UPDATE 1
'Braaap…Braaap...'
Ek ke baad ek bahut sari bike tezi se pahadi par badh rahi thi….
Pahadi jungle ghana hota ja raha tha, lekin bikes ka shor uss ghane jungle me ashanti paida kar raha tha…
'Dhadummm..'
Ek bike samne aa rahe ped se takrayi aur ek dhamake ke sath usme aag lag gayi….
Lekin kisi aur ne uss bike vale par koi dhyan nahi diya. jaise vo unke liye koi matlab nahi rakhta tha…
Vo aage badh rahe the, unn motorcycles ki roshni ne jungle ko chakachondh se bhar diya tha.
Chahkar bhi vo ek hadd se jyada gati se bike nahi chala sakte the, varna kisi ped se takra kar unki bhi vaise hi maut honi thi jaise abhi unke ek sathi ki hui thi.
Vo sab iss biyaban jungle me bewajah nahi the balki kisi maksad se the, maksad uss ladke ka shikar karna, jiska order unke boss ne unhe diya tha. Aur jisme fail hone par unki saja thi saza-e-maut.
"Huff..huff..huff..."
Vo ladka betahasha thaka hua tha, aur apni jaan lagakar bhag raha tha, uske nange pair pure chhil chuke the aur khoon usme se riskar beh raha tha…
Usne apne baazu ko zor se pakad kar dabaya jisse uska khoon kuch behna kam ho jaye. Shareer ka shayad hi koi hissa hoga jo ghayal na ho. Lekin phir bhi vo paglo ki tarah bhag raha tha…
Bhagte hue usne piche mudkar dekha, bike par vo sabhi aadmi uske liye jaise yamraj ki tarah the. Jinka sirf ek maqsad tha uss ladke ki jaan lena.
Sadak se jungle me ghuste hue usne socha tha ki aisa karke vo apna picha unn gundo se chhuda lega, lekin vo gunde uske picha ghane jungle me bhi nahi chhod rahe the.
Uske kadam ab uska sath chhodne lage the, lekin ruk jana koi vikalp nahi tha. Rukne ka sirf ek anjam tha, maut.
.............................
Jungle ke bahar ka drishya
Sunsan sadak par ek black Scorpio khadi thi. Uski headlight jali hui thi.
Do Aadmi car ke bahar khade hue cigarette pi rahe the.
Aadmi ne apni cigarette jalakar, lighter dusre aadmi ko thama diya.
Pehla aadmi - Dada, ek baat samajh nahi aayi. Koi apne hi parivar ke ladke ko kyun marna chahega.
Dusra Aadmi - hahahaha..chote, daulat…daulat aisi cheez hai jo insan ko insan nahi rehne deti. Apne hi apno ko marte hai. Ye to hamesha se hota aaya hai iss duniya main.
Pehla Aadmi - par dada ye galat hai, hai naa?
Doosra Aadmi - hahahaha, sahi aur galat bas insan ke mann me hote hai, iss duniya me kuch sahi galat nahi hai.
"Ab mujhe hi dekh ek londe ko marne ke liye itni mehnat kar raha hu, kyoki iske badle me 5 crore rupay mere account me aane vale hai."
Pehla aadmi - dada parrr...
Doosra Aadmi - bas…sawal puch puch kar mera sar kha liya…phone karke puch apne aadmiyo se pakda ki nahi vo ladka.
Agar iss baar bach gaya naa vo to sabki botiya karke kutto ko khila dunga.
Pehla aadmi - abhi phone kar hi raha tha ki dusre aadmi ke phone par call aata hai.
“Hello”
“Udhar se kuch kaha jata hai"
“Agnivanshi sahab aap chinta mat kijiye, aapka kaam ho jayega”
“******”
“Hahahaha, aap yuhi naraj ho rahe hai agnivanshi ji, bas use marne se pehle mere aadmi thoda khel rahe hai uske sath”
“ ********”
“Kal subah aapko khush khabri mil jayegi, kahiye to uska sar kaat ke parcel karva doon”
“***********”
“Aap enjoy kijiye, david apne kaam ko pura karke hi chain leta hai”
Iss aadmi ka naam david tha.
Phir david call katkar mobile apni pocket me daal leta hai.
David - chote kyaa hua, mila ya nahi vo ladka.
Chote - mil gya bhai, apne aadmiyo ne use pakad liya hai.
David - hahahaha…ye hui na baat. Bahut bhagaya hai isne. Aaj to apne hath se tukde tukde karunga iske.
……………………….......
Vo ladka bhag raha tha…bhagte bhagte ab vo ekdum ghane jungle me aa gaya tha. Jahan suraj ki kirne bhi mushkil se pravesh karti thi. Ye to phir bhi raat ka samay tha.
Bhagte bhagte vo ek choti si nadi yaa phir kisi barsati naale tak pahuch gaya.. jisme pani tezi se beh raha tha, achi baat thi ki vo jyada gehra nahi tha.
Ladke ne aage kadam badhaye aur khud ko uss nadi ke hawale kar diya. Vo ek ek kadam jama kar rakh raha tha. Tez bahav ke karan ek galti use kahi dur baha ke le jaa sakti thi. Ya buri paristhti me uski maut ki vajah ban sakti thi.
Vo chalte chalte nadi ke bicho bich pahuch gaya..uska aadhe se jyada shareer pani me duba hua tha. Lekin ab use nadi me utarna apne jivan ki sabse badi galti najar aa rahi thi.
Nadi ki talhati me pahado se behkar aaye pathar, jo itne gol aur chikne the ki uspe uske pair tik hi nahi pa rahe the. Upar se nadi ka bahav ab sabse tez tha jo use aage ki taraf dhakel raha tha.
Jaise hi usne aage badhne ke liye pehla kadam aage badhaya, dusra pair bhi jaise apne aap hila aur tez bahav ki vajah se vo pani me girta chala gaya.
Usne jaldi se apne hath paon marna shuru kare. tabhi uska sar kisi pathar se takraya.
Dard ki tej leher uske shareer me fail gayi.
Vo nadi ke bahav ke sath aage jane laga. Usne hath pair chalane ki koshish ki, lekin tez bahav me sab bekar tha, uske sarr se khoon beh raha tha.
Lekin kuch hi der me behate hue nadi ne use dusre kinare par laa patka, jaise ye uske liye ek aur moka tha zinda bach nikalne ka.
Lekin lahuluhan shareer aur thakan ne uski sari himmat tod di thi, ab to usme itni bhi takat nahi thi ki apne shareer ke dard ko cheekho se bayan kar paye.
Vo ghisdte hue kinare se kuch dur jungle ke andar aane laga, lekin abhi aur bura hona baki tha. Jo gunde uska picha bike se kar rahe the unse to vo nadi ke karan bach gaya, lekin sirf vahi nahi the jo uske piche the. Jungle me charo taraf gunde faile hue the.
Kuch gunde isi nadi ke kinare kinare jungle ke andar aa rahe the, jinke sath bhukhe shikari kutte uski gandh sunghte hue uss tak aa pahunche the.
"Ghurrrrr….bhawwww…."
Usne apne piche palat kar dekha, to ek bhayanak aur bade akar ka pitbull dog use gusse aur vahshi laal ankho se dekh raha tha.
Isse pehle ki vo koi reaction kar pata, woh kutta uspar jhapat pada, usne sidha ladke ke chehre ko apna nishana banaya.
Kutta lagatar uske chehre par hamla kar raha tha, uss ladke kutte ke danto se kai gehre ghav ho gaye.
Ladka - kya yahi anjam hai mera, yahi hai ant, is tarah ek kutte ke dwara mare jana. Kya yahi hai ant. Nahi! Ye nahi! Main nahi marna chahta. Main yahan nahi marunga.
Apni akhri saanso ko andar khinchkar uss ladke ne, puri takat se ek mooka iss kutte ki pasli me de mara.
Kutta usse kuch durr jakar gira. Ladka himmat karke ek baar phir khada hua, uske samne kutta bhi phir khada ho gaya.
Abhi isse pehle ki vo kutta phir se hamla karta ek goli akar uske sar ne lagi aur kutte ki jaan vahi chali gayi.
Ye dekhkar vo ladka bhi chaunk jata hai, ki abhi ye kya hua, kya koi uski madad ke liye aaya tha. Lekin iske sawal ka Janae bhi turant mil gya tha.
Vo vahi gunde the, jinse bachke woh bhag raha tha. Gunde paas aa gaye, to unme se ek aadmi bola.
“Haha, bahut daudaya tune, aaj tak kisi ko marne ke liye itna nahi bhaga main, Olympic me bhagta naa to gold aa jata.”
“Kon ho tum log, aur kyu marna chahte ho mujhe?”
“Ye to boss ko pata hai, ki tune konsa udta teer liya jo boss khud tujhe marne aa rahe hai”
“Boss, kon hai tumharaaaaaa……”
‘Banggg..’
Ek goli chalne ki awaz aayi aur sath me uss ladke ki chikhne ki.
“Aaaahhhhhh”
“Abe tere sawalo ka jawab dene ka theka nahi hai mere pass.”
Uss gunde ne ladke ke pair me goli maar di thi taki vo bhag na sake.
Vo apni jeb se hone nikal kar call karne vala hota hai ki, itne ne uske phone par hi call aat hai.
“Junior Sir ka call hai”
“Hello”
“Mila vo ladka ya aaj tum sabki lash jungle ke janwaron ke khilani padegi”
“Vo ladka mil gya hai, hamne use pakad liya hai, main aapko location bhejta hu”
“Thik hai, main abhi dada ko lekar aata hu”
“Yes Sir”
*************************
Vo ladka jameen par ghayal avastha me ghutno ke bal betha tha. Use charo taraf se gundo ne gher rakha tha.
“Rajveer Agnivanshi! Hahahaha, bahut mehnat karayi tumne, lekin kya fayda inn sabka maut se kaun bacha hai aaj tak.
Vo ladka apna naam sunkar hairan tha, vo naam jise vo barso pehle chhod chuka tha, jis naam ka koi matlab nahi tha uske liye. Jis naam se use nafrat thi.
“Kon ho tum log?”
“Dekho time hamare paas kam hai, aur bahut kaam to baaton me use barbad nahi karte”
“Mujhe kyu marna chahte ho”
“Tumhare sare sawalo ka jawab eksath de deta hu, hume tumhe marne ke liye contract mila tha, hamari tumse koi dushmani nahi hai, lekin Paisa jo naa karade vo kam hai.”
“Kisne kaha hai mujhe marne ke liye”
(Halaki uss aadmi ke muh se jise sab dada ya boss keh rahe the, apna asli naam sunkar use andaja ho gaya tha ki iske piche kon ho sakta hai)
“Hairani ki baat hai, ki apni jaan ki bhikh mangne ki bajay tum sawal jawab kar rahe ho, kya ye jaan na tumhari akhri khwahish hai, to ise puri kiye deta hun.”
Vo aadmi Rajveer ke paas aata hai aur uske kaan me kuch kehta hai.
Rajveer ke chehre par kuch hairani ke bhaw aate hai lekin phir jaise use isi ki ummed thi vo koi react nahi karta.
Rajveer - (mann me) kya yahi hai mera ant, aur kyu. Maine kiya kya hai, kis gunah ki saja mili mujhe jindagi bhar. Ye hai mere pariwar ki hakikat, mujhe marne ki sajish mere hi apno ne ki hai, jinse bachkar bhagta raha jindagi bhar. Lekin main kyu maru, ab..ab shayad kuch nahi ho sakta.
David urf dada Rajveer ke sar par gun point karta hai.
“Koi akhri khwahish bacche?”
Rajveer kuch nahi bolta.
Rajveer (apne mann me) Agar aaj me bach gaya, to wada karta hu, kisi ko nahi chhodunga…ek ek ko khoon ke aansu rulaunga…har uss insan ki jindagi narak se battar hogi, jisne mujhse mera bachpan chhina.
David gun ka trigger dabata ki usse pehle Rajveer jhatke se utha aur David ko dhakka dekar piche gira diya, aur bina kisi par dhyan diye, nadi ki taraf bhagne laga. Iss waqt use apne dard ka koi hosh nahi tha.
Woh nadi ke paas pahucha aur jaise hi usne nadi me chalang lagai ek ke baad ek kai goliyan uski pith ko chalni kar gayi.
Ek goli to uski pith me laga ke uske sine se bahar nikal gayi, uska bejaan sa shareer nad
i ke pani me gira aur bahav ke sath aage chala gaya.
David - (call pe) agnivanshi sahab! Aapka kaam ho gaya. Rajveer mar chuka hai. Contact ke bache hue 3 crore rupay pahucha dijiyega.
Call cut.
*****
*****
*****
Aaj itna hi dosto, Update weekly dene ki koshish karunga. Sath rahe aur likes comment karna na bhule....
for new story
par phir bhi 2nd update ka intezar rhega 
)
