Romance Mentality [Completed]

[Champ_AK_81]

UPDATE 69​

Rahul apna flat me pahunch gaya....Wo jaldi se fresh hokar aur naashta karke upar Nisha ke floor me chala jaata hai....Jab Nisha ki gate ko halka sa push kiya to gate khul gaya....Wo Nisha ke room dekhkar hairaan reh gaya aur sochne laga....

Rahul:- (In his mind) Sunaa tha ki ladkiyaan hamesha apna room ko manage karke rakhti hai aur aaj to dekh bhi liya....Kitna saaf suthra room hai aur har ek cheej apni jagah pe rakhi hui hai.....Bahut hi sndar room hai Nisha ka bilkul ussi ki tarah....Aur ek mera room hai bahut hi unmanaged aur dirty....Abb kya karu majboori hai room ko kabbhi kabhi saaf karna padta hai warna mai to wo bhi nahi karta....Nisha to ek do baar mere room me bhi aa gayi hai pata nahi kya socha hoga mere baare me mera room dekh kar....Uss time to koi fark nahi padta tha ki log mere baare me kya sochte hai lekin abb to khud par hi gussa aa raha hai....Bahut galat impression pad gaya hoga Nisha ko.....

Rahul abhi tak to Nisha ke room ke baare me hi soch raha tha....Uska dhyaan ber par soo rahi Nisha ki taraf gaya hi nahi tha....Jab uski najar Nisha pe padi to fir se wo wo sochne laga....

Rahul:- (In his mind) Mai yaha isse milne ko bechain ho gaya hu lekin ye to ghode bech kar soo rahi hai.....(Rahul Nisha ko gaur se dekhta hai) Aaj Nisha mujhe pehle se jyaada hi khoobsurat lag rahi hai.....Aur sote hue to bahut hi pyaari si lag rahi hai.....Aisa lagta hai ki vakt yahi tham jaaye aur mai apni Nisha ko dekhta hi rahu.....Aaj bahut hi sukoon mil raha hai apni Nisha ko dekh kar....

Rahul Nisha me kho sa gaya tha....Aaj bahut dino baad uske dil ko sukoon milaa tha....Wo apna aur Nisha ke baare me bahut kuch soch raha tha tabhi uske dil me ek aur khayaal aa gaya....

Rahul:- (In his mind) Agar Nisha utth gayi aur mujhe aise dekh liya to pata nahi kya sochegi....Kahi chor samajh liyaa to.....Nahi nahi ek aur galat impression nahi padne de sakta....Jab Nisha jaag jaayegi tab aakar baat kar lunga.....Abhi mujhe jaana hoga....

Ye khayaal aate hi Rahul gate ko waapas pull karke apne room me aa jaata hai.....Wo apne room me bechain ho raha tha....Uska dil kar raha tha jaakar Nisha se baat karne ko....Lekin uske man me baar baar ek hi sawaal aa raha tha ki kya Nisha abhi tak so rahi hai yaa fir jaag gayi hai.....Agar jaag gayi hai to kya baat karega Nisha se.....Pehli baar Rahul ko Nisha se baat karne me nervous feel ho raha tha.....Agar Nisha ne ye poonch diya ki tum yaha kyu aaye ho?? To kya jawaab dunga bas yahi soch kar Rahul pareshaan ho gaya tha.....Kuch der aise hi sochne ke baad uske dimaag me ek idea aaya.....

Wo apne room se nikal kar Garden me chala gaya.....Agar Nisha utth jaayegi tab Rahul ko khidki se dekh kar neeche aa jaayegi aur ghanton tak wo dono baat kar sakenge ye Rahul ka soch tha.....Hua bhi aisa hi.....

Nisha kuch der baad soo kar uthh jaati hai aur Rahul ke intejaar me time pass kar rahi thi lekin usko ye pata nahi tha ki wahi Rahul besabri se uska hi intejaar niche garden me baith kar kar raha hai.....Laghbhag aadha ghanta baad aise hi chalte hue wo khidki tak chali jaati hai aur waaha baitha Rahul ko dekh bahut khush ho jaati hai.....Rahul ko sahi salaamat dekh aur garden me dekh kar wo bahut khush ho jaati hai.....Usse laga ki kahi ye sapna to nahi aur wo khud ko pinch kar ke confirm kar leti hai ki ye koi sapna nahi hakikat hai......Wo apna emotions control nahi kar paati aur daud kar Rahul se milne jaati hai.....3 din ka intejaar ke baad Nisha ke dil ko bhi bahut sukoon milaa thaa.....Jab wo Rahul ki floor ki gate se baahar nikalti hai to achaanak uske dimaag me Rahul ko maja chakhaane ki baat yaad aa jaata hai....Wo wahi par ruk jaati hai aur chehre me ek muskaan lekar Rahul ki taraf chali jaati hai....

Rahul Nisha ko aata dekh bahut khush ho jaata hai.....Wo apne aap ko mentally prepare karne lagta hai Nisha se baat karne ka....Lekin uski khushi pal bhar me gaayab ho jaata hai jab Nisha garden ke saamne se Rahul ko dekh kar bhi andekha karte hue baahar chali jaati hai.....Rahul ko Nisha ki iss harkat par shock aur dukh lagta hai....Wo sochne lagta hai....

Rahul:- (In his mind) Nisha ne mujhe dekh kar bhi andekha kar diya.....Lekin kyu....Kya wo kisi jaruri kaam se baahar jaa rahi hai yaa fir mujh se naraaj hai.....Agar naraaj hai to mai usse mana lunga....

Rahul yahi sab soch raha tha.....Nisha bhi thoda aage pahunch kar ek jagah par chhip kar Rahul ko dekhti hai....Wo Rahul ki bechaini ko dekh kar muskuraati hai aur sochti hai.....

Nisha:- (In her mind) Rahul tumne mujhe 3 dino se intejaar karwaaya hai na......Abb dekho mai bhi kuch der ke liye tumhe pareshaan karti hu.....Itna to hak banta hai mera bhi......Aur tumhaari ye harkatein dekh abb mujhe lagne laga hai ki tum bhi mujhse pyaar karne lage ho.....Ye mujhe dekh kar tumhaara bechain ho jaana.....(Looking at Rahul) Abhi bhi tumhaari aankhien mujhe hi fhoond raha hai.....Ye sab dekh kar to mujhe lagne laga hai ki tum bhi mujhse pyaar karne lage ho......Shaayad 3 dino ki judaai se tumhaara akal bhi thikaane par aa gaya hai......Itni aasani se to tumhe nahi chhodungi.....Kuch dino tak pareshaan karungi aur baad me propose kar dungi.....

Nisha Rahul ko tadpa rahi thi lekin khud bhi usse abhi tak baat nahi kar paane ki vajah se tadap rahi thi....Lekin usko Rahul ko aisa tadapta hua dekh majaa bhi aa raha tha.....Aur har ek pal uska vishwaas badh raha tha ki Rahul bhi usko pyaar karne laga hai.....

Kuch der tadpaane ke baad Nisha se bhi raha nahi jaata.....Wo bhi abb waapas lautne lagti hai....Nisha ko waapas aate dekh Rahul ki chehre me fir se chamak aa jaati hai....

Iss baar bhi Rahul Nisha se baat karne ke liye mentally prepare ho raha tha lekin iss baar bhi Nisha Rahul ko andekha karne ki naatak karte hue apne room ki taraf jaane lagti hai.....Iss baar Rahul se rahaa nahi gaya.....Usne Nisha ko aawaaj diya....

Rahul:- Nisha..

Rahul ki aawaj se bechaini saaf jhalak raha tha....Nisha bhi Rahul ki baat sun leti hai lekin wo muskuraate hue nahi sunne ka naatak karte hue andar jaane lagti hai.....Nisha kuch kadam aage badh chuki thi iss liye Rahul usko muskuraata hua nahi dekh paata.....Iss baar usne thodi tej aawaj me Nisha ko bulaaya....

Rahul:- (Little loud) Nisha....

Iss baar aaawaj thoda tej tha jisse Nisha naatak nahi kar paati ki usne nahi sunaa....Wo picche mood kar Rahul ki taraf jaati hai.....

Nisha:- Hi Rahul.....Kab aaye aur mujhe kyu bulaaya....

Nisha ki aawaj se aisa lag raha tha ki wo Rahul se naraaj hai aur usse baat nahi karna chahti.....Rahul ko bhi Nisha ki iss tarah baat karne se uska sab himmat gaayab ho jaata hai aur wo kuch nahi bol paata....

Nisha:- Rahul tumne bataya nahi ki mujhe kyu bulaaya....

Nisha ki aawaj ki rookhapan ko dekh kar Rahul bhi uncomfortable mehsoos karta hai....Usse samajh me nahi aata ki kya jawaab de....Lekin fir bhi wo Nisha se poonch hi leta hai....

Rahul:- Kya tum mujhse naraaj ho???

Rahul ne ye baat thoda dheemi aawaj me puccha....

Nisha:- Nahi ....Nahi to.....Mai kyu tumse naraaj rahungi.....Aur tumhe aisa kyu laga ki mai tumse naraaj hu.....

Nisha ne ye to keh diya ki wo naraaj nahi hai.....Lekin uski aawaj se hi pata chal raha tha ki wo kitni naraaj hai...

Rahul:- Mai tumhe bina bataye chala gaya tha na 3 dino ke liye......Iss liye laga ki tum kahi mujhse naraaj to nahi ho gayi....

Nisha:- Ye tumhaari life hai Rahul....Aur tumhe kya karna hai kya nahi karna iska decision tumhe khud hi lena hai....Abb tumhe kahi jaana tha to chale gaye aur nahi bataane ka dil kiya to nahi bataya.....Issme mujhe buraa kyu lagega.....Waise bhi mai tumhaari kaun hu jo mujhe tumhaare harkato se buraa lagega....

Nisha ki baaton se saaf jhalak raha tha ki usko Rahul ki aise achanak chale jaane se kitna buraa laga hai....Wo jaise taise naraaj hone ka acting kar rahi thi lekin kar nahi paa rahi thi.....Wo to chahti thi ki Rahul se pyaar bhari baatein kare lekin itni jaldi wo Rahul ko maaf nahi karna chahti thi....Issliye na chahte hue bhi naatak kar rahi thi.....Lekin Rahul ko ye saari baatein samajh me nahi aa raha tha....Pyaar ke maamlon me usko ye saari baaton ka experience nahi tha.....Roothna Manana to bas filmon me hi dekha tha real life me mehsoos kiya hi nahi tha....

Rahul:- Ye kya keh rahi ho tum......Tum meri kya lagti ho.....Tum mera dost ho.....Sabse accha dost....

Rahul ne Nisha se ye to keh diya lekin uske man me kuch alag hi chal raha tha....

Rahul:- (In his mind) Ye tumne kya poonch liya Nisha.....Tum mera kya lagti ho.....Are tum to mera sab kucch ho.....Mera pyaar meri jindagi...Sab tumhi to ho.....Tumse milne ke baad hi to mujhe pyaar ka ehsaas fir se hua hai.....Tumhaari vajah se hi to iss boring life me thoda accha feel kar raha hu.....Bas tumhe bata nahi paa raha hu.....Lekin bahut jald bataa dunga ki mai tumhe kitna pyaar karta hu....

Nisha:- Dost....Tumhe dosti ka matlab bhi pata hai.....Dost wo hote hai jo dusre doston ke saath apna problems aur apni baatein bhi share karte hai.....Lekin tumne to mujhe apna dost maana bhi nahi....Mujhe bataakar jaana bhi jaruri nahi samjaha....Tumhe kya pata ki mujhe tumhaara kitna fikar ho raha tha.....Kitna intejaar kiya hai maine tumhaara.....

Abb Nisha ka sabra toot chuka tha......Usne ye baat rote hue kaha....Uski aawaj se uska 3 dino tak ki dard, aur tadap ka pata chal raha tha....Rahul ko bilkul bhi accha nahi laga Nisha ko rote hue.....Uske dil ko Nisha ke rone se bahut chhot pahunch raha tha aur khud par gussa bhi aa raha tha.....Wo aage badhta hai aur Nisha ke shoulder ko pakadte hue kehta hai.....

Rahul:- Sorry Nisha.....Mai bahut galat hu aur maine tumhe na bataa kar bahut bada galti kiya hai....Please tum rona mat....Tumhaari aankhon me aansu acche nahi lagte.....Mera tumhe hurt karne ka iraada nahi tha....Lekin kya karta jaldbaazi me doston ke gaaw jaana hi pada.....Socha tha ki tumhe phone karke bataa dunga lekin tumhaara number hi nahi tha mere pass....

Iske baad Rahul Nisha ko apni problems bata deta hai.....Nisha bhi Rahul ki baat samajh jaati hai aur kuch der baad wo ronaa bhi band kar deti hai.....Nisha ke chup hone ke kuch der baad Rahul thoda serious aur thoda majaak me ek baat Nisha ko poonch hi leta hai....

Rahul:- Nisha mujhe ek baat samajh me nahi aaya....Mere jaane se tumhe itna dukh kyu hua ki tum rone lagi....Ye baat mujhe samajh me nahi aaya....Aaj tak kisi bhi dost ko nahi dekha ki wo itni si baat par roo de....

Rahul ko Nisha ki rone ki vajah se sach me hairaani ho raha tha aur usse Nisha ki dil ka haal abhi bhi samajh me nahi aa raha tha lekin Nisha ko to abb samajh me nahi aa raha tha ki Rahul ki iss sawaal ka kya jawaab de.....Wo itni jaldi ye bhi nahi bataa sakti thi ki wo Rahul se pyaar karti hai.....Nisha abb iss musibat se nikalne ke baare me soch rahi thi.

 

[Champ_AK_81]

UPDATE 70​

Nisha:- Mai thoda emotional hu....Jab tum itne din tak yaha nahi aaye to dar gayi thi ki kum kaha ho.....Aur tum jab sahi salamaat laute to bahut khusi huyi aur mai apna emotions par control nahi kar paayi.....Bas issi liye ro padi....

Nisha ne asli vajah Rahul se chhupa liya.....Rahul ne bhi iss baat par jyaada dhyaan nahi diya....Wo to bas Nisha ko dekhne me busy tha.....Nisha ne jab apni baat keh diya tab bhi wo bas Nisha ko hi pyaar se dekhe jaa raha tha.....Rahul ki khaamoshi se Nisha ko bhi thoda hairaani hua aur usne sir utha kar Rahul ko dekha jo abhi bhi usse hi dekhne me vyast tha....Jab Nisha ne Rahul ko dekha tab jaake Rahul ko hosh aaya aur hosh aane ke baad usne apni aankhein Nisha se hata liya aur sochne laga.....

Rahul:- (In his mind) Mai bhi naa paagal ho gaya hu .....Bina najar hataye Nisha ko hi ghoore jaa raha tha....Pata nahi Nisha kya soch rahi hogi....Agar aisa hi chalta raha to mera love story ka start hone se pehle hi end ho jaayega.....Khud par control rakhna hoga mujhe....

Rahul apne man me ye sab soch raha tha.....Udhar Nisha bhi Rahul ka aise achanak se najar hataane ki vajah se mushkuraati hui sochti hai.....

Nisha:- (In her Mind) Pyaar to Rahul bhi mujhse karta hai....Ye uski aankho aur harkat se pata chal raha hai.....Lekin bahut hi darpok lag raha hai pyaar ki maamlon me....Jab maine isse mujhe ghoorte huye dekha to dar kar mujhse najare hata liya.....Kitna darpok hai ye....Kya ye kabhi mujhe propose kar paayega....Koi baat nahi.....Mai isse confidence de dungi jisse ye mujhe propose kar hi dega.....Waise bhi abhi iss silent love ka majaa leti hu .....Propose ki itni jaldi bhi nahi hai....

Itna sochne ke baad Nisha ki dimaag me ek baat aata hai Rahul ko pareshaan karne ka aur wo kehti hai....

Nisha:- Kya hua....Tumne aise apni najar kyu hata liya???

Nisha ne shararati muskaar ke saath ye baat poocha....Rahul jo nahi chahta tha wahi hua....Wo bas yahi soch raha tha ki Nisha bas ye sawaal na pooche lekin Nisha ne pooch hi diya....

Rahul:- Wo mai ...Wo....Actually....Baat ye hai ki....Meri aankh me shaayad ek kira(insect) ghus gaya tha.....Iss liye aankh hataa liya....

Rahul ko kuch samajh me nahi aa raha tha.....Usne hadbadaa kar ye jawaab diya.....Nisha Rahul ki haalat dekh andar hi andar muskuraati hai....Wo Rahul ka aur majaa lena chahti thi ...

Nisha:- Tum aise hadbadaa kar kyu bol rahe ho......Aur agar kira ghus gaya to jaldi chalo room me aur apni aankho me paani daalo....Warna bahut problem ho sakti hai....

Rahul:- Are nahi nahi.....Kira nikal gaya hai.....Bas aankh ko touch kiya tha....Abb koi problem nahi...

Rahul ne iss baar bhi hadbadaate huye kaha.....Abhi wo Nisha se acche se baat nahi kar paa raha tha....Issliye usne fir se kaha....

Rahul:- Mujhe kuch kaam yaad aa gaya.....Abhi mai room me jaa raha hu....Baad me baat karenge....

Itna keh kar Rahul apne room me chala gaya.....Nisha usko picche se dekh muskuraati rahi....

Rahul apne room me pahunch kar khud par hi gussa ho gaya aur apne man me sochne laga....

Rahul:- (In his mind) Karwa liya na khud ka beizzati.....Abe Rahul tujhe ho kya gaya hai....Kyu aisa abnormal behave kar raha hai.....Pyaar karta hai to kya paagal banna jaruri hai....Pehle to accha khaasa behave karta tha Nisha ke saath lekin abb paagalon jaisa behave karne laga hai....Pata nahi wo tere baare me kya soch rahi hai.....Pyaar kiya hai to thoda to intejaar kar....Intejaar ka fal meetha hota hai.....Lekin nahi tu to bahut hi uttawla ho raha hai....Agar aisa hi behave karta raha na to Nisha tujhse dosti bhi tod legi aur karte rehna pyaar usse.....

Rahul abhi khud par aur khud ki harkato par gussa tha....Lekin kuch der baad fir se kuch muskuraate hue sochne lagta hai.....

Rahul:- (In his mind) Kya karu....Ye dil maanta hi nahi....Aur Nisha bhi to bahut pyaari hai.....Usko dekhne ke baad abb dimaag puri tarah se blank ho jaata hai....Issi liye aisi utpatang baate moonh se nikal jaati hai aur apni harkato par bhi control nahi rehta.....Jab bhi uski aankho me dekhta hu to kho jaata hu.....Abb isme meri kya galti....Saari galti Nisha ki hai wo meri life me aa gayi aur mujhe usse pyaar ho gaya aur mai paagalo jaisa harkat kar raha hu......(After some time) Ye kya keh raha hai Rahul.....Bhul mat Nisha teri life ka sabse bada bin maange gift hai....Jiski aane ki vajah se tu life ko acche se jee paa raha hai....Warna teri wahi puraana life jo kuch vakt Priya ki yaad me bitta aur kuch vakt gusse me....

Lekin aise kab tak jiyunga....Ek na ek din to propose karna hi hoga....Lekin kab.....Sahi mauka kab aayega ishi ka intejaar kar raha hu.....Kahi der ho gayi aur Nisha ko kahi kissi aur se pyaar ho gaya to....Nahi nahi aisa nahi ho sakta aur mai hone nahi dunga.....Jaldi se Nisha ki dil ki haal jaana hoga aur usko mere pyaar ka ehsaas dilaana hoga....Abb se issi kaam me lag jaata hu.....Abb Nisha ke saath hi vakt bitaaunga aur usko apna pyaar ka ehsaas dilaaunga.....Mujhe yakin hai wo ek din mera pyaar jarur samjhegi....

Idhar Rahul ye sab soch raha tha aur udhar Nisha bhi Rahul ko waapas dekh kar khush hokar kuch soch rahi thi....

Nisha:- (In her mind) Mera Rahul waapas aa gaya.....Bilkul sahi salamaat hai.....Mai bhi na bahut kuch soch rahi thi....Lekin wo bilkul thik hai.....Par pyaar me to ais hota hi hai ki khud se jyaada ham apne pyaar ke baare me sochte hai....Usne mujhe bahut tadpaaya hai 3 din tak....Lekin koi baat nahi....Log sahi kehte hai intejaar ka fal meetha hota hai....3 din ki intejaar ke baad ye to pata chala ki Rahul bhi mujhse pyaar karta hai....Abb wo bilkul aisa ho gaya hai jaisa mai usse dekhna chahti thi.....Rahul abb mera deewana sa ho gaya hai....Kitna cute lagta hai wo jab wo muskuraata hai....Abb to uski chehre se gussa maano gaayab hi ho gaya hai.....Bahut buraa dikhta hai wo jab wo gussa rehta hai lekin abb to wo bahut badal gaya hai....Bahut accha lagne laga hai wo.....Abb to iss pal ka intejaar kar rahi hu ki kab wo mujhe apne pyaar ka izhaar karega.

 

[Champ_AK_81]

Friends aaj 2 updates post kiya hai...Padh kar apna feedbacks jarur dijiye.

 

[kamdev99008]

bahut khoob......................

ab dono hi pyar me doobne lage hain......................

rahul ki mentality change to hoti hai bar-bar.....lekin ek baat hai jo nahin badalti
self confidence ki kami................
atm vishwas na hone se paida huyi jhijhak

keep it up

 

[Avinashraj]

Nyc update bhai

 

[Jamesleon]

ek number bhai
nice update
bus update samy pe dete rahiye
champ bhai

 

[Champ_AK_81]

UPDATE 71​

Rahul abhi apne room me pahuncha hi tha ki uske mobile me Raj ka phone aata hai.....Wo phone ko pick kar leta hai...

Raj:- Hello Rahul....

Raj ki aawaj me thoda ghabraahat tha....Usko ghabraahat ho raha tha ki Rahul kaha hai aur kis haal me hai.....

Rahul:- Ha bhaiya.....Kya baat hai aur aise ghabraye kyu ho????

Rahul ki baat se Raj ko bahut raahat mila ki Rahul kisi bhi khatre me nahi hai.....Lekin agle hi pal gusse me usne Rahul se hi pooch liya....

Raj:- Tu mujhe pooch raha hai ki mai kyu ghabraya hu.....Pehle tu ye bata ki tu itne dino se kaha tha aur tera phone kyu nahi lag raha tha???

Rahul:- Bhaiya please shaant ho jaaiye....Sab kuch aaram se batata hu.....Mai Arjun ke gaaw gaya tha ....Waha par network hi nahi tha.......Iss liye mera phone nahi lag raha tha aur mai bhi aapko call nahi kar paa raha tha....

Rahul ne Raj ko samjhaate huye kaha.....

Raj:- To tu mujhe phone karke nahi jaa sakta tha ???Pata hai teri vajah se Nisha ka kya haal hua tha....

Raj ne jaldbaazi me ye baat to keh diya.....Lekin apni baat khattam karne ke baad usko pata chala ki usne kya keh diya hai.....Usko khud ki baat par afsos hone laga....

Rahul:- Bhul gaya tha aapko phone karna aur jab yaaf aaya to mai Arjun ki gaaw par tha....Aur aap Nisha ke baare me kya keh rahe the....Kya haal hua tha uska....

Rahul Raj ki baato se hairaan tha......Jab usne Nisha ko dekha tha to wo ek dum thik thak thi.....Aur wo sochne laga ki kya haal hua hoga Nisha ka jo usne nahi bataya......Rahul idhar ye soch raha tha lekin Raj ko samajh nahi aa raha tha ki Rahul ko kya jawaab de....Wo itni jaldi bata bhi nahi sakta tha ki Nisha Rahul se pyaar karti hai.....Jaise taise usne ek baahana bana hi liya....

Raj:- Wo pareshan ho gayi thi....Tum dono ek hi building me rehte ho.....Aur jab usne tujhe 3 din tak nahi dekha to pareshaan to ho jaayegi naa...Aur iss liye wo mujhe tere baare me pucch rahi thi...Tera number bhi nahi tha uske pass....

Rahul:- Lekin bhai uske pass to aapka number bhi to nahi hai.....Phir usne aapse kaise baat kiya....

Raj Rahul ki baat se aur bhi confuse ho jaya aur usne Raj se sidha sawaal pooch liya....Raj ne bhi jaldi se jawaab diya....

Raj:- Ha uske pass mera number nahi hai.....Usne Riya se baat kiya tha aur Riya ne mujhse iss baare me baat ki.....Aur mujhe pata chala ki tu flat me nahi hai....Tu bahut laaparwaah ho gaya hai.....Koi aisa karta hai kya....Pata hai teri bajah se ham sab kitna pareshaan ho gaye the....Lekin tujhe kisi ka kaun sa fikar hai.....Bas tu ghumne jaa, maja kar aur pareshaan hame kar.....

Raj ki baat se pata chal raha tha ki wo Rahul se thoda gussa aur jyaada naaraj hai.....Lekin Rahul iss baat ki koi jawaab dene ki vajah hass deta hai.....Raj Rahul ki iss baat par chhid jaata hai aur thoda gussa ke saath kehta hai....

Raj:- Mai koi comedy kar raha hu jo tu hass raha hai.....

Rahul:- Bhai mai to aapki hi baat ko soch kar khus ho raha hu aur hass bhi raha hu.....

Raj:- (Hairaan hote hue) Kaun si baat maine aisa keh diya jo tu khus ho raha hai....

Raj sach me hairaan ho gaya tha aur soch raha tha ki usne aisa kaunsa baat keh diya tha....

Rahul:- Abhi to aapne bataya ki Riya ne aapko Nisha ki baat batayi.....Aur mai ye soch kar khus ho raha hu ki mere bin bataye gaaw jaane ki vajah se Riya aur aapki setting ho gayi....

Ye baat keh kar Rahul jor se hasne laga aur Raj ko thoda gussa aa gaya....

Raj:- (Thoda gussa dikhaate hue) Rahul maine tujhe kitni baar kaha hai ki tu mujhe iss baat ko lekar majaak mat kar....Tu jaanta hai na mai Riya se kitna nafrat karta hu.....Wo to tere baare me baat kar rahi thi iss liye uska baat sun liya.....Agli baar fir se tune aisi bakwaas majaak kiya na to dekh lena.....

Rahul:- Mai jaanta hu aap kuch bhi nahi karoge.....Jab chahu tab aapke saath majaak kar sakta hu.....

Rahul ki iss baat par Raj kuch nahi kehta....Raj man hi man khush ho raha tha ki Rahul bahut badal gaya hai....Abb wo hamesha gusse me nahi rehta aur wo majaak bhi karna shikh gaya hai.....Aise hi kuch der baat karne ke baad Rahul phone cut kar deta hai....

Rahul phone cut karne ke baad bed par lait kar fir se Nisha ke baare me sochne me vyast ho gaya.....Kuch der aise hi sochne ke baad usko Raj ki baat yaad aa gayi ki Rahul ko abhi bhi Nisha ka phone number nahi pata.....Wo der na karte hue sidha Nisha ki room me jaata hai aur gate ko halka push karta hai ki gate khul jaata hai....Aise achanak gate khulne ki vajah se Nisha bhi hairaan ho jaati hai aur wo gate ki taraf aati hai......Rahul aur Nisha dono ki najre aapas me takra jaati hai....Nisha pehli baar Rahul ko yaha dekh hairaan ho jaati hai aur poochti hai....

Nisha:- Rahul...What a surprise....Tum yaha to pehli baar aaye ho....Koi khaas vajah????

Rahul:- Ha kuch kaam tha iss liye aaya...

Rahul ko samajh me nahi aa raha tha ki kaise Nisha se uska number maange....Bas jaldbaazi me itna hi bola....

Nisha:- Ha bolo.....Kaun sa kaam....

Rahul:- Nisha mujhe tum tumhaara num number chahiye....

Rahul hadbada kar bola....Nisha Rahul ki aisi harkat par muskuraaye bina nahi reh paati....

Nisha:- Kis cheej ka number???

Nisha jaanti thi ki Rahul uska phone number maang raha hai .... Nisha ko bhi Rahul ki baat se bahut khushi milta hai lekin wo Rahul ka majaa lena chahti thi .....

Rahul:- Tum tumhaar phon phone mumber....

Rahul abhi bhi hadbadaa kar baat kar raha hai.....Nisha bhi apna jhuttha gussa dikhaati hui kehti hai....

Nisha:- Mera phone number ....Kyu??Aur tum aise hakla kar kyu baat kar rahe ho???

Nisha ka iss tarah se gussa ho jaane se Rahul bhi dar gaya.....Darte huye wo kehne laga....

Rahul:- Kabhi kabhi jarurat pad sakta hai naa....Iss liye socha ki tumhaara number save kar leta hu.....

Rahul ka iss tar se darte huye baat karna dekh Nisha andar se mushkuraati hai......Abb usse bhi lagne laga ki shaayad wo jyaada hi pareshaan kar rahi hai Rahul ko.....

Nisha:- Rahul tum aise kyu dar rahe ho.....Mai to majaak kar rahi thi....Friendship me aisa majaak to chalta hai.....Ye lo mera number....

Itna keh kar Nisha usko apna number de deti hai aur Rahul apne man me sochta hai.....

Rahul:- (In his mind) Friendship me majaak chalta rehta hai....Pyaar me majaak chalta rehta hai....Ye bhi to bol sakti thi na.....Aur ek mai hu ki ye bhi pata nahi kar paa raha hu ki Nisha mujhse pyaar karti bhi hai ya nahi....Pata nahi kab tak Nisha ko apna pyaar ka ehsaas de paaunga.....Agar issi tarah darta raha na to fir kabhi bhi nahi de paaunga....

Rahul yahi sab soch raha tha aur uska dhyaan Nisha ki baato se tut ta hai....

Nisha:- Rahul kya soch rahe ho.....Tum to pichhle 2 minute se yahi khade hokar kuch soch rahe ho....Maine to tumhe apna number de diya hai....

Rahul ko samajh me nahi aa raha tha ki Nisha ki baat ka kya jawaab de....Usko apni iss harkat par gussa aane lagta hai.....Bas wo itna hi keh paata hai....

Rahul:- Sorry....Kuch baat yaad aa gaya tha.....Abb mai chalta hu....

Rahul itna keh kar jaane lagta hai lekin picche se aa raha Nisha ki aawaj se ruk jaata hai....

Nisha:- Rahul ruko.....

Rahul Nisha ki aawaj sun kar ruk jaata hai lekin ye bhi sochta hai ki Nisha abb usko kya kehne waali hai...

Nisha:- Tumne to mera number le liya....Tum mujhe apna number nahi doge kya???

Rahul Nisha ki baat sunkar usko apna number deta hai aur chala jaata hai....

Apne room me pahunch kar Rahul ko thoda chhain milta hai aur raahat ki ek lambi saans leta hai ye soch kar ki Nisha ki sawaalo se abb wo bach gaya.....Issi tarah wo apne bed par sone chala jaata hai.....Abhi Nisha se hui baato ko soch kar wo kabhi khud par gussa hota hai to kabhi apni paagalon jaisi harkat par muskuraata hai.....

In Raj's Room​

Raj bhi abhi apna study complete karke sone lagta hai tabhi uska room partner Suresh aata hai aur hairaan ho kar Raj se kehta hai....

Suresh:- Raj....Tune abhi tak apna bag pack nahi kiya.....

Raj bhi Suresh ka baat sunkar hairaan ho jaata hai aur usko poochta hai....

Raj:- Bag pack aur wo kyu???Ham kahi jaa rahe hai kya???

Suresh:- Bhul gaya kya....Kal hamaara tour hai.....Hamaare class aur 1 year junior sab jaa rahe hai tour par...

Raj:- Kya....Ham tour par jaa rahe hai....Lekin ye baat kab announce hua....Mujhe to pata hi nahi chala....Mai nahi jaaunga tour par.....

Suresh:- Kal hi to hua tha....Tu kaha tha uss vakt....Lunch break ke baad ki class me announce hua tha.....Mujhe laga tujhe pata chal gaya hoga iss liye tujhe nahi bataya.....Lekin mujhe to abhi pata chala ki tujhe pata nahi hai......Abb kuch nahi ho sakta ....Iss time par cancel nahi kar sakta tour....Abb jaldi se packing kar le.....

Suresh ki baat sunne ke baad Raj ko yaad aata hai ki wo Tour ki notice announce hone waali time me Riya ke saath Rahul ke baare me baat kar rahi thi.....Usko Riya par bahut gussa aata hai....Har baar wo Raj ke liye koi na koi problem create kar deti hai.....

Iske baad Raj 1 hour busy ho jaata hai packing karne me......Aur jaldi se sota hai kal subah tour ke liye....Tour subah 5:00 am se tha aur Raj ko ye tour ek bada surprise dene waala hai aur uski life me bhi ek badlaaw aane waala hai.

 

[Champ_AK_81]

UPDATE 72​

Subah ka 4:30 am baj raha tha....Uss vakt Suresh ki mobile me alarm ki ek irritating music ne Raj ko jaga diya....Raj ko to itna gussa aaya ki agar mobile uske pass hota to fenk kar tod deta lekin luckily mobile abhi uski pahunch se thoda dur table par tha.....Alarm se Suresh bhi utth jaata hai....Raj ki neend abhi puraa nahi hua tha....Raat ko late se soya tha aur bag pack karne ki vajah se thak bhi gaya tha.....Issi vajah se wo fir se sone laga.....Lekin uska kismat accha nahi tha....

Suresh ne fir se usko hilaa kar utha diya....

Suresh:- Raj utth na....Kitna soyega....Abb jaldi se utth jaa....

Raj:- Sone de na yaar....Kyu pareshaan kar raha hai....Itni subah pehle tere mobile ne mujhe uttha diya abb tu bhi sone nahi de raha.....Please sone de yaar....Bahut jor ki neend lagi hai....

Raj ne aankh band karke hi aadhi neend me jawaab diya....

Suresh:- Bhai hostel ke baahar hi bus khada hai....25 minute hai hamaare pass....Jaldi se fresh hokar nikalna hai hame tour ke liye.....Abb jaldi se utth jaa....Aur agar jyaada neend laga ho to bus me so jaana...

Tour ki baat sunkar Raj bhi utth jaata hai....Aur wo Suresh se pucchta hai...

Raj:- Waise ye bakwaas tour kitne din ka hai....

Raj ne iss tarah se kaha jaise usko iss tour se bahut nafrat hai....

Suresh:- 5 din.

Raj:- Kya 5 din...Kya bak raha hai tu....Matlab 5 din tak mujhe iss tour ko jhelna hoga....

Raj ne shocked ho kar kaha....Usne socha tha ki koi 1 ya 2 din ki tour hai....Lekin Suresh ki baat se wo shocked ho gaya....

Suresh:- Yaar tujhe kya problem hai iss tour se.....Padh padh kar dimaag kharaab ho gaya hai....Bas ye hi to mauka hai enjoy karne ka....Sabhi dost ek saath milenge ....Lekin tu nahi samjhega.....Abb jaldi se jaa aur fresh hokar aaja....Warna ham late ho jaayenge.....

Iske baad Raj na chahte hue bhi washroom me jaaata hai aur fresh hokar aata hai....Aur dress pehan kar bus me jaata hai....Iss tour ke liye 2 bus ka arrange kiya gaya tha.....Aur tour par last and second last year ke students jaa rahe the....Bus me students randomly baithe the...Suresh aur Raj dono right side ki seat par baith jaate hai.....Suresh window seat par to Raj uske bagal me baith jaata hai....

Raj ko abhi tak neend ne nahi chhoda tha.....Wo sone hi laga tha ki Riya ki aawaj fir se usse utha deta hai...Wo gusse me apni baayi taraf baithi Riya ko gusse me ghurne lagta hai.....Riya apni hi dost Preeti ki saath lad rahi thi.....

Preeti:- Please Riya....Mujhe window waali seat de na yaar....

Riya:- Nahi....Bilkul nahi....Mai window waali seat par baithungi.....Aur pehle mai aayi thi to ye seat mera hua....Abb shant ho kar mere bagal me baith....

Preeti:- Please yaar samajhne ki koshish kar....

Riya:- Kya samajhne ki koshish karu ....Aur mujhe kuch samajhna bhi nahi hai.....Mai to window waali seat kisi ko bhi nahi dungi.....Tour me window se baahar dekh kar jaane ki majaa hi kuch aur hai....

Riya ne to jaise kasam hi khaa li thi ki wo window waali seat kisi ko bhi nahi degi.....Last me thak kar Preeti kuch aage badhkar dheere se Riya ko kehti hai....

Preeti:- (Dhire se) Please yaar samajhne ki koshish kar....Mujhe bus me vomit hoti hai.....Iss liye window waali seat maanga....Sabke saamne keh bhi to nahi sakti iss liye request kar rahi hu....Please maan jaa yaar....

Abb Riya ne bhi jidd chhod kar kaha.....

Riya:- Accha thik hai baith tu window waali seat par.....Lekin jab tour se lautenge tab tu kisi aur seat par chali jaana....

Riya aur Preeti idhar baat kar rahe the lekin inn dono ko bagal ki row par baithe Raj kuch der se gusse se ghoore jaa raha tha .....Jab Riya Raj ko aise gusse me dekhti hai to chaunk jaati hai.....WO kuch pucchti isse pehle hi Raj gusse me kehta hai....

Raj:- Ho gaya tum dono ka bakwaas khattam....Agar aur karna hai to kar lo....Subah subah dimaag kharab kar diya.....

Itna bol kar Raj fir se sone lag gaya....Riya aur Preeti uski iss harkat se hairaan ho jaati hai....Lekin kuch bolti nahi....Ushar Suresh bhi Raj ki aisa gussa dekh andar hi andar hass raha tha....

Raj bahut gehri neend me soo jaata hai....Bagal me baitha Suresh usko aisa sota dekh hairaan tha.....Usne Raj ko itna sote hue kabhi nahi dekha tha.....Riya ki bhi najare kabhi Raj par aa hi jaata hai aur wo bhi Raj ko aisa sota dekh hairaan ho gayi thi.....

Raj ne to aaj sone ki kasam khaa liya tha....Dopahar ka 12:00 pm baj gaya tha lekin Raj utthne ka naam nahi le raha tha.....Wo to aur bhi jyaada sota agar Suresh ne usko naa uthaaya hota to...

Suresh:- Raj utth yaar....Abb aur kitna soyega...

Suresh ne Raj ko hilaate huye kaha.....Kis vajah se Raj ki neend toot jaata hai....

Raj:- Abb kya problem hai yaar....Kyu hamesha mera neend ka dushman banta hai....

Raj ne iss baar aankh khol kar kaha....

Suresh:- Time dekh aur maahaul dekh....Sabhi hass rahr the tujhe aisa sota dekh.....Abhi lunch ka time hai....Gaadi bhi ruki hui hai....Chal kuch khaa kar aate hai....

Suresh ki baat sun kar jab Raj ne apna ghadi dekha to wo chaunk gaya....Uski ghadi me abhi 12:05 pm baj raha tha....

Raj:- Nahi yaar....Mujhe khaane ka man nahi hai....Tu jaa...

Iske baad Suresh Raj ko kuch der tak force karta hai lunch ke liye lekin Raj nahi maanta....Abb Suresh ko bhi lagta hai ki iss tarah se to wo khud bhi kuch nahi khaa paayega...Iss liye wo chala jaata hai apna lunch karne....

Raj itna jyaada sone ki vajah se accha feel nahi kar raha tha....Wo paani ka bottle nikaal kar khidki ke baahar face nikaal kar face dhota hai....Aise hi fresh hone ke kuch time baad wo accha mehsoos karta hai ....Kuch der baad wo hotel ki washroom ki taraj jaata hai.....Waha par usko kareeb 10 minute lag jaata hai....Aur jab laut ta hai tab uski hi najar ke saamne se bus nikal gaya ....

Wo thodi der tak daud kar Driver driver chillata raha.....Lekin kuch faayida nahi hua....Kuch hi der me bus apni speed se nikal jaata hai....Aur ant me wo thak kar wahi road me khada rehta hai aur sochne lagta hai ki kaise bus ko fir se pakde.....Wo saath me kal raat me hui Suresh se baat se lekar abhi tak jo hua unn sabhi manhoos pal ko kos raha tha....

Kuch der wahi khada rehne ke baad wo picche se aata hua Riya ki aawaj se aur bhi chaunk jaata hai....

Riya:- Raj....Tum yaha....Kya kar rahe ho???

Riya ki aawaj aur Raj ki chehra dono me hairaani tha.....Raj aur Riya dono hi soch rahe the ki wo dono kya kar rahe hai abhi yaha par.

 

[Champ_AK_81]

Friends aaj 2 updates post kiya hai...Padh kar apna feedbacks jarur dijiye.

 

[Avinashraj]

NYC update bhai