Nafrat ya phir Diwaangi.... (Incest Love Story)
Update 40
"Waapsi"
Sweety kuch kehne hi waali hoti hai ki tabhi ek jhannatedaar thappad ki goonj sunayi deti hai....
Chataaaaaaaaaaaaakkkkkk....
Sdadi behad gusse me Sukanya ko thappad maarne me baad ghoorte hue kehti hai....
Sdadi : Jisne apni jaan pe khel ke teri beti ki ek nahi balki 2 baar jaan bachayi tu ne usi pe ilzaam lagaya.... Use Jhoota aur na jaane kya kya kaha.... Bata mujhe jawaab de.... Kya galti thi us masoom ki yahi ki usne hum ko apna samajh ke hamari madat ki.... Aur tu hai ki tu ne uske sath aisa salook kiya jo koi kisi dushman ke sath bhi na kare.... Bata mujhe kyun kiya tu ne aisa....?
Sukanya : W.... Wo... Wo... Maine jaan ke nahi kiya.... Us waqt jo mujhe sahi laga wo kiya.... Bina saboot ke main ye kaise maan leti ki apne jis ladle bhateje ko main bachpan se jaanti hoon wo aisa kar sakta hai.... Aur phir jab saboot saamne aaye to....
Ye keh ke wo khamosh si ho jaati hai.... Uski baat sun ke Sdadi ke sath khade aur bhi log use jaane kya kya sunane lag jaate hain.... Wo khamoshi se apna sar jhukaye sab ki baaten sun rahi hai....
Apni maa ko is tarha sab ke saamne sharminda hote dekh Roopa ko bahut bura lag raha hai.... Wo chah ke bhi use rok nahi paa rahi hai.... Kyun ki yahan saari galti uski maa ki hi hai..... Aisa pehli baar ho raha hai ki sab ke sath sath wo bhi apni maa ko galat hi maan rahi hai.... Ab galti ki hai to use galat kehna bhi galat nahi hai....
Idhar Sukanya khadi khadi pachtave ke aansu baha rahi thi ki tabhi uski nazar apni beti Roopa pe padti hai.... uske Sar aur Chehre pe lage khoon ko dekh wo behad ghabra jaati hai.... Uske muh se cheekh nikal jaati hai.....
Rooooopaaaaaaaaaaa.....
Wo foran daur ke apni beti ke paas jaati hai.... Aur rote hue use apne seene se laga ke kehti hai....
Sukanya : Ye meri beti ke sath kya ho gaya.....? Kitna khoon nikal raha hai tere sar se.... Koi Dr ko bulao jaldi.... Koi sun raha hai jaldi se Dr ko bulao....
Sukanya baar baar ek hi baat dohraye jaa rahi hai.... Wahin Roopa use samjhane ki bahut koshish karti hai ki use kuch nahi hua.... Magar Sukanya uski baat sun hi nahi rahi bas rote hue ek hi baat baar baar dohraaye jaa rahi hai.... Koi Dr ko bulao jaldi....
Sukanya ki baat sun ke sab daur ke uske paas jaate hain.... Roopa ke sar aur chehre pe lage khoon ko dekh ke wo bhi behad ghabra jaate hain....
SDada : Vinay dekh kya raha hai jaldi se gadi nikaal Roopa ko hospital le jaana hoga.... Is se pehle ki kuch galat ho jaaye....
Apne baba ki baat sun ke Vinay gadi nikaalne ke liye jaane hi waale hote hain ki tabhi Roopa unhe rok deti hai....
Roopa : Baba ruk jaaiye.... Gadi nikal ne ki zaroorat nahi hai... Aur na hi hospital jaane ki zaroorat hai....
Sdada : Ye tu kya keh rahi hai meri bachhi.... Tere sar se khoon nikal raha hai... Tujhe jald se jald hospital chal ke apna ilaaj karna chahiye aur tu hai ki aisa karne se mana kar rahi hai....
Roopa : Haan kyun ki mujhe kuch nahi hua.... Main bilkul theek hoon...
Sukanya : Tere sar se khoon nikal raha hai aur tu keh rahi hai ki tu theek hai...!!!!
Roopa : Haan main theek hoon.... Mujhe kuch nahi hua.... Rahi baat khoon ki to ye khoon mera nahi balki Sultaan ka hai.... Wo gunda jab chaaku se mujhpe waar kar ke mujhe jaan se maarne waala tha tab Sultaan me beech me aa ke us chaku ko pakad liya tha jis se uska hath buri tarha se cut gaya.... Gunde ka dhakka lagne ki wajah se main Sultaan ke paas zameen pe gir gayi.... Theek usi waqt Sultaan ke zakhmi hath se behta khoon mere sar aur chehre pe girne laga.... Ye wohi khoon hai....
Roopa ki baat sun ke Sab Shock ho jaate hain.... Sath hi unki aankhen bhi nam ho jaati hain....
Sdadi ki aankhon se to aansu behna ruk hi nahi rahe hain.... wo behad gusse me Sukanya ko ek baar phir se jali kati sunane lag jaati hai phir kuch der baad kuch soch ke wo Sweety ki taraf dekh use apne kareeb bula ke us se kehti hai...
Sdadi : Jab bhi meri koi cheez kho jaaya karti thi.... Ya mujh se dur ho jaati thi... Use tu hi dhoondh ke mere paas laati thi... Laati thi na.... Haan bol...
Dadi ki baat sun ke Sweety haan me apna sar hila deti hai....
Sdadi : Pehle ki tarha aaj bhi meri sab se keemti cheez mujhse dur chali gayi hai... Use mere paas le aa.... Use tu hi laa sakti hai sirf tu.... Aur koi nahi.... Bol layegi na meri khaas cheez ko.... Bol na.... Apni dadi ke liye itna nahi karegi....
Sweety hairat se apni dadi ko dekhne lagti hai... Use samajh hi nahi aa raha hai aakhir Dadi kis cheez ki baat kar rahi hai wo use kya laane ko keh rahi hai.... Magar jo bhi ho wo dono hi cheez nahi kar pa rahi hai.... Dono hi cheezen use takleef pahuncha rahi hai.... Apni dadi ko yun rote tadapte dekh sab ke sath sath uski bhi aankhen nam hai... Apni dadi ko yun tadap ke rote hue wo nahi dekh paa rahi hai.... Wo Dadi ko apne seene se laga ke unhe chup karwate hue haan kehti hai....
Dadi : Nahi aise nahi.... Waada kar mujh se ki chahe jo ho jaaye... Tu use sache dil se mana ke mere paas le ke aayegi.... Waada kar....
Ye keh ke Dadi apna hath uski taraf badhati hai.... Sweety bina poori baat samjhe unka hath tham ke unse waada kar deti hai....
Sweety : Dadi main waada karti hoon... Chahe mujhe kuch bhi kyun na karna pade main aap ki wo khoyi cheez aap ke paas wapas le aaungi...
Sweety ki baat sun ke Dadi khushi se apne seene se lagate hue kehti hai....
Sdadi : Suna ji aap ne meri poti ne kya kaha.... Usne mujhse waada kiya hai wo Sultaan ko mana ke mere paas le aayegi....
Dadi ke muh se Sultaan ka naam sun ke Sweety Shock ho jaati hai.... Use ab jaa ke ye ehsaas hota hai ki Dadi se usne kya waada kar diya hai.... Jis Sultaan se wo dur jaana chah rahi thi kismat ne use phir se uske kareeb jaane pe majboor kar diya hai.... Waada kiya hai to use nibhana to padega hi... Ye Sweety ki buri aadat samjho ya phir achhi aadat... Wo ek baar jo waada kar deti hai use poora kar ke hi rehti hai.... Chahe iske liye use kuch bhi kyun na karna pade....
Sweety man me : Ye maine kya kar diya... Ye kaisa waada kar diya Dadi se.... Jis Sultaan se main dur rehna chah rahi thi ab Dadi ke liye mujhe khud uske paas jaana hoga... Itna hi nahi use mana ke Dadi ke paas laana hoga... Ye uper waala bhi na jaane mere sath kya khel khel raha hai... Usne mujhe us raste pe khada kar diya hai jispe main nahi chalna chahti... Kyun ki mera rasta to alag hai....
Sweety aur uski Dadi ki baaten sun ke Saba ke honthon pe Shaitani muskaan aa jaati hai.... Wo Sweety ke kareeb jaa ke dheere se us se kehti hai....
Saba : Sahi kaha tha maine teri Shadi Sultaan ke sath hote hi tum dono ek dusre ke sath is tarha jud gaye ho ki ab chah ke bhi kabhi alag nahi ho sakte.... Uper waala tum dono ko kabhi alag nahi hone dega..... Sweety tu chahe kitni bhi koshish kyun na kar le tujhe Sultaan ke paas jaana hi hoga.... Use dil se apnana hi hoga.... Tere liye Jitni chahat maine Sultaan ki aankhon me dekhi hai utni hi chahat Sultaan ke liye tere aankhon me bhi nazar aati hai... Tu bhi use behad chahne lagi hai.... Bas is baat ko is waqt tu maan ne ko taiyaar hi nahi....
Sweety : Aisa kuch nahi hai....
Saba : Achha agar aisa kuch nahi hai to phir tu hi bata mujhe ki kyun poore ghar waalon ke hote hue bhi Dadi ne sirf tujhe hi Sultaan ko mana ke laane ko kaha....? Kyun Dadi ne is baat ke liye tujhse waada liya....? Tu jo bina soche samjhe koi kaam nahi karti.... Kuch bhi karne se pehle 100 baar sochti hai.... Kyun tu ne bina soche samjhe Dadi se waada kar diya....? Kyun....? Bata mujhe....
Sweety : Wo... Wo.... Wo.... To us waqt mujhe dadi ka rona dekha nahi jaa raha tha to is liye unhe chup karane ke liye main haan keh diya sath hi waada bhi.... Ab mujhe thode hi pata tha ki Dadi mujhse kis baat ka waada le rahi hai....
Saba : Ye sab us uper waale ne kiya hai.... Wo bhi nahi chahta ki tum dono ek dusre se alag ho.... Tu chahe na chahe ab to wo khud tum dono ko ek kar ke hi rahega.... Aur is ki Shuruwat Tera waade se ho chuki hai.... Sultaan se tu jitna dur bhagne ki koshish kar uper waala tujhe utna hi uske kareeb le jaayega.... Wo tum dono ko ek kar ke hi rahega.... Jald hi tum dono sath hoge.... Dekh lena....
Sweety Saba ki baat ka kya jawaab de use samajh hi nahi aa raha hai wo bas khamosh khadi use dekhti reh jaati hai....
Idhar Mehek car ko tezi se Hospital ki taraf dauda rahi hai taaki jald se jald hospital pahunch ke uska ilaaj ho sake.... Abhi wo hospital ke kareeb pahunche hi the ki tabhi Sultaan ki baat sun ke sab hairat se use dekhne lagte hain....
Sultaan : Sweety Car apne ghar ki taraf le chalo.... Mujhe ghar jaana hai.... Yahan mera dum ghut raha hai.... Mujhe jald se jald waapis jaana hai.... Main ek pal bhi aur yahan nahi rukna chahta.....
Daddu : Ye tu kya keh raha hai....?
Sultaan : Wo hi jo sach hai.... Yahan har koi jise main apna samajhne laga tha wo hi mujhe begana maanta hai.... Koi mujhe nahi chahta.... Aap chahe kitna bhi kar lo magar hamesha kam pad hi jaata hai.... Jaante hain kyun.....? Kyun ki jo begana hota hai wo kitni bhi koshish kar le wo chah ke bhi apna nahi ban paata.... Aur main ab aise jhoote rishton se tang aa gaya hoon.... Gutan si ho rahi hai mujhe yahan... Main jald se jald yahan se jaana chahta hoon.... Mere apno ke paas....
Daddu ke sath baaki sab bhi Sultaan ke maujooda halaat ko samajhte hue uski baat maan lete hain.....
Bhuban Mama : Baba main Sultaan ka ilaaj karwata hoon tab tak aap sab Pihu ke Nana ke yahan se humara samaan le aaiye....
Mehek aur Pihu Sultaan ko yun chor ke jaana nahi chahti magar Daddu aur Bhuvan mama ke samjhane pe wo chali jaati hain.....
Bhuvan : Dr jaldi se iska ilaaj kijiye....
Bhuvan ki baat sun ke sath hi Sultaan ke hathon se behte khoon ke dekh Dr Raniya Chonk jaati hai.... Sath hi gusse se use dekhte hue apne pan aur fikr ke sath kehti hai....
Dr Raniya : Ye kya hau....? Kaise ho gaya....?
Bhuvan Mama use poori baat batate hain jise sun ke Dr Raniya ke chehre ke bhav badalne lagte hain.... Wo gusse se Sultaan ki taraf dekh ke kehti hai....
Dr Raniya : Tum bhi na....kya zaroorat thi ye sab karne ki.... Tumhara hath abhi poori tarha se theek bhi nahi hue the ki tumne phir se apna hath zakhmi kar liya....
Aur na jaane use kya kya sunane lag jaati hai.... Sultaan aur Bhuvan hairat se use dekhte hue uski baaten sun rahe hain.... Dono ko hi ye samajh nahi aa raha hai ki aakhir Dr Raniya ko Achanak se kya hua.... Wo Sultaan se itna naraaz kyun ho gayi....? Is se pehle ki wo us se kuch poochte Dr Raniya Sultaan ko ward me le jaate hue kehti hai.....
Dr Raniya : Chalo Pehle tumhara ilaaj karti hoon phir tumhari khabar lungi...
Sultaan khamoshi se uske sath ward me chal deta hai.... Dr Raniya ek nazar Sultaan ko gusse aur naraazgi se dekhti hai phir uske ghaav pe lage khoon ko saaf karne ke baad use taanke lagane lagti hai.... Abhi bhi wo use jaane kya kya Sunaye jaa rahi hai..... Sultaan hairat se use dekhe jaa raha hai..... Use Dr na to baat samajh aa rahi hai aur na hi uska yun uske liye pareshaan hona.... Itna hi nahi wo aise aise muh bana bana ke Sultaan ko gussa kiye jaa rahi hai ki use dekh ke Sultaan taanke ke dard ko bhool ke hasne lagta hai.... Wo badi koshish kar raha hai apni hansi rokne ki magar wo chah ke bhi apni hansi nahi rok paa raha hai.... Sultaan ko yun haste dekh ke Dr Raniya chid ke kehti hai....
Dr Raniya : Bade ajeeb ho yaar tum.... Yahan tumhe taanke lag rahe hai.... Dard ke maare chekhne ke bajaye tum ho ki hanse jaa rahe ho.... Tumhari jagah koi aur hota to ab tak to usne chilla chilla ke poore Hospital ko sar pe utha liya hota.... Aur ek tum ho ki hans rahe ho.... Tumhe dard nahi ho raha hai kya....?
Sultaan : Dard to ho raha hai magar....?
Dr Raniya : Magar kya....?
Sultaan : Wo baat aisi hai ki hath me taanke lagate waqt aap jis tarha se apna muh banate hue mujhe gussa kiye jaa rahi thi use dekh ke mujhe hansi aa gayi.... Aap ka chehra behad funny lag raha tha.... Saaf lafzon me kahun to aap ka chehra gusse me behad pyara aur Cute lag raha tha.... Sath hi aapki masoomiyat aap ke chehre se saaf nazar aa rahi thi.... Aap wakayi me behad Cute aur Pyari ho.... Aap ke chehre me jo sab se khaas hai wo hai aap ke ye Gulabi ras bhare honth.... Bina lipstick lagaye bhi ye kitne haseen aur pyare lag rahe hain.... Aur honthon ke kinare ka jo ye kaala til hai wo iski khoobsurati me char chand laga raha hai.... Wakayi me aap behad haseen ho.... Aap ko dekh ke koi bhi aap ka diwana ban jaayega....
Sultaan ke muh se apni tareef sun ke Dr Raniya behad khush ho jaati hai.... Sath hi use behad sharm si aane lagti hai.... Aaj pehli baar uski tareef kisi ne itne khoobsurat tareeke se ki thi... Warna aaj tak to har koi bas use vasna ki nazar se hi dekhta aaya hai....
Dr Raniya : Flirt kar rahe ho....?
Sultaan : Ji nahi main to us haseen chehre ki tareef kar raha hoon jiski masoomiyat aur Cuteness ko dekh ke meri aankhon ko thandak mil rahi hai.... Mera man jo kuch der pehle tak behad ashant bana hua tha aapke is masoom aur pyare chehre ko dekh ke wo shant ho gaya.... Aisa lag raha hai jaise kisi ne tapti zameen pe oos ki boondon ko chidak ke use thanda kar ke sukoon pahuncha diya ho.... Bura na maane to kya main aap ki ek Photo le sakta hoon....
Dr Raniya Sultaan ki baat sun ke behad khush ho jaati hai.... Wo apni aankhen nachate hue us se poochti hai...
Dr Raniya : Meri Photo....!!! Wo kyun bhala...?
Sultaan : Wo is liye taaki jab bhi kabhi mera dil phir bechain ho to aapki Pyari aur masoom photo ko dekh ke use karaar aa jaaye....
Dr Raniya : Ise hi Flirt karna kehte hain....
Sultaan : Pata nahi shayad.... Aap keh rahi hain to ho sakta hai.... Magar jo baat mere dil me aayi wo maine aap se keh di.... Waise ek baat aur kehna chahunga.... Aap ko dekh ke khaas kar ke aapke honthon ke is til ko dekh ke jaane kyun aisa lag raha hai jaise is til se meri purani jaan pehchaan hai... In honthon ko aur is til ko main pehle bhi kayi baar dekh chuka hoon.... Itna hi nahi ise behad kareeb se mehsus bhi kar chuka hoon....
Dr Raniya Sharmate hue : Bas bas bahut hua... Ab ye mat keh dena ki in honthon ko main pehle bhi choos chuka hoon.... Inka ras pee chuka hoon....
Sultaan sochte hue : Ho bhi sakta hai.... Aap ne jo kaha wo sach ho.... Kya aap ko aisa nahi lagta....
Dr Raniya : Mujhe lagta hai chot tumhare sar me bhi lagi hai.... Tabhi aisi behki behki baaten kar rahe ho.... Khair ye lo maine Tumhari patti kar di hai.... Iska dhyaan rakhna aur 3 din baad aa ke patti badalwa lena....
Sultaan : 3 Din baad.... magar main to aaj hi waapas jaa raha hoon....
Dr Raniya : Ghar hi jaa rahe ho na....
Sultaan : Haan main ghar jaa raha hoon... Magar mera ghar yahan nahi balki ******** sheher me hai....
Sultaan ki baat sun ke Dr Raniya udaas ho jaati hai.... Ye dekh Sultaan ko ajeeb lagta hai magar wo kuch kehta nahi.... Wo foran baat ko badalte hue kehta hai....
Sultaan : Aap ki baat hui baba se....
Dr Raniya : Haan maine call kiya tha.... Aur jo bhi baat tumne kahi thi wo sab maine unhe bataya.... Pehle to meri baat pe unhe yakeen nahi aaya magar mere samjhane pe wo maan gaye.... Ek baar koshish kar ke dekhne me kya harj hai.... Aur waise bhi kuch nahi karne se kuch karna zyada behtar hai..... Agar jald hi is hospital ko Renovate nahi kiya gaya to phir waise bhi ye kisi kaam ka nahi rahega....
Sultaan : To main ye samjhun ki aap taiyaar hain....
Dr Raniya : Haan.....
Sultaan : Aap ko Sk Group ke sath 50 - 50 ki Partnership manzoor hai....
Dr Raniya : Haan....
Sultaan apni jeb se mobile nikaal ke kisi ko call kar ke kuch baat karta hai phir use jald se jald yahan aane ko kehta hai....
Dr Raniya hairat se Sultaan ko dekhe jaa rahi hai....
Sultaan : Maine usi din Sk Group me baat kar li thi.... Sk Group aapke sath Partnership ke liye taiyaar hain aur sath hi is hospital ko Renovate karwaane ke liye bhi ready hain.... Itna hi nahi is Hospital ke renovation ka kaam Bhuvan Mama ki Company dekhegi.... Jo ki poori imaandari ke sath is hospital ko jald se jald renovate kar denge....
Dr Raniya hairat se Sultaan ki baaten sun rahi hai....
Sultaan : Mujhe yakeen hai ki aap aur aapke baba is se inkaar nahi karenge.... To jab tak Aggreement ki file aati hai.... Kyun na tab tak aap meri peeth ko bhi check kar ke uspe dawa laga dijiye....
Dr Raniya ab bhi hairat se use dekhe jaa rahi hai.... wo kuch keh nahi paa rahi hai....
Sultaan use hila ke kehta hai : Maine kaha meri peeth ka ilaaj bhi kar dijiye....
Sultaan ke hilane se wo hosh me aati hai.... Aur khamoshi se uske peeth pe lagi pattiyan nikaal ke uspe dawa laga deti hai.... Wo Sultaan se kuch kehne hi waali hoti hai ki tabhi darwaze se ek Nurse aa ke kehti hai....
Nurse : Dr ye file koi aapke liye de gaya hai....
Nurse wo file Raniya ko de ke chali jaati hai....
Raniya hairat se us file aur usme rakhe agreement ko dekhe jaa rahi hai.... Use yakeen hi nahi ho raha hai ki ye sab sach hai.... Use ye sab ek sapne jaisa lag raha hai.... Wo kehna to bahut kuch chahti hai magar uske muh se bas itna hi nikalta hai....
Dr Raniya : K... K.... Kya.... Ye sa...ch hai....?
Sultaan muskurate hue haan me ishara karta hai....
Sultaan : Haan ye sach hai... Aur haan ye mera Mobile number hai.... Jab bhi koi Problem ho aap mujhe is number pe call kar sakti hain.... Aur sab se zaroori baat kal aap ke baba yahan aa jaayenge.... Unke sath is File ko achhe se padke is pe Sign kar iski ek copy Sk Group ke ******* Office me Mr. Anil Masaagi ko de dijiyega.... Uske agle hi din se is Hospital ka kaam shuru ho jaayega.... Achha ab main chalta hoon....
Dr Raniya hairat aur khamoshi se uski baat sun rahi thi.... Use yakeen hi nahi ho raha hai ki is waqt uske hath me jo file hai usme Sk Group ke sath uski Partnership ke papers hain....
Kuch der yun hi shock me rehne ke baad jab ek Nurse uske paas aake use hilati hai tab kahin jaa ke use hosh aata hai.... Aur uske muh se achanak se Sultaan nikal jaata hai....
Sultaan ko saamne na paa ke wo use idhar udhar dhoondhne lagti hai.... Use is tarha pareshan dekh ke Nurse us se poochti hai....
Nurse : Kya baat hai Dr....? Aap kuch dhoondh rahi hain....?
Dr Raniya : Haan wo Sultaan.....
Nurse : Wo to chala gaya....
Dr Raniya : Chala gaya....!!!!!
Nurse : Haan abhi kuch der pehle hi wo apne gharwaalon ke sath car me baith ke chala gaya....
Dr Raniya ek baar phir se Sultaan aur uske beech hui baaton ko sochne lag jaati hai....
Hospital se bahar aate hi Sultaan ko sab ke sath Pihu aur uske Baba bhi mil jaate hain.... Pihu aage badh ke Sultaan ke gale lag jaati hai.... Aur runvasi awaaz me kehti hai....
Pihu : Tumhe is haal me is tarha jaate dekh mujhe achha nahi lag raha hai....
Sultaan : Achha to mujhe bhi nahi lag raha hai apni Special Dost yun akele chor ke jaana.... Magar jo hua hai us se mere dil ko badi takleef hui hai.... Main ise ab aur bardasht nahi kar sakta.... Yahan mera dum ghut raha hai.... Jahan pyar aur apnapan nahi wahan main to kya koi bhi nahi reh sakta.... Ab main mere apno ke paas jaana chahta hoon....
Pihu : Tum sahi keh rahe ho.... Na hi ye jagah tumhare liye sahi hai aur na hi ye log....
Phir Sultaan ki aankhon me dekhte hue us se poochti hai....
Pihu : Phir kab miloge....?
Sultaan : Bahut jald.... Waise bhi tumhe tumhare sawaal ka jawaab bhi to dena hai....
Pihu : Sawaal....!!!! Kaunsa sawaal....?
Sultaan : Wo hi sawaal jo us din tumne Hospital me poocha tha....
Pihu us din ki baat yaad karne lagti hai.... Use kuch samajh nahi aa raha hai ki Sultaan kis sawaal ki baat kar raha hai.... Phir jab use ye yaad aata hai ki kaise usne Sultaan ko kiss kiya tha to foran Sultaan se pooch baithti hai....
Pihu : Hey kahin tum us ki baat to nahi kar rahe....?
Sultaan : Haan maine usi ki baat kar raha hoon.... Wo Sawaal wakayi me behad pyara tha....
Sultaan ki baat sun ke wo Sharma jaati hai.... Sharm ke maare uske gore gulabi gaal laal ho jaate hain....
Sultaan : Jald hi tumhe tumhare pyare se Sweet se sawaal ka jawaab mil jaayega....
Sultaan ki baat pe Pihu khush ho jaati hai aur aage badh ke uske gale lag jaati hai.... Phir kuch der baad wo log wahan se apne ghar yaani Daddu ke ghar ki taraf chal dete hain....
Ghar pahunchte hi jab Dadi aur baaki sab Sultaan ko dekh ke behad khush ho jaate hain wahin Sultaan ke hath me lagi patti ko dekh ke unhe badi hairaani hoti hai....
Dadi : Ye kya hua....? Tere hath me ye patti kyun bandhi hai....?
Sultaan : Wo kuch nahi Dadi bas aise hi....
Dadi : Aise hi ka kya matlab hai....? Mujhe poori baat bata ye tere hath me chot kaise lagi....
Sultaan : Kuch nahi Dadi ye bas mamooli si chot hai.... Aur aap hain ki bekaar pareshan ho rahi hain....
Phir Sultaan baat ko ghumate hue kehta hai.....
Sultaan : Waise aap aaj kuch zyada hi Cute aur Sexy nazar aa rahi hain.... Dil chah raha hai aap ke Gaal chum loon....
Ye keh ke wo pyar se Dadi ke gaalon ko chum leta hai... Dadi abhi bhi Sultaan ke patti lage hath ko dekhte hue kuch soch rahi thi.... Unhe yun sochte dekh Sultaan baat ko ghumate hue kehta hai....
Sultaan : Waise aaj Mohini bhi kaafi Pyari aur Sexy lag rahi hai.... (Phir nazar ghuma ke ghar ki baaki Auraton aur ladkiyon ki taraf dekhte hue) Baaki sab bhi behad Pyari lag rahi hain.... Magar aaj to aapka Mukaabla koi nahi kar paa rahi hai....
Dadi : Sultaan baat ko ghumane ki koshish mat kar mujhe poori baat jaan ni hai ki tere hath me ye chot kaise lagi....
Mehek : Main batati hoon.... Kya hua hai....?
Mehek sab ko poori baat batane lagti hai.... Jaise jaise Mehek baaten batati jaati hai... Use sun ke wahan maujood sabhi ki aankhon se aansu behne lagte hain sath hi unhe behad gussa bhi aane lagta hai....
Dadi behad gusse me : Un sab ki itni himmat ki un kameeno ne mere Pote ke sath aisa kiya.... Jisne apni jaan pe khel ke un ki izzat aur jaan bachayi un kameeno ne usi pe jhootha ilzaam lagaya.... Bhuvan tu to tha na wahan tu ne kuch kyun nahi kiya... Bata mujhe... Tere saamne wo Sultaan ko itna kuch kehte rahe aur tu kaise khamosh khada wo sab sunta raha....
Sultaan : Baba aur Mehek aur Pihu ne to unki wo haalat ki hai jise wo zindagi bhar nahi bhoolenge....
Dadi behad gusse me : Unhe jaan se kyun nahi maar diya....
Har guzarte pal ke sath Dadi ka gussa badhta hi jaa raha hai.... Jise kam karne ke liye Sultaan unhe gale se laga ke unka Sar sehlane lagta hai.... Dheere dheere Dadi ka gussa kam ho jaata hai... Aur wo pyar se Sultaan ka hath apne hathon me le ke us se poochti hai....
Dadi na aankhon se : Tu theek to hai na mere bachhe....? Tujhe zyada dard to nahi ho raha hai na....?
Sultaan unke aansu poch ke kehta hai....
Sultaan : Main theek hoon Dadi.... Aap bekaar pareshan ho rahi hain.... Aur waise bhi aap ka Sultaan ek Sher.... Sher ko in mamooli chot se bhala koi farak pad sakta hai kya.... Nahi na....
Dadi : Baaten banana to koi tujhse seekhe....
Sultaan : In sab baaton ko choriye aur ye suniye.... Aap sab ke liye mere paas ek khushkhabri hai.... Jise sun ke aap sab behad khush ho jaayege....
Dadi : Khushkhabri...!!! Ab tu ne kya kar diya....
Abhi Dadi ne itna hi kaha tha ki tabhi ek naukar aa ke Sultaan ko ek file deta hai....
Sultaan us file ko Bhuvan Mama ki taraf badha deta hai....
Bhuvan : Ye kya hai.....?
Sultaan : Khud khol ke dekh lijiye....
Bhuvan file khol ke use padhne lagte hain.... Jaise jaise wo use padhta jaata hai hairat se uski aankhen badi hone lagti hain....
Daddu : kya hua Bhuvan tu achanak se itna shock kyun ho gaya....? Aisa kya likha hai is file me....?
Bhuvan : Isme likha hai ki jis Hospital me Aaj Sultaan ka ilaaj hua tha us Hospital ke sath Sk Group ne Partnership kar li hai aur uske Renovation ka kaam Sk Group ne humari Company ko diya hai.... Jo ki 100 Crore hai.... Sath hi 50 Percent ka Advance cheque bhi hai....
Bhuvan ki baat sun ke sab khushi se uchal padte hain....
Mehek : Wow.... Ye to behad khushi ki baat hai....
Moni : Is baat pe to Party honi chahiye....
Party sun ke sab khush ho jaate hain....
Wahin koi hai jiske chehre pe is waqt narazgi hai.... Sath hi uski aankhen bhi nam hai... Jaise hi Sultaan ki nazar uspe padti hai use dekh ke Sultaan ka dil tadap jaata hai aur wo.....
