Nafrat ya phir Diwaangi.... (Incest Love Story)
Update 38
"Shadi aur Flashback"
Jeetu : Aur kaun wo hi Saala kameena Sultaan.... Pehle us kameene ne hum se humara Project cheena.... Aur ab ladkiyon ko bacha ke sab ke saamne kaise Hero ban raha hai.... Jise dekho wo usi ki tareef kar raha hai.... Sab ki zubaan pe sirf aur Sirf usi ka naam hai.... Wo hi sab kuch hai hum to jaise kuch hai hi nahi.... Maine pata kiya hai wo kameena ******** Sheher ka rehne waala hai.... Uska baap ek Marshall Arts Trainer hai.... Kaahe ka baap..... Wo Saala to bachpan me us Trainer ko ek ped pe latka mila tha.... Saale ke na baap ka pata hai na hi Maa ka.... Pata nahi kiski najayaz aulaad hai wo.... Mere saamne us kameene ki aukad hi kya hai.... kahan main ek oonche khandaan me paida hua 350 Crore ki Property ka ek lauta waris aur kahan wo Najayaz bhikari.... Mere saamne us harami ki bisat hi kya hai.... Saale ne dhoke se mujhse jo Contact cheena hai.... Use wo khud mujhe dilwayega.... itna hi nahi balki mere kadmon me gir ke mujhse maafi bhi mangega.... Main uska wo hashar karunga ki wo mere naam se bhi darega....
Pankaj : Haan yaar baat to teri sahi hai... Magar hum kar bhi kya sakte hain....?
Jeetu : Bahut kuch.... Kar sakte hain hum.... Bas tu dekhta jaa ki main kya karta hoon....
Ye keh ke Jeetu gusse me Sharaab ki bottle ko apne muh se lagaye ek hi saans me poori bottle khatam kar ke use wahin paas me zameen pe patak ke tod deta hai....
Ye log is baat se anjaan hain ki koi wahin paas khade inki baaten sun raha hai.... Ye kaun hai....? Aur Jeetu aage kya karne waala hai ye jald hi pata chalega....
Idhar ye log jab ghar pahunchte hain to sab foran unhe gher ke Sultaan ke baare me poochne lagte hain.... Jitne muh utne sawaal....
Sultaan kaisa hai....? Wo theek to hai na...? Dr ne kya kya....? Wo sath me kyun nahi aaya...? Aur na jaane kya kya....?
Wahin Pihu ke chehre pe ek alag hi muskaan hai.... Uska chehra khushi se damak raha hai.... Sath hi aaj uski aankhon me ek alag hi chamak nazar aa rahi hai... Jise dekh uski Dost Shanno se raha nahi jaata.... Wo us se is sab ki wajah jaan ne ko bechain ho jaati hai....
Shanno : Ye kya Pihu Sultaan bimaari ki haalat me Hospital me admit hai uske liye sab fikrmand hain.... Sabko dukh ho raha hai aur tu hai ki Muskuraye jaa rahi hai....
Shanno ki baat sun ke Pihu ke chehre ke bhaav kuch pal ke liye badalte hain.... Magar phir kuch hi der me wo phir se pehle ki tarha muskurane lagti hai.... Ye dekh Shanno ko uspe gussa aane lagta hai....
Shanno gusse me : Abe tujhe hua kya hai....? Wahan tera dost bimaari ki haalat me Hospital ki bed pe pada hai aur yahan tu hai ki khush ho rahi hai.... Aakhir kaisi dost hai tu.... Tujhe apne dost ki zara bhi fikr nahi hai....
Shanno ki baat sun ke Pihu uske chehre ki taraf dekhti hai.... Phir kuch keh ke apne room ki taraf chal deti hai jise sun ke Shanno ko pehle to kuch samajh nahi aata magar jab use Pihu ki baat ka matlab samajh aata hai to wo poori baat jaan ne ke liye Pihu ke peeche peeche uske room ki taraf daur jaati hai....
Pihu : Kissssssss....
Ye keh ke Pihu sharmaati hui apne room ki taraf daur jaati hai.... Shanno bhi uske peeche peeche uski baat ka matlab jaan ne uske peeche peeche uske room me aati hai....
Room me pahunch ke Pihu Hospital me Sultaan ko ki hui apni kiss ko yaad kar ke sharmaate hue muskuraye jaa rahi hai.... Jise dekh Shanno us se sawaal karti hai....
Shanno : kiss....!!!!! Aakhir kiss kehne se tera matlab kya tha....? Mere sawaal ke jawab me tu ne Kiss kyun kaha....? Bata mujhe.... Kahin Sultaan ne tujhe kiss to nahi kiya....? Nahi nahi wo to zakhmi hai bimaar hai.... Wo us haalat me tujhe kiss kaise kar sakta hai.....
Phir kuch soch ke Shanno chonk jaati hai....
Shanno : Hey kahin tu ne to Sultaan ko kiss nahi kar diya....?
Shanno ki baat sun ke Pihu ka Gora gulabi chehra sharm se aur bhi zyada laal ho jaata hai.... Sath hi uski aankhen chamak uthti hain.... Unhe dekh ke Saaf pata chal raha tha ki abhi abhi Shanno ne jo kaha wo shayad... Nahi Shayad nahi yakeenan wo sach hi hai....
Shanno : Pihu jawaab de... Kya tu ne Sultaan ko kiss kiya....?
Pihu sharmate hue haan me apna Sar hila deti hai.... Jise dekh Shanno ek baar phir se shock ho jaati hai....
Shanno Shocked : Kyaaaaaaaaaa....? Kab....? kahan....? kaise....? Bata... Mujhe poori baat jaan ni hai..... Aakhir tu ne kab aur kaise Sultaan ko kiss kiya.....?
Pihu sharmaate hue Shanno ko poori baat batati hai.... Jise sun ke Shanno pehle to shock ho jaati hai magar phir wo khushi se Pihu ko kas ke gale laga leti hai....
Shanno : Yaani Finally tu ne Sultaan se apne pyar ka izhaar kar hi diya....
Pihu : Haan bhi aur nahi bhi....
Shanno : Matlab....!!!!
Pihu : Matlab ye ki maine use kiss kar ke use is baat ka ishara kar diya ki main us se behad pyar karti hoon... Magar zubaan se kuch nahi kaha....
Shanno : Baat to ek hi hui na.... Waise bhi koi ladki agar kisi ladke ko honthon pe kiss kare to uska ek hi matlab hota hai ki wo us se Pyar karti hai....
Pihu sharmate hue : Haan baat to teri sahi hai.... Ab bas intezaar hai uske jawaab ka....
Shanno : Mujhe poora yakeen hai ki wo tujhe haan me jawaab dega.... Jaanti hai kyun....? Kyun ki wo bhi tujhse pyar karta hai.... Uski aankhon me tere liye pyar saaf jhalakta hai.... Maine kayi baar dekha hai jab bhi tu uske saamne jaati hai Uske honthon pe pyari si smile ke sath sath uski aankhon me ek alag hi chamak aa jaati hai... Wo bade pyar se tujhe dekhne lagta hai....
Pihu : Kya tu sach keh rahi hai....? Kya sach me wo mujhe chahta hai....?
Shanno : Haan meri jaan maine jo bhi kaha wo bilkul sach hai.... Mujhe poora yakeen hai ki agli baar jab tum dono miloge tab wo tujhse apne pyar ka izhaar zaroor karega.... Sath hi tujhe bahon me le ke Deep kiss bhi karega....
Shanno ki baat sun ke Pehle to Pihu behad khush ho jaati hai.... Magar phir deep kiss waali baat sun ke sharm ke maare uske gore gulabi gaal Laal ho jaate hain....
Shanno : Aye haye dekho meri banno to sharmane lagi....
Dusri taraf Roopa bhi Sultaan ke khayalon me khoyi hui hai.... Wo us pal ke yaad kar rahi hai ki kaise apni jaan pe khel ke Sultaan ne uski jaan bachayi.... Kaise use bachane ke chakkar me wo zakhmi hua... Jis wajah se use Hospital me bhi admit hona pada ye soch ke uski aankhen nam ho jaati hain.... Wahin jab use yaad aata hai ki us waqt wo Sultaan ke saamne uper se nangi khadi thi.... Sharm ke maare uske gore gulabi gaal laal ho jaate hain.... Wo foran apne hathon se apne jism ko aise chupane lagti hai jaise ki is waqt wo nangi Sultaan ke saamne khadi ho.... Apne jism pe Sultaan ki Shirt ko mehsus karte hi wo foran apne dono hath apne jism se is tarha lapet leti hai jaise ki wo Sultaan ko gale laga rahi ho.... Is waqt use behad sharm ke sath sath Sultaan pe bada pyar aa raha hai.... Wo sharmate hue muskura rahi hai.... Phir jaane use kya hota hai...
Roopa : I.... I.... Lo...ve you... Sultaan....
Ye keh ke wo apne hathon se apna chehra chupa leti hai.... Sharm ke maare uska poora chehra laal ho jaata hai.... Sath hi ek alag sa ehsaas use apne poore jism me hone lagta hai.... Pehle pyar ka pehla ehsaas itna anokha hota hai ki use lafzon me bayan kar paana namumkin hai....
Wahin Kuch aur log bhi hain jo Sultaan ke khayalon me khoye hue hain.... Krisha.... Snehal Moni aur sab se zyada Mehek....
Idhar Hospital me Dr Raniya us Patient ko check karne ke baad jaldi se apne saare kaam nipta ke Sultaan ke paas apne sawaalon ke jawaab lene pahunchti hai tab wo dekhti hai ki Sultaan gehri neend me soya hua hai.... Sultaan ko soya dekh use badi nirasha si hoti hai wo apne sawaalon ke jawaab jo us se nahi le paayi thi.... Niraash man se wo palat ke wahan se jaa hi rahi hoti hai ki tabhi jaane use kya hota hai wo Sultaan ke behad kareeb jaa ke baith jaati hai aur bade gaur se uske chehre ko dekhne lagti hai.... Use Sultaan ke chehre me ek Aakarshan sa ek khichav sa mehsus hone lagta hai.... Wo anjaane me hi Sultaan ke chehre me khoti chali jaati hai.... Uska Chehra apne aap hi Sultaan ke chehre ki taraf jhukne lagta hai.... Uska Chehra Sultaan ke chehre ke itna kareeb aa jaata hai ki use Sultaan ki Garm saansen apne chehre pe mehsus hone lagti hain.... Jis wajah se uske jism me ek alag hi ehsaas hone lagta hai.... Ye kya aur kyun ho raha hai use samajh nahi aa raha hai.... Is waqt wo jaise apne aap me hi nahi hai.... Jaane use kya hota hai wo aage badh ke Sultaan ke honthon ko pyar se choom leti hai.... Sultaan ke nam honthon ko apne honthon pe mehsus karte hi uske jism me ek current sa daur jaata hai aur wo kisi aur hi duniya me pahunch jaati hai.... Ek ehsaas itna sukhdaayi hai ki wo use se alag hi nahi ho paati.... Apne honthon ko Sultaan ke hothon se lagaye wo is ehsaas me kho si jaati hai.... Kaafi der tak wo Sultaan ke honthon ki narmahat aur garmahat dono ko mehsus karti rehti hai.... Achanak se kisi ki aahat se uski tantra toot ti hai.... Jab use ehsaas hota hai ki wo kya kar rahi thi to hairat aur sharm ke maare uske gore gaal surkh laal ho jaate hain.... Aur wo foran uth ke wahan se bahar ki taraf daur jaati hai.... Wo apne cabin me jaa ke gate band karti hai aur apne chair pe baith ke apni ukhdi hui saanson ko Control kar te hue us kiss ke baare me sochne lagti hai.... Use behad sharmindagi si mehsus hone lagti hai us se kahin zyada use is baat pe hairaani hoti hai ki usne Sultaan ko kiss kiya....!!!! Aisa uske sath pehli baar hua hai ki wo kisi se itna attract hui ho.... Itna hi nahi us ne use kiss bhi kar diya.... Usne aisa kaise aur kyun kiya use samajh nahi aa raha hai....? Aakhir is sab ki wajah kya hai...? Wo gehri soch me gum ho jaati hai.... Kaafi der tak wo is baare me sochti rehti hai jab use kuch samajh nahi aata to wo wahan se uth ke bahar apni car me baith ke apne ghar ki taraf chal deti hai....
Agli Subah Mehek jaldi se ready ho ke neeche hall me aa ke apne Nana se kehti hai....
Mehek : Chaliye Naanu Sultaan ke paas chalte hain....
Is se pehle ki wo kuch kehte SDadi ki baat sun ke wo haan me apna Sar hila dete hain....
SDadi : Pehle Nashta kar lo phir hum sath me Sultaan se milne jaayenge....
Mehek jald se jald apne Sultaan ke paas jaana chahti thi magar wo Sdadi ko mana nahi kar paati.... Aadhe man se wo Dining table pe baith ke jaldi jaldi nashta karne lagti hai.... Taaki jald se jald nashta khatam ho aur wo Sultaan se milne ke liye nikal sake....
SMaa Daddu ki taraf dekh ke usne Sultaan ke baare me poochti hai....
SMaa : Baba.... kya Main aap ko Baba keh sakti hoon....?
Daddu : Haan haan kyun nahi....?
SMaa : Baba Sultaan ke baare me bataiye ne....
Mehek : Sultaan ne Pichle saal 10th me State me Top kiya tha.... Is saal isne 11th me College me Admission liya hai..... Padhayi ke sath hi wo SK Group ke liye kaam bhi kar raha hai.... Pihu ke Gaon aur ******* Gaon me Sk Group ki taraf se jo School College aur Hospital ka kaam ho raha hai use Sultaan hi dekh raha hai....
Phir wo sab ko poori baat batati hai ki kaise Sultaan ne Dono gaon ke logon ki madat ki.... jise sun ke Sab Sultaan ki tareef karne lag jaate hain....
SMaa : Tumhe Sultaan ki poori jaankari hai.... Baat kya hai....?
Mehek : Ab jo Sabse khaas ho uski jaankari to rakhni hi padti hai....
SMaa : Haan ye baat to sach hai.... Sultaan wakayi me behad khaas hai.... Kash main apni beti se iski Shadi karwa ke ise apna damaad bana paati....
SMaa ki baat sun ke wahan maujood sab ke sath sath do log aise bhi hain jinhe bada jhatka sa lagta hai.... Pehli hai Unki apni Beti Sweety aur dusri hai Mehek.... Jahan apni maa ki baat sun ke Sweety Shock ho jaati hai wahin Mehek ko thaska lagta hai aur wo khasne lag jaati hai....
SMaa jaldi se uski taraf paani ka Glass badha ke us se poochti hai....
SMaa : Maine kuch galat keh diya kya....?
Is se pehle ki Mehek unki baat ka koi jawaab deti.... Daddu hasne lagte hai....
Daddu : Hahahahahahahahahahahaha.....
Daddu ko yun haste dekh SMaa ko ajeeb sa lagta hai.... Pehle Unki baat sun ke Mehek ko yun thaska lagna aur phir Daddu ka yun zor zor se hasna.... Wo ajeeb sa muh bana ke dono ko dekhne lagti hai....
Daddu badi mushkil se apni hansi rok ke kehte hain....
Daddu : Beta ji tum ne baat hi aisi ki thi ki mujhe hansi aa gayi....
SMaa : Kyun maine kuch galat keh diya kya....?
Daddu : Nahi tum ne kuch galat nahi kaha balki wo hi kaha jo Sultaan se milne ke baad Aksar sab kehte hain.... Sultaan hai hi aisa ki jo bhi us se milta hai use apna banana chahta hai.... Jab wo mere Parivaar waalon se mila tab wahan sab use apna Damaad banana ke liye kehne lage.... Yahi haal Thakur Hari Singh ke ghar waalon ka bhi tha.... Aur ab yahan bhi Sab ka haal waisa hi hai....
Is se pehle ki koi kuch aur kehta Mehek beech me bol padti hai....
Mehek : Naanu baaki baat baad me kar li jiyega.... Filhaal hum ko Hospital chalna chahiye.... Wahan Sultaan akela hai.... Is haal me use sab se zayada zaroorat humari hai... Aur hum hain ki uski fikr karne ke bajaye yahan araam se baithe Nashta karte hue baaten kar rahe hain....
Daddu : Baat to tum ne sahi kahi hai Mehek.... Chalo chalte hain....
Idhar Saba jo SMaa ki baaten sun chuki thi wo Sweety se kehti hai.....
Saba : Ab to teri maa bhi yahi chahti hai ki teri Shadi Sultaan se ho.... To tu kyun nahi sab ko sach bata deti hai....
Sweety : Ek hi baat tujhe kitni baar batani padegi ki is waqt mere liye meri Pehchan banane se zyada zaroori aur kuch nahi hai....
Saba : Tu galti kar rahi hai.... Abhi bhi waqt hai sambhal jaa.... Jo galti tu karne jaa rahi hai use mat kar.... Agar abhi tu ne Sultaan ko khud se alag kar diya to Shayad tu phir kabhi use paa nahi sakegi.... Dekh udhar wahan Sultaan ki diwaaniyon ki line lagi hui hai.... Yahan maujood har ladki use paana chahti hai us se Shadi karna chahti hai.... Aur ek tu hai jo use paa ke bhi kho dena chahti hai.... Meri baat maan mat kar aisa.... Teri Sachhi dost hoon isiliye tujhe samjha rahi hoon.... Sultaan ka hath thaam le use jaane mat de.... Ek baar wo chala gaya to phir kabhi laut ke nahi aayega....
Sweety : Keh diya jo tujhe kehna tha.... Chal ab hat mujhe jaane de.... Apne new job ke liye mujhe kaafi taiyaari karni hai.... Bas ek baar ye Shadi khatam ho jaaye phir main ek pal bhi yahan nahi rukungi.... Apne Sapno ko poora karne foran nikal jaaungi...
Ye keh ke Sweety wahan se apne room ki taraf chal deti hai....
Idhar raat me der tak jaagte hue Dr Raniya Sultaan ke baare me sochti rahi khaas kar ke us kiss ko jo usne Sultaan ko kiya.... Use samajh nahi aa raha tha ki usne aisa kyun kiya....? Raat der se sone ki wajah se uski aankh bhi subah der se khuli.... Jab usne time dekh to subah ke 10 baj chuke the.... Wo foran se uthi aur washroom me jaa ke fresh hui aur taiyaar ho ke tezi se hospital ki taraf chal di.... Hospital pahunch ke wo foran Sultaan ke ward ki taraf chal deti hai us se apne man me uth rahe sawaalon ke jawaab lene.... Magar jaise hi wo Ward me enter karti hai.... Saamne maujood logon ko dekh ke wo nirash ho jaati hai.... Sab ke saamne wo Sultaan se sawaal nahi kar sakti.... Sab ke saamne wo kaise us kiss ke baare me pooch sakti hai jo usne khud Sultaan ko kiya tha....
Yahan maujood sabhi Sultaan ka haal chal pooch rahe hain.... Dr Raniya sab ko bahar jaane ko kehti hai magar Mehek hai ki baahar jaane ko taiyaar hi nahi.... Uske aur sab ke kaafi samjhane pe bhi jab Mehek bahar nahi gayi to Uske saamne hi Dr Raniya Sultaan ka ilaaj karti hai....
Daddu : Dr ab Sultaan ki tabiyat kaisi hai....?
Dr Raniya : Abhi ye kuch had tak theek hai magar iske zakhmon ko bharne me waqt lagega.... Aaj aur kal do din ise aur Hospital me rehna padega phir aap ise yahan se le jaa sakte hain....
SDadi : kya kaha aur 2 din... Magar Dr kal ghar me shadi hai.... Use Bina Sultaan ke Shadi....
Dr Raniya : Ye abhi is haal me nahi hai ki ward ke bahar bhi jaa sake.... Shadi me jaana to bahut dur ki baat hai....
Sdada : Wo to theek hai magar Sultaan ke bagair Shadi kaise hogi....
Dr Raniya : Waise iski umar ko dekh ke lagta nahi ki ye dulha hai....? Ya phir hai...?
Sdadi : Ji nahi ye dulha nahi hai.... Dulha to iske mama hain....
Dr Raniya : To phir aap ise Shadi me le jaane ke liye itna kyun pareshan hain....?
Sdadi : Wo baat aisi hai ki ye shadi isi ki wajah se ho rahi hai to hum sab ye chahte the ki ye is Shadi me maujood rahe....
Dr Raniya : Is waqt iski sehat se zyada kuch nahi hai.... Ise is haal me yahan se le jaane se aap sab ko to khushi mil jaayegi.... Magar ise behad takleef hogi.... Sath hi kapde pehen ne se pareshani bhi.... Ab Ye faisla aap ko karna hai ki aap kya chahte hain....? Ise yahan apna ilaaj karwa ke theek hote dekhna chahte hain ya ise apne sath le jaa ke ise aur bhi zyada takleef me dekhna chahte hain....
SDadi : Nahi nahi Dr aisa mat kahiye.... Humare liye Sultaan se zyada kuch zaroori nahi.... Main ise jald se jald theek hote dekhna chahti hoon....
Dr Raniya : To phir aap log jaaiye aur ise araam karne dijiye taaki ye jald se jald theek ho sake....
Ye keh ke Dr Raniya ek baar Sultaan ki taraf dekhti hai phir dusre Patients ko dekhne ke liye wahan se nikal jaati hai....
Sultaan se milne ke baar ek ek kar ke sab bahar jaate hain....
Daddu... Pihu ke Nana aur baaki sab bahar jaa ke Pihu ke mama ke Sasuraal waalon milte hain....
Daddu : Achha Samdhan ji ab kal Shadi me mulakat hogi....
Sdadi : kya....? Matlab aap sab yahin se laut jaayenge....
Daddu : Haan waise hi kaafi der ho gayi hai aur kal Shadi ki taiyaari bhi karni hai.... To ab ijazat dijiye....
Sdadi : Ji theek hai bhai sahab....
Ye keh ke wo sab ke sath jaane lagti hai phir achanak se palat ke aankhon me aansu liye kehti hai....
Sdadi : Bhai Sahab ek baat kehni thi aap se waise aap ke rehte ye kehne ki zaroorat to nahi hai phir bhi bina kahe mere dil ko sukoon bhi nahi aayega....
Daddu : Aap Sultaan ke baare me kehna chahti hain na....
Sdadi : Haan.... Sultaan ka khayaal rakhiyega...
Ye kehte kehte unki aankhen nam ho jaati hain.... Ji dekh SDada unhe sambhalte hain.... Wahin Daddu unki baat sun ke haan me apna sar hila dete hain....
Un sab ke jaane ke baad Daddu baaki sab ke sath under Ward me jaate hain.... Kuch der tak wo sab Sultaan ke sath baaten karte rehte hain.... Phir wahan ek Nurse aa ke unhe jaane ke liye kehti hai.... Taaki Sultaan araam kar sake.... Magar koi bhi Sultaan ko akela chor ke jaane ko taiyaar hi nahi.... Badi mushkil se Sultaan ke samjhane pe wo sab wahan se jaane ko taiyaar hote hain.... Jaane se Pehle Mehek ko Pyar bhara kiss zaroor karti hai.... Sab ke jaane ke kuch der baad Dr Raniya apne sawaalon ke jawaab lene Sultaan ke ward me aati hai to use soya dekh use badi nirasha si hoti hai.... Wo baad me baat kar ne ka soch ke baaki Patients ko dekhne chal deti hai....
Raat ka waqt hai Raniya Sultaan se milne uske Ward ki taraf jaa hi rahi hoti hai ki tabhi ek Nurse aa ke use batati hai ki ek accident case aaya hai.... Patient ki haalat bahut kharaab hai jald se jald uska Operation karna hoga.... Nurse ki baat sun ke Dr Raniya Sultaan se baad me baat kar ne ka soch ke Nurse ke sath foran us Patient ki taraf uska Operation karne chal deti hai....
Idhar Sultaan raat ka khana aur Dawa kha ke bed pe so raha hai tabhi Achanak se room me tez awaaz ke sath tez roshni ho ti hai.... Jis wajah se Sultaan ki aankh khul jaati hai.... Room me phali tez roshni aankhon me padte hi Sultaan ki aankhein band ho jaati hain.... Dheere dheere wo roshni kam ho ne lagti hai aur ek akriti saamne ubharti hai.... Phir sunayi deti hai ek man mohne waali awaaz jise sun ke Sultaan apni aankhen khol ke dekhta hai....
Sultaaaaaaaaaaaaaaaan....
Saamne ek behad hi haseen aur khoobsurat ladki ko dekh ke Sultaan bas use dekhta hi reh jaata hai.... Wo itni haseen aur khoobsurat hai ki Sultaan ki aankhen us se hat hi nahi rahi.... Wo ek tak bas use hi dekhe jaa raha hai.... Sultaan ko apni taraf yun gaur se dekhta paa ke use behad khushi hoti hai sath hi sharm ke maare uske gaal laal ho jaate hain....
Aakhir aaj jaa ke meri khoj khatam hui aur tum mujhe mil gaye.... Tumhe pata hai main pichle kayi saalon se tumhe dhoondh rahi thi.... Tumhe maine kahan kahan nahi dhoondha aur tum ho ki yahan ho.... Waise Aaj bhi tumhari aankhon me wo hi kashish hai jo mujhe madhosh kar diya karti thi....
Sultaan ghabrate hue : T.... T.... Tum ka...un ho....
Tumhari jis awaaz ko sun ke liye main jaane kab se tadap rahi thi use sun ke dil ko sukoon aa gaya.... Aur ye kya poocha tum ne.... Tum mujhe nahi jaante....? Apni Olivia ko nahi jaante.... Haan batao mujhe.... Haan....
Sultaan : Nahi.... Maine tumhe pehle kabhi nahi dekha....
Olivia: kya.... Tum mujhe bhool gaye.... Mujhe.... Apni Olivia ko....
Sultaan : Main sach keh raha hoon.... Main tumhe nahi jaanta.... Aaj pehli baar tumhe dekh raha hoon....
Sultaan ki baat sun ke Olivia rone lagti hai..... Wo baar baar ek hi baat dohraaye jaa rahi hai ki.... Mera Sultaan mujhe bhool gaya.... Sath hi roye bhi jaa rahi hai....
Olivia ko yun rote dekh Sultaan ko jaane kyun takleef si hoti hai use achha nahi lagta uska dil tadap jaata hai.... Wo Olivia ko chup karane ki bahut koshish karta hai magar Olivia chup hone ka naam hi nahi le rahi hai.... Sultaan ko samajh hi nahi aa raha hai ki wo Olivia ko kaise chup karaye....?
Olivia rote hue : Dekha tumne kaida Sultaan apni Olivia ko bhool gaya ise kuch bhi yaad nahi....
Olivia ki baat sun ke Sultaan ko badi hairaani si hoti hai.... Wo charo taraf dekhta hai use koi nazar nahi aa raha hai.... Phir Olivia kis se baat kar rahi hai.... Sultaan abhi ye soch hi raha tha ki tabhi Olivia ke peeche se ek chota sa Dragon apna sar bahar nikaal ke Sultaan ko dekhta hai.... Phir dheere dheere wo Sultaan ki taraf badhne lagta hai.... Wo 6 inch ka Gulabi Dragon behad hi cute lag raha hai... Wo dheere dheere badhte hue Sultaan ke behad kareeb pahunch jaata hai.... Us Nanhe se Dragon ko dekh ke Sultaan shock ho jaata hai.... Use samajh nahi aa raha hai ki ye asli hai ya phir ek khilona.... Sultaan ko wo Dragon behad hi khoobsurat aur Pyara lagta hai.... Sultaan use foran apne hathon me utha ke use paas se dekhne lagta hai.....
Jaise hi Sultaan use chhuta hai dono ko ek jhatka sa lagta hai.... Kaida ke jism se Gulabi roshni nikal ke un dono ke jism ke ird gird ghoomne lagti hai.... Dekhte hi dekhte uski speed badhne lagti hai sath hi uska rang bhi Gulabi se badal ke laal hone lagta hai.... Aur phir wo roshni Sultaan aur kaida ke jism me samane lagti hai.... Us roshni ke Sultaan ke jism me samate hi Sultaan ko kuch nazar aane lagta hai.... Flashback jaisa kuch.... Magar ye sab hai kya....? Use aisi aisi cheezen dikhayi de rahi hai jis pe yakeen kar paana uske liye namumkin hai....
Wo khud ko Safed libaas pehne hath me Sunehre rang ki behad hi khoobsurat talwaar liye Jung ke maidan me khada paata hai.... Saamne ka nazara dekh ke uske hosh udd se jaate hain.... Yahan jung insaano ke bech nahi balki Shaitaano aur Dragon ke beech ho rahi hai... Ek taraf Shataano ki sena hai to dusri taraf Dragon sena.... Shaitaaon ka netritva behad hi khaufnaak 3 sar waala shaitaan kar raha hai.... Wahin White Dragon ki sena ke sath ek behad hi khoobsurat white Dragon khadi hai.... jiska aadha nichla jism Dragon ka hai aur aadha uperi jism ek behad hi haseen ladki ka.... Wo itni khoobsurat hai ki jo bhi use ek baar dekh le wo uske husn ko dekh khud ko madhosh hone se rok nahi sakta....
Sultaan bhi dur khade ek tak use hi dekh raha hai.... Jung shuru ho chuki hai Shaitaan apni kaali Powers se Dragon pe hamla kar rahe hain.... White Dragon bhi poore josh me apne muh se Aag ugalte hue unka dat ke mukaabla kar rahe hain.... Shaitaano ki kaali Powers aur Dragon ki Fire Powers ke aapas me takraane ki wajah se har taraf dhamake ho rahe hain... Isme Shaitaano ke sath sath dragons bhi ghayal ho rahe hain.... kabhi Dragon Shaitaano pe bhaari pad rahe hain to kabhi Shaitan.... Chaaro taraf ka nazara behad hi khaufnaak bana hua hai.... Dheere dheere Shaitaan sena Dragon sena pe haavi hone lagti hai.... 4 se 5 vishakaaye Shaitaan White Dragon Girl ko chaaro or se gher ke uspe humla karne lagte hain.... White Dragon Girl dat ke unka mukabla kar rahi hai.... Magar wo 5 hain aur ye akeli.... Unke praharon se wo buri tarha ghaayal hone lagti hai.... Ab usme itni takat nahi ki wo un Shaitaano ka saamna kar sake.... Uske jism ke kaafi hisse se khoon beh raha hai.... Us se theek se khada bhi nahi hua jaa raha hai.... Uske pair ladkhada rahe hai.... Wo zyada der tak khadi nahi reh paati.... ladkhada ke gir jaati hai.... Magar phir bhi is haal me bhi wo haar maan ne ko taiyaar nahi....
Shaitan : Agar zinda rehna chahti hai to haar maan le aur humare Raja ki gulami Qubool kar....
White Dragon Ladki : Nahi kabhi nahi main marna pasand karungi magar Shaitaan ki gulami nahi.... Kabhi nahi....
Shaitan : To theek hai agar tu marna hi chahti hai to mar.... Tujhe maar ke main bata nahi sakta mujhe kitni khushi ho gi.... Tujhe maarne ke baad main teri Judwa behen ko maarunga aur phir ye Dragon Planet mera ho jaayega.... Mera.... Hahahahahahahahaha.... Mera.... Hahahahahahahahaha....
Ye keh ke wo shaitaani hansi hasne lagta hai.... Phir aage badh ke wo apni kaali jaaduyi talwaar se us Dragon Girl pe waar kar deta hai.... Is se pehle ki uski talwaar Dragon Girl ko lagti kisi ki awaaz sun ke uske hath wahin ruk jaate hain.... Aur wo gusse me apna Sar utha ke dekhta hai....
Sultaan : Ruk jaao.... Ise ab agar ek kharoch bhi aayi to tum me se koi zinda nahi bachega.... Tumhe aisi maut maarunga ki tumhara hashar dekh ke maut bhi kaamp uthegi....
Shaitaan : kaun hai tu....? Aur teri himmat kaise hui mujhe... Shaitaan ke Senapati ko dhamki dene ki....?
Sultaan Dragon Girl ke aage dhaal ban ke khada ho jaata hai.... Wo Dragon Girl hairat se Sultaan ki taraf dekhe jaa rahi hai.... Use Sirf Sultaan ki peeth nazar aa rahi hai.... Use samajh nahi aa raha hai ki ye kaun hai jo uski jaan bachane ke liye Shaitaano ke saamne khada hai....
Sultaan : Mere rehte ise koi hath bhi nahi laga sakta.... Ise jaan se maarna to bahut dur ki baat hai....
Shaitaan : Bahut bol chuka tu ab dekh main kaise teri jaan nikaalta hoon.... Phele main tujhe maarunga phir is Dragon Girl ko.....
Ye keh ke Shaitaan kaale jaadu ka Waar Sultaan pe karta hai.... Jise Sultaan apni Sunehri Talwaar se badi asaani se rok leta hai.... Jaise hi sab ki nazar Sunehri talwaar pe padti hai.... Wahan maujood sabhi ke muh se ek hi naam nikalta hai....
Sultaan - Prince of Universe....
Ye jaan ke ki Sultaan - Prince of Universe.... Uski jaan bachane Khud aaye hain.... Khushi ke maare White Dragon Girl ki aankhen nam ho jaati hain.... Wo pyar se Sultaan ko dekhne lagti hai....
Wahin ye Jaan ke ki unke saamne is waqt jo khada hai wo Prince of Universe hai.... Shaitaan dar se kaampne lagte hain.... Jiske Saamne khade hone se khud Shaitaan ka Raja bhi darta hai us se ladna inke liye mushkil hi nahi balki namumkin si baat hai..... Sultaan pe waar karna to dur ye use chu bhi nahi sakte.... Aaj to inki maut pakki hai.... Ab inhe koi nahi bacha sakta.... Dar ke maare wo wahan se bhaagne hi waale hote hain ki tabhi Sultaan apni Sunehri Talwaar se un Shaitaano pe ek zordaar waar karta hai.... Uske ek hi waar se un paancho Shaitaano ka jism 2 tukdon me cut ke zameen pe girta hai.... Apne Senapati aur uske sath baaki 4 Shaitaano ko marte dekh Shaitaano ki sena me bhagdar mach jaati hai.... Wo sab apni jaan bacha ke wahan se bhaagne lagte hain.... Ye dekh White Dragon Sena khush ho jaati hai.... Theek tabhi Sultaan apni Talwaar ko Shaitaano ki sena ki taraf ghuma ke hawa me waar karta hai.... Sultaan ki Sunehri Talwaar se choti choti Talwaar numa Sunehri rays nikal ke jung ke maidaan me maujood sabhi Shaitaano ke jism se takra ke unhe jalane lagti hai.... Dekhte hi dekhte wahan maujood saare Shaitaan jal ke raakh ho jaate hain.... Yahan tak ki is jagah se unka namonishan tak mit jaata hai.... Yahan bas bach jaate hain to ghayal White Dragon Girl aur uske Sainik.... Unki haalat dekh ke Sultaan se raha nahi jaata.... Wo apni aankhen band kar ke kuch padta hai phir apna hath charo taraf ghumane lagta hai.... Uske hath se white Roshni nikal ke wahan maujood Sabhi ghayal Dragons pe padte hai.... Dekhte hi dekhte unke zakhm theek hone lagte hain aur wo pehle jaise swasth ho jaate hain.... Dragon Girl ke bhi saare ghaav theek ho jaate hain.... Us sab ko dekh ke aisa lag hi nahi raha hai jaise ki abhi kuch der pehle yahan ek bhayanak jung hui thi jisme ye sab buri tarha se ghayal hue the....
Dragon Girl aur uske Sainik Sultaan ke aage jhuk jaate hain.... Sultaan hath me apni Sunehri Talwaar liye khada hai.... Achanak se Sultaan ko mehsus hota hai ki uske kandhe pe kuch hai.... Jaise hi wo apne kandhe ki taraf dekhta hai use ek jhatka sa lagta hai.... Uske kandhe pe Cuta sa Gulabi rang ka Chota sa Dragon baitha hua hai.... Wo pyar bhari nazron se Sultaan ko dekhe jaa raha hai....
Is se pehle ki Sultaan kuch kehta kisi ke rone ki awaaz sun ke wo hosh me aata hai....
Flashback Ends.....
Sultaan khud ko wapis ward me khada paata hai uske saamne Olivia roye jaa rahi hai....
Sultaan : T...T... Tum to wo hi Dragon Girl ho aur ye wohi Dragon hai jo wahan Jung ke maidaan me tha....
Olivia : Matlab tumhe sab yaad aa gaya....
Sultaan : Sab yaad aa gaya se kya matlab hai tumhara....? Aur jo bhi kuch maine dekha wo kya tha....? Sach ya Phir ek sapna....? Wo sapna hi hoga.... Sach to ho nahi sakta....
Olivia : Wo sapna nahi balki Sach tha bilkul sach.... Jo kayi saal pehle hua tha....
Sultaan : Ye kaise mumkin hai....?
Olivia : Sab mumkin hai.... Kyun ki ye sab jo bhi kuch hua tha wo humare is janam me nahi balki pichle janam me hua tha....
Sultaan : Pichla Janam.... Matlab kuch bhi.... Tum kuch bhi kahogi main use maan lunga....
Olivia Sultaan ki aankhon me dekhte hue poore vishwaas se kehti hai.....
Olivia : Haan maan lo kyun ki maine jo kaha aur tumne abhi jo dekha wo sab sach tha....
Uski aankhon me Vishwaas dekh ke Sultaan uski baat maan jaata hai.... Use is baat ka ehsaas hota hai ki Olivia sach keh rahi hai....
Sultaan : Magar ye kaise mumkin hai....? Wo jo bhi kuch tha aakhir wo kya aur kyun tha.... Kya wo main tha....?
Olivia : Haan wo tum hi the.... Sultaan - Prince of Universe....
Sultaan : Magar kaise....?
Olivia : Mujhe bhi is ke baare me zyada kuch nahi pata.... Magar jald hi hum ko sab pata chal jaayega....
Sultaan : Chalo theek hai tum kehti ho to maan leta hoon.... Jaane kyun dil tumhari baat se inkaar nahi kar paa raha hai.... Waise ye wohi Dragon hai na jo jung ke maidaan me tha....?
Kaida Sultaan ki baat sun ke Chid jaati hai....
Kaida : Main tha nahi thi hoon.... Mera matlab hai main ladki hoon.... Ek maada Dragon.... Tum mujhe tha kaise keh sakte ho....? Mera naam Kaida hai Samjhe....
Sultaan : Ab mujhe thode hi pata hai ki tum nar ho ya maada.... Life me pehli baar main kisi Dragon ko dekh raha hoon.... Waise tum ho bahut cute.... Choti si pyari si sweet si.... Bilkul Gulabi si Cute Doll ki tarha.... Dil kar raha hai ki tumhe kiss kar loon....
Ye keh ke Sultaan use apne hath me utha ke use kiss kar deta hai....
Phele to kaida Sultaan ki is harkat pe hairaan ho jaati hai.... Magar phir kiss ko yaad kar ke Sharmaane lagti hai... Us ka poora jism Gulabi se Laal ho jaata hai....
Wahin Sultaan ko yun kaida ko kiss karte dekh Olivia ko behad jalan si hone lagti hai....
Olivia Sultaan ke kareeb jaa ke us se kehti hai....
Olivia : Mujhe kiss karo....
Sultaan : kya....? Kya kaha tumne....?
Olivia : Maine kaha mujhe kiss karo....
Sultaan : Tum hosh me to ho.... Tumhe pata bhi hai ki tum kya karne ko keh rahi....
Abhi Sultaan itna hi keh paaya tha ki tabhi wo khamosh ho jaata hai.... Olivia aage badh ke uske honthon ko apne muh me le ke use choosne lagti hai.... Sultaan use khud se alag karne ki koshish karta hai magar wo us se alag nahi hoti.... Wo uske chahre ko mazbooti se pakad ke use kiss kiye jaa rahi hai.... Kuch der baad jab uski jalan thodi kam hoti hai tab wo us se alag hoti hai....
Sultaan hairat se bas use dekhe jaa raha hai.....
Sultaan : Ye kya tha....?
Olivia sharmate hue : kissssssssss....
Sultaan : Kya tum aise hi kisi ko bhi kiss karti ho....?
Olivia : Kisi ko nahi balki Sirf aur Sirf apne Sultaan ko.... Jise main pichle janam se chahti aa rahi hoon.... Pichle janam me hum ne bahut baar kiss kiya hai.... Magar is janam ka ye mera Pehle kiss hai jo maine apne Sultaan ko kiya hai....
Sultaan us se kuch poochne hi waala hota hai ki tabhi Peeche se ward ka darwaza khulta hai.... Sultaan peeche palat ke dekhta hai....
Sultaan : Itni raat gaye aap yahan kya kar rahi hain.....?
Dr Raniya : Main to tumhe dekhne aayi thi.... Waise tum itni raat tak kyun jaag rahe ho....? Bed pe araam karne ke bajaye yahan room ke beech me khade kya kar rahe ho....?
Sultaan : Main akela kahan hoon.... Ye hai na mere sath....
Ye keh ke wo jaise hi peeche khadi Olivia ki taraf ishara karta hai.... Wahan use na paa ke wo hairaan ho jaata hai....
Sultaan man me : Ye Achanak se Olivia aur Kaida kahan gayab ho gaye....? Kahin ye mera wehem to nahi.... Kya wo sach me yahan maujood the... Ya phir maine koi sapna dekha tha....? Nahi ye Sapna nahi ho sakta.... Wo dono yakeenan yahin the.... Magar achanak se wo kahan aur kyun chale gaye....?
Sultaan abhi ye soch hi raha tha ki tabhi Dr Raniya ki awaaz sun ke palat ke uski taraf dekhta hai....
Dr Raniya : kuan hai....? Tum kis ki baat kar rahe ho....? Yahan to koi bhi nazar nahi aa raha hai....
Sultaan : Wo main wo....
Dr Raniya : Pehle tum chal ke bed pe let jaao.....
Ye keh ke Raniya Sultaan ka hath pakad ke use bed pe le jaa ke leta deti hai.... Phir uske paas baith ke use dekhne lagti hai....
Sultaan : Kya hua....? Aao mujhe aise kyun dekh rahi hain....?
Dr Raniya : Dekh nahi rahi balki soch rahi hoon.... Tum ne kal jo kaha tha wo kya tha....?
Sultaan : Matlab.... Aap kis baare me baat kar rahi hain....?
Dr Raniya : kal tumne kaha tha ki Hospital ko Renovate karne me 50 se 100 Crore Rupaye lagenge....
Sultaan : Haan sahi kaha tha....
Dr Raniya : Aur tumne ye bhi kaha tha ki wo paise bhi aayenge aur Hospital ka renovation bhi hoga....
Sultaan : Haan kaha tha to....!!!
Dr Raniya : Jaisa ki tumne khud bataya ki tum ek College student ho.... To ek College student itne paison ka intezaam kaise kar sakta hai....?
Sultaan : Sahi kaha aapne ek College student itne paison ka intezaam nahi kar sakta hai.... Magar Sk Group of Companies to kar sakti hai na....
Dr Raniya : Sk Group....!!!! Magar wo is Hospital ko Renovate karne ke liye paise kyun denge.... 100 Crore koi mamooli rakam nahi hoti.... Bina fayede ke wo itne paise kyun kharch karenge....
Sultaan : Har kaam sirf fayede aur nuksaan ke liye nahi kiya jaata.... Waise aap ki baat bhi galat nahi hai.... Bina fayede ke koi itna badi rakam aise hi to nahi de dega....
Dr Raniya : Wo hi to main keh rahi hoon....
Sultaan : Haan magar agar isme unka bhi fayeda ho tab to wo paise lagayenge.... Hai ki nahi....
Dr Raniya : Haan phir to wo Paise lagane ke baare me ek baar to zaroor sochenge.... Magar phir bhi yahan ek chote se sheher ke Hospital se wo kitna Profit kama lenge.... Jitna Profit unhe is hospital se 1 Saal me milega us se kayi zyada to wo kisi Bade Sheher ke Hospital me ek mahine me kama lenge....
Sultaan : Maana ki aapki baat sahi hai ki ek bade Sheher ke badle unhe yahan Profit kaafi kam hoga.... Itna hi nahi balki deri se bhi hoga.... Magar....
Dr Raniya : ......!!!!
Sultaan : Haan.... Magar.... Ho sakta hai ki unhe ye baat yaani late Profit bhi manzoor ho jaaye....
Dr Raniya : Ji nahi mujhe nahi lagta ki aisa kabhi hoga.... Koi bhi samajhdaar Businessman aisi jagah paise nahi lagayega jahan se use Profit ke bajaye nuksaan ho.... Kyun ki Profit ka late milna bhi ek tarha se nuksaan hi hai....
Sultaan : Haan ye baat to sahi kahi aap ne magar.....
Dr Raniya : ......!!!!
Sultaan : Magar ye ki har insaan har jagah aur har baar sirf profit ke liye hi paise nahi lagata balki kabhi kabhi wo kisi achhe kaam ke liye bhi paise lagata hai.... Jahan use bhale hi Profit na mile magar logon ki madat karne ka mauka zaroor mil sakta hai....
Dr Raniya : Tum jo keh rahe ho wo baat kehne tak ke liye theek hai magar aisa hakeekat me hota nahi hai.... Jiske paas jitni daulat hoti hai wo utna hi Ghamandi aur Paise ke nashe me choor rehta hai..... Wo kabhi apna paisa bina kisi fayede ke kisi ko nahi deta.... Haan choti moti rakam daan me dena to theek hai magar 100 Crore kaafi badi rakam hoti hai.... Use aisa hi bina fayede ke.... Nahi mumkin hi nahi....
Sultaan : Aap ne jo kaha wo sahi hai magar maine jo kaha wo bhi galat nahi hai.... Mujhe yakeen hai ki Sk Group zaroor is Hospital ko Renovate karne ke liye apne paise lagayenge.... Bas main aap se ye jaan na chahta hoon ki kya aap is kaam me unka sath dengi....
Dr Raniya : Sath Matlab....
Sultaan : Matlab ye ki Aap ke aur Sk Group ke beech ek Aggreement banaya jaayega.... Jisme ye likha hoga ki is Hospital ko Renovate karne me jitna bhi kharcha hoga wo Sk Group karegi.... jiske badle me aap ko Sk Group ko Is Hospital me 50 - 50 ki partnership deni hogi....
Sultaan ki baat sun ke Dr Raniya Shock ho jaati hain.... Unse kuch bola hi nahi jaa raha hai wo hairat se bas Sultaan ko dekhe jaa rahi hai.... Unhe kuch na kehte dekh Sultaan unse ek baar phir se poochta hai....
Sultaan : Raano aapne meri baat ka jawaab nahi diya....
Dr Raniya : Jo bhi tumne abhi kaha kya wo sach hai....? Kya wakayi me Sk Group is Hospital ko Renovate karne ke liye 100 Crore Rupaye lagayenge....
Sultaan : Haan....
Dr Raniya : Aur agar aisa nahi hua to....?
Sultaan : Jo bhi maine kaha wo zaroor hoga.... Lekin agar phir bhi agar aisa nahi hua to aap mujhe jo saza dena chahe wo mujhe manzoor hogi.... lekin jaisa maine Agar waisa ho gaya to....?
Dr Raniya : To jo tum kahoge wo main karungi.... Tumhari har baat maanugi....
Sultaan apna hath aage badha ke kehta hai.....
Sultaan : Waada karti hain....
Dr Raniya uske patti bandhe hathon pe halke se apna hath rakh us se waada kar deti hai.....
Dr Raniya : Magar is sab se pehle ek baar mujhe Baba se baat karni hogi.... Unke haan kehne pe hi main bhi haan keh paaungi....
Sultaan : Mujhe yakeen hai ki aap ka aur aapke baba ka jawaab haan hi hoga... Phir bhi mujhe aap ki haan ka intezaar rahega....
Ye kehte hi Sultaan ke hothon pe Pyari si muskaan aa jaati hai.... Jise dekh ke Dr Raniya usme kho si jaati hai....
Agli Subah Pihu ke Nanihaal me sab udaas man se taiyaar hone lagte hain.... Jiski wajah se ye Shadi ho rahi hai wo hi is Shadi me maujood nahi hai ye dekh Sab ko bura lag raha hai.... Magar wo kar bhi kya sakte hain.... Unke hath me kuch nahi hai.... Daddu ke samjhane pe sab apni udasi ko mita ke uski jagah honthon pe muskaan liye Baraat le ke chal dete hain....
Gulab Singh ki khushi dekhte hi ban rahi thi.... Usne jis se pyar kiya us se uski Shadi jo ho rahi hai.... Dhol baaje gaaje nachte gaate Baratiyon ke sath baraat wahan pahunch ti hai.... Sab mil ke ladke waalon ke sath sath baratiyon ka swagat karte hain.... Kuch hi der me Pandit ji ke kehne pe Dulhe aur Dulhan ko mandap me laaya jaata hai.... Pandit ji mantra padhne lagte hain.... apni beti ki Shadi hote dekh kalki ki khushi sambhale nahi sambhal rahi hai.... Is waqt wo itni khush hai ki uski khushi dekhte hi ban rahi hai.... Wo khush bhi kyun na ho uski beti itne bade ghar aur khushaaal parivaar me bahu ban ke jo jaa rahi hai.... Ek ek kar ke saari vidhiyon ke sath Vivah Sampan hota hai....
Phir baratiyon ke khane ke baad baari aati hai Dulhan ki bidayi ki.... Lekin tabhi....
