Romance Mentality [Completed]

[Champ_AK_81]

UPDATE 47​

Next morning.....​

Rahul subah uth kar roj ki tarah fresh hone ke baad garden ki taraf chala jaata hai.....Garden me Nisha bhi pehle se maujood thi.....Shaayad Rahul ka intejaar kar rahi thi....Rahul Nisha ke pass jaakar kehta hai....

Rahul:- Sorry Nisha....

Nisha:- Sorry!!!Kis liye

Rahul:- Wo kal shaam maine bahut gussa me baat kiya tha tumse....Ushi ke liye......Tum please buraa mat maano....Mai tum par gussa nahi tha...Achanak past ke kuch baatein yaad aa gaya....Issliye gusse me tumse baat kiya.....

Nisha:- Koi baat nahi Rahul....Mujhe to kal hi pata chal gaya tha tum mujhse gussa nahi the....Baat to mujse kar rahe the lekin dimaag me koi aur tha aur saara gussa ushi ke liye tha.....

Rahul:- Mujhe to laga ki tum bahut naraaj ho gayi ho.....Raat bhar issi tension mai tha ki kaise sorry bolu....

Rahul aur Nisha fir aise hi kuch der baat karte hai aur dono apne kaam me lag jaate hai.....

In Evening

Nisha apne room me baith kar kuch books padh rahi thi.....Tabhi usko Rahul ke flat se kuch shor aata hai....Wo disturbed ho jaati hai aur books bed par rakh kar Rahul ke flat me jaati hai pata lagaane ke liyeki ho kya raha hai.....

Rahul ka room ka door khulla tha....Iss liye Nisha andar dekhne challi jaati hai.....Jab wo gate se andar dekhti hai tab usko Rahul ke saath 2 aur log najar aata hai.....Aur mobile me se thoda loud voice me ek gaana baj raha tha....Usko kaise react karna hai wo samajh me nahi aata hai aur gate se thoda dur jaakar khadi ho jaati hai.....Udhar Rahul ke saath uske saath aaye log bhi Nisha ko dekh lete hai.....Rahul jaldi se baahar nikal kar Nisha ke pass pahunch jaata hai....

Rahul:- Kya hua Nisha???Tum mere flat par....Kuch kam tha kya???

Nisha:- Nahi koi kaam nahi tha....Tumhaare flat se aawaj aa raha tha to dekhne aayi thi ki kya ho raha hai....Jab andar dekha to pata chala ki loud voice me gaana baj raha hai....Waise Rahul ye bataao ki ye log kaun hai aur kyu aaye hai???

Rahul:- Sorry Nisha....Tum disturb ho gayi....Inn 2 log me se ek mere Raj bhaiya hai aur ek mera best friend Ajay.....Aaj mera birthday tha to issi liye ye sab aaye hai.....Aaj chhota sa party rakha tha....Tum bhi aao na....Kuch der baad chali jaa na.....

Nisha ko Rahul ki baat sun kar thoda sa buraa lagta hai jo uske chehre se saaf dikhayi de raha tha....Rahul ye baat notice kar leta hai aur Nisha se kehta hai....

Rahul:- Kya hua Nisha???Tum kyu udaas ho gayi???

Nisha:- Nahi mai kaun hoti hu tumhaari baato se udaas hone wali ..... Aakhir kis hak se udaas rahungi....Tum to mujhe kuch maante hi nahi.....

Nisha itna keh kar chup ho jaati hai....Nisha ki baaton me thoda dard tha....Rahul bhi soch raha tha ki Nisha ko kya hua aur aise kyu react kar rahi hai.....Rahul kuch bol paata Nisha fir se kehti hai....

Nisha:- Tum to mujhe apna dost bhi nahi maante....Agar tum mujhe apna dost maante to subah hi keh dete ki aaj tumhaara birthday hai....Lekin tumne to abb tak nahi bataya.....Jab maine puccha tab tumne bataya....Isse to yahi pata chalta hai ki tum mujhe apna dost nahi maante aur mujhse koi baat share nahi karte....

Rahul Nisha ki baat sun kar thoda mushkuraata hai aur kuch kehne hi waala tha ki fir se Nisha bolti hai...

Nisha:- Tum mushkura rahe ho meri baat par....Tum sach much mujhe dost nahi maante

Nisha ne ye baat thoda gussa me kaha.....Rahul ki mushkuraahat aur badh jaati hai.....Fir wo Nisha ko mushkuraate huye samjaa kar kehta hai....

Rahul:- Nisha tum bhi na....Maine tumhe bhale hi apne moonh se dost nahi kaha...Lekin bahut pehle hi tumhe apna dost maan chuka hu....Agar tumhe apna dost nahi maanta to garden me tumhaare saath baat bhi nahi karta....Tumhaare saath ghanton tak baat nahi karta aur tumse apni baatein share nahi karta..Mujhe laga ki tum samajh gayi hogi ki mai tumhe apna dost maanta hu.....Lekin shaayad tum samajh nahi paayi.....Koi baat nahi....Abhi keh deta hu ki tum bhi mere kuch dosto me se ek ho....

Aur rahi baat tumko birthday ke baare me nahi batane ki to uski picche bhi ek vajah hai......Mujhe khud pataa nahi tha ki aaj mera birthday hai......Kuch der pehle hi Raj bhaiya ne yaha kar mujhe wish kiya tab mujhe pata chala.....Aur maine Ajay ko bhi phone karke bula liya.....Tumhe bhi bulaane ke liye upar jaane hi waala tha ki tum khud hi aa gayi.....Chalo pehle birthday celebrate karte hai....Wo log bhi wait kar rahe honge......

Nisha:- Lekin mai tumhaare room me kaise jaaungi aur wo bhi unn logo ke saamne.....

Rahul:- Bas kuch der ki hi to baat hai....Tum meri friend ho.....Koi kuch nahi kahega...

Itna keh kar Rahul andar chala jaata hai.....Nisha bhi dheere dheere andar aati hai.....

Jab Rahul ne cake kaata to sabhi ko kuch pieces diya.....
Issi dauraan Nisha ne Rahul se ek sawaal puccha....

Nisha:- Tumhaara age kitna hua???

Rahul bhi mushkuraa kar jawaab deta hai....

Rahul:- 23 years

Cake kaatne ke kuchh der baad aur birthday celebrate ho jaane ke baad Nisha apne room me chali jaati hai....Usko aaj bahut khusi hua ki Rahul ne usko aaj apna dost kaha....

Nisha ke chale jaane ke baad Rahul ke room me Rahul, Raj aur Ajay kuch baat karte hai.....Ishi dauraan Ajay Rahul se aisa sawaal puchh leta hai jisse Rahul aur Raj dono shocked ho jaate hai....Lekin Rahul ko thoda gussa bhi aata hai....

Ajay:- Rahul....Kya yahi hamaare Nisha bhabhi thi???

Raj ko Ajay ki baat se thoda aascharya hua lekin Rahul ko aascharya ke saath saath thoda gussa bhi aaya....Ajay kaise Raj ke saamne aisa majaak kar sakta hai....Issi baat ko sochte hue Rahul ko gussa aa jaata hai....Lekin wo kuch bolta usse pehle hi Raj bol deta hai....

Raj:- Nisha bhabhi???Matlab....Mai kuch samjha nahi....

Abb Ajay kuch samjhaata isse pehle hi Rahul keh deta hai....

Rahul:- Kuch samajhne ki jarurat nahi hai.....Ye kamina Ajay paagal ho gaya hai.....Kuchh bhi bolta hai...(Ajay ki taraf dekhte hue) Tujhe kuch akal bhi hai ki nahi....Sabke saamne bakwaas majaak karta hai....Agar Nisha ne sun liya to....

Itna kehte hur Rahul chup ho jaata hai aur Ajay ko gusse se dekhne lagta hai.....Ajay ko bhi apni galti mehsoos hota hai aur kehta hai....

Ajay:- Sorry yar.....Pata nahi majaak majaak me kya keh diya....Please yaar....Aise gusse se nahi dekh....

Rahul bhi apna birthday me accha khaasa mood spoil nahi karna chahta tha iss liye normal ho jaata hai....Fir kuch der teeno aise hi baat karte hai....Aur Ajay kuch der baad chala jaata hai....

Abb Raj aur Rahul hi room me reh jaate hai.....Raj aaj puri night Rahul ki flat me rukne waala tha.....Rahul ko thoda sa ghabraahat bhi hota hai ki Raj abb usse kya kya sawaal puchega.

 

[Champ_AK_81]

UPDATE 48​

Door ko lock karke Rahul andar aa jaata hai.....Rahul bed par baitha hi tha ki Raj ki sawaal ne usko confuse kar diya.....

Raj:- Kab se chal raha hai ye sab????

Raj ki baat karne ke tarike se lag raha tha ki wo bahut hi seriously baat kar raha hai....

Rahul:- (Confused hote hue) Kya kab se chal raha hai.....Mai kuch samjha nahi....

Raj:- Yahi tera aur Nisha ka pyaar....

Rahul ko Raj se aisi question ki ummid nahi tha....Rahul bhi hairaani me jawaab deta hai.....

Rahul:- Whatttt!!! Kya puchha aapne???Mai Nisha se pyaar karta hu.....Aapne aisa kaise soch liya....

Rahul ne hairaani me ye keh diya lekin uska jawaab Raj ne aur bhi serious hote hue diya....

Raj:- Accha mujhe sikha raha hai.....Mujhe to tabhi se ye shak tha jab cake kaat te vakt tu aur Nisha jaise behave kar rahe the.....Lag raha tha ki tum dono ek dusre se bahut pyaar karte ho.....Rahul ek baat bata tu to Nisha se nafrat karta tha na.....To abb itni jaldi aisi najdeeki kaise aa gayi.....Aur mera shak tab jaake yakin me badla jab Ajay ne Nisha ko Nisha bhabhi kaha.....Iska matlab wo bhi tum dono ke baare me jaanta hai.....

Rahul jo abhi tak Raj ki baat par hairaan tha abb usse Raj ki aisi soch par thoda sa gussa aur jyaada hairaani hone laga.....

Raj:- Bakwaas mat kijiye....Wo meri friend hai....Aur isse jyaada kuch nahi....Aapne hamaari friendship ka aisa matlab nikaal liya mai soch bhi nahi sakta.....Aap jo najdeeki ki baat kar rahe the wo bas friendship hai aur kuch nahi.....Ek din maine Ajay ko bataya tha Nisha ke baare me.....Iss liye wo majaak kar raha tha....

Rahul ne apne gusse ko control karne ki bahut koshish kiya lekin itna bolne se khud ko nahi rok paaya....Wo to bahut kuch kehna chahta tha par Raj ki izzat ka khaayal karke chup ho gaya....

Raj:- Dekh baat ko ghumaane ki koshish mat kar....Sidhe sidhe bata kab se tu Nisha se pyaar karta hai.....Dekh Rahul mujhse chupaake tujhe kuch haasil nahi hoga....Aur mujhe tum dono ki pyaar se koi problem nahi....Khul ke bataa sakta hai....

Raj ne Rahul ka badhta gussa dekh thoda shaant hote hue kaha.....Lekin Rahul ka gussa abb bahut badhh gaya tha.....Abb uske andar ka gussa baahar nikal jaata hai....

Rahul:- Aapke pass dimaag hai ya nahi....Ek baar kehne par kyu nahi samajhte ho.....Kaha na maine ki wo meri sirf dost hai....Lekin aap nahi samjhoge....Kabhi koi ladki se baat kiya hai aapne????Agar karte to pata chalta ki bas koi ladki se baat karne se usse pyaar nahi ho jaata.....Lekin aapki mentality kuch alag hi hai....Aapko kaise laga ki mai Nisha se pyaar karta hu.....Aap to hamesha se pyaar se dur bhaagte hai na.....To aapko kaise hamaari baaton se pata chalaa ki ham pyaar karte hai.....

Rahul ki aawaj se hi lag raha tha ki wo bahut gusse me hai......Raj ko yakin hi nahi hua Rahul ka gussa dekh kar....Usne kabhi nahi socha tha ki Rahul uske saath iss tarah se baat karega.....Abb usko lagne laga ki kahi usne Rahul se kuch jyaaada hi to nahi keh diya.....Wo abb Rahul ko samjhaate hue kehta hai....

Raj:- Bhai.....Itna kyu gussa ho raha hai.....Maine tujhe bas itna hi to puchha hai ki kya tu Nisha se pyaar karta hai.....Nahi karta to koi baat nahi.....Agar karta hai to bata de....Sorry agar meri kehne ka tarika tujhe accha na laga ho to....

Rahul ka gussa abhi bhi kam nahi hua.....Gusse me wo Raj ki baat samajhna bhi nahi chah raha tha aur Raj ki baat ka jawaab dete hue kehta hai.....

Rahul:- Are yaar....Aap samajh kyu nahi rahe hai.....Accha aapko jawaab chahiye na ki mai Nisha se kitna pyaar karta hu....To mai bata deta hu.....Mai Nisha se utna hi pyaar karta hu jitna ki aap Riya se karte hai...

Abb chaunkne ki baari Raj ka tha....Wo chaunk kar Rahul se kehta hai....

Raj:- Ye kya keh raha hai....Kisne kaha ki mai Riya se pyaar karta hu....Tera dimaag to thik hai....Jo man me aaye wo mat bol aur Riya ki baare me to kuch bhi mat bol....Mai uski koi bhi baat nahi sunna chahta hu....

Itna kehte hue Raj ka bhi gussa kaafi badh jaata hai....Rahul bhi Raj ko thoda sa muskura kar jawaab deta hai....

Rahul:- Abb pata chala....Kitna gussa aata hai aisi bakwaas karne par....Abb Riya ki baat keh diya to aapko bhi gussa aaya....Mai aaram se aapko keh raha tha ki mai Nisha se pyaar nahi karta lekin aapko to mere moonh se aisi hi jawaab sunne ka man tha.....Mai abb iss baare me kuch nahi kehna chahta....Bas itna jaan lijiye mai Nisha ko sirf dost maanta hu.....

Itna keh kar Rahul sone chala jaata hai.....Raj kuch der aise hi baitha raha aur kuch der pehle waali baat ko soch raha tha....Kabhi usko apni baat par gussa aata to kabhi Rahul ki behavior se....Kuch der baad wo bhi sone chala jaata hai...

Morning.​

Rahul subah ka 5:30 me utth jaata hai aur bed ke side me dekhta hai ki Raj so raha tha.....Wo Raj se kuch kehna chahta tha lekin Raj ko sote hue dekh kar uska uthne ka wait karta hai.....

Jab Raj uthta hai to Rahul Raj ko kehta hai.....

Rahul:- Sorry...

Raj ko Rahul se itni jaldi sorry kehne ki ummid nahi thi....Wo Rahul ka gusaa jaanta tha...Agar Rahul gussa ho gaya to bahut der tak uska gussa kam nahi hota hai.....Fir bhi aascharya ke saath Raj Rahul se kehta hai....

Raj:- Sorry...Wo kis liye....

Rahul:- Mujhe aapse kal raat itne badtameezi ke saath baat nahi karna chahiye tha......Lekin mujhe apni baato par koi afsos nahi hai....Maine jo kaha tha thik hi kaha tha.....Bas aapke saath jaisa behave kiya uske liye sorry keh raha hu....

Raj:- Rahul ek baat bata.....Tu aisi chhoti chhoti baato par kab tak gussa hota rahega.....Tujhe life me bahut logo se milna baaki hai....Agar unse koi matbhed ho gaya to kya tu sabko apna gussa dikhaata rahega....Apne gusse ko control karna sikh.....Maana ki tu Nisha se pyaar nahi karta lekin yahi baat tu shaanti se bhi to bataa sakta thaa na....

Rahul:- Bhaiya...Mai aap ko ek baat bata deta hu......Jab tak meri galti nahi hogi mai kisi ke saamne nahi jhukunga aur apna gussa to bilkul bhi control nahi karunga.....Mai aapko meri kal ka behavior ki vajah bataa sakta hu.....Kal meri koi galti nahi tha aur naahi mai Nisha se pyaar karta hu...Maine aapko ye bataaya lekin aap mujhse gusse me baat karne lage ..... Aur mujhse ye bilkul bhi bardaasht nahi hua....Bina meri koi galti koi mujh par hi gussa kare ye mujhe pasand nahi....

Bas itna hi kahunga ki please koi aisa kaam mat kijiye jisse mujhe gussa aaye .....Gusse ko mai bardaasht nahi kar paata.....Ye baat to aap bhi jaante hai....

EVENING AT MARKET​

Nisha abhi kuch shoppings karke apne flat ki taraf jaa rahi thi.....Wo paidal chal rahi thi.....Kuch dur aage jaane ke baad ek jagah aaya jo bahut hi sunsaan tha...Koi aadmi waha maujood nahi tha.....Nisha ko aise hi akele chalte hue dekh do log bahut khush the.....Wo do log Aditya aur Raju the.....Ittefaq se wo dono bhi aise hi ussi raaste se apna car aage se Nisha ki opposite direction mechala rahe the aur Nisha ko dekh kar car ko dusri disha me mod kar thodi dur le jaaka rokte hai.....Nisha ne unn dono ko nahi dekha tha.....

Aditya:- Raju....Bahut accha mauka mil gaya yaar....Bahut din se issi mauke ka intejaar kar raha tha ki Nisha akeli mil jaaye lekin kabhi bhi aisa nahi hua....Aaj kismat meharbaan hai....Yahi mauka hai uska kidnapping karne ka....Chal chalte hai aur usko apne saath car me le jaate hai....

Raju:- Paagal ho gaya kya.....Maine pehle bhi kaha tha mai iss kidnapping aur murder me tera saath nahi dunga....Agar fass gaya to puri life jail me sadna hoga....

Aditya:- Iss me fasne waali kya baat hai.....Abhi koi yaha maujood nahi hai....Koi nahi dekhega....Bas hame chhupke se Nisha ko car tak laana hoga....

Raju:- Aur Nisha tak kaise pahunchega...Usne dekh liya to wo shor macha degi aur log sun lunge....Aise me ulta ham hi fass jaayenge....

Raju ki baat sun kar Aditya soch me padd jaata hai ki Nisha tak kaise pahuncha jaaye aur usko car me bithaaya jaaye....Tabhi usko dur ek ladka najar aata hai.....Aditya car ko uss ladke tak le jaata hai aur rok deta hai....

Aditya:- Ae ladke Sun.....Hamaara ek kaam karega....

Ladka:- Tameej se baat kar.....Aur mai tera kaam kyu karu.....Tera baap ka naukar samjha hai kya....Mai koi kaam nahi karunga.....Time nahi hai mere pass....

Wo ladka Aditya ko to tameej se baat karne ko keh raha tha lekin khud hi badtameezi se baat kar raha tha.....Aditya ko bahut gussa aaya....Lekin apne kaam ke liye uss ladke ka saath jaruri tha....Issliye gussa control karte huye bola.....

Aditya:- Jyada mushkil kaam nahi hai.....Bas iss road se aage jaakar baayi taraf se ek ladki aa rahi hai....Usko kisi tarah hamaare car ke pass lekar aa....Iss kaam ke liye mai tujhe 1000 dunga....

Wo ladka bhi gunda type hi tha...Usne socha itna aasan kaam ke liye 1000 accha deal hai.....Wo bhi turant haa karke chala jaata hai.....

Aditya chain ki saans leta hai.....Lekin usko nahi pata tha ki ek ladka uski Raju ke saath huyi baat se abhi tak ki saari baat sun chuka hai .....Wo bhi Nisha ki taraf dusre raaste se daud kar jaata hai taaki Aditya usko naa dekh sake....

Wo Ladka (Jisko Aditya ne bheja hai) Nisha ke pass aakar kehta hai....

Ladka:- Madam....Kya aap hamaari madad kar sakti hai???

Uss ladke ne ekdam minnat bhari aawaj me kaha tha.....

Nisha ko laga ki wo ladka bahut badi mushibat me hoga....

Nisha:- Ha...Kyu nahi....Kya karna hai mujhe....Agar mai kar sakti hu to jarur aapka madad karungi....

Ladka:- Bas iss road se right ki taraf kuchh kaam hai.....Please chaliye .....Baaki ki baat wahi par bataunga....Abhi time nahi hai.....

Nisha aur wo ladka waha se jaa hi rahe the ki dusra ladka waha pahunch jaata hai aur Nisha ka haath pakad kar khinch leta hai.....

Nisha aur wo ladka shocked ho jaate hai dusre ladke ki iss harkat se....

Nisha:- Ye kya badtameezi hai....Chhodo mera haath....

Ladka 1:- Ae Ladke....Bhaag yaha se....Isse pehle ki tu maar khaaye....Fir baad me nahi kehna ki maine tujhe warning nahi diya....

Dusre ladke ne jab ye suna to usko bahut gussa aaya aur wo bhi chilla pada....

Ladka 2:- Chup....Aur tu yaha se chup chaap chala jaa....Jyaada bakwaas kiya to accha nahi hoga....

Ladka1:- Tu aise nahi maanega....Tujhe to mai abhi sabak sikhaata hu....

Itna keh kar Ladka 1 Ladka 2 ki taraf aa jaata hai tabhi Ladka 2 apni peeche se ek bada chaaku nikaalta hai....Ye dekh kar Ladka 1 dar jaata hai....

Ladka 2:- Abb aur aage badha to kaat dunga....Jaldi se bhaag yaha se...

Ladka 2 ne bas itna hi kaha tha ki Ladka 1 waha se bhaag jaata hai.....Nisha ko bhi uski harkat dekh kar bahut gussa aata hai.....Ladka 1 ke jaane ke baad Ladka 2 Nisha ko kheenchte hue dusri galli me le jaata hai....

Nisha:- Kaun ho tum....Mujhe yaha kyu laaya....Chhodo Mujhe aur jaane do isse pehle ki mai chilla kar sabko bula lu....

Jab Ladka 2 ne Nisha ko galli me lakar uska haath chhod diya to Nisha uspar baras padi....

Ladka 2:- Shaant ho jaao....Mera naam Vijay hai (Ye wahi Vijay hai jiska hostel me Rahul ke saath ladaayi ho chuka hai)

 

[Champ_AK_81]

Friends aaj 2 updates post kiya hai...Padh kar apna feedbacks jarur dijiye.

 

[rocking navi]

awesome update bro

 

[kamdev99008]

अब ये विजय क्यूँ बचा रहा है निशा को................... जबकि अदित्य तो विजय का ही बदला लेने कि बात कर रहा था राहुल से
यानि आदित्य और विजय का आपस में कोई लिंक भी है


देखते हैं आगे

 

[Champ_AK_81]

awesome update bro

Thanks Rocking navi bro for your support and review...Keep supporting.

 

[Champ_AK_81]

अब ये विजय क्यूँ बचा रहा है निशा को................... जबकि अदित्य तो विजय का ही बदला लेने कि बात कर रहा था राहुल से
यानि आदित्य और विजय का आपस में कोई लिंक भी है


देखते हैं आगे

Thanks Kamdev bhai for your supoort and review...Vijay ka Nisha ko bachane ki vajah next update mein pata chalega...Keep supporting.

 

[Champ_AK_81]

Res

 

[Champ_AK_81]

R1

 

[Champ_AK_81]

Posting.