Update 098
---------------------
private number dekhkar ek pal ke liye to ajju hairaan hi reh gaya, ki use private number se kon call kar sakta he, chief ke marne ke baad yesha keval ek baar hi hua tha, wo bhi tab jab use RAW me samil hone ki liye bulaya gaya tha. pehale to ajju ko laga ki shayad RAW se call he. par turant hi use yaad aaya hi wo micro chipe ki help se RAW se pehale hi connect he. aur usse ye baat kahi bhi gai thi ki next time RAW ko jab bhi uski awashyakta hogi queen usse contact karegi. is liye ajju ne RAW ka khyaal apne man se nikaal diya. aur call recive kar li
ajju- helloo kon??????
dushri taraf se awaj aai
"mai chief bol raha hun mr. ajay urf ajju urf nakabposh katil urf diljeet urf yamraaj, kya apna aur mera itna parichay kaafi he???? ya aur bhi kuchh bataun"
ye sun kar ajju ke dimag ne kaam karna hi band kar diya, uski aankho ke saamne andhera chhane laga. ajju ki haalat dekh kar monu bhi hairan reh gaya. par jald hi ajju samhal kar bola
ajju- nahi ye nahi ho sakta... tum chief nahi ho..... koi aur ho jo chief ka naam lekar mujhse baat kar rahe ho, par tumhe mere baare me pata kaise chala??????
chief- tum murkh ho mr. ajay, mai hi asli chief hun, rahi baat tuhare baare me janne ki to uske liye mujhe poore 5 saal lag gaye. poore 5 saal baad me ye jaan paya ki mere saamraajya ko tawaah karne bala kon he.
ajju- matalb tum koi aur ho??? chief nahi ho.... kyun ki chief ko mene maar diya tha.
chief- prakash ki yaani apne chacha ji ki baat kar rahe ho tum??? are wo to mera pyada tha. wo to mera chehara matra tha, mere isharo par kaam karta tha wo. par us kameene ne marne se pehale mujhe ye nahi bataya ki hamara ashli dushman kon he. kameena khud hi badla lene chala tha. khud ke pass to dimag tha nahi kuchh, isi liye mara gaya.
ajju- mujhse kya chahate ho tum???? aur mujhe kyun phone kiya????
chief- badla!!!!! mai badla chahata hun tumse
ajju- tum jo bhi ho mai tumhe nahi janta, aur na hi meri tumse koi personal dushmani he, mene prakash ko is liye mara tha, kyunki wo meri family ka hatyara tha. mera tum se koi lena dena nahi he. isliye tumhari bhalai isi me he ki mujhse door hi raho, varna tumhare pyade ki tarah tumhara bhi namo nishan mita dunga mai
chief- ye galat fehami he teri... ki tumhari prakash se dushmani thi, are usne jo bhi kiya mere ishare par hi kiya tha. haan kuchh galat aadate thi usme, jaise kisi khoobsoorat ladki ko dekh kar behak jata tha, isliye tumhari maa ke saath usne jabardasti karne ki kosis ki. par baaki ka jo bhi kuchh kiya he, wo sab mere isharo par hi kiya tha. rahi baat mera namo nishan mitane ki to tum mujhe chhu bhi nahi sakte
ajju- matlab ki mai ab tak pyado ko maar kar soch raha tha ki mai jung jeet gaya???? koi baat nahi ab jab ki tune mujhe bata hi diya he, to mai bahut jald tujhe dhund kar narak me bhej dunga
chief- mai tujhe uska mouka hi nahi dunga mr. ajay... mai pehale se hi tumhe maarne ka sara intjaam kar chuka hun,
ajju- matlab????
chief- matlab tumhare saare apne is wakt mere kabje me he, SP manoj dubey ke mata-pita, uski wife, uski behan aur behnoi. iske alawa teri biwi, teri beti, pro. narayan, dr. ravi, dr. manju, uska beta, tera right hand raghu aur uski family, tera dost central minister manish aur uski faily ye sabhi log mere kabje me hai.
ajju- kya bakwash kar rahe ho tum?????
chief- tasalli kar lo apni... uske baad bat karte he. itna bolkar chief ne call cut kar di.
monu jo kaafi der se poori baat samajhne ki kosis kar raha tha, itna to samajh hi gaya ki kuchh anhoni ho gai he. phone cut hote hi ajju ne saari baat monu ko bata di. ye sun kar monu bhi kaafi pareshan ho gaya. iske baad dono ne ek ke baad ek kar ke sabhi ko call karna suru kar diya, par sabhi ke mobile switch off aa rahe the.
ajju- shit yaar.......... sabhi ke number swith off aa rahe he.
monu- shayad battry discharge ho gai hogi!!!
ajju- ek saath sabhi ki????????? kya bakwash kar rahe ho??????
monu- to ab hum kya kare????
ajju- ek kaam karte he, ghar chalte he. saari baat clear ho jayegi
ajju ki baat sun kar monu ne turant gaadi ghar ki taraf ghuma di, taaki ye pata chal sake ki chief jhoot bol raha he ya sach. abhi wo kuchh door hi chale the, ki tabhi achanak monu ko mehsoos hua ki koi unka peechha kar raha he. monu ne turant ajju kaha.
monu- bahi koi hamara peechha kar raha he.
ajju- us par dhyaan mat de. gaadi ki speed aur bada. aur jaldi se jaldi ghar chal. pehale ghar par jakar tasalli kar lete he. peechha karne bale ko to hum baad me bhi dekh lenge
monu ne ajju ki baat ka koi jabab nahi diya, bus apni gaadi ki speed bad di. par wo thoda hi aage gaye the ki tabhi, unke saamne main road par ek mod se ek truck aaya, aur unke thik aage aage chalne laga.
monu- ab ye kya nai musibat aa gai????
itna bolkar monu ne kai baar horn bajaya, taaki saamne bala truck use side de de. par yesha nahi hua. to fir monu ne side se use cross karne ki kosis ki, par tabhi pichhe se ek aur truch aaya aur unki car ke dayi taraf unke saath saath chalne laga,
monu- ye aakhir ho kya raha he???? ab is truck ko bhi abhi aana tha?????
isse pehale wo kuchh samajh pate, bai taraf se bhi ek truck unke saath saath chalne laga, aur tabhi saamne chal rahe truck ka pichhla gate dhire dhire khulne laga, itna un dono ko samjhne ke liye kaafi tha, ki unhe kidnep kiya ja raha he.
ajju- lagta he ki hum buri tarah se fansh chuke he.
monu- to ab kya kare??????
par jab tak wo dono is sab se bachne ka koi tarika nikaal pate, pichhe se aate ek truck ne ek jor daar takkar unki car ko maari jisse unki car sidhi aage ja rahe truck me ja pahunchi jo ki poori tarah se pack tha. gusse me monu use galiyan dete huye bola
monu- abe teri to.............. pagal ho gaya he kya???????
ajju- monu hame abhi isi wakt is gaadi se nikalna hoga.
par isse pehale wo dono car se nikal kar bahar kood pate, truck ka pichhla gate band ho gaya, aur wo dono chuhe daani me chuho ki tarah fansh kar reh gaye.
monu- ab ye kya nai musibat he???
ajju- musibat nahi he. balki hame kidnape kiya ja raha he
aur tabhi un dono ko mehsoos hone laga ki unki aankhe bhari ho rahi he, shayad koi behosi ke daba chhodi gai thi, jiska yehsash unhe kaafi baad me hua, aur fir dono dekhte dekhte behosh ho gaye.
--------------------------------------------------
RAW ke head office me. nisha apne office mai laptop par koi kaam kar rahi thi. tabhi achanak baha ikram aaya. wo thoda pareshan dikhai de raha tha. nisha ne use prashn bhari nigah se dekha
ikram- zoya appi wo wo wo.....
nisha- kya hua ikram???? itne pareshan kyun ho????
ikram- wo... wo... wo.... unlogo ne jija ji aur manoj bhai ko kidnep kar liya he....
ikram ki baat sunkar nisha ne gusse me ikram ko dekha, aur lagbhag chikhte huye boli
nisha- asambhav...... ye ho hi nahi sakta..... koi do take ka gunda yun unhe kidnep kar hi nahi sakta. mujhe poori baat batao....
nisha ka reaction dekhkar ek pal ke liye to ikram kamp gaya. par fir usne ajju aur monu ki kidnaping ki poori ghatna bata di. ikram ki baat sunkar nisha kaafi serious dikhai dene lagi thi. usne ek baar fir ikram ki taraf dekha aur boli
nisha- baaki logo ka kya hua????
ikram- appi sabhi logo ko kidnap kiya ja chuka he. aur sabhi ko ek hi jagah le jaya gaya he. mujhe to lagta he ki chief kuchh bada karne bala he.
nisha- us to take ke gunde chief ki mout aa gai he. isliye apni mout ko lalkaar raha he. turant apni special team ke sabhi field members ko meeting ke liye bulao.
nisha ki baat sunkar ikaram turant office se bahar chala gaya.
------------------------------------------------------------
lagbhag 1 ghante baad RAW ke head office ke meeting hall me. special task action team ke sabhi field member moujood the. unke saamne black pent aur black jacket me nisha moujood thi. nisha ne is wakt ek kaale kapde se apna chehara dhak rakkha tha. nisha ki dai taraf ikram khada hua tha. jabki baai taraf queen ki 3d image dikhai de rahi thi.
sabhi log dhyaan se nisha ki taraf hi dekh rahe the. baha moujood sabhi logo ne nisha ko hamesha isi roop me dekha tha. wo sabhi nisha ke bolne ka intzar kar rahe the,. asal me unhe ab tak ye nahi pata chala tha, ki unhe yun achanka kyun bulaya gaya he. nisha ne ek nazar sab par daali aur sidhe mudde par aate huye boli
nisha- tum sabhi ke man me is wakt kai sawal chal rahe honge. par sabse aham sawl ki tumhe yun achank yaha kyun bualaya gaya he. to iska jabab ye he. ki hame abhi isi wakt ek un-official operation ke liye nikalna he.
nisha ki baat sunte hi agent 3(hina khan) boli
hina- un-official operation??????
nisha- haan!!! kyun ki aaj hum jis operation par jaa rahe he. uska koi bhi record RAW ke pass nahi rahega. aur agar is operation ke douran hum me se kisi ko kuchh bhi hota he. to uski jimmedari RAW ki nahi hogi...... isliye tumme se jo koi bhi agar is operation ka hissa nahi banna chahta he, to wo abhi aur isi wakt yaha se jaa sakta he. tum logo me se kisi par bhi is operation ka hissa banne ka koi davav nahi he. par ek baar yadi tum logo ne is operation ka hissa banne ka nirnay le liya, to fir ise beech me nahi chhod sakte.
nisha ke khamosh hote hi meeting haal me ek khamoshi chha gai. kaafi der tak kisi ne kuchh bhi nahi kaha. aur na hi kisi ne baha se jane ki kosis ki. aakhir kaar is khamoshi ko agent 8(mohit chouhan) ne hi bhang kiya
mohit- hum sabhi taiyaar he agent zero, aap hame operation ki detail bataiye..
nisha ne ek baar sabhi ko gour se dekha aur boli
nisha- to thik he... agent 10 suru karo...
nisha ka ishara ikram ke liye tha. nisha ka ishara milte hi ikram ne turant bolna suru kar diya.
ikram- aaj hame delhi se lagbha 10km door jungle me bane ek form house par attack karna he. baha par kuchh logo ko bandhak banaya gaya he. hame unko hi rescue karna he. us poore ilake me kul 200 se 300 hathiyar bad criminals moujood he. hame baha moujood har ek criminal ko mout ke muh me pahunchana he. yaad rahe ek bhi apradhi zinda nahi bachna chahiye. aur kisi bhi tarah se is operation ka link RAW se nahi judna chahiye.
ikram ke sant hote hi agent 7(dolly saxena) boli
dolly- par is prakar ke kaam ke liye police aur dushre force moujood he. fir RAW ka isme kya kaam. bese bhi RAW kabhi bhi desh ke andar ke mamlo me haath nahi daalti he.
ikram- tum sahi keh rahi ho agent 7, RAW kabhi bhi desh ke andar ke mamlo me haat nahi daalti he. par ye mamla RAW ka he.
hina- matalb!!!!!!
ikram- matalab ye.... ki jin logo ko kidnep kiya gaya he. unme se do log hamre RAW ke agent he. aur baaki ke le log unki family members. kuchh criminals ne apni bebkoofi me aakar RAW se panga le liye he. ab ye jaroori ho jata he ki hum na keval unhe. balki is desh me moujood har ek criminals ko ye message de, ki RAW koi agency nahi he. balki ek parivaar he. aur agar hamare parivaar ke kisi bhi membera par kisi ne apni nazar tedi ki, to uska kya amjaam hoga.
mohit- mai janna chahta hun ki wo do agents kon he???
ikram- hamari is special task action team ke member agent 1 aur agent 2
ikram ki baat sunkar sabhi log hairan reh gaye. unke hairan hone ka karan tha agent 2, yaani ki monu. monu ne RAW join karne ke baad kai sare field operation me kaam kiya tha. isliye us team ke sabhi log monu ko achchhi tarah se jante the. par chunki ab tak ajju ksi bhi operation par nahi gaya tha, isliye ajju ko baha koi nahi janta tha. aur jayega bhi kese pichhle 3 salo se to wo sarab ke nashe me dhut rehata tha.
monu ka naam sunkar sabse bada jhataka hina ko laga. kyun ki hina khud bhi ek IPS officer he. aur personally bhi monu ko janti he. isliye wo boli.
hina- kon he ye criminals???? aur aakhir unhone hamare agents ko target kyun kiya he????
ikram- chief naam ka ek drug mafiya he is sab ke peeche. aur hamare agents se uski vyaktigat dushmani he. isi liye is poore operation ko un-official rakkha gaya he.
hina- par chief naam ka ye criminal to lagbhag 5 saal pehale mara gaya tha.
ikram- wo to keval ek pyada tha. asli chief to koi aur hi hai
dolly- kon???
dolly ki baat sunkar ikram ne ek baar nisha ki taraf dekha, aur fir chief ki asli pehchan sabhi logo ko bata di. jise sunkar sabhi log hairan reh gaye. isse pehale koi kuchh kehata nisha boli.
nisha- mai khud is operation ko lead karungi. tum logo ka kaam us ilake ko khali karana he. matalb mai akele hi us form house ke andar jaungi. tum sabhi logo ko na keval mujhe cover dena he. balki jab tak mai andar jakar apne agents ko chhudaun tab tak tumhe us form house ke bahar moujood har ek criminal ko dhoond dhoond kar khatam bhi karna he. aur yaad rahe. kisi bhi prakar ka sor saraba mujhe baha nahi chahiye. isliye sabhi ki gun par scilencer laga hona chahiye. mere alawa koi aur us form house ke andar nahi jayega. jese hi bahar ka ilaka poori tarah se khali hota he. ageng 10 ko chhod kar baaki sabhi log baha se nikal jaoge. mai chahati hun ki is poore operation me kahi bhi RAW ka naam naa aaye.
mohit- par mem aap?????
nisha- meri fikar mat karo????? agent 10 mujhe baha se surakchhit nikal laayega. isse pehale bhi wo kai baar mere saath operation par jaa chuka he. mujhe apne aap se bhi jyada us par yakeen he. is operation ke liye jis jis cheej ki jaroorta, ho wo le kar taiyaar ho jao. hum yaha se aadhe ghante baad nikal rahe he.
itna bolkar nisha baha se chali gai. jabki baaki log use hairaani se jaate huye dekhte rahe. un logo me se kai log yese bhi he, jinhone nisha ko kisi na kisi operation ke douran ladte huye dekha he. par yesha tabhi hua he jab wo ksis musiwat me fansh gaye ho, aur nisha unhe bachane aai ho. aaj tak nisha ke under me kisi bhi operation ko poora karne ka unhe mouka hi nahi mila. kyun ki nisha apne sabhi operation keval ikram ke saath hi poora karti he.
-------------------------------------------------------
lagbhag 3 ghante baad nisha apne special agents ke saath delhi se 10km door ek jungle me bane form house se kuchh door jhadiyon ke pichhe moujood thi. form house ke bahar lagbhag 100 gun man khade huye the. jabki lagbhag itne hi log baha ass pass jungle ke chhipe huye the. ye sab dekhkar hina boli
hina- ya allah yaha to poori ek bataliyan moujood he
hina ki baat sunkar ikram bola
ikram- khuda kasham aaj to maja aane bala he.
itna bolkar ikram ne apne haat me moujood lambe fal baale chaku ko choom liya.
mohit- tumhare chaku se jyada, meri gun aaj aag uglegi
kartar- to fir ho jaye!!! yahi dekhte he ki kon kitne sikar karta he.
isse pehale koi aur kuchh keh pata, nisha ne apna archar nikala aur ek ke baad ek 4 teer apne ek dum peechhe ki taraf chhod diye. nisha ki is harkat se sabhi log hairan reh gaye. unhone jese hi palat kar dekha to baha 4 gun man ki laashe dali hui thi. isse pehale koi kuchh aur kehta nisha boli
nisha- lo mene suruaat kar di. apni apni ginti yaad rakhna.
itna bolkar nisha khadi ho gai, aur teji se form house ki taraf bad gai. jabki baaki log do bhago me bant kar nisha se thodi door do alag alag dishao se aage badne lage. kuchh hi der me baha ek ke baad ek lashe giren lagi.
lagbhag 1 ghante baad baha charo taraf lashe hi lashe bichhi hui thi. ab tak special team ke kisi bhi membar ko koi kharonch bhi nahi aai thi. filhaal sabhi log form house ke ek dum bahar moujood the. nisha ne sabhi ko 2 team me bant diya. pehali team ka kaam baha jungle me chhipe dushmano ko dhundkar maarna tha.
jabki dushri team ka kaam us form house ke charo taraf padi hui lasho me chhote chhote bomb fit karna tha. taki un logo ke jaane ke baad baha kisi bhi parkar ka koi bhi saboot moujood na rahe. pehali tem mohit ke under me kaam kar rahi thi. jabki dushri team ko ikram khud lead kar raha ta. jese hi dono team apne apne kaamo me lag gai. nisha form house ki taraf bad gai.
