Update-59
Maya jaise hi room se baahar nikali, usne apne phone se vo recording aur Samar ki photo Doc ko bhej di aur use message kiya ki recording sunane ke baad Doc use call kare. Message karne ke baad Maya Samar ki photo use karke apne phone par Samar ka record dekhne lagi. Kareeb 15 minute baad Maya ka phone baj utha, Maya ne turant call utha li.
Doc--Maya, kya lagta hai, vo ladka sach bol raha hai.
Maya--use dekh ke to lag raha hai ki vo sach bol raha hai sir.
Doc--iska matlab jo Robin ne andaaza lagaaya tha, vo sahi tha. Sach me koi aisa hai jo cheezon ko chhooke explosives me covert kar deta hai.
Maya--sir, 1 baat poochni thi aapse, ye suspect ka record humaare potentials ke record me kyon nahi hai.
Doc--let me check Maya....
Udhar Doc apne office me tha, usne Samar ki photo istemaal karke apne database se Samar ka record nikaala aur uski details dekhne laga. Samar ki details dekhte hi Doc hairaan ho gaya, uske baad vo waapis normal hua aur fir Maya se baat karne laga.
Doc--is duniya me bahot saare unaccounted bande hain, shaayad ye unme se 1 hai. Maya, tum is case pe kaam karo aur asli terrorist ko pakadne ki koshish karo, mai Vipin se baat kar lunga ki ab ye case IIA nahi balki hum log dekhenge.
Maya--ok sir. 1 aur baat karni thi aapse.
Doc--bolo...
Maya--sir, mai soch rahi thi ki is ladke Samar ko hum apne department me recruit kar lete hain. Iske paas jo ability hai, vo humaare bahot kaam aa sakti hai.
Doc--Maya, we can't do this. Vo 1 bacha hai, in sab cheezon ko handle karne ki usme capability nahi hai.
Maya--sir hum use train karenge, use capable banaayenge.
Doc--Maya.... maine tumhe apna decision bata diya hai. Tum case par focus karo, rahi baat Samar ki to uspe lage ilzaam mai hatwa doonga. Tum use release kar do.
Ye bolkar Doc ne call kaat di, Maya use convince karna chahti thi ki vo Samar ko recruit kare par Doc Samar ko is sab me shaamil karna nahi chahta tha. Maya wahaan khadi-2 kuch sochne lagi, usne fir mann hi mann kuch decision liya aur fir room ke baahar jo constable khada tha, uske paas chali gayi. Maya ne us constable se hathkadiyon ki chaabhi li aur fir room ke andar waapis aa gayi.
Mai apni soch me dooba hua tha ki tabhi Maya room ke andar aa gayi, use dekh ke mere andar 1 umeed jaagi ki shaayad mai bach sakta hoon. Maya mere paas aayi aur usne meri hathkadiyaan khol di, mere haath aazad ho gaye to mai apni kaalai ki maalish karne laga. Maya ne meri taraf haath badha diya.
Maya--pichli baar waala intro galat tha. Maya Khanna, Department of Unnatural Affairs.
Maya ne apne department ka naam bataaya to mai sochne laga ki behanchod ye konsa department hai, maine usse haath milaaya.
Maya--tumne abhi mujhe jo bhi powers aur abilities ke baare me bataaya, mujhe sab pe yakeen hai. Agar tumne ye baat mujhe 2006 se pehle bataayi hoti to mai ghanta tumhaara vishwaas nahi karti.
Mai--kyon, 2006 me aisa kya hua tha?
Maya--2006 se pehle duniya ke liye sabse bade threats sirf mafias aur terrorist the lekin 2006 ke baad threat level kayi guna oopar chala gaya. April 2006, tokyo me 1 aisa aadmi dekha gaya jo apne mooh se aag ugalta tha. July 2006, nigeria me 1 aisa aadmi dekha gaya jisne 1 loaded truck ko apne haathon se hawa me utha liya. Uske baad kayi saare aise hi log dekhe gaye jinke paas kuch na kuch ajeeb si abilities thi, world leaders ko pehle is par vishwaas nahi hua par jab unhe vishwaas hua, tab tak bahot der ho chuki thi. World leaders ke paas koi tareeka bhi nahi tha jisse vo in ability waale bando se deal karte to unhone wahi kiya jo karne me har govt. maahir hai, facts chhipaana. Unhone media ko bhi samjhaa diya ki media ability waale logo se related news na cover kare. 2007 me UN(united nations) ne saare world leaders ki 1 meeting bulaai taaki vo sab milke ability waale logo se deal karne ka koi tareeka soch sake, meeting me sabse pehle sabhi human beings ko 2 categories me divide kiya gaya, pehle the mujh jaise log jinke paas koi ability nahi thi, unhe humans kaha gaya. Doosre the tum jaise log jinke paas ability thi, unhe kaha gaya titans. Uske baad UN ne sabhi desh ke leaders se unki raaye maangi ki kaise vo log milkar titan threat se deal kare. China, North Korea aur kayi deshon ke leaders ka maanana tha ki hume sabhi titans ko dhoondana chahiye aur unhe eliminate kar dena chahiye lekin majority leaders ka ye maanana tha ki agar hum aisa karte hain to hum wahi kar rahe honge jo 2nd world war me Nazis ne Jews ke saath kiya tha. Jab kisi ke dimaag me koi acha idea nahi aaya to UN ne 1 prastaaw rakha, 1 aise group ka nirmaan karne ka jinka kaam hoga titan threats se deal karna. Majority leaders ne is prastaaw ka samarthan kiya aur us din humaari sthaapana huyi, hum yaani Department of Unnatural Affairs, short me tum Department keh sakte ho.
Mai--wait-2, to basically tum log humans ka 1 group ho jo titans ko dhoond ke unhe maar dete ho, right?
Maya--no no no, you are getting me wrong. First, humaare organization me sirf humans hi nahi hai balki titans bhi hain. Humaare to founding members hi titans the.
Mai--hmmm.....aur second?
Maya--second ye ki hum log titans ko maarte nahi hai, humaara kaam hai saare world ke titans ko monitor karna aur agar vo world ke liye threat bante hain to unhe neutralize karna aur kuch cases me unhe maar dena.
Mai--ohhh.....got it. Please continue....
Maya--ab world ke sabhi titans pe hume nazar rakhni thi to uske liye zaroori tha pehle ye pata karna ki kon human hai aur kon titan. Department ne sabse pehla kaam yahi kiya, 1 aisa database create kiya jisme sabhi titans ka record ho jaise ki family record, medical history, ability and even weakness. Aaj ki date me us database me 1 crore se oopar titans ke record hain aur har din naye records add ho rahe hain, humaare agents poori duniya me faile huye hain jinka kaam hai titans pe nazar rakhna aur titan threat ki intel hume dena. Unhe kuch bhi gadhbad lagti hai to vo uske saath deal karte hain.
Mai--acha tumhaare department ko konsa desh control karta hai?
Maya--koi bhi nahi, hum kisi country ke under nahi aate hain. Hum sirf UN ko jawaabdeh hain, USA UN ka sabse bada member hai lekin hume USA ki govt. bhi control nahi kar sakti.
Mai--hmmmm....1 baat bataao mujhe, jab tum yahaan aayi thi to usse pehle tumne mera record nahi dekha tha kya. Usse to tumhe pata chal jaana chahiye tha ki mai 1 titan hoon.
Maya--tumhaara record humaare titan waale database me nahi hai aur yahi baat sabse ajeeb hai. Mujhe laga tha ki India ke saare titans ka record hai humaare paas par lagta hai tum humse miss ho gaye. Koi baat nahi, ab tumhaara data bhi add ho jaayega usme.
Maya ki baat sunke mai kuch sochne laga, Maya ne mujhe soch me doobe huye dekha to mujhse bol padi.
Maya--kya soch rahe ho tum?
Mai--kuch nahi, mai hamesha se sochta tha ki mai is duniya me akela hoon jiske paas ye abilities hain, khud ko unique samajhta tha mai. Ye soch mujhe excitement deti thi lekin aaj tumne sach bataake meri saari excitement khatam kar di.
Maya--is duniya me kuch bhi unique nahi hota, jo bhi is duniya me aata hai hamesha more than 1 ki quantity me aata hai taaki balance bana rahe.
Mai--hmmm....acha tumhe ye pata hai kya ki titans ka origin kahaan se hua, I mean ki humaare paas ye abilities kaise aayi?
Maya--I'm sorry par ye mujhe nahi pata, vo kya hai na ki mera abhi 2 mahine pehle hi IIA se Department me transfer hua hai aur abhi tak titans ki power ki origin waali information mujhse share nahi ki gayi hai. Mere boss ka kehna hai ki ye info mere pay grade se bahot oopar hai abhi.
Mai--vaise tum log 1 secret organization ho to tumne ye sab info mere saath kyon share kari?
Maya--kyonki mai chahti hoon ki tum Department join karo.
Mai--kya........
Maya ki baat sunke mai shocked ho gaya, ye ladki abhi aadhe ghante pehle mujhse mili hai aur ab mujhe job offer kar rahi hai vo bhi 1 secret organization me. Mujhe yakeen nahi ho raha tha to maine 1 baar khud ko choonti kaati ye check karne ke liye ki mai kahin sapna to nahi dekh raha par ye sab jo abhi mere saath ho raha tha, vo sab haqeeqat thi.
Mai--tum mujhe recruit karna chahti ho par kyon?
Maya--tumhaari ability ki wajah se Samar, tumhe pata bhi hai ki tum kitne strong ho. Tumhaari ability ka istemaal hum interrogation aur information gain karne me kar sakte hain, tum bina kisi ko shaq huye saamne waale ke dimaag se na jaane kitni info nikaal sakte ho Samar. That's why I want to recruit you.
Mai--lekin mai apni powers istemaal nahi kar paa raha hoon Maya.
Maya--pehle tumhaare saath kabhi aisa hua hai?
Mai--1 baar hua tha par baad me power waapis aa gayi thi.
Maya--to is baar bhi hum hope karte hain ki tumhaari power jaldi hi waapis aa jaayegi. Now, let's get back to work. Tumne kaha ki tumne kal bar waale blast ke baad Miles ka peecha kiya tha, tumne uska chehra dekha tha?
Maya ki baat sunke mai kal raat waali ghatna ke baare me sochne laga, mai Miles ka chehra yaad karne ki koshish kar raha tha lekin thodi der baad meri samajh me aaya ki maine to Miles ka chehra dekha hi nahi. Maine Maya ki taraf dekha aur na me sar hila diya.
Maya--chehra nahi dekha, koi baat nahi. Kuch khaas dekha tha usme jisse hum uski pehchaan kar sake.
Maine fir se apne dimaag par zor daala lekin mujhe Miles ke baare me koi bhi khaas baat yaad nahi aayi, kaafi der sochne ke baad maine fir se naa me sar hila diya to Maya ke chehre par tension aa gayi.
Maya--tumne usme kuch bhi khaas nahi dekha, arre theek se yaad karne ki koshish karo. Kuch to yaad hoga tumhe?
Mai--usme kuch bhi special maine notice nahi kiya Maya.
Maya--fuckkk.......Samar, Miles bahot hi khatarnaak aadmi hai. Vo na jaane pehle kitne logo ko maar chuka hai aur agar humne use jald hi nahi pakda to vo aage bhi logo ko maarta rahega. Tumhe mai 1 baat aur bata doon Samar, maine apne boss se tumhaare recruitment ki baat kari thi par unhone saaf inkaar kar diya hai. Vo nahi chahte ki tum Department me aao par mai tumhaare talent ko waste hone nahi dena chahti isliye tumhe is case me apna maximum effort deke meri help karni hogi taaki mai apne boss ko tumhaare recruitment ke liye convince kar sakoon. Are you getting my point?
Mai--haa, mai samajh gaya.
Maya--ok, to ab mai chalti hoon. Tumhe bhi custody se riha kar diya gaya hai, tum theek hone ke baad apne ghar jaa sakte ho. Please tum Miles ke baare me yaad karne ki poori koshish karna, kuch bhi yaad aaye to turant mujhe call kar dena.
Uske baad Maya ne apni jeb se 1 card nikaala aur mujhe de diya, maine usse card le liya aur Maya room se baahar jaane lagi. Maya abhi gate ke paas pahochi thi ki tabhi maine use aawaz lagaake rok diya, Maya gate par ruk gayi aur mujhe dekhne lagi.
Mai--jab maine tumhe apni ability ke baare me bataaya tha, tab tumhe mujh par trust nahi hua tha. Lekin jab maine tumhe Miles ke baare me bataaya, tab tumhe mujh pe trust kyon hua?
Maya--mere 1 colleague ne mujhe 1 aise titan ke baare me info di thi jo cheezon ko chhooke unhe explosive bana sakta hai. Miles ka description us bande se match karta hai, isliye mai tum par trust karti hoon.
Mai--par ye bhi to ho sakta hai ki mai jhoot bol raha hoon aur tumhe gumraah karne ki koshish kar raha hoon.
Maya--mai is business me kayi saalon se hoon Samar, bando ko dekh ke bata sakti hoon ki kon sach bol raha hai aur kon jhooth. I trust you Samar aur mai chahti hoon ki tum mera trust kabhi na todo, agar tumne kabhi bhi mera trust toda to mai tumhaare peeche nahi aaungi, balki mai tumhaari family ke peeche jaaungi jo delhi me rehti hai aur uske baad tumhaare mama ki family ke peeche jaaungi jo uttarakhand ke 1 gaaon me rehte hain. Arre haa, yaad aaya, 1 mama to tumhaare yahaan rishikesh me bhi rehte hain na.
Maya ki baat sunke mere andar darr fail gaya, bhale hi mai uska dimaag nahi padh sakta tha lekin uske chehre ko dekh ke mai yakeen se keh sakta tha ki vo sach bol rahi thi. Agar maine use kabhi double cross kiya to vo meri poori family ki gaand maar legi. Maya ne mere chehre par darr dekha to uske chehre par 1 kutil muskuraahat chhaa gayi.
Maya--bye...take care Samar.
Ye bolkar Maya room se nikal gayi, mai bhi bed par let gaya aur sochne laga ki achanak meri zindagi kaise badal gayi. Kal raat tak mai sirf 1 maamuli sa student tha aur abhi aadhe ghante pehle tak mai 1 terrorist ban chuka tha aur abhi kuch der pehle mujhe pata chala ki mai 1 titan hoon aur saath-2 ek secret organization ka potential candidate bhi. Sach me meri kismat jhaanto ki tarah hai, ekdum uljhi huyi.
Mai bed par leta situation ko process karne ki koshish kar raha tha ki tabhi 1 dr aur nurse room me aa gaye, dr ne 1 baar zameen par dekha jahaan kaanch bikhra hua tha. Usne nurse se bol diya ki vo kaanch saaf karwaaye aur uske baad meri jaanch karne laga. Usne mere sar ki chot ki jaanch kari, itni der se mai tension me tha jiski wajah se mera dhyaan apni choton par gaya hi nahi lekin jaise hi tension khatam hui to mujhe mere sar me aur ribs me halka-2 dard mehsoos hone laga. Maine dr se poocha ki mujhe kahaan-2 pe chot lagi hai to usne mujhe bataaya ki mere sar aur ribs me zyada chot lagi thi, baaki poori body me halki-2 kharochein aayi thi. Doctor ne mera checkup kar liya to maine usse Shubham se milne ki baat kahi, vo mujhe mana karne laga lekin mai na maana. Ab meri itni bhi buri haalat nahi thi ki mai apne dost se milne bhi na jaaun, thodi der baad dr maan gaya aur fir vo nurse mujhe general ward me le gayi. Mai general ward me pahocha to wahaan Shubham ke papa already maujood the, mai Shubham ke bed ke paas chala gaya. Andar patient ke saath 1 hi banda allowed tha to Shubham ke papa baahar chale gaye, mai Shubham ke bed ke paas rakhi chair par baith gaya. Shubham bhi bed par baitha hua tha, uske bhi sirf sar me hi chot aayi thi.
Mai--kaisa hai bhosdike?
Shubham--kya bataaun yaar, maa chudi padi hai. Saala sar me bahot tez dard ho raha hai, aisa lag raha hai jaise koi sar pe hathode maar raha ho. Tu kaisa hai bhai?
Mai--mai bhi same, gaand marr gayi behanchod.
Shubham--bhai, aaj ke baad daaru sirf Tariq bhai ke hotel me piyenge. Behanchod, baahar to terrorist ghoom rahe hain. Saala kab konsa bomb kahaan fatt jaaye, kya pata.
Mai--mujhe 1 baat kehni thi tujhse, vo kal mai tujhe wahaan akela chhod ke chala gaya tha, uske liye sorry bhai.
Shubham--abbe sorry mat bol, tu mujhe chhod ke gaya to kuch important hi raha hoga. Itna to tujhe jaanta hoon mai ki darr ke maare bhai ko mushkil me chhod ke nahi jaayega tu. Acha ye sab chhod, 1 sutta pila de bhai. Subah se nahi piya hai aur abhi talab lagi hai.
Mai--thoda sabar kar le bhai, tera baap baahar hi khada hai. Agar usne dekh liya na to hum dono ki gaand me jalti huyi cigarette daal dega.
Meri baat sunke Shubham hasne laga, uske baad usne apna phone utha liya aur usme kuch karne laga. Mai bhi wahaan baitha-2 Miles ke baare me sochne laga.
Mai(mann me)--mujhe jald se jald Miles ko dhoondane me Maya ki madad karni hogi varna vo aise hi maut ka taandav machaata rahega. Maa, please meri help karna taaki mai Shubham jaise bekasoor logo ko Miles se bacha sakun.
Udhar Doc is waqt apne office me maujood tha, uske laptop pe Samar ki file khuli hui thi. Vo Samar ke records check kar raha tha, kaafi der tak vo Samar ke records dekhta raha aur fir usne apne phone se IIA chief Vipin ko call kar diya. Kuch der baad Vipin ne call uthaai aur bolne laga.
Vipin--kaise ho Doc?
Mai--mai theek hoon sir, aapko yeh bataane ke liye call kiya tha ki ab ye case IIA nahi balki Department handle karega. PM sir bhi aapko kuch nahi bolenge, mai unse bhi baat kar loonga, aap tension mat lijiyega sir.
Vipin--kya bakwaas kar rahe ho tum Doc....
Mai--bakwaas nahi hai sir, jise hum itne dino se terrorist samajh rahe the, vo 1 titan hai. Ab IIA me itni capability to hai nahi ki vo titans se deal kare, isliye case hum le rahe hain. Maya is case ko handle karegi but Department ki agent banke.
Vipin--tu IIA ki capability par sawaal utha rahe ho Doc, how dare you?
Mai--sawaal to apni jagah par sahi hai sir, agar IIA capable hota.....IIA kya, agar world ki sabhi countries ki secret service agencies capable hoti to UN ko kabhi Department banaane ki zaroorat hi nahi padti.
Doc ki baat sunke Vipin chup ho gaya, 2006 ke incidents sabhi secret services ke mooh par 1 dhabba thi. Us waqt sach me sabhi agencies bahot buri tarah fail huyi thi, Vipin thodi der gusse ki aag me jalta raha lekin fir khud ko shaant karke Doc se bolne laga.
Vipin--to blast karne waala 1 titan hai, China ne us time sahi proposition rakha tha. Saare titans ko hume dhoond ke maar dena chahiye tha, na titans zinda rehte aur na hi ye incidents hote.
Doc--ye mat bhooliye sir ki aap jisse baat kar rahe hain, vo bhi 1 titan hai jisne mushkil ki ghadi me poori duniya ko bachaaya tha. Agar ye titan zinda na hota, to aapki poori duniya kab ki tabaah ho jaati aur aap poori duniya ke saath milkar uske talwe chaat rahe hote.
Doc ki baat sunkar Vipin ko 2007 ka vo bhayaanak manzar yaad aa gaya, us samay ko yaad karte hi Vipin ke haath-pair kaampne lage. Vipin ne hadhbadaate huye paani ka glass uthaaya aur usme se paani peene laga, uske baad usne pani ka glass table par waapis rakha aur apne maathe par aaye pasine ko pochhne laga.
Doc--kya hua sir, us time ko yaad karte hi aap darr gaye. Mera sochiye, maine to usse ladaai kari thi aur aapka pichhwaada bhi bachaaya tha to agli baar aap jab bhi mujhse baat kare to thoda respect se baat kijiyega sir. Phone rakhta hoon.
Ye bolte hi Doc ne call kaat di aur apna phone table par rakh diya, thodi der Doc apni kursi par sar tika ke puraane waqt ko yaad karta raha. Uske zehan me achanak 1 buri yaad aa gayi to usne turant apna sar kursi se hata liya aur fir se laptop me apna kaam karne laga.
