh"
Saanvi ke bolne ke lehje se saaf pata chal raha tha ki uski najaron me West Ocean Dragon Clan kitni buri hai.
"West Ocean... phir to North aur South Ocean Dragon Clans bhi hongi..?"
Manav ne anumaan lagaaya.
Computer par Game open karte hue Saanvi ne bataya,
Saanvi : “Yeah, lekin humara unse jyada contact nahi hai; hum bas Annual Conference me hi mil paate hai,"
Manav : "Annual Conference..?? "
Saanvi : "Hmm~, ye River, Stream, Lake aur Ocean Dragon Clans ki regular meeting hai. . Annual Conference ke alawa, biannual (Dwivarshik) Dragon Tribe Meetings bhi hoti hain. Ye to jitna tum imagine kar sakte ho usse bhi kahin jyada complicated hai. .
Anyways, isme mera kuch role nahi hai.. dad hi sab kuch handle karte hai."
Screen par game start ho chuka tha. Saanvi ne apni kursi aage khiskayi aur mouse ko pakad liya. Ab weh Manav ke saath baat karne ya uske sawaalon ke jawab dene ke mood me nahi thi.
To dusri or, Manav bhi aur sawaal nahi puchhna chahta tha. Wo jaanta tha ki dheere-dheere use sab pata chal hi jayega.
Aur waise bhi.. jaisa ki Saanvi ki kaha..., ye cheezen uski kalpnao se kahin jyada complicated thi.
Saanvi ke chhote sahi lekin kaam ke jawabo se, Manav samajh chuka tha ki Rajyavardhan Uncle East Ocean Dragon Clan ko chala raha the aur is tarah, clan ke head hone ke naate unke paas bahut se contacts aur resources the.
Koi aashcharya nahi ki woh din bhar behad busy rehte the. Aur.. iske alawa, unke sabse chhote bhai Indrasen, saadhna ke levels me unse bahut aage nikal gaye the.
Dusri aur.. Rajyavardhan ki patni ke roop me, Avantika bhi ek busy woman thi. Is parivaar me kewal.. sabki ladli aur chahiti Saanvi hi aisi thi, jo ekdum tention free aur happy life ji rahi thi.
Halaanki, bade hone par use bhi apne hisse ke burdens aur responsibilities ko nibhana hoga..
Kursi par baitha Manav ye sabsochte hue Saanvi ko dekh raha tha, joki game khelne me poori tarah se talleen thi.
Khair kuch der sochne ke baad, usne time pass karne ke liye dubara se novel padhna start kar diya.
Samay yuhin beet-ta gaya aur.. jald hi dinner bhi ready ho chuka tha.
“Sani !! Manu ! ! Dinner ready hai, aa jao!
Neeche, Avantika ne unhen seedhiyon ke paas se awaaj lagayi.
"Aate hai !!!"
Saanvi aur Manav ne ek saath jawaab diya aur phir ve ek saath hi room se baahar nikle.
Neeche aakar jab Saanvi ko Indrasen kahin nahi dikha to usne poocha,
Saanvi : "Chachu, kahan hai..? "
"Unhe kuch kaam poore karne the to.. unhe wapas jaana pada..,"
Avantika ne apne chehre par bebasi ke bhaav laate hue kaha.
" Ohh.. pakka unhone dad ke saath bahas ki hogi,"
Dinning table par baithte hue Saanvi ne sachchayi ujagar kar di thi. Usne aage kaha,
"Well.. mai baad me unse mil loongi. ”
Avantika ne apna apron utaarte aur kaha ,
Avantika : "Aapke chhote chachu bahut short tempered (gussail) aur ziddi hain. Unhe cheejon ko samajhne ke liye bas thoda time chaahiye..,"
Phir, weh Manav aur uski daadi ki or mudi aur boli,
Avantika : "Auntie, Manu, chaliye dinner karte hai."
Dadi : "Hmm..."
Dadi baith gayi aur aage kaha,
Dadi : "Mai yahan kitne lambe samay se rahi hun, aur aapko kitna pareshaan kiya.. iske liye mujhe khed hai,"
"Koi pareshani nahi hui hai Aunty~ , even aapne to meri bahut help ki hai,"
Avantika ne garmjoshi se kaha.
Avantika ki baat par daadi muskurayi aur Manav ki or mudkar boli,
Dadi : "Manu, maine tumhare dad ke saath baat ki aur.. humne ye decide kiya hai ki kal, donon families saath me lunch karengi.. jisse, hum sab ek-dusare ko aur ache se jaan payenge."
Manav : "Oh.. kal ..."
Manav ne haami me sar hilaya. Use pata tha ki ye din.. aakhir kabhi na kabhi to aana hi tha.
Dadi ne udas hote hue aage kaha,
Dadi : "To.. , ye dinner.. nanhi Sani ke ghar me mera aakhiri bhojan hai,"
Saanvi ke ghar rukne ke dauran, Dadi aur Avantika ke beech gehri dosti ho gayi thi. Itna hi nahi, Dadi Saanvi ko bhi bahut pasand karne lagi thi. Halaanki Rajyavardhan ne dadi se shayad hi kabhi baat ki thi, lekin usne dadi ke prati poori imaandari se sammaan dikhaya tha.
Yahi sab kaaran the ki dadi maa, Avantika ke ghar se jaane me udaasi mehsoos kar rahi thi. Aakhir.. humesha apne kaam me busy rehne wale dadi ke bete aur bahu ne unhe kabhi bhi itni garmjoshi , itna apnapan nahi diya tha.
Dadi ki baat par Avantika ne turant kaha,
Avantika : "Auntie~, aisa mat kahiye na.. please. . Aap jab chahe tab aa sakti hain. Agar.. aap chaahe to aap humesha ke liye yahin rah sakti hain! hume bahut khushi hogi,"
Dadi : "Hehe, ye to impossible hai beta ji. Mai ab aapko aur pareshaan nahi kar sakti. Chaliye ... ab khana kha lete hain,"
Apni Daadi ke chehre par dukh aur udasi dekhkar, Manav ke man me aaya ki kyu na daadi yahin par rahe. .
Halaanki, jaisa ki dadi ma ne kaha.., ve ab Avantika ke pariwar ko aur pareshan nahi kar sakti thi.
Iske alawa, Manav ke maata-pita bhi videsh se laut chuke the, to Manav ki dadi ke liye kisi aur ke ghar me rehne ka koi kaaran hi nahi banta tha.
"Manu, aaj raat aap yahin ruk sakte hai. Hostel jaane ki jarurat nahi hai. "
Achanak Rajyavardhan ne kaha.
"Ok" Manav ne turant kaha. Weh bhi apni dadi ke saath jyada se jyada samay bitana chaahta tha.
Baahar boonda - baandi ho rahi thi, aur andar.. dining room ka mahaul thoda udaas tha.
Ye dusri baar tha jab Manav Saanvi ke ghar me raat rukne wala tha. Weh apni dadi ke room me pharsh par bichhaye gadde par lait gaya, aur.. dadi - pote ne raat bhar khoob baatein kari..
Dadi Saanvi ke parivar ki khoob tareef kar rahi thi.
Ab Manav ko achi tarah pata chal gaya tha ki dadi ne inn kuch dinon me Saanvi ke pariwar ke saath ek gehra rishta bana liya tha. .
Agli subah,
Aaj shaniwar tha, aur mausam bhi khula hua tha. Avantika ne dadi ka samaan pack kar diya tha lekin, weh abhi bhi dadi ma ka man badalne ki apni poori koshish kar rahi thi.
Weh to yahi chaah rahi thi ki dadi ma yahi ruk jaye..
Halaanki dadi bhi is pariwar ke saath rehna chaahti thi, lekin apne bete aur bahu ke aa jaane ke baad, yahan rehne me wo ab uncomfortable mehsoos kar rahi thi.
Avantika ke pariwar ke prati apna aabhaar vyakt karne ke liye, Dadi ne apne bete ko Chennai ka sabse best restaurant, Starlight Restaurant me tables book karne ke liye kaha tha.
11 baje lunch ka samay nirdhaarit hua tha. Aur plan ke anusaar, Manav ke parents ko lunch ke liye restaurant jaane se pehle, Manav, dadi aur unka samaan lene ke liye Saanvi ke ghar samay se aana tha.
Halaanki, filhal 11 baj chuke the lekin Manav ke maata-pita abhi tak nahin aaye..
Daadi, jo subah se hi bechain thi, ab aur intzaar nahi kar saki.. aur unhone apne bete ko phone laga diya.
Phone receive karte hi, Manav ke pita ne unhen bataya ki unki meeting late tak chali isliye ve late ho gaye.. ve jald hi wahan pahunch jayenge.
Isliye.. Saanvi ke ghar me, sab log living room me baithkar Manav ke parents ka wait karne lage.
Wait karte karte adha ghanta beet gaya, lekin Manav ke maata- pita abhi tak nahi aaye.
Dadi, jo badi der se khud ko shaant dikhane ki koshish kar rahi thi, ab aakhirkaar uttejit ho gayi.
Dadi ko pareshan dekh kar Avantika unke paas aayi aur unhe dilaasa diya,
Avantika : “Take is easy Auntie~. Traffic ne unhe late kar diya hoga. "
Manav bhi ab apna dharya kho raha tha. Saanvi ki family apne saare kaam chhod kar wait kar rahi thi lekin.. uske parents abhi tak nahi aaye the..
Isi tarah intzaar karte-karte aadha ghanta aur beet gaya.
Ab jaise hi dadi phir se phone karne ko hui, ek white ford ghar ke darwaaje par aakar ruki.
Chamchamate silver suit me Manav ke pita aur ek long black western dress me uski maa car se baahar nikle aur ek dusre ke haath me haath daale tezi se aage badhe.
Donon ek dusre se poori tarah match ho rahe the, chaahe baat unke look ki ho ya swabhaav ki..
Nissandeh, perfect couple kaise hote hai? Koi bhi Manav ke parents ko dekhte hi bata sakta tha.
Agar Aahna yaha hoti, to woh chaunk kar behosh ho gayi hoti kyonki yeh couple aur koi nahin balki Manas Shisht aur Anvi Kapoor the jinhone kuch din pehle Chennai University me science lectures diye the!
Manas aur Anvi ko apni taraf aate dekhkar, daadi ke chehre par jara bhi khushi nahi dikhi; Iske bajaay, unka chehra gusse se tamtama gaya.
Pharsh ki taraf ishara karte hue Dadi ne Manas se gusse me kaha,
Daadi : "Apna ! haaath aage karoO !! "
Dadi itne gusse me thi ki ye kehte hue unka ka poora shareer hil gaya tha.
Update par yahin viram lagate hai.
🅁🄴🄰🄳,
🄻🄸🄺🄴🄰🄽🄳
🄲🄾🄼🄼🄴🄽🅃
To be continued.....
ABHISHEK TRIPATHI
Well-Known Member
- 6,407
- 28,436
- 218
Excellent updateMere Doston.. update padhne se pehle twins ladkiyon ke ache ache naam suggest karo!
•°UPDATE 72•°
Recap -
Manas aur Anvi ko apni taraf aate dekhkar, daadi ke chehre par jara bhi khushi nahi dikhi; Iske bajaay, unka chehra gusse se tamtama gaya.
Pharsh ki taraf ishara karte hue Dadi ne Manas se gusse me kaha,
Daadi : "Apna ! haaath aage karoO !! "
Dadi itne gusse me thi ki ye kehte hue unka ka poora shareer hil gaya tha.
AB AAGE :-
badi jaldi hai update padhne kiNaam suggest karo pehle
Dadi ko itne gusse me dekhkar, Avantika sahit uska poora pariwar bhi hairaan reh gaya.
Manas : "Maa.., maa please aap shaant ho jayiye,"
Hadbadi me, Manas 2 kadam aage badha aur dadi ko samjhane ki koshish karne laga,
Manas : "Wo.. Mantri ji ke sath kuch research projects discuss karne the.. isiliye mai thoda late ho gaya.."
Dadi : "Research..! Research! ! Research ! ! ! Sirff research hi tumhari priority hai. . hai na... ? ye boodhi aurat to tumhare liye kuch ahmiyat nahi rakhti.... "
Kehte hue dadi ka chehra utar gaya tha.
Yeh dekhkar ki dadi ki tone thodi naram ho gayi hai, Manas 2 kadam aur aage badha aur apni maa ko car tak le jaane me unki help karne ki mansa se bola..,
Manas : "Aisi baat nahi hai maa.. aaiye mai aapk.... ."
"APNAA HAATH AAGE KAROO!!!"
Achanak dadi ki awaaj tez ho gayi.
Netaon, buddhijeeviyon se sammaanit Manas Shisht.. , apni maa ki daant se kaamp gaya aur.. Ek baari Avantika ke pariwaar ko sharmindagi bhari nazar se dekha.
Haalaat bigadte dekh Avantika dadi ke paas aayi aur unko shaant karne ki koshish karne lagi,
Avantika : "Auntie.. aap sha.. "
Lekin Dadi ne haath uthayaaur Avantika ko rok diya,
Dadi : "Bete.. aap beech me na pado. Aaj ise (Manas) apni galti ka ehsaas hona hi chahiye! "
Maa aur bete ke beech ki awkward condition ko dekhkar, Anvi ne aakhirkaar.. apni chuppi todi aur thoda aage aate hue kaha,
Anvi : "Mom.., please shaant ho jayiye. Apka high blood pressure.… ”
Lekin dadi ne use bhi beech me hi rok diya,
Dadi (Anvi se) : " Aur, tum ! ! "
Aamtaur par milansaar rehne wali dadi aaj baukhlayi hui thi,
Dadi : "Kya tumne Manu ko janm dene ke baad se kabhi uski dekhbhaal ki ? ? Nahi!!
Maine akele hi uska dhyaan rakha !!
Kya tumne kabhi apne ghar ke prati daayitvon ke baare me kabhi chinta kii ?? Nahii!!
Maine sabhi cheejon khyaal khud rakha!
Kaam ! Kaam! Kaam !! Kya tumhari life me bas "Kaam" hi sab kuch hai!!! "
Apni saas se daant kha kar, sundar aur shaleen Anvi thoda peechhe hat gayi aur fir chup rahi.
Dadi : "MujhEE..! APNA HAATH DOO ! !" d
Dadi teesri baar Manas par chillayin.
Apni bujurg maa ko gusse me kaanpte dekh, Manas ko dar tha ki kahin high blood pressure ke kaaran maa ko ek aur daura naa pad jaye.. aur isliye, uske paas embarrassment me apna sar neeche karne aur apni hatheli ko aage badhane ke alawa koi chara nahi tha.
Dadi ne chaaron or dekha aur.. unhe wahin table par rakha hua Avantika ka rulerdikh gaya. Dadi ne use turant utha liya.
Ye ruler sheesham ki maheen & majboot lakdi se bana tha, joki chikna aur sakht tha.
Dadi : "Jaisi ki purani kahawat hai, insaan me achchayi aaye na aaye, burayiya khud ba khud aa jati hai! Tumhari sabhi foreign trips se aisa lagta hai ki tum apne saare sanskaar.. apna saara anushashan bhool gaye..! !"
Kehte hue dadi ne apne ek haath me Manas ka haath pakda aur sakht ruler uski hatheli par jor se de mara.
Tez dard ko mehsoos karte hue, Manas ke man me apna haath peeche karne ki ichchha hui.. lekin usne, apni maa ke gusse se dar se aisa karne ki himmat nahi ki.
Ruler hatheli par se uth-te hi hatheli par turant maar ka laal nishaan dikhayi dene laga.
Dadi : “Jab me is high blood pressure ke kaaran behosh ho gayi thi, tab tum kahan the?? Jab mai hospital se discharge hui tab tum kahan the!?? kahan the tummm jab mujhe hospital se wapas ghar jaana tha!!? ??
Agar Avantika ka parivaar nahi hota, to.. mai.. mai to mar chuki hoti! "
S N A P !
Manas ki hatheli par ek aur jordaar mara dadi ne.
Anvi ko apne pati ki haalat par taras aa raha tha lekin woh.. dadi ko rokne se dar rahi thi. Usne dheemi awaaz me kaha,
Anvi : "mom...., aisa mat kahiye please..."
Dadi : "Mera kaha ek ek shabd sach hai! Avantika ki family ne meri jaan bachayi! aur.. unhone hi meri dekhbhaal ki..
Tab tum kahan thi!??? Manas mera beta hai, aur tum, meri bahu ho! lekin, jab mai khatre me thi tab tum donon kahaan the!! ?? Oopar se tum donon meri jaan bachane walon ke saath aisa vyavhaar karte hoo!!??? mai bhale hi anpadh hoon, lekin mai morality ko jaanti hoon! Bhale logon ka ehsaan maanna, mai jaanti hoon!!"
S N A P !
Teesri kadi chot Manas ki hatheli par padi.
Manas ki poori hatheli laal ho gayi thi aur.. abhi, yeh.. world famous scientist apna sharm se laal aur paseene se tar chehra neeche kiye hue apni maa ke saamne chupchaap khada hua tha.
Dadi : “Jab time 11 baje ka decide hua tha, to tumhe to 11 baje se pehle hi aa jaana chahiye tha. Tumhe der ho gayi to kya?? Tumhe dusron ke time ki bilkul bhi kadr nahi hai! !! Avantika ki family ne meri jaan bachayi hai, aur tumne unhen bewajah itna intjaar karwaya! Kya tum unke jara bhi ehsaan-mand nahi ho..!!? ? Itne nirlajj kabse ho jaye tum Manas! ! "
Snap ! Snap ! Snap ! Snap !
Jab bhi dadi kuch kehne apna munh kholti, ruler tezi se baar-baar Manas ki hatheli par aa girta.
Dadi : " Tum ehsaan-faramosh, kapti aur.. besharam ho gaye ho! Nahi chahiye mujhe tumhare jaisa beta!! "
Manas ki hatheli par padhti har ek maar se dadi gussa badhta jaa raha tha. Ve ab haafne lagi thi, lekin Manas ki pitayi.. wo to aur bhi tej ho gayi thi.
Manas, apni maa ke saamne sar jhukhye chupchaap dard bhari maar jhel raha tha. Usne is poore samay ke dauraan apna sar neeche rakha.
Jab weh yuva ladka tha to, jab kabhi bhi woh koi gadbad karta ya apni padhayi me aalas karta, to dadi use isi tarah punishment deti thi.
Pichhle kareeb 20 saalon me, jab se weh bada hua aur apna naam kamaya, use apni maa se iss tarah ki saja nahi mili thi.
Aaj baahri logon ke saamne usne phir se apni maa ke gusse ka anubhav kiya..
Manas na kewal aasehniye dard ko mehsoos kar raha tha balki, iske saath sharm, glaani aur Saanvi ke pariwar ke prati kuch aabhaar bhi mehsoos kar raha tha.
Dadi : "Maine tumhen kya nahi sikhaya..! vinamrata, honesty, dusro ki respect karna, naitikta.., vishwas! kya tum sab bhool gaye! ? ? "
Snap ! Snap ! Snap ! Snap !
Manas ki hatheli par ruler ki ek ke baad ek maar padti gayi. Dard se usne ne apne daant pees liye, aur apna haath wapas peeche kiye bina chupchaap apni maa ke gusse ko jhelta raha..,
Uske haathon.. jinki Science field ke log bahut kadr aur respect karte the, kyuki Manas itna skillful tha ki sirf microscope aur tweezers ki madad se cell membranes ko asaani se split kar deta tha.
Abhi.. wahi skillful haath asehniye dard me tha.
Dadi : "Aisa bilkul bhi mat sochna ki kuch awards jeet kar ya goverment ka support hai isliye tum baaki sabhi aam logon se upar ho gaye hoo! Sabse upar tumhare usool aur sanskaar hone chahiye.....! Apne pariwar ki madad kar rahe logon ko tum aise treat karoge....!!? ? Kaise tum apne aap ko ek sabhya insaan bata sakte ho...."
Ab dadi ki saans phoolne lagi.., dadi ab aur khadi nahi reh sakti thi, aur.. isliye unhen apne peechhe rakhe sofa par baithna pada.
Manas fauran aage badha aur apni maa ka haath pakadte hue unke paas neeche baith gaya,
Manas : "Haan maa..., mujhse galati ho gayi.."
Anvi bhi kuch kadam aage badhi aur apna sar jhukate hue boli,
Anvi : "Meri bhi galati thi.. mom.. "
"Apni galatiyon ka pashchataap karne me koi kabhi late nahi hota! Achchi baat hai ki tum donon ko apni galti samajh aa gayi..! Jab bhi kabhi foreign jao to apni sanskriti, apne riwaz kabhi mat bhoolna!! "
Dadi ne fir se tez awaaj me kaha.
Ab aakhirkaar.., Avantika ko dadi maa ko khush karne ka mauka mil gaya tha,
Avantika : “Auntie~, aap please shaant ho jayiye. . aap abhi abhi recover hui hai.. please apni health ka dhyaan rakhiye,"
Saanvi bhi Dadi ke paas aa gayi aur unko shaant karne ki koshish me kaha ,
Saanvi : "Hmm dadi~ please gussa mat kariye.. "
Manav bhi dadi ke paas aaya aur dheere dheere unki peeth thapthapane laga, jisse dadi ko apni saans sambhalne me madad mili.
Abhi..,
Manas aur Anvi chupchaap dadi ke paas khade the. Kuch din pehle, ve donon auditorium me lectures dene wale confident aur professional scientists the, lekin ab..,
unki aankhon me aansu the, jaise ki bachche galti karne par apni maa se daant khane ke baad react kar rahe hon.
Dadi se sar uthaya aur fir un donon se kaha,
Dadi : "Vinamrata aur sadachaar! ye humare pariwar ke adarsh hai! bhale hi tum donon apna bright career bana rahe ho, lekin koi fayda nahi! agar tum apne insaan hone ke sabse buniyadi aadarsho ko hi bhool jao! !! "
Manas : "Maa, hume aisa nahi karna chahiye tha..,"
Anvi : "haan.. mom.. "
Lekin dadi ne unhe bura muh banate hue dekha,
Dadi : "to theek hai. ab jao mere bags le aao! "
Hadbadi me, Manas aur Anvi ne daadi maa ke bags uthaye aur bags ko apni car me rakhna shuru kar diya.
Manav ne apne dad ke tamatar ki tarah laal ho rahi hatheli ko dekha jo lagataar kaampkapa rahi thi. Manav bhi jaanta tha ki is baar dadi bahut serious aur gusse me thi.
Khair.. kayi gehri saanse lene ke baad, dadi apne milansaar swabhaav me wapas lauti. Dadi ne Avantika aur Rajyavardhan se kaha,
Dadi : "Aaj jo hua.. uske liye mai aapse kshama (maafi) maangti hoon,"
"Koi baat nahi.. " ☺
Rajyavardhan ne muskurate hue kaha.
Apne bete ko sabke saamne daantne - peetne ke baad, Manav ki dadi ne apni jaan bachane walon se maafi maangi, is ummeed me ki late aane ke liye ve Manav ke parents ke prati apne man me koi bura bhaav nahi rakhenge.
Bags car me rakh Manas wapas andar aaya,
Manas : "maa, bags car me rakh diye hai. Kya.. ab hum lunch ke liye chale..?”
Uske expression normal ho gaye the aur filhal woh kuch minute pehle ki tarah embarrass nahi lag raha tha.
"Ahm-hmm,"
Keh dadi uth khadi hui aur darwaje ki or badh gayi.
Avantika ke ghar me kayi dinon tak rest karne ke baad, dadi pehle se kahin jyada healthy aur majboot ho gayi thi. Aur.. unka rang aur chehre ka tez bhi kisi jawan lady ki tarah lag raha tha.
Ve bujurg thi, lekin ab unke shareer par pehle ki tulna me kam jhurriya thi. Haalanki dadi jaanti thi ki Avantika ne apne herb soup me kayi durlabh jadi bootiya daali hongi.. jisse unki sehat me itna sudhaar jo ho paaya tha.
Saath hi, dadi ne is par bhi gaur kiya ki Avantika Manav ko kitna pasand karti hai.
Saanvi aur Manav ko ek saath dekhkar, dadi ne dhyaan diya ki unke pote ka shaant swabhaav , Saanvi ki cutenesss se kaafi match ho raha tha.
Ab jab dadi ne sabhi ko bata diya tha ki Avantika ki family ne unki jaan bachayi thi aur.. uske alawa Manav ki family ke "Big Boss" ke roop me unhone apna adhikaar bhi dikha diya tha...
Matlab aage ab Manav - Saanvi se judi saari baatein bade smoothly hone wala thi.
Waise dadi ke man me jhaanka jaaye to dadi apne pote ki bahu ke liye aur kuch saal tak wait karne ke liye taiyaar thi, jab tak ki Saanvi aur Manav ke man me ek doosre ke liye feelings naa aa jaye. ..
Dadi ko Saanvi ki umr se bhi koi fark nahi padta tha, kyuki unhone apne bachpan me, 12-13 saal ki ladkiyon ki shadi hote hue bhi dekha tha.
Idhar dadi ke "mansubon" se bekhabar Manav, apni dadi ka haath pakadte hue baahar laaya aur unhen araam se apne pita ki Ford me baitha diya.
Rajyavardhan ne apni black Chevrolet garage se nikaali, aur fir donon cars ek ke baad ek Starlight Restaurant ke liye ravana ho gayi.
Rajyavardhan ke bagal wali seat par baithi Avantika poochti hai,
Avantika : "Aaj.., kya hum bas lunch karenge.. ya phir.. , Manu ke parents se shadi ki baat bhi karenge..?
Rajyavardhan : "Auntie ne hume kuch der pehle hi dikha diya tha ki Shisht Family me final decision wahi karti hai. Ab chunki Auntie apne favour me hai, to hum Shadi ki baat unke saamne rakh sakte hai. "
Pichhli seat par baithi Saanvi, apne parents ki baatcheet sun rahi thi. Kuch kehne ke liye uske honth khule.. lekin usne apne parents ko beech me nahi toka.
"But.. mai uss "stupid uncle" se shadi nahi karna chaahti."
Car ki khidki se baadalo ko dekhte hue.. Saanvi soch rahi thi.
Bas itna hi!
🄻🄸🄺🄴
🄲🄾🄼🄼🄴🄽🅃
To be continued.....
Gloden dragon
Dragon ( ° ~ ° )
- 206
- 576
- 94
- Status