UPDATE 12
classes off ho jaane ke bad sabhi jaane lagte hai.
Sunny: Bhai m 2 mint ke liye Nidhi se milkar aata hu.
Sunny door khadi Nidhi aur Anu ko dekhkar kehta hai.
Aarav: kya yr tu pura din us se baate karta rehta hai aur ab bhi tujhe us se milna hai.
Sunny: sirf 2 mint ke liye, chahe to tu bhi chal.
Sunny use dekh bolta hai.
Aarav: nahi bas tu hi jaa, m yahi rukta hu.
Aarav use kehkar wahi par beth jaata hai.
Anu: to kal ka kya plan hai tum logo ka.
Anu sunny se puchhti hai.
Nidhi: isme puchhne wali kya baat hai yr, tour par to sabhi jaayenge.
Sunny: haa..nahi mtlb hamara thodo muskil hai.
Nidhi: kyu...
Anu: kyu...
dono ek saath us se puchhti hai.
Sunny: baat ye hai ki Aarav ko tour par jaana pasand nahi hai, aur mujhe nahi lagta wo jaayega.
Anu: plz na sunny, use jaane ke liye prepare kar na. Phir to wese bhi parso sunday hai, mtlb m use pure 2 din nahi dekh paungi.
Anu bhola sa chehra banate hue boli.
Sunny: m kosis karunga, lekin wo nahi manenga.
Nidhi: aur agar wo nahi maana to tum bhi nahi jaaoge.
sunny: obviously..
Anu: yr tera bhai mujhe kisi bhi angle se normal nahi lagta, batao har kisi ko ghoomna phirna pasand hota hai aur ek ye ajeeb banda hai.
Anu udaasi bhare swar mai kehti hai.
Sunny: aesa nahi hai yr ki use ghoomna phirna pasand nahi hai, use pasand hai lekin family ke saath ya phir friends wagerah ke saath. Use bas college ya school trip par jaana hi pasand nahi hai.
Sunny unhe kehta hai.
Anu: yr Nidhi Sunny ko bol na ki Aarav ko trip ke liye prepare kare, warna m bhi nahi jaungi.
Anu apni friend se request karte hue boli.
Nidhi: yr mujhe to lagta hai hamari ye trip spoil hone wali hai. Agar Aarav ready nahi hota to iska mtlb koi nahi jaayega.
Sunny: wese tour jaa kaha raha hai.
Anu: Dehradun..
Sunny: sach m, yr ye to Aarav ki favourite destination mai se ek hai.
Sunny ko ummid ki ek kiran najar aati hai.
Anu: uski favourite destination Dehradun hai.
Sunny: nahi Dehradun nahi, lekin use pahadi areas bahut pasand hai.
Nidhi: kamaal hai yr, inki pasand kitni milti hai.
Nidhi Anu ki aur ishara karte hue boli.
Sunny: kya mtlb.
Nidhi: mtlb ye ki ise bhi hill station bahut pasand hai.
Sunny: sach mai, yr tum dono mai kaafi baate common hai.
Anu: kya faayda yr, jab wo hi jaane ko ready nahi hai.
Anu mayusi se kehti hai.
Sunny: tum fikr mat karo ab to wo pakka aayega, chahe iske liye mujhe kuch bhi kyu na karna pade. M ek saath itne logo ka plan cancel nahi hone dunga, sirf uski wajah se. Tum log trip ki tayyari karo.
Sunny jaate hue unse bola. Phir wo dono bhai ghar aa jaate hai. Dono aakar lunch karte hai, thodi der aaram karte hai.
Sunny: tujhe pata hai hamara tour kaha jaa raha hai.
sham ke waqt jab wo dono padhai kar rahe the to Sunny kehta hai.
Aryan: mujhe jaanne ki koi need nahi hai.
Aryan book par apna concentrate karte hue bola.
Sunny: Dehradun...
Sunny uski aur dekhkar kehta hai. Aarav ye sunkar apni aankhe upar ki aur karta hai, lekin phirse neeche kar leta hai.
Sunny: bhai kal tour par chalte hai na yr.
Sunny uske haath se book lete hue bola.
Aarav: mujhe nahi jaana, tu chale jaana.
Aarav us se book lene ke liye haath badhata hai lekin Sunny use nahi deta.
Sunny: tujhe pata hai m tere bina koi kaam nahi karta.
Aarav: to theek hai dono bhai ghar par hi rahenge.
Sunny: Aarav agar tu nahi gaya to na hi m jaaunga aur na hi Nidhi. Anu to wese bhi is tour par nahi jaa rahi hai.
Sunny ab jhoot ka sahara lene ka sochta hai.
Aarav: kyaa?? Anu nahi jaa rahi hai kyu??
Aarav us se beyakini se puchhta hai.
Sunny: unhe kal kisi function mai jaana hai.
Aarav: achha.
Sunny: bhai chal na yr, meri Nidhi ke saath pehli trip spoil mat kar.
Sunny jese us se request karte hue bola.
Aarav: theek hai.. theek hai, chalte hai.
Sunny: ye hui na baat.
sunny use excited hokar hug karta hua bola.
Aarav: bas ab ye makkan lagane ki jarurat nahi hai dramebaaz..
Sunny: m abhi Nidhi ko call kar ke batata hu.
Sunny bahar jaate hue bola. Usne unhe call karke sab kuch bata diya. Shaam ko sone se pehle Aarav ko Anu ka sms aata hai.
Next day, wo dono subah bahut jaldi uth gaye aur ready hokar college ki aur nikal gaye.
Aarav: wese to tu uthane se bhi nahi uthta aur aaz dekh 4 bje se uthkar betha hua hai.
Aarav uspar tanz kaste hue kehta hai, jabki Sunny yehi soch raha tha ki jab Aarav ko pata chalega to wo uska kya haal karega. Jab wo dono clg pahunche to lagbhag sabhi student aa chuke the. Wo dono bus mai beth jaate hai. Tab Nidhi bhi bus mai aati hai, wo bilkul akeli hoti hai. Wo un dono ko hii karte hue unke paas wali seat par hi beth jaati hai. Thodi der baad bus apni manjil ki aur nikal padti hai. Abhi bus kuch hi door gyi thi ki Anu bus ke peeche se na jaane kaha se aati hai aur aakar Nidhi ke barabar mai beth jaati hai. Wo bus ke peeche side bethi hui thi, jis se ki Aarav ki najar uspar nahi padi. Use dekhkar to jese Aarav ko khoon ubal pada.
Aarav: ye kya drama hai Sunny.
Aarav gusse se daant peeste hue bola.
Sunny: bhai mujhe nahi pata, usne khud mujhe bola tha ki wo nahi aa rahi hai. Mujhe kya pata ki wo aa jaayegi.
Sunny masooom bante hue kehta hai.
Sunny: bhai sach mai mujhe nahi pata tha, aur wese bhi uske aane ya na aane se koi frq nahi padna chahiye. Jab tujhe us se koi matlb hai nahi hai.
sunny uska dhyaan apni aur se hatate hue bola.
Sunny: bhai tujhse ek request hai.
kuch der baad sunny Aarav se kehta hai.
Aarav: ha bol.
Aarav rukhe se swar mai kehta hai.
Sunny: bhai wo mujhe Nidhi ke paas bethna hai.
Sunny darte hue us se bola.
Aarav: tujhe jaha bethna hai jakar beth, bas use mujh se door rakhna.
Aarav gusse se Sunny se kehta hai.
Sunny: seedhe seedhe bolna ki tu nahi chahta ki m waha bethu.
Aarav: tujhe jo samjhna hai samjh le, mujhe window side bethna hai.
Aarav use waha se uthate hue waha beth jaata hai. Wo apne kaan mai earphone daal leta hai aur bahar jhaankne lagta hai.
Sunny: yr ye to bahut gusse mai hai, agar ham bus mai nahi hote na to pakka ye mujhe nahi chhodta.
Sunny dheere se un dono se kehta hai.
Anu: sunny thnku so much, tum use yaha lekar aaye.
Sunny: thanku wanku kuch nahi bas dua karo ki uska gussa shaant ho jaaye.
Sunny apni fikr karte hue bola. Phir sab bus mai antakshari khelne lagte hai. Aarav in sabse bekhabar aankhe band karke gaane sun raha tha. Kareeb 2 ghante baad bus ek dhabe ke paas rukti hai.
Teacher: chalo bhai, sab ek ek karke utar jaao. Bus yaha sir 15 min ke liye rukegi, sab jaldi se apna breakfast finish karna.
Phir sab students utarne lagte hai. Aarav ek aur jakar beth jaata hai, tabhi waha Arti aa jaati hai.
Arti: hii Aarav, tumne breakfast nahi karna kya. Ruko m tumhare liye lekar aati hu.
Waha Arti aate hue boli.
Aarav: nahi rehne do....
tabhi sunny uske liye breakfast lekar aata hai.
Sunny: bhai ye le tera naasta.
Sunny plate uski aur karte hue bola.
Aarav: mujje jhuthe logo ke saath baat karne ka koi shok nahi hai.
Aarav use gusse se kehta hai.
Sunny: yr m sach bol raha hu, mujhe nahi pata tha ki wo aa rahi hai. m kabhi tujhse jhuth bol sakta hu kya yar...
Sunny ne bahut hi masoom bante hue kaha. Ab Aarav pighal sa jaata tha, aur ye sach bhi tha. Un dono ke beech jhoot naam ki koi cheez hi nahi thi. Tab Sunny bhi apna nasta lene aata hai.
Sunny: tum logo ki wajah se mene pehli baar us se jhoot bola hai, mujhe ye bilkul bhi achha nahi lag raha hai.
Sunny Anu aur Nidhi k pas aate hue bola.
Anu: sorry yr, lekin 2 dilo ko milane ke liye bola gaya jhoot, jhoot nahi hota.
Sunny: awwww.
Sunny waha se chala jaata hai. Phir sab wapas bus mai beth jaate hai aur apni manjil ki aur badh jaate hai.
