Update-58
Shubham--bhai yahaan khaana bilkul jhaantu milta hai.
Mai--hai na, mai tujhe mana kar raha tha par tujhe hi paise me aag lagaane ki chull thi.
Mai aur Shubham is waqt 1 restaurant me baithe khaana khaa rahe the, khaana bahot hi jhaantu tha.
Mai--saala pata nahi kis baat ke ye itne paise lete hain, lund inse acha khaana to thele waale banaaate hain.
Shubham--haa behanchod, ye chicken dekh, kitna jhaantu piece hai ye.
Maine 1 baar Shubham ki plate ki taraf dekha to mere hosh udd gaye, Shubham ki plate par 1 insaan ki aankh padi thi. Shubham use chaaku se kaat raha tha to us aankh ki putliyaan hil rahi thi. Vo sab dekh mujhe ulti aane ko hui lekin maine khud pe control kiya.
Mai--ye tu kya khaa raha hai bhosdike.
Shubham--meri plate dekhne se acha apni plate dekh le maadarchod.
Maine apni plate par dekha to darr ke maare meri gaand fattne lagi, meri plate par 1 jeebh padi huyi fadfada rahi thi. Maine socha ki ye behanchod kaisa restaurant hai, maine 1 baar wahaan maujood sabhi logon ki plate par dekha to unki plate par kuch aisa hi pada hua tha. Mai kuch samajh paata ki tabhi 1 bahot tez aawaz huyi aur meri aankhon ke saamne 1 tez roshni fai gayi, mai dekhne ki koshish karne laga ki aakhir ye roshni aa kahaan se rahi hai. Meri nazar us roshni ke origin par padi to dekha ki 1 aag meri taraf badh rahi thi, kuch hi der me vo aag mere paas pahoch gayi to mai apne haathon ko apne chehre ke aage le aaya. Thodi der mai vaise hi baitha raha aur jab maahol shaant hua to maine haath hataakar 1 baar aaspaas dekha. Aaspaas ka nazaara dekhte hi mere zehan me fir se darr chhaa gaya, vo poora restaurant barbaad ho chuka tha. Khidkiyan aur deewar toot chuki thi, same haalat kursiyon aur table ki thi. Jo log wahaan maujood the, vo poori tarah se jhulas chuke the. Maine 1 baar Shubham ko dekha to uska bejaan jala hua shareer zameen par pada hua tha, us restaurant me sirf akela mai tha jo zinda bach gaya tha. Mai Shubham ko dekh raha tha ki tabhi wahaan maujood saari laashein khadi hone lagi, khade hote huye vo sab 1 hi baat bol rahe the.
Sab--tum hame bachaa nahi paaye, tum hame bacha nahi paaye.
Un sabki bejaan aankhe mujh pe tiki hui thi, mai un sabko darr ke maare dekh raha tha ki tabhi vo sab meri taraf badhne laga. Unhe apni taraf aata dekh mai peeche hattne laga lekin tab mujhe pata chala ki un sabhi laashon ne mujhe gher liya hai. Vo meri taraf badhte huye abhi bhi wahi baat badbada rahe the, kuch hi der me vo sab mere paas aa gaye aur unhone dhakka dekar mujhe zameen par gira diya, vo sab mujh pe chadhne. Maine unse chhootne ki koshish ki lekin unhone mujhe kaske pakad rakha tha, kuch hi der me 2 haath meri aankho ke saamne aa gaye aur mujhe andhere ke alaawa sab kuch dikhna band ho gaya.
Achanak mai chillaya aur uth ke baith gaya, baithate hi mai zor-2 se saanse lene laga. Mera dil zoron se dhadak raha tha, meri ragon me behta hua khoon mai saaf mehsoos kar paa raha tha. Maine 1 baar aankhe band karke situation ko samajhne ki koshish ki to mai samajh gaya ki abhi-2 jo maine dekha, vo sab sirf 1 sapna tha. Mere sar me mujhe bahot tez dard mehsoos ho raha tha to maine apne haath se apne sar ki maalish karne ki sochi, jaise hi maine apne haath ko apne sar ki taraf laane ki koshish kari to maine paaya ki mera haath bandha hua tha. Maine apne haath ki taraf dekha to uspe hathkadi bandhi huyi thi, hathkadi ka doosra hissa bed par bandha hua tha. Same haalat mere doosre haath ki thi, apne aap ko aise bandha hua paakar mai chhatpataane laga ki tabhi mujhe 1 mardaana aawaz sunaai di.
Aadmi--aise chhatpataane se hathkadiyaan khul nahi jaayengi....
Maine jahaan se aawaz aayi thi us taraf dekha to paaya ki saamne sofe par 2 log baithe huye the, maine 1 baar aaspaas ka maahol dekha to mai samajh gaya ki mai hospital me hoon. Maine is waqt hospital ki dress pehani hui thi. Deewar par 1 ghadi tangi thi jispe is waqt 1:30 baj rahe the, room ki khidki me se halki-2 dhoop kamre me aa rahi thi.
Aadmi2--neend poori ho gayi, vaise tum ye chillate huye kyon uthe?
Aadmi1--ab itne logo ko maara hai isne to thode bahot bure sapne to bante hai na sir.
Mai(chaunkte huye)--ye aap kya bol rahe hain, maine kisko maara. Aap dono hai kon, mujhe yahaan baandh ke kyon rakha hua hai....
Aadmi1(chillate huye)--chup......yahaan sawaal poochne ka haq sirf hume hai, tumhe nahi. Aur kya bol rahe the tum, tumne kisko maara. Itne logo ko tumne berahami se maara hai aur ab bol rahe ho ki tumne kisko maara.
Uski baat mujhe ghanta samajh me nahi aa rahi thi, maine apni aankhein band kari aur yaad karne laga ki aakhir mai yahaan pahocha kaise. Thodi der dimaag par zor daalne ke baad mujhe raat ki ghatna yaad aa gayi ki kaise mai Miles ka peecha kar raha tha aur usne meri gaand tod di thi. Jaise hi mujhe kal raat waali ghatna yaad aayi to mujhe ye bhi yaad aa gaya ki mai Shubham ko behoshi ki haalat me wahaan chhod ke chala gaya tha.
Mai--mera dost Shubham, vo kahaan hai? Vo theek to hai na....
Aadmi1--tumne suna nahi ki maine kya kaha, yahaan sawaal poochne ka haq sirf hume hai.
Aadmi2--sir, pehle khud ko introduce kar dete hain, fir isse poochtaach bhi kar lenge.
Aadmi1--theek hai, mai DCP Abhijeet Rathore, ATS Delhi aur ye hain Intelligence Bureau officer Avinash Mukherjee. Haal hi mai huye blast me tum primary suspect ho aur hum tumhe interrogate karne aaye hain.
Mai--mai aur suspect....paagal ho gaye hain kya aap log. Maine koi blast nahi kiya hai, vo blast kisi aur ne kiya hai.
Avinash--kisne?
Mai--mai uska sirf naam jaanta hoon, Miles naam hai uska. Usi ne haridwaar me blast kiya tha, bar me hua blast bhi usi ne kiya hai....
Abhijeet-- hahahaha.....
Mai--aap has kyon rahe ho, mai yahaan serious baat......
Abhijeet--serious baat....ye tum serious baat kar rahe ho. Hum ache se jaante hain ki vo blast tumne hi kiye hain, ab pakde gaye ho to jhoothi manghadant kahaaniyaan bana rahe ho. Let me make one thing very clear, jitna tum jhooth bologe, utna tum is daldal me faste jaaoge, samjhe?
Mai--mai sach bol raha hoon, meri baat ka yakeen kijiye.
Avinash--vaise tum kis terrorist organization ke member ho?
Mai--terrorist organization....paagal ho gaye hain kya aap. Aap dono ke mann me jo aa raha hai, aap bole jaa rahe hain. You know what, mujhe aapke saath bakwaas hi nahi karni. Mujhe sirf itna bataaiye aap log ki mera dost Shubham kahaan hai.
Abhijeet--lagta hai ise 3rd degree dena hi hoga, tabhi ye apna mooh kholega.
Un dono ki kahi huyi baatein mere ghanta samajh me nahi aa rahi thi, mujhe us waqt bas ye jaanana tha ki Shubham theek hai ya nahi. Maine socha ki inka dimaag padhta hoon, kya pata Shubham ke baare me kuch pata chal jaaye. Maine un dono ka dimaag padhna chaha lekin wahaan bhi mere laude lag gaye, meri power activate hi nahi ho rahi thi. Mai koshish karta raha ki un dono ka dimaag padhun lekin mai aisa kar hi nahi paa raha tha, bas sar me dard huye jaa raha tha. Maine socha ki aakhir mai apni power activate kyon nahi kar paa raha hoon ki tabhi mujhe yaad aaya ki Miles ke jaane ke baad jab dhamaaka hua tha to mera sar jaake car se takraaya tha. Uske baad mujhe yaad aa gaya ki pichli baar jab meri power gayi thi to mere dimaag ne mujhse kya kaha tha.
Dimaag--koi bhi chot agar sahi jagah par lagi to mai hamesha ki liye sleep mode me chala jaaunga.
Ab meri samajh me aa gaya ki mere saath kya ho raha hai, kal jab mai car se takraaya to shaayad mere sar me chot lagne ki wajah se meri power fir se sleep mode me chali gayi thi.
Mai(mann me)--waah behanchod, ye bhi isi time par hona tha. Saala pata nahi kaisi jhaatu kismat leke paida hua hoon mai.
Mai apni soch me dooba hua tha ki tabhi Abhijeet mujhse fir se bol pada.
Abhijeet--kal raat bar me maujood sabhi log maare gaye, bas 1 bouncer bach gaya aur vo bhi isliye kyoki vo tumhaare peeche ground floor par aaya tha. Usne bataaya hume ki tum blast se kuch der pehle achanak bhaagte huye building se nikal gaye the. Kya ye sach hai?
Mai--haa par...
Abhijeet--iska saaf matlab hai, tumne hi bar me bomb plant kiya tha aur uske fattne se pehle wahaan se bhaag nikale the.
Mai--maine wahaan koi bomb plant nahi kiya tha, bar me us waqt asli terrorist baitha hua tha, mai uska peecha karne ke liye bhaaga tha.
Avinash--aur terrorist ke maathe par likha hua tha ki "mai terrorist hoon", right? Tumhe kaise pata chala ki vo shaqs terrorist tha.
Mai--vo....vo mujhe.....
Ab mai unhe kaise bataata ki maine Miles ka dimaag padha tha, agar mai unse ye baat kehta to vo dono mujhe terrorist ke saath-2 psycho bhi ghoshit kar dete isliye maine apne mooh ka dhakkan band rakha.
Abhijeet--koi jawaab nahi, jawaab hoga bhi kahaan se tumhaare paas. Sach to ye hai ki tumne hi vo blast kiya hai.
Mai--ye sach nahi hai....
Mai aage bolta ki tabhi kamre ke gate ko kisi ne khatkhataaya, Avinash ne use andar aane ko kaha to 1 police waala andar aa gaya. Maine uski shakal dekhi to mai use turant pehchaan gaya, vo wahi policewaala tha jisse meri blast waale din ghaat par behas huyi thi. Usne 1 baar mujhe gaur se dekha aur fir Abhijeet se bol pada.
Inspector--yahi hai, yahi hai vo launda saahab jiske baare me maine aapko bataaya tha.
Avinash--poori baat bataao inspector, tumne us din kya dekha tha?
Inspector--saahab, us din mai ghaat par tha. CM saahab ki security ke liye meri duty lagi thi ghaat par, hum logo ne ghaat ka vo area poora khaali kar diya tha. Achanak ye us khaali area me ghus aaya, ye us waqt kisi se phone pe baat kar raha tha. Kuch der isne phone pe baat ki aur jaise hi isne phone kaata to isne 1 kalash paani me fek diya. Maine isko jaane ko bola to ye mujhse behas kar raha tha us din.
Abhijeet--bas-2 theek hai. Ab kya bolna chaahoge tum?
Mai--us din mai apne papa se baat kar raha tha.....
Avinash--1 aur jhooth, aur kitne jhooth bologe tum. Saaf-2 kabool kyon nahi kar lete ki tumne hi vo blast kiye hain, pichle do din me uttarakhand me 3 blast ho chuke hain aur un teeno blast waali jagah me tum maujood the. Ye mahaz 1 ittefaaq to nahi ho saktna na.
Mai--aap samajhte kyon nahi meri baat ko, teesre blast me mai khud ghaayal ho gaya, right? Agar mai terrorist hota to vo blast apne bagal me kyon karta?
Avinash--ho sakta hai ki tumne bar me zyada pee li ho aur nashe ki haalat me galti se vo teesra bomb tumse activate ho gaya ho.
Mai--aap apni kahi baaton ko sun bhi rahe hain sir, aap itne bade officer hoke itni illogical baat kaise kar sakte hain. Mai bol-2 ke thak gaya hoon ki maine koi blast nahi kiya hai, aap samajh kyon nahi rahe meri baat ko. You know what sir, mujhe aap se behas hi nahi karni hai.
Apni baat bolte hi maine apna chehra doosri taraf ghuma liya, meri sach me ab unse behas karne ki ichha nahi thi. Vo dono to maan ke baithe the ki mai terrorist hoon, un dono me se koi bhi meri baat sunane ko taiyaar hi nahi tha. Mujhe is waqt sirf 1 hi baat sataaye jaa rahi thi ki mera dost Shubham is waqt kahaan aur kis haal me hoga.
Abhijeet--mujhe lagta hai ki hume ise army ke hawaale kar dena chahiye, jab vo ise todenge, tabhi ye bolega.
Avinash--theek hai sir, to hum log ise army ko handover karne ki process shuru karte hain.
Vo dono apni gappo me lage huye the aur mai bhi apni soch me dooba hua tha ki tabhi kamre ka gate khula aur 1 khoobsurat model type ladki ne room me entry maari. Usne is waqt 1 leather jacket aur jeans pehan rakhi thi, uske baal highlighted the.
Jaise hi vo room me enter huyi to Abhijeet aur Avinash mooh faade use dekhne lage, un dono ko apni taraf aise dekhte huye paakar us ladki ne halka sa khaans diya to vo dono hosh me aaye.
Avinash--kon hai aap aur aise room me kaise chali aa rahi hain?
Ladki--Maya Khanna, IIA officer. Vipin sir ne bataaya hoga aapko.
Abhijeet--IIA officer aur vo bhi itna late, na hi aap log time pe information dete hain aur na hi time par aate hain interrogation ke liye. Khair, humne isse poochtaach kar li hai aur hum ise army ko handover kar rahe hain. Hum log chalte hain, aapko jo poochna hai isse, aaram se poochiye ab.
Ye bolkar Abhijeet aur Avinash room se baahar chale gaye, vo police inspector bhi thodi der wahaan khada mujhe ghoorta raha aur fir vo bhi wahaan se chala gaya. Ab room me bas mai aur Maya hi reh gaye the, Maya ne 1 baar mujhe dekha aur fir table se glass uthaakar usme paani le liya. Vo sofe par baith gayi aur paani ke sip lene lagi.
Maya--to....shuru kare?
Mai--kya?
Maya--interrogation....acha mujhe shuru se bataao ki kya hua tha. I want every little detail to please kuch bhi miss mat karna, isse tumhaara aur mera dono ka bahot time bachega. Please start....
Mai to pehle se hi un dono officers ki wajah se gusse me tha, oopar se Shubham ki tension me mera dimaag aur kharaab ho raha tha. Maine aaw dekha na taaw, Maya pe chillane laga.
Mai--aap logo ne mujhe chutiya samajh rakha hai kya, jo aa raha hai bas mujhse sawaal pooche jaa raha hai. Aur sabhi ka 1 hi sawaal, mai kitni baar kahun ki mai terrorist nahi hoon. Lekin nahi, aap logon ko to same hi sawaal poochne hai. You know what, mai kuch bhi nahi bolne waala. Aapko jo jaanana hai na, vo do buddhe jo aapse pehle yahaan baithe huye the, unse jaake jaan lijiye. Please aap log ab meri jaan mat khaaiye.....
Maine apne baat khatam ki aur Maya ko dekhne laga, Maya bilkul shaanti se mujhe dekh rahi thi. Meri baat sunke vo halka sa muskurai aur paani ka 1 sip liya, uske baad vo mere paas aa gayi. Jaise hi vo mere paas aayi, usne glass zameen par patak ke fod diya aur mera collar pakad liya. Uske chehre par gussa saaf jhalak raha tha, use dekh ke lag raha tha ki abhi vo mujhe pel degi.
Maya--listen you fucking little piece of shit, mai amsterdam me enjoy kar rahi thi par tumhaari wajah se mujhe 10 ghante ki flight lekar yahaan aana pada hai. Mujhe jet lag bhi hua hai. Honestly, mujhe aaram karna chahiye tha lekin mai yaahan aayi just to listen your side of story, not like those 2 assholes, jinhone bina tumhaari baat sune tumhe terrorist ghoshit kar diya hai. And look at you, acting all cocky haan. Now listen, you better start talking or I'll beat the shit out of you.
Maya ne apni baat 1 saans me bol di thi, uske chehre ka gussa dekh ke meri gaand fatt bhi rahi thi.
Mai--uhhhhh.....okay.
Meri baat sunke Maya ne mujhe chhoda aur fir thoda peeche hatt ke khadi ho gayi.
Maya--talk.....
Mai--mai aapko sab bataaunga par pehle aapko mujhe bataana hoga ki mera dost kahaan aur kaisa hai.
Maya--hmmmm....okay. Apne friend ka naam bataao.
Mai--Shubham Verma.
Maya ne apna phone nikaala aur usme kuch karne lagi, thodi der baad usne apne phone ki screen mujhe dikhaai, usme is waqt Shubham ki photo display ho rahi thi.
Maya--yahi hai?
Mai--haan....
Maya--Shubham Verma, age 18, isi hospital ke general ward me hai. Sar pe chot aayi hai but nothing serious.
Mai--thank God....
Maya--ab tumhe apne dost ke baare me pata chal gaya na to chalo ab bolna shuru karo.
Maya ne apna phone jeb me rakha aur fir waapis jaake sofe par baith gayi. Usne apne phone me voice recorder on kiya aur table par apna phone rakh diya.
Maya--tumhe 1 baar aur bata doon, mujhe 1-1 detail chahiye to please 1 baar thande dimaag se socho, sab kuch yaad karo aur fir mujhe bataao. Samajh gaye?
Mai--haa, samajh gaya. To ye sab start hua haridwar se...(uske baad maine use haridwaar me huyi ghatna ke baare me sab bata diya ki kaise papa aur meri behas huyi aur maine gusse me vo kalash paani me feka tha)
Maya--hmm, theek hai. Haridwar waala part to clear hai mujhe, ab mujhe kal bar me huyi ghatna ke baare me bataao.
Mai--ok...mai aur Shubham kal dehradun aaye the bar me daaru peene, rishikesh me to aisa kuch hai nahi isliye hum dehradun aaye the. Hum dono wahaan daaru pee rahe the ki tabhi maine 1 aadmi ko dekha, uska naam Miles tha. Wahi hai asli terrorist jo blast karta fir raha hai....
Maya--wait....tumhe kaise pata chala ki vo aadmi yaani Miles hi terrorist hai?
Maya ka sawaal sunke mai chup ho gaya aur sochne laga ki ab iske is sawaal ka jawaab kaise doon. Mai usse sach bolna chahta tha lekin mujhe darr tha ki vo meri baat ka vishwaas karegi ya nahi. Mai chupchaap baitha tha, meri taraf se koi jawaab na paake Maya mujhse bol padi.
Maya--kya hua, dekho mai jaanti hoon ki tum kuch bataana chahte ho par bata nahi rahe ho. Please mujhse har 1 detail share karo, tabhi mai tumhaari help kar paaungi.
Mai--hmmm....tumhe ye baat kaise bataaun. Pata nahi tum meri baat ka vishwaas karogi bhi ya nahi. Theek hai, meri baat ko thande dimaag se sunana, ho sakta hai ki meri baat sunke tumhe mai paagal lagun par jo mai bolne waala hoon, vo 100% sach hai.
Maya--theek hai bolo....
Mai(dheere se)--mere paas 1 special ability hai.
Maya--kya....arre zor se bolo na.
Mai--mere paas 1 special ability hai, mai logo ke dimaag padh sakta hoon.
Meri baat sunke Maya chupchaap mujhe dekhne lagi, uske chehre ke expression mai samajh hi nahi paa raha tha. 1 to meri power bhi kaam nahi kar rahi thi varna mai jaan jaata ki Maya meri baaton ka vishwaas kar bhi rahi hai ya nahi.
Maya--tumhaare paas logo ka dimaag padhne ki ability hai, as if a mentalist.
Mai--nahi, mentalist nahi. Tum mujhe Charles Xavier samajh sakti ho.
Maya--ohhhh..... matlab tumhaare paas power hai logo ka dimaag padhne ki.
Mai--haa, power sahi rahega.
Maya--hmmmm.....bataao mai konsa number soch rahi hoon.
Mai--mai bata deta par abhi meri power kaam nahi kar rahi hai.
Maya--kyon?
Mai--uske liye tumhe kal bar me huyi ghatna ko jaanana padega, to kal raat hua yun...(uske baad maine Maya ko bar me huyi saari ghatnaao ke baare me bata diya ki kaise mujhe pata chala ki Miles hi asli terrorsit hai, kaise mai uska peecha karne laga aur kaise usne meri gaand tod di)
Maya--theek hai, usne tumhe peet diya, uske baad kya hua?
Mai--uske baad usne mujhe tshirt se pakad ke uthaaya, vo mujhe maar dena chahta tha par vo kuch kar nahi raha tha, sirf meri tshirt ko pakad ke khada tha. Maine uska dimaag padhne laga to mujhe pata chala ki vo meri tshirt ke saath kuch kar raha tha, I mean uske haathon se energy nikal ke meri tshirt me jaa rahi thi. Uske baad usne dhakka deke mujhe gira diya aur wahaan se chala gaya, uske jaane ke baad meri tshirt chamakne lagi. Maine apni tshirt utaar ke fek di aur usse door bhaagne laga, kuch hi der me meri tshirt blast ho gayi. Blast ki wajah se mai door feka gaya aur mera sar jaake car se takraa gaya, shaayad usi takkar ki wajah se mai apni power istemaal nahi kar paa raha hoon. Pata hai, jab meri tshirt me blast hua to mujhe aisa laga jaise mai tshirt nahi, explosives pehan ke ghoom raha tha. Mujhe lagta hai ki vo bhi mere jaisa hai, I mean uske paas bhi mere jaisi hi ability hai. Shaayad vo kisi bhi cheez ko chhooke bomb bana deta hai, I think he also has power like me.
Maine apni baat khatam ki aur Maya ko dekhne laga, Maya mujhe hairaan hoke dekh rahi thi. Use dekh ke lag raha tha ki shaayad vo meri baaton ko process karne ki koshish kar rahi hai.
Mai--I know, tumhe lag raha hoga ki mai tumhe filmy story suna raha hoon but believe me, yahi sach hai....
Maya--1 minute, mai abhi aayi.
Ye bolte hi Maya sofe se uth gayi, usne apna phone uthaaya aur meri 1 photo kheech li. Uske baad vo room se baahar chali gayi, uske aise achanak chale jaane se mai sochne laga.
Mai(mann me)--isko meri baat par ghanta vishwaas nahi hua hoga isliye aise achanak uth ke chali gayi. Beta Samar, taiyaar ho jaa Kasaab waali zindagi jeene ke liye.
Yeh toh bohot galat baat hua Samar ke Saath, power ko bhi isi time Jana tha, Lagta hey Maya ko Samar ke baat per viswas hua hey sayad Maya ne terrorist Ka is Tarah Ka bom blast Ka partan pehle bhi Dekha hua ho, aur Bhai aapne toh Mera Dil hi Tod diya, socha that Maya Samar Ka heroin hoga but aapne toh Maya ko photo main buddhi Dekha diya, chalo dekte hey aage kya hota hey. Eagerly waiting for today's update Bhai.
