Sabhi91
Active Member
- 1,395
- 3,957
- 159
Bahut khoob sir jeee......Update 93
Ghar aane par aunty mujhse thoda naraz hui k main bina bataye kahan chala gya tha shayad wo soch rahi thi k main uncle ne jo mere nam property ki hai uski vajah se kahin gya hun magar mujhe normal dekh unhone is bare me bat nahi ki. Aunty ko batakar mein practice k liye nikal gya. Aaj practice par lye gya tha to yahan se bhi der se free hua aur manju m k ghar bhi der se pahuncha . Par Mam ne kuch nahi kaha kyunki unko bhi pata tha k caompetition ki vajah se main extra mehnat kar raha hun. Mam ne aaj college na ane k pucha to maine bata diya k zaruri kam se gya tha achanak jana pada is liye bata nahi paya . Ab to jaise routine hi ban gyi thi k pehle main Mam k ghar aa kar nahata tha fir padai . Mam se koi khas bat nahi hui . Mam shopping par jana chahti thi aur maine bhi socha tha Sunday ko time nikal lunga par nahi nikal saka . Mam ne to kuch nahi kaha par maine soch liya k ab jis din bhi time mila ye kam zarur karunga. Rat ka khana kha kar main bed par leta shivani k sath aage badne par soch raha tha . Ek dil keh raha tha k mujhe ye nahi karna chahiye ek dil keh raha tha k Shalu k liye ye karna hi hoga, usne mere liye kitna bada zokhim liya aur agar wo samay par na ati to isi shivani ki vajah se main aaj kahan hota. Itne dino se main Shalu se na mila tha na bat ki thi . Main soch raha tha k uski problem solve karne k baad hi usse milun agar main pehle usse bar bar mila aur kahin kisi ne dekh liya to uske liye mushkil ho sakti hai. Shivani ki ma ki vajah se main shivani k sath kuch aisa waisa karne se dar raha tha k kahin isse unko dhakka na lage . Wo mujhe beta manti hain aur unhe mere bare me pata chala to? Shivani ki dekh kar lagta hai k wo forward ladki hai yani k wo pehle bhi kisi na kisi se physical ho chuki hogi aise me use koi khas farak nahi padega par fir bhi man kahin na kahin sankuchit sa ho raha tha k kahin mere hathon kisi ka bura na ho jaye . Main apne hi khayalon me khoya tha k aunty doodh ka gilas le kar aa gyi. Wo kab aayi mujhe pata bhi nahi chala. Mujhe soch me doona dekh kar wo mere pas hi baith gyi aur mere mathe par hath rakha.
Aunty : kya soch rahe ho?
Amit : aunty aap kab aayi ?
Aunty : jab tum apne khayalon me khoye hue the. Kya soch rahe the jo tumhe mere ane ka bhi pata nahi chala?
Amit : kuch nahi aunty bas aise hi
Aunty : agar tum mujhe apna samajhte hi to share kar sakte ho shayad main koi madad kar sakun ?
Amit : aunty aap mere liye kitni khas ho kya ye sabit karne ki zarurat hai? Uncle aur aap mere mata pita ki tarah hi to hain. Main ek ulajhan me hun bas usi k bare me soch raha hun.
Aunty : agar mujhe batao to shayad koi hal bata dun
Amit : ek dost ki madad karni hai jisne mushkil waqt me meri madad ki thi par lag raha hai shayad is vajah se kisi aur k sath bura ho jayega . Ek taraf dosti ka farz hai dusari taraf insaniyat.
Aunty : hmmm kya isse kisi ka koi aisa nuksan ho raha hai jo uske liye khatarnaak hai?
Amit : shayad nahi par use bura lagega aur fir main khud ki nazar me gir jaunga .
Aunty : aur agar tumne apne dost ki madad na ki to ?
Amit : tab bhi main khud ko maf nahi kar paunga
Aunty : agar tumhe pata hai k tumhare is kam se kisi ka koi nuksan nahi ho raha aur sirf tumhe ye dar hai k wo kya sochega ya tumhe tumhari self respect aisa karne nahi de rahi hai to tumhe ek bar apne dil se ye bat sochni chahiye k tumhare liye dosti important hai ya self respect. Aur ek bat main tumhe bata dun k self respect ko bachane se bhi tum khud ko maf nahi kar paoge kyunki jis dost ne mushkil waqt me tumhara sath diya tha agar tum uske liye kuch na kar oye to ye bat bhi sari umar tumhe chain se jeene nahi degi. Tum jo karna chahte ho usse tumhari self rispect ja sakti hai. Magar dost ki madad na karne se tumhara zameer tumhe kabhi maaf nahi karega. Self respect par chot ho to kuch der bad insan us bat ko bhula deta hai magar zameer agar ghayal ho jaye to wo sari umar chain se rehne mahi deta. Tum kisi ki nazron me girne se bachne k liye apni nazron me gir jaoge aur zara socho k apne us dost ka samna kabhi kar paoge aaj jiski madad karne me tum itna soch rahe ho. Sachi dosti to wo hai jisme hum apne fayda nuksan bhool kar apne dost k liye k liye koi bhi keemat chukane k liye taiyar hon.
Amit : aap theek keh rahi hain aunty main kisi ki nazar me gir jaunga isse koi farak nahi padega kisi ko magar main dost ki madad na kar k apni nazron me hi gir jaunga jo mujhe kabhi chain se rehne nahi degi. Aapne mujhe sahi rasta dikha diya hai aunty shukriya.
Maine aunty ko gale laga liya aur unke galon par ek kiss kar di.
Aunty : bas ? Itni sa hi inam milega?
Maine aunty k sir k piche hath rakhe aur unke hontho par honth rakh kar ek lambi smooch de di .
Aunty : bas ? Itna ...
Amit : competition k bad apko itna inam doonga k agle din bed se uth nahi payengi
Meri bat se aunty sharma gyi
Aunty : dhatt ! Ab doodh pi le main chalti hun aur ab aram se so jana.
Aunty muhe kiss kar k chali gyi aur main doodh pi kar late gya . Aunty ne bilkul sahi kaha tha dosti k liye fayda nuksan nahi dekha jata . Ek pal me hi aunty mere sare soch vichar khatam kar diye aur mujhe samajh faisala lene me asani ho gyi. Shivani ki nazar me agar main gir bhi gya to koi bat nahi par shalu ki madad har hal me karunga. Waise bhi shivani ka isse koi nuksan to nahi hone wala. Main chain se so gya kyunki ab meri shanka door ho chuki thi.
Agle din pehle lecture me main fir class k bahar tha kyunki kal na aane ki vajah se chandrakanta m ne mujhe bahar nikal diya tha jabki mohit ko warning dekar chhod diya. Pata nahi Mam ko mujhse kya problem hai. Khair manju m ne mujhe class me bithaya. Free lecture me aaj Minal akeli hi aayi thi canteen me kyunki use bhi Rima par gussa tha k usne usse ye bat chhupai thi k wo sheena monty ki behan hai. Subah college ate waqt Minal ne kaha tha k wo Rima se dosti tod legi . Minal main aur mohit canteen me baithe hue the ki Rima bhi aa gyi. Main Rima ko dekh kar apni jagah se uth kar bahar nikal gya. Rima se main bat bhi karna nahi chahta tha . Jabki Rima mere is behaviour se hairan ho rahi thi. Shayad Minal ne abhi Rima ko nahi bataya tha. Main bahar aya to samne se radha aur neha didi bhi aa rahi thi aur mujhe dekhte hi mere pas aa gyi. Dono ke chehare par tension dekh kar mujhe laga k dono kisi problem me hain.
Amit : kya bat hai didi aap dono tension me kyun hain?
Neha : Nahi to aisi koi bat nahi hai
Radha : didi ab to bata.......
Neha : maine kha na koi bat nahi hai. Aur bata tumhara competition kab hai?
Amit : mera competition to kal hai par aap mujhse kya chhupa rahi hain ?
Neha : aisi koi bat nahi hai . Bhala main tumse kya chhupaungi
Amit : aap jhooth bol rahi hain apke chehare pe saf nazar aa raha hai k aap bat chhupa rahi hain aur zarur koi badi bat hai jo aap tension me hain. Radha tum batao kya bat hai
Radha : didi bata do please
Neha : aisi koi bat nahi hai bas wo main apna asignment poora nahi kar payi to mujhe punishment mile ab is bat k liye kya hum teachers se ladenge?
Amit : bat kuch aur hai didi agar aap mujhe apna bhai manti hain to bata dijiye warna aapki marzi
Neha : ye tu kya keh raha hai amit ? Bhagwan janta hai maine hamesha dil se tujhe apna mana hai. Aisi baten kar k mera dil mat todo. Tu janna chahta hai na kya bat hai to theek hai main bataungi par pehle kal tu mujhe caompetition jeet k dikha fir main tujhe bataungi aur wada kar tab tak tu is bare me na sochega na puchega . Main khud tujhe bataungi. Aur radha tu bhi ise kuch nahi batayegi jab tak main na kahun
Didi ne itna keh kar meri zuban band kar di par dimag me ye bat ghumne lagi k akhir didi kis vajah se pareshan hain. Radha batana chahti thi par didi ne batane nahi diya. Zarur koi badi bat hogi warna didi radha ko nahi rokti. Lecture khatam hone tak hum idhar udhar ku baten karte rahe par main dekh raha tha k radha didi par is bat se naraz lag rahi thi k unhone ne radha ko bat nahi karne di. Khair iske ilawa college me koi khas bat nahi hui. Minal aur Rima me kya bahut hui ye mujhe nahi pata thi aur na hi Minal ne is bare me mujhe kuch bataya . Mera mind apne hi soch vichar me ulajha tha to maine bhi nahi poocha.
Aaj shivani ko apne papa k sath kahin jana pad gya kisi zaruri kam se to uska phone aa gya k wo aaj nahi aa payegi. Uske liye wo sorry feel kar rahi thi par maine use samajhaya k hum kal parson me fir mil lenge.
Sham ko practice karte waqt coach sab ne kal schedule samjha diya. Unhone bataya k boys college me completion honge aur humen 10 baje se pehle wahan pahunchna hai. Wo humen wahin milenge. Neeraj ne peri peeth thapathapate hue kaha k ye mere liye Asan hoga aur kal wo khud mujhe le kar jayega ghar se pick kar k. Aaj practice par jyada time laga aur coach sahab k lecture ne bhi time liya to main kuch jyada hi deri se Mam k ghar pahuncha.
Manju m : aaj itni der se aaye ho Kahan reh gye the ?
Amit : kal competition hai to coach sahab ne thoda briefing ki jisse time laga.
Manju m : to rehne dete aaj
Amit : mujhe aapke hathon mar thoda khani thi chhutti kar k
Manju m: aisi bhi koi bat nahi hai. Tum just bata diya karo . Gussa tab ata hai jab bina bataye gayab ho jate ho.
Amit : fir bhi mujhe acha nahi lagta agar bina apse mile ghar chala jata to. Mujhe pat aap kahen ta na kahen par aap mera intzar karti hain.
Manju m : wo to karungi hi . Meri zindagi tumhare siwa aur hai hi kaun.
Manju m jis sanjeedagi se mere sath bat karti thi main har bar unki mayusi ko mehsus kar k unke dard ko feel karne lag jata. Wo mere kehne se ab thoda bahut hasne lagi thi aur mere sath khush rehti thi magar ek aurat ko pyar ki zarurat hoti hai jo use uska partner hi de sakta hai shayad manju m ko bhi usi ki zarurat thi magar unhone to jaise is bare me sabhi raste band kar diye the. Unke ateet me jo zakham the wo unhe is taraf aage badne hi nahi dete the. Khair aaj Mam ne padai nahi karwai aur mere sath bas baten ki. Kal k liye unhone mujhe best of luck kaha aur main ghar aa gya. Aaj uncle bhi ghar par the aur unhe bhi pata tha k mera competition hai is liye aaj dinner par wo mujhe ye hi samjhate rahe completion k bare me bilkul bhi mat sochna isse insan nervous ho jata hai. Unhone ne mujhe khud par bharosa rakhne aur apni hi kshamta par paar pane ki salah di . Yani ki khud apne hi record ko tod kar naye record banana aur unhe bhi todna bas yahi saflta ka mool hai. Mujhe reh reh kar neha didi ka chehara yad aa raha tha aur man me is bat ki chinta thi k kahin wo kisi musibat me na ho fir socha k aisi kya bat ho sakti hai . Jo bhi ho unhone kaha tha k competition k bad bata dengi. Is liye acha yahi hoga maim abhi sirf caompetition k bare me hi sochun . Main man se sari chintaon ko door hata kar aram se so gya.
Agle din subah main routine se excercise kar k ghar aa gya aur nashta kiya. Aunty uncle ne mujhe ashirwad aur shubhakamanayen di. Maine gaon phone kar k sab se bat ki aur unse bhi ashirwad liya. Manju m ne bhi mujhe khud phone par best of luck kaha aur isi tarah Naina didi karuna didi se bhi bat hui. Radha ne bhi mujhe phone kar k beat of luck kaha. Uska phone karna mujh acha laga aaj kitne dino bad usne mujhe phone kiya tha. Aaj maine college to jana nahi tha is liye maine mohit ko keh diya k wo akela chala jaye par usne kaha k o mere sath chalega. Neeraj mujhe lene aa gya aur hum teeno ek sath boys college me chale gye.
Boys college hamare college se chhota tha aur dekhne me bhi utna badia nahi tha. Neeraj ne batay k yahan k ladke gundagardi k liye mashhoor hain aur neeraj par hamla bhi inhone hi kiya tha . Hamare college se alag alag games me participate karne k liye ladke pahunch rahe the. Yahan competition me hamare shehar k sab college k students ne Ana tha to achi khasi bheed nazar aa rahi thi. Hamare college ki taraf se sab games k coach aur prof v pahunch chuke the . Humne ja kar unko report kiya .
Prof v : tum aa gye amit shabash mujhe tumse bahut ummeeden hain aur main janta hun tum ise easily jeet jaoge is liye sirf khel par dhyan dena aur kisi bat par nahi .
Neeraj : aap ne theek kaha sir amit asani se cover karega. Main coach sahab k sath ispar khas dhyan rakhunga.
Prof v ka ishara kya tha neeraj samajh gya tha par mujhe pata Nahi tha. Bad me neeraj ne bataya k yahan k boys cheating karne me mahir hain is liye tumhe sirf game par dhyan dena hai aur chokanna rehna hai.
Mohit : are wo dekh ye to monty hai na . Ye yahan kya kar raha hai?
Mohit ne ek taraf ishara kiya jahan monty aur uske dost kuch ladkon se bat kar rahe the.
Amit : hai to wahi par ye first year walon k liye kyun aayega ? Chalo hamen kya tu chhod usko
Neeraj : ye to wrestling wale ladke hi hain final wale. Inhone hi to mujh par hamla kiya tha. Monty kyun inse milne aya hai?
Maine gaur kiya to unme 2 ladkon ko main pehchan gya . Ye wahi the jo us din neeraj ko marne walon me shamil the. Monty ka inke sath kya connection hai ? Kahin neeraj par hamla monty ki sazish to nahi?
Amit : to kya tum par monty ne karwaya tha ?
Neeraj : wo aisa nahi kar sakta . Use mujhse kya dushmani hogi. In logon ki mere sath personal problem hai kyunki maine inko haraya tha. Wo jo red T-shirt me hai ye is college ka wrestling sabse badia player hai aur last caompetition me ise maine hara diya tha bas usi vajah se isne hamla kiya tha.
Amit : to tumne kuch kiya kyun nahi ?
Neeraj : tumhe kya lagta hai maine ise kuch nahi kaha? Achi tarah sewa ki thi iski bhi bas main inki tarah gundagardi nahi karta. Par kuch to bat zarur hai akhir ye monty iske sath kya bat kar raha hoga. Aise karo tum dono coach sahab k pas jao main abhi ata hun.
Amit : aap kahan chale?
Neeraj : chinta mat karo . Yahan kuch dost hain mere unse mil kar aya.
Neeraj chala gya apne doston se milne aur hum coach sahab k pas aa gye. Is college me hamare college ki tarah suvidhaaen nahi thi par fir bhi arrangements sare kiye hue the. 11 baje sari formalities poori hone k bad competition shuru ho gye. Sab games alag alag jagah par ek sath shuru ho gye the. Sab players first year k hone k karan koi jyada gadbad wala kam nahi tha. Neeraj apne doston se mil kar wapis aa gya. Uske chehare par kuch chinta nazar aa rahi thi usne aate hi coach sahab se is bare me bat ki jab maine usse poocha to usne itna hi kaha k tum bas dhyan se khelna aur chokanna rehna . Mujhe laga wo kuch chhupa raha hai par maine is bat par dhyan dene ki bajaye apne kapde nikal kar costume pehen liye aur taiyar ho gya.
Weight category k hisab se competition shuru ho gye mohit aur neeraj mere sath hi baithe rahe . Meri turn last me thi kyunki main sabse heavy weight category me tha. 1 baje k kareeb meri turn aayi hum char colleges me se 4 hi player the maine apne samne wale player ko asani se mat de di . Meri tarah boys college k ladke ne bhi apne samne wale ko hara diya aur last ne humara apas me competition tha. Jab maine us ladke ko dekha to mujhe yad aya k ye ladka to subah monty k sath khade ladkon me shamil tha. Dekhne me bhainse jaisa tha bhari bharkam. Neeraj ne mujhe alert rehne ko kaha . Referee k siri bajate hi hamara match shuru ho gya. Wo ladka sirf dekhne hi bhari nahi tha usme takat bhi bahut thi aur chehare se gunda type lg raha tha. Magar main bhi kahan kam tha . Main to gaon ki mitti me taiyar desi saand tha. Usne jaise meri ungaliyon me ungaliyan fasakar mere hath marodne ki koshish ki maine ek dam se poora neeche jhuk kar uske hath hi ulte kar diye jisse uski ungaliyan mud gyi. Ye sab itni furti me hua k use samajh nahi aayi. Uska target shayad meri ungaliyan todna hi raha hoga warna aise wo nahi karta kyunki is format me to to hath ki grip gardan par rakhi jati hai. Magar ye desi format usne istemal kar k clear kar diya k wo sirf ladne aya hai. Meri jagah koi aur hota to bachna mushkil tha. Par maine furti se uski ungaliyan ulti marod kar use upar uthane ki koshish ki to uske muh se ek tez karah nikli jiski vajah se referee ne siti mar kar humen roka. Aur is tarah na karne ki warning di. Coach sir bhi hairan pareshan dekh rahe the. Wahin wo red T-shirt wala ladka jisne neeraj par hamla kiya tha wo bhi us ladke ko kuch instructions dene laga.
Referee ne fir se siti baja kar match shuru karwaya to is bar us ladke ne meri gardan par hi grip banai shayad use samajh aa gyi hogi k yahan desi style se bat nahi banegi. Maine bhi uski gardan par grip tight ki to usne ek dam se meri baju marod kar peeche aate hue mere ghutne k peeche se apni edi ko zor se mara aur mera ghutna neeche lag gya . Wo yahi nahi ruka usne lagatar 3-4 bar zor se apni edi mere ghutne ki backside oar mari jisse mere ghutne me tez dard hone laga aur mere muh se bhi karah nikal gyi.
“ Foul “ referee ne ek dam se siti mar kar use door hatane ki koshish ki nagar jate jate wo fir se mere ghutne ko daba gya.
Coach : tum theek to ho amit ? Tumhara ghutna kaisa hai?
Amit : dard ho raha hai oar main theek hun.
Neeraj : maine kaha tha chokanna rehna. Kya tum continue kar sakte ho?
Amit : its ok bhaiya itni bhi nahi lagi.
Neeraj : ab use moka mat dena aur dhyan se ye match khelne nahi tumhe chot pahunchane aya hai.
Main neeraj ki bat ka matlab samajh gya zarur monty ne hi kaha hoga. Maine apne ghutne ki thodi bahut movement ki aur fir se ready ho gya. Us ladke ko bhi warning de di gyi thi. Is bar siti bajte hi us ladke ne meri gardan par grip karne ki bajaye meri tang par hamle kiya. Aur jis ghutne par usne pehle hamla kiya tha usi ghutne ko pakad kar usne dabate hue mujhe girane ki koshish ki. Mujhe bhi andesha tha k wo aisi hi chal chalega is liye main taiyar tha jaise hi usne meri tang pakadi maine position sambhalte hue pehle use block kiya aur apna poora zor laga kar use piche dhakel kar girate hue apna wahi ghutna uski chhati par zor se de mara. Mere dhakka dene se pehle wo piche ko gira aur mere ghutne k zordar war se uski chhati me tez dard hua. Maine bina use mauka dete hua jaldi se usko palta aur uski kamar ko dono bajuon se jakadte hue use uthakar piche ko patak diya. Maine 3 bar lagatar use aise hi patka. Uska weight jayda hone ki vajah se wo apne hi body weight ki vajah se jyada chot kha gya aur maine aakhiri dao chalte hue uski kamar aur pet ko zor se dabochte hue use jakad kar let gya. Pehle ghutne ka war fir uthakar patakne se uski body me jo pain uthi thi uska fayda uthate hue maine use jis tarah patka usse wo jyada der ise bardasht nahi kar paya aur give up kar gya. Uske give up karte hi neeraj aur mohit shor machate uchhalte hue mere sath gale lag gye.
Neeraj : shabash ! Main janta tha tu ise asani se hara dega . Ye sale sochte hain k koi naya ladka hai asani se kabu me aa jayega unhe kya pata tu in sab ka bap hai.
Mohit : shabash mere yar tune kamal kar diya ek hi war me dhool chata di.
Coach : well done my boy. Par ye sab tune kahan se sikha . Aise lag raha hi k professional aur desi wrestling ka combination hai.
Amit : ji sir wo hi to hai . Sab aapka ashirwad aur neeraj bhaiya ki guidance hai .
Mera match khatam hote hi wrestling k mukabale khatam ho gye. Magar baki abhi chal rahe the. Mujhe first prize gold medal mila competition abhi 4 baje tak chalne the magar hum free ho gye the. Boys college k wo ladke ho neeraj k dushman the wo humen ghoor ghoor kar dekh rahe the. Coach sahab ne bhi note kar liya wo nahi chate the k koi jhagda ho to unhone humen wapis chale jane ko kaha aur khud hamen bahar tak chhodne aaye sath me ye bhi keh diya k kal subah time se college aa jana kal principal sir sabse milenge. Hum teeno wahan se wapis nikal pade.
Mohit : bhaiya ek bat to batao aapko nahi lagta wo amit par jan bujh kar aise hamla kar raha tha ?
Neeraj : lagta kya hai ? Main to pehle hi janta tha.
Neeraj ki bat se hum dono shocked ho gye aur neeraj ko dekhne lage.
Mohit : aap jante pehle se jante the?
Neeraj : maine jab kaha tha k main apne dosto se milne ja raha hun to main yahi pata lagane gya tha. Monty ko dekh kar mujhe shak ho gya tha isi liye maine apne dost se pata lagane ko kaha. Usne unki baten unke pas khade ho kar sun li . Monty ne un logon amit ko game me ghayal karne ko kaha tha isi liye to usne pehle iski ungaliyan aur fir ghutne par hamla kiya.
Mohit : is monty ko to dekh lenge. Gunde bulane laga ab
Neeraj : tum log shant raho . Monty ki shikayat bhi ko to kuch sabit nahi hoga is liye shant raho jab wo koi galti karega to fir use sabak sikhayenge . Ek dam se kuch kiya to hum hi galat sabit honge aur principal sir ka to tumhe pata hai wo indiscipline bardasht nahi karte.
Amit : aap theek keh rahe ho bhai . Humen shant hi rehna hoga par jis din isne galti ki pehle main ache se iski dhulai zarur karunga.
Mohit : hum dono karenge . Usne tum par hath dala hai to main kaise piche reh sakta hun.
Neeraj : dono nahi teeno . Main bhi to sath me hun tum logon k mujhe kyun bhool gye. Chalo abhi pehle party karte hain aaj ki jeet k nam.
Mohit : bilkul aaj ki jeet k nam.
Hum teeno pehle restaurant gye aur wahan se kha pikar mauj udate hue ghar gye. Neeraj to mujhe apne ghar le jana chahta tha par maine fir kisi din aane ka bol diya. Ghar aa kar mohit ne jab aunty ko bataya k main jeet kar aya hun to wo bhi khush ho gyi aur mujhe gale laga liya. Mohit zara sa door tha to aunty ne mere kaan me kaha
Aunty : is jeet ka inam tumhe aaj rat me milega taiyar rehna.
Aunty mere kan me ye bat keh kar peeche hat gyi aur meri ankhon me dekhte hue muskurane lagi. Uncle ghar par nahi the magar phone par hi unse bat ho gyi wo bhi meri is jeet se bahut khush the. Maine ma baba ko phone par bataya to wo bhi bahut khush hue fir maine sab ko bataya ab hi mujhe badhayi dene lage. Fir ek ek kar k maine Naina neha karuna radha Rita mausi rajani mausi nidhi didi shivani Shalu sab ko bataya . Sab khush the shivani ne aaj milne ka poocha to maine kal ka keh diya. Naina aur karuna didi to mujhse milne ko kehne lagi par maine Saturday ka bola . Aaj maine college me pehla competition jeet kar apni game ki shuruat kardi thi jiski vajah se meri admission hui thi is college me. Mohit ne Minal ko bataya aur chupke se meri bat usse karwa di usne bhi mujhe badhai di aur party mangne lagi. Sab se bat karte karte kafi time lag gya aur khushi bhi bahut ho rahi thi sab ko meri jeet par khush dekh kar . Itni der main baton me hi dooba tha k mujhe pane ghutne ki dard ka ehsas hi nahi tha jaise hi fresh hone main apne room me gaya to nahate waqt ghutne ki dard ubhar kar samne aa gyi. Mite bhainse ne poore zor se hamla kiya tha s liye ab dard jyada mehsus ho raha tha. Yahan tak hi ab ghutne par wazan dalne se dard mehsus hone laga tha. Is liye maine dayin tang par kam vajan daal raha tha. Socha pain killer kha kar kuch der aram karta hun to main dawa kha kar let gya aur pata hi na chala kab meri aankh lag gyi.
Kafi majedar update raha. Aunty or Amit ka sex thoda short mai niptane ka kosis kijyega.....
Agle update ka intezar rahega.......
