Fir Ravi raat ko harmeet ke room pe pahucha..aur wo aage ki planning bataya..
Harmeet bhi sun ke khush hua..aur Ravi ko sharab aur nashe se dur rehne ko bola..
Ravi bhi bola ki wo ab nahi piyega..
Ravi ne pahuch ke kavita ko call kiya aur bata diya ki wo waha Pahuch gaya hai…Ravi ne Deepika se direct baat nahi ki…
Deepika bhi ye samjhati thi ,isliye wo khush thi..
Next day Ravi coaching pe interview Dene gaya..usko experience nahi tha , lekin interview accha hua to wo log usko trial pe rakh liye .
Ravi ne kavita ko bataya…
Aise hi Ravi fir subh 8 baje se coaching padhne jata..aur 4 baje aa jata tha..wo coaching walo ko apni limitation bata diya tha ki wo continue class nahi padha sakta .
Aur ghar aake raat tak apni padhai karta..kahna banne wali aati thi to koi tension nahi tha..
Harmeet bhi night pe aata..aur Ravi ko itna mehnat karte dekh ke khush hone laga…
Deepika harmeet se baat karke , Ravi ka haal chal le leti thi…harmeet usko baat karne ko bolta tha..
Lekin Deepika bol deti ki…wo usko disturb nahi karna chahti…
Wahi fir kavita bhi chale gayi…wo abhi tak ghar nahi batayi thi , Ravi ke job ke liye..
Ravi ki mummy ab Deepika ke sath rehne aa gayi..
Lekin is baar Ravi ki mummy ne dekha ki Deepika pehle se bahut khush hai ..aur Ravi ki mummy se khoob baatein karti thi ..
Ravi ke sath hone se ..aur sab thik hone se , usko itna asar hua ki wo ab dheere dheere dawai bhi kam khane lagi..
Doctor bhi uske position se bahut hairan tha…aur dawai kam karte raha..
Wahi Ravi 1 ,2 exam ke liye apply Kiya tha…lekin first exam uska , itna aacha nahi hua ..wo thoda tension mein aa gaya aur harmeet ko bola .
To harmeet usko samjhaya…aur Ravi aur zaida mehnat karne laga..
Dheere dheere coaching mein bhi sabhi students Ravi se padhna cha rahe the…
Isliye coaching wale bhi bahut khush the…
Ravi ke concept bahut clear the .to Ravi ko wo aur zaida class lene ko bole .
Aur paisa bhi offer karne lage. Lekin Ravi mana kar diya ..balki wo 1 ,2 class aur kam karne ko bola .
Coaching wale tension mein aa gaye . Lekin Ravi saaf mana kar diya tha ki wo apni bhi padhai kar raha hai ..
Kabhi kabhi padhte hue usko cigarette ki talab lagti .
Lekin wo pakka man bana chuka tha ki ab nahi piyega to nahi piyega ..
Aur ab coaching se aata..aur padhne lag jata .kahan bhi sahi se nahi kahta tha..
Baal aur dadhi bade hue ..wo sab kuch bhool kar mehnat karne laga…
Aur aise hi karib 10 month Tak karte raha…
Wahi kavita jab ek baar ghar gayi thi..toh apne mummy papa ko bata diya. .
Ravi ke papa uske upper full fire the .aur kavita ko bhi bahut sunaya ..ki wo bhi unse jhoot boli..
Lekin kavita unko bahut samjhayi..lekin ravi ke papa bahut gusse mein the .aur bole .
P: tujhe kya lagta hai .wo nikal lega.???.dekh lena tu bhi . mein bhi yahi hu .are wo jab utna acchi company mein job nahi kar paya to kya exam nikalega ..
Tabhi to abhi aa raha hoga na ghar..muje kya banoge tum log ..usse keh dena .ghar tabhi ayega ab jab kuch ban jayega ..nalayak..( gusse se)
Ravi ki mummy to sir pakad ke baith gayi…usko ravi ke papa ki tension hone lagi..waise hi wo Ravi se gussa the .aur ab to pucho mat ..wo Ravi ka naam tak nahi lena chahte the..
Lekin kavita ko apne bhai pe bahut bharosa tha ..wo koi tension nahi li…
Kavita bhi harmeet se chup chup ke baat karti thi…
Harmeet usko hamesa bolta .
H: are didi…tension na lo ..apna Banda nikal lega..mujhe pata hai na ..bahut mehnat kar raha hai ..( office se baat karke)
K: haan bahiya..uska khyal rakhna ..abhi koi gadbad to nahi kar raha na??( Tension se)
H: are nahi nahi ..koi gadbad nahi ..padhta rehta hai bas ..( kavita ko samjha ke)
Kavita ravi ko kuch nahi boli..apne papa ke bare mein..wo Ravi ko koi tension nahi dena chati thi..
Ravi bhi sabse kam hi baat karta tha ..
Wahi Deepika ke liye ek ek din ab bhari hone laga .Ravi ko dekhe hue ab 1.5 saal hone ko tha ..
Aur aise hi 1.5 saal hone ko tha..aur Ravi NHPC ka exam diya.
Aur is baar wo pure tyari se gaya ..aur..exam dete hue hi usko laga ki ho jayega…
Wo exam de kar ghar aaya..aur harmeet
Ke sath baith ke , answer milane laga .
Aur ravi ke kafi answer thik the .bas kuch galat the ..lekin Ravi ko thoda tension hone laga .man Kiya ki aaj cigarette pi le .
Lekin control kiya ..
Aise hi 3 month ke bich Ravi kafi exam diya .jo bhi exam aate sabke liye apply karne laga .
Din per din..ek behtar hote gaya ..aur ek din news paper pe , result aaya..us time pe exam ka result bhi news paper mein hi aata tha .
Ravi written qualified kar liya ..Ravi ne turant net caffe ja ke , score check kiya .
Ravi bahut santusht hua..wo sabse pehle kavita ko bataya..lekin abhi jab tak final nahi ho jata..sabko batane ko mana kiya.
Lekin kavita Deepika ko bata di…
Deepika bahut khush hui .lekin dukhi Hui ki Ravi usko nahi bataya .to kavita boli..
K: are wo apko surprise Dene wala hoga..kyun galat soch rahi ho…( samjha ke)
Ab Deepika ko lagne laga ki kahi ravi usko job ke baad bhool to nahi jayega..??
Ye soch ke usko rona aa gaya…
Lekin usko apne pyar pe bharosa rakhna tha…
Ravi aur Deepika ko baat kiye hue , 1 saal 8 month hone ko the …
Deepika se ab raha nahi ja raha tha..wo. Ab pehle ke jaise raat raat bhar Ravi ke bare mein sochne lagi thi ..
Aur dheere dheere fir se depression mein jane lagi thi..
Fir 1 month baad Ravi ka interview hua ..
Ravi kavita se baat Kiya ..aur chala gaya..
In lagbhag 2 sal mein uski , apne papa se koi baat nahi hui .
Anshul usse Milne aaya tha .Ravi kavita ko aane se mana kar diya tha..
Kavita abhi tak anshul ko bhi kuch nahi batayi thi.. Deepika aur Ravi ke bare mein ..wo sahi samay ka wait kar rahi thi..
Mummy karti thi .aur tension karti thi to wo ziada baat nahi karta tha ..
Isi bich kavita ki saas ki lambi bimari se death ho gayi…
Ravi ko bhi Deepika se baat karne ka bahut man hota tha .lekin wo kamjor nahi padhna chahta tha..
Wo bahut mazboot irade wala ban ke nikla tha ..
Ravi aaj harmeet ke kehne se , baal dadhi kata ke gaya..to harmeet bhi usko nahi pehchan paya .
Ravi smart ban ke interview de kar aaya..
Aur fir Ravi ka interview hua.. interview mein hi wo pura confident raha..aur relax ho ke interview diya..
Ravi gaya to wo confidence se bhara tha..kyunki interview wale usse kafi impress the..
Ravi kavita ko bataya…lekin abhi bhi Deepika se baat nahi kiya ..
To kavita usko baat karne ko boli…
To wo bola .
R: abhi nahi .. result aane do…( relaxed ho ke)
To kavita daant ke boli..
K: tu kaisa hai re??? Kam se kam baat to kar sakta hai na..roz phuchti hai wo…tuje daya nahi aati us pe??( Daant ke)
To Ravi bola .
R: dekho didi..aisa nahi hai . Jab ho jayega tab hi baat karunga ..
Ab ho jayega..kuch hi dino ki to baat hai .. usko samjhao aap bhi ..( samjha kar)
K: jo karta hai tu…kaise hi tera ho jata..waha papa bhi gussa hai ..mujse bhi sahi se baat nahi karte hai .ab to mujhe tension si hone lagi hai bhaiya…( tension se)
R:: ho jayega sab theek hoga ..mujhe lag raha hai is baar to hoga…( relax ho ke)
Wahi Deepika ka tension se bura haal hone laga
Lekin ajj kavita usko batayi..ki Ravi ka interview aacha hua hai .to wo bahut relaxed mehsoos ki..lekin ab ghar pe baat karne ki tension hone lagi .
To kavita usko samjhane lagi…
Aur fir kareeb 1 month baad wo din aaya jab Ravi ke gale par ek post aayi..
Ravi ki mummy aj kal ghar pe thi ..to wo postman se receive ki .lekin usko kuch samjh nahi aaya.
Ravi ka naam likha tha..wo darne lagi ki isme kya hoga .dar se wo kholi tak nahi .aur na hi kavita ko boli…
Sham ko Ravi ke papa office se aaye to wo darte hue unko di..aur chale gayi..
Ravi ke papa aise hi dekhne lage ..aur jab khol ke padha …to wo heran ho gaye .
Ye Ravi ka appointment latter tha .
Ravi ke papa , uski mummy ko dekh ke khusi se bole .
P: saroj saroj yaha aao…( khusi se zor se bol ke)
Ravi ki mummy darte hue aayi aur boli..
S: kya hua?? ..kiska hai ye .( Tension se)
P: are lag gayi job ..mere ladke ki …dekha kehta tha na…tu hi tension karti thi .ladka kiska hai …( khusi se Ravi ki mummy ko gale laga ke)
Ravi ki mummy ke aankho mein Anshu aa gaye..aur pyar wale gusse se unko boli .
S: haan ab mera beta .??? .baat tak nahi karte the aap….kehti thi na kaabu ..kar lega wo ..aise hi padha hai usne…( rote hue)
Fir Ravi ke papa Kavita ko batye ..unki Ravi se baat karne ki himmat nahi hui..
Kavita sabse pehle Deepika ko phone ki…
K: haan ji ..kaha ho??( Khus ho ke)
D: abhi aayi hu yaar.. bank se( thaki Hui awaz se)
K: aa jao fir ghar!!( Khus ho ke)
D: kyun kya hua???( Soch ke)
K: are apke Saiyan ji job lag gayi…NHPC mein…( hanste hue)
D: kyaaaa???( Heran ho ke)
Kisne bataya .???( Khus ho ke)
K: abhi mummy ka phone aaya tha…papa bata rahe the .( Khush ho ke)
D:: apki baat hui unse???( Thoda jhijhakte hue)
K: kinse ?? Unse?? ( Deepika ki taang khinch ke
D: mazak mat karo yaar..muje aaj bhi nahi bataya ( dukhi ho ke)
K: are usko khud nahi pata hoga ..( hanste hue)
Tabhi Deepika boli.
D: mein apse baat karti hu haan.. waiting aa rahi hai ..( Ravi ka phone Wait mein dekh ke)
K: haan haan..kar lo kar lo ..( hanste hue)
Fir Deepika zaldi se phone uthayi .aur Ravi bola..
R: ho gaya ..( khusi se , lagbhag rote hue)
Wahi Deepika bhi kuch nahi bol payi aur ro gayi .
Bahut der tak dono rote rahe ..to Deepika boli..
D: bahut gande ho yaar ..2 saal ho Gaye..ek baar baat nahi ki ..kya itna gussa tha mujse??( Rote hue)
R: wo baat nahi hai ..karna chatha tha .yaar ..lekin zaroori tha ..ye sab( samjha ke)
D: aap kab aa rahe ho???( Pyar se)
R: kal coaching ja ke resign deta hu…fir aaya hu parso tak…( pyar se)
D: aa jao na ..yahi aa jao .pls ..aaaj aa jao ..( request wali awaz se)
R: aa jau ga yaar .. coaching walo ne bahut help kiya hai .aur harmeet ne bhi ..ajj uske sath bahar jaunga .kitna din ho gaya hai .
Abhi ek 2 jagh se aur ay
ega..call letter…( relax ho ke)
Deepika man maar ke reh gayi ..
Usse ab to wait hi nahi ho raha tha ..ravi aur Deepika ajj jee bhar ke raat bhaar baat karte rahe…
Wahi kavita raat ko aaj anshul se baat ki…
To be continued ..
ravi ki mummy ka bhi natak baaki hai - bhabhi ko bahu maan lena itna aasan nahi hai. Samaaj aur parivaar ka bhi dekhna hota hai. Vidya bhi nagin hai, kabhi bhi palatsakti hai.
Nice updates. Thing are falling into place step by step.