ajay. "prem nagar! ye prem nagar kahan hai"
sunaina. prem nagar ke bare me nahi jante tum. prem nagar to pure india me famous hai.
ajay anjan logo ke jaise chahra banaye sunaina ka moh takne laga.
sunaina ajay ko hairani se dekhti hui boli. "rana saab ki chhoti si saltanat hai ye prem nagar"
doctor short detail me ajay ko prem nagar ke bare me batane lagi. ajay aise sunne laga. jaise ye sab uske liye naya ho.
________________________
davinder singh rana se milne koi aaya hua tha. wo busy the. malti singh rana prem nagar ke nigran ke sath ajay se milne aai thi. usay khabar mili thi. ajay hosh me aa gaya hai. to milne chali aai thi.
ajay usay dekh sammaniya beth gaya. jaise ameeron ko dekh gareeb sar jhuka jaya karte han.
malti. mere saamne aise sar mat jhukao. mai koi rani nahi hon. ek sadharan si insan hon. na mai tumse badhkar hon. aur na hi tum mujhse kamtar.
ajay. aap wahi han na, jiska purse
ajay apni baat adhuri chhod gaya
malti singh rana boli "haan mai wahi hon. tum apne bare me mujhe kuch bataoge beta.
ajay dukhi chahra banata hua bola "mere bare me jaan kar aap kya karengi. aapne mujhe marne nahi dia. yahan la kar mera ilaj kiya. mere liye itna bhi bohut hai. ab chalta hon mai. aapka bohut bohut shukriya mem sahiba.
ajay drip lagi sui ko khench kar khud se alag karta hua bed se utar gaya. doctor sunaina, malti singh rana cheekh padi
"ye kya kar rahe ho tum. abhi drip khatam nahi hui hai. tumhari halat aisi nahi hai. tum abhi kahin ja sako"
"patient se aise baat karte han kyaaaa" malti singh rana ka andaz narazgi wala nahi tha. daant wala tha. doctor sunaina sorry bol gai
malti bade pyar se ajay ke karib hui aur ajay ke kandhe par hath rakhne lagi
ajay aise bidka. jaise usay kisi bichhoo ne kat lia ho. malti singh rana jo kahna chahti thi. wo unke moh me hi rah gaya. wo hairani se ajay ko dekhne lagi. ajay ki usay kuch bhi samjh nahi aa rahi thi.
yahan nigran malti singh rana ke sath ajay ka aisa vyavhar sahn nahi kar paya aur sakht lahje me bola "malikan han ye is saltanat ki. inke sath adab se pesh aao"
malti singh rana ne is bar nigran ko ghoora "tumhe kisne beech me bolne ke liye kaha. jaaaaoo tum bahar ja kar khade hovo."
nigran bahar chala gaya. malti singh rana firse ajay ki orr matawajju ho gai. ajay ab bahar jane ko hi tha
"ruk jaao beta. tum aise nahi ja sakte. mai tumhe youn nahi jane dungi."
ajay ka andaz bhi badal gaya. wo bola to sunaina ko ajay par gusa aane laga
"kyun rukun mai yahan. kyun suno mai aapki koi bhi baat. aap ameer han aur mai gareeb. mujhe youn beta bhi mat boliye. mujhe shabdo me meetha hazam nahi hota. zeher me bujhe hue teer han ye meethe shabd mere liye"
doctor sunaina mann me ajay ko galiyan dene lagi.
malti singh rana bhi jaise thaan chuki thi. ajay ko narm kar ke hi rahegi. usse uske bare me sab jaan ke hi rahegi. malti singh rana aged thi. par bohut zayada fitt thi. regulat exercise aur yoga karti thi. yehi rules khandan bhar ki ladkiyon par bhi laago the. jism fit to dimag fit. jism aur dimag dono fit to mann saaf rahta hai.
malti singh rana ne ajay ka hath firse pakad liya. ajay ne firse jhatak dia. malti singh rana ne firse koshish kari to ajay ne firse jhatak dia. malti singh rana ne ajay ko kandhe se pakad kar ghumaya aur ek chanta maar dia.
ajay apne gaal par hath rakhe malti singh rana ko dekhne laga. malti singh rana ke chahre par gusa nahi tha. adhik prem ki chhaap thi.
malti singh rana narm awaz me boli "mujhe shama karna beta. mujhe kisi par hath uthane ki adat nahi hai. tum bohut apne apne lage ho mujhe. alag lage ho tum mujhe dusron se. bohut kuch hatke dikha hai mujhe tumhari ankhon me. tumhari awaz se, tumhare ravayye se jana hai maine. tum dunya ke sataye hue ho. tum jana hi chahte ho to mai tumhe nahi rokungi. bass mujhe meri ek baat ka jawab de do, fir chahe to chale jana"
ajay malti singh rana ko dekhta raha. koi bhi bhav ajay ne apne chahre par nahi aane dia tha.
"tumhare lahje se mujhe ameeron ke liye nafrat mahsus hui hai. aisa hai to fir kyun tumne ek ameer ki madad ki. kyun ek chor jab mera purse chheen kar le uda tha to tum mera purse leke mere paas wapis aaye the"
doctor sunaina ye baat nahi janti thi. ab jani to kuch hairani se ajay ko dekhne lagi. wo bhi jaanna chahti thi, ajay malti singh rana ko kya jawab deta hai.
ajay ke honto par zehreeli muskaan ubhar aai. jab wo bola to uske lahje me badi kaat thi.
"aap ameer han mem saab. koi ameer to aapke purse ko chheenne se raha. gareeb hi hota hai, jise apna aur apne parivar ka pet palne ke liye chori chakari chheena jhapti karni padti hai. woh bhi gareeb tha, aapka purse chheen kar bhag nikla. mai wahi tha, isliye nahi bhaga tha mai uske peeche ki usse aapka purse wapis chheen kar aap par koi ahsan karun.".. yahan ajay ajib se andaz me hasa.. "koi gareeb kisi ameer par ahsan par bhi kaise sakta hai. ahsan kare to usay uske ahsan ki keemat moke par hi ada kar di jati hai. ameer aur gareeb ka fark wahi moke par hi show karwa dia jata hai. mai aapke purse ke liye usay us gareeb ko kisi uljhan me phasne se bachane ke liye uske peeche bhaga tha. gareeb ka ghar ujad jaaye to koi sunta bhi nahi hai. ek ameer ka khali purse bhi koi gareeb chheen kar farar ho jaaye to pura police department uski khoj me lag jata hai. jaan lia aapne maine kyun us chor se aapka purse chheena tha. maine aapka purse aapko wapis dilwaya, aapne yahan la kar mera treatment karke hisab chukta kar dia. na mera aap par koi ahsan raha, aur aap ka mujhpar.. chalta hon."
ajay ki kadvi baaten sunkar doc sunaina ke kanon me saayen saayen hone lagi thi. wahi malti singh rana ajay ki baaten sunkar sharam se sar jhuka gai thi. sach hi to kaha tha ajay. ameer ki baat hi nirali hoti hai. jahan kisi ameer par musibat aaye to sach me hi to pura department uske liye masruf ho jata hai. wahi kisi gareeb ke sar par koi museebat aaye to police wale dohri musibat bankar unpar toot padte han.
malti singh rana yehi sab sochti rah gai. ajay clinic room se bahar nikal pada. malti singh rana ko jaise hosh aaya. wo bhagi, uske peeche doc sunaina bhi bhagi. jaise hi dono bahar nikli. saamne davinder singh rana ko dekh wahi tham si gai..
davinder singh rana aur ajay aamne saamne khade the. davinder singh rana chamkeeli ankhon se ajay ko dekh rahe the. malti singh rana jo nahi kar paai thi, wo karne ke liye unka pati aa gaya tha. ab wo sukun se khadi thi. janti thi, uske pati ko nakar pana ajay ke bass me nahi hoga. jitna zeher ajay ke lahje me hai. wo sara ab davinder singh rana ke bolte hi kahin ja soyega.
davinder singh rana bola "aapka naam kya jaan sakta hon mai"
wahi hua jo malti singh rana ne socha tha. uske pati ke bolte hi uske ajay ke chahre ke bhav badalte dekhe the
"ajay.. ajay hai mera naam"
davinder singh rana "ajay.. ajay ke bad bhi koi shabd hoga aapke nam ke sath"
"nahi. mere nam ke sath koi aur nam jud hi nahi sakta"
"kyun?" saral andaz me pucha gaya
yahan ajay ki tone firse badli "aap jan kar kya karenge" ajay rookhe andz me bola
doctor suanina ki bhuen firse upar ko hui. kabhi ajay ko leke wo hairan hui to kabhi guse me aayi. ab fir usay ajay par gusa aane laga tha. jis davinder singh rana ke aage desh ke bade bade adhikari bhi narm lahje me baat karte the. ajay unke sath bazari lahje me baat raha tha.
"kuch nahi karunga. mai kar bhi kya sakta hon. mera aur aapka lena dena bhi to koi nahi hai. aap hamare kam aaye. aur hum aapke kaam aaye. hisab sach me barabar ho gaya. shukar hai bhagwan ka. jo uske hisab barabar kar dia. na karta to mai chain se so nahi pata. isi liye aapko yahan laya gaya tha. ab aap jana chahen to jaa sakte han. hum kon hote han aapko rokne wale. lekin jane se pahle ye jante jaaiye. aap yahan se jaayen to zarur. par hamare karazdar bankar jayenge."
ajay hairan hua "karazdar?. maine kab aapse karza lia hai"
malti singh rana ke honto par ab ek vijayi muskan aa gai thi.
"mere aane se kuch hi der pahle. andar kamre me. meri dharam patni ne aapko karz dia hai. usay chukaye bina jaayenge to aap bhi chain se so nahi paaayenge."
ajay ulajhta hua bola "aisa koi bhi karz maine mem saab se wasul nahi kiya hai sir!"
"kiya hai. maine khud apni in gunahgar ankhon se dekha hai. kano se suna hai"
ajay tha to dramebaz. aur yahin rukne ke liye hi ye sara drama kar raha tha. par uske drame ke sath ek aur drama bhi shuru ho gaya tha. jisse woh ab kuch ulajhne laga tha.
"aap saaf baat karenge sir?"
"bhai karz keval paison ke len den ka hi nam nahi hai. maan se bole gaye shabdo ka, pyar ka, mithas ka, ahsas ka bhi karz hota hai. meri dharam patni ne ye sare karz aapko diye han. aur aap guse me aye, berukhi se bolte hue meri dharam patni ko unka karz chukaye bina hi ja rahe the. ye to nainsani hai bhei. ye to aapke apne hi asulon ke khilaf baat hui na fir."
ajay yahan par has pada. ajay ka hasna tha. davinder singh rana, jo ab tak alag andaz akhtiar kiye hue the. wo bhi has pade. malti singh rana bhi hasti hui karib aaa gai. doctor sunaina ne khud ko wahan roke rakhna uchit nahi samjha aur andr chali gai. nigran kuch doori par khada ajay ko ab bhi ghoor raha tha.
"meri patni ne aapko thappad mara. uske liye mai shama mangta hon aapse"
"nahi sir. aap mujhse shama mat maangiye. dusre aap mujhe ye bar bar aap aap mat kahiye. aap mujhse bohut bade han. aur badon ko zeb nahi deta. wo ko aise samman den"
"chalen andar chal kar baat karen" malti singh rana boli
"andar kyun. ab to ajay hosh me aa gaya hai. ise kothi me le chalte han. iski halat sudhar kar isse baat karte han"
"mai kya karunga yahan ruk kar"
davinder singh rana hasta hua bola "gilli danda khelenge"
ajay "kyaaaaa??"
"acha gilli danda nahi khelna aata. chalo jo tumhe pasand hoga. wahi khel khelenge. hockey, football, kenche, kabaddi"
malti singh rana hasne lagi
ajay bhi khud ko hasne se na rok paya. davinder singh rana ek dilchasp insan laga usay.
_____________________________________
ajay ne jitna drama zaruri jana, utna kiya. zayada karta to kahin mission fail hi na ho jata.
mahal ke back side me mahmano ke liye aneko kamre bane hue the. unhi kamron me se ek kamra ajay ko fresh hone ke liye de dia gaya. nigran se kah dia gaya tha. ajay ke liye naye aur ache kapde laaye jaaye. jitni der me ajay naha kar free hua. utni der me ajay ke kamre me bed par kapdo ka dher lag gaya tha.
naha dho kar naye kapde pahn kar, pet bhar khana khane ke bad ajay ek bar firse davinder singh rana aur unki patni ke saaamne betha hua tha.
"to chalo ab apne bare me sab fatafat bata do. ek bhi baat rahne nahi dena. shuru se leke ab tak ka sab haal bayan kardo"
ajay ne ek jhuti kahani ghad kar suna di. wo anath hai. footpathiya hai. ameeron se mili barson tak dhitkar ke chalte uske vichar ameeron ke liye badal gaye. kam age ka tha to bheek mang kar pet bhara karta tha. mahnat mazdoori karne layak hua to bheek mangna chhod kar mahnat karke apna pet bharne laga. jo kamata, pet bhar khane ke bad baki bache sare paise apne hi jaise gareeb bachhu ko de dia karta tha. kisi ek jaga nahi thahra ajay. shahar badal badal kar apne liye achi zindagi ki talash me tha.
davinder singh rana bola "tum jo paise kamate the. wo jod kar koi kam dhanda bhi to kar sakte the."
"kaise ikathe karta mai paise. kaha na, jaisi life maine ji thi. apne jaison ko dard me dekh kar mai tadap uthta tha. dimag ne bohut kaha, bhi swarthi ban jaao. dil ne kaha. fir tumme aur un ameeron me kya fark rahega. jinse tum shuru se nafrat karte aa rahe ho..bass isi kashmakash me mai raha. aur samay guzarta gaya. kabhi kabhi to mai aisa khud se ulajhne lagta tha. mansik sthiti bigadne lagti thi.. fir mai kisi kam karne layak bhi nahi rahta. bina kam kiye mai pet nahi bhar sakta tha. is liye kai kai din bhuke pet rahna padta"
davinder singh rana aur malti singh rana ke liye ajay ke kahani badi hi dardnak thi. malti ki to ankhen hi nam ho gai thi ajay ki jhuti kahani sunkar. aise hi kuch der aur ajay se uske baare me pucha jaane laga. ajay jawab deta raha
davinder singh rana bola "yahan kam karne walun ki ek lambi line lagi padi hai.
ek tum bhi agar yahi rahkar kam karne lago. to mai tumhe vishwas dilata hon, ek to tumhare dil me jo ameeron ke liye nafrat hai. wo jaati rahegi. dusre tum padh likh nahi paye ho. chahu to is kam me tumhari sahayata ki ja sakti hai. yahan kam karke paise bhi kamate rahne, aur khud ko life me kuch banne layak bhi banate rahna."
ajay inkar karta hua bola "nahi sir. mai ab tak kisi ek jaga tik kar nahi jiya hon. bade logo se door rahte jiye hon. kam me koi burai nahi hai. par jitna pyar mujhe aap aur mem sab de rahe han. mai itna pyar sahn nahi kar paaunga. barson se bhadak rahe sholay mujhe to jalate hi aye han. kisi nazuk mod par mai khud par se control bhul jaaun aur meri andar ki aag ke sholay aapke is prem nagar ko kahin jala kar bhasam na kar den. isliye aap rahne hi den. jitna aapne mere sath kiya. usay umar bhar mai bhula nahi paunga. ap meri life me mujhe milne wale pahle aise ache log han. jinse milke mujhe dili khushi mili hai. is khushi ko kayam rakhne ke liye mera jana hi zaruri hai. wada karta hon, kabhi na kabhi milne aata rahunga.
ajay harami baton ka rukh dekh baat karna janta tha. davinder singh rana aur malti dono ajay ko dekhte rah gaye.
malti singh rana apne pati se boli "ye ladka bohut tedha hai. par bohut acha bhi hai. dil par bohut se zakham kha chuka hai. itni jaldi maanega nahi"
davinder singh rana muskurata hua bola "mera nam bhi davinder singh rana hai. haar to maine bhi kabhi nahi mani. ye ziddi hai to main bhi ziddi hon. ise kahin jane nahi dunga. sach kahun to ye ladka mujhe bohut pasand aane laga hai. kuch to baat hai khas isme"
ajay hasta hua "jitni khas baten thi ya han mujhme. wo sab aapko bata chuka hon sir"
"aur bhi jo baten khas han tumme wo bhi bata do. zarur kuch to bacha hai"
_______________________________
ajay ki naukri prem nagar me pakki ho chuki thi. ajay chunki alag mind ka ladka tha. khud ke dum par bohut kuch karna chahta tha. isliye usay aam kam na dekar 20 naukron ka head bana dia gaya. sath hi ek padhi likhi naukrani ko ajay ko padhai ke liye bol dia. ajay ki salary 30,000 se start hui. bad me uske kam ke hisab se badha di jaati.
ajay itni jaldi nahi mana tha. ajay ko manane ke liye davinder singh rana aur malti singh rana ko danton pasina a gaya tha. ajay ne khare shabdo me kah dia tha. wo kuch bhi galat dekh kar sahn nahi kar sakta. jaha usay bolna uchit laga, wo bolega. pyar dene ke nam par ajay ne khule shabdo me dono ko bol dia tha. pyar de rahe ho to bharosa bhi karna. aisa na ho. kal ko koi kuch bol de aur aap ankhon ke andhe bankar meri izzat pal bhar me hi mitti me mila den. isliye mujhe abhi se jaane den to acha hai. par dono jaise zid bandh bethe the. ajay ko khud se door nahi karna hai..
youn ajay ko apne maksad me badi asani se safalta mil gai..
teesre din ajay nashte ke bad apne under ke naukron ke paas pohncha to wo kisi kam ki tayari me lage hue the.
ajay unko routine se hatke kam me busy dekhkar hairan hua
"ye tum log kya kar rahe ho" ajay ne hairani se poocha
ek naukar bola "saab.. aaj chhoti malikan pari ka 18van janam din hai"
ajay ka moh khul gaya. usay wo chahra yaad aane lga. jo usne do din pahle dekha tha.. ajay us chahre ko yaad karta uski sunderta me khone laga.
