UPDATE 21
Nidhi: bhai sach mai, khaana to behad hi jyada tasty banate ho tum.
Nidhi khaane ke baad Aarav ko kehti hai.
Aarav: tumhe achha laga.
Aarav Nidhi se wapas puchhta hai.
Nidhi: ha bahut...
Aarav: mujhe lagta hai ki tumhari dost ko mera banaya hua khaana achha nahi laga.
Aarav Anu ki aur dekhkar kehta hai.
Anu: nahi aesa nahi hai, khaana sach mai bahut achha tha.
Nidhi: lekin mera dost bhi khaana itna hi achha banati hai.
Sunny: chalo kisi din tumhari dost ke haatho ka bhi bana hua khaana khaayenge.
Sunny smile karte hue kehta hai.
Anu: ha jaroor....
Phir wo charo baate karne lage aur kuch der baad wo dono waha se nikal jaati hai.
Next day dono college pahunchte hai, sab saath mai lecture dete hai. Lunch time mai sabhi park mai bethe hue the.
Anu: aarav ye m tumhare liye banakar laayi hu...
Anu use kheer se bhara tiffen dete hue bola.
Aarav: achha tumne apne haatho se banaya hai.
Anu: ha...
Aarav: phir to m jaroor khaunga...
Aarav us se tiffen lete hue bola.
Aarav: woww sach mai yr, tumhare haatho mai to jaadu hai.
Aarav kheer khaate hue bola.
Anu: thanku..
Sunny: dekhlo, ek ye hai jo apne bf ke liye kheer banakar laati hai. Aur ek ye hai...
Sunny Nidhi ko dekh kehta hai.
Nidhi: mujhe sirf salad banana aata hai, kal le aaungi tumhare liye.
Uski baat sunkar Aarav aur Anu hasne lagte hai.
Nidhi: yr aaz weekend hai, chalo na kahi drive par chalte hai, ya movie dekhne chalte hai.
Nidhi excite hoker kehti hai.
Anu: mujhe koi problem nahi hai, in dono bhaiyo se puchho.
Anu kaandhe uchkaate hue boli.
Nidhi: tu Aarav se puchh, sunny to ready hai...kyu sunny...
Nidhi smile karte hue sunny se puchhti hai.
Sunny: m ready hu medam..
Sunny bhi haste hue jawab deta hai.
Anu: batao Aarav... kya ham chale kahi par...
Anu use sawaliya nigaaho se puchhti hai.
Nitin: ye nahi jaayega, lekin m tayyar hu....
Tabhi waha Nitin peeche se aata hua bola. use dekh Anu ka paara high ho jaata hai.
Nitin: to batao kaha chalna hai.
Nitin apne 2 chamcho ke saath unke paas aate hue bola.
Anu: tum jahannum mai jaao, mene tumse kitni baar bola hai ki mujhe tumhari shakl achhi nahi lagti to mere saamne mat aaya karo.
Anu apni bhadaas nikaalte hue boli.
Nitin: is chehre ko dekhne ki aadat daal lo Anu, kyonki ye shakl to tumhe puri life dekhni hai.
Nitin kamini muskurahat ke saath kehta hai.
Aarav: dekh Nitin, ham koi ladai-jhagda nahi chahte hai to plz tu yaha se chala ja.
Aarav uske saamne aate hue bola.
Nitin: aur tu mujhse jhagda karne ki sochna bhi mat, chal ab ek taraf hat...mujhe Anu se baat karni hai.
Nitin use ishare se bola lekin Aarav wahi par khada raha.
Aarav: suna nahi tune...Anu ko tujhse koi baat nahi karni hai.
Aarav bhi ab zid par aa gaya tha.
Sunny: Aarav chal class mai chalte hai.
Sunny Aarav ko dekhkar samjh gaya tha ki agar wo thodi der uske saamne ruka to jhagda hona pakka tha.
Nitin: ha tum sab jaao, bas Anu ko chhod do...mujhe is se baat karni hai.
Aarav: tujhe ek baat samaj....
Anu: Aarav...ha bolo kya kehna hai.
Anu Aarav ko rokte hue boli.
Nitin: Anu m tujhse behad pyaar karta hu... i love you...
Nitni sabke saamne ghutno par bethkar aur uske saamne ek Rose karte hue kehta hai. Ye dekh Aarav ke tan badan mai maano aag si lag jaati hai.
Anu: seriously...tu itna jyada besharm hai.
Anu hairaan hote hue use boli.
Anu: to phir mera bhi reply hamesha ki tarah hi hai ki tujhse pyaar karna to door, mujhe teri shakl dekhna bhi pasand nahi hai. Pata nahi tu itna besharm kyu hai ki har baar itni beizzati karane ke baad phir se beizzati karane aa jaata hai.
Nitin: Anu ab mere sabr ka aur imtihaan mat le, warna kahi aesa na ho ki m sab kuch bhool kar kuch galat na kar jaau.
Anu: tu mujhe dhamki de raha hai.
Anu bhi ab tu-tadaak par utar aayi thi.
Nitin: dhamki nahi tujhe samjha raha hu.
Nitin gusse mai aate hue bola.
Anu: mujhe samjhaana bekar hai. Aur mujhe jiska chehra puri zindagi dekhna hai wo ye hai...to plz apni in giri hui harqato se baaz aa ja.
Anu Aarav ki aur ishara karte hue boli.
Nitin: Anu m tujhse pyaar se baat kar raha hu, meri giri hui harqat na dekho to hi achha hai.
Nitin jhallate hue bola, ab tak lagbhag aadha college waha ikattha ho gaya tha.
Anu: apni ye giri hui harqate, mujhe nahi apni maa aur behan ko jaakar dikha.
Anu ke ye bolte hi Nitin ko gussa aa gaya aur wo Anu ke baal pakad leta hai.
Nitin: kya boli tu.....
Aur itna bolte hi uske chehre par Aarav ka ek punch padta hai, uska chehra jhanna jaata hai. Ye dekh uske dono chamche aage badhte hai. Ek ko sunny pakad leta hai aur use dhone lagta hai. Dusra Aarav ki aur bdha hi tha ki Aarav use ghoomkar ek kick lagata hai aur wo jameen par najar aata hai.
Nitin: saale teri itni himmat..
Nitin kehta hua Aarav par jhapatta hai. Lekin Aarav uska haath pakadta hai aur uske upar ghoonse barsaane lagta hai. Nitin ki naak se khoon behne lagta hai.
Anu: Aarav chhodo use.. Aarav...
Anu Aarav ki baanhe pakadte hue boli.
Aarav: chhodo Anu..is kamine ne tumhe chhua kese...
Aur aarav phir se use peetne laga.
Anu: Aarav plzz....
Anu use vinti karte hue kehti hai, ye dekh Aarav use chhod deta hai lekin tab tak waha teacher aa chuke the. Kuch der baad wo sabhi principal office mai the. Anu principal ko saari baat batati hai.
Principal: bas ab bahut ho gaya Nitin.. tumhare roz ke ladai jhagdo se m tang aa chuka hu..Tum 2 weeks ke liye restigate kiye jaate ho. Aur tum dono...tum bhi ek week ke liye suspend ho..
principal Aarav aur sunny ki aur ishara karte hue bola.
Anu: lekin sir in dono ki to koi galti nahi hai.
Principal ki baat sunkar Anu kehti hai.
Principal: galti hai..aur galti ye hai ki in dono ne bhi maarpeet ki... tumhe maarpeet karne ki bajaye hamse aakar baat karni chahiye thi.
Principal Anu ko daantte hue bola.
Anu: lekin sir...
Principal: bas ab aur kuch kehna sunna nahi.. tum log jaa sakte ho.. aur ek baat dhyaan rakhna agar aage se tum mai se koi bhi jhagda karta hua mila to m hamesha ke liye use college se expell kar dunga..samjhe ..ab jaao...
Sab muh latka kar bahar aa jaate hai.
Nitin: tum dono ko ye sab bahut mehanga padne waala hai.
Nitin gusse se Aarav aur anu ko kehta hua waha se nikal gaya.
Nidhi: mujhe to ab tak samjh nahi aa raha ki ye sab kya tha...
Nidhi apna sar pakadte hue wahi par beth jaati hai.
Anu: aur tum....m baat kar rahi thi na us se..tumhe use maarna jaruri tha?
Anu kamar par haath rakhte hue Aarav se boli.
Aarav: ye to kuch bhi nahi tha..agar koi tumhare saath aesi harqat karega to m use jaan se maar dunga.
Aarav uski aankho mai dekhte hue bola.
Anu: achhaji, itna pyaar karte ho mujhse...
Aarav: bahut....
Sunny: oye laila majnu..ab ye guturgu chhodo aur ye socho ki ham dono ek week tak kya karenge.
