Nafrat ya phir Diwaangi.... (Incest Love Story)
Update 90 "Sahi ya Galat 1"
Sultaan ka mood poori tarha se kharaab ho chuka tha wo wahan se seedhe Mehek ke College ki taraf chal deta hai....
Wo apni Car ko park kar ke canteen me jaa ke baith jaata hai aur apna Mobile nikaal ke apne office me call kar ke behad gusse me bolta hai....
Sultaan : Aaj ke baad Sk Group Kapoor Group ke sath koi Contract nahi karega.... Jo bhi naye Contract Sign hone waale the unhe cancel kar do....
Ye keh ke Sultaan call cut kar deta hai.... Wo apne gusse ko kaabu karne ki behad koshish kar raha hai magar uska gussa hai ki kam hone ka naam hi nahi le raha hai.... Wo Mehek ko call karne ke liye uska number dial kar hi raha hota hai ki tabhi achanak se koi saamne aata hai aur uske saamne waali Chair pe baith jaata hai.... Sultaan hairat se bas use dekhta reh jaata hai....
Sultaan : Ji maine aapko pehchana nahi....
Farishte aise hi hote hain madat kar ke bhool jaaya karte hain....
Sultaan : Main koi farishta nahi hoon balki aapki hi tarha ek insaan hi hoon....
Aap kya hain wo mujhse behtar koi nahi jaan sakta.... Aap ne humare liye wo kiya hai jo aaj tak kisi apne ne bhi nahi kiya....
Phir apne bag se ek paper nikaal ke behad khush hote hue Sultaan ko dikhati hai....
Ye dekhiye.....
Sultaan : Ye to result hai.... Kya baat hai 90% Marks.... Wow Congratulations....
Ye sab aapki wajah se ho paaya hai is liye Congrats to you.... Main bata nahi sakti jab ye mujhe mila tab mujhe kitni khushi hui.... Aur us se bhi zyada khushi mujhe aap se mil ke hui..... Aaj mujhe duniya ki saari khushi mil gayi.... Aakhirkaar uper waale ne aaj meri dua kubool kar hi li aur mujhe us nek farishte se milwa hi diya jisne milne ke liye main pichle 9 mahine se tadap rahi thi....
Sultaan : Yaar ye tum baar baar mujhe farishta kyun keh rahi ho.... Maine kaha na ki main farishta nahi hoon balki tumhari tarha hi ek aam insaan hoon....
Chaliye aap kehte hain to maan leti hoon.... Ek guzarish hai aap se agar aap maan len to....
Sultaan : Yaar itni haseen aur pyari ladki guzarish kare achha nahi lagta.... Jo kehna hai khul ke kaho agar mere bas me hua to zaroor maan lunga....
Aaj jo mera result aaya hai uski khushi main aapke sath baatne ke liye main aapko Treat dena chahti hoon.... Please inkaar mat kijiyega.... Please....
Usne itne pyar se please kaha ki Sultaan use inkaar nahi kar paaya....
Sultaan : Chalo theek hai maan li tumhari baat magar ye treat tum nahi main dunga aur treat yahan nahi hogi wahan hogi jahan main chahunga.... Agar manzoor hai to bolo....
Sultaan ki baat sun ke wo foran haan keh deti hai....
Sultaan : Yaar tum bhi ajeeb ladki ho.... Ek anjaan ke sath jaane ko foran taiyaar ho gayi.... Ye bhi nahi socha ki agar maine tumhare sath kuch galat kar diya to kya hoga....?
Kaha na ki aap anjaan nahi hain aur rahi kuch galat karne ki baat.... To jo mumkin hi nahi wo aap kaise kar sakte hain.... Aap mere to kya kisi ke sath bhi kuch galat nahi kar sakte aur aap ke sath main jitni Safe hoon utni to main apne ghar me bhi nahi hoon.... Is baat ka mujhe yakeen hai....
Sultaan : Achhi baat hai....
Phir Sultaan uski taraf apna hath badha ke kehta hai.....
Sultaan : Friends....
Sultaan ka badha hua hath dekh ke sath hi uske muh se friends sun ke wo bas ek tak Sultaan ko hi dekhe jaa rahi hai..... Use yakeen hi ki Sultaan ne uski taraf dosti ka hath badhaya hai.... Use kuch na kehte dekh Sultaan us se poochta hai....
Sultaan : Kya hua aise kya dekh rahi ho....? Maine kuch galat keh diya kya....?
Sultaan ki baat sun ke uski tantra toot ti hai...
Nahi nahi aisi baat nahi hai na hi aap ne kuch galat kaha wo bas mujhe is baat ki ummeed nahi thi ki aap mujhse dosti karenge....
Sultaan : Itni khoobsurat aur Haseen Pari se bhala koi kyun dosti nahi karna chahega....
Sultaan ke muh se apni tareef sun ke wo behad khush ho jaati hai.... Sath hi use behad sharm bhi aane lagti hai....
Sultaan : To kya kehti ho... Banogi meri dost....
Wo sharmate hue Sultaan ka hath tham leti hai....
Sultaan : To Chalen....
Chaliye....
Sultaan apni bike nikaalta hai aur use apne peeche baitha ke chal deta hai.... Wo bhi khushi khushi Sultaan ke sath chal deti hai.... Aaj wo itni khush hai ki uski khushi ka koi thikana nahi hai.... Sultaan ke sath use aisa lag raha hai jaise ki uske pankh lag gaye hain aur wo khule aasmaan me udd rahi hai....
Sultaan ek behad hi aalishan hotel ki Parking me apni bike rokta hai aur use sath le ke Hotel ke under jaata hai.... Itna aalishaan hotel dekh ke wo bas uski khoobsurati me kho si jaati hai.....
Sultaan : Kya hua aise kya dekh rahi ho....?
Kabhi socha nahi tha ki itne aalishaan Hotel me aa paaungi.... Iski khoobsurati wakayi me lajawaab hai....
Sultaan : Sahi kaha tumne ye Hotel wakayi me behad khoobsurat hai magar iski khoobsurati aaj kuch zyada hi badh gayi hai.... Jaanti ho kyun....? Kyun ki aaj yahan Husn ki Pari ke kadam jo pade hain.... Jis se iski khoobsurati pehle se kahin zyada badh gayi hai....
Husn ki Pari matlab....
Sultaan use saamne lage aaine ko dikha ke kehta hai....
Sultaan : Wo dekho saamne wo rahi husn ki Pari....
Sultaan ki baat sun ke jab wo saamne dekhti hai to use saamne sirf aaina nazar aata hai....
Kahan hai Pari....?
Sultaan : Wo dekho saamne kaale safed libaas pehne to khadi hai Husn ki Pari.... Dekho kitni haseen aur khoobsurat lag rahi hai.... Iski khoobsurati aur chamak se poora Hotel jagmaga raha hai.... Aaj is hotel ki shanoshaukat kuch zyada hi badh gayi hai.... Badhe bhi kyun na aaj Husn ki Pari ke kadam jo yahan pade hain....
Sultaan ke muh se apni tareef sun ke wo behad khush ho jaati hai.... Khushi ke maare wo aasmaan me udne lagti hai....
Aap bhi na Sultaan kuch zyada hi meri tareef kar rahe hai... Itni bhi khoobsurat nahi hoon main....
Sultaan : Sahi kaha tumne Heere ko uski parakh kahan hoti hai wo to johri hi jaanta hai ki heera kitna Beshkeemti hai....
Ab bas bhi kijiye.... Mujhe badi sharm aa rahi hai.... Waise aap flirt achha kar lete hain...
Uski baat sun ke Sultaan hans deta hai....
Sultaan : Main flirt nahi kar raha balki wo hi keh raha hoon jo mujhe nazar aa raha hai aur jo main mehsus kar raha hoon....
Achha ji....
Sultaan : Haan ji....
Phir Sultaan use ek taraf bane hue Special area ki taraf le jaata hai aur chair kheech ke use baithne ka ishara karta hai.... Wo bhi Muskurate hue baith jaati hai....
Sultaan : Haan to batao kya khaogi....
Treat aapki taraf se hai to aap hi kuch achha sa order kar dijiye.... Hum bhi to dekhen ki Sultaan ki pasand kaisi hai....?
Tabhi wahan Hotel ka manager ek waiter ke sath aata hai.... Sultaan use jo order karta hai use sun ke ek pal ke liye to wo shock ho jaati hai aur hairat se Sultaan ko dekhne lagti hai....
Sultaan : kya hua aise kya dekh rahi ho....?
Aap ne jo bhi Order kiya hai sab meri pasand hai bas is baat se main shock hoon ki bina bataye aap ko meri pasand itni achhe se kaise pata chal gayi....?
Sultaan : Sultaan jab bhi kisi se dosti karta hai uski pasand na pasand ka achhe se khayaal rakhta hai....
Haan wo to theek hai magar aap ko meri pasand ka itne achhe se kaise pata chala....
Sultaan : Ye to bas khane ki baat hai main to tumhare baare me sab bata sakta hoon.... Wo jo aap jaanti hain aur wo bhi jo aap bhi apne baare me nahi jaanti... Muskaan baig ji....
Muskaan : Aap kuch bhi keh rahe hain.... Aisa kabhi ho hi nahi sakta.... Bina sath waqt bitaye koi kaise kisi ke baare me kuch bhi bata sakta hai....? Ye mumkin hi nahi....?
Sultaan : Sultaan ke liye kuch bhi namumkin nahi hai....
Tabhi khana aa jaata hai.... Aur wo dono kahan khane lagte hain....
Muskaan : Mmmm... Itna tasty khana maine aaj tak nahi khaya....
Sultaan : khane ke itna tasty hone ki wajah aap hain.... Jab husn ki pari khana kha rahi ho to khana to tasty hoga hi na....
Muskaan sharmate hue : Ye kuch zyada nahi ho gaya.... Aur aap baat kam flirt zyada kar rahe hain...
Sultaan : Main to jo bhi kehta hoon dil se kehta hoon jaane kyun logon ko meri baat flirt lagti hai.... Aur waise bhi agar aapko meri baat buri lagi ho to
Muskaan : Aap ki koi bhi baat mujhe buri lag hi nahi sakti.... Haan magar itna zaroor kahungi ki aaj pehli baar aisa hua hai ki kisi ke muh se apni tareef sun ke khushi hui hai.... Warna to aaj tak jisne bhi mujhe dekh ke kuch kaha wo hamesha galat neeyat se aur galat baat hi kahi hai.... Aaj pehli baar kisi ke muh se apni tareef sun ke dil khushi se jhoom utha...
Sultaan : Achha ji....
Muskaan : Haan ji....
Kuch hi der me dono ka khana khatam ho jaata hai.... Aur wo dono wahan se bahar aa jaate hain....
Sultaan : Chalo tumhe ghar chor deta hoon isi bahane tumhari maa aur bhai se bhi mulakaat ho jaayegi....
Sultaan ki baat sun ke Muskaan khushi se uchal padti hai.... Aur wo dono bike pe baith ke chal dete hain.... Muskaan use rasta batati jaati hai aur Sultaan us taraf chal deta hai.... Jald hi dono Muskaan ke ghar pahunch jaaye hain... Muskaan bike se utar ke aage jaa ke bell bajati hai.... Aur darwaze ke khulne ka intezaar karne lagti hai....
Jaise hi darwaza khulta hai.... Apni beti ko kisi ke sath khade dekh Muskaan ki maa shock ho jaati hai... Aisa pehli baar hua hai ki Muskaan kisi ladke ke sath ghar aayi hai....
Muskaan ki maa Raziya Baig....
Raziya : Muskaan tere sath ye ladka kaun hai....?
Muskaan : Aap hi bataiye ki ye kaun hai....?
Apni beti ki baat sun ke Raziya gaur se Sultaan ko dekhne lagti hai.... Magar wo Sultaan ko pehchan nahi paati...
Raziya : Main nahi pehchanti ise.... Tu hi bata ki ye kaun hai....?
Raziya : Maa ye Sultaan hai....
Raziya : Kaun Sultaan....? Kahin ye wo to nahi jisne humari madat ki thi jab hum zindagi aur maut se lad rahe the....
Raziya : Haan maa ye wo hi hain....
Muskaan ke muh se haan sun ke Raziya ki aankhon se aansu behne lagte hain.... Wo foran Sultaan ke aage hath jod ke uska Shukriya ada karne lagti hain....
Raziya : Tumhara bahut bahut sukriya Sultaan... Agar tum us din waqt pe aa ke humari madat nahi karte to hum me se koi zinda nahi rehta.... Ye zindagi jo hum aaj jee rahe hain ye hum pe tumhara ehsaan hai.... Jise hum chah ke bhi kabhi utaar nahi sakte....
Raziya ki baat sun ke Sultaan palat ke wahan se jaane lagta hai.... Ye dekh Dono ko badi hairani si hoti hai... Muskaan foran Sultaan ko rok ke uske yun achanak se jaane ki wajah poochti hai....
Muskaan : Kya hua Sultaan ghar me aane ke bajaye aap achanak se bahar se hi kyun jaane lage....
Sultaan : Ek gair ko kisi ke ghar me nahi jaana chahiye bas is liye main wapis jaa raha hoon....
Muskaan : Gair... Kisne aapko gair kaha..... aap gair nahi balki apne se bhi zyada apne ho....
Sultaan : Sukriya apno ka nahi balki gairon ka ada kiya jaata hai....
Sultaan ki baat sun ke Raziya ko apni galti ka ehsaas hota hai unhe ye samajhte der nahi lagti ki unki kahi hui baat ki wajah se Sultaan ko bura laga hai.... Wo foran Sultaan se maafi maangne lagti hai... Magar Sultaan unhe rok ke kehta hai....
Sultaan : Bade maafi nahi maanga karte balki Aashirwad diya karte hain....
Phir Sultaan ghar ke under jaata hai aur unke sath kuch waqt bitane ke baad phir milne ke keh ke wahan se nikal jaata hai....
Idhar jab Vishwas kapoor aur Sameera ko is baat ka pata chalta hai ki Sk Group ne unke sath aage ke saare New Contract jo sign hone waale the unhe reject kar diya hai to unke pairon tale se zameen nikal jaati hai.... Unhe samajh nahi aata ki wo kare to kya kare....
Sameera foran Mukesh Uncle ko call laga kr unse is baare me baat karti hai ki wo aisa kaise kar sakte hain....
Mukesh uncle : Ye mera nahi balki Sultaan ka faisla hai....
Sameera : Wo kaun hota hai Sk Group ka faisla lene waala....? Aur aap ne waada kiya tha sath hi Agreement bhi ki agle 5 saal tak Sk Group ke saare Projects kapoor Group ko hi milenge.... Aap aise apna waada aur us Agreement ko kaise tod sakte hain....
Mukesh Uncle : Ye Sultaan ka Decision hai hai aur uske Decision ke aage main bhi kuch nahi kar sakta.... Aur rahi baat us Agreement ki to usme saaf saaf likha hai ki jab bhi Sk Group chahe us Agreement ko khatam kar sakta hai....
Sameera : Magar baba ye to galat baat hai....
Mukesh Uncle : Galat aur sahi ka khayaal tab nahi aaya jab tumhare Dad ne Sultaan pe jaan leva waar kiya tha.... Aur tum maafi maangne ke bajaye ulta Sultaan ki Shikayat mujh se karne lagi....
Sameera : Aap humare sath aisa nahi kar sakte.... Aap ke aisa karne se hum barbaad ho jaayenge.... Aage ke Contact ke chalte hum ne bank se bahut bada karza liya hua hai sath hi kaafi raw material bhi advance me mangwa liya hai.... Sab barbaad ho jaayega hum sadak pe aa jaayenge....
Mukesh Uncle : Ye tumhe aur tumhare Dad ko pehle sochna chahiye tha.... Baap hai ki Sultaan pe jaan leva humla karta hai aur beti hai jo apni galti chupane ke liye saara ilzaam Sultaan pe daalti hai... Aise logon se mujhe koi rishta nahi rakhna.... Na Personal na hi Professional...
Sameera : Aap humare sath aisa nahi kar sakte... Main us kameene Sultaan ko chorungi nahi... Use Court me ghasetungi... Use humare nuksaan ki poori bharpayi karni hogi sath hi wo saare Contact bhi dene honge jo usne cancel kiye hain....
Mukesh Uncle : Rassi jal gayi magar bal nahi gaya.... Tumhe jo karna hai kar lo... I don't care.... Aur haan aage se mujhe call kar ne ki koshish bhi mat karna....
Ye keh ke Mukesh Uncle call cut kar dete hain.... Wahin Sameera gusse me apna phone zameen pe patak ke tod deti hai... Sath hi behad gusse me kehti hai....
Sameera : Sultaan ye tu ne achha nahi kiya.... Dekh ab main tere sath kya karti hoon.... Tujhe apne kadmon pe jhuka ke tujhse maafi na mangwaayi to mera naam bhi Sameera Kapoor nahi....
Vishwas kapoor : Sameera beta tum phir se galat karne jaa rahi ho... Aisa karke tumhe kuch haasil nahi hoga.... Sultaan se ulajhna bewakoofi hai.... Wo koi raah chalta insaan nahi jise tum jab chahe apne paise aur power ke dum pe apne aage jhuka sako wo Sultaan hai Sultaan uske saamne khade hona hi humare hi behad mushkil hai.... Use apne aage jhukana to namumkin si baat hai.... Sk Group ke aage humari koi aukaad hi nahi hai....
Sameera : Is duniya me aisa koi nahi jise jhukaya ya haraya na jaa sake.... Mukesh baba me mana kar diya to kya ab bhi mere paas ek rasta hai jiske zariye Sultaan humare kadmon pe jhukega bhi aur sath hi humko wo saare contract dene pe majboor bhi ho jayega jo usne cancel kiye hain.... Mr. Sk....
Vishwas kapoor : Tu phir galti kar rahi hai... Meri maan to sab bhool jaa aur ek naye sire se shuruwaat kar kahin aisa na ho ki Sultaan se bhidne ke chakkar me humare poori tarha se barbaad ho jaaye....
Sameera : Ji nahi main galti nahi kar rahi hoon balki ab humare paas ye sab se best aur fool proof rasta hai Sk Group ke Contract ko wapis haasil karne ka.... Ab Mr Sk hi hum ko wo sab dilwayenge jo mujhe chahiye.... Bas kuch din ki baat hai phir dekhna kaise main Mr Sk ke sath mil ke Sultaan ko apne kadmon pe jhukati hoon....
Ye keh ke Sameera shaitani hansi hasne lagti hai....
Characters :
Nanda : Sweety ki Dadi Bua
Shantanu : Nanda Dadi ke Pati
Vinay Singh : Sweety ke Chacha
Sukanya Singh : Vinay ki Biwi
Snehal : Sukanya ke bhai ki beti
Kalki Singh : Sweety ki Bua Vidhwa hai....
Krisha Singh : Kalki ki Beti
Gulab Singh : Pihu ke Chote Mama aur Krisha ka Pati
Idhar ghar me jab Nanda Dadi dekhti hai ki Sukanya aur Snehal apni harkaton se baaz nahi aa rahi hain.... Dono Sultaan ko neecha dikhane ka koi bhi mauka nahi chor rahi hain sath hi har waqt Sultaan ke khilaaf kuch na kuch galat karti hi rehti hain wahin Sultaan hai jo sirf Nanda Dadi aur Padma maa ki wajah se khamosh hai.... Nanda Dadi foran Vinay Singh Sukanya Singh aur Sukanya ko wapis unke ghar bhej deti hain.... Snehal Sultaan ko neecha dikhane ka mauka hath se jaate dekh Nanda Dadi ko manane ki bahut koshish karti hai magar Nanda Dadi uski aur Snehal aur Sukanya Chachi ki ek baat nahi sunti... Aakhir kaar haar ke Sukanya Vinay aur Snehal wo waapis jaana hi padta hai....
Wahin dusri taraf Nanda Dadi Gulab Singh aur krisha Singh ko bade se bade Dr ko dikha leti hai magar har Dr ka jawaab ek hi hai jise sun ke Teeno ki rahi sahi himmat bhi jawaab de jaati hai.... Magar Nanda Dadi haar nahi maanti wo unko le ke Acharya ji ke paas jaati hain.... Aur unhe saari baat batane hi waali hoti hai ki tabhi Acharya ji jo kehte hain use sunke teeno ke hosh udd jaate hain.... Wo chah ke bhi us baat pe yakeen nahi kar paa rahe hain.... Yakeen kare bhi to kaise kyun ki jo baat Acharya ji ne kahi hai use karne inke liye namumkin to nahi magar haan behad mushkil zaroor hai....
Kya hai wo baat ye agle update me pata chalega....
Filhaal chalte hain Sultaan ke paas dekhen ki is waqt wo kahan hai aur kya kar raha hai....?
