Romance Parivaar aur Pyaar
- Thread starterJaguaar
- Start date
- 501,615
You are using an out of date browser. It may not display this or other websites correctly.
You should upgrade or use an alternative browser.
You should upgrade or use an alternative browser.
NICE UPDATE BHAI THANKS SO MUCHUpdate 43Thodi der baad sablog ek baar karke Aryan se milne jaate hai par Mahira ekbaar bhi usse milne nhi jaati. Uski himmat nhi horahi thi ke woh Aryan se nazre mila sake. Isiliye woh bahar se hi chup chupke usse dekh rahi thi.
Aryan se milne ka baad sablog ghar jaane ke loye taiyaar the. Krishna humesha ki tarah Aryan se saath hospital mein rukhne wala tha.
Sangeeta – Krishna humsab ghar jaa rahe hai. Agar kisi bhi chiz ki jarurat ho toh call kar lena.
Krishna – Jii.
Yeh sunke Ajay apne bete Arjun se bolta hai.
Ajay – Arjun tum aaj yaha hospital mein hi rukh jao. Iski madad hojaayegi.
Krishna – Ji nhi iski koi jarurat nhi hai. Aryan ka dhyaan rakhne ke liye main akela hi kaafi hu.
Krishna ke bolne ka dhang Ajay ko kuch khaash pasand nhi aaya phir bhi woh apne chehre pe hasi rakhte hue hi kehta hai.
Ajay – Aree nhi beta tum galat soch rahe ho. Main jaanta hu Aryan ka dhyaan tum akele achhe se rakh sakte ho aur issbaat ko tumne saabit bhi kardiya hai. Main toh Arjun ko tumhara haath battane ke liye hi bol raha hu.
Shekhar – Haa yeh thik rahega agar tumhe kisi bhi tarah ki jarurat padegi toh Arjun tumhari madad kardega.
Vidya – Bilkul. Arjun tum yahi hi reh jao.
Arjun jo itni der se sab kuch chup chaap sun raha tha woh bolta hai.
Arjun – Thik hai main rukh jaata hu yaha pe. Aakhir ek family member ka bhi yaha pe hona jaruri hai.
Yeh bol Arjun Krishna ki taraf dekhta hai aur isharo se hi bolta hai ke woh sirf ek dost hai koi family member nahi.
Mahira jab yeh baat sunti hai toh woh uske kehna ka matlab achhe se samaj jaati hai.
Mahira – Bhaiya aap kehna kyaa chahte ho ke family member ka hona bhi jaruri hai. Aap kya inhe koi gairr insaan samaj rahe ho.
Arjun – Tum galat samaj rahi ho Mahira mera yeh kehna ka matlab nhi tha.
Mahira – Main aapke kehne ka matlab achhe se samaj rahi hu. Aap yeh batana chahte ho ke yeh sirf ek dost hai koi family member nahi. Aree inhone toh woh kiya hai jo koi family member kisi ke liye nhi karta. Inhone toh apni jaan pe khelke apne dost ki jaan bachayi hai. Aur aap kehte hai ke yeh koi apne nahi hai.
Toh aajse balki abhi se main MAHIRA SINGH RAJPUT, LATE VIKRAM SINGH RAJPUT, LATE RASHMI SINGH RAJPUT, aur SHALINI VIKRAM SINGH RAJPUT ki beti aur RAJPUT EMPIRE ki Owners ki behen, beti aur poti hone ke naate pure hosh o hawaas mein pure dil se apne antaraatma se Krishna ko apna saga bhai banati hu. Aajke balki abhi se inhe Rajput parivar ka beta banati hu. Inhe KRISHNA SINGH RAJPUT banati hu.
Yeh bol woh apne haath mein pehna ek bracelet utarti hai aur Krishna ke paas jaake usko raakhi ke roop mein pehna deti hai.
Mahira ka yeh roop dekh aur uski harqat dekh waha khade sabhi hairan hojaate hai aur sabhi ki aankhein hairat se badi hojaati hai. Unhe yakeen nhi horaha tha ke Mahira ne abhi abhi kyaa kiya. Unhe yakeen nhi horaha tha ke Mahira ne abhi abhi kyaa kaha.
Sab bas hairaani se khade hokar Mahira ko dekh rahe the.
Krishna ko bracelet pehnane ke baad Mahira Shekhar, Sangeeta aur Shalini ke saamne aake khadi hojaati hai.
Mahira – Mummy, Chacha ji aur Bua mujhe pata hai mujhe yeh karne ka koi haq nhi tha. Maine apne haq se bahot jyaada bol diya hai aur kuch aisa kardiya hai jo shayad aaplogo ko achha nhi laga hoga. Par Arjun bhaiya ne Krishna Bhaiya ko leke jo bola woh mujhe pasand nhi aaya. Unhone ek tarah se Krishna bhaiya ko beizaat kiya unhe nichaya dikhaya jo mujhe sarasar galat laga. Isiliye uss waqt mujhe jo samaj aaya maine woh kardiya. Ab agar aaplog mujhe koi saza dena chahte hai toh main uske liye taiyaar hu. Aaplog mujhe jo saza denge mujhe woh manjoor hoga.
Yeh bol Mahira chup hojaati hai aur apni gardan nichhe jhuka leti hai.
Teeno Mahira ki baat sunke ekdusre ko dekhne lagte hai.
Teeno ek nazar Arjun ko dekhte hai jo gusse se Mahira ko aur Krishna ko dekh raha tha phir ek nazar Krishna ko dekhte hai jo abhi bhi hairaani mein shock mein tha.
Ajay – Mahira beta yeh kyaa kiya tumne. Arjun ke kehna ka woh matlab nhi tha. Woh toh bas yeh kehna chahta tha ke agar humare pichhe se agar kisi papers mein sign karna hota toh Arjun as a Cousin Brother sign karsakta tha.
Maya – Haa. Mahira tumhare mama sahi keh rahe hai. Tumne Arjun ki baat ko galat samaj liya aur itna bada faisla akele le liya.
Mahira – Kyaa aaplogo ko bhi yehi lagta hai ke maine kuch galat kiya hai.
Shekhar – Tumne aajtak bahot si galtiyan ki. Bahot shaitaaniyan ki. Aur humsab ne woh sab tumhari nadaani samaj kar chor diya. Tumne humesha naa samjhi mein bahot se kaam kiye. Par aaj tumne jo kiya hai woh koi nadaani nhi thi aur naahi koi naa samjhi thi aur naahi koi galti. Tumne jo kiya bilkul sahi kiya. Aaj mujhe tumhare andar apne bhaiya ko dekha hai. Tumne aaj yeh dikha diya ke tum Vikram Singh Rajput ki beti ho.
Shalini – Bilkul. Hum tunhare iss faisle bilkul bhi naraaz nhi hai. Tumne Krishna ko apna bhai banake koi galti nhi ki. Krishna ne Aryan ki jaan bachake pehle hi humpe bahot upkaar kiye hai. Aaj mujhe yeh kehte hue bahot khushi horahi hai ke meri Beti aaj sahi maayno mein badi hogayi hai.
Yeh bol Shalini Mahira ke sir ko chum kar apne gale laga leti hai.
Idher Krishna Mahira ki harqat se abhi bhi shock mein tha. Usse samaj nhi aaraha tha aakhir yeh sab hua kyaa tha. Aisa kuch hoga yeh usne kabhi nhi socha tha. Woh waha khade khade hairaani se bas sabko dekhe jaa raha tha.
Udher yehsab dekhne ke baad Ajay aur uska parivaar waha se bina kuch bole waha se nikal jaate hai.
Shekhar – Vicky.
Vicky jo Mahira ki baat se shock mein tha woh apne papa ki awaaz sunke hosh mein aata hai.
Vicky – Ji papa.
Shekhar – Arjun toh chala gaya kyaa tum rukh sakte ho yaha pe.
Vicky – Haa papa kyo nhi. Main rukh jaaunga.
Shekhar – Thik hai. Phir hum sab ab chalte hai.
Phir sablog waha se ghar ki taraf jaane lagte hai. Mahira jaate hue baar baar pichhe ghum ke Krishna ko hi dekhe jaarahi thi aur Krishna bhi usse jaate hue dekh raha tha.
NICE UPDATE BHAIUpdate 44Sabke chale jaane ke baad waha sirf Krishna aur Vicky hi reh jaate hai.
Vicky abhi bhi hairaani aur pareshani mein thaa. Usse samaj nhi aaraha tha ke woh Krishna se kaise deal kare. Usse kyaa baat kare. Uske saath kaise rahe.
Krishna – Main samaj sakta hu Vicky isswaqt tumhare dil-o-dimaag mein kyaa kyaa chal raha hai. Pichle kuch dino mein tumne bahot kuch dekha hai bahot kuch suna hai aur bahot kuch jaana hai. Main samaj sakta hu isswaqt tumhari manodasha kyaa hogi.
Vicky – Mujhe samaj nhi aaraha hai main kaun si baaton pe yakeen karu kaunsi baaton pe yakeen naa karu.
Krishna – Abhi bhi aisi bahot si baatein hai Vicky jo saamne nhi aayi hai. Par jab saamne aayengi tab tumhe uss waqt sahi faisla karna hoga. Kyoki tumhara woh ek faisla bahot jyaada maayne rakhta hai.
Vicky – Kaun hai aap. Maine jab se aapko yaha hospital mein dekha hai tabse yeh puchna chahta tha. Maine aapko pehli baar Rajput Mansion ke bahar Tauji ki antim yatra pe dekha tha. Phir uss din Hospital mein dekha. Aakhir kaun hai aap. Aur kyo kar rahe hai itna humsab ke liye. Sirf dosti ke liye. Main yeh nhi maanta. Koi bhi dost kisi bhi dost ke liye itna nhi karta. Bua ne bataya tha Bhaiya ne aapke dad ki jaan bachayi thi jiske liye aap unki madad kar rahe hai. Par aap jo kar rahe hai woh madad nhi hai. Woh kuch aur hai. Aur aap humsab ke baare mein itna kaise jaante hai. Aur phir aaj Mahira ne jo kuch bhi kiya woh bahot hi jyaada ajeeb tha. Boliye aakhir kaun hai aap.
Krishna – Abhi iska sahi waqt nhi aaya hai Vicky. Main jaanta hu tumhare mann mein mujhe leke bahot se sawaal hai. Par abhi tumhare sawaalon ke jawaab dene ka sahi waqt nhi aaya hai. Bas itna jaan lo Rajput Parivaar ki musibat kam nhi hui hai balki inki musibate bahot badi hai.
Vicky – Aur yeh sab kisliye sirf Property ke liye.
Krishna – Yeh sab sirf property ke liye nhi hosakta hai Vicky. Jaha tak main samaj paaya hu yeh sab kisi purani dushmani ki wajah se hai.
Vicky – Purani dushmani. Par jaha tak main jaanta hu humara aisa koi dushman nhi hai.
Krishna – Maine kaha naa Vicky aisa bahot kuch hai jo saamne nhi aaya hai.
Yeh bol Krishna Aryan ke cabin ke andar chala jaata hai aur idher Vicky confusion aur hairaani mein hi khada reh jaata hai.
Udher Ajay and Family hospital se nikal ke Rajput Mansion naa aake kahi aur hi chale jaate hai.
Ajay – Kisne aakhir kisne kaha tha tujhe apna muh hadh se jyaada kholne ke liye. Bol kisne kaha thaa.
Arjun – Par Dad mujhe kyaa pata tha woh Mahira aisa kuch kar jaayegi sirf ek anjaan insaan ke liye.
Maya – Aree bewakoof woh ladka ab inn Rajput waalon ke liye koi anjaan insaan nhi hai. Uss ladke ne inke bete ko bachaya hai. Woh bhi ek baar nhi 2 baar. Woh ladka inke liye kisi farishte se kam nhi tha. Aur tune usi farishte ko nicha dikhana chaha aur dekha kyaa hogya. Uss kal ki ladki ne kitna bada faisla le liya.
Arjun – Ab kyaa karenge Dad.
Ajay – Kuch toh karna hi hoga. Kaise bhi karke iss ladke ki kamzori dhundni hi hogi. Ekbaar iski kamzoori haath lag gayi phir iss ladke ko bhi wahi pahoncha denge jaha Vikram ko pahonchaya hai.
Maya – Tumhare woh aadmi Surah, Harish aur Ranjeet toh kisi kaam ke nhi hai. Ranjeet ko toh uss ladke ne humesha humesha ke liye barbaad kardiya. Phir uss Harish ka beta Vijay woh bhi nakamyaab raha uss Aryan ko maarne mein. Aur phir woh Suraj woh bhi Shalini ko maarne mein nakayaamb raha.
Ajay – Aur yeh sab hua hai woh ladke Krishna ki wajah se. Naa jaane aakhir aisa kaunsa rishta hai uska inn Rajput parivaar ke saath jo harwaqt inke saamne ek dhaal banke khada rehta hai.
Arjun – Dad kyaa aap unse baat nhi kar sakte. Mera matlab hai innsab ke master mind se.
Maya – Haa Ajay tum unse baat kyo nhi karte. Hosakta hai unke paas iss Krishna ki koi information ho. Aakhir woh humsab se jyaada jaante hai inn Rajput waalon ko.
Ajay – Nhi. Nhi karsakta unse baat. Pata nhi kaun hai woh aur kaha rehta hai. Meri unse baat Vikram ke marne ke samay hui thi. Aur usse pehle toh uss Sangeeta ko inn Rajput waalon se alag karte time. Sangeeta wala plan khatam hone ke baad unhone mujhe phir Vikram ke marne pe bhi baat ki thi. Uske baad se unka koi contact nhi hai mere paas.
Arjun – Toh aap usi number pe phir se contact kijiye naa.
Ajay – Abe gadhe woh har baar alag alag private nunber se call karta hai. Woh humsab se jyaada chalak aur shaatir hai tabhi itne saalon se sabki nazron se durr hai aur khabar sab rakhta hai apne paas.
Maya – Toh ab kyaa karenge.
Ajay – Suraj ke aadmi mumbai mein iss Krishna ke baare mein pata laga rahe hai. Bas ek baar waha se iski koi kamzoori mil jaaye phir iss Krishna ka humesha humesha ke liye khel khatam kardunga.
Maya – Par woh undercover agent uska kyaa karna hai. Humhe toh pata hi nhi akhir woh undercover agent kaun hai aur kaha hai. Pehle toh humhe laga thaa woh Krishna hi agent hai phir uss Ishant ne bol diya agent koi aur hai.
Ajay – Uske baare mein pata lagana hoga. Woh agent humare liye khatra bann sakta hai.
Arjun – Par tab tak hum kyaaa karenge.
Ajay – Karna kyaa hai. Wahi karenge jo itne dino se inke beech kar rahe hai. Maya Shalini aur Vidya pe nazar rakhegi. Main Shekhar aur uss budhe pe nazar rakhunga. Aur tu uss Vicky aur Aryan pe nazar rakhega saath mein uss Krishna pe bhi.
Phir yeh teeno Rajput Mansion aane ke liye nikal jaate hai.
NICE U
NICE UPDATE BHAI THANKS SO MUCHUpdate 45Rajput Mansion aane ke baad yeh teeno apni shakal aisi bana lete hai jaise inhe hospital mein ki gayi baaton ka bahot dukh hai. Teeno apna chehre mein duniya bhar ke dukh aur pachtava le aate hai.
Arjun – Bua hospital mein maine jo bhi kaha woh mujhe nhi kehna chahiye tha. Mujhse galti hogyi. Krishna ne humare liye itna kiya aur maine usse badtameezi karne ki koshish ki. Mujhe aisa nhi karna chahiye tha. Mujhe maaf kardijiye.
Shalini – Jo hogya usse bhul jao Arjun. Tumhe apni galti ka aihsaas hogya yehi bahot hai. Jao ab jaake aaram karo.
Arjun – Nhi bua. Main hospital jaaraha hu. Krishna waha akela hoga.
Mahira – Iski ab koi jarurat nhi hai. Aap waha se chale gaye the tab Vicky bhaiya waha rukh gaye hai.
Mahira ke kehne ka tarika Arjun ko achha nhi laga. Usse gussa toh bahot aaraha tha par phir bhi woh apne chehre pe ek udaasi hi rakhta hai.
Vidya – Mahira ab bas bhi karo. Jo hona tha hogya. Tum jao jaake apne kamre mein aaram karo.
Mahira bhi Vidya ki baat sunke waha se bina kuch bole nikal jaati hai aur idher Ajay aur uska parivaar bhi apne apne kamre mein nikal jaata hai.
Shekhar – Bhabhi aaj Mahira ne jo kuch bhi kiya woh bahot ajeeb tha. Aajse pehle usse iss tarah react karte hue humne kabhi nhi dekha. Phir aaj woh aisa kaise kargayi.
Vidya – Haa bhabhi. Jis tarah se usne Krishna ko apna bhai banaya usse toh aisa lagta hai jaise woh usee pehle se jaanti ho.
Shalini – Krishna ne humari bahot madad ki hai Shekhar. Pehle usne Mahira ko bachane mein madad ki. Phir 2 baar Aryan kj jaan bachayi. Aur aise mein Arjun ne unintentionally jo bhi kaha ya kiya woh usse galat laga. Tabhi usne aisa react kiya. Aur tumlog toh Mahira ko jante ho usme abhi bhi akal ki kami hai uski sirf umar badi hai par dimaag abhi bhi kisi chote bachhe jaisa hai.
Sangeeta – Ab jo hogya usse choro. Mahira ko jo sahi laga usne woh kardiya. Aur phir hospital mein bhi toh tum dono ne use sahi bataya naa.
Shekhar – Woh toh jaruri hogya naa Sangeeta. Agar hum uss waqt usse galat batate toh sabke saamne humari bachhi ki naak kat jaati.
Ishant – Ab jo hona tha hogya. Waise bhi Krishna ko hum bachpan se jaante hai. Aisa samaj lo Krishna aur Aryan dono ek hi hai. Aryan ka dil humesha Krishna ke andar hi dhadakta hai.
Phir Shekhar aur Vidya bhi kuch der waha rukhne ke baad apne kamre mein chale jaate hai. Inke jaane ke baad waha sirf Shalini, Pratap, Sangeeta aur Ishant hi baithe hue the aur Shalini apni hi soch mein ghumm thi.
Pratap – Ab kyaa soch rahi ho Shalini.
Shalini – Soch rahi hu Pitaji ke ab aage kyaa hoga.
Pratap – Jo bhi hoga achha hi hoga. Jab humlog itni durr aagaye hai toh apni manzil mein bhi pahonch jaayenge.
Idher abhi aur koi kuch bolta tabhi Sangeeta ka phone baj uthta hai. Woh phone ki taraf dekhti hai toh usse ek unknown number dikhai deta hai. Sangeeta call recieve karti hai toh usse saamne se jaani pehchani awaaz milti hai toh Sangeeta waha se uth kar dusri taraf jaake baat karne lagti hai.
Sangeeta – Haa bolo.
Saamne se – Kyaa jo humne dekha woh sachh hai.
Sangeeta – Haa yeh sach hai.
Saamne se – Yeh sab kaise hua. Sab thik hai naa.
Sangeeta – Chinta mat karo. Sab thik hai.
Phir thodi der Sangeeta unse baat karne ke baad call cut kardeti hai aur sabke paas aake baith jaati hai.
Shalini – Kiska call tha.
Sangeeta – Mumbai se tha. Waha bhi yeh news jaa chuki hai ke Aryan hospital mein hai. Toh uske kuch dosto ka call tha.
Thodi der baad sablog apne apne kamre mein chale jaate hai.
Idher Suraj ke aadmi Mumbai mein Aryan ke saath saath Krishna ke baare mein bhi har tarah ki jaankari jutane mein lage hue the. Wohlog Mumbai ke har college mein jaake unke baare mein puchtach kar rahe the par unhe kuch haasil nhi horaha tha.
Kuch college waale toh bahar ke logo ko apne students ki jaankari nhi de rahe the toh unnlogo ne college waalon ko dara dhamka ke jaankari nikalni bhi chahi par unhe kuch haath nhi laga isiliye unme se ek aadmi Suraj ko call karta hai.
Aadmi – Sir yaha toh unn ladko ke baare mein kuch pata nhi chal raha hai. Ab tak bahot se colleges mein humne puchtach ki waha toh humhe kuch pata nhi chala.
Suraj – Mujhe kuch nhi pata. Mujhe unn ladko ke baare mein saari jaankari chahiye.
Aadmi – Par sir itne bade sehar mein kaise sirf 2 ladko ka pata lagaye.
Suraj – Ek kam kar. Tujhe pata hai waha IB chief ka ghar kaha hai.
Aadmi – Thoda darte hue. Haa sir pata hai. Par waha kyo bhej rahe hai aap. Woh jagah khatre se khaali nhi hai. Police force ka jamawada laga rehta hai waha.
Suraj – Tujhe waha nhi bhej raha hu. Tu uss area mein aur uske aas paas ke area mein jitne bhi school aur college hai har jagah puchtach kar. Agar koi kuch nhi bol raha hai toh kuch bhi karke uska muh khulwa par mujhe saari jaankari laake de.
Aadmi – Thik hai sir. Main karta hu kuch.
Phir call cut hojaata hai.
Aadmi – Kis musibat mein fhas gaya hu. Pata nhi aisa kyaa hai inn ladko mein jo pichle kitne samay se dhund raha hai. Aur yeh dono ladke toh jaise aladdin ka chiraag hai mil hi nhi rahe hai. Kyaa pata woh yaha bhi rehte bhi hai yaa nhi.
Apne mann mein apni pareshani dikhane ke baad woh aadmi baaki ke aadmiyon ke saath nikal padhta hai Sangeeta aur Ishant ke ghar ki taraf.
Kuch derr mein yehlog uss area mein pahonch jaate hai.
Aadmi – Suni re sab. Iss area mein aur iss ke paas ke area mein jitne bhi school aur college hai waha jaaneka aur inn ladko ke baare mein jaankari jutane ka. Kyaa samjhee. Agar koi muh nhi kholna chahta hai toh saam daam dand bhed kuch bhi karne ka par muh khulwane ka. Samjheee.
Sab – Haa bhaii.
Aadmi – Toh sablog faill jaao charo taraf aur khojo inn ladko ko.
Uss aadmi ke kehne ke baad saare aadmi charon taraf faill jaate hai aur Aryan aur Krishna ke baare mein jaankaari jutane lagte hai.
Idher Hospital mein Krishna Aryan ke sirhaane pe hi baitha hua tha aur Vicky uss durr samne rakhe sofa mein baitha tha.
Kuch der mein jab Aryan ki neend toot ti hai aur woh apne saamne Krishna ko dekhta hai toh uske chehre pe ek muskaan aajati hai.
Krishna – Has kyaa raha hai. Tujhe pata hai teri wajah se gharwaalon ki kyaa halat hai. Sablog kitne pareshan hai.
Aryan – Pata hai yaar. Par mere iss halat se ek chiz achhi hogyi. Do parivaar phir se ek hogye. Itne saalon ki narajgi aur galatfehmi sab durr hogyi.
Krishna – Par agar iss chakar mein tujhe kuch hojaata toh main sabko kyaa jawaab deta. Kyaa bolta unhe.
Aryan – Jab tak mera bhai mera dost mere saath hai mujhe koi chuu bhi nhi sakta. Mummy kaha hai. Woh thik toh hai naa.
Krishna – Haa woh thik hai ab. Ghar mein hai.
Aryan – Aur Mahira. Uski tabiyat ab thik hai naa.
Krishna – Tujhe sabki padhi hai bas apni hi nhi padhi. Sablog thik hai. Kisi ko koi pareshani nhi hai. Bas ab tu jaldi se thik hojaa.
Aryan – Main toh ekdum fit hu. Pata nhi yeh doctor ghar kyo nhi jaane de raha hai.
Aryan ki baat sunke Krishna has deta hai aur usee haste dekh Aryan bhi hass deta hai. Par jaise hi woh hasta hai uske dil mein dard hone lagta hai jisse uske muh se dard bhari siskaari nikal jaati hai.
Krishna – Dikh raha hai mujhe kitna fit hai tu. Chal ab baate band kar aur aaram kar. Main doctor ko bol deta hu tu uth gaya hai.
Phir Krishna bahar jaane lagta hai aur Aryan aankhein band karke aaram karne lagta hai.
Krishna bahar jaane ke pehle ekbaar pichhe ghum ke dekhta hai phir Vicky ko bolta hai.
Krishna – Vicky.
Vicky – Ji.
Krishna – Main doctor ke paas jaaraha hu. Iska dhyaan rakhna.
Vicky – Ji. Aap fikr naa kare. Main sambhal lunga.
Phir Krishna waha se nikal jaata hai aur Vicky Aryan ke paas aake baith jaata hai.
NICE UPDATE BHAI THANKS SO MUCHUpdate 46Aryan aur Vicky dono ekdusre ko hi dekh rahe the. Aise toh dono bhai hai par iss waqt unke beech jaise ek khaalipan tha ek adhurapan tha jisse dono hi achhe se samaj rahe thee.
Aryan – Main samaj raha hu Vicky. Inn kuch dino mein tumne bahot kuch dekha hai bahot kuch suna hai aur usse bhi badhkar tumne bahot kuch saha hai.
Vicky yeh sunke hairaani se Aryan ki taraf dekhne lagta hai jaise puch raha ho woh kehna kyaa chahta hai.
Aryan – Main tumhare baare mein sabkuch jaanta hu Vicky. Tum kyo itna shant rehte the kyo itna bada parivar hone ke baad bhi apne aap ko sabse alag rakhte the.
Vicky ki aankhein ab hairaani se badi hojaati hai. Woh asamanjas mein padh jaata hai ke aakhir Aryan ko kya aur kaise pata.
Vicky – Aap kyaa bol rahe hai mujhe kuch samaj nhi aaraha hai. Filhal aap aaram kare. Aapki tabiyat abhi thik nhi hai.
Aryan – Tum sab samaj rahe ho Vicky. Tum samaj rahe ho main Nidhi ki baat kar raha hu.
Yeh naam sunte hi Vicky ki aankhon se 2 boond aansu ke jhalak padhte hai aur uski aankhon ke saamne ek hasta aur khelta hua chehra aajata hai.
Vicky – Mujhe nhi pata aap kya bol rahe hai aur main kisi Nidhi ko nhi jaanta.
Aryan – Agar nhi jaante ho toh tumhari aankhein namm kyo hai unme achanak se yeh aansu kyo aagaye.
Vicky – Aap aaram kijiye main bahar jaata hu.
Yeh bol Vicky bina kuch bole apne aansu chupate hue waha se nikal jaata hai aur Aryan usse jaate hue dekhne lagta hai.
Vicky waha se nikal kar sidha Hospital ki chatt mein chala jaata hai aur boundary ke sahare khada hojaata hai. Uska chehra aansuon se bigha hua tha. Iss waqt koi bhi agar uske chehre ko dekhta toh usse saaf samaj aajata ke woh kitne samay se dukh mein jee raha hai. Uske seene mein kitna bada bojh hai.
Vicky apne pocket se mobile nikalta hai ek secret encrypted folder ko open karke usme rakhe photo ko dekhne lagta hai.
4 saal Pehle
Delhi sehar ke ek college mein ek ladka badi shaan se entry karta hai. Uske saath uske 2 dost bhi the. Teeno dost college mein entry karne ke saath saath hi apni favourite jagah yaani ke College ke canteen mein chale jaate hai aur waha ek khaali table mein baith jaate hai.
Teen dosto mein se ek dost bolta hai.
Dost 1 – Finally. Finally hum school ki duniya se azaad hoke College ki duniya mein aagaye hai. Ab naa homework ka tension aur naahi roj school jaane ka tension. Ab toh sirf ghumna, enjoy karna aur agar mann kiya toh saal mein 1-2 baar padhai karna.
Dost 2 – Sahi kaha Kartik. Ab naa gharwaale roj roj padhne ko bolenge aur naahi ab woh bhaari bhaari books bag mein dhaalke school jaana hoga.
Inn dono ki baate sunn woh teesra ladka has deta hai aur phir unko samjhate hue bolta hai.
Dost 3 – Haa sahi kaha. Ab koi homework ka tension, Naa roj roj padhne ka tension, naa ghar waalon ke taano ka tension ab life ekdum set hai. Par school life khatam hone ke baad humara bachpan bhi wahi khatam hogya. Woh roj homework naa karne pe teacher ki punishment ka darr, woh padhai naa karne pe mummy papa ki pyaar bhari daant, woh lunch break ka intezaar, apni crush ko chup chup ke dekhna, waha ki best teacher pe crush hona, sabke saath milke picnic jaana, school mein mastiyan karna, dusro ki tiffin se chura ke khaana yehi choti choti chize bhi ab humesha ke liye khatam hogyi hai. Bas ab 3 saal yaa phir 5 saal ki padhai aur hai phir toh wahi toh wahi 9 to 5 ki naukri, ghar waalon ki tension, paison ki tension, yeh tension woh tension aur phir zindagi khatam. Jab tak humlog school mein the tab tak zindagi haseen thi. Jo hum kabhi school mein rebte hue samaj nhi paaye.
Apne dost ki yeh baate sunn woh dono muh faade isko dekhne lagte hai. Unko aisa lag raha tha jaise unke saamne unka dost nhi koi dusra insaan hi baitha hua hai.
Abhi woh kuch bolte tabhi unke paas 3 ladkiyon ka ek group aata hai aur taali bajane lagta hai.
Ladki 1 – Manna padega school life ko leke tumhari yeh soch bahot achhi hai. Tumhari baatein sunkar toh humhe phir se school mein admission lene ka mann horaha hai.
Ladki 2 – Sach mein. School life ko aisi soch rakhne waale bahot kam hi dikhte hai aajkal. Warna aajkal toh har koi bas college hi aana chahta hai. Jinme se yeh do ladke bhi hai. Yeh bol teeno unko ajeeb nazro se dekhne lagte hai.
Dost 3 – Yeh toh bas sabki apni apni soch hai.
Ladki 3 – Aapki soch sach mein bahot achhi hai. Par aapke inn dosto ki soch bilkul bhi achhi nhi hai. Kuch shikhaiye apne dosto ko.
Dost 3 – Koshish toh kar raha hu umeed hai jaldi shikh jaaye.
Ladki 3 - Achha laga aapse mil kar aur aapki baatein sunkar. Ab hum chalte hai. Phir milenge.
Yeh bol woh ladkiyan waha se chali jaati hai aur yeh teeno unko hi dekhte rehte hai.
Unke jaane ke baad yeh dono uss ladke ko ghurne lagte hai.
Dost 3 – Abee aise kyo ghurr rahe ho koi bhoot dekh liya kyaa.
Kartik – Bhoot agar dekh bhi lete tab bhi itna shock nhi hote jitna abhi horahe hai.
Dost 3 – Kyoo aisa kyaa hogyaa.
Dost 2 – Abeee jo ladka school ke naam se bhi chidta ho. Jisko school ki dahleej mein kadam rakhne mein bhi maut aati ho woh school ko leke aisi baatein karega toh shock toh lagega hi naa.
Kartik – Sameer bilkul thik bol raha hai. Jo ladka marr marr ke school ki classes karta ho woh school ko leke agar aise bolega toh shock toh lagega naa. Sach sach bata aakhir kyaa chakar hai.
Sameer – Aurr unn ladkiyon ke saamne aisa bhola bann raha tha jaise uss pure sansaar mein tujhse bhala aur achha koi ho hi naa.
Kartik – Saale khud ko unn ladkiyon ke saamne achha bann gaya aur humhe bura bana diya.
Dost 3 – Toh kamino kisne bola tha charon taraf dekhe bina apna muh kholne ke liye. Saalon college ke pehla din hai. Bahot se log yaha iss waqt school life ko, apne classroom ko, apne bench ko miss kar rahe honge aur tumlog aate ke sang sang school ki burai karne lag gaye.
Sameer – Matlab tune abhi thodi der pehle school ko leke itna lamba bhasan diya woh ek natak thaa.
Dost 3 – Haaa.
Kartik – Matlab tune sirf unn ladkiyon ke saamne apni image banane ke liye natak kiyaa.
Dost 3 – Aur kyaaa. Aree main toh bachpan se hi school naa jaane ke bahane khojta tha. Har hafte koi na koj beemari ka bahana banake ghar bhaag jaata tha. Jis ladke ko padhai se allergy ho usse school kaise pasand aasakta hai.
Sameer – Waaah bete waahhh. College ke pehle din hi tune apni image bana li. Aur humari image barbaad kardi.
Dost 3 – Maine tumhari image nhi barbaad ki. Tumne apni image apne haathon se khud barbaad ki hai. Aur iss tarah ki image banana Vicky Singh Rajput ke baaye haath ka khel hai.
Yeh bol Vicky apne baalon ko thoda style se set karne lagta hai.
Kuch der baad class start hone ki bell bajti hai toh teeno apne class ki taraf nikal padhte hai.
Class mein aake Vicky, Sameer aur Kartik dekhte hai puri class full hochuki hai unke baithne ke liye unki pasandita jagah last bench puri tarah se bharti hai. Unke liye ab sirf first 3 rows hi jagah bache hue hai.
Kartik – Aree yaar hum late hogye. Last bench toh puri tarah se full hai. Aur first mein humhe baithna nhi.
Vicky – Aree first bench mein baitnna kitna achha hota hai tumhe pata hai. First bench mein baithne se kitna kuch sikhne ko milta hai. Aur tumlog ho ke last mein jaana chahte ho. Meri image ka kuch toh khayal kiya karo.
Sameer aur Kartik Vicky ka phir se yeh badla hua roop dekh hairaan hojaate hai. Dono charon taraf nazar ghumte hai toh unhe class mein first row mein hi woh teen ladkiyan baithi hui milti hai jo inhe hi dekh rahi thi.
Unn teen ladkyon ko dekh yeh dono samaj jaate hai ke Vicky ki nautanki phir se chaalu hochuki hai. Dono phir se unn ladkiyon ke saamne apni image barbaad kardete hai.
Vicky inndono ko dekhkar ek aankh mardeta hai aur sidha jaake first row mein baith jaata hai. Sameer aur Kartik bhi bujhe mann se Vicky ke paas jaake baith jaate hai.
❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤☺☺☺☺☺☺☺☺☺☺☺☺☺☺☺☺☺☺☺☺
☺☺☺☺☺☺☺☺☺☺☺☺