Update 155
Kathputli
Lagbhag 2 ghante tak gehri neend lene ke baad Preeti ki aankh khuli toh sharir me meethe dard ke sath chehre par wahi gulabi rang ubhar aaya jo aksar suhagraat ko yaad karke nayi byahta ke chehre par agli subah dikhta hai. Bister ko chhod kar poora kamra ekdum saaf suthra tha. Sirhane rakha wo box najro ke pas dekh kar Preeti ne thoda sharir hilaya toh wahi meetha dard seene tak aa gaya.
'Uff.. ye Arjun bhi na.. sachmuch alag si aag laga di hai har taraf.' Sharir seene tak chaadar me dhaka tha aur thoda sarakne se wo ardhgolakar gore stann nipple tak nirvastra ho gaye jis par Preeti ne koyi dhyaan na diya. Packet ko kholte he usme ye kaale rang ki khoobsurat dress thi, bina baah ki aur ghutne se 2-3 inch niche lambai tak.
'Lunch date', Andar rakhe kagaj par yahi likha tha aur uske baad 34-C ki jaalidar bra. Koyi panty us packet me na dekh Preeti thoda hairaan hui lekin jaise taise karke wo bister se niche utari toh yoni me wo bhyankar dard na hua jo sone se pehle mehsoos kiya tha jab Arjun ne usko farsh par khada karte hue atche se saaf kiya tha.
'Toh idiot ne painkiller khila di anti-pregnancy bata kar.', Wo muskurati hui dhimi chaal se apni maa ke bathroom me aayi toh yaha bhi sabkuch saaf suthra tha. Na bathtub me koyi phool-wine ke nishaan, na wo candles aur uski geeli dress. Saaf toliya jarur ek taraf tanga tha jo khaas Preeti ke liye he Arjun ne kal liya tha market se. Aaine me khud ka chehra dekh wo kuch pal ke liye kho si gayi thi.
Ek baar me he Arjun se milan karke chehre par alag he chamak aa chuki thi aur wo kaajal ki kaalikh jaise kaale badra poonam ke chaand par. Nichla honth thoda phool chuka tha aur seene par bhi halke laal nishaan har taraf the dono chucho ke.
'Idiot. Pata nahi kya nikalne lage the inse jabki pata hai touch karte he baby naho ho jayega.', Apni baat par khud he hansti hui wo fuhaare ke niche khadi ho gayi. Aaj ye paani bhi pyaar ki thandak se bhara mehsoos hua Preeti ko. Sharir se bacha khucha dard bhi hawa ho gaya aur jaha jaha Arjun ni pyaar ke nishaan banaye the, thande paani ka ehsaas waha kuch alag he jaadu dikhane laga. Yoni par ye tej sihran aisi thi jaise Arjun ne fir se waha honth tika diye ho.
'Shhhh.. aaj kya ho raha hai mere sath? By God ye feeling sachmuch jaan he le kar rahegi. Thik kehti thi Ritu didi, pyaar ke baad jab paani bhi lagega toh yahi mehsoos hoga Arjun paani bann kar tadpa raha ho jaise.', 10 minute baad he Preeti halke hatho se sharir paunchti apni maa ke kamre me lage bade darpan ke saamne stool par baithi thi. Bra mulayam hone ke bawjood stanno ko uttejit kar rahi thi lekin Preeti ne jaise taise dryer ki madad se apne baal sukhaye aur wo kaali dress pehan ne ke baad bister ki chaadar samet kar uphaar wale box me pack kar ke ek taraf rakh di. Agle 10 minute me ye poora kamra waisa he ho chuka tha jaisa Romela ne jaane se pehle chhoda tha.
'Kamre me he panty pehanti hu chal kar. Aur dekhu toh ye janaab kaha gayab hue hai aur kabse?', Preeti jaise he packet liye kamre se bahar nikli Arjun rasoi se ek tray liye uske saamne aa khada hua.
"Wow. Pehle se bhi kahi jyada he sundar lag rahi hai meri maano (billi). Ummmm.. I love you.", Arjun ne ek taraf se kamar me baah daalte hue Preeti ki tareef karne ke sath he uske hontho par chota sa chumban ankit karte hue kaha toh Preeti bhi thoda kass ke lipat gayi.
"I love you too jaan. Waise sachmuch kuch alag he hua hai par pata nahi kaise. Ye juice kis liye?", Arjun ko tray table par rakhte dekh Preeti ne sath chipke hue he poocha.
"Mujhe pata hai tumhe iski abhi bahot jarurat hai. Aur juice peene ke baad tum ye tablet le lena main ghar se kapde badal kar thodi der me wapis aata hu. Ho sake toh niche panty matt pehan na kyonki problem hogi. Koyi araamdayk sleepars pehan lo, phir hum lunch par bahar chal rahe hai.", Arjun ne maathe par chumban karne ke baad alag hote hue wo goli aur juice Preeti ke hath me pakdaya aur uske hath se chaadar wala packet le liya.
"Tum bahar gaye the?", Preeti ne sirf itna he poocha
"Haan. Jana toh tha he kyonki bahot kuch saaf karna tha aur gaadi par lagwaye flowers bhi hatwane the. Ye medicine leni bhi jaruri thi Preeti aur nischint raho, baaki sab bhi clean kar diya hai. Aunty ke camera wala samaan D drive me our folder ke naam se safely cut-paste kar diya. Ab tum tayaar ho jao main bhi 10 minute me aata hu.", Arjun is waqt Preeti ko bilkul pareshan nahi karna chahta tha. Camera wali baat sunn kar Preeti ke gaal fir se laal hote dekh wo turant bahar nikal gaya.
'Buddhu kahi ke. Hamari tasvir bhi na lu kya first time ki? Aur panty ke bina lunch pe le ja rahe ho, waah..', Preeti ne turant wo goli nigli aur chhote chhote ghoont juice ke leti hui apne kamre me chali aayi. Almari khol kar pehle maathe par ek chhoti si safed bindi lagane ke baad aankhon me kaajal lagati wo aaj khud ki khoobsurati ko he nihaar rahi thi. Dono kaano me Arjun ke dilwaye boonde pehan kar Preeti ne aaine ko chooma aur nichli daraaj se wo pattiyon wali kaali sandil pehan kar upar se niche tak khud ko dekhne lagi.
'Abhi bhi kuch toh kami hai. Ye dress itni bhi chhoti nahi hai ke panty dikhe.. ummm.. bangles (chuddiyan)..', kalaai se wo laal chuddiyan Arjun ne khud he nikaal di thi sansarg ke baad. Kuch soch kar Preeti ne wo chaandi rang ki khaas chuddiyan nikaal kar 6-6 dono kalaai me pehni aur gale wala locket dress se bahar nikaal liya. Aaj wo kisi bhi aadhunik khoobsurat yuvti ko paani bharne par majboor kar rahi thi is ek sadharaan si poshaak aur na barabar make-up ke sath.
"Madam, 20 minute ho gaye hai aapko. Maan liya aaj sabki najre meri jaan par he rehne wali hai par aisa julm bhi na karo ki kamra band karne par majboor ho jau.", Arjun ne peeche se Preeti ko baahon ke ghere me lete hue gardan par honth rakh diye. Ek neeli jeans aur safed kameej me wo hamesha ki tarah utna he aakarshak lag raha tha jitna Preeti ki maujdgi me dikhta tha. In dono ka he kuch alag sa connection thik Ritu-Arjun ki tarah.
"Pata nahi jaan aaj toh khudse se rashk hone laga hai. Kya ye sirf ek baar ke milan se hua hai ya kuch aur baat hai?", Preeti dono ka aks aaine me dekhti hui boli. Usko alag he sukh mil raha tha is tarah khudko Arjun ki baahon me dekh kar.
"Ab tum parde se bahar ho Preeti. Yaha tumhe apni khoobsurti ko chhipa kar rakhne ki ab koyi jarurat nahi. Ab mann se ye khayaal hamesha ke liye nikaal do ki tumhe hindustani rangat ya waisa he dikhna hai. Chalo aaj tumhe ek khaas jagah lunch karwata hu.", Arjun ne peeche se uske baal ek taraf karte hue gaal par chumban kiya aur bahar table se ghar ki chaabi utha kar car ki taraf badh chala. Preeti is suhane mausam se jaha khush thi wahi ab usko is baat se alag darr lag raha tha ki gali me kisi ne usko is dress me Arjun ke sath bahar jaate dekha toh kya hoga.
"Chali aao madam. Jo soch rahi ho us se humko farak nahi padna chahiye. Tum meri ho aur poori family ki bhi.", Arjun apni kaali Lancer ka darwaja khol kar bina kisi ki parwah karta Preeti ko baithne ke liye bola toh ek baar Preeti ki najar saamne ek ghar chhod kar bahar safaai karti Saroj bhabhi par padi jo ungli aur anguthe ke ishare se usko bata rahi thi ki wo kitni gajab dikh rahi hai.
"Tumhe darr nahi lag raha Arjun? Saroj bhabhi bhi maje le rahi hai dekho.", Preeti hichkichate hue agli seat par baithi toh dusri taraf se apni seat par jata Arjun Saroj bhabhi ko hath hila kar 'bye' karta dikha.
"Bhabhi hai wo hamari aur sabse badi baat hai ke tum aaj aisa isliye soch rahi ho kyonki ab humare beech rishta poori tarah bann chuka hai. Tumhe dhyaan hai na main kaise tumhe nikkar tshirt me chhote daadu aur aunty ke saamne he motorcycle par mausi ko chhodne le gaya tha.? Yaha sabko pata hai hum kaun hai toh itna sochna band karo.", Arjun ki baat ko samajhte he Preeti ekaek sehaj ho kar muskura uthi.
"Sach keh rahe ho. Main jo feel kar rahi thi wo inhe toh nahi pata na. Chalo ab befikar ho kar jaha chalna hai chalo. Lekin jaldi he wapis aana hoga hume sabke lautne se pehle.", Preeti ne apna kaale rang ka handbag pichli seat par rakhte hue Arjun ke gear badalte hath par apna hath rakhte hue kaha.
"Sabke aane ke baad he wapis aayenge darling. Chaabi do idhar.", Arjun car ko aage badhate hue Saroj bhabhi ke kareeb rok kar shisha niche karte hue kehne laga.
"Bhabhi, ye Preeti ke ghar ki chaabi hai. Hum market ja rahe hai toh jab gharwale wapis aaye toh hamari chaabi ke sath ye bhi unhe de dijiyega.", Arjun aaj Saroj bhabhi ke sath unmukt tarike se baat kar raha tha aur wo bhi muskurati hui kareeb aa kar geele hath se Arjun ka gaal sehlati hui boli.
"Araam se aana devar ji. Devrani pehli baar toh jaati dekh rahi hu tumhare sath. Preeti, jeb khaali karwaye bina wapis matt aana mere devar ki.", Preeti honth dabati hui buri tarah jhemp gayi thi unki baat sunn kar.
"Kaho toh aapko he le chalu bhabhi ji.", Arjun ne jaise ye kaha Saroj turant chaabi le kar peeche hatt gayi.
"Holi dur hai devar ji, itne bhabhi hath nahi aane wali. Atcha enjoy karna aur main bata dungi tumhare ghar, dono market gaye hai.", Bhabhi ke baat badalne ki wajah ghar ke andar ka darwaja khulne ki awaaj thi. Arjun bhi thank you bol kar apni manzil ki taraf badh chala. Poori tarah se band car ke bheetar is waqt ye gaana baj raha tha,
'Is jahaan ki nahi hai tumahari aankhen..
Is jahaan ki nahi hai tumahari aankhen..
Aasmaan se ye kisne utaari aankhen..
2 jahaan de ke le lu toh sasti hain ye..
2 jahaan se bhi pyaari tumhaari aankhen..
Aasmaan se ye kisne utaari aankhen..
.
.
Behad he aalishan se mehal sarikhe is bade ghar ke is utne he shaahi kamre me ye khoobsurat yuvti naram bister par baith kar laptop me khoyi thi. Darwaje par dastak hote he jo bhi bahar toh usko andar aane ki anumati dene ke sath sath bister ki bagal me lage switch ko daba kar kamra roshan kar diya.
Ye Shabnam Mirza ka neeji kaksh tha aur wo jabse India se wapis apne ghar lauti thi, jyadatar is kamre me ya is mehalnuma ghar se bahar aage khoobsurat upvan me he samay bitane lagi thi. Ghanto wo ghane vriksho ke samipya me nadi kinaare vichran karti thi ya apne pita ke maujud hone par unke aaspas rehti. Mirza sahab bhi apni beti ke sath samay bita kar atcha mehsoos karne lage the aur har shaam wo bhojan Shabnam ke sath he karte.
Hamesha apni maa ke saaye tale rehne wali Shabnam ko ab apne ateet se he ghutan hone lagi thi lekin Arjun dwara diya ye naya jiwan wo vyarth na karte hue ab poori koshish karti thi apne aaspas ke mahol ko sakratmak rakhne ki. Itne saal apne sautele pita ke sameep rehne ke bawjood usne kabhi unhe waqt ya beti wala prem na diya tha. Lekin ghar me ye nayi Shabnam poore Mirza khaandan ko bhaa gayi thi. Tej-taraar vyakti jab apno se pyaar bhi karta hai toh wo poora samarpit ho jata hai apne swabhaav ke viprit. Yahi nayi Shabnam ne kiya tha in chand dino.
"Aa jaayen mom. Aapko knock karne ki jarurat kabse hone lagi?", 10 feet unche wo nakkashidar lakdi ke darwaje ke paar khadi ye mahila bhi sondarya ki misaal he thi lekin chehre par khoobsurti jaise bhaav bilkul na the. Reshmi safed kala salwar kameej aur sar pe bhi doranga dupatta karine se liye badi najakat se chalti Bindiya urf Farzana Begam andar chali aayi. Kamre ke farsh par mehanga kaleen apne aap me is ghar ke rasookhiyat bata raha tha. Sunehari shehtir ki bani us aakarshak kursi par baithte hue Bindiya chand lamhe apni beti ko dekhti rahi jo dheeli tshirt aur waise he pajame me apne lambe baalo ka jooda banati hui usme clip laga rahi thi.
"Tum thik toh ho na Shabnam? Ab meri beti ke paas apni maa ke liye itna bhi waqt nahi ki dukh-sukh he batla le? Jabse wapis aayi ho ek baar bhi thik tarah se mujhse baat tak nahi ki. Samaaj ke liye main jo bhi hu Shabnam lekin tum toh mera sabkuch ho.", Bindiya apni baat kehte hue badi aas bhari nigaaho se Shabnam ko dekh rahi thi jiske chehre par khaas bhaav na the.
"Ho gaya aapka mom? Aapne abhi abhi jo kaha hai wo ek baar phir se kahiyen, mere sar par haath rakh kar. Waise uska bhi faayeda nahi kuch, marne ke liye toh chhod he diya tha aapne mujhe. Lekin mujhe apne kiye ka jara bhi dukh nahi hai, maa ke liye kiya tha na sabkuch. Wo alag baat hai ke maa ne kuch nahi kiya apni is najayaz aulaad ke liye.", Shabnam dwara 'najayaz' shabd kehna Bindiya ke dil par hathode ki tarah prahaar kar gaya. Shabnam ke awaaj me kahi koyi dukh ya gussa na tha. Kisi adhyatmik vyakti ki tarah wo shaant thi lekin Bindiya tadap uthi thi. Aankhon me ek pal me he motti motti bunde ubhar aayi aansuon ki.
"Haan main badchalan aurat hu Shabnam, begairat jo apni beti ko bhi atchi parvarish dene ki jagah us daldal me le gayi jahan se wapis aana namumkin tha. Majbur thi, gussa thi aur badle ki bhawna ne mujhse jaane kitne paap karwa diye jiski saja ek janam me toh mil bhi nahi sakti. Lekin maine tumse hamesha dil se pyaar kiya hai aur kabhi tumhare liye 'najayaz' lafz jubaan par nahi aane diya. Mere pehle pyaar ki nishani ko seene se lagaaye aayi thi yaha aur shaadi ki sehmati bhi tumhe pehli beti ke darja dene par hui. Meri majboori kisi ko samajh nahi aa sakti Shabnam lekin main ab apni beti ko hamesha pas rakhna chahti hu. Kya ek mauka de sakti ho apni maa ko?", Bindiya se jawaab dete nahi bann raha tha kyonki ek baat kehne par Shabnam ke 3-4 sawaal karna taye tha.
"Main Arjun nahi hu maa jo apni he maut ke saudagar ko maaf kar du. Aapko pata hai is badle ki bhawna me aapki beti ka charitra vaishya jaisa ho gaya? Waha jinki suraksha me bheja tha un bhediyon ne mere sharir ke sath sath aatma ko nilaam kiya lekin aap khamosh rahi. Tyaag bhi uske liye atcha lagta hai maa jo dev-swaroop ho. Narinder ji ke sath aapne itna kuch kiya tab pyaar kaha tha? Ek pal toh apne tau ji ke neeche aane wali thi us samay aap kaha thi? Chhodiyen ye sab baatein, mere karmo ki jo bhi saja mujhe mili hai wo maine kabool kar li. Ab jiwanbhar na mujhe kisi se badla lena hai aur na kisi se narajgi hai. Aapke saamne hu aur aap hamesha mere liye meri maa he rahengi.", Shabnam ne 2 took bata diya tha ki ab jiwan shaant aur tanaavrahit rakhne ki he mansha hai.
"Main ehsaanmand hu Arjun ki aur Muskaan se bhi maine maafi maang li hai Shabnam. Ab tum jaisa chahti ho waisa he karungi beti lekin bas ek baar apni maa ke sath waisi ho jao jaisi bachpan me thi."
"Haan wo torture de kar mujhe sakht aur emotionless banane wala bachpan bhoolna bahot mushkil kaam hai maa lekin uski yaad ab dard nahi deti. Muskaan masoom hai aur Arjun ke saath ne usko kahi jyada samajhdar bana diya. Main thodi dheeth hu na toh samay lagega mujhe. Waise aap chaah kar bhi khud ko thik nahi kar sakti, khud ka dil rakhne ke liye chahe bol lijiye.", Shabnam ke ye sookshma teer buri tarah aahat kar rahe the uski maa ko.
"Kya matlab hai Shabnam tumhara? Mere dil se pucho isme kitna dard hai aur tumhare liye main sab bhula kar alag zindagi jeene ko bhi tayaar hu. Nahi rakhungi kisi se bhi vaasta. Na ateet se aur na waha maujud kisi insaan se.", Bindiya ki aankhon se behte aansu thuddi se uski goad tak gir rahe the.
"Mat behlao na maa. Jaanti ho Arjun kehta hai ke meri maa toh hamesha bas mohra bhar rahi hai in khooni khel ka. Uske liye toh aap ek nadaan peedit aurat ho jiska upyog kiya gaya lekin kya batati main usko ki meri maa toh sharir ka sauda karne me ek pal vyarth nahi karti agar baat Arjun ke pariwar ko nuksaan pahuchane ki ho. Har wo galat insaan jo aisa kar sakta hai, meri maa apne sath sath apni beti ko bhi uski goad me baitha deti hai. Aaj aap keh rahi ho ki sudhar jaogi lekin har shaniwar aapke kadam phir us jagah pahuchenge jaha ek khaandani aurat ke nahi hone chahiye.", Shabnam ka ishara chhote Mishra ki taraf tha.
"Wo ja chuka hai aur ab mujhe kisi ki parwah nahi hai Shabnam. Meri zindagi ko wo log beech bazar bhi nilaam kar de toh bhi main unka kisi galat kaam me sath nahi dungi. Jaanti hu koyi Ganga mere paap nahi dho sakti lekin main is ghar me apni beti aur pati ke sath baaki zindagi chain se gujarna chahti hu. Siwaye dukh aur dard ke mujhe kuch bhi nahi mila aajtak. Ab agar maut bhi aaye toh apno ke beech he aaye.", Bindiya dono hath joddne he lagi thi ki Shabnam ne furti se apni maa ko aisa karne se rok liya.
"Kam se kam us insaan se toh maafi maang lo maa jisne tumhe ajaad karwaya hai un khoon choosne wale janwaro se.", Shabnam pehle baar thoda narajgi se pesh aayi thi. Bindiya hairat se bheegi aankhon ke sath apni beti ko apalak dekhne lagi. Kaisi ajaadi aur kaunse jaanwar?
"Ajaad karwaya hai?"
"Rajkumari Anamika ki beti utni bhi samajhdar nahi hai jitna aksar shaahi log hote hai. Arjun baat toh ki hai tumne kuch din pehle lekin apna sach us se bhi chhipaya jo tumhare liye apni jaan daav par laga gaya. Kyon nahi Neelima ka pata diya usko? Laajwanti naani ke ishaaro par zindagi bhar naachti rahi ho aap lekin unse ajaad karwane wale ke prati jara bhi hamdardi nahi. Ek 18-19 saal ka yuvak aapki ijjatt ke liye jaane kis kis se ladd raha hai aur usko sirf apni beti wapis bhejne ke liye dhanyawaad kaha?", Apna poora sach toh khud Bindiya ko bhi pata nahi tha.
"Tumhari naani ka naam Damyanti hai Shabnam aur maan liya ke Laajwanti mausi ke pas kuch aisa hai jis se wo meri maa ki ijjatt kharaab kar sakti hai. Meri bhi kuch galtiyon ke saboot mausi aur Lata ke paas hai jis se kabhi kabhi majburi me mujhe unka sath dena pada lekin Pandit ji ke pariwar ne mujhe sirf dukh pahuchaya hai aur kuch nahi. Ye Arjun atcha ladka ho sakta hai aur tumhare evaj me maine uska shukriya bhi kiya lekin baaki sabhi doshi hai. Main tumhare liye unhe bhi maaf karne ko tayaar hu."
"Us pariwaar ki ek eent nahi hila sakti aap aur aapke so called well wishers. Waise najayaz toh aap bhi hai ya phir kisi ke pyaar ki nishani. Chandar ki maut ke baad Arjun ne aapki mausi aur mama ke ghar me sendh laga di, jahan bahot kuch mila tha usko. Karam mama ki maut ke baad wo sab usne unke ghar baaki sabuto ke sath mila kar sahi thikane bhi pahucha diya hai. Ab kisi Mishra, Munni ya Laajo se darne ki jarurat nahi aapko. Haan baap ka naam wo bhi dhoond raha hai aapke. Sahi karne walo ko aap maaf bhi kaise kar sakti hai? Waise Arjun ab aapke asli mama ke peeche laga hua hai, Kumar Saarang ke. Ab naani se puchne ke liye aapke pas bahut se sawaal the maa lekin aapki galti se wo bhi Saarang ke pas hai.", Shabnam ne jo itna bada visphot kiya tha Bindiya ke dil aur dimaag par, wo safed he padd gayi. Shabnam apni maa ko khamosh dekh kar turant unhe hilani lagi toh jaise Bindiya ki chetna lauti aur wo fafak kar nirantar aansu bahane lagi.
"Meri bachi mujhe kuch samajh he nahi aaya kabhi. Kumar hamesha hamare liye anndata jaise rahe jaisa maa ne bataya tha ke tumhare nana unke khaas vyakti the jinki durghatna me mrityu ho gayi. Sach kehti hu Shabnam ye sab mujhe nahi pata tha siwaye iske ki Neelima meri mausi ki beti thi jinke ghar se hamare koyi tallukk nahi bache the. Arjun ne koshish bhi ki thi mujhse baat karne ki lekin main apni jidd me sahi se baat he na kar saki. Tumhari naani ko wapis lana hoga Shabnam, unhe wapis lana hoga. Kahi is baar unki jaan ke badle hume phir se kuch galat na karna padd jaaye.", Fafak fafak kar roti hui Bindiya ko Shabnam apne sath chipkaye khadi rahi. Is samasya ka samadhaan toh uske paas bhi na tha.
"Wo apne bhai ke pas hai maa aur Saarang unhe toh kuch hone nahi dega. Main itna toh jaanti hu ki kahi na kahi Arjun ne aapko aur naani ko Laajwanti ke hatho ajaad karwa kar aapke mama par ehsaan he kiya hai. Lekin Arjun ka takraav Kumar Saarang se sunishchit hai der saver. Aapko ye fainsla karna hoga ki is baar aap kiska sath dengi. Us insaan ka jisne kaabil hone ke bawjood naani aur aapko andher zindagi di aur wo chuninda logo ke saamne majboor ho gaya ya phir uski jo kehne ko aapka kuch nahi lekin mera aur uska khoon ka atoot rishta hai. Ab aap kathputli nahi ho maa, jo dhaago se bandhi hai. Aap ajaad hai aur dekha jaaye toh hamara ye pariwar Rameshwar dada ji ke pariwar ke sath mil kar sabkuch sahi kar sakta hai. Fainsla aapke hath me hai maa lekin main Arjun ke sath hu aakhiri saans tak.", Shabnam ne kuch he samay me apni maa ke dil se kaalikh ko kurach diya tha aur Bindiya ke antarman me bhi Arjun ka naam is kadar baithaya tha ki ab wo chaah kar bhi Pandit ji ke pariwar se nafrat nahi kar sakti thi.
"Main apni beti ke pas kuch pal sukoon se so sakti hu Shabnam? Mera dil ghabra raha hai beti aur ab meri jara bhi himmat na hogi tere papa aur bhai ka saamna karne ki.", Bindiya dwara tere papa ka matlab saaf saaf Narinder ji se tha aur jisko wo bhai bata rahi thi usne toh unki beti ke dil me kuch alag he chahate bhar di thi jiska kisi aur ko bhaan na tha.
"Aap yahi araam karo maa aur main khud aapki baat karwaungi Arjun se. Wo bhi bahot kuch bata sakta hai aapko aapke baare me. Shayad mera wo sab jaankari dena sahi na hoga.", Bindiya ko apne naram bister par sath laga kar sulate hue Shabnam unki peeth bhi sehla rahi thi. Ye aansu abhi kuch pal aur bhi behne the aur Shabnam inhe rokna bhi nahi chahti thi. Uski maa ab kisi ki Kathputli nahi thi.
.
.
Sabse milne-julne ke baad aur sabhi kaam nibta kar jabtak Pandit ji faarig hue toh dopehar ke 2 baj chuke the yaha mandir me. Bade bujurgo ne toh vyastata ke sath kuch ghadi araam bhi kiya tha lekin Shanakr ityaadi ko chain lene nahi diya gaya tha. Abhi wo sab shehar ki bastiyon me bhojan aadi baant kar mandir ke praangan me baithe he the ki Kaushalya ji ki awaaj suni.
"Beta, ghar chal ke araam kar liyo. Arjun bhi akela hai aur phir Preeti kya he khana pakayegi uske liye.", Kaushalya ji ki fikar dekh kar Umed toh farsh par leit he gaya.
"Chachi, uske pas car hai, paise hai aur phir agle ki hone wali biwi hai Preeti. Hotel votel me khana khaayene dono aur aap humko kamar seedhi toh karne do. Uski fikar hai jiske pas sabkuch maujud hai lekin apne bete ki ni jo savere 3 baje se abhi tak chain se 2 ghadi saans na le saka. Unhe he dekh lo kis tarah hans khel rahi hai.", Umed ne ladkiyon ki taraf apni chaachi ka dhyaan karwaya jo camera ke saamne alag alag tarah se tasvire nikalwa rahi thi ek dusri ke sath. Ek najar Shankar ne bhi dekha aur fir mooh par rumaal rakh kar wo bhi apni chachi ki goad me sar rakhte hue wahi pasar gaya.
"Dhela ho gaya hai inka Purnima. Ye jo bol rahe na chain se saans lene ki baat, bahar bhi tafri maarte rahe aur idhar bhi. Gaadi chalane ke naam par dekh kaise kenchuye ki tarah bikhar ke farsh par. Apne aap he dekhe inke baap-chacha. Ab teri goad se ye toh uthne se raha.", Purnima ji aadatan muskurati hui Shankar ka sar thapakne lagi.
"Karne de inhe bhi kamar seedhi Kaushalya. Kaam toh kiya hai hai inhone aur phir aadhi adhuri neend ke bawjood ek baar bhi jawaab na diya. Waise tu khamkhwah he chinta karti hai Arjun ki. Wo samajhdar hai aur dhyaan rakhna atche se jaanta hai. Baaki sab toh chale he gaye hai, jab tak ye bache hans khel rahe hai itne inhe bhi araam karne de.", Purnima ji ki baat sunn kar khambe ke sath peeth tikaye araam karta Narinder apni maa ki taraf dekh muskurane laga jaise unhe chidha raha ho.
"Hans le kapoot tu bhi hansle apni chachi ki sharan me. Ye saare balungde na Purnima tujhe dekh ke he ye manmaani karte hai.", Abhi Kaushalya ji kuch aur bolti us se pehle he Ritu waha aa khadi hui.
"Daadi ji aap dono chalo hamare sath abhi ke abhi.", Ritu ne apni daadi ka hath pakad kar unhe uthate hue kaha aur sath he Vinni aur Aaisha bhi Purnima jo ko khinchne lagi. Shankar ji is awaaj ko sunn kar he ek taraf pasar gaye apni chaachi ko mukt karte hue.
"Arre bata toh de doctorni kaha le ja rahi hai? Budhape me haath na hila diyo jodd se mera.", Kaushalya ji ye sab upari taur se keh rahi thi aur hanste hue apni laadli ke sath us taraf he chal padi jaha Ritu unhe le ja rahi thi. Yaha 2 kursiyaan thik mandir ke saamne ghane vriksho ke beech rakhi thi.
"Aap dono yaha baithiyen aur aapke peeche hum sabhi khade honge. Bhaiya, is photo me mandir bhi poori tarah se aana chahiye.", Ab kahi Kaushalya ji ko samajh aaya ke ye sabhi kya kar rahe hai. In sabhi bachon ke sath unki ek bhi tasvir na thi jisme sabhi shamil ho. Sanjiv ne bhi sabhi ko ek kram me pichhe khada karne ke baad kuch duri se 3-4 tasvire utaari. Yaha jald he mahol poori tarah se badal gaya tha.
"Dada ji aap aur chhote dada ji bhi baithiye idhar ab.", Alka ne ab Rameshwar ji ko bhi is tasvir ke khel me shamil kar liya. Dono bujurg dost-bhai in bacho ke sannidhya me muskurate hue tasvir khinchwane lage. Drishya kuch jyada he badal gaya jab Narinder ji ne sabhi ko hata kar apne papa aur chacha ke sath khudki tasvir khinchwai, dono kursiyo ke beech hatthi par baith kar.
"Aao ab tum bhi aa jao Shankar-Umed.", Col sahab ne in dono ko bhi bula liya tha aur is baar Sanjiv bhaiya ko Ritu ne in sabke saamne baithne ka keh kar ye tasvir khinchi. Sirf yahi pariwar upasthith tha aur aage tab tak ye daur chalta raha jabtak reel khatam he na ho gayi. Sabse badi tasvir khud Ritu ne khinchi thi jisme Pandit ji ka sampoorn sansaar tha, siwaye Preeti-Arjun aur tasvir khinchne wali Ritu ke.
"Chalo bhai ab chalte hai ghar wapis, jaane me 2 ghante toh lagenge he.", Rameshwar ji ne jaise he chalne ka aadesh diya ab kisi ne bhi inkaar na kiya. Is gharelu samaroh se sabhi khush ho chuke the bas Komal ke chehere par aaj kuch gehri soch thi jisko Krishna ji ne turant pakad liya.
"Komal, kya hua beti tu gumsum kyu ho gayi ekdum se?", Ye baat Rekha ji aur Lalita ji ne bhi suni toh wo bhi Komal ki taraf dekhne lagi.
"Iska laadla bhai nahi tha na us badi tasvir me toh bhavuk ho gayi lagta hai.", Shalini bua se is jawaab ki ummeed waha kisi ko bhi na thi lekin Komal ke chehre ke par muskaan ke sath sath 2 aansu bhi aa gaye. Krishna ji ne apni bhatiji ko apne seene se lagate hue laad kiya toh Komal ne turant chehra saaf kar liya.
"Sahi kaha Shalini tumne. Komal ke liye Arjun he sabkuch hai aur jahan aise poora pariwar sath ho lekin jaan se pyara bhai he baaki rahe toh kami toh mehsoos hoti he hai. Koyi baat nahi beta, Shaadi se pehle aur shaadi wale din bade camera se itni tasvire utarwaungi na poore pariwar ki tum ye wali baat kabhi yaad he nahi karogi. Mujhe bhi kami lagti hai mere bete ki lekin tu dil chhota na kar itni si baat par.", Krishna ji ne is baar Komal ko apne sath he seat par baithaya tha aur Shalini bua ko bhi bhai-behno ki ye chahat dekh dil me wahi dard sa utha lekin wo turant he sambhal gayi.
"Arjun ko yaha maujud sabhi log yaad kar rahe hai bhabhi aur abhi toh ghar se dur hume aadha din bhi nahi hua.", Shalini apni bhai ki car me baithne ki jagah Krishna ji ki bagal me he aa baithi. Narinder ji ki bagal me Renuka thi ab. Sara system badal chuka tha jaise jisko jaha seat dikhi wo us car me baith gaya.
"Yaad usko kiya jata hai Shalini jo dur ho. Arjun yaha na ho kar bhi sabke sath hai aur rahi baat aadha din ki toh yaha jitne bhi hai unka wo aadha din kam se kam ek pal Arjun ke sath hota hai. Wo bhi shamil ho jata jor dene par lekin aisa karna bhi kisi ko pasand nahi. Waise tum mili ho atche se Arjun se abhi tak?", Krishna ji ke is sawaal par Shalini ko ye gujri raat yaad aa gayi. Ab wo kya kehti ki kitne barso baad uske dil ko bhi sukoon Arjun ki baahon me mila tha.
"Haan thodi bahot baat toh hui hai meri Arjun se kal. Aaj bhi idhar wale ghar he rukna hai toh thoda samay aur milungi. Atcha ladka hai bhabhi aur aapki baat bhi sahi hai. Jo sath he hai usko kya bhulana aur kya yaad karna. Waise Komal ka toh shayad sabse jyada he gehra lagaav hai apne chhote bhai se.", Is baat par Komal muskurati hui khidki se bahar dekhne lagi.
"Sara din toh liye phirti thi ye apne Aaru ko. Jab Ritu thodi samajhdar hui toh wo Arjun ke sath aur ye un dono ke. Kitne baras tak toh ye usko goad me bitha kar khud he khana khilati rahi. Bachpan me uski shaitaniyon ke peeche anginat baar daant khaayi lekin kabhi apne Aaru par baat na aane di. Pyaar toh Arjun ko sabne he kiya hai Shalini lekin meri is pari ki jaan us Aaru naam ke tote me basi hai.", Krishna ji itna kuch keh rahi thi toh Narinder ji kaha chup rehte. Car apni raftaar se highway par daudne lagi thi.
"Haan sirf Komal ki he jaan hai wo Shalini. Teri bhabhi ne toh khamkhwah he 18 saal uske janamdin par vrat rakhe hai. Jab bhi yaha aati thi ek din us se alag na soyi ye kabhi. Aur toh aur jab shehjada mamuli si baat par hospital bharti hua toh itni der tansue (aansu) bahaye jitne usko chutti na mil gayi. Baat karti hai Komal ki jaan Arjun me basne ki. Wo shaitaan bhi ab meri lugaai pe kabja jamaye baitha hai, maa maa ki ratt laga kar.", Ye sab Narinder ji masti me keh rahe the aur baaki sabke chehre par bas muskurahat thi.
"Waise ek Renuka he hai jiske sath Arjun ka itna vyavahaar nahi hai.", Krishna ji ne ye baat toh is maksad se kahi thi ki Renuka bhi kuch bole lekin jo Renuka ne ekdum se jawaab diya uski ummeed Komal ne bhi na ki thi.
"Arjun ka vyavhaar mere sath bhabhi? Mujhe nayi zindagi dene wala Arjun mere liye kya maayne rakhta hai iska jawaab main chaah kar bhi nahi de sakti. Jitni parwah Arjun ne meri ki hai aur karta hai wo bol kar main uska apmaan nahi kar sakti.", Kehne ko toh Renuka ye sab keh gayi lekin phir turant he seham gayi jab bagal me apne bade bhai ko hairaani se apni taraf dekhte paya. Komal ne kuch soch kar turant he baat sambhal li.
"Bua ke sath bahot bura ho sakta tha chachi lekin Arjun ne inki ijjatt aur zindagi bachate hue 2 bade criminals ko marne ki haalat me hospital pahucha diya. Thoda wo bhi jakhmi hua tha us waqt aur ek baar bua ke ex husband ke jija ne inke sath waisi he harkat dohrani chaahi thi jab ye sasural ki rishteydari me shaadi me gayi thi. Waha bhi Arjun sahi samay par pahuch gaya tha. Abhimanyu naam tha na bua us aadmi ka?", Komal ne jaise he ye raaj khola toh Narinder ji ka seena chauda ho gaya apne bhatije ki mardaangi par.
"Farz hai uska aur chot-vot lagti rehti hai is sab me. Renuka, tumhe ye Abhimanyu wali baat papa ko batani chahiye thi. Khair atcha laga ye jaankar ki wo sthithi sambhaal sakta hai.", Narinder ji apne jajbaat khulkar jaahir na karte hue ab is Abhimanyu ke baare me sochne lage the. Unki behan ki ijjatt par hath rakhne wale ko Arjun dwara di gayi saja se santosh nahi mila tha.
"Inder bhaiya, bhool jaaiye na. Wo ab hamare jiwan me dur dur tak nahi hain.", Renuka atche se samjhti thi Shankar aur Narinder ko. Inki ye khamoshi bahot kuch bata deti thi jo inke kareeb hota tha. Narinder ji muskura uthe kyonki mahol sachmuch thoda gambhir ho gaya tha.
"Waise suna toh maine ye bhi hai ke Arjun ne aathvi kaksha me he Umed bhaisahab ko patakhni de di thi.", Krishna ji ne masti me ye naya khulasa kiya toh unke pati hansne lage lekin Shalini hairani se dekh rahi thi. Renuka aankhon se Komal ko dhanyawaad deti wapis is baat ki charcha sunn ne lagi.
"Sachmuch aisa hua tha kya Inder bhaiya? Ye toh pata hai ki Arjun ke dharam-pita hai Umed bhai lekin ye akhaade wali baat nahi pata."
"Guddi bhabhi ke bete ke baare me nahi suna kya tumne Shalini?", Narinder ji ne is vyakti ka jikar kiya toh Shalini ke chehre par ghrina ke bhaav aa gaye.
"Wo sarfira rakshash? Kamina sirf isliye hamare gaanv me tika hai kyonki wo taai ka pauta hai. Pata nahi kyu Chandro taai ke ghar me koyi na koyi aisa badmaash hamesha raha hai."
"Wo bister par pada hai Shalini dedh mahine se aur doctor ka kehna hai ke 6 mahine se pehle toh wo thik hone se raha. Sirf yahi Sudarshan ke jaise he uske 4 badmash saathi bhi waisi he haalat me hai aur is sabke karta-dharta hamare chhote sahabjaade Arjun ji hai. Gajju ek Sudarshan ko phir bhi sambhal le aur shayad main bhi lekin waise he 5 daanav akele koyi nahi sambhal sakta. Arjun ne phir bhi hosh nahi khoya kyonki wo apni hadd pehchanta hai. Ye bhi chhodo, ek baar ko toh Sheela kaaki wala wo saand Bheem he dekh lo. Uska gawaah toh khud Gajju hai jab uske paanv me thode time pehle goli lagi thi. Tab apne chacha ke chakkar me Arjun ne he us saand ko utha kar aisa patka tha ki sharir ki ek bhi haddi sabut na bachi. Haan baad me Gaaju ne uske sar me goli maar kar tadapne nahi diya Bheem ko.", Narinder ji ke aise bakhaan sunn kar Shalini ne apne mooh par hath rakh liya.
"Baap-chacha apna waqt bhool gaye. Jawaani toh aap logo ki thi jaha sab be-lagaam se the.", Krishna ji ne jyada sawaal jawaab karne ka mauka he na diya kisi ko.
"Hahaha. Kya yar Krishna tum bhi. Hum manmauji the aur ladaai jhagde me kabhi pade he nahi. Haan Shalini chudail thi Madhu ke jaisi, iske nakhoon hum sabhi ke hatho par aaj tak chhape honge.", Wo baatein aur din yaad karke Shalini ke chehre par hansi aa gayi.
"Bahot jyada he masti karte the aap log. Krishna bhabhi ciggratte ki baat chhupane ke liye Inder aur Umed bhaiya har baar chaat ya chuddiyon ke vaade karte the. Kitni he baar mujhse he chicken banwaya inhone nohre me lekin kaam hote he aise behave karte the jaise main bas kaamwali bhar hu. Khair maar toh bahot khaayi hai inhone mujhse aur Madhu se. Shankar bhaiya he bas hathe nahi chadhte the.", Shalini ekaek fir se bhavuk ho gayi thi wo sab yaad karte hue. Ajju bhi toh tha us yaadon ki kitaab me, uska sabse pyara bhai jo hamesha is behan ko palko par rakhta tha. Krishna ji bhi samajh gayi thi.
"Jis baat ko humne is car me baithte waqt kaha tha shayad tum itni jaldi wo bhool gayi Shalini. Jo dil me hai usko na yaad kiya jaata hai na bhulaya.", Krishna ji ne keh toh diya lekin car chalate Narinder ji ki aankhon ki nami bhi Shalini se chhup na saki thi.
"Pucho na bhai se phir aap. Inki ganga-jamuna ki wajah kya hai?", Shalini toh turant apni aankhen saaf kar li kyonki ab wo un yaadon se aahat nahi hona chahti thi lekin usko ye bhi ehsaas ho gaya tha ke Arjun ne jo kaha tha wo sach he tha. Ajju ke jaane ka dukh Shalini jitna ya us se jyada he hoga kuch logo ko.
"Aankhon me nami kabhi kabhi muskurate chehre yaad karke bhi aati hai Shalini. Haan main har roj yaad karta hu us samay ko. Kisi ka kuch bigada bhi nahi tha aur apni duniya me hum sab kitne khush the. Jaanti hu aaj bhi waise khushnuma mahol ki wajah wahi naam hai jiski yaad kabhi dil se juda na hui. Lekin ateet me jiwan bhar khade reh kar main vartmaan me na chal sakunga aur na bhavishya ke liye tayaar reh sakunga. Dil me hai aur dil me rahega.", Narinder ji ne bhi chehra sahi kar lia tha ek muskurahat ke sath.
"Waise sach kahu Shalini, aaj wala Arjun kehta hai ke ateet se agar kuch vartmaan me lana ho toh bas wo yaadein sanjoni chahiye jisme phulo si mehak ho. Toote hue murjhaye phulo se kabhi bagicha abaad nahi hota. Kitni he baar toh maine Shankar bhai sahab ko bhi inke sath waha Punjaab me ye aansu bahate dekha hai jab chhatt par dono apni mehfil lagate the. Wo baat alag hai maine ye inhe aaj se pehle bataya nahi.", Krishna ji ki baat sunn kar Narinder ji apne baalo me hath firane lage. Jaise koyi meethi si chori pakdi gayi ho.
"Uske naam ka bhi peg banate the Krishna, wo alag baat hai ke maharaj shikanjvi ka jug peene ke shaukeen the. Ab mehfil lagegi toh 4 log toh baithenge he chahe dikhai 2 de. Chalo ab ye sab chhodo aur ye batao ke Renuka ki hone wali bitiya ka naam kya rakha jaayega?", Aadatan Narinder ji ye bhi nahi dekhte the ki wo behan ke sath he majaak kar rahe hai. Renuka ka chehra surkh ho gaya tha uske garbhvati hone wali baat par.
"Wow. Toh Renuka isliye sabse dur dur aur meri chachi ke pas thi sara samay. Nahi toh Rekha bhabhi ya Krishna bhabhi ke pas. Waise Inder bhai ladka bhi toh ho sakta hai?", Shalini ne bhi Renuka ko gher liya.
"Renuka bua bhi yahi keh rahi thi Shalini bua. Ladka he hoga lekin koyi aur bhi hai jo keh raha tha ladki hogi. Vote 2-2 ho gaye hain is tarah toh.", Komal bhi is masti me shamil hui toh Renuka ne chehre ke saamne rumaal kar liya.
"Bas karo aap sab bhi, meri ye sabse chhoti nanad aisi he sharmili hai. Jo bhi ho kya farak padta hai ladka ladki se. Waise wo dusra kaun tha Komal?", Na na karte hue Krishna ji ne bhi Renuka ko faans he lia tha.
"Kya bhabhi, bas bhi kijiye aap sab. Bhaiya aap bahot gande ho, main baat nahi karti aapse.", Renuka sharmati hui in sabse bachne ke liye gaadi se bahar dekhne lagi. Shishe me ek pal Shalini aur Renuka ki najre takrayi toh swatah Renuka ne apni lambi palke sharam se jhuka li jaise Shalini ke sath kuch judaav ho. Samajh toh Shalini ko bhi nahi aaya bas muskura di. Ye safar aise he chalta raha.
.
.
Abhi 4 bajne waale the aur ek behtareen lunch karne ke baad Arjun Preeti ka hath pakde is udhyaan me ghoom raha tha jaha wo ek baar apni maa Rekha ji ke sath aaya tha. Sirf prakriti aur dur jungle se hisse me kulaanche maarte wo tambai rang ke chhote bade hiran. Reh reh kar Arjun idhar Preeti ko apne aagosh me bhar le raha tha. Kabhi gaal toh kabhi hontho ko choomta hua wo usko liye yaha khamoshi me is ghane vriksh ki chhaya me baith gaya. Preeti uski goad me seene se peeth lagaya saamne jheel aur jeevo ko nihar rahi thi.
"Kabhi chalenge aisi jagah Arjun jaha sirf hum dono aur bas nature ho. Sukoon se taaro ki chhav me khule aasman ke niche, bas hum dono. Pata hai ye jagah bhi kam nahi agar bahar wali taraf wo park ki jagah sirf jungle hota. Thank you so much for this lovely day.. umaahh.", Palat kar is baat khud Preeti ne Arjun ko chooma tha aur Arjun uske ubharo ke nichle hisse dono hath bandhe is ekaant ka poora lutf leta dikha.
"Chalenge jaan bas ek baar college jaane do mujhe. Mera bhi dil hai tumhare sath Jim Corbet ya Nandan-kanan jaane ka. Waha jab bhi vacation hongi toh tumhe le kar 2-3 gayab ho jaunga is duniya se dur. Bheed-bhaad se alag bas hum dono.", Arjun ke bhi ankahe dhero sapne the Preeti ke sath. Aaj ka din uske liye bhi jiwan ke chuninda sunehare palo me se ek tha.
"Waah.. Main bhi aisa he kuch soch rahi thi. Lekin motorcycle par tumhare peeche baith kar anjaan sadak par kabhi pahado me toh kabhi registan ya junglo me. College wala plan mast hai waise. Mere toh 5 saal honge aur tum college aaoge 2 saal baad. Is tarah 3 saal toh common he rahenge hamare. Baaki saturday sunday wala vaada bhi hai tumhara in 2 saalo me. Shayad tumhare college se pehle he hum 10-12 baar toh aisa kar he lenge."
"Mujhe marwane ka iraada hai kya? Hum dono 2 din aise kahi gayab hue na toh thaanedar sahab ne naakebandi karwa deni hai. Jo bhi karenge sahi tarike se karenge. Main yaha se school trip par aur fir tumhe waha se running day le kar trip se alag. Umaah.. Waise risky bhi hoga lekin kar toh lenge he. Tumhare 38 jo karne hai.", Arjun ne is baar ek ubhaar dabane ke sath he dress ke upar se panty-viheen yoni sehlai toh Preeti tadafti hui poori tarah leit he gayi.
"Sshhh.. gande kahi ke. Chalo ab yaha se jaldi. Tumhare iraade na hotel se thik nahi hai. Car me bhi yahi sab kar rahe the. Dekho ab 4 baj chuke hai aur is dress me main toh maa ke saamne jaane wali nahi.", Preeti turatn uth kar ek taraf bhaagne lagi toh Arjun bhi peeche daud gaya.
"Araam se jaan. Chalo chalte hai ghar aur baat sahi hai. Baaki sabko toh ye keh dunga ke lunch ke liye bahar gaye the par aunty ya daadi ne hum dono ko aise dekha toh samajh lo main gaya. Agar wo log aa chuke honge toh main tumhe tumhare ghar ke bahar utaar kar aa jaunga nahi aaye honge toh koyi tension nahi."
"Fattu ho poore ke poore. Ye nahi bol sakte the ki mere sath andar chaloge jis se maa mujhse sawaal he na kare.", Preeti ne mooh banate hue kaha toh Arjun ne phir se hath thaam liya.
"Majaak kar raha tha. Waise bhi aunty ko toh atcha he lagega jab hum dono ko sath dekhengi. Chalo baitho.", Car me baithate hue bhi Arjun shaitani se nahi hata. Preeti ke kulho par chapat lagata wo turant apni taraf aa baitha.
"Baaj aa jao Mr Arjun Sharma. Ye masti majaak bhaari padd jayega agar main apne waali par aayi. Jaante ho na mujhe jyada kuch karna bhi nahi padega fir cheekhte rehna.. oooo preeti ooo preeti karte hue.", Is baar sachmuch Arjun apne bagle jhaankne laga tha Preeti ka gussa dekh kar. Turant gaadi reverse karta wo mukhya-marg par badh liya. Preeti khilkhila kar hans rahi thi Arjun ki halat par.
"Oye mera pyara pyara Aaru gussa ho gaya? Sudharte nahi ho na isliye tumhe aise he samjhana padta hai.. Umaahhh.", Gaal choom kar ek pal me he Preeti ne wapis mana liya Arjun ko.
"Wo bataya tha na tum jab paas hoti ho toh control karna mushkil ho jata hai. Atcha raat ko tumhara kya plan hai?", Arjun jaise he apne sector ki sadak par daakhil hua 3 jaani-pahchani caro se ghir gaya. Preeti ka dhyan nahi tha udhar toh wo waise he bolne lagi.
"Ritu didi aur Alka didi aaj mere kamre me sone wali hai. Shayad Aarti aur Tara bhi aa jaye.", Arjun ke chehre ke udte rang dekh Preeti ko kuch samajh na aaya lekin najar aage chalti tata sierra par padte he uski bhi halat waisi he ho gayi.
"Fass gaye. Aisi kismat likhi hai apni? Kahi aur modd lo Arjun, us gaadi me dono dada ji aur daadji hai."
"nahi ghuma sakta darling. Thaanedar ji ke kaafile ke beech fans chuke hai. Apni taraf dekho jarah Ritu papa ke peeche baithi ishare kar rahi hai.", Preeti itna sunn kar himmat na kar saki kyonki us taraf uske sasur the aur wo muskura rahe the in dono ko dekh kar. Pichli 2 car bhi inke he ghar ki thi.
"Suno, natural he rehna aur yahi sabhi gaadiyan hamare ghar rukne wali hai toh main tumhare ghar ke saamne rukunga."
"Rehne do ab itna matt socho. Sab apne he hain aur inse nahi bhaag sakte. Lunch karne gaye the toh gaye the.", Preeti ne is baar palat kar Ritu ki taraf hath hilaya toh Ritu ne goad ka ishara kia jaise bacha khilane ko keh rahi ho. Arjun toh buri tarah sakpaka gaya ye dekhte he. Preeti ne Shankar ji ka dhyan saamne dekh aankh maar di jaise usko samajh aa gaya ho.
"Rukna matt Arjun aur gali se opposite car ghuma lena. 'H' ko Akanksha ke ghar se le kar chalenge itne sabhi andar ja chuke honge.", Arjun toh hairaan he reh gaya in dono ka taal-mel dekh kar. Ritu ke dimaag ke aage sachmuch sabhi fail the. Gali me jaise he sabhi car ghoomi Arjun indicator deta dusri taraf chal nikla.
"Thank god. Mujhe toh kuch aur he laga tha Ritu ka ishara dekh kar."
"hahaha.. buddhu ho poore", Preeti ki baat sunn kar ab ye nayi samasya aa gayi thi. Akanksha naam ki ye bijli kab takra gayi Preeti ke sath? Gaadi dhimi gati se Akanksha ki gali me aayi toh Arjun asehaj hone laga. Wo Akanksha ki bhi poori parwah karta tha aur is waqt wo apni premika ke sath uske ghar ja raha tha jo us se dilo jaan se pyaar karti thi dosti ka dikhawa karti.
"Jao le aao 'H' ko. Main yahi intjaar karta hu.", Arjun ka aisa jawaab sunn kar Preeti hairat se dekhne lagi.
"Sath chalo tum bhi. Tumhari best friend hai aur aunty toh jitna gunn-gaan tumhara karti hai mujhe toh lagta hai tum dono pakke dost nahi hote toh wo tumhe damaad bana leti. Chalo ab andar chupchap.", Preeti ki baat sunn kar Arjun hichkichata hua uske sath ho liya. Ye sundai kaale libaas me qehar dhaa rahi thi aur jo andar thi wo bhi alag he khunkhaar billi thi aantarik palo me.
"Oh meri bachi. Shukar hai tum aayi toh sahi.", Sushma ji ne abhi sirf Preeti ko he dekha tha aur is ghar me aise paridhan koyi badi baat na thi. Lekin jaise he najar Arjun par padi wo Preeti ko chhod badi garamjoshi se Arjun ke gale ja lagi. Usko apne sath lagaye wo hall me aayi toh Akanksha bhi uchalti si Preeti se gale lag kar mili. Sushma ji ke ek taraf hatne par yahi salook Arjun ke sath hua.
"Bachu ab aaye ho tum hamare ghar. Maa in dono ko aaj dinner ke bina jaane nahi dena.", Preeti toh hans rahi thi lekin Arjun jo pehle se Sushma ji ke thos bade ubharo se gumsum tha ab Akanksha ki harkat se bilkul sunn ho chuka tha.
"Aaj nahi aunty ji lekin jaldi he main Akanksha ke paas raat bhi rukungi. Gharwale bhi abhi bahar se aaye hai aur kuch guests bhi hai toh aaj ke liye sorry. Haan Anshu ko main le jaati hu apne sath.", Arjun ko toh aise drishya ki ummeed he nahi thi. Kaha toh wo is ghar ki aankhon ka tara tha aur yaha sara pyaar Preeti loot rahi thi.
"Haan toh main bore he ho rahi hu aur ye bhi kaunsa aata hai mujhse milne. Shaadi na hui koyi mahabharat ho gayi.", Abhi ye baatein he kar rahe the aur bua sabke liye sharbat le aayi. 'H' bhi kaleen par kood-faand kar raha tha jisko Preeti ne turant lapak liya.
"Arjun, kal time mile toh ek baar aa jana 10 baje ke baad. Tumhare uncle ne kuch discuss karna hai tumse.", Sushma ji ne Arjun ko apne bagal me baithane ki chestha ki toh Akansksha ne maa ko ghoorte hue Arjun ko adhikar se apne sath he bade sofe par baitha liya.
"Kaise nahi aayega ye main bhi dekhu. Aur haan kal toh Purvi didi bhi breakfast par aa rahi hai.", Preeti Akanksha ki dusri taraf aa baithi us pille ko goad me liye.
"Haan toh aa jaunga aunty ji. Waise bhi Purvi didi se parso milna he tha toh kal mil lunga. Tumhe koyi jaruri kaam hai.", Arjun ne Akanksha ko apne sath chipak kar baithte dekh poocha.
"Kal hum lehnga silwane dengi toh 5-6 din toh lagenge he na? Tumne Anshu ko bola tha wednesday jaane ka.", Preeti ke yaad dilane par Arjun ne jhijhakte hue sharbat ka gilas utha liya.
"Haan chalte hai kal. Mujhe waise bhi koyi kaam nahi hai.", Arjun ne apni zindagi me aayi har ladki ke baare me Komal didi ko bataya hua tha lekin Akanksha ka jikar Ritu aur Preeti se wo kabhi na kar saka tha. Aaj mann thoda vyathit hone laga tha uska. Kuch pal sath bitane ke baad ye teeno he log bahar nikal aaye toh Preeti ne Akanksha ke liye khud he pichla darwaja khola. Teeno baith chuke toh Arjun ne car aage badhaai.
"Itni pyaari ladki ka propose tumne reject karne ki himmat kaisi ki Arjun?", Itna sunte he Arjun ki reedh se bhi paseena nikal gaya. Preeti ne wo sawaal kar diya tha jiska dur dur tak wo andaja na laga saka. Car ke andar jaise maut he pasar gai thi.
