Nice update
NAAG MANI
UPDATE-10
Kanchan (kaan me)—alka didi pahle se hi thaki huyi hain unhe poori raat pareshan mat karna
Kumar(kaan me)—to tum ho na meri aadhi gharwali…baki ki raat ke liye…tum mere hi room me rukna aaj raat
Vo chhitak kar dur ho gayi….aur nazare niche jhuka ke sharmane lagi….maine aur alka ne sab ko vida kiya… alka room me chali gayi
Main jab room me aaya to vo bed par baithe mera hi intazar kar rahi thi….maine uske paas jakar apni baho me bhar liya
Main alka ko apni baho me bhar kar uske hotho ko chumne hi ja raha tha ki tabhi alka jor se cheekh uthi….uske chehre par mujhe vahi darr phir se dikhayi dene laga
Ab Aage…….
Kumar—alka…..? kya hua…? Aise achanak tumhare chehre ka noor kaha kho gaya…..?
Alka (haklate huye)—vooo…..voo…..picheeeee
Alka ne haklate huye mujhe mere piche ki taraf dekhne ka ishara kiya…..vo behad dari sahmi huyi lag rahi thi…. Uska ishara milte hi mai turant piche ki taraf palat gaya.
Pichhe palat kar dekhte hi maine jo dekha usko dekhte hi mai bhi chounk gaya.....baat hi kuch aisi thi darne aur chounka dene wali.
Mere samne ek vishal naag paanch fun wala apne fun phailaye baitha tha……koi aisa naag bhi ho sakta hai maine to kabhi kalpana hi nahi ki thi.
Kuch der tak main usko aise hi dekhta hatprabh aur mantra mugdh ho kar dekhta raha…..Juban se kuch shabd hi nahi phoot rahe the jaise ki usse bhi lakwa maar gaya ho.
Alka—ye kyaaa nayi musibat hai...... ? lagta hai ki mai hi manhoosh hu …mere piche ye naagin padi thi ab to ye itna bada naag bhi aa gaya……ab kya hoga……?
Kumar—daro nahi….mai hu na tumhare paas, phir kaisa darr.
Main alka ko samjha to raha tha lekin haqiqat to ye thi ki main khud bhi dara hua tha.....magar apne darr ko jahir nahi hone de raha tha.
Kumar (mann me)—hey naag raj, mera pranam swikar kare.......aap naag nagin kyo meri suhagraat ki aisi taisi karne par tule huye ho yaar..... ? zindagi me ek baar to suhagrat manane ka mouka milta hai aur aap dono vo mouka bhi dara dhamka kar hazam kar jana chahte ho.....main apke hath jodta hu, pair padta hu, naag raj bhai....mujhe suhagrat to mana lene do.....aap koi dusra ghar dekh lo tab tak.
Lekin ye kya.... ‼ vo naag kahi jane ke bajaye meri baat poori hote hi apne fun ko inkar me idhar udhar hilane laga jaise ki kah raha ho ki main kahi nahi jaunga.
Kumar (mann me)— kahi ye bhi mere mann ki baat to nahi sun liya.... ?
Main abhi soch vichar me dooba hi hua tha ki ek baar phir se alka joro se cheekh padi…..main apne khyalo ki duniya se bahar aate huye dekha to vo naag apni jagah se sarak kar hamari taraf badh raha tha dhire dhire khas kar alka ki taraf hi uski ankhe thi…..ab to main bhi poori tarah sachet ho gaya tha…..suhagrat manane ka bhoot bhi sar se utar kar bhag chuka tha.
Vo dhire dhire alka ki oor badhne laga….ye dekh alka ghabra kar piche hatne lagi…sath me main bhi piche khisakne laga…..kya bharosa ye kab kya kar baithe…..?
Kumar—naag raj bhai…aap dono naag aur nagin mil ke kyo hamare jeevan me hahakar macha rahe ho….? Hamne kya bigada hai aap dono ka…..?
Lekin tabhi meri asha ke vipreet kisi ki awaz mere antah karan me goonjne lagi…..main vishmit hokar apne charo taraf dekhne laga ki ye awaz kiski aa rahi hai….?
‘’Daro mat, main kisi ko nuksan pahuchane nahi aaya hu’’
Ab to mere ashcharya ki seema hi nahi rahi…..Jab maine mahsoos kiya ki ye awaz uss naag ki hi thi…mere liye ye ek bahut badi apratyashit ghatna thi kisi naag ko bolte huye dekhne aur uski awaz sunne ki…..main to ekdam mook darshak ban gaya tha…..tabhi mere kano me phir se uski awaz sunayi dene lagi.
‘’Apne aap ko pahchano ..Arjun, iss samay Anjali ko tumhari atyant avashyakta hai…..kya tum apne sadiyo purane pyar ko……apni anjali ko bhi bhool gaye…? Magar vo bechari aaj bhi sirf tumhe hi yaad karti hai.’’
Kumar (mann me)—kyaa aap sach me bol sakte hain….? Kya ye apki hi awaz hai…?
‘’haaa…ye main hi bol raha hu’’
Kumar (mann me)—koun arjun….koun anjali…? Main kisi arjun aur anjali ko nahi janta…? Aap kinki baat kar rahe hain….?
‘’main tumhari hi baat kar raha hu…..tumhara hi naam arjun hai’’
Ue sun kar to mujhe bahut bada jhatka laga ki mera hi naam arjun hai…..lekin mujhe phir bhi vishwash nahi ho raha tha…..hota bhi kaise jabki mujhe to aisa kuch bhi yaad hi nahi tha.
‘’main janta hu ki tumhe meri kisi bhi baat ka vishwash nahi ho raha hai….kintu yahi satya hai ki tum hi arjun ho aur anjali tumhara pyar, tumhari patni…Jiska jeevan sankat me hai iss samay’’
Kumar (mann me)—kaisa sankat….? Main apki baat ka kyo yakin karu, jabki mujhe to aisa kuch bhi yaad nahi hai.
‘’kya ye praman kafi nahi hai ki ek naag ki awaz tum sun pa rahe ho aur usse baate bhi kar rahe ho….kya ye praman paryapt nahi hain ki ek nagin tumhari baat ko mante huye iss ladki ko dasne se chhod di thi……kya ye praman paryapt nahi hai ki anjali ki tasveer tum har roj bina usse dekhe hi bana lete ho’’
Kumar (mann me)—koun hai vo nagin….? Aap koun ho…? Mere piche kyo pade ho dono….?
‘’Waqt aane par sab jaan jaoge….bas itna samajh lo ki tumhe anjali ko kisi bhi haal me uss dust Aghora se bachana hai….kal poornima ki raat hai, dharti par…kintu hamare yaha aur tumhari dhari ke samay me ek maah ka antar hai tumhare paas ek maah ka samay hai….ek maah ke pashchat vaha poornima ki raat ayegi jab anjali aur tumhari dono ki shaktiya jagrit ho jayengi…..shaktiya jagrit hote hi tumhe sab kuch yaad aane lagega’’
Kumar (mann me)—kyaaa ek maah ka antar hai….? Aap koun si jagah ki baat kar rahe ho…? Choubis ghante ka samay ka antar to dharti me bhi hota hai.
‘’main naag lok ki baat kar raha hu’’
Kumar (mann me)—kyaaa...naag lok... ? aur bhi koi lok hota hai kya…? Kya vo anjali vaha rahti hai....kya vo bhi nagin hai... ?
‘’haa..Anjali Naag Lok ki Rajkumari hai.....vo ichchhadhari nagin hai......tum dekhna chahte ho ki vo iss samay kaisa jeevan jeene par vivash hai sirf tumahe karan....lo dekho’’
Tabhi pata nahi ki kya hua jaise main kisi sapne me pahuch gaya....Ek karagaar me ek Bahut hi khubsoorat Ladki ko zanjeero me baandh kar rakha gaya hai.
Uska khubsoorat chehra chandrama ki bhanti damak raha tha jiski kanti phiki pad chuki thi....aisa prateet ho raha tha jaise usne kab se bhojan na kiya ho jiski vajah se uske komlangi sharir me durbalta aa gayi ho.
Shayad yahi ladki Anjali hai....main uski manmohak chhavi me kho sa gaya.....aisa apratim soundarya maine aaj tak kabhi nahi dekha tha....kisi kavi ki kalpana se bhi pare tha anjali ka roop soundarya.....anjali ke aise kisi ko bhi sammohit kar dene wale apratim soundarya ko dekh kar main abhibhoot ho kar rah gaya.
Uske hath pairo se jagah jagah se uski khubsoorat gori kaaya rakta ranjit ho uthi thi.....uske mathe par ek chamakdar nagin ka tika laga hua tha.
Vo behad dard me thi.....anjali ke neele gagan se bhi khubsoorat nayano se aviral ashru dhara pravahit ho rahi thi mera hriday bhi usko aise dard me tadapte dekh kar tadapne laga.
Tabhi meri ankho ne kuch aisa dekha ki main usko dekh kar buri tarah se chounk gaya....aur tabhi mera ye sapna bhi toot gaya aur main vapis apni vartaman duniya me lout aaya.
‘’Dekh liya....yahi hai Anjali, jo sirf tumhe chahti hai sadiyo se......tumhe uske dard ka ehsaas har roj hota rahega jab tak ki tum uska ye dard door nahi karte ya aghora usse apni shaktiyo se hasil nahi kar leta’’
Kumar (mann me)—mujhe to ab bhi vishwash nahi ho raha hai....
‘’Mera kaam tumhe sachet karna tha to kar diya….kahi aisa na ho ki bahut der ho jaye aur tum hamesha ke liye anjali ko kho do…? Jo bhi karna jaldi karna, samay bahut kam hai….kabhi meri yaad aaye to mera ye roop mann me yaad karna main hazir ho jaunga’’
Itna kah kar vo naag khidki ki taraf jane laga…alka dari sahmi deewar se sat kar ek kone me khauf se kampte huye dubki huyi thi.
Vo naag chalte chalte khidki tak pahuchne ke baad ek baar phir se apne fun phaila kar khada ho gaya aur palat kar meri oor dekhne laga…tabhi uski awaz ek bar phir se mere kano me aayi.
‘’Apne se jude sabhi logo ka dhyan rakhna…vishesh kar iss ladki ka……vo khatarnak nagin iska picha tab tak nahi chhodegi jab tak ki isko tumse door nahi kar deti, ya phir isko dass bhi sakti hai’’
Vo iske baad nahi ruka aur khidki ke raste bahar nikal ke kaha chala gaya, pata nahi lekin jate jate mujhe bahut badi chinta me daal gaya.
Kumar (mann me)—koun hai vo nagin aur uski alka se kya dushmani hai…? vo alka ke piche kyo padi hai... ?
Naag ke vaha se jate hi alka rote huye bhag kar mere seene se lipat gayi....maine usse apni baho me samet liya kintu mera mann abhi bhi uss naag ki baato aur uske karan me uljha hua tha.
