UPDATE 23
Vishnu: ha to bachho, kesa raha Delhi ka experience.
Vishnu un dono se puchhta hai jab unki puri family dinner ke baad ikattha hui thi.
Aarav: bahut achha tha dadaji.
Vishnu: achha to man laga waha par tumhara.
Aarav: man to laga dadaji lekin hamne aap sabko bahut miss kiya.
Aarav Tanu ko gale se lagate hue bola joki uske paas hi bethi thi.
Phir aese hi baate hoti rahi. Aarav sone ke liye apne kamre mai aa chuka tha.
Neelam: m andar aa sakti hu kya.
Neelam smile karte hue Aarav ke room mai aate hue boli.
Aarav: kya dii..ab apko bhi izazat leni padegi kya... betho...
Aarav use bethne ke liye bolta hai.
Neelam: ha to mere bhai ko pyaar ho gaya hai..
Neelam bethte hue boli.
Aarav: ha dii..pata nahi kese lekin ye sab apne aap hi ho gaya.
Aarav apni behan ke paas bethta hua bola. Neelam aur uske beech kabhi koi secret nahi rehta tha, isliye Aarav ne sabse pehle is baare mai Neelam ko bataya tha.
Neelam: chalo akhirkar tujhe koi ladki to pasand aayi...warna tujhe to koi ladki pasand hi nahi aati thi.
Neelam smile karte hue boli.
Aarav: diii apko kesi lagi Anu.
Neelam: bhai photo m to wo bilkul kisi angel ki tarah lag rahi hai baki use saamne se dekhne ke baad pata chalega.
Aarav: dii wo real mai bhi wesi hai.
Neelam: achhaji, to dadaji se shadi ki baat karu...
Neelam itrate hue boli.
Aarav: nahi diii...abhi nahi.. jab tak mera dream pura nahi ho jaata tab tak m ghar mai is baare mai kisi ko bhi nahi batana chahta.
Neelam: bhagwan tera sapna jald hi pura karega... Aur mera dusra bhai..uski Nidhi kesi hai.
Aarav: diii wo bhi theek hai...
Neelam: tum dono ne to ladki bhi apne jesi hi dhundi hai, ek dusre ki best friends.
Neelam smile karte hue boli. phir wo apne room mai chali jaati hai. Tab Aarav ko Ani ki call aati hai aur wo der raat tak Anu se baat karta rehta hai.
Next day, Aarav apni bua ke ghar aata hai.
Reena: aaza mera laadla beta....
Reena Aarav ko dekh khush hote hue boli. aarav bhi smile karte hue uske pair chhuta hai.
Reena: jeete raho beta, bhagwan tumhe har khushiya de...
Sunny: mummy kuch ashirvad hamare liye bhi bachakar rakh lena.
Sunny aankh malte hue room se bahar aate hue bola.
Reena: achha....tumne suna nahi jo sovat hai wo khovat hai.
Reena smile karte hue boli.
Reena: chal tu muh dhokar aa, phir saath mai naasta karlena tum dono.
Reena Sunny se kehti hai. tabhi waha Tanu school ke liye ready hokar aati hai.
Tanu: gm bhaiyyaa.
Tanu Aarav aur sunny ko hug karte hue boli.
Aarav: gm my beautiful sister.
Aarav use hug karte hue bola.
tanu: thanku bhai...m aapse school ke baad milti hu...m abhi late ho rahi hu...by...
Tanu kehte hue waha se nikal gayi. tab tak sunny bhi aakar dining table par beth gaya.
Reena: ye waha bhi itna late tak hi sota tha kya?
Reena Aarav se puchhti hai.
Aarav: nahi waha to ye jaldi hi uth jaata tha.
Aarav sunny ki aur dekhkar bola.
Reena: tum dono ke bina to ye dono ghar bilkul sunsaan se ho jaate hai baccho.
Reena unhe naasta serve karte hue boli.
Sunny: ham bhi aap sabko bahut miss karte the mummy.
Sunny apni mummy ki aur dekhkar kehta hai.
Reenu: to waha tumhe koi ladki pasand aayi ya phir waha bhi koi tumhe apne layak nahi mili.
Reena un dono se puchhti hai.
Aarav: buajiii...ham waha padhne gaye hai...naki ladki dhoondne.
Reena: theek hai to phir baad mai hame mat bolna ki hamari shadi kesi ladki se kara diii.
Reena muskurate hue bartan sametne lagi.
Sunny: Anu se raat baat huyi teri.
Sunny apne room mai aakar Aarav se puchhta hai.
Aarav: ha huyi thi kyu...
Sunny: meri Nidhi se baat huyi thi..wo bol rahi thi ki wo bhi ek week tak college nahi jaayegi.
Aarav: ha..Anu bhi yahi bol rahi thi..mene use samjhaya bhi ki tumhe kya jarurat hai chutti karne ki... lekin wo boli ki hamara man nahi lagega.
Aarav smile karte hue bola.
Sunny: sach mai yr, hame bahut achii ladkiya mili hai.jo hamse itna pyaar karti hai.
yaha Anu ke ghar uski mummy aur papa dining table par bethe hai.
Shalu: ye ladki bhi na kuch dino se pata nahi kyu itni der tak soti rehti hai.
Shalu Vinod ko nasta dete hue bola.
Vinod: sone do na, wo jaldi uthkar aur karegi bhi kya.
Shalu: kam se kam kitchen mai mera haath to bata hi skati hai.
Vinod: are abhi uski moz masti ke din hai, use enjoy karne do.
Shalu: achha apko realize nahi hua ki pichhle kuch dino se Anu ka behave thoda change ho gaya hai.
Shalu kuch sochkar vinod se kehti hai.
Vinod: mtlb.
Shalu: kuch dino se wo college se aane ke baad jyadatar apne kamre mai hi rehti hai. Poore din apne mobile se hi chipki rehti hai. Mene ek do baar use der raat tak kisi se baat karte hue bhi dekha hai.
Vinod: to tumhe apni beti par bharosha nahi hai kya.
Shalu: poora bharosha hai lekin hame us se baat karni chahiye...mujhe lagta hai uski life mai koi ladka hai.
Shalu smile karte hue boli.
Vinod: agar aesa hua to befikr raho wo hame sabse pehle batayegi.
Anu: gm mummy...papa..
Anu aate hue unhe hug karte hue boli.
Vinod: gm meri angel..aao nasta karo hamare saath...
Shalu: college nahi jaana hai kya aaz tujhe...
Anu: nahi meri kuch dino ke liye chutti hai to m papa ke saath jaungi..
Anu apne papa ki aur dekhkte hue boli.
Vinod: are ye to achhi baat hai.
amazing update hai bhai
