Update 097
-------------------
mama ji ke dwara monu ke ghar par aakar maafi maangne baali ghata ko poora 1 mahine beet gaya tha. ajju aur jiya abhi bhi monu ke hi ghar par the. par us din hui ghatana ke baad mama ji ko monu ke ghar aakar radha ke saath thoda samay bitane ki ijajat mil gai thi. par ab bhi ajju aur jiya unse na ke barabar hi baat karte the. dhire dhire sabhi ki zindgi samanya ho rahi thi. ajju aur jiya ne office jana fir se suru kar diya tha. par iske saath saath nisha ki talash bhi jaari thi. jese hi unhe nisha ki koi jaankari milti ya unhe lagta ki wo nisha tak pahunchne ke bahut kareeb he. achanak se saare raste band ho jate.
aaj bhi kuchh yesha hi hua tha. aaj subhay subhay ajju ki security company ke ek gaurd ne raghu ko call kar ke bataya ki usne karol baag me, ek 5 star hotel me nisha mem se milti julti ek ladki ko jaate dekha he. raghu ne turant is baat ki soochna ajju ko de di thi. ye jaankari milte hi ajju aur monu sidhe us hotel me jaa pahunche the. par yaha bhi unhe nirasha hi haath lagi. us hotel ke staff ne nisha ko pehchanne se inkaar kar diya tha. aur na hi hotel ke record me uski koi detail mili thi.
jab monu ne CCTV camere ki recording dekhne ki maag ki, to hotel staff ne ye bolkar mana kar diya ki pichhle do din se hotel ke CCTV camere kharab he. ek baar fir unke haath kuchh bhi nahi laga tha. ek baar fir wo nisha ke kareeb pahunch kar usse door ho gaye the. hotel se bapis aate samay ajju aur monu ke bich koi baat nahi hui thi. monu is wakt car drive kar raha tha. jabki ajju uske pass me hi betha hua tha. wo is wakt kaafi pareshan lag raha tha. aur apni pareshani ko door karne ke liye usne jese hi sarab ki botal ko haath lagaya, monu ne uska haath dushre haath se rok diya aur bola
monu- nahi ajju ab aur nahi. is wakt tumhe iski jaroorat nahi he
ajju- samjha kar mere bhai mujhe iski bahut jaroorat mehsoos ho rahi he.
monu- me teri sthity samajh sakta hun. par pichhle 3-4 salo se is sarab ne nisha di ko khojne me hamari koi madad nahi ki he.
ajju ne monu ki baat par koi dhyaan nahi diya. aur monu se apna haat chhudwa kar sarab ke do ghoot peene ke baad bola
ajju- tu samajhta nahi he mere bhai. nisha ke baad yahi to ek he, jise apne aagosh me lene ke baad mujhe thodi rahat milti he.
monu- aur jiya?????? are apna nahi to kam se kam uska to khyaal kar. kabhi dekha he use. usne kya haalta bana li he apni. wo bechari to piss rahi he. ek to wo nisha ke jane ke liye khud ko jimmedar manti he. upar se tumhari ye haalt dekh dekh kar wo andar hi andar toot rahi he. wo to apne gum ko bhulane ke liye teri tarah sarab ka sahara bhi nahi le sakti.
ajju- me samajhta hu uski problam. aur sach poochho to ye sarab peekar mai uski sahayta hi kar raha hun. jiya mera pehala pyaar he. mai use dukhi nahi dekh sakta. par me nisha ke bina zinda bhi nahi reh sakta. nisha mera pyaar meri atma meri sab kuchh he. nisha ke bina to mai jiya ko pyaar bhi nahi kar sakta hun. isi liye mai ye saarab peeta hun.
monu- mai kuchh samjha nahi??????
ajju- tu kuchh samajh bhi nahi payega?????
monu- agar samjhayega nahi to mai samjhunga kese??????
ajju- thik he to suno.....
itna bolkar ajju ne fir se sarab ke do ghoont piye aur fir bolna suru kiya
ajju- haan ye baat sahi he ki mai jiya se pyaar karta hun, karta tha, aur karta rahunga. par jab se nisha meri zindgi me ek behan ke sthan par ek premika ki aur ek patni ki tarah se aai he. tab se sab kuchh badal gaya he. mai jab bhi jiya ko dekhata hun, yaa uske kareeb jata hun, to mujhe usme bhi nisha hi dikhai deti he. jiya mere liye ek najuk kali ki tarah he. jise mai samhaal kar apne pass rakhna to chahta hun, par majboori ye he ki us najuk kali ko apne haath me lene ke liye bhi mujhe nisha ki hi jaroorat he. barna mere haatho me aate hi wo najuk kali poori tarah se murjha jayegi.
ajju ki baat sunkar monu bola
monu- abe mujhe kuchh bhi samajh me nahi aa raha he, ki tum kya keh raha he???? jara khul ke bata. ye paheliyon baali baate mere palle nahi padti kabhi.
monu ki baat sun kar ajju kuchh der khamosh raha aur fir se sarab ke do ghoont peekar bola
ajju- dekh monu sidhi si baat he, ki mai jiya ko pyaar to karta hun. par mai use pati bala sukh yani ki physical relation nahi bana sakta.
ajju ki baat sun kar monu ne achank se gaadi ke break laga diya. jiski bajah se dono ko hi ek jhatka laga. aur fir monu bola
monu- kyaaaaaaa??? kya matlab hua iska ki pyaar to karta hun par physical relation nahi bana sakta???? abe sab theek thaak to he na????
monu ki baat sunkar ajju muskurata huye bola
ajju- haan bhai sab theek thak he.
monu- to fir !!!!!!!!!
ajju- jab mene pehali baar jiya se shadi ki thi, tab ki baat alag thi bhai. par nisha ke aane ke baad baat bahut badal gai he. jiya mere dil me he. jabki nisha mere dil aur dimag dono me he. mere sareer ka rom-rom keval nisha ke hi sparsh ko pehchanta he. mere sareer me jo drug he uski bajah se mai hamesha hi uttejit rehta hun, par jab bhi mai jiya ke najdeek jata hun to mujhe sex baali koi fealing hi nahi aati he. mai jiya ko pyaar to karna chahta hun. mai use apni baho me bhi bahrna chahata hun. use kiss bhi karne ka man karta he. jiya ki baho me mai sara sara din yun ho gujar sakta hun, par usse aage nahi bad pata. kyun ki jab bhi mai aage badne ki kosis karta hun mujhe jiya ki jagah nisha dikhai deti he.
ajju kuchh der ke liye ruka aur sarab ke do ghoot peekar fir se bola
ajju- jab nisha thi to wo apni powers ka use kar ke mere dimag se chhed chhad karti rehati thi. jiski bajah se mere dimag me bahi purani baali feelings aur yaade aa jati thi, jab pehali baar mene jiya ko pyaar kiya tha. is liye mai jiya ke saath physical relation bana leta tha. par nisha sochti thi ki wo mere dimag se yun hi chhed chaad karti rahegi aur mujhe pata bhi nahi chalega. jab usne meri jiya se dobara shaadi ke baad mere saath ye kiya tha, tabhi mujhe pata chal gaya tha. par mene nisha aur jiya dono ki khushi ke liye kuchh bhi nahi kaha. aur wo yun hi mere aur jiya ke liye mere dimag se chhed chhad karti rahi. par ab jabki nisha nahi he, to mai jiya ke saath pyaar me aage bad hi nahi sakta hun.
ajju ek baar fir kuchh der ke liye ruka. par is baar usne sarab nahi pee. balki botal band kar ke bapis rakh di. aur fir bola
ajju- tumhe pata he jab mene dushri baar jiya ke saath suhagraat manai thi, to us din nisha poori raat tarrace par sarab ke nashe me yun hi dali rahi. subhay jab renu use dhundte dhundte mere pass aai thi, tab mai bhi renu ke pichhe pichhe taraace par pahunch gaya tha. aur mujhe sab pata chal gaya tha. us din ke baad yesha kai baar huya jab nisha ne sarab ka sahara liya ho. aur mai use kabhi rok bhi nahi paya. mene isi liye nisha ko form house jaane se nahi roka tha. kyun ki mere itne najdeek hone ki bajah se, wo apne aap ko sarab me dubo rahi thi. halanki wo samajhti thi ki mujhe kuchh bhi pata nahi he. are nisha ki jagah koi aur bhi ladki hoti to wo bhi kese bardast kar sakti thi, ki uska pyaar uske pass baale kamre me hi kisi dushri aurat ki baho me so raha he.
monu hairani se ajju ko hi dekhe jaa raha tha. use to ye bhi yaad nahi raha ki wo dono is wakt beech road par gaadi rok kar baate kar rahe he. monu ko hosh tab aaya jab peechhe se ek saath kai horn ki aawaje aane lagi, monu ne turant gaadi start ki aur fir se drive karte huye bola
monu- to tu jiya ko nisha samajh kar hi pyaar kyun nahi karta????
ajju- nahi kar sakta mere bhai. kyun ki jiya meri uttejna bardast hi nahi kar payegi. balki mai use buri tarah se heart kar dunga. us formule aur drug ki bajah se nisha ke alawa is duniya me koi bhi ladki mujhe bistar par akele samhaal nahi sakti. aaj tak bahut hi kam yesha hua he ki jiya ke saath sex ke douran mai discharge hua hun. mujhe har baar yun hi beech me ruk jana padta he, kyun ki jiya heart hone lagti he. jab nisha thi to wo ye sab samhaal leti thi. par ab jab wo hamare saath nahi he, to pata nahi mai apne aap par kabu rakh bhi paunga ya nahi. isi liye mai saraab me itna doob jata hun ki is haalat me hi na rahun ki jiya ke saath physical relation bana saku. aur fir ye nasha mujhe kuchh pal ke liye hi sahi mere gum ko kam karne me sahayta bhi to karta he. is sarab ke nashe me doobne ki sabse badi bajah to ye hai ki kai baar yesha hua he, ki jab mai sarab ke nashe me poori tarah se doob jata hun, to mujhe apne ass pass nisha ka yehsash hone lagta he. bus usi yehsash ko baar baar paane ke liye mai sarab peeta rehata hun.
ajju ki baat sunkar monu bola
monu- mujhe ek baat ab tak samjh me nahi aai, ki jab tu nisha di ko itna jyada pyaar karta he. jab tu unhe itni achchhi tarah se samajhta he, to fir tu nisha di se itni badi baat aakhir bol kese gaya. aur agar bol di to bhi theek he. par poore 9 mahine tune nisha di se contact karne ki kosis bhi nahi ki. jabki tum dono ke bich itni achchhi understanding he.
ajju- sach poochho to mai khud iska jabab nahi janta hun. is baat ka jabab to mai aaj tak khoj raha hun. aakhir mai yesha kar kese gaya.
monu- sayad us drug ki bajah se??????
ajju- nahi bhai!!!!! mai apne har kiye ko us drug ke upar nahi daal sakta. jab mai itne samay tak us drug ko controll kar sakta hun, to mujhe nahi lagta ki ye sab keval uski bajah se hua he. haan uska kuchh had tak roll ho sakta he. par baat sayad kuchh aur hi he.
monu- to kya jiya ke dwara bole gaye jhooth ki bajah se ye sab hua
ajju- nahi ye bhi baat nahi he. jiya ne jo kuchh bhi nisha ke baare me kaha tha, mujhe us par bilkul yakeen nahi ta. par mai ye janna chahata tha ki aakhir jiya ne ye jhooth mujhse bola hi kyun. is liye mene nisha ko call bhi kiya tha. aur fir uske baad asal problam suru hui
monu- kya??????
ajju- mai yakeen se to nahi keh sakta par mujhe lagta he ki, jiya ki pragnancy ke baad shayad jiya ka khyaal rakhne ke liye nish ne mere dimag se koi chhed chhad ki ho, jo mujhe bhi pata na chali ho. aur fir jab mene nisha ko call kiya sach janne ke liye, to usne mujhe batane se mana kar diya. mere aur nisha ke bichh koi bhi baat raaz nahi he. isliye mujhe laga ki baat bahut jyada serious he. jo ki nisha mujhse chhipa rahi he. jisi bajah se mujhe us wakt gusaa aa gaya. nisha ke dwara mere dimaag se ki gai chhed-chhad, mera gussa aur us drug ka asar in teeno ki bajah se me wo sab kar gaya jo mujhe nahi karna chahiye tha. par sabse badi galti meri ye he, ki mai apne aap par controll nahi rakh paya. aur us gusse ko itna badne diya ki use apni ego par le gaya. jiski bajah se mene itne dino tak nisha se contact bhi nahi kiya. mujhe laga shayad nisha hamesha ki tarah mujhe mana legi, par wo to ja chuki thi. mujhe nisha ke jaane ka jitna dukh he, usse jyada apne aap par gussa he. wo bhi is baat ko lekar, ki mene apni ego ki bajah se itne dino tak nisha ke baare me koi jaankari kyun nahi li.
ajju ki baat sunkar monu ke pass kehane ke liye kuchh bhi nahi bacha tha. isliye wo khamoshi se car drive karta raha. fir kuchh soch kar wo bola
monu- tu fikar mat kar mere bhai, hum milkar nisha di ko dhund hi lenege. duniya ke aakhri kone tak jayenge unki talash me. kahi na kahi se unki koi jankari to milegi hi hame
ajju- yahi to samashya he mere bhi. jab tak nisha na chahe hum us tak pahunch bhi nahi sakte. wo koi surag peechhe nahi chhodti he. pichhle 3-4 saalo me usne ek chhoti si bhi galti nahi ki he. jab bhi lagta he ki nisha ka pata chal gaya, wo saare raste band kar deti he. aaj bhi yahi hua he.
monu- yesha bhi ho sakta he ki tumhare us gaurd ko galat fehami hui ho. ho sakta he usne kisi aur ladki ko nisha di samajh liya ho.
ajju- nahi yesha nahi he. nisha baha gai thi. aur hamare baha pahunchne se kuchh der pehale hi baha se chali gai. aur jate jaate baha ke staff ke dimag se chhed chhad bhi kar gai. taaki unhe uska chehara bhi yaad na rahe. usne wo hotel bhi jaan bujh kar chuna tha. kyun ki use pata tha ki baha ka CCTV camra kharab he. taaki uske baha aane ka koi saboot hi na rahe.
monu- par kese tumhe kese pata he ki nisha di baha gai thi. aur fir unhe cctv kharab hone baali baat kese pata chali
ajju- mujhe baha nisha ka halka halka yehsash hua tha, par bahut kam. iska ek hi matlab he ki wo hamre aane se pehale hi baha se chali gai thi. rahi baat cctv kharab hone ki baat to mai nahi janta ki use kese pata chala. par sayad yahi uske ab tak hum sab se chhipe rehane ka raaz bhi he.
monu- par wo baha se chali kyun gai
ajju- jese mujhe uska yehsaash ho jata he. bese hi use bhi mera yehsash ho jata he.
monu kuchh der khamosh raha aur fir se bola
monu- to kya tujhe nisha di ka ye yehsash hamesh hota he.
ajju- nahi!!!!! nisha jab chahe apna yehsash mujhse chhipa sakti he. uska yehsash mujhe tab hi hota he jab wo use niyantrit nahi kar rahi hoti he. aur wo yesha tab hi karti he jab use mera koi yehsash nahi ho raha hota he. matlab ki mere ass pass hote hi wo apne yehsash ki frequency ko controll kar leti he. jabki mai apni frequency ko controll nahi kar pata hun.
monu- matlab ki nisha di tumse jyada power full he
ajju- shayad haa. aur shayad naa
monu matlab?????
ajju- matlab ki kuchh mamlo me wo mujhse aage he. aur kuchh mamlo me mai usse aage hun. hum ek dushre ke poorak he. jese uski mental power mujhse jyada he. is liye wo kisi ke bhi dimag ko controll kar leti he. par mai yesha nahi kar sakta hun. par mai uski tarah hi kisi ke bhi dimaag ko pad sakta hun. par physical power me mai usse kai guna aage hum. uski speed mujhse bahut jyada he. par mere ghav usse kai guna pehale bhar jaate he. yesi bahut si baate he jinme hum don ki powers ka level alag alag he.
ajju ki baat sunkar monu ek lambi sansh chodta hua bola
monu- bahut muskil hone baali he bhai. hum bhushe ke dher me sui dhundne jaa rahe he. pata nahi kismat me hamri kya likha he.
isse pehale unki baat cheet aur aage bad paati ajju ke mobile par ring bajne lagi. ajju ne jab screen ko check kiya to uspar private number flash ho raha tha.
