Chapter 002: The Destroyer Group
Bajipur sahar se milo dur Hirapur sahar ek bahut bada sahar hai. Is sahar ke bicho bich ek badi si building hai. Us building ke basement me abhi ek bahut hi ajeeb o garib meeting chal rahi hai. Jisme sabhi log mask pahne hue hai. Kisi ka bhi chehra dhang se nazar nahi aa raha hai. Meeting chair par 10 log hai. Kuch der baad meeting shuru ho jati hai. Unka mask janwar ke chehre ka tha. Sayad code name ho.
Wolf: Jackal, is baar tumne meeting kyun bulayi?
Jackal: Wolf, pichhle char saal me Malhotra company had se jyada apni jade majbut kar chuka hai. Waqt aa gaya hai, ab apna hisab wasool karne ka.
Elephant: maine toh suna hai ki Shastri group bhi had se jyada aage badh chuka hai.
Fox: ha tumne sahi kaha elephant.
Ox: ek aur group hai sayad tum logo ne dhyan nahi diya hoga?
Pig: kaun sa group Ox?
Ox: Chaudhry group.
Rat: haa sahi kaha ox. Agar tum nahi batate to sayad hum logo ka dhyan nahi jata.
Cat: boss aapka kya khyal hai?
Tiger: haa boss aapka kya khayal hai, destroyer pichhle char saal se khamosh hai. Time aa gaya hai ek baar phir logo ke dil me destroyer ka khauf dalne ka.
Lion: old rule, voting kar lo. Jo group ki voting adhik hogi usko pahle barbad karna hai.
uske baad unki voting start ho jati hai. kuch samay baat das logo ne vote daal diye the. lion ne vote ko count kiya aur bolne laga, "thik hai, is baar hamara target Malhotra Group hai. aur yah kaam Jackal ko saupa jata hai. kyunki yeh meeting usne bulyi hai."
Lion ke faisle se kisi ko koi appati nahi thi. sabne haa me sir hilaya aur Jackal ko badhai di. uske baad sabhi apni jagah se uthe aur bahar ko nikal gaye. koi bhi ek sath ek rashte se nahi gaya. kiski kya identity hai kisi ko nahi pata hai. kewal code name se hi log sabko jante hai.
Destroyer gang, Asia ka khatarnak gang hai. yah gang puri Asia Continent me apni dhak jamaye hue hai. kai desh group ke piche pade hue hai. lekin abhi tak koi inka pata nahi laga paya hai. inka main kaam hai samay samay par desh ki jani mani company ko nuksan pahuchana. ek baar jab inki meeting me koi faisla ho jata hai wah kabhi inki kahar se nahi bach paya hai. harek baar koi alag aadmi kaam ko anjam deta hai aur tarika bhi alag hota hai. jab tak kisi desh ki khufiya agency ko pata chalti hai tab tak log kaam ko anzam de chuke hote hai aur saboot bhi nasht ho jate hai.
Thakur groups bhi inke prahar se nahi bach payi thi. Jabki company karib 10 billion ke upar ka karobar karti thi. Khair abhi inka faisla kya rang lata hai, hum aage kahani me padhenge.
====0====
Bajipur Sahar, DAV Public School
School ki main building se piche, thodi bahut ped lage hue hai. Usme kuch ladke ek ladke ko gher kar khade hue hai. Ghira hua ladka abhi zameen par gira hua hai. Uske kapdo par dhul mitti lage hue hai. Uske sanvle chehre par anguliyo ke nisan saaf dikhe jaa sakte hai.
“Tum sab mujhe kyu maar rahe ho? Maine kya bigada hai tumhara?” zameen par gira hua ladka bola.
“Sun be chutiye! Aaj ke baad tu Sneha Malhotra se dur raha kar. Uske upar Sanju bhai ki nazar hai. Warna…” khade hue ladke me se ek ladka bola.
“Never… Sneha meri girlfriend hai. Main usse kabhi dur nahi hunga. Kabhi nahi…” zameen par gira ladka chillate hue bola.
“Madarchod, isme akad bahut hai. Sanju bhai, iski akad sahi karni padegi pahle…” khade hue gang ke ladko me se dusre ladke ne bola.
“Ruke kyun hue ho bahanchod, itna maaro isko ki Sneha ka naam hi bhul jaye…” Sanju bhai jo ki sigrate pi raha tha, usne ek kash lete hue bola.
Sanju bhai ka ishara tha ki sabhi ladke zameen par gire ladke ko marne lage. Ladka bhi unse ladne laga. Lekin wah akela panch ladko ke prahar ko kaise jhel pata. Lato aur ghuso ki barish ko ladka sahan nahi kar saka aur jald hi usko chote aane lagi aur wah apne aap ko bachane ki lakho koshish karne laga. Tabhi ek ladke ne uske mathe ke upar prahar kar diya aur ladka ke sir se khoon bahne laga. Phir bhi ladko ne usko marna band nahi kiya.
Jab tak uske mathe se bah rahe khun ke upar kisi ki nazar padti tab tak bahut khoon bah chuka tha aur ladka behosh ho chuka tha. Saanso ki gati dhimi ho gayi thi.
“Ruko ruko bahanchod, yeh sala mar gaya kya?” ek ladke ne uski saanso ki gati check karte hue bola.
“Nahi bhai zinda hai. Lekin sala jyada der nahi ji sakta. Sale ki khoon bahut adhik bah chuki hai.” jo lakda uski sanse check kar raha tha wah bola. Uski baat sun kar sabhi ladke kampne lage. Aaj se pahle unhone bahut fights ki hui thi. Lekin aisa pahli baar hua tha ki koi unki hatho se mara hua ho.
“Sanju bhai, kya kare?” ek ladke ne puchha.
Sanju bhai jo abhi cigarette pi raha tha wah un sab ko dantate hue bola, “bahanchod, isko utha kar talab me daal do.. Aur yaad rakhna tujhe koi dekh na le.”
“Ji bhai.” ladko ne bola aur kaam par lag gaye. Kuch hi samay me unhone usko uthaya aur school ke piche wale talab me fenk diya.
++++
Destroyer gang [Nickname]:
Lion (leader)
Tiger
Elephant
Wolf
Rat
Cat
Fox
Ox
Pig
Jackal
Malhotra Family
Surendra Malhotra (45): family head
Malini Malhotra (43): family mistress
Sakshi Malhotra (24): badi beti
Minakshi Malhotra (21): majhli beti
Sneha Malhotra (18): chhoti beti
INDEX 
... Bhai aj ek aur update de hi do .... Mazza aa jayega 
update....