UPDATE 1
Subah subah hi ghar mai ek bahut hi handsome ladka enter karta hai, ye apna hero Aarav hota hai.
Aarav: Gm bua ji.
Usne andar aate hue apni bua ke pair chhute hue kaha.
Reena: gm mera beta.
Reena ne uske maathe ko choomte hue kaha.
Aarav: wo laat sahab kaha hai, abhi tak utha nahi kya.
usne charo aur dekhte hue kaha.
Reena: tujhe to pata hai na us kumbhkarn ka, kitna sota hai wo. Aur aaz kal to tum dono ne gym jaana bhi band kar diya hai.chal tu beth m naasta lagati hu.
Reena use table par baithate hue boli.
Aarav: ham Delhi shift hone ki taayari mai lage hue the na kuch dino se to ab to wahi jakar dobara start karenge.
Sunny: gm mummy, ise itna bhi mat khilao ki ye birju halwai jesi tond chhod jaaye.
Sunny apne room se aata hua bola.
Aarav: buaji koi hamara pyaar dekhkar jal raha hai.
Aarav chutki lete hue bola.
Reena: ha mujhe bhi kuch aesa hi lagta hai.
Sunny: koi baat nahi, mujhe pata hai koi mujhse pyaar nahi karta, sirf Savita mami ke alawa.
Sunny bhi muh chadata hua bola.
Reena: o savita mami ke chamche chal ab jyada nautanki mat kar, beth kar nasta karle.
phir wo dono nasta karne lagte hai. tabhi koi peeche se aakar Aarav ki aankho par apne haath rakh deti hai.
Aarav: mujhe pata hai kon hai, the most beautiful girl in the word... meri pyari, cute si behan.
Tanu: ah mera pyaara bhai.
Tanu use hug karte hue boli.
Sunny: oye hello, tujhe ye chudail kaha se khubsurat lagti hai.
Sunny apni behan ko chhedte hue kehta hai.
Tanu: bhaiyya dekho na sunny bhaiya hamesha mujhe aese hi chhedte hai.
Tanu roundi si surat mai kehti hai.
Tanu: achha hua ye hostal chale jaayenge, lekin m apko bahut miss karungi.
Aarav: m bhi tujhe bahut miss karunga cutie.
Wo dono phir se ek dusre ko hug karte ho.
Sunny: m bhi tujhe miss karunga Tanu.
wo bhi hug karte hue bola. Peeche Reena unhe dekhkar bahut khush ho rahi thi ki in bachho mai kitna pyaar hai.
Aarav: tu school ja rahi hai kya.
Aarav use uniform mai dekhkar kehta hai.
Tanu: ha , lekin jab tak m wapas na aau tab tak mat jaana.
Aarav: bhala aesa ho sakta hai ki ham tujhse mile bina jaye.
Ayush: ha iski shakl itni achhi jo na, bandariya kahi ki.
Ayush bhi andar aate hue bola.
Tanu: oye champu tu apni bakwas band kar, ye bata yaha kya karne aaya hai.
wo dono lagbgag ham umr the to unme hamesha ek dusre ki taang khichai hi chalti rehti thi.
Aarav: namste buaji, mujhe teri shakl dekhne ka koi shok nahi hai, m apni bua se milne aaya hu.
Reena: are tum dono kabhi chup bhi ho jaaya karo.
Aarav: buaji fufaji chale gaye kya.
Reena: ha wo chale gaye hai, lekin wo dopehar tak aa jayenge. Tum log apni packing ready rakhna, wo chhod kar aayenge tumhe.
phir 4ro bhai behan ikatthe hi Aarav ke ghar aa jaate hai.
Tanu & Sunny: namaste nanaji, mami ji,mamaji.
Vishnu, & sunita: namaste bachho.
Savita: aao sab nasta karlo.
phir wo sab waha bhi thoda nasta kar lete hai. Inka hamesha se hi ye raha hai ki ye saare bachhe dono jagah thoda thoda nasta ya khaana khaaya karte the.
Anil: to saari packing ho gayi tum dono ki.
Naasta karne ke baad Anil unse puchhta hai.
sunny: ha mamaji ho gayi hai.
Anil: dekho waha tum dono man lagakar padhna, bure logo aur bure kaamo se bachkar rehna.
Vishnu: are mere dono bachhe bahut samjhdar hai, tu inki fikr mat kar. Mujhe apne bachho par pura bharosha hai.
Tanu: ha nanaji aap to bas inse hi pyaar karte hai.
Ayush: ha bandariya tune bilkul sahi kaha.
dono muh fulate hue bole.
Vishnu: kitne dramebaaz ho tum dono, are tum dono to mere shaitani bachhe ho.
vishnu un dono ko hug karte hue bola.
Savita: Sunny ye le beta, isme besan ke laddu hai, aur isme kaju katli. Dhyaan se apni packing mai rakh lena.
Savita 2 box dete hue boli.
Aarav: mummy inki kya jarurat hai.
Savita: mujhe pata tha tu aesa hi bolega isliye mene sunny se kaha hai.
Phir wo sab baate karte rehte hai, aur dopehar tak wo bilkul ready ho chuke the. Is waqt sabhi Aarav ke ghar par the.
Vishnu: ready ho gaye tum dona.
Aarav: ha dadu.
Sunny: ha nanu.
Reena: dhyaan se jaana aur roz hame call karte rehna.
Tanu: are mummy aap to aese kar rahi ho jese ki ye dono is ghar ko chhod kar apni sasural ja rahe hai.
Tanu haste hue kehti hai.
Reena: tu chup kar, badmash kahi ki.
Tanu: nanu, dekho mummy ne mujhe daanta.
Tanu muh fulati hui apne nana se kehti hai.
Vishnu: Bhai koi meri bachhi ko kuch nahi kahega, hamesha sab iske peeche hi pade rehte hai.
Reena: papa aapke laad pyaar ne inko bigad rakha hai.
Savita: Reena Anil kaha reh gaya ab tak.
Reena: bhabhi wo bas aane hi waale honge.
Tab tak Sunil bhi waha aa jaata hai.
sunil: are bhai tum dono to tayyar bhi ho gaye ho.
Aarav: ha fufaji, ham to bahut der se tayyar hai.
Sunil: are beta kya batau, ek case mai waqt lag gaya. Chalo ab chalte hai.
Ayush unke bags uthakar car mai rakh deta hai.
Savita: bachho apna dhyaan rakhna.
ye kehte hue Savita aur Reena dono ki aankho mai aansu aa jaate hai.
sunil: are bhabhi aap kyu fikr karti ho, hamare bachhe bahut samjhdar hai. Unhe koi problem nahi hogi, aap fikr mat kijiye.
Reena: fikr kyu na kare, pehli baar ye hamse door jaa rahe hai.
Reena un dono ko hug karte hue boli.
Aarav: buaji, mummy agar ab aap dono royi to ham nahi jaayenge.
Sunny: ha.
Vishnu: are bachho tum jaao, ye dono maaye hai to aesa hota hai. Bas tum dono ek dusre ka dhyaan rakhna, time par khana peena, man lagakar padhna aur roz hame call karna.
sunny: theek hai nanu.
Aarav: are meri cutie ki aankho mai bhi aansu hai, tu fikr mat kar ham dono roz video calls kiya karenge.
Tanu: unhh.
Sunny: aur tum dono ghar par sabka khayaal rakhna.
sunny Ayush aur Tanu se kehta hai.
Aur wo hug kar lete hai. Phir wo dono sabke pair chhukar vida lete hai. Sunil un dono ko station par le jaata hai.
Sunil: bachho kisi bhi chhez ki jarurat ho to turant mujhe call karna.
Aarav: theek hai fufaji.
Aur phir wo dono apne safar ke liye nikal gaye.
amazing update hai bhai,
