Update 71
Main sham ko apne time par practice karne chala gya. Aaj Manju Mam k ghar jane ki vajah se time nahi mila rest ka is liye bas kapde badal kar hi chala gya. Wahan se free ho kar main manju Mam k ghar ki aur chal pada is dauran mujhse kai sari calls aayi magar maine kisi ki call attend nahi ki socha rat me bat karunga. Zarur neha didi se karuna didi aur naina didi ko pata chal gya hoga isi liye wo calls kar rahi thi. Main 7 manju Mam k ghar pahunch gya aur ja kar bell bajayi to Mam ne darwaza khola
Ab aage -
Manju m: tum aa gye ? Aao main tumhara hi intzar kar rahi thi.
Main Mam k piche piche andar chala gya . Kuch chote bache drying room me baithe pad rahe the.
Manju m: chalo bacho aaj k liye itna bahut hai . Ab tum log jao aur kal time par aa jana .
Uske bad bacho ne apne bag samete aur chale gye. Main wahin sofe par baith gya . Mam mere liye cold drink le aayi.
Manju m : ye kya tum khali hath hi chale aaye ? Koi copy kitab nahi laye?
Amit : wo kya hai Mam main sidha practice se hi aa raha hun aur aapne bataya bhi nahi tha k kaun c kitab le kar aaun is liye khali hath hi chala aya.
Manju m : chalo koi bat nahi aaj sirf baten hi karte hain aur han ghar par main Mam nahi didi hun theek hai ?
Amit : sorry Mam mera matlab hai didi
Manju m : waise main dekh rahi hun itna kuch hone k bad bhi tum itne shant ho . Iska kya matlab hai?
Amit : kuch bhi nahi . Sachai sab k samne aa gyi ab mujhe kya karna chahiye kuch bhi to nahi
Manju m : tumhare sath itna kuch ho gya aur tum aise react kar rahe ho jaise kuch hua hi nahi. Mujhe itna gussa aa raha tha k us ladki ko aisi saza dun k wo yad kare aur tum aise shant ho ? Dekho amit gusse ko andar dabana nahi chahiye warna isse insan ki soch samajh bhi kharab ho jati hai. Main janti hun tum me bahut gussa hai isi liye to us ladki k sath badtameezi karne par tumne monty par hath uthaya tha. Main kaise man lun k itna kuch hone par bhi tumhe gussa nahi aa rha
Amit : dekhiye didi jo kuch bhi shivani ne kiya hai wo sab usne monty k kehne par hi kiya hoga. Is liye main us par gussa nahi kar rha aur rahi bat monty ki use samay aane par dekh lunga.
Manju m : bilkul bhi nahi. Agar mujhe waqai me apni didi mante ho to monty aur sheena se Door hi rehna. Tum nahi jante wo kis had tak ghatiya hain . Trailer to tumne dekh hi liya hai. Tum nahi jante magar main achi tarah janti hun unki family ko. Tumhe to shayad ye bhi nahi pata hoga wo dono sage bhai behan hain. Unka baap bahut ghatiya Aadmi hai aur usi k khoon ka asar hai ye sab . Monty ka to mujhe andaza tha magar sheena bhi aisi niklegi ye nahi pata tha. Unka baap bahut paise wala hai . Wo tumhare sath kuch bhi kar sakte hain meri mano to tum kisi kism ki badla lene ki koshish na karna. Main nahi chahti fir se tumhare sath kuch galat ho . Ye to bhala ho us shaks ka jisne samay rehte tumhari begunahi k sabut mujhe de diye. Warna tumhe koi bacha nahi pata.
Amit : main dhyan rakhunga aap chinta mat kijiye. Aap bachon par tuition padari hain ?
Manju m : bat mat badalo maine jo kaha hai use dimag me bitha lo . Aur han us shivani k bare me bhi sochne ki zarurat nahi use to principal sir zarur saza denge . Aur rahi in bachon ki bat to main inhe muft me padati hun isi bahane mera bhi dil laga rehta hai . Warna aur kaun hai jisse me baten kar sakun college aur tuition k beech bas main hun aur ye sooni deewaren . Kabhi kabhi sochti hun k main zinda kis liye hun magar fir ye soch kar marne ka irada nahi karti k jab tak zinda hun kam se kam kisi ki koi madad hi kar dun kisi k kam aa jaun. Ye sab bache gareeb pariwaron se hain inki school fee bhi main hi deti hun . Bas ye ek ghar aur ek car hi bahut mere liye . Khane peene k ilawa jo bhi bachta hai bas dusaron par hi laga deti hun.
Manju Mam ki zindagi kitni tanha kitni udas thi ye unki baton se pata chal raha tha. Bat karte hue unki aankhon me ek sunapan saaf nazar aa raha tha. Unka chehara ek dam se aise khamosh ho gya jaise ateet ki kadvi yadon ne unke zakhmon ko fir se hara kar diya ho
Amit : aap mujhe apni zindagi k bare me kya kuch nahi batayengi ? Agar aap ko theek lage to aap mujhe apne bare me bata sakti hain.
Manju m : chhodo in sab baton ko katon me hath lagane se sirf Zakham hi milte hain. Tum mujhe apne bare me batao tumhari family k bare me tumhare ghar me kaun kaun hai. Tumhari hobbies tumhari life k important persons jo kuch bhi hai tumhari life me main sab janna chahungi
Amit : ye kya bat hui ? Aap mujhse sab janna chahti hain aur mujhe kuch batana nahi chahti
Manju m : acha theek hai ek deal karte hain tum mujhe apne bare me sab batao fir main bhi apne bare me bataungi magar dheere dheere bolo manzoor hai?
Amit : theek hai
Manju m : to shuru karo
Amit : mera nam to aap janti hain meri family me mere teen mama aur teen mausi hain. Main apne mama k sath hi rehta hun . Mere mata pita bachpan me hi guzar gaye the maine unhe kabhi nahi dekha. Bachpan se bade mama mami ne hi mujhe pala hai is liye main unhe ma baba keh kar bulata hun. Sab mujhe bahut pyar karte hain main sabka ladla hun. Mera koi aur bhai behan nahi hai. Kisi mama k bhi koi aulad nahi thi is liye mujhse sab se bahut pyar mila. Magar ab meri teeno mamiyan ma banne wali hain aur jald hi mere bhai behan aane wale hain. Mera bachpan akele hi guzara hai. Mera koi dost nahi tha gaon me sivay ek k . Raju nam hai uska magar jab se college shuru hua hai usse bhi milna nahi ho pata . Maine zindagi tanha guzari hai is liye main aapka dard samajh sakta hun. Aap wada kijiye aaj k bad kabhi khud ko akela nahi samjhengi jab kabhi aap udas hon to mujhe yad kar liya kijiye.
Manju m: I m sorry mujhe nahi pata tha k tumhare ma bap nahi hain . Koi kitna bhi pyar kyun na kar le Magar ma baap ki jagah koi nahi le sakta . Waise tum sab k hote bhi tanha kyun rahe ye bat mujhe samajh nahi ayi .
Amit : mujhe pata nahi kyun par mere janm din wale din hi mere mata pita ek accident me mare gye the is vajah se log mujhe manhoos samajhte the aur mujhe koi dost nahi banata tha.
Manju m : main samajh sakti hun tumne kaisa waqt guzara hoga. Aur aaj se tum bhi kabhi khud ko tanha nahi samajhna . Jab bhi dil kare aa jana mujhse milne.
Amit : aap jab bhi bulayengi main hazir ho jaunga aur jab mera dil karega tab bhi aapko tang karne aa jaunga.
Manju m : anytime . You always welcome . Tumhe pata hai tum pehle insan ho jise maine dil se apna samjha hai. Kabhi kabhi to main khud is bat par hairan hoti hun ki kyun main tumhe itna pasand karti hun. Jab bhi tumhe dekhti hun to aisa lagta hai jaise tum mere apne ho.
Amit : shayad pichle janam me bhi hum bhai behan rahe honge.
Manju m : ho sakta hai. Tumne apni mausi k bare me nahi bataya?
Amit : hmm meri teen mausi hain. Do meri ma se badi hain aur ek meri ma k barabar hi hai. Sab mujhse bahut pyar karte hain aur pata hai meri teeno mausi isi shehar me rehti hain.
manju m : kamal hai fir hi tum hostel me rehte ho bhala wo kyun ?
Amit : nahi Mam main hostel me nahi balki mohit k sath uske ghar me rehta hun . Wo kya hai k jab maine hostel me rehna shuru kiya to wo mujhse naraz ho gya aur uski narazgi door karne k liye mujhe uske ghar par rehna pada. Aur rahi bat mausi k ghar na rehne ki to main nahi chahta main kisi par bojh banu . Wo teeno to mujhe bulati rehti hain magar main khud hi nahi jata. Har kisi k ghar ki apni zaruraten hoti hain aur main nahi chahta k meri vajah se kisi ko koi problem ho.
Manju m : bahut gehri soch hai tumhari. To ab tumhara ek aur dost bhi hai . Mujhe yakeen hai k wo bhi tumhari tarah hi acha hoga.
Amit : aapne bilkul theek kaha mohit bahut acha hai aur uske mom dad bhi mujhe bahut pyar karte hain mujhe kabhi ye nahi lagta k main kisi gair k ghar me hun.
Manju m : ye to bahut achi bat hai. Aur batao family me kaun kaun hai tumhare cousin vagerah.
Amit : badi mausi k ek beta 2 betiyan hain jo mujhe bahut pyar karti hain . Dusari mausi k do betiyan hai aur teesari mausi k sirf ek beti hai. Meri do cousins hamare hi college me padti hain aur wo science stream me hain.
Manju m : very good mujhe bhi milwana unse
Amit : zarur Mam ab aap bhi kuch bataiye apne bare me
Manju m : meri zindagi me ab kuch bhi nahi bacha hai . Mere husband shadi k kuch mahino bad hi chal base . Kehne Ko ek bada bhai hai magar sauteli hone ki vajah se wo mujhse nafrat karta hai aur main bhi usse nafrat karti hun . Uske ilawa mera koi saga ab duniya me nahi hai
Amit : to kya aapka koi aur bhai behan nahi tha ?
Mere is sawal se Mam kuch der k lye shant ho gyi. Aur bahut gambheerta se boli
Manju m : tha to sahi magar wo ab hai nahi to bat bhi kya karun jab bhi unko yad karti hun to aankho se aansoo behne lagte hain. Koi aur bat karo
Amit : I m sorry Mam . Aapki koi saheli bhi nahi hai kya?
Manju m : saheli koi khas to hai nahi . College me mera ek group hua karta tha magar dheere dheere sab apni apni life me busy ho gyi uske bad kisi se milna nahi hua.
Amit : chaliye koi bat nahi aaj se main apka bhai bhi hun aur dost bhi aur aapko kuch bhi kam ho koi bhi bat ho aap mujhse kahengi
Manju m : bilkul , aur tumhe bhi har bat manni hogi warna badi behan hone k nate tumhare kaan bhi khinch loongi
Hum dono ko baten karte hue kafi waqt beet gya tha. Mere phone par mohit ka phone aya aur wo mujhe ghar aane ka puch raha tha . Maine use jaldi aane ka keh kar phone kaat diya .
Amit : acha to didi main chalta hun baton baton me kafi waqt beet gya mohit mera intzar kar raha hai.
Manju m : khana yahin par kha kar jao . Main itna bhi bura nahi banati
Amit : ha ha ha mujhe pata hai aap khana zarur acha hi banati hongi . Main fir kisi din aapke hath ka khana zarur khaunga magar abhi mujhe jana hoga.
Manju m : theek hai jao aur han kal apni books sath lete Ana .
Amit : theek hai didi ab main chalta hun
Main manju Mam k ghar se sidha mohit k ghar aa gya. Aaj manju Mam se bahut sari baten huyi thi pata bhi kyun main sab kuch unko aise batata ja raha tha jaise mujhe unke puchne bhar ka hi intzar tha. Khair jab main ghar pahuncha to aunty ne khana bana liya tha aur mera hi intzar tha. Aunty ne pehle mujhe juice aur dry fruit khane ko diya aur fir baten karte hie khane ka waqt bhi ho gya. Rani abhi bhi nazar nahi aa rahi thi aur aunty akeli hi sara kam kar rahi thi. Maine aunty ki madad ki aur fir humane mil kar khana khaya.
Rat me main apne bed par leta aaj jo kuch hua uske bare me soch raha tha aur mujhe kya karna chahiye is par vichar kar rha tha k mohit mere pas aa gya.
Amit : mohit is waqt tu yahan ? Koi kam tha kya?
Mohit : main janta hun tu kya soch raha hai. Aur main bhi wahi sab soch raha hun.
Amit : matlab ?
Mohit : aaj jo kuch bhi hua uske bad neend kaise aa sakti hai . Main janta hun tu bhi yahi soch raha hoga k kaise unko sabak sikhaya jaye. Tu ye bat jan le k kuch bhi ho jaye main tere sath hun aur hum un kameeno ko saza zarur denge.
Amit : tu itni chinta kyu karta hai yar main nahi chahta meri vajah se tum par koi bat aaye is liye tu in baton se door hi reh.
Mohit : ek taraf mujhe dost bhi kehta hai aur dusari taraf aisa bol kar paraya bhi karta hai. Ek bat kaan khol kar sun le k main har hal me tere sath hun , tu jo bhi karega main tera sath doonga.
Amit : acha baba maaf kar magar filhal main kuch nahi karna chahta . Mujhe yakeen hai principal sir shivani ko saza zarur denge aur rahi bat monty ki to uske liye thande dimag se kuch sochte hain agar sidha sidha usse jhagda kiya to isse prof mujhse naraz ho jayenge aur us harami ka kya pata kahin meri cousins ko hi tang karna shuru kar de. Aur tu bhi khud ko thanda rakhna wo zarur humen gussa dila kar jhagda karne ki koshish karenge magar humen college me jhagde se bachana hoga.
Mohit kafi der tak mere sath isi mudde par bat karta raha aur fir apne kamre me ja kar so gya. Main bhi uske jane k bad apni soch ko viraam deta hua so gya. Subah main routine se excercise kar k wapis aa gya aur nashta kar k mohit k sath college k liye nikal gya.
College me aaj jyada tar students mujhe gaur se dekh rahe the . Kal ki ghatna ki vajah se main sabki nazron me aa gya tha magar ye bhi acha hua k sachai jald hi samne aa gyi warna college me rehna mere liye mushkil ho jata . Pehle 2 lecture lagane k bad jab mai aur mohit free lecture me canteen ki taraf ja rahe the to ek ladke ne aa kar mujhe bataya k prof Varinder ne mujhe unke office me bulaya hai. Main turant prof Varinder k office ki aur chal pada mohit ko maine canteen me rukne ko kaha. Prof ne mujhe office me bithaya aur apni bat kehni shuru ki .
