Romance Parivaar aur Pyaar

[tri20]

Update 14​

Idher uss call wale ne sang sang Megha ko call laga liya. Par Megha call receive nhi kar rahi thi. 2 baar call lagane ke baad teesre baar mein call receive hota hai.

Megha – Hello.

Saamne se – Kyaa meri baat Megha se horahi hai.

Megha – Jii kahiye.

Phir saamne wala apna naam batata hai toh Megha ke hosh udd jaate hai usko bahot bada jhatka lagta hai.

Megha – Mujhe maaf kardijiye maine aapko pehchana nhi aur aapka call bhi receive nhi kiya tha. I Am Sorry.

Saamne se – Aree aree shant shant. Aur tumhe maafi maangne ki koi jarurat nhi hai. Mujhe tumse kuch baat karni hai kyaa abhi hosakti hai.

Megha – Haa boliye naaa.

Phir saamne wala Megha se kuch baat karne lagta hai jisse sunke Megha ke pairon tale zameen khisakne lagti hai. Usse apne kaano mein yakeen nhi horaha tha. Uske aankhon se aansu behne lagte hai.

Megha – Kyaa aap sach keh rahi hai. Kahi aap mere saath koi mazaak toh nhi kar rahi hai naa.

Saamne se – Main bilkul sach keh rahi hu aur main koi mazaak nhi kar rahi.

Megha – Main aapko kis muh se thank you kahu. Aapne toh mujhe woh khushi di hai jiske liye main naajaane kab se taras rahi thi.

Saamne se – Mujhe tumhare baare mein sab kuch pata hai.

Megha – Par agar...

Saamne se – Main jaanti hu tum kyaa kehna chahti ho. Par tum chinta mat karo. Main hoon naaa. Yaha wahi hoga jo main chahungi. Par tumhe intezaar karna hoga.

Megha – Mujhe manzoor hai. Main saari zindagi intezaar karne ko taiyaar hu.

Saamne se – Ab main rakhti hu.

Phir call cut hojaata hai. Jaise hi call cut hota hai Megha ka phone phir se baj uthta hai.

Megha – Hello.

Sheetal – Ab toh tu khush hai naa.

Megha – Thank you Thank you Thank you so much Sheetal. Tune mere liye jo kiya hai naa uska aihsaan main kabhi nhi bhulungi.

Sheetal – Ek thappad maarungi naa akal thikaane aajayegi. Agar phir se yeh aihsaan ki baat ki toh main abhi unhe call karke sab pehle jaisa karwa deti hu.

Megha – Nhiiiiiiiiiii. Aisaa mattt karnaaaa.

Sheetal yeh sunn jorr jorr se hasne lagti hai.

Sheetal – Achha chal nhi karti kuch par ab tu apne kamre se nikal aur phir se pehle jaisi hojaa.

Kuch der inke beech aise hi baate hoti hai aur phir call cut hojaata hai.

Idher Suraj ko hospital mein admit kiya gaya tha. Uski hakat bahot buri thi. Doctor ke kehne ke mutabik uske right hand ki haddi toot chuki thi aur left haath ka kandha dislocate hochuka tha.

Suraj ke saathiyon ko jab iss baat ka pata chalta hai toh woh usse milne ke liye hospital aajate hai.

Suraj ne unhe batata hai ke uss ladke ne hi uss maara hai par maarne ka reason nhi bataya.

Harish – Humhe uss ladke ke upar police complain kardeni chahiye. Ekbaar woh police ke haath aajaye phir hum usse dekh lenge.

Aadmi – Haaa sahi kaha. Isse woh humare kabze mein aajayega.

Suraj – Par maine uski shakal nhi dekhi hai.

Harish – Nhi dekhi toh kyaa hua. Humhe yeh toh pata hi hai ke usne hi tujhe maara hai. Ekbaar woh police ke pakad mein aajaye phir toh usse hum dekh hi lenge.

Aadmi – Police abhi aane waali hogi. Tu unhe sab kuch bata dena uske baare mein.

Thodi der baad waha police aajati hai aur puchtach karne lagti hai. Suraj ne unhe uss ladke ke baare mein bata diya aur saath mein uss ladke ki picture bhi dikha di jo unhe uss courier company se mili thi.

Idher college mein Mahira aur Ishita canteen mein baithe hue the tabhi waha ek ladka aata hai jiska naam Rakesh tha.

Rakesh – Hii Mahira. Kaisi ho tum.

Mahira – Main thik hu.

Rakesh – Aaj coffee chale.

Mahira – Nhiii. Mera ek dusra plan hai.

Rakesh – Kya plan hai.

Mahira – Tumhe kyo batau.

Rakesh – Aree hum dost hai.

Mahira – Haa toh dosti ki hadd mein raho.

Rakesh – Tum aise kyo baat kar rahi ho.

Mahira – Mera mood achha nhi hai. Chale jao yaha se.

Rakesh kuch der Mahira ko ghurr ke dekhta hai phir waha se chala jaata hai.

Ishita – Tu usse aise rudely kyo behave karti hai.

Mahira – Tujhe pata hai Ishita woh kaisa ladka hai. Mujhe woh bilkul bhi pasand nhi hai. Woh jab bhi paas aata hai naa toh main insecure ho jaati hu.

Ishita – Par woh tujhe shayad pasand karta hai.

Mahira – Woh mujhe nhi mere jism ko pasand karta hai. Uski nazare naa chubhti hai mujhe.

Idher Rakesh waha se apne dosto ke paas aajata hai aur gusse mein jaake ek chair mein baith jaata hai.

Rakesh – Chorunga nhi usse. Mujhe akad dikhati hai. Rakesh ko akad dikhati hai.

Dost 1 – Kyaa huaa phir se beizaati kardi kyaa teri.

Dost 2 – Tu usse pyaar toh karta hai nhi phir kyo uske pichhe ghum raha hai.

Rakesh – Jab se usse dekha hai naa mujhe chainn nhi mil raha hai. Pyaar toh main bas paiso se karta hu. Par usme jo nasha hai naa woh shayad inn paiso mein bhi nhi hai.

Dost 3 – Toh tu chahta kya hai.

Rakesh – Main toh chahta hu uss Mahira ka jo ghamand hai naa woh toot jaaye. Aur woh ghamand mere haatho hi toote. Uski iss khubsoorati ko main raundna chahta hu.

Dost 2 – Toh utha lete hai ekdin. Phir tujhe jo karna hai kar.

Dost 1 – Ekdum. Tu bole toh aaj hi utha lete hai.

Rakesh kuch der sochta hai phir bolta hai.

Rakesh – Thikk hai. Aaj college khatam hote hi dono beheno ko utha lete hai. Phir le chalte hai dono ko apne adde pe.

Uske baad wohlog plan banane lagte hai.

Kuch der baad College ki final bell baj jaati hai aur Mahira Ishita ke saath ghar jaane lagti hai. Yeh dono apni gaadi mein baith ke jaane lagti hai toh Rakesh aur uske dost inka pichha karne lagte hai.

Thodi der baad yehlog college se durr aagaye hote hai toh Rakesh aur uske dost unki gaadi Mahira aur Ishita ki gaadi ke aage laakar rokh dete hai. Phir yehlog apne muh mein mask laga kar bahar nikalte hai aur Unndono ko jabardasti gaadi ke bahar nikalte hai.

Unka driver rokhne ki koshish karta hai toh Rakesh usse maarne lagta hai. Jab tak Rakesh driver ko maar raha hota hai tab tak uske dost Mahira aur Ishita ko jabardasti apni gaadi mein baitha dete hai.

Mahira aur Ishita chillane lagte hai par unki helo ke liye uss waqt waha koi nhi hota. Phir Rakesh driver ko chorr ke jaldi se gaadi ke paas aata hai usme baith ke nikal jaata hai.

Driver apni kharab halat hone ke bawjood bhi jaldi se apna phone nikalta hai ghar ke sabse bharosemand insaan ko call karta hai jo ek tarah se Vikram ka head security chief tha jo ab Aryan ka hai jiska naam Veer Singh hai.

Driver Veer Singh ko call karke sabkuch bata deta hai jisse sunke Veer Singh ki aankhe gusse se laal hojaati hai.

Veer – Kiski itni himmat hogyi jisne Rajput parivaar ki izzat pe haath daalne ki koshish ki.

Driver – Pata nhi sir. Kaun the wohlog. Achanak se gaadi ke saamne aaye aur jabardasti unhe le gaye.

Veer – Tumne unki gaadi ka number dekha.

Driver – Yes sir.

Phir Driver Veer ko gaadi ka number de deta hai. Veer turant hi uss gaadi ka location trace karne ke kaam mein lag jaata hai aur Aryan ko bhi yeh baat bata deta hai.

Veer – Aryan ab kyaa karoge.

Aryan – Issbaar main khud jaunga.

Veer – Par...

Aryan – Mera bhi koi farz banta hai. Aap bas mujhe location de dijiye.

Phir Veer Aryan ko unki location de deta hai toh Aryan turant waha ke liye nikal jaata hai.​

awesom update dekhate hai aryan rakesh ko kaise sabak sikhata hai ya woh ladka bhi uski help karne aata hai ki nahi filhal suraj ne us ladke ko police case mai fasa diya hai

 

[tri20]

Update 15​

Idher Rakesh aur uske dosto ne Mahira aur Ishita ko apne adde pe laake baandh diya tha.

Mahira – Kaun ho tumlog. Aur humhe yaha kyo baandha hua hai.

Ishita – Tumlog jaante nhi humlog kaun hai.

Rakesh – Hum achhe se jaante hai tumlog kaun ho. Par aaj jo bhi yaha hoga uske baad tumhara khaandan bhi humara kuch nhi ukhaad paayega. Yeh bol woh jorr jorr se hasne lagta hai.

Mahira ko uski awaaz jaani pehchaani lagti hai par filhal woh dari hui thi toh uss baat ko utna seriously nhi liya.

Abhi aur koi kuch bolta tabhi uss ghar ke darwaaze pe knock hone lagta hai.

Dost 1 – Abhi yaha kaun aaya hoga. Kahi police toh nhi.

Rakesh – Aree nhi ree. Maine khaane peene ka samaan order diya tha delivery boy hoga.

Rakesh ki baat sunn woh jaake darwaaza kholta hai aur saamne delivery boy ki jagah kisi aur ko dekhta hai toh hairaan hojaata hai.

Dost 1 – Kaun hai tu.

Saamne se – Teri barbaadi hu main.

Yeh bol uske seene mein ek laath maarta hai toh woh durr jaake girta hai.

Apne dost ko aise girte dekh Rakesh aur baaki ke ladke satark hojaate hai aur jab wohlog saamne ki taraf dekhte hai toh waha se Aryan andar aaraha hota hai.

Mahira aur Ishita jab Aryan ko dekhti hai toh unke mann mein jo darr tha woh durr hone lagta hai.

Rakesh – Abee kaun hai ree tu. Aur yaha kyaaa kar raha hai.

Aryan – Teri barbaadi hu mein. Tune jinko haath lagane ki koshish ki hai woh Rajput khandaan ki izzat hai. Aur tune Rajput khandaan ki izzat pe haath daala. Tune jis haath se unhe haath lagaya hai woh haath ab salamat nhi rahenge.

Aryan ki baat sunn Rakesh usse maarne aata hai par Aryan uske maarne se pehle hi Rakesh ko maarne lagta hai.

Rakesh ko aise maar khaata dekh uske dost Aryan ke paas aake usse pakadne lagte hai toh Aryan unhe bhi maarne lagta hai.

Rakesh ne ab apni jeb se chaaku nikal liya tha toh Aryan apne shirt ki sleeves ko chadhate hue bolne lagta hai.

Aryan – Bahot din hogaye hai kisi se achhi tarah se do do haath nhi hue hai aaj mauka mila hai.

Rakesh uss chaaku se Aryan ne waar karne ke liye aata hai toh Aryan uske waar ko dodge karke uss chaaku waale haath ko pakad leta hai aur ghuma deta hai jisse Rakesh ki chikhe nikalne lagti hai.

Aryan thoda aur pressure uske haath mein deta hai toh uske haath se chaaku nichhe girr jaata hai phir Aryan usse dhakka deke saamne ki taraf dhakel deta hai.

Rakesh ke dost toh waha se bhaag jaate hai par Rakesh wahi fhas jaata hai. Phir Aryan Rakesh ke paas aata hai aur uske chehre se mask hatata hai.

Mahira aur Ishita Rakesh ko dekh kar shock hojaati hai.

Dono – Yeh toh Rakesh hai.

Aryan – Tumdonk jaanti ho isse.

Dono – Haaaa yeh humare saath college mein padhta hai.

Aryan – Achhaa.

Phir Aryan Rakesh ka wohi haath pakad ta hai jisse usne moda tha.

Aryan – Isi haath se pakada thaa naa tune.

Rakesh – Mujhse galti hogyi. Mujhe maaf kardo. Main aage se kabhi aisi galti nhi karunga. Mujhe maaf kardo. Main aage se inke saamne bhi nhi aaunga.

Aryan bina kuch sune Rakesh ka woh haath pakad ke uska kandha hi dislocate kardeta hai jisse Rakesh jorr jorr se chikhne lagta hai.

Aryan – Teri kismat achhi thi jo main yaha pe hu. Agar meri jagah galti se woh yaha pe aajata naa toh naa tu rehta aur naa tera yeh haath rehta.

Mahira Aryan ki yeh baat sunn leti hai aur sochne lagti hai ke woh kiske baare mein baat kar raha hai.

Abhi koi kuch bolta tabhi waha pe police aajati hai aur Rakesh ko pakad leti hai.

Aryan – Inspector sahab yeh hai jisne inhe kidnap kiya tha. Yeh inke college mein hi padhta hai. Iski maine achhe se khatir daari kardi hai. Iske kuch saathi bhi the yaha pe par woh bhaag gaye hai. Agar yeh apne aap se unke baare mein bol de toh thikk warna thodi aur khatirdaari karna.

Inspector – Aap chinta mat kijiye hum dekh lenge.

Phir Inspector Rakesh ko waha se leke nikal jaata hai.

Aryan Mahira aur Ishita ke paas aata hai toh dono uske gale lag jaate hai.

Dono – Thank you bhaiya. Agar aaj aap nhi hote toh pata nhi kyaa hojata.

Aryan – Chalo choro iss baat ko. Aur jab maine pucha tha koi problem hai ya nhi tab toh tumlogo ne mana karidiya tha. Agar tab hu mujhe bol dete toh aaj aisa kuch hota hi nhi.

Dono – Sorry bhaiyaaa. Aage se aisa nhi hoga.

Aryan – Chalo ab ghar chalte hai.

Phir teeno waha se ghar ki taraf nikal padhte hai.

Dheere dheere time beetne laga. Inn kuch time mein Suraj aur uske saathi ekdum shant baith gaye the jisse woh ladka unka kuch naa bigaad sake. Idher police ne Suraj ke kahe mutabik uss ladke ko pakda par koi proper proof naa hone ke karan woh uska kuch nhi kar paaye. Uss ladke ko jabse police ne pakda tha uske baad se hi Suraj ke aadmi uss ladke ka pichha karne lagte hai aur uske pal pal ki khabar jutane lagte hai.

Ekdin Aryan apne kamre mein kisi se baat karaha tha. Woh apne kamre ka darwaza band karna bhi bhul gaya tha. Woh bina apne peeche dekhe phone pe baate kiye jaaraha tha. Kuch der baad jab uski baate khatam hoti hai aur pichhe ghumta hai aur apne saamne kisi ko khada paata hai toh woh shock hojaata hai.

Aryan – Tum yaha.

Saamne wala – Mujhe unse milna hai.

Aryan – Kisse milna hai.

Saamne wala – Mujhe apni baat dobara bolne ki aadat nhi hai. Maine sab sunn liya hai. Shakk toh mujhe pehle din se tha. Aur aaj yakeen hogya hai. Mujhe unse milna hai.

Aryan jab yeh sunta hai toh uske paseene chutne lagte hai. Phir bhi woh ekbaar aur kosish karta hai.

Aryan – Main tumhari baat ka matlab samjha nhi Mahira. Tum kyaa bolna chah rahi ho.

Mahira – Mujhe gussa mat dilao. Mujhe sab kuch janna hai. Kyaa chal raha hai. Kyo chal raha hai. Woh kaha hai. Sab kuch janna hai. Aur abhi jaanna hai.

Aryan – Main abhi tumhe kuch nhi bata sakta. Kyaa chal raha hai kyo chal raha hai yeh jaanne ka abhi sahi waqt nhi aaya hai. Jab sahi waqt aayega tab sabko pata chal jaayega.

Mahira – Main kuch nhi jaanti. Mujhe bas sach sunna hai.

Aryan – Main nhi bata sakta.

Mahira – Kyooo.

Aryan – Kyoki mujhe mana kiya hai.

Mahira – Mujhe unse milna hai aur abhi milna hai. Agar meri yeh baat nhi maani gayi toh main sabko sab kuch bata dungi. Aur isse meri dhamki nhi order samajna.

Aryan – Main nhi kar sakta.

Mahira – Tumhe karna hoga.

Aryan – Tum mujhe dhamka rahi ho.

Mahira – Haaa. Dhamka rahi hu. Tumhe sham tak ka waqt de rahi hu. Yaa toh mujhe sachh batao nhi toh unse milao. Choice is yours. Warna raat ko pure ghar walon ke saamne pardafash kardungi.

Yeh bol Mahira waha se nikal jaati hai aur Aryan tension mein aajata hai.

Aryan Tension mein idher udher ghumne lagta hai. Usse samaj nhi aaraha tha ke woh kyaa kare. Woh jhatt se apne phone nikalta hai aur ek call karke saari baat batata hai jiske baad usse saamne se koi kuch bolta hai jiske baad uski tension kam hojaati hai.

Sham ke waqt Mahira phir se Aryan ke kamre mein aati hai.

Mahira – Toh kyaa socha hai tumne.

Aryan – Mujhe yeh samaj nhi aaraha hai tumhe milna kyo hai.

Mahira – Yeh main tumhe kyo batau. Aur waise bhi woh mera haq hai. Ab sawaal jawaab bandh mujhe mere sawaal ka jawaab do.

Aryan – Tum maanogi toh hai nhi. Thik hai phir chalo. Par usse pehle meri ek shart hai.

Mahira – Kya shart hai.

Aryan – Waha se aane ke baad tum iss baare mein kisi se koi baat nhi karogi. Kisi ko iss baare mein kuch nhi bataogi.

Mahira – Aur main tumhari baat kyo maanu.

Aryan – Maanni toh padegi. Agar nhi maanogi toh phir rehnedo. Ab choice is yours.

Mahira – Tum mujhe dhamki de rahe ho.

Aryan – Agar tumhe aisa lagta hai toh aisa hi sahi.

Mahira – Tum bhul rahe ho. Agar maine ghar mein sabko batadiya toh kya hoga.

Aryan – Kyaa hoga. Kuch nhi hoga. Ab jo bhi karna hai jaldi karo mere paas aur bhi bahot se kaam hai.

Mahira Aryan ko gusse se ghurr ke dekhti hai par Aryan usko puri tarah se ignore karta hai.

Mahira – Achha thikk hai chalo. Main kisi se kuch nhi kahungi.

Aryan – Thikk hai phir chalo aur apna promise yaad rakhna.

Phir dono waha se nikal jaate hai aur thodi der mein ek park mein pahonch jaate hai.

Mahira – Tum mujhe yaha kyo leke aaye ho.

Aryan – Mujhe jo bola gaya hai main wahi kar raha hu. Mujhe koi shock nhi hai yaha aane ka.

Mahira – Ha ha thik hai. Ab jaldi batao kaha hai woh.

Aryan – Thoda wait karlo.

Phir Mahira jaake ek bench mein baith jaati hai aur idher udher dekhne lagti hai.

Thodi der baad ussi bench pe uske paas aake koi baith jaata hai. Usse achanak se baithte dekh Mahira ghabra jaati hai.

Mahira – Heyyy kaun ho tum. Utho yaha se.

Ladka – Pehle khud bulati ho aur phir khud jaane ko bolti ho.

Yeh baat sunne ke baad Mahira ek baar Aryan ki taraf dekhti hai toh woh haa ki taraf gardan hila deta hai.

Mahira – Aapppp. Kyaaa aaapp hii hooo.

Ladka – Tumhe kyaa lagta hai Mahira.

Mahira jhatt se uske galee lag jaati hai aur sisakne lagti hai.

Mahira – I am Sorryyyyy. Mainee aap se badtameezi se baat ki.

Ladka – Aree ro mat. Mujhe bilkul bura nhi lagaa. Please rona bandh karo.

Kuch der waise hi gale lage rehne ke baad Mahira usse alag hoti hai aur achhe se uske taraf dekhne lagti hai phir sidha ek hi sawaal.karti hai.

Mahira – Yeh sab kisliyeee.

Ladka – Iss sawaal ka jawaab abhi nhi de sakta.

Mahira – Kyoooo nhi de sakte aap.

Ladka – Abhi sahi waqt nhi aaya hai. Jab sahi waqt aayega tab sabhi sawaalo ke jawaab mil jaayenge.

Mahira – Aur yeh sahi waqt kab aayega.

Ladka – Jald aayega. Ab tumhe jaana chahiyeeee.

Mahira – Kyaa mummy ko sab pata hai.

Ladka – Haa unhe sab pata hai. Unhe yeh bhi pata hai ke tum isswaqt yaha ho.

Mahira – Yeh sab aakhir kisliye.

Ladka – Bola naa jald hi sabhi sawaalo ke jawab mil jaayenge. Par ek baat ka khayal rakhna. Abhi jo bhi hua uske baare mein kisi ko kuch mat batana. Aur ab hum nhi milenge.

Mahira – Kyaaaaaa. Kyoooo.

Ladka – Yeh tumhe dheere dheere khud samaj aajayega. Bas ek baat ka dhyaan rakhna issbaare mein kisi se kuch bhi mat kehna. Aur kisi bhi chiz ki jarurat ho toh isse (Aryan) bezizak kehna.

Mahira – Kyaa ghar nhi aayenge.

Ladka – Abhi sahi waqt nhi hua hai mere aane ka. Abhi kuch kaam karne baaki hai ekbaar woh khatam hojaaye phir humesha ke liye aajaunga.

Yeh bol woh Ladka waha se chala jaata hai aur Mahira bas usse jaate hue dekhne lagti hai.

Aryan – Ab ghar chale.

Mahira – Aakhir yehsab ho kyaa raha hai.

Aryan – Jald pata chal jaayega. Aur ab humhe ghar chalna chahiye.

Phir dono waha se ghar ki taraf jaane lagte hai. Raaste bhar Mahira Aryan ko ghurti rehti hai.

Aryan – Ab aise kyo ghurr rahi ho. Tumhari ichha puri kar toh di.

Mahira – Unhone aisa kyo kaha kisi bhi chiz ki jarurat ho toh tumse hi kahu.

Aryan – Ab yeh toh woh hi jaane. Mujhe kyaa pata.

Mahira usko kuch der aur ghurti hai phir saamne ki taraf dekhne lagti hai.

Thodi der baad phir usko ghurte hue puchti hai.

Mahira – Naam.

Aryan – Kyaaa.

Mahira – Maine bola naam.

Aryan – Oo achha. RISHI.

Mahira – Hmm.

Phir thodi der baad dono ghar aajate hai. Mahira jaise hi ghar ke andar aati hai usse saamne hi Shalini baithi hui dikhti hai.​

amazing update akhir pata chal hi gaya jo ladka ranjeet aur suraj ko sabak shikha raha tha wohi asli aryan hai aur duplicate aryan ka naam rishi hai dekhate hai aage kya hota hai

 

[park]

waiting for the next update....

 

[kas1709]

waiting for the next update....

 

[Alok]

अगले अपडेट का इंतज़ार है भाई

 

[dhparikh]

waiting for the next update....

 

[Jaguaar]

अत्यंत रोचक अपडेट Jaguaar भाई।।

Thank you

 

[Jaguaar]

बढ़िया अपडेट Jaguaar भाई।

अब ये नया कैरेक्टर कौन है जो अभी तक सामने नहीं आया, और आर्यन को मारने की कोशिश भी कर ली?

Thank you

Mujhe laga tha yeh baat sabko pata chal gayi hogi.

 

[Jaguaar]

Shandar update

Thank you

 

[Jaguaar]

Awesome update Bhai

Thank you