- 2,181
- 7,530
- 144
Vicky_Kumar
New Member
- 6
- 7
- 3
Nice update and lovely storyUpdate 44
Prem's Past Paranoid - 2
[ Prem Prerna Ke Room Ke Baahar aa Jata Hai aur Uske Room Mai Chala Jaata Hai . Prerna Ka Room Humesha Khula Hi Rehta Tha . Prem Ki Nazar Prerna Par Padti Hai Jo Bed Par Soyi Huyi Thi .
Prem : ( Mann Me ) Jyada Shaana Ban Raha Hai ! Usko Ab Aukat To Dikhani Hi Padegi ! ]
Ab Aage :
Agle Din Prem Subah Aman Ko Uske Ghar se Pick Kar School Pahuch Jaata Hai .
School Pahuchte Hi Prem Apna Bag Kholta Hai aur Usme se Ek Pistol Nikalta Hai . Ye Pistol Prem Ko Rajveer Ke Room se Mili Thi.
Prem Ki Nazar Aditya Par Padti Hai Jo Usi Class Me Dur Baitha Hua Tha . Woh Gun Ko Apni Haath Me Lekar Gusse Me Aditya Ki Taraf Badhta Hai . Uski Aankhon Me Gussa Saaf Nazar aa Raha Tha .
Prem Aditya Ke Pase Jaate Hi Uske Muh Par Punch Maarta Hai Aur Gun Uske Muh Ki Taraf Point Karta Hai
Puri Class Waha Maujood The . Ye Sab Dekhkar Sabhi Me Hud-dang Mach Gayi . Sabhi Logo Ko Lag Raha Tha Ki Woh Toy Gun Thi
Aditya : BHENCHODD PREM
*Shoot*
Prem Ek Goli Sidha Chhat Par Chalata Hai. Goli Ki Aawaz Itni Jor se Aayi Ki Puri Class Ek Dum Shaant Ho Gayi Kyunki Gaand Fatne Ki Kabhi Aawaz Nahi Hoti .
Sabhi Log Class se Baahar Bhaagne Lagte Hai . Prem Gun Ko Aditya Ke Sar Par Aim Karta Hai .
Aditya : ( Fear ) P..Prem ! K..Kya Kar Rahe Hai Tu Yeh ! Dekh…
Prem : ( Gusse Me ) Sun Be Loduchand ! Mai Yaha Teri Sunne Nahi Aaya Hu ! Meri Beheno se Dur Reh……Samjha Warna Ye Bullet Sidha Tere Andar Hogi ! Kisise Darta Nahi Hu Mai ! BKL Teri Jo Bhi Dushmani Hai Wo Mere Saath Hai….Jab Tak Mere Saath Hai Tab Tak Thik Hai….Agar Mere Bhai Behen Me se Kisiko Pareshan Kiya To Tu Mujhe Jaanta Nahi Hai !
*15 Minutes Later*
Vice Principal : ( Gusse Me ) WHAT WAS THAT PREM ????? KON HO TUM ??? CRIMINAL HO ??? CRIMINAL HO KYA TUM !!! SCHOOL ME GUN LEKAR AAYE HO !!!
Prem : Sorry Ma'am !!
Vice Principal : YE GUN KESE AAYI TUMHARE PASS ???
Prem : Ye Wo Mere Papa Ki Thi !
Vice Principal : It Doesn't Mean Ki Tum ise School Me Lekar Aajao !!
Prem : Sorry Ma'am !
Vice Principal : Your Father is the Trustee of The School ! Otherwise Me Abhi Police Ko Call Kar Tumhe Jail Bhejwa Deti ! This is a Criminal Offence !
Prem : I'm Sorry Ma'am !
Vice Principal : WHAT SORRY ?? TUMNE BULLET BHI FIRE KI HAI !! CLASSROOM KI CHHAT PAR BULLET LAGI HUYI HAI !! CLASS KE SARE STUDENTS WAHA SE BAAHAR BHAAGE HAI !!
Prem : ()
Vice Principal : Aur Jis Par Tumne Gun Aim Ki Hai Wo is School Ke Principal Ka Beta Hai !
Aditya : Ma'am He is a Mental ! Ye Fire Kar Leta Aur Mai Wahi Chal Basta !
Vice Principal : I'm Calling The Parents Of Your Both ! Aur Prem….You are Suspended From School ! Sirf Board Exam Dene aa Jana Center Par !
Prem : Sorry Ma'am !
Vice Principal : What Sorry ?? You are one of the brilliant Student I Have Ever Seen ! Aur Tum Aese Serious Crime Karoge…Ye Mene Nahi Socha Tha !
Prem : (
Vice Principal : Agar Aditya Ke Parents ne Police Complaint Kar Di To School aur Tumhare Parents…Dono Ka Name Kharab Hoga !
Vice Principal ne Dono Ke Parents Ko Call Kar Liya Tha . Waha Ajith Bhi Rajveer Ke Sath Mumbai aa Chuka Tha . Mumbai Aate Hi Ajith Ke Pass School Se Call Aa Jaata Hai . Ajith Woh Message Rajveer Tak Pahucha Deta Hai .
Aadhe Ghante Tak Prem aur Aditya Dono Hi Vice Principal Ke Room Me Khade The.
Wahi School Ka Principal aur Rajveer Dono Hi Vice Principal Ke Cabin Me aa Jate Hai .
Rajveer Ko Dekh Prem Thoda sa Chauk Gaya Tha . Prem ne Kayi Mahino se Apne Papa Ko Nahi Dekha Tha .
Wahi Vice Principal Ma'am Saari Baat Bata Deti Hai Dono Ko aur Classroom Ki CCTV Recording Bhi Bata Dete Hai .
Woh Gun Ko Table Par Rakh Deti Hai .
Vice Principal : Ye Criminal Offence Hai ! Hume Ek Minute Nahi Lagega Aapke Bete Ko Jail Bhejne Me ! Abhi Mene Isko School se Suspend Kar Liya Hai ! Sirf Board Exam De Sakta Hai !
Rajveer Apna Chashma Khol Kar Table Par Rakhta Hai aur Chair se Khada Hokar…
*CHATAAAK*
Rajveer Ek Jordaar Thappad Maarta Hai Prem Ke Gaalo Par . Prem Ka Pura Gaal Laal Ho Chuka Tha .
Rajveer Table Par Padi Gun Ko Apni Pocket Me Rakh Leta Hai .
Principal : Call The Police !! Mere Bete Par Gun Rakhi Hai ! Aese Criminals Yaha Nahi Padh Sakte !
Rajveer : PREM !! KYA HUA THA ????
Prem : Papa Ye Ladka Humesha Kuch na Kuch Karke Mujhe Pareshan Karta Rehta Hai ! Me Sab Kuch Nazarandaaz Kar Deta Hu Kyunki Mujhe Farq Nahi Padta ! Isne Ek Baar Mere Saare Projects Lekar Destroy Kar Liye The , Fir Bhi Mene Kuch Nahi Kiya Aur Ek Hi Raat Mai Saare Project Kar Liye ! Par Ye Humesha Pareshan Karte Rehta Hai ! Kal Iske Ghar Par House Party Thi , Prerna Bhi Waha Gayi Thi ! Isne Prerna Ko Waha Humiliate Kiya aur Uspar Sharaab Bhi Daali ! Ye Mujhse Bardaash Nahi Hua ! Koyi Meri Beheno Ke Saath Aesa Kare….Ye Mera Hargiz Sehen Nahi Karuga !
Aditya : Wo To Galti se Ho Gaya Tha !
Vice Principal : Tumhe Ye Baat Kisne Batayi !
Prem : Ma'am Aesi Baate Pata Chal Hi Jaati Hai !
Principal: TO KYA GUN LEKAR AAJAOGE ??? APNE CRIME KO JUSTIFY MAT KARO !!
Rajveer : PREM SAY SORRY AND GO OUT OF THE CABIN !!
Prem : () Sorry !
Prem Vice Principal Room se Baahar Chala Jaata Hai .
Vice Principal : This is My Cabin Mr. Mehra ! Yaha Orders Sirf Mai De Sakti Hu !
Rajveer : Mujhe Pata Hai Mere Bete Ne Galat Kiya Hai ! Aage se Aesa Kuch Nahi Hoga ! Naa Hi Usko Koyi Jail Bhejega Aur Na Hi Koyi Suspend Karega !
Principal : Mr. Mehra Ye Mai Decide Karuga Aur Aapke Bete Ko Me Jail Bhejkar Hi Rahuga ! Aditya , Tum Apni Class Me Jao !
Aditya Waha se Apni Class Mai Chala Jaata Hai .
Rajveer Table Par Pade Apne Chashme Ko Pehen Leta Hai.
Rajveer : ()
Wahi Prem Jab Cabin se Baahar Nikalta Hai , Usko Baahar Hi Ajith Mil Jaata Hai
Ajith : Master Prem ! Good Morning !
Prem : Kaha Good Morning ?? Bad Morning Bolo !
Ajith : Lagta Hai Aapne Kuch Bada Kiya Hai ! Aapka Chehra Par Laal Nishaan Saaf Bayaan Kar Raha Hai !
Prem : Mat Hi Pucho ! Wese Aap Log Kab Aaye ?
Ajith : Aaj !
Prem : Ajith Mera Dimaag Keh Raha Ki Mene Galat Kiya Par Mera Dil Keh Raha Ki Mene Sahi Kiya !
Ajith : Hmm ! To Humesha Aese Tarike se Kaam Kijiye Ki Dil aur Dimaag Dono Hi Sahi Kahe !
Prem : Mujhe Lagta Hai Ye Mujhe Aaj Jail Bhejkar Hi Rahega ! Meri Bail Taiyar Rakhna Ajith !
Ajith : Don't Worry ! Master Aapko Kuch Nahi Hone Dege!
Prem : Mujhe Bhi Yahi Lagta Hai ! Mere Papa Mujhe Jail To Bilkul Nahi Jaane Dege !
5 Minute Baad Rajveer Vice Principal Ke Room Se Baahar Nikalta Hai . Woh Prem Ki Taraf Dekhta Hai .
Rajveer : Aage se Ye Sab Nahi Hona Chahiye ! Aesa Kuch Mat Karna Hi Tere Career Khatre Me Aaye !
Prem : Ji Papa !
Rajveer : Koyi Suspend Nahi Hua Hai Tu ! Na Hi Koyi Jail Jayega ! Kal se Roz School Aayega Aur Aage se Aesi Shikhayat Nahi Aani Chahiye!
Prem : Ji Papa !
Rajveer : Abhi Class se Apna Bag Le Le aur Chal Mere Saath !
Prem : Ji Papa !
Prem Apni Class Ki Taraf Chala Jaata Hai.
Rajveer : Iske Andar Bhi Ek Aag Hai !
Ajith : Afterall , Mufassa Ka Beta Simbaa Hi Hota Hai !
Rajveer : Par Mai Nahi Chahta Ye Meri Tarah Bane ! Me Chahta Hu Yeh Bahut Acha Insaan Bane….Bahut Acha ! Mere Papa Ki Tarah ! Ek Dum Cold Minded…..Meri Tarah Gusse Me Andha Nahi!
Kuch Hi Der Me Prem Class Me se Apna Bag Lekar Aa Jata Hai . Saare Bacche Use Hi Ghur Rahe The .
Few Students Were Silent , Few Were Shocked But Most of Were Grazed By His Aura
Prem Apna Bag Lekar Waapas Rajveer Ke Pass aa Jata Hai .
*20 Minutes Later*
Prem aur Rajveer Dono Hi Ek Tree Ke Niche Bani Bench Par Baithe Hue The .
Rajveer : To Batao ! Pichle Kuch Mahine Kese Gaye ?
Prem : Sab Acha Gaya Papa !
Rajveer : Wo Gun Kaha se Mili ??
Prem : Aapke Room se ! Mene Ek Baar Aapko Gun Ko Drawer Me Rakhte Hue Dekha Tha ! Us Drawer Ki Keys Dhundh Kar Usme se Nikaal Di !
Rajveer : Socho Agar Galti se Woh Gun Shoot Ho Jaati To ? Tumhari Choti si Galti Ki Wajah se Uska Pura Pariwaar Uthal-Puthal Ho Jaata !
Prem : Sorry Papa ! Aage se Aesa Nahi Hoga !
Rajveer : Ghar Par Sab Kese Hai ??
Prem : Sab Thik Hai Papa !
Rajveer : Dekh Beta ! Jab Me Yaha Nahi Hu Tab Pure Pariwaar Ki Zimedaari Tere Upar Hai ! Samjha ! Abhi Nahi….Abhi Tu Chotha Hai ! Par Bade Hone Ke Baad…Tujhe Hi Sab Ko Sambhalna Hai ! Waha Gusse se Nahi…..Shaanti se Kaam Lena Padega ! Har Waqt…Har Jagah Mai Tere Sath Nahi Rahuga ! Tab Tujhe Hi Sab Kuch Handle Karna Padega ! Aur Agar Tab Aese Galat Faisle Lega….To Sabkuch Barbaad Ho Jayega ! Isliye Humesha Soch Samajhkar Faisle Lena ! Samjha ?
Prem : Ji Papa ! Mai Yaad Rakhuga !
Rajveer : Good ! Apne Dimaag Ko Shaant Rakhna Sikho ! Meri Tarah Kabhi Mat Banna ! Mujhe Choti Choti Baato Par Bahut Jaldi Gussa aa Jata Hai ! Me Nahi Chahta Ki Tu Meri Tarah Bane !
Prem : Aap Mere Hero Ho Papa ! Me Aapki Tarah Banna Chahta Hu !
Rajveer : ( Smiles ) Acha…..Aur Aesa Kyu Hai ? Tera Hero Teri Mother Honi Chahiye ! Bachpan se Hi Mujhse Jyada To Wo Tumhare Saath Rahi Hai ! Me To Zyadatar Kaam se Baahar Hi Rehta Hu ! Jab Aata Hu Tab Bhi Sirf Sharaab Hi Peeta Hu ! Mujhe To Yaad Bhi Nahi Ki Humne Aese Saath Me Baithkar Aakhri Baar Kab Baat Ki Thi ? Sandhya Hi Tum Sabka Dhyaan Rakhti Hai !
Prem : Papa Bachpan se Hi Mere Hero Sirf Aap Hi Ho ! Sirf Aap !
Rajveer : ( Smiles ) Haa To Meri Ye Do Baat Humesha Yaad Rakhna ! Pehli To Ye Ki Humesha Apne Pariwaar Waalo Ke Saath Mushkil Waqt Me Khada Rehna aur Musibat Ka Saamna Karna…..Aur Dusri Baat Ki Humesha Soch Samajh Kar Decision Lena !
Prem : Thik Hai Papa ! Me Yaad Rakhuga ….Aur Agar Bhul Bhi Jau To Aap Waapas Samjha Dena ! P Aap Bhi Mere Saath Hi Hoge Na Tab !
Rajveer : ( Inhale ) Wo To Samay Ki Baat Hai Beta ! Aaj Jo Ye Meri Gun School Lekar Chala Gaya , Isse Kayi Badi Problem Ho Sakti Thi ! Agar Mujhe Ye Baat Pata Nahi Chalti To Tu Abhi Jail Me Hota aur Tere Pura Career Khatam Ho Jaata !
Prem : Bahut Badi Galti Ho Gayi Papa ! Aage se Aesa Kabhi Nahi Hoga ! Wo Pata Nahi Gusse Me Aakar Mera Dimaag Kaam Karna Hi Bandh Kar Diya !
Rajveer : Aage se Aesa Kuch Bhi Ho To Soch Samajh Kar Kadam Uthana ! Kuch Bhi Karne se Pehle Ek Baar Apne aur Apne Pariwaar Ke Bare Me Sochna ! Samjhe ?
Prem : Ji Papa !
Rajveer : Ab Ghar Chalte ! Bahut Samay Ho Gaya Hosh Me Ghar Jaaye Hue !
*Few Hours Later*
Rajveer Apne Room Me Tha . Woh Mirror Ke Saamne Khada Hua Tha . Wahi Sandhya Usse Bahut Door Room Me Hi Khadi Huyi Thi . Dono Ki Hi Nazre Ek Dusre se Nahi Mil Rahi Thi .
Rajveer : Tabiyat Kesi Hai Tumhari ?
Sandhya : Ji Theek Hai !
Rajveer : Good ! Abse Apni Health Ka Aur Bhi Zyada Dhyaan Rakhna Hai Tumhe ! Baccho Ki Puri Zimmedaari Tumhare Upar Hai ! Me Zyadatar Ghar se Baahar Hi Rehta Hu…..Isliye Baccho Ka Bhavishya Bhi Tumhare Haatho Me Hai !
Sandhya : Ji !
Rajveer : Mujhe Tumse Kuch Kehna Bhi Tha ! Pichle Kayi Saalo se Tum To Meri Patni Ban Gayi Par Mai Kabhi Tumhara Pati Nahi Ban Saka ! Tumne Bahut Ache se Ghar Aur Baccho Ko Sambhala Jab Bhi Mai Ghar se Dur Raha Hu ! Me Uske Liye Humesha Tumhara Shukraguzaar Rahuga !
Sandhya : A..Aap Kesi Baate Kar Rahe Hai ! Ye To Mera Farz Hai !
Rajveer : Farz !!!! Mere Bhi Kayi Farz The Jinhe Mai Nahi Nibha Paaya ! Tumse Shaadi Jarur Ki Thi Maine Par Tumhe Mai Kabhi Apni Patni Nahi Bana Saka ! Par Tumne Humesha Bina Kisi Shikayat Ke Sab Kuch Kiya ! Me Ummid Karta Hu Ki Tum Baccho Ka Ache se Khayaal Rakhogi !
Rajveer Apne Room se Baahar Chala Jaata Hai .
*15 Minutes Later*
Rajveer : So ! Company Me Sab Kesa Chal Raha Hai Mr. Director of Board !
Dharmendra : Sab Kuch Sahi Chal Raha Hai ! Tu Pehle Bata Ki Tu Reh Kaha Raha Hai ??
Rajveer : Bas Jaha Jaha Duniya Lekar Jaa Rahi Hai ! Bas Waha Waha Ghum Raha Hu !
Rajveer Apni Back Pocket Me se Wine Cane Nikalta Hai aur Peene Lagta Hai .
Dharmendra : Apne Aap Ko Sambhal ! Tujhe Samjha Samjha Kar Dhak Chuka Hu Mai !
Rajveer : My Brother…..My Buddy ! Mujhe Ab Kuch Nahi Sambhalna ! Thak Chuka Hu Mai Apne Aap Ko Sambhalte Sambhalte ! Par Ab Yeh Dil Itna Kamzor Ho Chuka Hai Ki Saala Ab Mann Hi Nahi Karta Ek Baar Waapas Jeene Ko !
Dharmendra : Tu Ek Baar Usse Bhulne Ki Koshish To Kar ! Ek Baar Sandhya Ko Apni Patni Maan Kar To Dekh !
Rajveer : Mai Chahu To Bhi Usse Bhul Nahi Sakta ! Me Usse Kabhi Bhulna Chahta Bhi Nahi Hu ! Wo Mere Andar Aaj Bhi Zinda Hai ! Mujhe Dikhti Hai Woh ! Me Jab-Jab Usko Yaad Karta Hu Wo Mere Saamne Hoti Hai !
Dharmendra : Me To Tujhe Nahi Samjha Sakta ! Tujhe Koyi Nahi Samjha Sakta ! Wese Wo Tera Jigri Dost Kaha Hai Aajkal ?
Rajveer : Saumya ??? Pata Nahi ! Bahut Samay Ho Gaya Usse Mile ! Wo Apni Ghar Grahasti Me Jyada Hi Busy Ho Gaya Lagta Hai
Dharmendra : To Tu Bhi Ho Jaa !
*Knock* *Knock*
Rajveer : Come in !
Shekhar Room Ke Andar aa Jata Hai .
Rajveer : Aur CEO Sir ! Sab Kuch Kesa Chal Raha Hai ?
Shekhar : Badhiya Bhaiya !
Rajveer : Good !
Rajveer Apni Jagah se Khada Hota Hai aur Shekhar Ke Pass Jaata Hai .
Rajveer : Sab Kuch Acha Hi Chal Raha Hoga !!
*CHATAAK*
Rajveer Ek Jordaar Thappad Maarta Hai Shekhar Ke Chehre Par .
Dharmendra : Rajveer ?????
Rajveer : Beta Me Nashe Me Dhurt Tha Uska Matlab Ye Nahi Ki Mujhe Pata Nahi Kya Kya Chal Raha Hai ! Har Cheez Ki Khabar Mujhtak Pahuch Jaati Hai !
*CHATAAK*
Rajveer : Teri Jagah Koyi Dusra Hota To Ab Tak Dafna Chuka Hota ! Mera Bhai Hai Isliye Sirf Thappad Maar Raha Hu !
Dharmendra : Aakhir Hua Kya ??
Rajveer : Company Ke Accounts Me Hera-Pheri Kar Raha Hai Yeh !
Dharmendra : KYA ????
Rajveer : Haan aur Isne Ye Sab Itni Chaalaki se Kiya Ki Kisiko Pata Bhi Nahi Chalne Diya ! Accounts Team Ki Pockets Bhi Bhar Chuka Hai Yeh !
*CHATAAK*
Shekhar Ka Chehra Laal Ho Gaya Tha . Uski Aankhon Me se Aansu Nikal Gaye The Par Usme Gussa Bhi Apni Chhap Chodd Raha Tha .
Dharmendra : Mujhe Bhi Pata Nahi Chala Is Baare Me ??
Rajveer : Ab Sun ! Tu Bhi Ghar Ka Hi Aadmi Hai…..Garib Nahi Hai Tu ! Tujhe CEO Ki Salary Mil Jaati Hai Na Croro Me ! Par Fir Bhi Laalach !
Shekhar : Mujhe Maaf Kar Dijiye !
Rajveer : Aage se Aesa Kuch Hua To CEO Ki Post Se Bhi Tujhe Nikaal Duga aur Is Ghar se Bhi Nikaal Duga ! Aur Shukra Mana Ki Mene Apne Gusse Ko Daba Kar Rakha Hai Warna Tu Jaanta Nahi Hai…Jo Mujhse Dhokha Karta Hai , Uska Mai Kya Haal Karta Hoon !
Shekhar : Sorry Bhaiya ! Mera Dimaag Kharaab Ho Gaya Tha !
Rajveer : Ab Yeh Baat is Room se Baahar Nahi Jaani Chahiye ! Ye Maamla Yahi Khatam Ho Jaana Chahiye ! Tune Jitne Paise Company Ke Chori Kiye…Uski Saari Report Mere Pass Pahuch Chuki Hai ! Wo Saare Paise Mujhe Waapas Chahiye Agle 7 Din Ke Andar ! Samjha ?
Shekhar : 7 Din ?
Rajveer : Haan 7 Din !!! Warna Uske Baad Tu Mera Asli Gussa Dekhega !
Dharmendra : Shaant Ho Jaa Rajveer ! Shekhar Tu Jaa Yaha se ! Aur Paise Waapas Company Ke Pass Aa Jane Chahiye !
Shekhar : Ji !
Shekhar Waha se Chala Jaata Hai .
Dharmendra : Mujhe Laga Ki Tera To Mumbai Me Kya Chal Raha Hai Uska Dhyaan Hi Nahi Hoga ! Tu Apne Hi Gam Me Duba Hoga !
Rajveer : Mai Ghar se Dur Hoon Par Ghar Mujhse Kabhi Dur Gaya Hi Nahi ! Yaha Ki Har Cheez Ki Khabar Mujhe Mil Jaati Hai !
Dharmendra : ( Smile ) Sher Bhale Hi Jungle se Dur Ho Par Jungle Ka Raja Humesha Sher Hi Rehta Hai ! Par Ek Baar Maanni Padegi…Itni Badi Baat Me Bhi Tune Gussa Nahi Kiya !
Rajveer : Haan Bas Apna Gussa Control Karne Ki Koshish Kar Raha Hoon ! Warna Gusse-Gusse Me Apne Hi Bhai Ko Hospital Bed Par Pahucha Deta Mai !
Rajveer Room se Baahar Nikal Jaata Hai Jaha Ajith Khada Hua Tha . Rajveer Ajith Ke Saath Mension Ke Baahar Chala Jaata Hai .
Ajith Car Driver Kar Raha Tha Aur Rajveer Piche Baitha Hua Tha .
Rajveer : Ajith Mere Kitne Bank Accounts Hai ??
Ajith : Swiss Bank Ke Bhi Sare Accounts Milakar 18 !
Rajveer : Good ! Un Sab Ka Nominee Prem Ko Bana Do !
Ajith : Sorry To Ask Master But Miss Prerna aur Miss Diya Ke Liye ?
Rajveer : Ajith Itne Saalo Me Mene Kuch Kiya Ho Na Kiya Ho Par Apne Bete Ko Humesha Sikhaya Hai Ki Usko Hi Apni Behno aur Apni Maa Ka Khayaal Rakhna Hai ! Prem un Sab Ka Dhyaan Rakh Lega ! Aur Mai Koyi Property Ki Will Nahi Bana Raha Hu ! Sirf Bank Accounts Ka Nominee Bana Raha Hu !
Ajith : Wese Abhi Jaana Kaha Hai ???
Rajveer : Hotel Me Le Lo ! Aur Haan ! Raichand Hotel Me Mat Lena !
Ajith : Bilkul ! Me Suite Book Kar Leta Hu !
Rajveer : Aur Kuch Bottles Jisse Puri Raat Nikal Jaaye !
Ajith : Aap Akele Room Me Kya Karege Sir ? Ghar Par Hi Thaher Jaate ! Aap Apni Bacchiyo se Bhi Nahi Mile !
Rajveer : Dar Lagta Hai Ajith!
Ajith : Rajveer Mehra Ko Dar Lagta Hai ? Ye Kabse Hone Lag Gaya ??
Rajveer : Apne Aap se Dar Lagta Hai Ajith….Apne Aap se Lagta Hai ! Me Apni Patni Aur Apni Bacchi Ko Kho Chuka Hu ! Isliye Ab Yaha Sandhya aur Meri Dono Betiya Prerna aur Diya Ke Pass Jaane se Bhi Thoda Dar Lagta Hai ! Kahi Unhe Na Kho Du ! Sirf Prem Hai Jiske Saath Waqt Beetane Me Ab Mujhe Acha Lagta Hai Par Me Nahi Chahta Ki Wo Mujhse Zyada Attach Ho Isliye Usse Dur Rehta Hu !
Ajith : Aap Itna Dard Apne Andar Kese Sama Lete Ho ??
Rajveer : Har Din Jeene Me Yaha Maut Aati Hai…..Bas Maut Hi Nahi Aa Rahi !
*NEXT DAY*
Prem Bus Me Baitha Hua Tha . Ye Bus School Ki Taraf se Delhi Jaa Rahi Thi Sports Tournament Ke Liye . Is Bus Me Sirf Prem Hi Nahi Tha , Usi Bus Me Aditya Bhi Tha Jo Prem se Bahut Dur Baitha Hua Tha .
Chirag : Pure School Me Wo Gun Waali Baat Fel Gayi Hai !
Aditya : Pata Hai !
Chirag : Par Usme Name Tera Hi Udd Raha Hai ! Sabhi Ke Saamne Prem To Ek Hero Jesa Ban Gaya Hai ! Ek Dum Gangster Type Aur Tujhe Hi Sab Fattu Samajh Rahe Hai !
Aditya : is Prem Ka Kuch To Karna Padega ! Pata Nahi Yeh Suspencion se Kese Bach Gaya ? Delhi Me Iska Ilaaj Ache se Karuga !
Chirag : Kese ?
Aditya : Ketu Bhaiya Ko To Jaanta Hai Na ! Woh Yahi Rehte Hai ! Wo Iski Gaand Faad Dege ! Iski Haddiyo Ka Churma Bana Dege !
Chirag : Bhenchod !!
*24 Hours Later*
Wo Bus Delhi Ke North Zone Sports Federation Ke Centre Par Pahuch Chuke The .
Sabhi Students Ke Alag Alag School Ke Baccho Ke Saath Waha Room Allocate Huye The .
Prem Board Me Lagi List Me Apna Name Dhundhne Lagta Hai .
Prem : Hmm Room No. 18 !! Oh ! Ek Hi Room Me 3 Log Allocate Huye !
Prem Waha se Room No. 18 Ke Baahar aa Jata Hai aur Gate Knock Karta Hai .
“ Aajao Andar ”
Prem Room Ke Andar Chala Jaata Hai . Waha Ek Aur Ladka Tha . Woh Chair Par Baithe-Baithe Juice Pee Raha Tha .
Prem : Hi ! Myself Prem Rajveer Mehra !
Ladka : Hi ! RAJ AGGRAWAL Here !!!!
∆
∆
∆
Aaj Ke Liye Bas Itna Hi . Like Karna aur Apna Review Dena Mat Bhulna . Those Who Don't Know , Raj Meri Previous Story Ka Main Lead Tha . I Request Ki Utsukta Me Aakar Meri Previous Story Galti se Bhi Mat Khol Dena . Wo Story Mene Nashe Nashe Me Likh Di Thi . Kya Pata Konse Nashe Kar Maine Raj Ka Face Ronaldo Ka Rakha Tha . Anyways , Milte Hai Agle Sunday Ko . Tab Tak Ke Liye , Cheers
parkas
Well-Known Member
- 27,142
- 60,411
- 303
krish1152
Well-Known Member
- 5,233
- 15,754
- 188
- 2,181
- 7,530
- 144
- 2,181
- 7,530
- 144