UPDATE 3
10 saal tak kahan the
jab mujhe hosh aaya toh meri memory jaa chuki thi
ek couple ne mujhe adopt kar liya
woh mujhe America le gaye
jaise hi myjhe sab yaad aaya
main wapas aagaya
avinash safed jhuth itni asani se bola tha
ki meera ne ankh band karke yakeen kar liya
main aapke liye naye kapde leke aata hoon
avinash uthte hue bola
meera ne avinash ka hath pakad liya
nahi main akayla nahi rehna chahti
please
toh phir chaliye
sath chalte hain
meera kuchh nahi boli
chalengi
ya phir goad mein uthake le chalu
chal rahi hoon
Saamant aur raghuveer dono phone pe baat kar rahe the
yeh sab kya hai saamant
tumhari officer use bina arrest kiye chali gayi
raghuveer main bas itna hi kahunga
ki woh jo kar raha hai use karne do
usse uljho mat
bahut pachhtaoge
tumhein sharam nahi aati saamant aisi baatein bolte hue
aakhir kya ho gaya
pehle toh tum itne confidence ke sath bol rahe the
phone cut gaya
aur raghuveer daant peeske reh gaya
koi baat nahi kutte
tere baap se seedhe baat karta hoon
aur laga diya raghuveer ne state ke home minister ko phone
aur usse thodi der baat karne ke baad
raghuveer thaake maarke hansne laga
kuchh der baad avinash meera ko leke ek mall pahuncha
usne auto waale ko paise diye
aur phir andar chala gaya
woh andar jaa hi rahe the
ki guard ne meera ko dekhke bura sa munh banaya
meera sharminda ho gayi
avinash meera ko leke ek shop mein ghus gaya
aur phir salesgirl se bola
ki inhein kapde dikhao
salesgirl ne meera ko dekha
pata nahi kahan kahan se chale aate hain
bheekhaari kahin ke
what the fuck did you say
avinash ne salesgirl ko ghurte hue bola
avinash ki baat sunke salesgirl ghabra gayi
aur boli
main kahan kuchh keh rahi hoon sir
tabhi manager wahan aagayi
aur meera ko dekhke usne bura sa munh bana liya
yeh yahan andar kaise aayi
nikaalo ise bahar
manager ka naam rekha tha
avinash apni gardan hilane laga
no no
what the fuck is wrong with you people
avinash cheekhte hue bola
manager ki ghighi band ho gayi
lekin phir bhi usne himmat ki
aur boli
nikal jaao
isse pehle ki tumhein dhakke maarke bahar nikaal diya jaaye
rekha daant peesti hui boli
tabhi rekha ka phone baja
aur usne jo suna
uski aankho ke saamne andhera chha gaya
kyunki use apne kaano pe yakeen nahi ho raha tha
jis ladki ko woh bahar nikaalne ko keh rahi thi
woh ladki is mall ki owner thi
uska dimaag hang ho gaya tha
ab use yeh samajh nahi aaraha tha
ki woh kya kare
dar ke maare uski aankho se aansu behne lage
meera ko khud yakeen nahi ho raha tha
yahan toh manager ki haalat kharab thi
toh salesgirl bechari kya karti
lekin salesgirl thi samajhdar
aap pe yeh dress bahut suit karega
meera ne dress utha liya
aur bina kuchh bole changing room mein chali gayi
avinash ne jab dhyan diya
toh woh samajh gaya
ki rekha ko kya hua hai
don't worry aapki naukri nahi jaayegi
lekin yaad rahe dobara aisi glati nahi honi chahiye
rekha ne apni gardan haan mein hilayi
aur phir ek side mein khadi ho gayi
kuchh der baad meera changing room se bahar nikli
sab meera ko aise dekh rahe the
jaise koi ajooba ho
ek tarah se sab uski khubsurti mein kho gaye the
achchi nahi dikh rahi hoon
meera avinash ko dekhte hue boli
jiske jawab mein Avinash ne apni gardan naa mein hila di
phir meera ne aur kapde liye
uske baad woh dono ek restaurant mein gaye
wahan khaana khaaya
aur phir wahan se nikalke apne ghar pahunche
dono room mein the
meera itni khush thi
ki khushi mein woh rone lagi
don't worry di
ab aap ko kabhi sad nahi hone dunga
waise sapna ko koi faraq nahi pad raha tha
avinash ke aane ka
uska baap khud ameer tha
lekin use thodi pata tha
ki yeh property jispe uske sasur aur pati
aish kar rahe hain
woh saari property meera ki hai
meera ko usne kabhi hurt nahi kiya
lekin kisi ko roka bhi nahi use hurt karne se
ankit jab room mein aaya
toh woh kaafi pareshan lag raha tha
sapna ne usse baat karne ki koshish ki
lekin ankit ne use ignore kar diya
raat ke kareeb 10 baje
di aap so jaaiye
main dusre room mein jaata hoon
jiske jawab mein meera ne avinash ka hath pakad liya
yahin mere sath so jaao
ab main akayle nahi rehna chahti
mujhe bahut dar lagta hai raat ko
ab uski wajah bhi thi
ek raat pata nahi kaun meera ke room mein ghus gaya tha
aur usse zabardasti karne ki koshish karne laga
koi nahi aaya uski cheekh sunke
lekin sapna aayi
par woh aadmi window se koodke bhaag gaya
aur sabne yahi kaha
ki meera sapna Dekhi hogi
theek hai
aap upar so jaaiye
main neeche so jaaunga
kya baatein kar rahe ho
upar sone mein kya dikkat hai
meera thoda gussa ho gayi thi
woh toh bas yeh soch rahi thi
ki bachpan mein maine kabhi apne bhai ko apni goad mein nahi sulaya
kabhi use apni baaho mein leke chup nahi karaya
woh toh bas apni us khawahish ko poora karna chahti thi
avinash bathroom mein gaya
aur apne kapde change karke aagaya
meera bhi change karke aagayi
dono let gaye
meera avinash ko dekh rahi thi
khair subah hui thi
meera ki aankh khuli
aur woh chaunk gayi
kyunki woh avinash se lipat ke soyi hui thi
un dono ka chehra itna kareeb tha
ki meera pata nahi kyun sharma gayi
aur phir avinash se alag ho gayi
phir woh bathroom mein gayi
ready hoke bahar aayi
phir usne socha ki avinash ke liye nashta bana deti hoon
jab woh neeche gayi
toh pata chala nidhi poora sar ghar pe utha rakhkha tha
jaise hi nidhi ki najar meera pe padi
nidhi ne bolna shuru kiya
you bitch
aaj tak humare tukdo pe palti aayi
aur aaj bhai ke aate hi apni asliyat dikha di
teri himmat kaise hui mere room mein sone ki
mere room mein pair rakhne ki
meera ko pata tha ki nidhi ko aisa uske chacha chachi ne banaya hai
woh aisi nahi thi
meera kuchh nahi boli
abhi ke abhi apne bhai se keh de
ki mere room se nikal jaaye
warna achcha nahi hoga
woh tumhare bhaiya hain nidhi
bhaiya my foot
mera ek hi bhai hai
aur woh hai ankit
tabhi kareeb 20 aadmi ghar ke andar ghuse
un sabke aage ankit tha
aur uske aage raghuveer
tum sab apne room mein jaao
raghuveer ki baat sunte hi sab room mein chali gayi
sapna ko chhodke
meera sawaliya najro se raghuveer ko dekhne lagi
khatam kar do ise aur iske bhai ko
Raghuveer ki baat sunte hi sapna ki aankhein khuli ki khuli reh gayi
use apne kaano pe yakeen nahi hua
papa jee yeh aap kaisi baatein kar rahe hain
ankit bahu ko room mein leke jaao
raghuveer ne gusse mein bola
ankit ne sapna ka hath pakda
aur use room mein le jaane laga
don't touch mein ankit
papa jee kya keh rahe hain
sapna room mein chalo
tum kaisi baatein kar rahe ho
yeh galat hai
woh tumhari behen hai
aakhir aisi kya baat ho gayi
jo papa jee meera ko maarne ke liye keh rahe hain
ankit pehle se hi Pareshan tha
sapna ki Baatein sunke use aur jyada gussa aagaya
aur usne sapna ka hath pakda
aur kheenchte hue room mein le gaya
aur bahar se gate band kar diya
khade khade dekh kya rahe ho
jo kaha hai woh karo
Raghuveer ke aadmi meera ki taraf daud pade
aur tabhi meera avinash ka naam leke cheekh padi
meera ko kuchh bhi samajh nahi aaya
kyunki woh bed pe leti hui thi
avinash uske bagal mein baitha hua tha
aap cheekh kyun rahi hain
meera avinash ke seene se lag gayi
chacha jee ne humein maarne ke liye bahut saare aadmiyon ko bulwaya tha
aap toh abhi soke uthi hain
tum mera yakeen kyun nahi karte
achcha theek hai
hum.neeche chalke confirm kar lete hain
avinash meera ke sath neeche aaya
dekha wahan kuchh bhi nahi tha
Meera ko apni aankho pe vishwas nahi ho raha tha
basement mein ek room tha
bahut bada tha
pehle wahan jo guest aate the
wohi rukte the
kayi saalo se wahan koi aaya bhi nahi tha
raghuveer aur ankit dono zameen pe bandhe pade the
aur uske sath sath woh 20 aadmi bhi
dad hum yahan kaise aaye
aur humein kisne baandha hai
mujhe nahi pata beta
yeh sab kaise hua
tabhi room ki light on hui
aur sabki najar gate pe gayi
gate pe avinash khada tha
cricket bat apne hath mein liye
wtf chacha jee yeh aapne kya kiya
aap aisa kaise kar sakte hain
apni bhatiji ko maarne ki koshish
socha tha aapki maut asan hogi
lekin ab aap zindagi bhar tadpenge
aur phir us cricket bat se avinash ne un 20 aadmiyon ko badi berehmi se maar diya
sab cheekhte rahe chillate rahe
lekin kisi ne kuchh nahi suna
apni aankho ke saamne yeh khaufnak manzar dekhke raghuveer aur ankit dono ki haalat kharab ho chuki thi
do din beet chuke the
raghuveer aur ankit dono lapata ho chuke the
aur legally ab meera ka sab kuchh ho chuka tha..
