Update to dono he badhiya the .. magar asal kaam to abhi bhi nahi hua .. Jab Rekha ji ko maarne ki thaan he li thi aur sab intezaam bhi kiye gaye .. to sirf 3 aadmi he the maarne waale .. muzhe to nahi lagta .. abhi bhi shaadi ka function adhura hai .. aur sab log gaaon mein he hai .. mere khayaal se to ye sirf first stage wala attack tha .. iske baad alag-alag tareeko se attack ho aaj he shaadi ke dauraan ...
aur na abhi tak Romela, Renuka, Maadhuri, Lalita, Shaalini singh, Kaushalya ji, Rameshwar ji aur Col. Poori ka ek baar bhi jikrr nahi aaya .. Aur jab saara pariwaar yaha aaya hai to Rajkumar ji kaha reh gaye .. ghar se chalte waqt unke baare mein kisi ne baat nahi ki .. na unka kahi bhi jikrr aaya ...
dono hawelio mein itna bada shubh avsar hai, itne log jama hai, lekin Kaushalya ji ka jikrr nahi hua .. ye baat muzhe hazam nahi ho rahi ..
Enigma bhai aapne ye update likh kar post to kar diye magar abhi bhi ye adhure he hai .. kuch to daal mein kaala hai .. abhi bhi aapne sab kuch khol kar nahi dikhaya .. shayad asli jhatka agle update mein dene wale ho .. abhi to sirf jo edge thi usko cool down kar diya hai .. jis-se sab readers ki besabri shaant ho jaaye ...
aur dusri baat .. Avdhesh mishra ne apne aadmiyo ko gypsy mein bheja tha kuch samjha kar .. wo log kiske paas gaye .. ye nahi dikhaya .. khel to bada khela gaya hai .. aur baazi abhi adhuri hai .. ye 3 log to sirf dhyaan bhatkaane waale mohr-re the .. asli khel to abhi khela jaana baaki hai ...
Umed singh ne bhi saari baat Shankar ji ko nahi batayi .. aur kyon wo ekdum se yaha se nikal gaye .. aisi kya jaldi thi .. aur kaha ke liye thi ...
waha aaj to Ritu bhi poore form mein thi .. ye bhi aaj apne baap ki boli bol gayi .. shayad apne bhai par kuch jyaada he gumaan hai .. aur bhai bhi aisa ki ghusse mein apna aapa kho kar bekhayali mein sabke saamne "meri Ritu - meri Ritu" chillane lag jaata hai .. tez dimaag waale logo ka iss par dhyaan to jaayega he .. time aane par faayda bhi uthayenge ...
haweli ke bahar gaadi se utarte hue Arjun ne Madhulata ji se jo baat boli aur jis dhang se boli .. wo hu-b-hu Arjun Singh urf Ajju ke lehje mein kahi .. isko dekhte hue bahut si atkale lagayi jaa sakti hai .. magar mere heesab se ye jyaada badi baat nahi hai .. kyonki mere liye bhi kayi baar meri maa ya Rishtedaar bol dete hai ki .. mera shabd aur lehja kayi baar kisi se match kar jaata hai .. jo ki amuman sabhi ke saath hota hai .. jinki likewise personality hoti hai .. unke baat karne ka dhang aur shabdo ka chayan bhi ek sa, ya milta julta hota hai ...
Aur Arjun ko Madhulata ke Vishay mein muzhe nahi lagta sab kuch ya jyaada kuch pata hai .. wo sirf isliye itna bol gaya kyonki ek to uske haath mein apne pita ki khufiya file mein Munni ji ki jaankaari haasil hui thi aur dusra Arjun sharma ki daadi Kaushalya ji Madhulata ko pasand bhi nahi karti .. jaisa ki wo keh bhi chuki hai .. shayad uski ke aadhaar par Arjun ne wo sab baat kahi 'Sutrrdhaar' waali .. aur kahi na kahi Rekha ji ko Shankar ji se poori attention nahi milti jiska kaaran Munni devi hai .. Shayad isi liye Arjun ne ghusse mein wo baat kahi ...
rahi baat Madhulata ji ki .. to unka har uss baat par dhyaan jaana laazmi hai .. jo Arjun Singh urf Ajju se mel khaati ho ...
Poorn-Viraam
