Mera bhi shayiri thread

[Casinar]

Tum Se Door Rahoon Magar Kaise,
Haal-E-Dil Bhi Kahoon Magar Kaise,

Bahut Samjhaya Is Pagal Dil Ko Eh Sanam,
Dil Ko Mazboor Karoon Magar Kaise,

Kuchh Toh Kahti Hai Aankho Se Woh Bhi,
Woh Baat Kagaz Par Likoon Magar Kaise,

Waqt Ki Lahron Se Main Waakif Toh Hoon,
Waqt Ke Safar Ko Samjhun Magar Kaise,

Har Gham Uttha Lenge Saath Jo Tum Ho,
Tum Bin Khud Ko Sochun Magar Kaise,

Tum Se Door Rahoon Magar Kaise,
Haal-E-Dil Bhi Kahoon Magar Kaise…

 

[Casinar]

Raat Gujri Unke Intezaar Mein,
Aur Aansu Bahte Rahe Pyar Mein,

Tanhai Ki Chadar Tan Se Lapete,
Bahta Raha Sanso Ki Manjhdar Mein,

Tha Khamosh Manzar Badla-Badla,
Dil Bhi Na Tha Ab Ikhtiyar Mein,

Woh Aayenge Sochta Raha Main,
Khilengi Kaliyan Phir Se Bahaar Mein,

Bewajah Nikal Pada Tha Ek Din Eh Sanam,
Pyar Dhundne Ke Liye Is Zahaan Mein…

 

[Casinar]

Pyar Ne Chhoda Asar Dheere-Dheere,
Kya Hua Jo Mudi Nazar Dheere-Dheere,

Chahat Se Bhra Hua Hai Machalta Dil,
Kaafir Hui Mastani Nazar Dheere-Dheere,

Alhad Ada Thi Unki Pahle Is Traha,
Ab Diwangi Chadti Umar Dheere-Dheere,

Umadta Gaya Masti Ka Sama Fiza Mein,
Uthha Ab Jawaani Ka Bhanwar Dheere-Dheere,

Surkh Lab Utre Maidan Mein Ek Saath,
Puri Hui Uski Har Kasm Dheere-Dheere,

Sarka Jo Aanchal Fir Sanwrne Na Diya,
Madhosh Ho Gaya Pyar Mein Dheere-Dheere,

Saanso Ki Sabnam Yeh Aahon Ke Shole,
Hote Gaye Sab Be-Asar Dheere-Dheere,

Talab Rahti Hai Kho Jaaun Tujh Mein,
Hoti Rahe Shab Mein Shahr Dheere-Dheere…

 

[Casinar]

Sirf Nazar Se Jalaate Ho Aag Chahat Ki,
Jalakar Kyun Bujhate Ho Aag Chahat Ki,

Sard Raaton Mein Bhi Tapan Ka Ehsaas Rahe,
Hawa Dekar Badhate Ho Aag Chahat Ki,

Aapki Nazron Mein Mere Pyar Ka Thhikana,
Hum Se Kyun Chhipate Ho Aag Chahat Ki,

Naazuk Jism Par Ungaliyan Jo Rakh Doon,
Badi Khusi Se Chhupate Ho Aag Chahat Ki,

Phoolon Se Lipatkar Bikhar Jaao Mujh Par,
Armaano Se Lutate Ho Aag Chahat Ki…

 

[Casinar]

Yeh Mausm Bhi Hai Deewana Aapka,
Eh Sanam Inayat Aapki Bahana Aapka,

Kuchh Raah-Geer Aaye Wahaan Se,
Shayad Laye Hon Afsana Aapka,

Eh Hawa Kushboo Lekar Aana Unki,
Nahi Chalega Ab Koi Bahana Aapka,

Maloom Hai Aapko Aadat Hai Mujhe Aapki,
Kyonki Main Hoon Jaana Pahchana Aapka,

Haan Bhigo De Use Mere Pyar Ke Rang Se,
Sukha Pada Hai Jo Aashiyana Aapka,

Yeh Mausm Bhi Hai Deewana Aapka,
Eh Sanam Inayat Aapki Bahana Aapka…

 

[Casinar]

Mana Dil Ne Khuda Aapko,
Chaha Hamne, Pooja Aapko,

Apne Aap Se Puchhiye Eh Sanam,
Khushboo Kahoon Yaa Fizaa Aapko,

Mandir Mein Jaaun Ab Kisliye,
Jab Maan Liya Dewata Aapko,

Manzar Badla Hai Jeene Ka,
Jab Se Zindagi Samjha Hai Aapko,

Behti Lahar Salaam Karegi ,
Fursat Se Sahil Mila Aapko…

 

[Casinar]

Chain Yahan Hai, Ab Wahan Nahi,
Dil Kyun Betaab Hai, Eh Khuda Pata Nahi,

Jis Talash Mein Hai Tu Shayad,
Woh Aapko Kabhi Mila Nahi,

Shyad Ye Mausam Bana Rahe,
Yahan Toh Kisi Ko Rahna Nahi,

Shikwe Duniya Se Hazaaron Hain,
Eh Sanam Mujhe Aapse Koi Gila Nahi,

Dil Se Mere Milna Jaroor Eh Husan Walon,
Kya Aapke Dil Mein Kabhi Koi Raha Nahi…

 

[Casinar]

Jo Aati Thi Kabi Mere Naam Chitthhiyan,
Hum Aaj Bhi Padhte Hai Woh Gumnaam Chitthhiyan,

Sarhadon Ke Paar Gaye, Dil Ke Woh Tukde Eh Sanam,
Bas Reh Gayi Ab Toh Ban Ke Salaam Chitthhyan,

Dhime-Dhime Kadamon Se Aati Thi Woh,
Roz Nahi Aayi Magar Be-imaan Chitthhiyan,

Mere Sath Rahi Hamesha Khamoshiyan,
Shirf Likhta Gaya Haal-E-Tamaam Chitthhiyan,

Jab Bhi Meri Pyaas Baaki Reh Jaati Hai,
Peeta Hun Ab Main Banaakar Zaam Chitthhiyan,

Katra-Katra Bikhra Hua Hai Zameen Par,
Samet Loo Eh Sanam Tera Yeh Pyar Chitthhiyan…

 

[Casinar]

Pyar Ka Souda Jazbaat Se Hota Hai,
Dil Ka Souda Ek Mulakaat Se Hota Hai,

Yun Toh Keemat Hoti Hai Har Soude Ki,
Haseeno Ka Souda Aaishq Ki Jaan Se Hota Hai,

Nazrein Milte Hi Nazara Badal Jata Hai,
Saaz Par Aate Hi Tarana Badal Jata Hai,

Paigam E Wafa Toh Sabhi Bhejte Hain,
Aajmaish Ke Waqt Par Jamana Badal Jata Hai,

Fijaon Mein Bhi Baharon Ka Naam Aata Hai,
Aaj Har Jubaan Par Mera Naam Aata Hai,

Jab Bhi Koi Padhta Hai Kalam Mera,
Har Jubaan Par Sanam Tera Naam Aata Hai…

 

[Casinar]

Teri Baahon Mein Meri Zannat,
Meri Julfon Mein Teri Shaam Hui Thi,

Pyar Ke Lambe Intezaar Ke Baad,
Eh Sanam Tumse Meri Mulakaat Hui Thi…