Past -2
Un dono se kuchh he dur andhere me ek aadmi jo poore kaale kapde pehene hue tha wo ja raha tha, usne jeb se ghadi nikali aur muskuraate hue jungle me ghus gaya .
To be continued …
Jab dono ka khana ho gaya tab James ne maans ke kuchh bhune hue tukde apne sath le liye apne bhaiyo ke liye aur wo shukriya keh ke chala gaya.
Uske jaane ke baad Shivraj ko aisa laga jaise kuchh anhoni si hone wali hai, kuchh dur aaspas dekhne ke baad use laga jaise kahi se use chikhne ki awaje aa rahi he. Uski sense keh rahi thi ke koi to musibat me hai aas paas par shayad yah uske mann ka bhram bhi ho sakta tha kyonki iss itni badi jung me usne kaafi saari chije dekhi hui thi aur un chijo ne usse hila kar rakh diya tha ! Usne dekha tha kaise do dushman ek pal me ek dusre ke khoon ke pyaase ban ke lad rahe he aur dusre he pal wahi do dushman ek ho kar mil kar bhediyo ke jhund se nipatane ke liye ek sath ho jaate he. Usne dekha tha kaise kai baari jab Christmas ki sham ko dono dushman hathiyar niche rakh ke ek saath aaye aur Christmas manaya ,fir football khelne lag gaye aur fir tisre he din se wapas se ladna chalu kiya !
Par jab Shivraj ko yakin ho gaya ke ab yaha rukna sahi nahi he to wo uth ke baitha, apne kapde samete aur rifle load kar awaj ki disha me chalne laga . jungle me abhi ujaala bhi nahi hua tha aur chaand raat me use thoda thoda he dikhai pad raha tha par itne saal angreji hukumat ke sath kaam karte rehne se use pata tha aisi paristhiti me aage kaise badhna he.
Aage badhne pe ussne dekha ke James apne bhai aur baki logo ki laasho ke paas baitha hua he aur ro raha he ,chilla raha he, aur sabse wahiyaat baat yah thi ke un sabke sir gayab the ,matlab maarne wala unke sir kaat ke apne sath le gaya tha !
Shivraj ne jab ye sab dekha tab usse yaad aaya kaise 7 saal pehle uske gaon me uske pote ke shadi wale din usne aisa he ek katl-e-aam dekha tha jab daakuo ki toli ne chand paiso ke liye puri baraat kaat di thi aur wo khud jakhmi ho gaya tha, parivaar ke naam pe kuchh nahi bacha tha , jo tha to bas ek kothi thi aur uski kamai hui jameen bass ! Uss din ke baad Shivraj Thakur ne chopdi chhod ke talwar aur banduk hath me le li aur firse shikar pe nikla tha jo abtak shikar he kiye ja raha tha. Apni jawani me wo apne chacha aur bhaiyo ke sath junglo me shikar karta tha, gajab ka rangin aadmi tha tab wo, kaali desi ladki ho ya gori angrej sabko ek saman manta tha aur bhogta tha, par shadi ke baad sab chhod ke usne samanya grihasti apnai . Jo shikar usne daku aur lootero ke liye shuru ki thi wo kab khoon ki latt me badal gayi usse bhi pata nahi chala , iss bich ek Angreji ladka usske sampark me aaya aur fir dono milke aise he inam ke naam pe kabhi lootero ke to kabhi aadamkhor jaanwaro ke shikar pe jaate the. Kaafi logo ne Shivraj ko kaha tha ke ladke ki shakal usse milti bhi he par wo baat ko hawa me uda deta tha.
Par abhi jo samne tha ussme James,jo abhi nabaligh he apno ki laasho pe sir rakh ke ro raha tha aur apni bhasha me badbda raha tha. Shivraj ne usse rone diya fir use uthaya aur pani uske muh pe mara ,usse dar tha ke jisne ya jinhone ye ghinona kaam kiya he wo aaspaas he hoga aur ghaat lagaye baitha hoga, Aur waqt rehte sambhala nahi gaya to agli bari uska bhi wahi haal hoga !
Usne james ko jaise taise isharo samzaya fir paas ke he ek gadhhe me un sab ke bina sir wale shavo ko ek sath rakha aur mitti daal ke upar ek cross bana kar lagaya. James abhi tak sambhla nahi tha par uske aaansoo ruk gaye the, Shivraj ne use apne sath liya aur dono waha se bahar ki taraf nikle taaki surakshit reh sake.
2 saal baad
Ek bade se dhamake ki awaj ke sath jung shuru hui, saamne ki or se Prussia(Germans) bade toph ke gole daag rahe the, wahi dusri taraf se French-British joint force ek kille ko defend kar rahe the , dono parties ko ye kila chahiye he chahiye tha, isse jitna ya haarna matlab jung ka rookh palatna ! kille ke andar 5,000 french sipahi aur 10,000 british sipahi the jinme se kaafi sare Hindustani the, aur unke saamne 30,000 ke upar Germans the jo bhari bombing kiye ja rahe the ,upar se naye naye paida hue hawai jahaj unpe bomb daage ja rahe the , aur aisa he ek jor ka dhamaka hua aur Shivraj ki nind khul gayi…
Shivraj pasina pasina ho chuka tha ,usse wahi sab sapne baar baar aa rahe the jo usne iss bhayanak jung me dekhe the, wo uth ke baitha aur jug se paani leke pine laga aur khidki khol ke bahar dekhne laga ,iss waqt bahar ghana kohra chhaya hua tha aur wo log France ke ek sheher ke bahar wale gaon me rehne lage the, shuruat me to unko koi rehne ke liye ghar bhaade pe bhi dene ko taiyar nahi tha ,fir James ne jab Shivraj ko apna naukar he aisa bataya tab jaake sir chhupane ke liye unhe ek jagah mili . In 2 saalo me bohot kuchh badla tha, Shivraj ne French bhasha sikh li thi aur aas pados ke logo se thik thak sambhandh bana liye the, James bhi thodi thodi hindi bolna sikh raha tha, usne paas ke he ek college me dakhila liya tha Shivraj ke dabaav me aake ,Shivraj uske liye uska dada he tha.
Bahar ke halaat jung ke baad aur bhi badttar hue the , laakho sipahi to maare he gaye the par sath he sath kaafi sare aam log bhi iss jung me maare gaye the. Logo ke khaane tak ke laale pad gaye the jo ussme ek aur bhayanak Mahamaari aayi – Spanish flue ! iss bimari ne jo logo ke haal kiye wo bayaan bhi nahi kiye ja sakte he. Jung me goli lagne ke baad he aadmi mara jata he par yaha ye bimari aisi faili thi ke har kisi ko apne chapet me le chuki thi. Bahar jaane wala vyakti muh naak dhak ke he jata tha aur wapas aane ke baad kabhi kabhi bimaari bhi sath le aata, uske baad kuchh he dino me sab ke sab hospital me milte fir kabristan me ! Shivraj bhi sochne laga ke wo jung he iss bimari se sahi thi jo sirf samne wale bande ko he marti thi na , par ye Spanish flue bachhe ho ya budhhe ,admi-aurat sab ko he maar rahi thi, agar kisi ka fayda ho raha tha to bass kabar ke taabut banane walo ka !
Shivraj ne uske army headquarter ko khat likh ke ittela di thi ke wo sahi salamat he, par usne Angrej hukumat ki taraf se kisi pension ki aas nahi rakhi, kyonki har ek hukumat ne fir chahe angreji hukumat ho ya French hukumat ya nayi german hukumat ,kisi ne bhi jung se wapas laute sipahiyo ko kuchh nahi diya, ulta kaafiyo ko fauj se bhi nikala. Jung ke baad Europe ka mahol badal chuka tha,Europe ke tukde ho gaye the, bade bade empires ab chhote se desh ban ke reh gaye the .
Shivraj uth ke bahar gaya aur dudh leke aaya ,James ko jaga ke usse college ke liye taiyar hone ka kaha. December ki kadake ki thand me wo apne bistar ko chhodna nahi chahta tha par dada ke samne uska bhi jor nahi chala to wo bhi taiyar hone laga.
Uske jaane ke baad shivraj ne akhbaar padhne shuru kiye, akhbaar me padha kaise laakho log dunia bhar me sirf iss bimari se he mar rahe he aur hindostan me 50 lakh se jyada log maare gaye the , jyada tar log angrej hukumat ke kadwe sulukh se he maare gaye the !
Subah ke 10 baj gaye the aur Shivraj astabal me ghodo ke pairo me nayi naal thok raha tha ke uska padosi jo lagbhag usi ki umar ka tha waha aaya banduk taange hue. Usne Shivraj ko shikar karne ka nyota diya kyonki wo Shivraj ki nishanebaaji ka kaayal tha . akhir dono ne tay kiya ke wo dopahar ka khana khane ke baad niklenge aur badi shikar karenge .
Dopahar ko james ke liye khana rakh ke Shivraj ne apni bag bhari ,ussme kaartus aur baki saman bhar diya aur rifle saaf karne laga he tha ke James cycle leke aa gaya.
Shivraj : Badi jaldi chhutti ho gayi maalik aapki to, kuchh padha bhi ya talab gaye the machhli pakadne khali ?
James : Kya dadu aap bhi, chhutti kar di he college walo ne aaj to ,Principal ko bukhar ho gaya tab jaake humari jaan chhodi he isne. Itne saare student bimar ho gaye, mar gaye tab inko koi farak nahi pada .
Shivraj : Kitne log bimar he tumhare college me ?
James : honge koi 70-80 ke upar , aur 10-12 to mar bhi gaye he , dadu me kya kehta hu, kya jarurat he mere college jaane ki ,hum aise he sahi he na dadu, thodi jameen le lenge aur ek dukaan laga denge usi me apna gujara ho jayega ,aur hume konsa jyada paiso ki jarurat he ?
Shivraj : Beta ji paisa hume aiyashi ke liye nahi chahiye, garib ko uski garibi tabtak he achhi lagti he jabtak uski thali me roti ho aur sir pe makaan ho par jab jung ka mahol banta he tab hukumat uske jhopdi ka Darwaja khatkhatati he aur uske hatho me banduk thama ke use jung me bhej deti he, fir chahe wo uss ghar ka iklauta chiraj he kyo na ho, yahi hukumat ameero ke faatak se he unhe salaam kar ke nikal jaati he ! Isliye tumhe bada aadmi banna he ,samze ab ? aur ab tum baith ke padho ,me shikar karne ja raha hu padosi ke sath .
James : Me bhi chalta hu na, pichhli baar bhi aapne mana kiya tha .
Shivraj : Padho aap baith ke ,kal sham ko le jaunga talab pe.
Fir Shivraj ne rifle aur samaan le liya aur ghode ko astabal se nikala, tabtak padosi bhi aa gaya tha, uske saath uski poti bhi aa rahi thi dusre ghode pe jo James ki he hum-umar thi. Kuchh soch ke Shivraj ne James ko bhi apne sath le liya aur charo jungle ki taraf nikle ,aage Shivraj aur uska Padosi baate karte hue ja rahe the ,unke pichhe padosi ki beti aur James .
Jungle shaant shaant sa lag raha tha aur aaj koi bada janwar inhe mil nahi raha tha ,James ne kuchh khargosh maare apne Revolver se ,sath he sath wo ladki ko bhi revolver chalana sikha raha tha , Shivraj aur padosi jaante the ke ye umar he aisi he to haste haste aage ja rahe the . sham ko andhera hone se pehle wo tay jagah pohonche aur waha ki unki jhopdi me jaake unhone apna saman lagaya aur saamne aag jala ke rakhi ,fir usne James ko sath liya aur jungle ke andar le gaya chhup ke shikar karne ke liye. Kaafi andar jaane ke baad unko ek hiran pada hua mila jiske garam khun se pata chal raha tha ke jisne shikar kiya he wo bada Tendua he hoga aur yahi kahi hoga .
Kuchh der yaha waha dekhne ke baad Shivraj James ko leke jhopdi me wapas aaya, Sabrina jo padosi ki ladki he usne khargosh pakaya tha aur usko kha ke sab sone chale gaye, Shivraj jaag ke pehra dene laga.
Madhyaraatri ke samay halki si awaj se uski nind khuli aur usne dekha ke wo jhopdi ke upar baithe baithe he so gaya tha, usne apne niche ke chhappar se thodi si ghaas hatai aur niche dekha to andar laaltain ki halki si roshni me James aur Sabrina ek apne apne bistar pe lete hue ek dusre ko dekhte hue muskura rahe the. Shivraj bina awaj kiye jhopdi se niche utara aur rifle ko taange hue pedo ki taraf badha aur ek ped ke niche jaake dhaar chhodne laga.
Dhaar chhod ke usne apni patloon ka belt lagaya he tha ke usko laga jaise uske upar koi he, aur jaise he usne mundi upar ki to dekha usi ped ki ek majbut tehni par ek bada sa Kaala Tendua apni chamkili aankho se usse dekh raha he !
To be continued….
Ye kala tendua pralay aane ke Pahle ki nishani hai Ya pralay hone ke baad ki, kyoki Apne hero pr bhi ek kale tenduye ne hamla kiya tha pr Vo bullet chla rha tha isliye bach gya...
Yha dadu ke upar bhi tendua ghaat lgaye baitha hai ab Dekhte hai kya hota hai aage kya dadu bachega ya ghayal ho jayega...
Vo kale kapde me admi Kon tha jo mushkurata hua nikal gya tha or us ladke ke sathiyo ko kisne mara tha, vo abtk na pta chla...
Superb update bhai sandar jabarjast lajvab amazing
Award + 5000 Likes + 30 days sticky Thread (Stories)
Award + 3000 Likes + 15 day Sticky thread (Stories)
Award + 1000 Likes
200 Likes for each report
keep supporting
