Romance Parivaar aur Pyaar

[parkas]

Update 42​

Aise hi 2 din guzar jaate hai. Inn 2 dino mein Sangeeta aur Shalini harwaqt Aryan ke paas hi rehti thi. Krishna har raat Aryan ki security ke liye hospital mein uske saath hi rehta tha. Mahira bhi sabki nazro se bachke Aryan ke paas aati thi aur durr se hi usse dekhti thi.

Agle din sablog hospital mein baithe hue the. Doctor aur Nurse andar Aryan ka checkup kar rahe the. Thodi der baad ek nurse bahar aati hai aur bolti hai.

Nurse – Excuse me. Patient ko hosh aagaya hai.

Nurse ki baat sunke sablog khush hojaate hai. Sangeeta aur Shalini ki aankhon mein toh aansu aajate hai. Dono jaise hi andar jaane ko hoti hai toh Nurse unhe rokh deti hai.

Nurse – Rukh jaaiye. Abhi aaplog andar nhi jaa sakte.

Shalini – Kisliye.

Nurse – Abhi doctor unka checkup kar rahe hai. Woh bahar aajaye uske baad aaplog patient se mil sakte hai.

Sangeeta – Abhi uski halat kaisi hai. Woh thik toh hai naa.

Nurse – Dekhiye patient ko hosh toh aagaya hai par abhi bhi woh kamzor hai. Toh aaplog please unse jyaada baat mat kijiyega.

Shalini – Ji hum iss baat ka dhyaan rakhenge.

Phir Nurse waha se wapas andar chali jaati hai aur idher bahar toh sablog khushi se pagal hone lagte hai.

Kuch der baad doctor bahar aajata hai toh Shalini aur Sangeeta andar chale jaate hai.

Dono jab andar Aryan ko dekhte hai toh unki aankhon se aansu nikalne lagte hai.

Dono jaake Aryan ke dono taraf baith jaate hai.

Sangeeta Aryan ka sir sehlaane lagti hai toh Aryan dheere dheere apni aankhein kholta hai.

Apni aankhein kholne ke baad jab woh apne saamne Sangeeta ko dekhta hai toh uske chehre mein ek muskurahat aajati hai.

Sangeeta – Tujhe sharm nhi aati hai naa. Mujhe rota dekh tu muskura raha hai. Tujhe jara bhi humari fikr nhi hai naa. Ek baar bhi nhi socha agar tujhe kuch hojaata toh hum kaise jeete. Aree hum toh jeete jee marr jaate.

Aryan – Dheere se ladkhati awaaz mein. Main bilkul thik hu. Mahira woh kaisi hai. Woh thik hai naa.

Shalini – Tum ab uski fikr choro. Uski fikr karne ke chakar mein dekho kyaa halat hogayi hai tumhari. Pure 3 din ke baad tum hosh mein aaye ho. Tumhe pata bhi hai inn 3 dino mein hum har roj ek nayi maut marr rahe hai. Agar tumhe kuch hojaata toh humara kyaa hota. Bahar jo tumhara dost baitha hai jo 3 din aur raaton se yaha tumhare se baitha uska kyaa hota.

Aryan yeh sun dheere se muskura deta hai phir Sangeeta ki taraf dekh kar puchta hai.

Aryan – Aap yaha kaise.

Sangeeta – Abhi ekdum chup hojao. Khabardaar agar ek shabd bhi nikala toh. Ab tum sirf aur sirf aaram karoge.

Shalini – Ekdumm. Dekho kyaa halat karli hai khudki. Ab tum aaram karo hum bahar jaate hai.

Phir dono waha se bahar nikal jaati hai aur Aryan aakhein bandh karke aaram karne lagta hai.

Shekhar – Bhabhi ab kaisa hai Aryan. Woh ab thik toh hai naa.

Shalini – Thik hai par abhi bhi usse apni nhi Mahira ki fikr hai. Hosh mein aane ke baad woh sabse pehle Mahira ki hi khabar le raha hai.

Mahira jab yeh sunti hai toh uske aankhon se aansu girne lagte hai. Usse apne upar hi gussa aur ghinn aane lagti hai.

Mahira – Mann mein. Iss halat mein bhi usse meri fikr hai. Meri hi wajah se woh iss halat mein hai phir bhi meri salamati ki khabar puch raha hai. Aur maine kitna bura kiya uske saath. Kitni taqleef di usse. Koi bhi insaan itna achha kaise hosakta hai.

Shekhar – Isse pata chalta hai kitne achhe sanskaar diye hai Sangeeta ne usse.

Vidya – Bilkul.

Sangeeta – Ishant doctor se puchiye naa usse kab tak hospital mein rekhna hoga. Kitne din lagenge usse thik hone mein.

Ishant – Thoda sabr karo Sangeeta. Abhi abhi toh usse hosh aaya hai. Aur nurse ne kaha tha naa abhi woh bahot hi jyaada kamzor hai.

Sangeeta – Samaj rahi hu. Par ab usse yaha hospital mein main nhi dekh sakti.

Shekhar – Thoda sabr karo. Dekhna jaldi hi woh thik hojaayega.​

Bahut hi badhiya update diya hai Jaguaar bhai....
Nice and beautiful update....
Aaryan ko hosh aa Gaya hai ..., Ab dekhte hai ki Mahira ka kya reaction hota jab uska saamna Aaryan se hota hai....

 

[SANJU ( V. R. )]

आर्यन ने आखिरकार अपनी मौत पर विजय पा ही ली। राजपूत फैमिली के लिए इससे अधिक खुशी क्या हो सकती थी ! कई दिनो तक गम और टेंशन का माहौल बना हुआ था।
संगीता मैडम का विहेवियर एक बार फिर से आर्यन की मां जैसा ही लगा और माहिरा मैडम पहली बार रिलेक्स महसूस कर रही होगी।
आर्यन के इस बुरे दौर का सबसे महत्वपूर्ण कोई साथी था तो वह कृष्णा था। तीन रात तक जाग जाग कर पहरे देना और उसकी सुरक्षा का ध्यान रखना कोई आसान चीज नही होती।
बहुत खुबसूरत अपडेट जगुआर भाई।
आउटस्टैंडिंग एंड अमेजिंग अपडेट।

 

[dhparikh]

waiting for the next update...

 

[tri20]

Update 17​

Aise hi ekdin Suraj Verma apne ghar mein aaram se baithke TV dekh raha tha. Kuch der TV dekhne ke baad hi uski aankhe hairaani se badi hojaati hai. Woh baar baar channel change karke dekh raha thaa.

Woh jhatt se apna phone uthata hai aur kisi ko phone milane ki koshish karta uske pehle hi uska phone baj utha hai.

Suraj – Main tumhe call karne wala thaa Harish.

Harish – TV dekha.

Suraj – Haa abhi abhi dekha. Achanak se yeh sab kyaa hogyaa.

Harish – Uss kal ke aaye ladke ne yeh kardiya.

Suraj – Uss Aryan ne apni company se humare aadmiyon ko nikal diyaaa. Par kaiseeee.

Harish – Pata nhi. Par usne pukhte saboot ke saath aisa kiya.

Abhi koi kuch bolta uske pehle hi TV se awaaz aane lagti hai.

Reporter – Jaisa ki hum ab tak aapko dikha rahe the ke kaise Rajput Group of Companies ke new MD Mr. Aryan ne apni company ke board of Directors mein se 4 logo ko nikal diya hai aur unhe police se arrest bhi karwaya hai. Unki iss harqat se sabhi log bahot hi jyaada hairaan the. Yeh karne ki piche unki kyaa wajah hai yeh jaane ke liye hum unse kaafi der se contact karne ki kosish kar rahe the par woh kisi se bhi baat nhi kar rahe the. Par ab unhone khud saamne se humhe interview dene ke liye contact kiya hai. Thodi der mein hum unka live interview dikhayenge

Thodi der baad Aryan sabhi Media waalon ke saamne khada hua tha air woh sabhi usse ek hi baat puch rahe the.

Reporter 1 – Mr. Aryan aakhir aapne aise achanak yeh sab kyo kiya.

Reporter 2 – Mr. Aryan kyaa aap jaante hai isse aapki company ki ratings kitni girr jaayegi.

Reporter 3 – Kyaa aapke paas yeh sab karne ki koi khaash wajah thi.

Aryan jo kaafi der se yeh sab sunn raha tha woh ekbaar apne mobile mein dekhta hai phir bolna start karta hai.

Aryan – Aap sab shant hojaaiye. Aap sab ko aapke sabhi sawaalon ke jawaab milenge. Sabse pehle maine jo bhi kiya hai woh soch samaj ke kiya hai. Maine jinn 4 logo ko board of Directors se nikala hai aur police ke hawale kiya hai woh log Company mein reh ke crore-ro ka ghotala kar rahe the. Woh humari company mein rehke humari company ki secret information humare rivals ko de rahe the. Aur yeh raha iss baat ka pukhta saboot.

Yeh bol woh ek file media waalon ke saamne kardeta hai.

Aryan – Main yaha aane ke pehle se hi inpe nazar rakh raha tha aur saboot ikhatte kar raha tha.

Aryan – Company ne unn 4 jan ke khilaf fraud aur maanhaani ka case kardiya hai. Police ne unhe arrest bhi karliya hai. Ab unhe unke kiye ki saza milegi.

Kuch der aur Media ke sawaalon ke jawaab dene ke baad Aryan waha se chala jaata hai.

Suraj aur Harish yeh sab dekh kar ekdumm hairaan hojaate hai. Unhe yakeen nhi horaha tha ke Aryan aisa bhi kuch kar sakta tha. Unko company ke internal secret jo unnlogo se milte the woh saare bandh hogaye the.

Idher woh aadmi jab yeh news dekhta hai toh woh gusse se aag babula hojaata hai aur gusse mein apne TV ka remote hi todd deta hai.

Aadmi – Aaahhhhhh. Phir se phir se mera ek aur plan barbaad hogyaa. Uss company ko paane ka mera sapna ek baar aur churr churr hogyaa. Bas ab bahot hogyaa. Ab khulke saamne aane ka waqt hogya hai. 10 saal pehle toh tu bachh gaya thaa Aryan. Par ab nhi bachega. Issbaar tu marega. Aaraaha hu main. Bacha sakta hai toh bacha le khud ko.

Aryan ke liye iss faisle ne ghar mein bhi sabhi ko hila ke rakh diya thaa. Sabhi log Aryan ke iss faisle se bahot hi jyaada hairaan thee.

Jab ghar mein sabko iss faisle ke baare mein pata chala toh usse fauran ghar bulaya gaya.

Shekhar – Tumhe company ki zimmedaari liye hue abhi kuch hi waqt hua hai aur tumne khud se itna bada faisla kaise liyaa. Kyaa iske baar mein tumne kisi se koi salah mashwara karne ka khayal nhi aaya. Tumne kiski permission se itna bada faisla liya hai.

Aryan – Maine jo bhi kiya hai woh soch samaj ke kiya hai. Maine aankhon mein koi patti baandh ke faisla nhi kiya hai. Maine puri tarah se chaan bin karne ke baad yeh faisla kiya hai.

Shekhar – Kis tarah ki chaan binn ki hai tumne. Kyaa tumhe pata bhi hai isse humari company ko kitna bada nuksaan hua hai. Humari company ke shares kis tarah se girr rahe hai.

Aryan – Agar main unke khilaf koi action abhi nhi leta toh woh dimak ki tarah puri company ko andar se khokla kardete. Humari company ke saare secrets woh humari rivals ko de rahe the. Hum kab kaunsa tender bhar rahe hai kitna tender bhar rahe hai yeh saari details woh log humare rivals ko de rahe thee.

Shekhar – Tumhe itna bada faisla lene se pehle humsab se puchna chahiye thaa. Tumhe company ka MD banaya gaya hai par tum abhi bachhe ho. Itna bada faisla akele nhi lena chahiye thaa. Tumhare iss faisle se company ka jo nuksaan hua hai uski bharpaayi kaise hogi kuch pata bhi hai.

Aryan – Mujhe jinhone MD banaya hai toh unhone kuch soch samaj ke hi banaya hogaa. Aur aap mere jis faisle ko loss dikha rahe hai dekhiyega ekdin mere issi faisle pe sabko profit dikhega.

Idher Aryan aur Shekhar bahas kar rahe the udher Shalini aur Pratap dono bas iss bahas ko dekh rahe the. Unhe bhi pata thaa Aryan ke yeh faisla filhal sabke nazro mein galat hai par yeh faisla bahot jaruri bhi thaa.

Udher unn 4 members ke lawyer ne Aryan ke case ko jhootha saabit karne ki koshish mein lag jaate hai par Aryan ne unke khilaf ekdum pakke saboot ikhatte kiye thee.

Police ne Aryan ki complain karne ki wajah se unn 4 logo ko jail mein daal deti hai.

Aryan ki iss harqat ki wajah se woh news mein sabse jyaada charchit banda bann gaya thaa. Uske Rivals Aryan ke faisle ko puri tarah se nakaar rahe the aur uska mazaak bana rahe thee.

Agle din ghar mein sablog ghar mein baithe nashta kar rahe the aur sab apne mein hi mast thee. Koi bhi Aryan ke liye hue faisle ko leke baat nhi kar raha thaa.

Sabka khaana khatam hota hai tabhi door bell bajti hai. Ghar ka naukar jaake darwaaza kholta hai toh saamne ek aadmi, ek aurat aur ek ladka waha pe khade the.

Naukar unko pehchan jaata hai aur side hoke unhe andar aane ka raasta deta hai.​

Interesting update dekhte hai woh kon sa aadmi hai jo parde ke peeche se game khel raha tha ab usko bahar aane ki jarurat pad rahi hai

 

[Naina]

Thank you

Aapki baatein padhkar mujhe Naina ji ki yaad aagayi.

Mahira ki wajah se Aryan ke sirf sirr pe chott lagi thi. Jisme woh directly involve thi. Par Aryan ke hospital aane ke pichhe Mahira directly involve nhi thi. Aryan ne toh Mahira ki maut apne sir le li isme uski kyaa galti.

Oh really? wait a minute

 

[Naina]

Introduction​

Pratap Singh Rajput- Yeh hai apne hero ka dadaji. Apne zamane mein Hawas ke champion the. Dusre ghar ki bahu betiyo ka ijjat lutna wo bhi akhade mein 24/7.{writer is kamine se inspired hai)​

Par prostituting Thailand business sambhalne ke liye inhe hawasi chutipapp chorna padha. Par shauk abhi bhi hai. Ghar mein sabse bade hai. Are kitna intro doge is tharki buddhe ka

Vikram Singh Rajput- jaisa baap waisa beta, khudki mousi ko biwi bana liya is kutte ne.. Waise kutta wahadar hota hai

Shalini Singh Rajput- bengal ke red light area ki raani ​

Ishita Singh Rajput- princess of adult fourm

Mahira Singh Rajput- xf adult pic galary queen

Shekhar Singh Rajput- sabse bada haramjada iski favorite stories Dr chutiya's cuckold stories hai

Vidya Singh Rajput- ye bandi @nain11ster sir ki fan
Vicky Singh Rajput- villain no 2
Rajput Group of Companies Pratap Singh ki kadi mehnat ka natija hai. Prostituting and broker business. Story song theme

​

Incest lover same khaya piya nayaha study college office sex shadi.. Ye kya hai.. Kuch sikho Harshit & Fauji se they're legendary writers of xp & xf..

 

[Naina]

Update 1​

Mumbai ke bahari illake mein kuch log khade cigarette pi rahe the. Halki halki thand thi phir bhi sabke maathe mein paseena tha aur chehre pe ek darr bhi tha. Wohlog baar baar idher udher dekh rahe the jaise kisi ke aane ka intezaar kar rahe ho. Abhi unko waha khade kuch hi time hua tha ke tabhi waha unhe 2 gaadiyaan aate hue dikhti hai. Woh dono gaadiyan ekdum unke saamne aake khadi hojaati hai.

Dono gaadiyon mein se 2 aadmi utarte hai aur waha khade logo ke paas aate hai aur unhe ek bag pakda dete hai.

Aadmi 1 – Unhe kehna aaj tak ka sara hisaab clear hochuka hai. Aur ab humhe contact naa kare.

Aadmi 2 – Agar humhe kisi chiz ki jarurat hui toh hum khud contact karenge. Jab tak woh pakda nhi jaata ya maara nhi jaata humhe kisi bhi tarah se contact naa kare.

Iske baad woh dono aadmi waha se fatafat nikal jaate hai. Unke nikalte hi baaki ke log bhi waha se jaldi jaldi nikal jaate hai.

Agli subah Mumbai ke City College mein ek ladki apne group ke saath canteen mein baithi thi par uska dhyaan apne group ke bahar hi tha.

Ladki(Mann mein) – Aaj college ka last day hai. Aaj use bolna hi hoga. Pure 2 saal intezaar kiya hai maine. Aaj usse mera intezaar khatam karna hi hoga. Aaj use mujhe apnana hi hoga.

Woh ladki apni soch mein hi ghum thi ke tabhi uske paas mein baithe uske dost usse uski soch se bahar laate hai.

Dost 1 – Kya soch rahi hai itne derr se.

Dost 2 – Haa. Kuch socha hai tune ab aage kyaa karna hai. College toh aaj khatam.

Ladki – Abhi maine kuch nhi socha hai. Par jald hi kuch soch lungi. Tumlog apna batao.

Dost 3 – Main toh higher studies ke liye bahar jaa raha hu.

Dost 4 – Main bhi bahar hi jaa rahi hu.

Dost 1 - Mera bhi kuch aisa hi plan hai. Agar result achha aaya toh bahar jaaungi warna yehi ke kisi college mein admission le lungi.

Abhi yehlog aur kuch bolte tabhi woh ladki jhatt se apni jagah se uth jaati hai aur canteen ke bahar ki taraf jaane lagti hai. Uske uthte hi uske dost usse puchne lagte hai par woh koi jawaab diye bina hi bahar ki taraf nikal jaati hai.

Woh ladki canteen se bahar nikal ke sidha parking ki taraf jaati hai aur ek bike ke saamne khadi hojaati hai.

Ladki – Mujhe jawaab chahiye aur abhi chahiye.

Ladka – Mere paas tumhare kisi sawaal ka jawaab nhi hai. Aur waise bhi maine tumhe pehle bol diya hai.

Ladki – Tum mere saath aisa kyo kar rahe hai. Tum achhe se jaante ho main tumse kitna pyaar karti hu. Aur main yeh bhi janti hu tum bhi mujhse utna hi pyaar karte ho.

Ladka – Main tumse pyaar nhi karta yeh baat maine tumhe pehle bhi bahot baar bola hai phir kyo baar baar yeh baat bolti ho.

Ladki – Jhoot. Tum jhoot bol rahe ho. Tumhari aankho mein mujhe mere liye saaf pyaar nazar aata hai.

Ladka – Galatfehmi hai. Main aaj yeh aakhri baar keh raha hu. Mujhe bhool jao aur apni life mein aage badho. Yeh bol woh ladka waha se jaane lagta hai.

Ladki – Jaate jaate meri bhi ek baat sunlo. Maine tumse sachhe mann se pyaar kiya hai. Main tumhara intezaar karti rahungi. Aur agar mera pyaar sachha hai toh mujhe mere intezaar ka fal milega aur woh fal mujhe tum doge. Main marr jaungi par tumhare alawa kabhi kisi aur ki nhi houngi.

Woh ladka yeh sab sunn ke waha se nikal jaata hai. Ladki ladke ko jaate dekhti rehti hai. Uske aankho se aansu nikal rahe hote hai.

Ladki – Agar mera pyaar sachha hai aur maine sirf tumse pyaar kiya hai toh ekdin tum khud apne pyaar ka izhaar mere saamne karoge.

Iske baad woh ladki bhi waha se chali jaati hai.

Delhi ke ek bahot bade ghar ke mandir mein ek aurat subah subah bhagwan ke saamne haath jode khadi thi. Aankhon mein thode aansu the. Tabhi pichhe se ek awaaz aati hai. Subah subah bhagwan se kyaa maanga jaa raha hai.

Aurat – Bina pichhe mude. Aap jaante hai. Main hardin bhagwan se kyaa maangti hu. Inhone mujhe har khushi di. Har sukh diya. Bas usse durr kardiya.

Aadmi – Tum achhe se jaanti ho shalini beta agar woh yaha rehta toh shayad hum usse kabhi nhi dekh paate.

Shalini – Kab tak. Aakhir kab tak pitaji. Kab tak.

Pratap – Pata nhi.

Iske aage shalini aur kuch nhi bolti. Usse hardin yehi jawaab sunne ko milta tha. Woh bhagwaan ke saamne ekbaar phirse haath jodh ke mandir se bahar aati hai aur Pratap ke wheel chair ko hall mein dining table ke paas le jaati hai.

Pratap – Apne chehre se yeh dukh aur dard hata do Shalini.

Shalini – Aap chinta mat kijiye. 10 saalon se woh raaz seene mein dafan hai aage bhi dafan hi rahega. Aur shayad woh raaz mere saath hi dafan bhi hojayega.

Yeh bol woh apni aankhon se aansu pochti hai aur chehre pe ek sajawati muskurahat laake kitchen mein chali jaati hai.​

Murkh... Promise karke bhi Nischal aur hella ko nahi liya story me .. 21 ke election's ke promise ko toda tumne .. Pachtaoge.. I'll be back..

 

[Alok]

Waiting for next update bhai

 

[Gurdep]

 

[Smith_15]

Update 43